Morning Contemplation — The Exposition of Right Conduct

Verse 1 (devibhagavatam.11.24.1)

नारद उवाच । नारायण महाभाग गायत्र्यास्तु समासतः । शान्त्यादिकान्प्रयोगांस्तु वदस्व करुणानिधे ॥

nārada uvāca nārāyaṇa mahābhāga gāyatryāstu samāsataḥ śāntyādikānprayogāṁstu vadasva karuṇānidhe

Narada said: O Narayana, greatly fortunate one, tell me, in brief, O ocean of compassion, the applications of the Gayatri beginning with the rites of pacification.

Verse 2 (devibhagavatam.11.24.2)

श्रीनारायण उवाच । अतिगुह्यमिदं पृष्टं त्वया ब्रह्यतनूद्भव । न कस्यापि च वक्तव्यं दुष्टाय पिशुनाय च ॥

śrīnārāyaṇa uvāca atiguhyamidaṁ pṛṣṭaṁ tvayā brahyatanūdbhava na kasyāpi ca vaktavyaṁ duṣṭāya piśunāya ca

Shri Narayana said: O son sprung from Brahma's own body, this that you have asked is exceedingly secret; it is not to be spoken to anyone wicked or slanderous.

Verse 3 (devibhagavatam.11.24.3)

अथ शान्तिः पयोऽक्ताभिः समिद्भिर्जुहुयाद् द्विजः । शमीसमिद्भिः शाम्यन्ति भूतरोगग्रहादयः ॥

atha śāntiḥ payo'ktābhiḥ samidbhirjuhuyād dvijaḥ śamīsamidbhiḥ śāmyanti bhūtarogagrahādayaḥ

Now, for pacification, the twice-born should offer oblations with fuel-sticks anointed with milk; with fuel-sticks of the shami tree, afflictions of evil spirits, diseases, and planetary influences are pacified.

Verse 4 (devibhagavatam.11.24.4)

आर्द्राभिः क्षीरवृक्षस्य समिद्भिर्जुहुयाद् द्विजः । जुहुयाच्छकलैर्वापि भूतरोगादिशान्तये ॥

ārdrābhiḥ kṣīravṛkṣasya samidbhirjuhuyād dvijaḥ juhuyācchakalairvāpi bhūtarogādiśāntaye

The twice-born should offer oblations with fresh fuel-sticks of a milk-exuding tree; or he may offer with wood-chips for the pacification of evil spirits, disease, and the like.

Verse 5 (devibhagavatam.11.24.5)

जलेन तर्पयेत्सूर्यं पाणिभ्यां शान्तिमाप्नुयात् । जानुदघ्ने जले जप्त्वा सर्वान्दोषाञ्छमं नयेत् ॥

jalena tarpayetsūryaṁ pāṇibhyāṁ śāntimāpnuyāt jānudaghne jale japtvā sarvāndoṣāñchamaṁ nayet

He should offer libation to the sun with water, and with his hands he obtains peace. Reciting while standing in water up to the knees, he brings all faults to peace;

Verse 6 (devibhagavatam.11.24.6)

कण्ठदघ्ने जले जप्त्वा मुच्येत्प्राणान्तिकाद्भयात् । सर्वेभ्यः शान्तिकर्मभ्यो निमज्याप्सु जपः स्मृतः ॥

kaṇṭhadaghne jale japtvā mucyetprāṇāntikādbhayāt sarvebhyaḥ śāntikarmabhyo nimajyāpsu japaḥ smṛtaḥ

reciting while standing in water up to the throat, he is freed from fear even unto death. Of all rites of pacification, recitation while immersed in water is remembered as supreme.

Verse 7 (devibhagavatam.11.24.7)

सौवर्णे राजते वापि पात्रे ताम्रमयेऽपि वा । क्षीरवृक्षमये वापि निर्व्रणे मृण्मयेऽपि वा ॥

sauvarṇe rājate vāpi pātre tāmramaye'pi vā kṣīravṛkṣamaye vāpi nirvraṇe mṛṇmaye'pi vā

In a vessel of gold, or of silver, or even of copper, or made of milk-tree wood, or flawless, or even of clay,

Verse 8 (devibhagavatam.11.24.8)

सहस्रं पञ्चगव्येन हुत्वा सुज्वलितेऽनले । क्षीरवृक्षमयैः काष्ठैः शेषं सम्पादयेच्छनैः ॥

sahasraṁ pañcagavyena hutvā sujvalite'nale kṣīravṛkṣamayaiḥ kāṣṭhaiḥ śeṣaṁ sampādayecchanaiḥ

having offered a thousand oblations with panchagavya into a well-kindled fire, one should gently complete the rest with wood from a milk-exuding tree.

Verse 9 (devibhagavatam.11.24.9)

प्रत्याहुतिं स्पृशञ्जप्त्वा सहस्रं पात्रसंस्थितम् । तेन तं प्रोक्षयेद्देशं कुशैर्मन्त्रमनुस्मरन् ॥

pratyāhutiṁ spṛśañjaptvā sahasraṁ pātrasaṁsthitam tena taṁ prokṣayeddeśaṁ kuśairmantramanusmaran

Touching the vessel at every oblation, having recited a thousand times over the water placed in the vessel, one should sprinkle that place with it, using kusha grass, while continually remembering the mantra.

Verse 10 (devibhagavatam.11.24.10)

बलिं किरंस्ततस्तस्मिन्ध्यायेत्तु परदेवताम् । अभिचारसमुत्पन्ना कृत्या पापं च नश्यति ॥

baliṁ kiraṁstatastasmindhyāyettu paradevatām abhicārasamutpannā kṛtyā pāpaṁ ca naśyati

Then, scattering an offering there, one should meditate on the Supreme Deity; sorcery arising from black magic, and sin, are thereby destroyed.

Verse 11 (devibhagavatam.11.24.11)

देवभूतपिशाचाद्यान् यद्येवं कुरुते वशे । गृहं ग्रामं पुरं राष्ट्रं सर्वं तेभ्यो विमुच्यते ॥

devabhūtapiśācādyān yadyevaṁ kurute vaśe gṛhaṁ grāmaṁ puraṁ rāṣṭraṁ sarvaṁ tebhyo vimucyate

If one thus brings gods, spirits, ghosts, and the like under control, the house, the village, the city, and the kingdom — all become freed from them.

Verse 12 (devibhagavatam.11.24.12)

निखने मुच्यते तेभ्यो लिखने मध्यतोऽपि च । मण्डले शूलमालिख्य पूर्वोक्ते च क्रमेऽपि वा ॥

nikhane mucyate tebhyo likhane madhyato'pi ca maṇḍale śūlamālikhya pūrvokte ca krame'pi vā

By burying the vessel, one is freed from them; and likewise by drawing a diagram in the middle. Having drawn a trident within a mandala, either in the manner previously described, or otherwise,

Verse 13 (devibhagavatam.11.24.13)

अभिमन्त्र्य सहस्रं तन्निखनेत्सर्वशान्तये । सौवर्णं राजतं वापि कुम्भं ताम्रमयं च वा ॥

abhimantrya sahasraṁ tannikhanetsarvaśāntaye sauvarṇaṁ rājataṁ vāpi kumbhaṁ tāmramayaṁ ca vā

having consecrated it a thousand times, one should bury it for universal pacification. Whether a pot of gold, or of silver, or of copper,

Verse 14 (devibhagavatam.11.24.14)

मृण्मयं वा नवं दिव्यं सूत्रवेष्टितमव्रणम् । स्थण्डिले सैकते स्थाप्य पूरयेन्मन्त्रविज्जलैः ॥

mṛṇmayaṁ vā navaṁ divyaṁ sūtraveṣṭitamavraṇam sthaṇḍile saikate sthāpya pūrayenmantravijjalaiḥ

or of clay, new, excellent, wound with thread, flawless — having placed it upon a prepared, sandy altar, the mantra-knower should fill it with waters,

Verse 15 (devibhagavatam.11.24.15)

दिग्भ्य आहृत्य तीर्थानि चतसृभ्यो द्विजोत्तमैः । एलाचन्दनकर्पूरजातीपाटलमल्लिकाः ॥

digbhya āhṛtya tīrthāni catasṛbhyo dvijottamaiḥ elācandanakarpūrajātīpāṭalamallikāḥ

gathered from sacred fords in the four directions, by the best of the twice-born. Cardamom, sandal, camphor, jasmine, patala, and mallika flowers,

Verse 16 (devibhagavatam.11.24.16)

बिल्वपत्रं तथा क्रान्तां देवीं व्रीहियवांस्तिलान् । सर्षपान्क्षीरवृक्षाणां प्रवालानि च निक्षिपेत् ॥

bilvapatraṁ tathā krāntāṁ devīṁ vrīhiyavāṁstilān sarṣapānkṣīravṛkṣāṇāṁ pravālāni ca nikṣipet

and bilva leaves, and likewise the plant Kranta-devi, rice, barley, sesame, mustard seeds, and sprouts of the milk-exuding trees — he should cast these in.

Verse 17 (devibhagavatam.11.24.17)

सर्वाण्यभिविधायैव कुशकूर्चसमन्वितम् । स्नातः समाहितो विप्रः सहस्रं मन्त्रयेद् बुधः ॥

sarvāṇyabhividhāyaiva kuśakūrcasamanvitam snātaḥ samāhito vipraḥ sahasraṁ mantrayed budhaḥ

Having thus arranged all of these, together with a bundle of kusha grass, the brahmin, bathed, composed, and wise, should recite the mantra over it a thousand times.

Verse 18 (devibhagavatam.11.24.18)

दिक्षु सौरानधीयीरन्मन्त्रान्विप्रास्त्रयीविदः । प्रोक्षयेत्पाययेदेनं नीरं तेनाभिषिञ्चयेत् ॥

dikṣu saurānadhīyīranmantrānviprāstrayīvidaḥ prokṣayetpāyayedenaṁ nīraṁ tenābhiṣiñcayet

Brahmins learned in the three Vedas should recite the solar mantras in the directions. One should sprinkle with that water, give it to drink, and perform anointing with it.

Verse 19 (devibhagavatam.11.24.19)

भूतरोगाभिचारेभ्यः स निर्मुक्तः सुखी भवेत् । अभिषेकेण मुच्येत मृत्योरास्यगतो नरः ॥

bhūtarogābhicārebhyaḥ sa nirmuktaḥ sukhī bhavet abhiṣekeṇa mucyeta mṛtyorāsyagato naraḥ

He becomes freed from evil spirits, disease, and sorcery, and becomes happy. By this anointing, even a man who has already entered the very mouth of death is released.

Verse 20 (devibhagavatam.11.24.20)

अवश्यं कारयेद्विद्वान्राजा दीर्घं जिजीविषुः । गावो देयाश्च ऋत्विग्भ्य अभिषेके शतं मुने ॥

avaśyaṁ kārayedvidvānrājā dīrghaṁ jijīviṣuḥ gāvo deyāśca ṛtvigbhya abhiṣeke śataṁ mune

A wise king who desires long life should certainly have this performed. O sage, one hundred cows should be given to the officiating priests at the anointing,

Verse 21 (devibhagavatam.11.24.21)

दक्षिणा येन वा तुष्टिर्यथाशक्त्याथवा भवेत् । जपेदश्वत्थमालभ्य मन्दवारे शतं द्विजः ॥

dakṣiṇā yena vā tuṣṭiryathāśaktyāthavā bhavet japedaśvatthamālabhya mandavāre śataṁ dvijaḥ

or a fee by which the priests are satisfied, or according to one's ability. The twice-born should recite a hundred times, having touched a peepal tree, on Saturday,

Verse 22 (devibhagavatam.11.24.22)

भूतरोगाभिचारेभ्यो मुच्यते महतो भयात् । गुडूच्याः पर्वविच्छिन्नाः पयोऽक्ता जुहुयाद् द्विजः ॥

bhūtarogābhicārebhyo mucyate mahato bhayāt guḍūcyāḥ parvavicchinnāḥ payo'ktā juhuyād dvijaḥ

and he is freed from evil spirits, disease, sorcery, and great fear. The twice-born should offer oblations with pieces of guduchi vine, cut at the joints and anointed with milk;

Verse 23 (devibhagavatam.11.24.23)

एवं मृत्युञ्जयो होमः सर्वव्याधिविनाशनः । आम्रस्य जुहुयात्पत्रैः पयोऽक्तैर्ज्वरशान्तये ॥

evaṁ mṛtyuñjayo homaḥ sarvavyādhivināśanaḥ āmrasya juhuyātpatraiḥ payo'ktairjvaraśāntaye

this is the Mrityunjaya homa, the destroyer of all diseases. One should offer oblations with mango leaves anointed with milk, for the pacification of fever.

Verse 24 (devibhagavatam.11.24.24)

वचाभिः पयसाक्ताभिः क्षयं हुत्वा विनाशयेत् । मधुत्रितयहोमेन राजयक्ष्मा विनश्यति ॥

vacābhiḥ payasāktābhiḥ kṣayaṁ hutvā vināśayet madhutritayahomena rājayakṣmā vinaśyati

Offering oblations with vacha roots anointed with milk, one destroys consumption. By the homa of the three sweet substances, the royal wasting-disease is destroyed.

Verse 25 (devibhagavatam.11.24.25)

निवेद्य भास्करायान्नं पायसं होमपूर्वकम् । राजयक्ष्माभिभूतं च प्राशयेच्छान्तिमाप्नुयात् ॥

nivedya bhāskarāyānnaṁ pāyasaṁ homapūrvakam rājayakṣmābhibhūtaṁ ca prāśayecchāntimāpnuyāt

Having offered rice-pudding to the sun, preceded by a homa, one should feed it to one afflicted by the wasting-disease, and he obtains relief.

Verse 26 (devibhagavatam.11.24.26)

लताः पर्वसु विच्छिद्य सोमस्य जुहुयाद् द्विजः । सोमे सूर्येण संयुक्ते पयोऽक्ताः क्षयशान्तये ॥

latāḥ parvasu vicchidya somasya juhuyād dvijaḥ some sūryeṇa saṁyukte payo'ktāḥ kṣayaśāntaye

The twice-born should offer, with the vines of soma cut at the joints, when the moon is in conjunction with the sun, pieces anointed with milk, for the pacification of consumption.

Verse 27 (devibhagavatam.11.24.27)

कुसुमैः शङ्खवृक्षस्य हुत्वा कुष्ठं विनाशयेत् । अपस्मारविनाशः स्यादपामार्गस्य तण्डुलैः ॥

kusumaiḥ śaṅkhavṛkṣasya hutvā kuṣṭhaṁ vināśayet apasmāravināśaḥ syādapāmārgasya taṇḍulaiḥ

Offering with the flowers of the shankha tree, one destroys leprosy. The destruction of epilepsy is achieved with the seeds of the apamarga plant.

Verse 28 (devibhagavatam.11.24.28)

क्षीरवृक्षसमिद्धोमादुन्मादोऽपि विनश्यति । औदुम्बरसमिद्धोमादतिमेहः क्षयं व्रजेत् ॥

kṣīravṛkṣasamiddhomādunmādo'pi vinaśyati audumbarasamiddhomādatimehaḥ kṣayaṁ vrajet

By the homa with fuel-sticks of a milk-exuding tree, madness is also destroyed. By the homa with fuel-sticks of the udumbara tree, excessive urinary disorders come to an end.

Verse 29 (devibhagavatam.11.24.29)

प्रमेहं शमयेद्धुत्वा मधुनेक्षुरसेन वा । मधुत्रितयहोमेन नयेच्छान्तिं मसूरिकाम् ॥

pramehaṁ śamayeddhutvā madhunekṣurasena vā madhutritayahomena nayecchāntiṁ masūrikām

Offering with honey or with sugarcane juice, one pacifies urinary disorders. By the homa of the three sweet substances, one brings smallpox to peaceful resolution.

Verse 30 (devibhagavatam.11.24.30)

कपिलासर्पिषा हुत्वा नयेच्छान्तिं मसूरिकाम् । उदुम्बरवटाश्वत्थैर्गोगजाश्वामयं हरेत् ॥

kapilāsarpiṣā hutvā nayecchāntiṁ masūrikām udumbaravaṭāśvatthairgogajāśvāmayaṁ haret

Offering with the ghee of a tawny cow, one brings smallpox to peaceful resolution. With udumbara, vata, and ashvattha wood, one removes disease in cows, elephants, and horses.

Verse 31 (devibhagavatam.11.24.31)

पिपीलिमधुवल्मीके गृहे जाते शतं शतम् । शमीसमिद्भिरन्नेन सर्पिषा जुहुयाद् द्विजः ॥

pipīlimadhuvalmīke gṛhe jāte śataṁ śatam śamīsamidbhirannena sarpiṣā juhuyād dvijaḥ

If an anthill with honey-ants has arisen in one's house, the twice-born should offer, a hundred and a hundred times, with shami fuel-sticks, with food, and with ghee;

Verse 32 (devibhagavatam.11.24.32)

तदुत्थं शान्तिमायाति शेषैस्तत्र बलिं हरेत् । अभ्रस्तनितभूकम्पालक्ष्यादौ वनवेतसः ॥

tadutthaṁ śāntimāyāti śeṣaistatra baliṁ haret abhrastanitabhūkampālakṣyādau vanavetasaḥ

the trouble arising from it comes to peace, and with the remainder one should offer a bali-offering there. At the sign of thunder, earthquake, and the like, with forest-cane —

Verse 33 (devibhagavatam.11.24.33)

सप्ताहं जुहुयादेवं राष्ट्रे राज्यं सुखी भवेत् । यां दिशं शतजप्तेन लोष्ठेनाभिप्रताडयेत् ॥

saptāhaṁ juhuyādevaṁ rāṣṭre rājyaṁ sukhī bhavet yāṁ diśaṁ śatajaptena loṣṭhenābhipratāḍayet

offering thus for seven days, the kingdom in the realm becomes happy. Whatever direction one strikes with a clod of earth consecrated by a hundred recitations —

Verse 34 (devibhagavatam.11.24.34)

ततोऽग्निमारुतारिभ्यो भयं तस्य विनश्यति । मनसैव जपेदेनां बद्धो मुच्येत बन्धनात् ॥

tato'gnimārutāribhyo bhayaṁ tasya vinaśyati manasaiva japedenāṁ baddho mucyeta bandhanāt

from that direction, fear of fire, storm, and enemies is destroyed. Reciting this Gayatri mentally alone, one who is bound is freed from bondage;

Verse 35 (devibhagavatam.11.24.35)

भूतरोगविषादिभ्यः स्पृशञ्जप्त्वा विमोचयेत् । भूतादिभ्यो विमुच्येत जलं पीत्वाभिमन्त्रितम् ॥

bhūtarogaviṣādibhyaḥ spṛśañjaptvā vimocayet bhūtādibhyo vimucyeta jalaṁ pītvābhimantritam

having recited while touching, one frees another from evil spirits, disease, poison, and the like. One is freed from evil spirits and the like by drinking water that has been consecrated with mantra.

Verse 36 (devibhagavatam.11.24.36)

अभिमन्त्र्य शतं भस्म न्यसेद्भूतादिशान्तये । शिरसा धारयेद्भस्म मन्त्रयित्वा तदित्यृचा ॥

abhimantrya śataṁ bhasma nyasedbhūtādiśāntaye śirasā dhārayedbhasma mantrayitvā tadityṛcā

Having consecrated ash a hundred times, one should apply it for the pacification of evil spirits and the like. One should wear ash upon the head, having consecrated it with the verse beginning 'tat...'

Verse 37 (devibhagavatam.11.24.37)

सर्वव्याधिविनिर्मुक्तः सुखी जीवेच्छतं समाः । अशक्तः कारयेच्छान्तिं विप्रं दत्त्वा तु दक्षिणाम् ॥

sarvavyādhivinirmuktaḥ sukhī jīvecchataṁ samāḥ aśaktaḥ kārayecchāntiṁ vipraṁ dattvā tu dakṣiṇām

Free from all disease, one lives happily for a hundred years. One who is unable to perform the rite himself should have it performed by a brahmin, giving a fee.

Verse 38 (devibhagavatam.11.24.38)

अथ पुष्टिं श्रियं लक्ष्मीं पुष्पैर्हुत्वाप्नुयाद् द्विजः । श्रीकामो जुहुयात्पद्मै रक्तैः श्रियमवाप्नुयात् ॥

atha puṣṭiṁ śriyaṁ lakṣmīṁ puṣpairhutvāpnuyād dvijaḥ śrīkāmo juhuyātpadmai raktaiḥ śriyamavāpnuyāt

Now, the twice-born, offering with flowers, obtains nourishment, prosperity, and Lakshmi. One who desires prosperity should offer with red lotuses, and he obtains prosperity.

Verse 39 (devibhagavatam.11.24.39)

हुत्वा श्रियमवाप्नोति जातीपुष्पैर्नवैः शुभैः । शालितण्डुलहोमेन श्रियमाप्नोति पुष्कलाम् ॥

hutvā śriyamavāpnoti jātīpuṣpairnavaiḥ śubhaiḥ śālitaṇḍulahomena śriyamāpnoti puṣkalām

Offering with fresh, auspicious jati flowers, one obtains prosperity. By the homa of rice grains, one obtains abundant prosperity.

Verse 40 (devibhagavatam.11.24.40)

समिद्भिर्बिल्ववृक्षस्य हुत्वा श्रियमवाप्नुयात् । बिल्वस्य शकलैर्हुत्वा पत्रैः पुष्पैः फलैरपि ॥

samidbhirbilvavṛkṣasya hutvā śriyamavāpnuyāt bilvasya śakalairhutvā patraiḥ puṣpaiḥ phalairapi

Offering with the fuel-sticks of the bilva tree, one obtains prosperity. Offering with chips, leaves, flowers, and also fruits of the bilva,

Verse 41 (devibhagavatam.11.24.41)

श्रियमाप्नोति परमां मूलस्य शकलैरपि । समिद्भिर्बिल्ववृक्षस्य पायसेन च सर्पिषा ॥

śriyamāpnoti paramāṁ mūlasya śakalairapi samidbhirbilvavṛkṣasya pāyasena ca sarpiṣā

one obtains supreme prosperity, and likewise with chips of its root. With the fuel-sticks of the bilva tree, and with rice-pudding, and with ghee,

Verse 42 (devibhagavatam.11.24.42)

शतं शतं च सप्ताहं हुत्वा श्रियमवाप्नुयात् । लाजैस्त्रिमधुरोपेतैर्होमे कन्यामवाप्नुयात् ॥

śataṁ śataṁ ca saptāhaṁ hutvā śriyamavāpnuyāt lājaistrimadhuropetairhome kanyāmavāpnuyāt

offering a hundred and a hundred times for seven days, one obtains prosperity. By a homa with parched grain mixed with the three sweet substances, one obtains a daughter.

Verse 43 (devibhagavatam.11.24.43)

अनेन विधिना कन्या वरमाप्नोति वाञ्छितम् । रक्तोत्पलशतं हुत्वा सप्ताहं हेम चाप्नुयात् ॥

anena vidhinā kanyā varamāpnoti vāñchitam raktotpalaśataṁ hutvā saptāhaṁ hema cāpnuyāt

By this procedure, a girl obtains a desired bridegroom. Offering a hundred red lotuses for seven days, one obtains gold.

Verse 44 (devibhagavatam.11.24.44)

सूर्यबिम्बे जलं हुत्वा जलस्थं हेम चाप्नुयात् । अन्नं हुत्वाप्नुयादन्नं व्रीहीन्व्रीहिपतिर्भवेत् ॥

sūryabimbe jalaṁ hutvā jalasthaṁ hema cāpnuyāt annaṁ hutvāpnuyādannaṁ vrīhīnvrīhipatirbhavet

Offering water toward the orb of the sun, one obtains gold found in water. Offering food, one obtains food; offering rice, one becomes lord of rice.

Verse 45 (devibhagavatam.11.24.45)

करीषचूर्णैर्वत्सस्य हुत्वा पशुमवाप्नुयात् । प्रियङ्गुपायसाज्यैश्च भवेद्धोमादिभिः प्रजा ॥

karīṣacūrṇairvatsasya hutvā paśumavāpnuyāt priyaṅgupāyasājyaiśca bhaveddhomādibhiḥ prajā

Offering with the powder of a calf's dung, one obtains cattle. Through homas with priyangu, rice-pudding, and ghee, one obtains progeny.

Verse 46 (devibhagavatam.11.24.46)

निवेद्य भास्करायान्नं पायसं होमपूर्वकम् । भोजयेत्तदृतुस्नातां पुत्रं परमवाप्नुयात् ॥

nivedya bhāskarāyānnaṁ pāyasaṁ homapūrvakam bhojayettadṛtusnātāṁ putraṁ paramavāpnuyāt

Having offered rice-pudding to the sun, preceded by a homa, one should feed it to a woman who has just bathed after her menses, and one obtains an excellent son.

Verse 47 (devibhagavatam.11.24.47)

सप्ररोहाभिरार्द्राभिरायुर्हुत्वा समाप्नुयात् । समिद्भिः क्षीरवृक्षस्य हुत्वायुषमवाप्नुयात् ॥

saprarohābhirārdrābhirāyurhutvā samāpnuyāt samidbhiḥ kṣīravṛkṣasya hutvāyuṣamavāpnuyāt

Offering with fresh, sprouting grains, one obtains longevity. Offering with fuel-sticks of a milk-exuding tree, one obtains longevity.

Verse 48 (devibhagavatam.11.24.48)

सप्ररोहाभिरार्द्राभी रक्ताभिर्मधुरत्रयैः । व्रीहीणां च शतं हुत्वा हेम चायुरवाप्नुयात् ॥

saprarohābhirārdrābhī raktābhirmadhuratrayaiḥ vrīhīṇāṁ ca śataṁ hutvā hema cāyuravāpnuyāt

Offering with fresh, sprouting, red rice grains together with the three sweet substances, a hundred times, one obtains gold and longevity.

Verse 49 (devibhagavatam.11.24.49)

सुवर्णकुड्मलं हुत्वा शतमायुरवाप्नुयात् । दूर्वाभिः पयसा वापि मधुना सर्पिषापि वा ॥

suvarṇakuḍmalaṁ hutvā śatamāyuravāpnuyāt dūrvābhiḥ payasā vāpi madhunā sarpiṣāpi vā

Offering a golden bud, one obtains a hundred years of life. With durva grass, or with milk, or with honey, or with ghee,

Verse 50 (devibhagavatam.11.24.50)

शतं शतं च सप्ताहमपमृत्युं व्यपोहति । शमीसमिद्भिरन्नेन पयसा वा च सर्पिषा ॥

śataṁ śataṁ ca saptāhamapamṛtyuṁ vyapohati śamīsamidbhirannena payasā vā ca sarpiṣā

offering a hundred and a hundred times for seven days, one wards off untimely death. With shami fuel-sticks, with food, or with milk, or with ghee,

Verse 51 (devibhagavatam.11.24.51)

शतं शतं च सप्ताहमपमृत्युं व्यपोहति । न्यग्रोधसमिधो हुत्वा पायसं होमयेत्ततः ॥

śataṁ śataṁ ca saptāhamapamṛtyuṁ vyapohati nyagrodhasamidho hutvā pāyasaṁ homayettataḥ

offering a hundred and a hundred times for seven days, one wards off untimely death. Offering with the fuel-sticks of the banyan tree, and then offering rice-pudding,

Verse 52 (devibhagavatam.11.24.52)

शतं शतं च सप्ताहमपमृत्युं व्यपोहति । क्षीराहारो जपेन्मृत्योः सप्ताहाद्विजयी भवेत् ॥

śataṁ śataṁ ca saptāhamapamṛtyuṁ vyapohati kṣīrāhāro japenmṛtyoḥ saptāhādvijayī bhavet

offering a hundred and a hundred times for seven days, one wards off untimely death. Subsisting on milk, one who recites becomes victorious over death within seven days.

Verse 53 (devibhagavatam.11.24.53)

अनश्नन्वाग्यतो जप्त्वा त्रिरात्रं मुच्यते यमात् । निमज्ज्याप्सु जपेदेवं सद्यो मृत्योर्विमुच्यते ॥

anaśnanvāgyato japtvā trirātraṁ mucyate yamāt nimajjyāpsu japedevaṁ sadyo mṛtyorvimucyate

Fasting, restrained in speech, having recited for three nights, one is freed from Yama. Reciting thus while immersed in water, one is instantly freed from death.

Verse 54 (devibhagavatam.11.24.54)

जपेद् बिल्वं समाश्रित्य मासं राज्यमवाप्नुयात् । बिल्वं हुत्वाप्नुयाद्राज्यं समूलफलपल्लवम् ॥

japed bilvaṁ samāśritya māsaṁ rājyamavāpnuyāt bilvaṁ hutvāpnuyādrājyaṁ samūlaphalapallavam

Reciting while taking refuge at a bilva tree for a month, one obtains a kingdom. Offering with the bilva, together with its root, fruit, and shoots, one obtains a kingdom.

Verse 55 (devibhagavatam.11.24.55)

हुत्वा पद्मशतं मासं राज्यमाप्नोत्यकण्टकम् । यवागूं ग्राममाप्नोति हुत्वा शालिसमन्वितम् ॥

hutvā padmaśataṁ māsaṁ rājyamāpnotyakaṇṭakam yavāgūṁ grāmamāpnoti hutvā śālisamanvitam

Offering a hundred lotuses for a month, one obtains a kingdom free of thorns. Offering with barley-gruel together with rice, one obtains a village.

Verse 56 (devibhagavatam.11.24.56)

अश्वत्थसमिधो हुत्वा युद्धादौ जयमाप्नुयात् । अर्कस्य समिधो हुत्वा सर्वत्र विजयी भवेत् ॥

aśvatthasamidho hutvā yuddhādau jayamāpnuyāt arkasya samidho hutvā sarvatra vijayī bhavet

Offering with the fuel-sticks of the peepal tree, one obtains victory in battle and the like. Offering with the fuel-sticks of the arka plant, one becomes victorious everywhere.

Verse 57 (devibhagavatam.11.24.57)

संयुक्तैः पयसा पत्रैः पुष्पैर्वा वेतसस्य च । पायसेन शतं हुत्वा सप्ताहं वृष्टिमाप्नुयात् ॥

saṁyuktaiḥ payasā patraiḥ puṣpairvā vetasasya ca pāyasena śataṁ hutvā saptāhaṁ vṛṣṭimāpnuyāt

Offering, joined with milk, with leaves or flowers of the vetasa plant, or with rice-pudding, a hundred times for seven days, one obtains rainfall.

Verse 58 (devibhagavatam.11.24.58)

नाभिदघ्ने जले जप्त्वा सप्ताहं वृष्टिमाप्नुयात् । जले भस्मशतं हुत्वा महावृष्टिं निवारयेत् ॥

nābhidaghne jale japtvā saptāhaṁ vṛṣṭimāpnuyāt jale bhasmaśataṁ hutvā mahāvṛṣṭiṁ nivārayet

Reciting while standing in water up to the navel for seven days, one obtains rainfall. Offering a hundred oblations of ash into water, one wards off excessive rainfall.

Verse 59 (devibhagavatam.11.24.59)

पालाशाभिरवाप्नोति समिद्भिर्ब्रह्मवर्चसम् । पलाशकुसुमैर्हुत्वा सर्वमिष्टमवाप्नुयात् ॥

pālāśābhiravāpnoti samidbhirbrahmavarcasam palāśakusumairhutvā sarvamiṣṭamavāpnuyāt

With the fuel-sticks of the palasha tree, one obtains Brahmic radiance. Offering with palasha flowers, one obtains all that one desires.

Verse 60 (devibhagavatam.11.24.60)

पयो हुत्वाऽऽप्नुयान्मेधामाज्यं बुद्धिमवाप्नुयात् । अभिमन्त्र्य पिबेद् ब्राह्मं रसं मेधामवाप्नुयात् ॥

payo hutvā''pnuyānmedhāmājyaṁ buddhimavāpnuyāt abhimantrya pibed brāhmaṁ rasaṁ medhāmavāpnuyāt

Offering milk, one obtains sharp intelligence; offering ghee, one obtains understanding. Having consecrated it with mantra, one should drink Brahmi-juice, and obtain sharp intelligence.

Verse 61 (devibhagavatam.11.24.61)

पुष्पहोमे भवेद्वासस्तन्तुभिस्तद्विधं पटम् । लवणं मधुसम्मिश्रं हुत्वेष्टं वशमानयेत् ॥

puṣpahome bhavedvāsastantubhistadvidhaṁ paṭam lavaṇaṁ madhusammiśraṁ hutveṣṭaṁ vaśamānayet

By a flower-homa, one obtains fine garments; likewise, with threads, one obtains fabric. Offering salt mixed with honey, one brings a desired person under one's control.

Verse 62 (devibhagavatam.11.24.62)

नयेदिष्टं वशं हुत्वा लक्ष्मीपुष्पैर्मधुप्लुतैः । नित्यमञ्जलिनाऽऽत्मानमभिषिञ्चेज्जले स्थितः ॥

nayediṣṭaṁ vaśaṁ hutvā lakṣmīpuṣpairmadhuplutaiḥ nityamañjalinā''tmānamabhiṣiñcejjale sthitaḥ

Offering with lakshmi-flowers steeped in honey, one brings a desired person under one's control. Standing in water, one should constantly anoint oneself with a handful —

Verse 63 (devibhagavatam.11.24.63)

मतिमारोग्यमायुष्यमग्र्यं स्वास्थ्यमवाप्नुयात् । कुर्याद्विप्रोऽन्यमुद्दिश्य सोऽपि पुष्टिमवाप्नुयात् ॥

matimārogyamāyuṣyamagryaṁ svāsthyamavāpnuyāt kuryādvipro'nyamuddiśya so'pi puṣṭimavāpnuyāt

one obtains wisdom, health, longevity, and excellent well-being. If a brahmin performs this on behalf of another, that other person too obtains nourishment.

Verse 64 (devibhagavatam.11.24.64)

अथ चारुविधिर्मासं सहस्रं प्रत्यहं जपेत् । आयुष्कामः शुचौ देशे प्राप्नुयादायुरूत्तमम् ॥

atha cāruvidhirmāsaṁ sahasraṁ pratyahaṁ japet āyuṣkāmaḥ śucau deśe prāpnuyādāyurūttamam

Now, the excellent procedure: for a month, one should recite a thousand times daily. One desiring long life, in a pure place, obtains excellent longevity.

Verse 65 (devibhagavatam.11.24.65)

आयुरारोग्यकामस्तु जपेन्मासद्वयं द्विजः । भवेदायुष्यमारोग्यं श्रियै मासत्रयं जपेत् ॥

āyurārogyakāmastu japenmāsadvayaṁ dvijaḥ bhavedāyuṣyamārogyaṁ śriyai māsatrayaṁ japet

One desiring longevity and health, being a twice-born, should recite for two months, and longevity and health result. For prosperity, one should recite for three months,

Verse 66 (devibhagavatam.11.24.66)

आयुः श्रीपुत्रदाराद्याश्चतुर्भिश्च यशो जपात् । पुत्रदारायुरारोग्यं श्रियं विद्यां च पञ्चभिः ॥

āyuḥ śrīputradārādyāścaturbhiśca yaśo japāt putradārāyurārogyaṁ śriyaṁ vidyāṁ ca pañcabhiḥ

and one obtains longevity, prosperity, wife and children, and the like; with four months of recitation, fame; with five months, offspring, wife, longevity, health, prosperity, and learning.

Verse 67 (devibhagavatam.11.24.67)

एवमेवोत्तरान्कामान् मासैरेवोत्तरैर्व्रजेत् । एकपादो जपेदूर्ध्वबाहुः स्थित्वा निराश्रयः ॥

evamevottarānkāmān māsairevottarairvrajet ekapādo japedūrdhvabāhuḥ sthitvā nirāśrayaḥ

In this same way, one attains further desires with further, successively longer months. Standing on one leg, arms raised, without support, one should recite;

Verse 68 (devibhagavatam.11.24.68)

मासं शतत्रयं विप्रः सर्वान्कामानवाप्नुयात् । एवं शतोत्तरं जप्त्वा सहस्रं सर्वमाप्नुयात् ॥

māsaṁ śatatrayaṁ vipraḥ sarvānkāmānavāpnuyāt evaṁ śatottaraṁ japtvā sahasraṁ sarvamāpnuyāt

a brahmin, for a month reciting three hundred thousand times, obtains all desires. Thus, having recited a hundred more, or a thousand, he obtains everything.

Verse 69 (devibhagavatam.11.24.69)

रुद्ध्वा प्राणमपानं च जपेन्मासं शतत्रयम् । यदिच्छेत्तदवाप्नोति सहस्रात्परमाप्नुयात् ॥

ruddhvā prāṇamapānaṁ ca japenmāsaṁ śatatrayam yadicchettadavāpnoti sahasrātparamāpnuyāt

Having restrained the prana and apana breaths, one should recite three hundred thousand times for a month; whatever one desires, one obtains; beyond a thousand, one obtains the supreme.

Verse 70 (devibhagavatam.11.24.70)

एकपादो जपेदूर्ध्वबाहू रुद्ध्वानिलं वशः । मासं शतमवाप्नोति यदिच्छेदिति कौशिकः ॥

ekapādo japedūrdhvabāhū ruddhvānilaṁ vaśaḥ māsaṁ śatamavāpnoti yadicchediti kauśikaḥ

Standing on one leg, arms raised, having restrained the breath, self-controlled, reciting a hundred thousand times in a month, one obtains whatever one desires — thus says Kaushika.

Verse 71 (devibhagavatam.11.24.71)

एवं शतत्रयं जप्त्वा सहस्रं सर्वमाप्नुयात् । निमज्ज्याप्सु जपेन्मासं शतमिष्टमवाप्नुयात् ॥

evaṁ śatatrayaṁ japtvā sahasraṁ sarvamāpnuyāt nimajjyāpsu japenmāsaṁ śatamiṣṭamavāpnuyāt

Thus, having recited three hundred thousand, or a thousand, one obtains everything. Reciting while immersed in water for a month, a hundred thousand times, one obtains one's desire.

Verse 72 (devibhagavatam.11.24.72)

एवं शतत्रयं जप्त्वा सहस्रं सर्वमाप्नुयात् । एकपादो जपेदूर्ध्वबाहू रुद्ध्वा निराश्रयः ॥

evaṁ śatatrayaṁ japtvā sahasraṁ sarvamāpnuyāt ekapādo japedūrdhvabāhū ruddhvā nirāśrayaḥ

Thus, having recited three hundred thousand, or a thousand, one obtains everything. Standing on one leg, arms raised, breath restrained, without support,

Verse 73 (devibhagavatam.11.24.73)

नक्तमश्नन् हविष्यान्नं वत्सरादृषितामियात् । गीरमोघा भवेदेवं जप्त्वा संवत्सरद्वयम् ॥

naktamaśnan haviṣyānnaṁ vatsarādṛṣitāmiyāt gīramoghā bhavedevaṁ japtvā saṁvatsaradvayam

eating consecrated food only at night, one attains the state of a sage within a year. Reciting thus for two years, one's speech becomes unfailing.

Verse 74 (devibhagavatam.11.24.74)

त्रिवत्सरं जपेदेवं भवेत्त्रैकालदर्शनम् । आयाति भगवान्देवश्चतुःसंवत्सरं जपेत् ॥

trivatsaraṁ japedevaṁ bhavettraikāladarśanam āyāti bhagavāndevaścatuḥsaṁvatsaraṁ japet

Reciting thus for three years, one gains the vision of the three times. Reciting for four years, the Blessed Lord himself comes.

Verse 75 (devibhagavatam.11.24.75)

पञ्चभिर्वत्सरैरेवमणिमादिगुणो भवेत् । एवं षड्वत्सरं जप्त्वा कामरूपित्वमाप्नुयात् ॥

pañcabhirvatsarairevamaṇimādiguṇo bhavet evaṁ ṣaḍvatsaraṁ japtvā kāmarūpitvamāpnuyāt

With five years, one obtains the powers beginning with anima. Thus, having recited for six years, one obtains the power of assuming any form at will.

Verse 76 (devibhagavatam.11.24.76)

सप्तिभिर्वत्सरैरेवममरत्वमवाप्नुयात् । मनुत्वं नवभिः सिद्धमिन्द्रत्वं दशभिर्भवेत् ॥

saptibhirvatsarairevamamaratvamavāpnuyāt manutvaṁ navabhiḥ siddhamindratvaṁ daśabhirbhavet

With seven years, one obtains immortality. With nine, the state of Manu is accomplished; with ten, the state of Indra is attained.

Verse 77 (devibhagavatam.11.24.77)

एकादशभिराप्नोति प्राजापत्यं सुवत्सरैः । बह्मत्वं प्राप्नुयादेवं जप्त्वा द्वादशवत्सरान् ॥

ekādaśabhirāpnoti prājāpatyaṁ suvatsaraiḥ bahmatvaṁ prāpnuyādevaṁ japtvā dvādaśavatsarān

With eleven good years, one obtains the state of Prajapati. Thus, having recited for twelve years, one obtains the state of Brahma himself.

Verse 78 (devibhagavatam.11.24.78)

एतेनैव जिता लोकास्तपसा नारदादिभिः । शाकमन्ये परे मूलं फलमन्ये पयः परे ॥

etenaiva jitā lokāstapasā nāradādibhiḥ śākamanye pare mūlaṁ phalamanye payaḥ pare

By this very austerity, the worlds were conquered by Narada and others. Some subsist on vegetables, others on roots, some on fruit, others on milk,

Verse 79 (devibhagavatam.11.24.79)

घृतमन्ये परे सोममपरे चरुवृत्तयः । ऋषयः पक्षमश्नन्ति केचिद्भैक्ष्याशिनोऽहनि ॥

ghṛtamanye pare somamapare caruvṛttayaḥ ṛṣayaḥ pakṣamaśnanti kecidbhaikṣyāśino'hani

some on ghee, others on soma, others live on caru; some sages eat only once a fortnight, some eat only alms received during the day,

Verse 80 (devibhagavatam.11.24.80)

हविष्यमपरेऽश्नन्तः कुर्वन्त्येव परं तपः । अथ शुद्।ह्ध्यै रहस्यानां त्रिसहस्रं जपेद् द्विजः ॥

haviṣyamapare'śnantaḥ kurvantyeva paraṁ tapaḥ atha śud hdhyai rahasyānāṁ trisahasraṁ japed dvijaḥ

and others, eating only consecrated oblation-food, perform the highest austerity. Now, for the purification of secret sins, the twice-born should recite three thousand times.

Verse 81 (devibhagavatam.11.24.81)

मासं शुद्धो भवेत्स्तेयात्सुवर्णस्य द्विजोत्तमः । जपेन्मासं त्रिसाहस्रं सुरापः शुद्धिमाप्नुयात् ॥

māsaṁ śuddho bhavetsteyātsuvarṇasya dvijottamaḥ japenmāsaṁ trisāhasraṁ surāpaḥ śuddhimāpnuyāt

In a month, the best of the twice-born becomes purified of the theft of gold. Reciting three thousand times for a month, one who has drunk liquor obtains purification.

Verse 82 (devibhagavatam.11.24.82)

मासं जपेत् त्रिसाहस्रं शुचिः स्याद् गुरुतल्पगः । त्रिसहस्रं जपेन्मासं कुटीं कृत्वा वने वसन् ॥

māsaṁ japet trisāhasraṁ śuciḥ syād gurutalpagaḥ trisahasraṁ japenmāsaṁ kuṭīṁ kṛtvā vane vasan

Reciting three thousand times for a month, one who has violated his guru's bed becomes pure. Reciting three thousand times for a month, dwelling in a hut in the forest,

Verse 83 (devibhagavatam.11.24.83)

ब्रह्महा मुच्यते पापादिति कौशिकभाषितम् । द्वादशाहं निमज्ज्याप्सु सहस्रं प्रत्यहं जपेत् ॥

brahmahā mucyate pāpāditi kauśikabhāṣitam dvādaśāhaṁ nimajjyāpsu sahasraṁ pratyahaṁ japet

a killer of a brahmin is released from sin — thus spoken by Kaushika. For twelve days, immersed in water, one should recite a thousand times each day,

Verse 84 (devibhagavatam.11.24.84)

मुच्येरन्नंहसः सर्वे महापातकिनो द्विजाः । त्रिसाहस्रं जपेन्मासं प्राणानायम्य वाग्यतः ॥

mucyerannaṁhasaḥ sarve mahāpātakino dvijāḥ trisāhasraṁ japenmāsaṁ prāṇānāyamya vāgyataḥ

and all twice-born, even the great sinners, would be freed from their sins. Reciting three thousand times for a month, having restrained the breath and speech,

Verse 85 (devibhagavatam.11.24.85)

महापातकयुक्तो वा मुच्यते महतो भयात् । प्राणायामसहस्रेण ब्रह्महापि विशुध्यति ॥

mahāpātakayukto vā mucyate mahato bhayāt prāṇāyāmasahasreṇa brahmahāpi viśudhyati

even one burdened with great sin is freed from great fear. By a thousand pranayamas, even a killer of a brahmin becomes fully purified.

Verse 86 (devibhagavatam.11.24.86)

षट्कृत्वस्त्वभ्यसेदूर्ध्वं प्राणापानौ समाहितः । प्राणायामो भवेदेष सर्वपापप्रणाशनः ॥

ṣaṭkṛtvastvabhyasedūrdhvaṁ prāṇāpānau samāhitaḥ prāṇāyāmo bhavedeṣa sarvapāpapraṇāśanaḥ

One should practice, with a composed mind, the prana and apana six times in succession; this pranayama becomes the destroyer of all sin.

Verse 87 (devibhagavatam.11.24.87)

सहस्रमभ्यसेन्मासं क्षितिपः शुचितामियात् । द्वादशाहं त्रिसाहस्रं जपेद्धि गोवधे द्विजः ॥

sahasramabhyasenmāsaṁ kṣitipaḥ śucitāmiyāt dvādaśāhaṁ trisāhasraṁ japeddhi govadhe dvijaḥ

Practicing a thousand times for a month, a king attains purity. In the case of the killing of a cow, one should recite three thousand times for twelve days;

Verse 88 (devibhagavatam.11.24.88)

अगम्यागमनस्तेयहननाभक्ष्यभक्षणे । दशसाहस्रमभ्यस्ता गायत्री शोधयेद् द्विजम् ॥

agamyāgamanasteyahananābhakṣyabhakṣaṇe daśasāhasramabhyastā gāyatrī śodhayed dvijam

for illicit union, theft, killing, and eating of forbidden food, the Gayatri, practiced ten thousand times, purifies the twice-born.

Verse 89 (devibhagavatam.11.24.89)

प्राणायामशतं कृत्वा मुच्यते सर्वकिल्विषात् । सर्वेषामेव पापानां सङ्करे सति शुद्धये ॥

prāṇāyāmaśataṁ kṛtvā mucyate sarvakilviṣāt sarveṣāmeva pāpānāṁ saṅkare sati śuddhaye

Having performed a hundred pranayamas, one is freed from all offense. For the purification of all sins together, when they are mixed of various kinds,

Verse 90 (devibhagavatam.11.24.90)

सहस्रमभ्यसेन्मासं नित्यजापी वने वसन् । उपवाससमं जप्यं त्रिसहस्रं तदित्यृचम् ॥

sahasramabhyasenmāsaṁ nityajāpī vane vasan upavāsasamaṁ japyaṁ trisahasraṁ tadityṛcam

one should practice a thousand times for a month, reciting constantly while dwelling in the forest; equal to a fast is the recitation of the verse beginning 'tat...' three thousand times.

Verse 91 (devibhagavatam.11.24.91)

चतुर्विंशतिसाहस्रमभ्यस्तात्कृच्छ्रसंज्ञिता । चतुःषष्टिसहस्राणि चान्द्रायणसमानि तु ॥

caturviṁśatisāhasramabhyastātkṛcchrasaṁjñitā catuḥṣaṣṭisahasrāṇi cāndrāyaṇasamāni tu

Twenty-four thousand recitations are equivalent to the kricchhra penance; and sixty-four thousand are equivalent to the chandrayana.

Verse 92 (devibhagavatam.11.24.92)

शतकृत्वोऽभ्यसेन्नित्यं प्राणानायम्य सन्ध्ययोः । तदित्यृचमवाप्नोति सर्वपापक्षयं परम् ॥

śatakṛtvo'bhyasennityaṁ prāṇānāyamya sandhyayoḥ tadityṛcamavāpnoti sarvapāpakṣayaṁ param

Practicing constantly a hundred times, having restrained the breath, at the two sandhyas, one obtains, through the verse beginning 'tat...,' the supreme destruction of all sin.

Verse 93 (devibhagavatam.11.24.93)

निमज्ज्याप्सु जपेन्नित्यं शतकृत्वस्तदित्यृचम् । ध्यायन्देवीं सूर्यरूपां सर्वपापैः प्रमुच्यते ॥

nimajjyāpsu japennityaṁ śatakṛtvastadityṛcam dhyāyandevīṁ sūryarūpāṁ sarvapāpaiḥ pramucyate

Reciting constantly while immersed in water, a hundred times, the verse beginning 'tat...,' meditating on the Goddess in the form of the sun, one is released from all sins.

Verse 94 (devibhagavatam.11.24.94)

इति ते सम्यगाख्याताः शान्तिशुद्।ह्ध्यादिकल्पनाः । रहस्यातिरहस्याश्च गोपनीयास्त्वया सदा ॥

iti te samyagākhyātāḥ śāntiśud hdhyādikalpanāḥ rahasyātirahasyāśca gopanīyāstvayā sadā

Thus have these procedures of pacification, purification, and the like been fully declared to you; they are secret, indeed most secret, and should always be kept concealed by you.

Verse 95 (devibhagavatam.11.24.95)

इति सङ्क्षेपतः प्रोक्तः सदाचारस्य सङ्ग्रहः । विधिनाऽऽचरणादस्य माया दुर्गा प्रसीदति ॥

iti saṅkṣepataḥ proktaḥ sadācārasya saṅgrahaḥ vidhinā''caraṇādasya māyā durgā prasīdati

Thus has this compendium of right conduct been declared in brief. By properly performing it, Maya Durga is pleased.

Verse 96 (devibhagavatam.11.24.96)

नैमित्तिकं च नित्यं च काम्यं कर्म यथाविधि । आचरेन्मनुजः सोऽयं भुक्तिमुक्तिफलाप्तिभाक् ॥

naimittikaṁ ca nityaṁ ca kāmyaṁ karma yathāvidhi ācarenmanujaḥ so'yaṁ bhuktimuktiphalāptibhāk

Whoever performs, according to rule, the occasional, the daily, and the desire-motivated rites — such a person becomes a sharer in the fruits of enjoyment and liberation.

Verse 97 (devibhagavatam.11.24.97)

आचारः प्रथमो धर्मो धर्मस्य प्रभुरीश्वरी । इत्युक्तं सर्वशास्त्रेषु सदाचारफलं महत् ॥

ācāraḥ prathamo dharmo dharmasya prabhurīśvarī ityuktaṁ sarvaśāstreṣu sadācāraphalaṁ mahat

Right conduct is the first dharma, and the Goddess is the sovereign lord of dharma — thus it is declared in all the scriptures; great is the fruit of right conduct.

Verse 98 (devibhagavatam.11.24.98)

आचारवान्सदा पूतः सदैवाचारवान्मसुखी । आचारवान्सदा धन्यः सत्यं सत्यं च नारद ॥

ācāravānsadā pūtaḥ sadaivācāravānmasukhī ācāravānsadā dhanyaḥ satyaṁ satyaṁ ca nārada

One of good conduct is ever pure; one of good conduct is ever happy; one of good conduct is ever blessed — this is true, O Narada, truly true.

Verse 99 (devibhagavatam.11.24.99)

देवीप्रसादजनकं सदाचारविधानकम् । यदपि शृणुयान्मर्त्यो महासम्पत्तिसौख्यभाक् ॥

devīprasādajanakaṁ sadācāravidhānakam yadapi śṛṇuyānmartyo mahāsampattisaukhyabhāk

Even the mere hearing of this procedure of right conduct, which produces the grace of the Goddess, makes a mortal a sharer in great prosperity and happiness.

Verse 100 (devibhagavatam.11.24.100)

सदाचारेण सिद्धेच्च ऐहिकामुष्मिकं सुखम् । तदेव ते मया प्रोक्तं किमन्यच्छ्रोतुमिच्छसि ॥

sadācāreṇa siddhecca aihikāmuṣmikaṁ sukham tadeva te mayā proktaṁ kimanyacchrotumicchasi

Through right conduct, happiness both in this world and the next is accomplished. That very thing has been declared to you by me — what else do you wish to hear?