Description of the Glory of the Rudraksha (continued)

Verse 1 (devibhagavatam.11.4.1)

नारद उवाच । एवम्भूतानुभावोऽयं रुद्राक्षो भवतानघ । वर्णितो महतां पूज्यः कारणं तत्र किं वद

nārada uvāca evambhūtānubhāvo'yaṁ rudrākṣo bhavatānagha varṇito mahatāṁ pūjyaḥ kāraṇaṁ tatra kiṁ vada

Narada said: O sinless one, you have thus described this rudraksha of such great power, worshipped by the great ones — tell me, what is the cause of its origin?

Verse 2 (devibhagavatam.11.4.2)

श्रीनारायण उवाच । एवमेव पुरा पृष्टो भगवान् गिरिशः प्रभुः । षण्मुखेन च रुद्रस्तं यदुवाच शृणुष्व तत्

śrīnārāyaṇa uvāca evameva purā pṛṣṭo bhagavān giriśaḥ prabhuḥ ṣaṇmukhena ca rudrastaṁ yaduvāca śṛṇuṣva tat

Shri Narayana said: In ancient times, Lord Girisha, the mighty Shiva, was likewise asked this very question by Shanmukha, the six-faced Kartikeya; hear what Rudra said to him in reply.

Verse 3 (devibhagavatam.11.4.3)

ईश्वर उवाच । शृणु षण्मुख तत्त्वेन कथयामि समासतः । त्रिपुरो नाम दैत्यस्तु पुराऽऽसीत्सर्वदुर्जयः

īśvara uvāca śṛṇu ṣaṇmukha tattvena kathayāmi samāsataḥ tripuro nāma daityastu purā''sītsarvadurjayaḥ

Ishvara said: Listen, O Shanmukha, I shall tell it to you truthfully, in brief. Long ago there was a daitya named Tripura, utterly unconquerable by any.

Verse 4 (devibhagavatam.11.4.4)

जितास्तेन सुराः सर्वे बह्मविष्ण्वादिदेवताः । सर्वैस्तु कथिते तस्मिंस्तदाहं त्रिपुरं प्रति

jitāstena surāḥ sarve bahmaviṣṇvādidevatāḥ sarvaistu kathite tasmiṁstadāhaṁ tripuraṁ prati

By him all the gods — Brahma, Vishnu, and the rest — had been conquered. When all of them told me this, then, against Tripura,

Verse 5 (devibhagavatam.11.4.5)

अचिन्तयं महाशस्त्रमघोराख्यं मनोहरम् । सर्वदेवमयं दिव्यं ज्वलन्तं घोररूपि यत्

acintayaṁ mahāśastramaghorākhyaṁ manoharam sarvadevamayaṁ divyaṁ jvalantaṁ ghorarūpi yat

I conceived a great weapon named 'Aghora' — enchanting, made of the essence of all the gods, divine, blazing, and terrible in form —

Verse 6 (devibhagavatam.11.4.6)

त्रिपुरस्य वधार्थाय देवानां तारणाय च । सर्वविघ्नोपशमनमघोरास्त्रमचिन्तयम्

tripurasya vadhārthāya devānāṁ tāraṇāya ca sarvavighnopaśamanamaghorāstramacintayam

for the slaying of Tripura and the deliverance of the gods; I conceived the Aghora weapon, the pacifier of all obstacles.

Verse 7 (devibhagavatam.11.4.7)

दिव्यवर्षसहस्रं तु चक्षुरुन्मीलितं मया । पश्चान्ममाकुलाक्षिभ्यः पतिता जलबिन्दवः

divyavarṣasahasraṁ tu cakṣurunmīlitaṁ mayā paścānmamākulākṣibhyaḥ patitā jalabindavaḥ

For a thousand divine years I kept my eyes open wide in concentration; and afterward, drops of water fell from my agitated eyes.

Verse 8 (devibhagavatam.11.4.8)

तत्राश्रुबिन्दुतो जाता महारुद्राक्षवृक्षकाः । ममाज्ञया महासेन सर्वेषां हितकाम्यया

tatrāśrubinduto jātā mahārudrākṣavṛkṣakāḥ mamājñayā mahāsena sarveṣāṁ hitakāmyayā

O Mahasena, from those very teardrops, by my command and for the welfare of all beings, the great rudraksha trees came into being.

Verse 9 (devibhagavatam.11.4.9)

बभूवुस्ते च रुद्राक्षा अष्टत्रिंशत्प्रभेदतः । सूर्यनेत्रसमुद्भूताः कपिला द्वादश स्मृताः

babhūvuste ca rudrākṣā aṣṭatriṁśatprabhedataḥ sūryanetrasamudbhūtāḥ kapilā dvādaśa smṛtāḥ

These rudrakshas came to be of thirty-eight kinds. Those born from my sun-eye are remembered as tawny-brown, twelve kinds;

Verse 10 (devibhagavatam.11.4.10)

सोमनेत्रोत्थिताः श्वेतास्ते षोडशविधाः क्रमात् । वह्निनेत्रोद्भवाः कृष्णा दश भेदा भवन्ति हि

somanetrotthitāḥ śvetāste ṣoḍaśavidhāḥ kramāt vahninetrodbhavāḥ kṛṣṇā daśa bhedā bhavanti hi

those arisen from my moon-eye are white, sixteen kinds in order; and those born from my fire-eye are black, ten kinds.

Verse 11 (devibhagavatam.11.4.11)

श्वेतवर्णश्च रुद्राक्षो जातितो ब्राह्म उच्यते । क्षात्रो रक्तस्तथा मिश्रो वैश्यः कृष्णस्तु शूद्रकः

śvetavarṇaśca rudrākṣo jātito brāhma ucyate kṣātro raktastathā miśro vaiśyaḥ kṛṣṇastu śūdrakaḥ

The white-colored rudraksha is, by its kind, called Brahmin; the red is Kshatriya; the mixed-colored is Vaishya; and the black is Shudra.

Verse 12 (devibhagavatam.11.4.12)

एकवक्त्रः शिवः साक्षाद्ब्रह्महत्यां व्यपोहति । द्विवक्त्रो देवदेव्यो स्याद्विविधं नाशयेदघम्

ekavaktraḥ śivaḥ sākṣādbrahmahatyāṁ vyapohati dvivaktro devadevyo syādvividhaṁ nāśayedagham

The one-faced rudraksha is Shiva himself, and dispels the sin of killing a brahmin. The two-faced is the united form of the God and Goddess, and destroys manifold sin.

Verse 13 (devibhagavatam.11.4.13)

त्रिवक्त्रस्त्वनलः साक्षात्स्त्रीहत्यां दहति क्षणात् । चतुर्वक्त्रः स्वयं ब्रह्मा नरहत्यां व्यपोहति

trivaktrastvanalaḥ sākṣātstrīhatyāṁ dahati kṣaṇāt caturvaktraḥ svayaṁ brahmā narahatyāṁ vyapohati

The three-faced is Agni himself, and instantly burns away the sin of killing a woman. The four-faced is Brahma himself, and dispels the sin of killing a man.

Verse 14 (devibhagavatam.11.4.14)

पञ्चवक्त्रः स्वयं रुद्रः कालाग्निर्नाम नामतः । अभक्ष्यभक्षणोद्भूतैरगम्यागमनोद्भवैः

pañcavaktraḥ svayaṁ rudraḥ kālāgnirnāma nāmataḥ abhakṣyabhakṣaṇodbhūtairagamyāgamanodbhavaiḥ

The five-faced is Rudra himself, known by the name Kalagni; from sins arising from eating forbidden food and from union with forbidden women —

Verse 15 (devibhagavatam.11.4.15)

मुच्यते सर्वपापैस्तु पञ्चवक्त्रस्य धारणात् । षड्वक्त्रः कार्तिकेयस्तु स धार्यो दक्षिणे करे

mucyate sarvapāpaistu pañcavaktrasya dhāraṇāt ṣaḍvaktraḥ kārtikeyastu sa dhāryo dakṣiṇe kare

one is freed by wearing the five-faced rudraksha. The six-faced is Kartikeya himself; it should be worn on the right hand.

Verse 16 (devibhagavatam.11.4.16)

ब्रह्महत्यादिभिः पापैर्मुच्यते नात्र संशयः । सप्तवक्त्रो महाभागो ह्यनङ्गो नाम नामतः

brahmahatyādibhiḥ pāpairmucyate nātra saṁśayaḥ saptavaktro mahābhāgo hyanaṅgo nāma nāmataḥ

One is freed from sins such as killing a brahmin — of this there is no doubt. The seven-faced, of great fortune, is known by the name Ananga.

Verse 17 (devibhagavatam.11.4.17)

तद्धारणान्मुच्यते हि स्वर्णस्तेयादिपातकैः । अष्टवक्त्रो महासेन साक्षाद्देवो विनायकः

taddhāraṇānmucyate hi svarṇasteyādipātakaiḥ aṣṭavaktro mahāsena sākṣāddevo vināyakaḥ

By wearing it one is freed from sins such as the theft of gold. The eight-faced, O Mahasena, is the god Vinayaka himself.

Verse 18 (devibhagavatam.11.4.18)

अन्तकूटं तूलकूटं स्वर्णकूटं तथैव च । दुष्टान्वयस्त्रियं वाथ संस्पृशंश्च गुरुस्त्रियम्

antakūṭaṁ tūlakūṭaṁ svarṇakūṭaṁ tathaiva ca duṣṭānvayastriyaṁ vātha saṁspṛśaṁśca gurustriyam

Fraud regarding an inheritance, fraud regarding goods, and fraud regarding gold, or touching a woman of evil lineage, or touching the guru's wife —

Verse 19 (devibhagavatam.11.4.19)

एवमादीनि पापानि हन्ति सर्वाणि धारणात् । विघ्नास्तस्य प्रणश्यन्ति याति चान्ते परं पदम्

evamādīni pāpāni hanti sarvāṇi dhāraṇāt vighnāstasya praṇaśyanti yāti cānte paraṁ padam

all such sins as these are destroyed simply by wearing it. His obstacles are destroyed, and in the end he attains the supreme state.

Verse 20 (devibhagavatam.11.4.20)

भवन्त्येते गुणाः सर्वे ह्यष्टवक्त्रस्य धारणात् । नववक्त्रो भैरवस्तु धारयेद्वामबाहुके

bhavantyete guṇāḥ sarve hyaṣṭavaktrasya dhāraṇāt navavaktro bhairavastu dhārayedvāmabāhuke

All these merits come from wearing the eight-faced. The nine-faced is Bhairava; it should be worn on the left arm.

Verse 21 (devibhagavatam.11.4.21)

भुक्तिमुक्तिप्रदः प्रोक्तो मम तुल्यबलो भवेत् । भ्रूणहत्यासहस्राणि ब्रह्महत्याशतानि च

bhuktimuktipradaḥ prokto mama tulyabalo bhavet bhrūṇahatyāsahasrāṇi brahmahatyāśatāni ca

It is declared to bestow both worldly enjoyment and liberation; its wearer becomes equal to me in power. Thousands of the sins of killing an embryo, and hundreds of the sins of killing a brahmin —

Verse 22 (devibhagavatam.11.4.22)

सद्यः प्रलयमायान्ति नववक्त्रस्य धारणात् । दशवक्त्रस्तु देवेशः साक्षाद्देवो जनार्दनः

sadyaḥ pralayamāyānti navavaktrasya dhāraṇāt daśavaktrastu deveśaḥ sākṣāddevo janārdanaḥ

are instantly annihilated by wearing the nine-faced. The ten-faced is the Lord of Gods, Janardana himself.

Verse 23 (devibhagavatam.11.4.23)

ग्रहाश्चैव पिशाचाश्च वेताला ब्रह्मराक्षसाः । पन्नगाश्चोपशाम्यन्ति दशवक्त्रस्य धारणात्

grahāścaiva piśācāśca vetālā brahmarākṣasāḥ pannagāścopaśāmyanti daśavaktrasya dhāraṇāt

Planetary afflictions, spirits, vetalas, brahmarakshasas, and serpents are all pacified by wearing the ten-faced.

Verse 24 (devibhagavatam.11.4.24)

वक्त्रैकादशरुद्राक्षो रुद्रैकादशकं स्मृतम् । शिखायां धारयेद्यो वै तस्य पुण्यफलं शृणु

vaktraikādaśarudrākṣo rudraikādaśakaṁ smṛtam śikhāyāṁ dhārayedyo vai tasya puṇyaphalaṁ śṛṇu

The eleven-faced rudraksha is remembered as the Eleven Rudras themselves. Hear the meritorious fruit of one who wears it upon the tuft of hair:

Verse 25 (devibhagavatam.11.4.25)

अश्वमेधसहस्रस्य वाजपेयशतस्य च । गवां शतसहस्रस्य सम्यग्दत्तस्य यत्फलम्

aśvamedhasahasrasya vājapeyaśatasya ca gavāṁ śatasahasrasya samyagdattasya yatphalam

whatever fruit accrues from a thousand horse-sacrifices, a hundred Vajapeya sacrifices, and the proper gift of a hundred thousand cows —

Verse 26 (devibhagavatam.11.4.26)

तत्फलं लभते शीघ्रं वक्त्रैकादशधारणात् । द्वादशास्यस्य रुद्राक्षस्यैव कर्णे तु धारणात्

tatphalaṁ labhate śīghraṁ vaktraikādaśadhāraṇāt dvādaśāsyasya rudrākṣasyaiva karṇe tu dhāraṇāt

that fruit is quickly obtained by wearing the eleven-faced. By wearing the twelve-faced rudraksha upon the ear,

Verse 27 (devibhagavatam.11.4.27)

आदित्यास्तोषिता नित्यं द्वादशास्ये व्यवस्थिताः । गोभेधे चाश्वमेधे च यत्फलं तदवाप्नुयात्

ādityāstoṣitā nityaṁ dvādaśāsye vyavasthitāḥ gobhedhe cāśvamedhe ca yatphalaṁ tadavāpnuyāt

the twelve Adityas, who ever abide in the twelve-faced bead, are pleased; one obtains whatever fruit comes from the gift of cows and the horse-sacrifice.

Verse 28 (devibhagavatam.11.4.28)

शृङ्गिणां शस्त्रिणां चैव व्याघ्रादीनां भयं न हि । न च व्याधिभयं तस्य नैव चाधिः प्रकीर्तितः

śṛṅgiṇāṁ śastriṇāṁ caiva vyāghrādīnāṁ bhayaṁ na hi na ca vyādhibhayaṁ tasya naiva cādhiḥ prakīrtitaḥ

He has no fear of horned beasts, of armed men, or of tigers; nor does disease trouble him, nor, it is said, does mental anguish afflict him.

Verse 29 (devibhagavatam.11.4.29)

न च किञ्चिद्भयं तस्य न च व्याधिः प्रवर्तते । न कुतश्चिद्भयं तस्य सुखी चैवेश्वरो भवेत्

na ca kiñcidbhayaṁ tasya na ca vyādhiḥ pravartate na kutaścidbhayaṁ tasya sukhī caiveśvaro bhavet

He has no fear whatsoever, and no disease arises in him; fear from any quarter does not touch him, and he becomes happy and lordly.

Verse 30 (devibhagavatam.11.4.30)

हस्त्यश्वमृगमार्जारसर्पमूषकदर्दुरान् । खरांश्च श्वशृगालांश्च हत्वा बहुविधानपि

hastyaśvamṛgamārjārasarpamūṣakadardurān kharāṁśca śvaśṛgālāṁśca hatvā bahuvidhānapi

Even having killed an elephant, a horse, a deer, a cat, a snake, a rat, a frog, a donkey, a dog, or a jackal — many kinds of creatures —

Verse 31 (devibhagavatam.11.4.31)

मुच्यते नात्र सन्देहो वक्त्रद्वादशधारणात् । वक्त्रत्रयोदशो वत्स रुद्राक्षो यदि लभ्यते

mucyate nātra sandeho vaktradvādaśadhāraṇāt vaktratrayodaśo vatsa rudrākṣo yadi labhyate

one is freed from that sin by wearing the twelve-faced — of this there is no doubt. O child, if a thirteen-faced rudraksha is obtained,

Verse 32 (devibhagavatam.11.4.32)

कार्तिकेयसमो ज्ञेयः सर्वकामार्थसिद्धिदः । रसो रसायनं चैव तस्य सर्वं प्रसिद्ध्यति

kārtikeyasamo jñeyaḥ sarvakāmārthasiddhidaḥ raso rasāyanaṁ caiva tasya sarvaṁ prasiddhyati

its wearer should be known as equal to Kartikeya, granting the fulfillment of every desire and purpose; for him, mercury, alchemical elixirs, and everything else become efficacious.

Verse 33 (devibhagavatam.11.4.33)

तस्यैव सर्वभोग्यानि नात्र कार्या विचारणा । मातरं पितरं चैव भ्रातरं वा निहन्ति यः

tasyaiva sarvabhogyāni nātra kāryā vicāraṇā mātaraṁ pitaraṁ caiva bhrātaraṁ vā nihanti yaḥ

All enjoyments belong to him alone — no doubt need be entertained here. He who has killed his mother, father, or brother,

Verse 34 (devibhagavatam.11.4.34)

मुच्यते सर्वपापेभ्यो धारणात्तस्य षण्मुख । चतुर्दशास्यो रुद्राक्षो यदि लभ्येत पुत्रक

mucyate sarvapāpebhyo dhāraṇāttasya ṣaṇmukha caturdaśāsyo rudrākṣo yadi labhyeta putraka

is freed from all such sins by wearing it, O Shanmukha. O child, if a fourteen-faced rudraksha is obtained,

Verse 35 (devibhagavatam.11.4.35)

धारयेत्सततं मूर्ध्नि तस्य पिण्डः शिवस्य तु । किं मुने बहुनोक्तेन वर्णनेन पुनः पुनः

dhārayetsatataṁ mūrdhni tasya piṇḍaḥ śivasya tu kiṁ mune bahunoktena varṇanena punaḥ punaḥ

one should wear it always upon the head; it is verily an embodiment of Shiva himself. O sage, what need is there of speaking further, describing this again and again?

Verse 36 (devibhagavatam.11.4.36)

पूज्यते सन्ततं देवैः प्राप्यते च परा गतिः । रुद्राक्ष एकः शिरसा धार्यो भक्त्या द्विजोत्तमैः

pūjyate santataṁ devaiḥ prāpyate ca parā gatiḥ rudrākṣa ekaḥ śirasā dhāryo bhaktyā dvijottamaiḥ

Its wearer is continually honored by the gods and attains the supreme state. The best of the twice-born should wear even a single rudraksha upon the head with devotion.

Verse 37 (devibhagavatam.11.4.37)

षड्विंशद्भिः शिरोमाला पञ्चाशद्धृदयेन तु । कलाक्षैर्बाहुवलये अर्काक्षैर्मणिबन्धनम्

ṣaḍviṁśadbhiḥ śiromālā pañcāśaddhṛdayena tu kalākṣairbāhuvalaye arkākṣairmaṇibandhanam

A garland for the head is made with twenty-six beads; for the chest, with fifty; on the armlet, as many as the moon's digits; and at the wrist, as many as the twelve Suns.

Verse 38 (devibhagavatam.11.4.38)

अष्टोत्तरशतैर्माला पञ्चाशद्भिः षडानन । अथवा सप्तविंशत्या कृत्वा रुद्राक्षमालिकाम्

aṣṭottaraśatairmālā pañcāśadbhiḥ ṣaḍānana athavā saptaviṁśatyā kṛtvā rudrākṣamālikām

O six-faced one, a rosary is made with one hundred and eight beads, or with fifty; or, having made a rudraksha rosary of twenty-seven beads —

Verse 39 (devibhagavatam.11.4.39)

धारणाद्वा जपाद्वापि ह्यनन्तं फलमश्नुते । अष्टोत्तरशतैर्माला रुद्राक्षैर्धार्यते यदि

dhāraṇādvā japādvāpi hyanantaṁ phalamaśnute aṣṭottaraśatairmālā rudrākṣairdhāryate yadi

by wearing it, or by using it for japa, one obtains boundless fruit. If a rosary of one hundred and eight rudrakshas is worn,

Verse 40 (devibhagavatam.11.4.40)

क्षणे क्षणेऽश्वमेधस्य फलं प्राप्नोति षण्मुख । त्रिःसप्तकुलमुद्धृत्य शिवलोके महीयते

kṣaṇe kṣaṇe'śvamedhasya phalaṁ prāpnoti ṣaṇmukha triḥsaptakulamuddhṛtya śivaloke mahīyate

then, O Shanmukha, one obtains, moment by moment, the fruit of a horse-sacrifice; and having delivered twenty-one generations of one's lineage, one is exalted in the world of Shiva.