The Birth of Vritra After Trishira's Death

Verse 1 (devibhagavatam.6.2.1)

व्यास उवाच । अथ स लोभमुपेत्य सुराधिपः समधिगम्य गजासनसंस्थितः । त्रिशिरसं प्रति दुष्टमतिस्तदा मुनिमपश्यदमेयपराक्रमम्

vyāsa uvāca | atha sa lobhamupetya surādhipaḥ samadhigamya gajāsanasaṁsthitaḥ | triśirasaṁ prati duṣṭamatistadā munimapaśyadameyaparākramam

Vyasa said: Then, seized by greed and mounted upon his elephant throne, the lord of the gods, his mind now corrupted, approached and beheld the sage Trishira, whose might was immeasurable.

Verse 2 (devibhagavatam.6.2.2)

तमभिवीक्ष्य दृढासनसंस्थितं जितगिरं सुसमाधिवशं गतम् । रविविभावसुसन्निभमोजसा सुरपतिः परमापदमभ्यगात्

tamabhivīkṣya dṛḍhāsanasaṁsthitaṁ jitagiraṁ susamādhivaśaṁ gatam | ravivibhāvasusannibhamojasā surapatiḥ paramāpadamabhyagāt

Seeing him seated firm and unmoving, his speech restrained, absorbed in deep meditation, blazing like the sun and fire together, the king of the gods fell into utter dread.

Verse 3 (devibhagavatam.6.2.3)

कथमसौ विनिहन्तुमहो मया मुनिरपापमतिः किल सम्मतः । रिपुरयं सुसमिद्धतपोबलः कथमुपेक्ष्य इहासनकामुकः

kathamasau vinihantumaho mayā munirapāpamatiḥ kila sammataḥ | ripurayaṁ susamiddhatapobalaḥ kathamupekṣya ihāsanakāmukaḥ

'Alas, how can I possibly slay this sage, sinless and held in honor? Yet he is my enemy, blazing with the power of his austerity — how, craving my throne as he does, can I simply overlook him?'

Verse 4 (devibhagavatam.6.2.4)

इति विचिन्त्य पविं परमायुधं प्रति मुमोच मुनिं तपसि स्थितम् । शशिदिवाकरसन्निभमाशुगं त्रिशिरसं सुरसङ्घपतिः स्वयम्

iti vicintya paviṁ paramāyudhaṁ prati mumoca muniṁ tapasi sthitam | śaśidivākarasannibhamāśugaṁ triśirasaṁ surasaṅghapatiḥ svayam

Thinking this, the lord of the assembled gods himself hurled his supreme weapon — the swift thunderbolt, radiant as the moon and sun — at Trishira, who remained absorbed in his austerity.

Verse 5 (devibhagavatam.6.2.5)

तदभिघातहतः स धरातले किल पपात ममार च तापसः । शिखरिणः शिखरं कुलिशार्दितं निपतितं भुवि चाद्भुतदर्शनम्

tadabhighātahataḥ sa dharātale kila papāta mamāra ca tāpasaḥ | śikhariṇaḥ śikharaṁ kuliśārditaṁ nipatitaṁ bhuvi cādbhutadarśanam

Struck down by that blow, the ascetic fell to the earth and died — like a mountain's peak, shattered by the thunderbolt, tumbling to the ground, a sight both wondrous and terrible.

Verse 6 (devibhagavatam.6.2.6)

तं निहत्य मुदमाप सुरेश\- श्चुक्रुशुश्च मुनयस्तु संस्थिताः । हा हतेति भृशमार्तनिःस्वनाः किं कृतं शतमखेन पापिना

taṁ nihatya mudamāpa sureśa\- ścukruśuśca munayastu saṁsthitāḥ | hā hateti bhṛśamārtaniḥsvanāḥ kiṁ kṛtaṁ śatamakhena pāpinā

Having slain him, the lord of the gods rejoiced, but the sages standing there cried out in deep anguish: 'Alas, he is slain! What has the sinful Shatamakha done!'

Verse 7 (devibhagavatam.6.2.7)

विनापराधं तपसां निधिर्हतः शचीपतिः पापमतिर्दुरात्मा । फलं किलायं तरसा कृतस्य प्राप्नोतु पापी हननोद्भवस्य

vināparādhaṁ tapasāṁ nidhirhataḥ śacīpatiḥ pāpamatirdurātmā | phalaṁ kilāyaṁ tarasā kṛtasya prāpnotu pāpī hananodbhavasya

'Without any fault of his own, this treasure-house of austerity has been slain; may this sinful, evil-minded Shachi's lord swiftly reap the fruit born of this act of killing!'

Verse 8 (devibhagavatam.6.2.8)

तं निहत्य तरसा सुरराजो निर्जगाम निजमन्दिरमाशु । स हतोऽपि विरराज महात्मा जीवमान इव तेजसां निधिः

taṁ nihatya tarasā surarājo nirjagāma nijamandiramāśu | sa hato'pi virarāja mahātmā jīvamāna iva tejasāṁ nidhiḥ

Having swiftly slain him, the king of the gods hastened straight back to his own palace; yet even in death, that great-souled treasure of splendor continued to shine as though still alive.

Verse 9 (devibhagavatam.6.2.9)

तं दृष्ट्वा पतितं भूमौ जीवन्तमिव वृत्रहा । चिन्तामापातिखिन्नाङ्गः किं वा जीवेदयं पुनः

taṁ dṛṣṭvā patitaṁ bhūmau jīvantamiva vṛtrahā | cintāmāpātikhinnāṅgaḥ kiṁ vā jīvedayaṁ punaḥ

Seeing him lying on the ground yet appearing still alive, Vritrahan (Indra), his body weighed down with anxiety, wondered to himself: 'Could this one perhaps come back to life?'

Verse 10 (devibhagavatam.6.2.10)

विमृश्य मनसातीव तक्षाणं पुरतः स्थितम् । मघवा वीक्ष्य तं प्राह स्वकार्यसदृशं वचः

vimṛśya manasātīva takṣāṇaṁ purataḥ sthitam | maghavā vīkṣya taṁ prāha svakāryasadṛśaṁ vacaḥ

Reflecting deeply, Maghavan, seeing the carpenter Taksha standing before him, spoke words suited to his own purpose.

Verse 11 (devibhagavatam.6.2.11)

तक्षंश्छिन्धि शिरांस्यस्य कुरुष्व वचनं मम । मा जीवतु महातेजा भाति जीवन्निव स्वयम्

takṣaṁśchindhi śirāṁsyasya kuruṣva vacanaṁ mama | mā jīvatu mahātejā bhāti jīvanniva svayam

'O carpenter, sever his heads — obey my word. Let this greatly radiant one not remain alive; he still looks as if he lives.'

Verse 12 (devibhagavatam.6.2.12)

इत्याकर्ण्य वचस्तस्य तक्षोवाच विगर्हयन् । तक्षोवाच । महास्कन्धो भृशं भाति परशुर्न तरिष्यति

ityākarṇya vacastasya takṣovāca vigarhayan | takṣovāca | mahāskandho bhṛśaṁ bhāti paraśurna tariṣyati

Hearing his words, the carpenter spoke back in reproach. The carpenter said: 'His shoulders are exceedingly massive — my axe will not manage to cut through.'

Verse 13 (devibhagavatam.6.2.13)

ततो नाहं करिष्यामि कार्यमेतद्विगर्हितम् । त्वया वै निन्दितं कर्म कृतं सद्भिर्विगर्हितम्

tato nāhaṁ kariṣyāmi kāryametadvigarhitam | tvayā vai ninditaṁ karma kṛtaṁ sadbhirvigarhitam

'Therefore I will not perform this reprehensible act. It is you who have already done this blameworthy deed, condemned by the virtuous.'

Verse 14 (devibhagavatam.6.2.14)

अहं बिभेमि पापाद्वै मृतस्यैव च मारणे । मृतोऽयं मुनिरस्त्येव शिरसः कृन्तनेन किम्

ahaṁ bibhemi pāpādvai mṛtasyaiva ca māraṇe | mṛto'yaṁ munirastyeva śirasaḥ kṛntanena kim

'I fear the sin of killing one who is already dead. This sage is already dead — what use is there in severing his heads?'

Verse 15 (devibhagavatam.6.2.15)

भयं किं तेऽत्र सञ्जातं पाकशासन कथ्यताम् । इन्द्र उवाच । सजीव इव देहोऽयमाभाति विशदाकृतिः

bhayaṁ kiṁ te'tra sañjātaṁ pākaśāsana kathyatām | indra uvāca | sajīva iva deho'yamābhāti viśadākṛtiḥ

'What fear has arisen in you here, O Pakashasana? Tell me.' Indra said: 'This body appears as though still alive, its form so clear and vivid.'

Verse 16 (devibhagavatam.6.2.16)

तस्माद्बिभेमि मा जीवेन्मुनिः शत्रुरयं मम । तक्षोवाच । नात्र किं त्रपसे विद्वन् क्रूरेणानेन कर्मणा

tasmādbibhemi mā jīvenmuniḥ śatrurayaṁ mama | takṣovāca | nātra kiṁ trapase vidvan krūreṇānena karmaṇā

'That is why I fear — let this sage, my enemy, not come back to life.' The carpenter said: 'Are you not ashamed, O learned one, of this cruel deed?'

Verse 17 (devibhagavatam.6.2.17)

ऋषिपुत्रमिमं हत्वा ब्रह्महत्याभयं न किम् । इन्द्र उवाच । प्रायश्चित्तं करिष्यामि पश्चात्पापक्षयाय वै

ṛṣiputramimaṁ hatvā brahmahatyābhayaṁ na kim | indra uvāca | prāyaścittaṁ kariṣyāmi paścātpāpakṣayāya vai

'Having killed this son of a sage, do you feel no fear of the sin of killing a brahmin?' Indra said: 'I shall perform expiation afterward, to destroy that sin.'

Verse 18 (devibhagavatam.6.2.18)

शत्रुस्तु सर्वथा वध्यश्छलेनापि महामते । तक्षोवाच । त्वं लोभाभिहतः पापं करोषि मघवन्निह

śatrustu sarvathā vadhyaśchalenāpi mahāmate | takṣovāca | tvaṁ lobhābhihataḥ pāpaṁ karoṣi maghavanniha

'An enemy, O wise one, must by every means be destroyed — even by deceit.' The carpenter said: 'You, O Maghavan, overcome by greed, are committing sin here.'

Verse 19 (devibhagavatam.6.2.19)

तं विनाहं कथं पापं करोमि वद मे विभो । इन्द्र उवाच । मखेषु खलु भागं ते करिष्यामि सदैव हि

taṁ vināhaṁ kathaṁ pāpaṁ karomi vada me vibho | indra uvāca | makheṣu khalu bhāgaṁ te kariṣyāmi sadaiva hi

'Apart from that, how am I sinning? Tell me, O lord.' Indra said: 'I shall grant you, forever, a share in every sacrifice.'

Verse 20 (devibhagavatam.6.2.20)

शिरः पशोस्तु ते भागं यज्ञे दास्यन्ति मानवाः । शुल्केनानेन छिन्धि त्वं शिरांस्यस्य कुरु प्रियम्

śiraḥ paśostu te bhāgaṁ yajñe dāsyanti mānavāḥ | śulkenānena chindhi tvaṁ śirāṁsyasya kuru priyam

'In every sacrifice, men shall give you the animal's head as your portion; for this price, sever his heads and grant me my wish.'

Verse 21 (devibhagavatam.6.2.21)

व्यास उवाच । एतच्छ्रुत्वा महेन्द्रस्य वचस्तक्षा मुदान्वितः । कुठारेण शिरांस्यस्य चकर्त सुदृढेन हि

vyāsa uvāca | etacchrutvā mahendrasya vacastakṣā mudānvitaḥ | kuṭhāreṇa śirāṁsyasya cakarta sudṛḍhena hi

Vyasa said: Hearing these words of mighty Indra, the carpenter, now delighted, cut off his heads with a sturdy axe.

Verse 22 (devibhagavatam.6.2.22)

छिन्नानि त्रीणि शीर्षाणि पतितानि यदा भुवि । तेभ्यस्तु पक्षिणः क्षिप्रं विनिष्पेतुः सहस्रशः

chinnāni trīṇi śīrṣāṇi patitāni yadā bhuvi | tebhyastu pakṣiṇaḥ kṣipraṁ viniṣpetuḥ sahasraśaḥ

When the three severed heads fell to the ground, birds by the thousand suddenly burst forth from them.

Verse 23 (devibhagavatam.6.2.23)

कलविङ्कास्तित्तिरयस्तथैव च कपिञ्जलाः । पृथक्पृथग्विनिष्पेतुर्मुखतस्तरसा तदा

kalaviṅkāstittirayastathaiva ca kapiñjalāḥ | pṛthakpṛthagviniṣpeturmukhatastarasā tadā

Sparrows, partridges, and francolins burst forth quickly, each kind separately from its own mouth.

Verse 24 (devibhagavatam.6.2.24)

येन वेदानधीते स्म सोमं च पिबते तथा । तस्माद्वक्त्रात्किलोत्पेतुः सद्य एव कपिञ्जलाः

yena vedānadhīte sma somaṁ ca pibate tathā | tasmādvaktrātkilotpetuḥ sadya eva kapiñjalāḥ

From the mouth with which he had recited the Vedas and drunk soma, francolins sprang forth in that very instant.

Verse 25 (devibhagavatam.6.2.25)

येन सर्वा दिशः कामं पिबन्निव निरीक्षते । तस्मात्तु तित्तिरास्तत्र निःसृतास्तिग्मतेजसः

yena sarvā diśaḥ kāmaṁ pibanniva nirīkṣate | tasmāttu tittirāstatra niḥsṛtāstigmatejasaḥ

From the mouth with which he had gazed freely at every direction, as though drinking them in, sharp-eyed partridges of fierce brilliance emerged.

Verse 26 (devibhagavatam.6.2.26)

यत्सुरापं तु तद्वक्त्रं तस्मात्तु चटकाः किल । विनिष्पेतुस्त्रिशिरस एवं ते विहगा नृप

yatsurāpaṁ tu tadvaktraṁ tasmāttu caṭakāḥ kila | viniṣpetustriśirasa evaṁ te vihagā nṛpa

And from the mouth that had drunk wine, sparrows indeed sprang forth. Thus, O king, these birds came into being from Trishira.

Verse 27 (devibhagavatam.6.2.27)

एवंविनिःसृतान्दृष्ट्वा तेभ्यः शक्रस्तदाण्डजान् । मुमोद मनसा राजन् जगाम त्रिदिवं पुनः

evaṁviniḥsṛtāndṛṣṭvā tebhyaḥ śakrastadāṇḍajān | mumoda manasā rājan jagāma tridivaṁ punaḥ

Seeing these birds thus sprung forth from him, Shakra rejoiced in his heart, O king, and went back once more to the triple heaven.

Verse 28 (devibhagavatam.6.2.28)

गते शक्रे तु तक्षापि स्वगृहं तरसा ययौ । यज्ञभागं परं लब्ध्वा मुदमाप महीपते

gate śakre tu takṣāpi svagṛhaṁ tarasā yayau | yajñabhāgaṁ paraṁ labdhvā mudamāpa mahīpate

When Shakra had gone, the carpenter too made his way swiftly back home; having gained that fine share of the sacrifice, O king, he rejoiced.

Verse 29 (devibhagavatam.6.2.29)

इन्द्रोऽथ स्वगृहं गत्वा हत्वा शत्रुं महाबलम् । मेने कृतार्थमात्मानं ब्रह्महत्यामचिन्तयन्

indro'tha svagṛhaṁ gatvā hatvā śatruṁ mahābalam | mene kṛtārthamātmānaṁ brahmahatyāmacintayan

Indra then returned to his own home and, having slain his mighty enemy, considered himself to have achieved his purpose, giving no thought at all to the sin of killing a brahmin.

Verse 30 (devibhagavatam.6.2.30)

तं श्रुत्वा निहतं त्वष्टा पुत्रं परमधार्मिकम् । चुकोपातीव मनसा वचनं चेदमब्रवीत्

taṁ śrutvā nihataṁ tvaṣṭā putraṁ paramadhārmikam | cukopātīva manasā vacanaṁ cedamabravīt

Hearing that his supremely righteous son had been killed, Tvashtri grew furious at heart and spoke these words.

Verse 31 (devibhagavatam.6.2.31)

अनागसं मुनिं यस्मात्पुत्रं निहतवान्मम । तस्मादुत्पादयिष्यामि तद्वधार्थं सुतं पुनः

anāgasaṁ muniṁ yasmātputraṁ nihatavānmama | tasmādutpādayiṣyāmi tadvadhārthaṁ sutaṁ punaḥ

'Since he has slain my innocent, sage-like son, I shall now beget another son for the sole purpose of destroying him.'

Verse 32 (devibhagavatam.6.2.32)

सुराः पश्यन्तु मे वीर्यं तपसश्च बलं तथा । जानातु सर्वं पापात्मा स्वकृतस्य फलं महत्

surāḥ paśyantu me vīryaṁ tapasaśca balaṁ tathā | jānātu sarvaṁ pāpātmā svakṛtasya phalaṁ mahat

'Let the gods behold my valor and the power of my austerity; let that sinful soul come to know fully the great fruit of his own deed.'

Verse 33 (devibhagavatam.6.2.33)

इत्युक्त्वाग्निं जुहावाथ मन्त्रैराथर्वणोदितैः । पुत्रस्योत्पादनार्थाय त्वष्टा क्रोधसमाकुलः

ityuktvāgniṁ juhāvātha mantrairātharvaṇoditaiḥ | putrasyotpādanārthāya tvaṣṭā krodhasamākulaḥ

Having said this, Tvashtri, overwhelmed with rage, offered oblations into the fire with mantras drawn from the Atharva Veda, for the sake of begetting a son.

Verse 34 (devibhagavatam.6.2.34)

कृते होमेऽष्टरात्रं तु सन्दीप्ताच्च विभावसोः । प्रादुर्बभूव तरसा पुरुषः पावकोपमः

kṛte home'ṣṭarātraṁ tu sandīptācca vibhāvasoḥ | prādurbabhūva tarasā puruṣaḥ pāvakopamaḥ

When the fire-offering had continued for eight nights, from the blazing flames a being resembling fire itself suddenly appeared.

Verse 35 (devibhagavatam.6.2.35)

तं दृष्ट्वाग्रे सुतं त्वष्टा तेजोबलसमन्वितम् । वेगात्प्रकटितं वह्नेर्दीप्यमानमिवानलम्

taṁ dṛṣṭvāgre sutaṁ tvaṣṭā tejobalasamanvitam | vegātprakaṭitaṁ vahnerdīpyamānamivānalam

Seeing before him that son, endowed with the strength of splendor, swiftly manifested from the fire and blazing like fire itself,

Verse 36 (devibhagavatam.6.2.36)

उवाच वचनं त्वष्टा सुतं वीक्ष्य पुरःस्थितम् । इन्द्रशत्रो विवर्धस्व प्रतापात्तपसो मम

uvāca vacanaṁ tvaṣṭā sutaṁ vīkṣya puraḥsthitam | indraśatro vivardhasva pratāpāttapaso mama

Tvashtri, beholding his son standing before him, said: 'O foe of Indra, grow mighty through the power of my austerity!'

Verse 37 (devibhagavatam.6.2.37)

इत्युक्ते वचने त्वष्ट्रा क्रोधप्रज्वलितेन च । सोऽवर्धत दिवं स्तब्ध्वा वैश्वानरसमद्युतिः

ityukte vacane tvaṣṭrā krodhaprajvalitena ca | so'vardhata divaṁ stabdhvā vaiśvānarasamadyutiḥ

When Tvashtri, blazing with anger, spoke these words, that son began to grow, filling the sky, radiant as Vaishvanara, the fire itself.

Verse 38 (devibhagavatam.6.2.38)

जातः स पर्वताकारः कालमृत्युसमः स्वराट् । किं करोमीति तं प्राह पितरं परमातुरम्

jātaḥ sa parvatākāraḥ kālamṛtyusamaḥ svarāṭ | kiṁ karomīti taṁ prāha pitaraṁ paramāturam

Born mountain-shaped, resembling death and time itself, self-sovereign, he spoke to his deeply anguished father: 'What shall I do?'

Verse 39 (devibhagavatam.6.2.39)

कुरु मे नामकं नाथ कार्यं कथय सुव्रत । चिन्तातुरोऽसि कस्मात्त्वं ब्रूहि मे शोककारणम्

kuru me nāmakaṁ nātha kāryaṁ kathaya suvrata | cintāturo'si kasmāttvaṁ brūhi me śokakāraṇam

'Give me a name, my lord, and tell me my task, O keeper of noble vows. Why are you so troubled with anxiety? Tell me the cause of your grief.'

Verse 40 (devibhagavatam.6.2.40)

नाशयाम्यद्य ते शोकमिति मे व्रतमाहितम् । तेन जातेन किं भूयः पिता भवति दुःखितः

nāśayāmyadya te śokamiti me vratamāhitam | tena jātena kiṁ bhūyaḥ pitā bhavati duḥkhitaḥ

'I shall this very day destroy your sorrow — this is now my firm vow. What is the use of being born as a son, if the father still remains grieving?'

Verse 41 (devibhagavatam.6.2.41)

पिबामि सागरं सद्यश्चूर्णयामि धराधरान् । उद्यन्तं वारयाम्यद्य तरणिं तिग्मतेजसम्

pibāmi sāgaraṁ sadyaścūrṇayāmi dharādharān | udyantaṁ vārayāmyadya taraṇiṁ tigmatejasam

'I shall drink up the ocean this instant, crush the mountains to dust, and this very day stop the rising sun of fierce splendor in its course.'

Verse 42 (devibhagavatam.6.2.42)

हन्मीन्द्रं ससुरं सद्यो यमं वा देवतान्तरम् । क्षिपामि सागरे सर्वान्समुत्पाट्य च मेदिनीम्

hanmīndraṁ sasuraṁ sadyo yamaṁ vā devatāntaram | kṣipāmi sāgare sarvānsamutpāṭya ca medinīm

'I shall at once slay Indra together with all the gods, or Yama, or any other deity; I shall tear up the very earth and hurl them all into the ocean.'

Verse 43 (devibhagavatam.6.2.43)

इत्याकर्ण्य वचस्तस्य त्वष्टा पुत्रस्य पेशलम् । प्रत्युवाचातिमुदितस्तं सुतं पर्वतोपमम्

ityākarṇya vacastasya tvaṣṭā putrasya peśalam | pratyuvācātimuditastaṁ sutaṁ parvatopamam

Hearing these fine words from his son, Tvashtri, greatly delighted, replied to that mountain-like son of his.

Verse 44 (devibhagavatam.6.2.44)

वृजिनात्त्रातुमधुना यस्माच्छक्तोऽसि पुत्रक । तस्माद्वृत्र इति ख्यातं तव नाम भविष्यति

vṛjināttrātumadhunā yasmācchakto'si putraka | tasmādvṛtra iti khyātaṁ tava nāma bhaviṣyati

'Since you, my son, are now capable of shielding me from calamity, your name shall henceforth become renowned as Vritra.'

Verse 45 (devibhagavatam.6.2.45)

भ्राता तव महाभाग त्रिशिरा नाम तापसः । त्रीणि तस्य च शीर्षाणि ह्यभवन्वीर्यवन्ति च

bhrātā tava mahābhāga triśirā nāma tāpasaḥ | trīṇi tasya ca śīrṣāṇi hyabhavanvīryavanti ca

'You had a brother, O greatly fortunate one, an ascetic named Trishira; his three heads, too, were full of valor.'

Verse 46 (devibhagavatam.6.2.46)

वेदवेदाङ्गतत्त्वज्ञः सर्वविद्याविशारदः । संस्थितस्तपसि प्रायस्त्रिलोकीविस्मयप्रदे

vedavedāṅgatattvajñaḥ sarvavidyāviśāradaḥ | saṁsthitastapasi prāyastrilokīvismayaprade

'He knew the essence of the Vedas and the Vedangas, was skilled in every branch of learning, and remained mostly absorbed in austerity that astonished all three worlds.'

Verse 47 (devibhagavatam.6.2.47)

शक्रेण तु हतः सोऽद्य वज्रघातेन साम्प्रतम् । विनापराधं सहसा छिन्नानि मस्तकानि च

śakreṇa tu hataḥ so'dya vajraghātena sāmpratam | vināparādhaṁ sahasā chinnāni mastakāni ca

'He was slain, just now, by Shakra's blow of the thunderbolt; without any fault of his own, his heads were suddenly severed.'

Verse 48 (devibhagavatam.6.2.48)

तस्मात्त्वं पुरुषव्याघ्र जहि शक्रं कृतागसम् । ब्रह्महत्यायुतं पापं निस्त्रपं दुर्मतिं शठम्

tasmāttvaṁ puruṣavyāghra jahi śakraṁ kṛtāgasam | brahmahatyāyutaṁ pāpaṁ nistrapaṁ durmatiṁ śaṭham

'Therefore, O tiger among men, slay that offender Shakra — shameless, evil-minded, deceitful, and burdened with the sin of killing a brahmin.'

Verse 49 (devibhagavatam.6.2.49)

इत्युक्त्वा च तदा त्वष्टा पुत्रशोकसमाकुलः । आयुधानि च दिव्यानि चकार विविधानि च

ityuktvā ca tadā tvaṣṭā putraśokasamākulaḥ | āyudhāni ca divyāni cakāra vividhāni ca

Having spoken thus, Tvashtri, overwhelmed with grief for his lost son, then fashioned a variety of divine weapons.

Verse 50 (devibhagavatam.6.2.50)

ददावस्मै सहस्राक्षवधाय प्रबलानि च । खड्गशूलगदाशक्तितोमरप्रमुखानि वै

dadāvasmai sahasrākṣavadhāya prabalāni ca | khaḍgaśūlagadāśaktitomarapramukhāni vai

He gave him powerful weapons for the slaying of the thousand-eyed one (Indra) — sword, trident, mace, javelin, lance, and more.

Verse 51 (devibhagavatam.6.2.51)

शार्ङ्ग धनुस्तथा बाणं परिघं पट्टिशं तथा । चक्रं दिव्यं सहस्रारं सुदर्शनसमप्रभम्

śārṅga dhanustathā bāṇaṁ parighaṁ paṭṭiśaṁ tathā | cakraṁ divyaṁ sahasrāraṁ sudarśanasamaprabham

The Sharnga bow with arrows, an iron mace, a spear-staff, and a divine thousand-spoked discus as brilliant as the Sudarshana.

Verse 52 (devibhagavatam.6.2.52)

तूणीरौ चाक्षयौ दिव्यौ कवचं चातिसुन्दरम् । रथं मेघप्रतीकाशं दृढं भारसहं जवम्

tūṇīrau cākṣayau divyau kavacaṁ cātisundaram | rathaṁ meghapratīkāśaṁ dṛḍhaṁ bhārasahaṁ javam

Two inexhaustible divine quivers and an exquisitely beautiful suit of armor; a chariot resembling a cloud, sturdy, capable of bearing great weight, and swift.

Verse 53 (devibhagavatam.6.2.53)

युद्धोपकरणं सर्वं कृत्वा पुत्राय पार्थिव । दत्त्वासौ प्रेरयामास त्वष्टा क्रोधसमन्वितः

yuddhopakaraṇaṁ sarvaṁ kṛtvā putrāya pārthiva | dattvāsau prerayāmāsa tvaṣṭā krodhasamanvitaḥ

Having made every implement of war and given them all to his son, O king, Tvashtri, still consumed with rage, then sent him forth to battle.