Vyasa's Own Delusion

Verse 1 (devibhagavatam.6.25.1)

व्यास उवाच । वासवी चकिता जाता श्रुत्वा मे वाक्यमीदृशम् । दाशेयी मामुवाचेदं पुत्रार्थे भृशमातुरा

vyāsa uvāca | vāsavī cakitā jātā śrutvā me vākyamīdṛśam | dāśeyī māmuvācedaṁ putrārthe bhṛśamāturā

Vyasa said: Vasavi, the fisherman's daughter, grew alarmed on hearing such words from me; deeply anxious for the sake of a son, she spoke to me thus —

Verse 2 (devibhagavatam.6.25.2)

अम्बालिका वधूर्धन्या काशिराजसुता सुत । भार्या विचित्रवीर्यस्य विधवा शोकसंयुता

ambālikā vadhūrdhanyā kāśirājasutā suta | bhāryā vicitravīryasya vidhavā śokasaṁyutā

'My son, your fortunate sister-in-law Ambalika, daughter of the King of Kashi and wife of Vichitravirya, is now a widow, sunk in grief.'

Verse 3 (devibhagavatam.6.25.3)

सर्वलक्षणसम्पन्ना रूपयौवनशालिनी । तस्यां जनय सङ्गं त्वं कृत्वा पुत्रं सुसम्मतम्

sarvalakṣaṇasampannā rūpayauvanaśālinī | tasyāṁ janaya saṅgaṁ tvaṁ kṛtvā putraṁ susammatam

'Endowed with every auspicious mark, resplendent with beauty and youth — unite with her and beget upon her a fine and worthy son.'

Verse 4 (devibhagavatam.6.25.4)

नान्धो राजाधिकारी स्यात्तस्मात्पुत्र मनोहरम् । उत्पादय राजपुत्र्यां वचनान्मम मानद

nāndho rājādhikārī syāttasmātputra manoharam | utpādaya rājaputryāṁ vacanānmama mānada

'A blind one cannot rightly hold the kingdom; therefore, my son, at my word beget a handsome son upon this princess, O giver of honor.'

Verse 5 (devibhagavatam.6.25.5)

इत्युक्तोऽहं तदा मात्रा स्थितस्तत्र गजाह्वये । यावदृतुमती जाता काशिराजसुता मुने

ityukto'haṁ tadā mātrā sthitastatra gajāhvaye | yāvadṛtumatī jātā kāśirājasutā mune

So addressed, I remained there at Gajahvaya, O sage, until the daughter of the King of Kashi entered her fertile season.

Verse 6 (devibhagavatam.6.25.6)

एकान्ते शयनागारे प्राप्ता सा मम सन्निधौ । लज्जमाना सुकेशान्ता स्वश्वश्रूवचनात्तदा

ekānte śayanāgāre prāptā sā mama sannidhau | lajjamānā sukeśāntā svaśvaśrūvacanāttadā

At her mother-in-law's bidding, she, beautiful-haired and modest, came to my presence in a private bedchamber.

Verse 7 (devibhagavatam.6.25.7)

दृष्ट्वा मां जटिलं दान्तं तापसं रसवर्जितम् । सा स्वेदवदना जाता पाण्डुरा विमना भृशम्

dṛṣṭvā māṁ jaṭilaṁ dāntaṁ tāpasaṁ rasavarjitam | sā svedavadanā jātā pāṇḍurā vimanā bhṛśam

Seeing me, matted-haired, self-controlled, an ascetic devoid of any charm, her face broke into a sweat, and she grew utterly disheartened and pale.

Verse 8 (devibhagavatam.6.25.8)

कुपितोऽहं तदा दृष्ट्वा कामिनीं निशि सङ्गताम् । वेपमानां स्थितां पार्श्वे ह्यब्रवं तामहं रुषा

kupito'haṁ tadā dṛṣṭvā kāminīṁ niśi saṅgatām | vepamānāṁ sthitāṁ pārśve hyabravaṁ tāmahaṁ ruṣā

Seeing that woman, who had come to me at night, standing there trembling, I grew angry and spoke to her in wrath —

Verse 9 (devibhagavatam.6.25.9)

दृष्ट्वा मां यदि गर्वेण पाण्डुवर्णा समावृता । अतस्ते तनयः पाण्डुर्भविष्यति सुमध्यमे

dṛṣṭvā māṁ yadi garveṇa pāṇḍuvarṇā samāvṛtā | ataste tanayaḥ pāṇḍurbhaviṣyati sumadhyame

'—since, seeing me, you have grown pale, O slender-waisted one, for this your son shall be born pale (pandu).'

Verse 10 (devibhagavatam.6.25.10)

इत्युक्त्वा निशि तत्रैव स्थितोऽम्बालिकया युतः । भुक्त्वा तां निशि निर्यातः स्थानमापृच्छ्य मातरम्

ityuktvā niśi tatraiva sthito'mbālikayā yutaḥ | bhuktvā tāṁ niśi niryātaḥ sthānamāpṛcchya mātaram

Having said this, I remained there with Ambalika that same night; having lain with her, I departed that very night, taking leave of my mother.

Verse 11 (devibhagavatam.6.25.11)

ततस्ताभ्यां सुतौ काले प्रसूतावन्धपाण्डुरौ । धृतराष्ट्रश्च पाण्डुश्च प्रथितौ सम्बभूवतुः

tatastābhyāṁ sutau kāle prasūtāvandhapāṇḍurau | dhṛtarāṣṭraśca pāṇḍuśca prathitau sambabhūvatuḥ

In due time, two sons were born of those two women — one blind, one pale — and they became renowned as Dhritarashtra and Pandu.

Verse 12 (devibhagavatam.6.25.12)

माता मे विमना जाता तादृशौ वीक्ष्य तौ सुतौ । ततः संवत्सरस्यान्ते मामाहूय तदाब्रवीत्

mātā me vimanā jātā tādṛśau vīkṣya tau sutau | tataḥ saṁvatsarasyānte māmāhūya tadābravīt

My mother grew disheartened, seeing those two sons in such condition; then, at the end of a year, she summoned me and said —

Verse 13 (devibhagavatam.6.25.13)

द्वैपायन सुतौ जातौ राज्ययोग्यौ न तादृशौ । अन्यं मनोहरं पुत्रं समुत्पादय मे प्रियम्

dvaipāyana sutau jātau rājyayogyau na tādṛśau | anyaṁ manoharaṁ putraṁ samutpādaya me priyam

'O Dvaipayana, the two sons who were born are not fit to rule; beget for me another handsome son, my beloved.'

Verse 14 (devibhagavatam.6.25.14)

तथेति सा मया प्रोक्ता मुदिता जननी तदा । अम्बिकां प्रार्थयामास सुतार्थे काल आगते

tatheti sā mayā proktā muditā jananī tadā | ambikāṁ prārthayāmāsa sutārthe kāla āgate

'So be it,' I said; then my mother, delighted, when the time had come, entreated Ambika for the sake of a further son —

Verse 15 (devibhagavatam.6.25.15)

पुत्रि व्यासं समालिङ्ग्य पुत्रमुत्पादयाद्भुतम् । कुरुवंशस्य कर्तारं राज्ययोग्यं वरानने

putri vyāsaṁ samāliṅgya putramutpādayādbhutam | kuruvaṁśasya kartāraṁ rājyayogyaṁ varānane

'Daughter, embrace Vyasa and beget a wondrous son, one who will build the Kuru line and be fit to rule, O fair-faced one.'

Verse 16 (devibhagavatam.6.25.16)

वधूर्लज्जान्विता किञ्चिन्नोवाच वचनं तदा । गतोऽहं शयनागारे मातुस्तद्वचनान्निशि

vadhūrlajjānvitā kiñcinnovāca vacanaṁ tadā | gato'haṁ śayanāgāre mātustadvacanānniśi

The daughter-in-law, overcome with modesty, said not a word in reply; at my mother's word I went to the bedchamber that night.

Verse 17 (devibhagavatam.6.25.17)

दासी विचित्रवीर्यस्य रूपयौवनसंयुता । प्रेषिताम्बिकया त्वत्र विचित्राभरणाम्बरा

dāsī vicitravīryasya rūpayauvanasaṁyutā | preṣitāmbikayā tvatra vicitrābharaṇāmbarā

But Ambika had sent in her place a maidservant, endowed with beauty and youth, adorned with various ornaments and garments —

Verse 18 (devibhagavatam.6.25.18)

चन्दनारक्तदेहा सा पुष्पमालाविभूषिता । आयाता हावसंयुक्ता सुकेशी हंसगामिनी

candanāraktadehā sā puṣpamālāvibhūṣitā | āyātā hāvasaṁyuktā sukeśī haṁsagāminī

—her body reddened with sandal-paste, decked with garlands of flowers, coming with alluring gestures, beautiful-haired, moving with the gait of a swan.

Verse 19 (devibhagavatam.6.25.19)

पर्यङ्के मां समावेश्य संस्थिता प्रेमसंयुता । प्रसन्नोऽहं तदा तस्या विलासेनाभवं मुने

paryaṅke māṁ samāveśya saṁsthitā premasaṁyutā | prasanno'haṁ tadā tasyā vilāsenābhavaṁ mune

She seated me upon the couch and remained there, full of affection; by her charming manner, O sage, I was pleased.

Verse 20 (devibhagavatam.6.25.20)

रात्रौ सङ्क्रीडितं प्रेम्णा तया सह मया भृशम् । वरो दत्तः पुनस्तस्यै प्रसन्नेन तु नारद

rātrau saṅkrīḍitaṁ premṇā tayā saha mayā bhṛśam | varo dattaḥ punastasyai prasannena tu nārada

That night I sported at length with her, lovingly; and, well pleased, O Narada, I granted her a further boon —

Verse 21 (devibhagavatam.6.25.21)

सुभगे भविता पुत्रः सर्वलक्षणसंयुतः । सुरूपः सर्वधर्मज्ञः सत्यवादी शमे रतः

subhage bhavitā putraḥ sarvalakṣaṇasaṁyutaḥ | surūpaḥ sarvadharmajñaḥ satyavādī śame rataḥ

'O fortunate one, your son shall be endowed with every auspicious mark — of fine form, versed in all dharma, truthful, and devoted to peace.'

Verse 22 (devibhagavatam.6.25.22)

स तदा विदुरो जातस्त्रयः पुत्रा मयाभवन् । माया वृद्धिं गता साधो परक्षेत्रोद्भवे मम

sa tadā viduro jātastrayaḥ putrā mayābhavan | māyā vṛddhiṁ gatā sādho parakṣetrodbhave mama

Then Vidura was born; thus three sons were fathered by me. O virtuous one, illusion grew strong within me, even though these sons had arisen in another's field.

Verse 23 (devibhagavatam.6.25.23)

विस्मृतः शुकसम्बन्धी विरहः शोककारणम् । दृष्ट्वा त्रीन्स्वसुतान्कामं बलिनो वीर्यसम्मतान्

vismṛtaḥ śukasambandhī virahaḥ śokakāraṇam | dṛṣṭvā trīnsvasutānkāmaṁ balino vīryasammatān

My grief over separation from Shuka was forgotten, seeing my three sons — strong and esteemed for their valor — thriving as I wished.

Verse 24 (devibhagavatam.6.25.24)

माया बलवती ब्रह्मन् दुस्त्यजा ह्यकृतात्मभिः । अरूपा च निरालम्बा ज्ञानिनामपि मोहिनी

māyā balavatī brahman dustyajā hyakṛtātmabhiḥ | arūpā ca nirālambā jñānināmapi mohinī

'Maya is exceedingly powerful, O Brahmin, and hard for the unperfected soul to relinquish; formless and without support, she deludes even the wise.'

Verse 25 (devibhagavatam.6.25.25)

मातरि स्नेहसम्बद्धं तथा पुत्रेषु संवृतम् । न मे चित्तं वने शान्तिमगान्मुनिवरोत्तम

mātari snehasambaddhaṁ tathā putreṣu saṁvṛtam | na me cittaṁ vane śāntimagānmunivarottama

'My mind, bound by affection for my mother and now attached to my sons, found no peace in the forest, O foremost of sages.'

Verse 26 (devibhagavatam.6.25.26)

दोलारूढं मनो जातं कदाचिद्धस्तिनापुरे । पुनः सरस्वतीतीरे न चैकत्र व्यवस्थितिः

dolārūḍhaṁ mano jātaṁ kadāciddhastināpure | punaḥ sarasvatītīre na caikatra vyavasthitiḥ

'My mind became like one mounted on a swing — now in Hastinapura, now again on the bank of the Sarasvati — never settled in any one place.'

Verse 27 (devibhagavatam.6.25.27)

कदाचिच्चिन्तयन् ज्ञानं मानसे प्रतिभाति वै । केऽमी पुत्राः क्व मोहोऽयं न श्राद्धार्हा मृतस्य मे

kadāciccintayan jñānaṁ mānase pratibhāti vai | ke'mī putrāḥ kva moho'yaṁ na śrāddhārhā mṛtasya me

'At times, in reflection, true knowledge would flash in my mind: "Who are these sons? What is this delusion? They are not even entitled to perform my funeral rites when I die."'

Verse 28 (devibhagavatam.6.25.28)

व्यभिचारोद्भवाः किं मे सुखदाः स्युः सुताः किल । माया बलवती मोहं वितनोति हि मानसे

vyabhicārodbhavāḥ kiṁ me sukhadāḥ syuḥ sutāḥ kila | māyā balavatī mohaṁ vitanoti hi mānase

'"Can sons born of such a transgression truly give me happiness?" — yet maya is so powerful that it keeps spreading delusion through the mind.'

Verse 29 (devibhagavatam.6.25.29)

जानन्मोहान्धकूपेऽस्मिन्पतितोऽहं मृषा मुने । इत्यकुर्वं रहस्तापं कदाचित्स्सुसमाहितः

jānanmohāndhakūpe'sminpatito'haṁ mṛṣā mune | ityakurvaṁ rahastāpaṁ kadācitssusamāhitaḥ

'Knowing this even so, O sage, I remained fallen, in vain, in this blind well of delusion; thus at times, deeply composed, I would grieve in solitude.'

Verse 30 (devibhagavatam.6.25.30)

राज्यं प्राप ततः पाण्डुर्बलवान्भीष्मसम्मतः । तदा मम मनो जातं प्रसन्नं सुतकारणात्

rājyaṁ prāpa tataḥ pāṇḍurbalavānbhīṣmasammataḥ | tadā mama mano jātaṁ prasannaṁ sutakāraṇāt

'Then Pandu, the mighty one, esteemed by Bhishma, obtained the kingdom; and then my mind became glad on account of my son.'

Verse 31 (devibhagavatam.6.25.31)

कुन्ती माद्री सुरूपे द्वे भार्ये तस्य बभूवतुः । शूरसेनसुता कुन्ती मद्रराजसुतापरा

kuntī mādrī surūpe dve bhārye tasya babhūvatuḥ | śūrasenasutā kuntī madrarājasutāparā

'He had two beautiful wives, Kunti and Madri; Kunti was the daughter of Shurasena, the other the daughter of the King of Madra.'

Verse 32 (devibhagavatam.6.25.32)

स शापं द्विजतः प्राप्य कामिनीद्वयसंयुतः । पाण्डुर्निर्वेदमापन्नस्त्यक्त्वा राज्यं वनं गतः

sa śāpaṁ dvijataḥ prāpya kāminīdvayasaṁyutaḥ | pāṇḍurnirvedamāpannastyaktvā rājyaṁ vanaṁ gataḥ

'Having incurred a curse from a Brahmin, and overcome with dispassion, Pandu, together with his two wives, abandoned the kingdom and went to the forest.'

Verse 33 (devibhagavatam.6.25.33)

तदा मामाविशच्छोकः श्रुत्वा पुत्रं वने स्थितम् । गतोऽहं तत्र यत्रासौ भार्याभ्यां सह संस्थितः

tadā māmāviśacchokaḥ śrutvā putraṁ vane sthitam | gato'haṁ tatra yatrāsau bhāryābhyāṁ saha saṁsthitaḥ

'Then grief overcame me on hearing that my son dwelt in the forest; I went there, to where he stayed together with his two wives.'

Verse 34 (devibhagavatam.6.25.34)

तमाश्वास्य वने पाण्डुं पुनः प्राप्तो गजाह्वये । धृतराष्ट्रं समाभाष्य ह्यगमं ब्रह्मजातटे

tamāśvāsya vane pāṇḍuṁ punaḥ prāpto gajāhvaye | dhṛtarāṣṭraṁ samābhāṣya hyagamaṁ brahmajātaṭe

'Having consoled Pandu in the forest, I returned again to Gajahvaya; and, after speaking with Dhritarashtra, went on to the bank of the Sarasvati.'

Verse 35 (devibhagavatam.6.25.35)

क्षेत्रजान्पञ्चपुत्रान्स समुत्पाद्य वनाश्रमे । धर्मतो वायुतः शक्रादश्विभ्यां पञ्च पाण्डवान्

kṣetrajānpañcaputrānsa samutpādya vanāśrame | dharmato vāyutaḥ śakrādaśvibhyāṁ pañca pāṇḍavān

'In the forest hermitage he begot five sons through others — the five Pandavas, born of Dharma, Vayu, Shakra, and the two Ashvin gods —'

Verse 36 (devibhagavatam.6.25.36)

युधिष्ठिरो भीमसेनस्तथैवार्जुन इत्यपि । कुन्तीपुत्राः समाख्याता धर्मानिलसुरेशजाः

yudhiṣṭhiro bhīmasenastathaivārjuna ityapi | kuntīputrāḥ samākhyātā dharmānilasureśajāḥ

'Yudhishthira, Bhimasena, and Arjuna were declared to be Kunti's sons, born of Dharma, Vayu, and Suresha (Indra).'

Verse 37 (devibhagavatam.6.25.37)

नकुलः सहदेवश्च मद्रराजसुतासुतौ । कदाचित्तु रहो माद्रीं समालिङ्ग्य महीपतिः

nakulaḥ sahadevaśca madrarājasutāsutau | kadācittu raho mādrīṁ samāliṅgya mahīpatiḥ

'Nakula and Sahadeva were the sons of Madri, daughter of the King of Madra. Once, in private, the king embraced Madri —'

Verse 38 (devibhagavatam.6.25.38)

मृतः शापात्तु मुनिभिः संस्कृतो हुतभुङ्मुखे । माद्री तत्र सती भूत्वा प्रविष्टा पतिना सह

mṛtaḥ śāpāttu munibhiḥ saṁskṛto hutabhuṅmukhe | mādrī tatra satī bhūtvā praviṣṭā patinā saha

'—and died on account of the curse; the sages performed his cremation; and there, virtuous Madri entered the fire together with her husband.'

Verse 39 (devibhagavatam.6.25.39)

स्थिता पुत्रयुता कुन्ती ज्वलिते जातवेदसि । मुनयः सुतसंयुक्तां शूरसेनसुतां तदा

sthitā putrayutā kuntī jvalite jātavedasi | munayaḥ sutasaṁyuktāṁ śūrasenasutāṁ tadā

'Kunti remained there with her sons before the blazing fire; then the sages brought that daughter of Shurasena, together with her sons —'

Verse 40 (devibhagavatam.6.25.40)

दुःखितां पतिहीनां तामानिन्युर्गजसाह्वये । समर्पिताथ भीष्माय विदुराय महात्मने

duḥkhitāṁ patihīnāṁ tāmāninyurgajasāhvaye | samarpitātha bhīṣmāya vidurāya mahātmane

'—grief-stricken and bereft of her husband, to Gajasahvaya; and she was entrusted to the great-souled Bhishma and to Vidura.'

Verse 41 (devibhagavatam.6.25.41)

श्रुत्वाहं सुखदुःखाभ्यां पीडितस्तु परात्मभिः । भीष्मेण पालिताः पुत्राः पाण्डोरिति विचिन्त्य ते

śrutvāhaṁ sukhaduḥkhābhyāṁ pīḍitastu parātmabhiḥ | bhīṣmeṇa pālitāḥ putrāḥ pāṇḍoriti vicintya te

'Hearing this, I was troubled by both joy and sorrow — reflecting that those sons of Pandu were being cared for by Bhishma,'

Verse 42 (devibhagavatam.6.25.42)

विदुरेण तथा प्रीत्या धृतराष्ट्रेण धीमता । दुर्योधनादयस्तस्य पुत्रा ये क्रूरमानसाः

vidureṇa tathā prītyā dhṛtarāṣṭreṇa dhīmatā | duryodhanādayastasya putrā ye krūramānasāḥ

'—by Vidura with affection, and by the wise Dhritarashtra. But Duryodhana and the other cruel-minded sons of Dhritarashtra,'

Verse 43 (devibhagavatam.6.25.43)

एकत्र स्थितिमापन्ना विरोधं चकुरद्भुतम् । द्रोणाचार्यस्तु सम्माप्तस्तत्र भीष्मेण मानितः

ekatra sthitimāpannā virodhaṁ cakuradbhutam | droṇācāryastu sammāptastatra bhīṣmeṇa mānitaḥ

'—though dwelling together with them, fell into extraordinary rivalry. Then Dronacharya arrived and was honored there by Bhishma,'

Verse 44 (devibhagavatam.6.25.44)

अध्यापनाय पुत्राणां पुरे तस्मिन्निवासितः । कर्णः कुन्त्या परित्यक्तो जातमात्रः शिशुर्यदा

adhyāpanāya putrāṇāṁ pure tasminnivāsitaḥ | karṇaḥ kuntyā parityakto jātamātraḥ śiśuryadā

'—and was settled in that city to educate the princes. Karna, abandoned by Kunti the very moment he was born —'

Verse 45 (devibhagavatam.6.25.45)

सूतेन पालितो नद्यां प्रान्तश्चाधिरथेन ह । दुर्योधनप्रियश्चाभूत्कर्णः शूरतमस्तथा

sūtena pālito nadyāṁ prāntaścādhirathena ha | duryodhanapriyaścābhūtkarṇaḥ śūratamastathā

'—was found on the river and raised by the charioteer Adhiratha; Karna became a favorite of Duryodhana, and foremost among heroes.'

Verse 46 (devibhagavatam.6.25.46)

परस्परं विरोधोऽभूद्भीमदुर्योधनादिषु । धृतराष्ट्रस्तु सञ्चिन्त्य क्लेशं पुत्रेषु तेषु च

parasparaṁ virodho'bhūdbhīmaduryodhanādiṣu | dhṛtarāṣṭrastu sañcintya kleśaṁ putreṣu teṣu ca

'Mutual rivalry arose between Bhima, Duryodhana, and the others; Dhritarashtra, reflecting on this strife between the two sets of sons —'

Verse 47 (devibhagavatam.6.25.47)

निवासं कल्पयामास पाण्डवानां महात्मनाम् । विरोधशमनायैव नगरे वारणावते

nivāsaṁ kalpayāmāsa pāṇḍavānāṁ mahātmanām | virodhaśamanāyaiva nagare vāraṇāvate

'—arranged, so as to quell the discord, a dwelling for the great-souled Pandavas in the city of Varanavata.'

Verse 48 (devibhagavatam.6.25.48)

दुर्योधनेन तत्रैव द्रोहाज्जतुगृहाणि वै । कारितानि च दिव्यानि प्रेष्य मित्रं पुरोचनम्

duryodhanena tatraiva drohājjatugṛhāṇi vai | kāritāni ca divyāni preṣya mitraṁ purocanam

'There, out of treachery, Duryodhana had a splendid house of lac built, sending his friend Purochana for the purpose.'

Verse 49 (devibhagavatam.6.25.49)

श्रुत्वा जतुगृहे दग्धान्पाण्डवान्पृथया युतान् । पौत्रभावान्मुनिश्रेष्ठ मग्नोऽहं व्यसनार्णवे

śrutvā jatugṛhe dagdhānpāṇḍavānpṛthayā yutān | pautrabhāvānmuniśreṣṭha magno'haṁ vyasanārṇave

'Hearing that the Pandavas, together with Pritha, had burned in that house of lac, O best of sages, out of grandfatherly love I sank into an ocean of grief.'

Verse 50 (devibhagavatam.6.25.50)

शोकातुरो भृशं शून्ये वने पश्यन्नहर्निशम् । दृष्टा मयैकचक्रायां पाण्डवा दुःखकर्शिताः

śokāturo bhṛśaṁ śūnye vane paśyannaharniśam | dṛṣṭā mayaikacakrāyāṁ pāṇḍavā duḥkhakarśitāḥ

'Overwhelmed with grief, I searched day and night through the desolate forest; at last I found the Pandavas, wasted with sorrow, at Ekachakra.'

Verse 51 (devibhagavatam.6.25.51)

ततस्तुष्टमनाश्चाहं जातः पार्थान्विलोक्य च । प्रेरितास्ते मया तूर्णं द्रुपदस्य पुरं प्रति

tatastuṣṭamanāścāhaṁ jātaḥ pārthānvilokya ca | preritāste mayā tūrṇaṁ drupadasya puraṁ prati

'Then, seeing the sons of Pritha, my mind grew glad; I quickly directed them toward the city of Drupada.'

Verse 52 (devibhagavatam.6.25.52)

ते गतास्तत्र दुःखार्ता विप्रवेषधराः कृशाः । मृगचर्मपरीधानाः सभायां संस्थितास्तदा

te gatāstatra duḥkhārtā vipraveṣadharāḥ kṛśāḥ | mṛgacarmaparīdhānāḥ sabhāyāṁ saṁsthitāstadā

'They went there, grief-stricken, disguised as Brahmins, emaciated and clad in deerskins, and took their place in the assembly hall.'

Verse 53 (devibhagavatam.6.25.53)

कृत्वा पराक्रमं जिष्णुः स जित्वा द्रुपदात्मजाम् । चक्रुर्विवाहं मानिन्या पञ्चैव मातृवाक्यतः

kṛtvā parākramaṁ jiṣṇuḥ sa jitvā drupadātmajām | cakrurvivāhaṁ māninyā pañcaiva mātṛvākyataḥ

'There, showing his valor, Jishnu won the daughter of Drupada; and, at their mother's word, all five were married to that honored lady.'

Verse 54 (devibhagavatam.6.25.54)

दृष्ट्वा विवाहं तेषां तु मुदितोऽहं भृशं तदा । ततो नागाह्वये प्राप्ताः पाञ्चालीसहिता मुने

dṛṣṭvā vivāhaṁ teṣāṁ tu mudito'haṁ bhṛśaṁ tadā | tato nāgāhvaye prāptāḥ pāñcālīsahitā mune

'Seeing their marriage, I was greatly delighted; thereafter, O sage, they arrived at Nagahvaya together with the daughter of Panchala.'

Verse 55 (devibhagavatam.6.25.55)

निवासं खाण्डवप्रस्थं धृतराष्ट्रेण कल्पितम् । पाण्डवानां द्विजश्रेष्ठ वसुदेवसुतेन वै

nivāsaṁ khāṇḍavaprasthaṁ dhṛtarāṣṭreṇa kalpitam | pāṇḍavānāṁ dvijaśreṣṭha vasudevasutena vai

'Dhritarashtra, together with the son of Vasudeva, arranged Khandavaprastha, O best of Brahmins, as the Pandavas' dwelling.'

Verse 56 (devibhagavatam.6.25.56)

तर्पितः पावकस्तत्र विष्णुना सह जिष्णुना । राजसूयः कृतो यज्ञस्तदाहं मुदितोऽभवम्

tarpitaḥ pāvakastatra viṣṇunā saha jiṣṇunā | rājasūyaḥ kṛto yajñastadāhaṁ mudito'bhavam

'There Vishnu, together with Jishnu, satisfied the fire-god; and the Rajasuya sacrifice was performed — then I was filled with joy.'

Verse 57 (devibhagavatam.6.25.57)

दृष्ट्वाथ विभवं तेषां तथा मयकृतां सभाम् । दुर्योधनोऽतिसन्तप्तो दुरोदरमथाकरोत्

dṛṣṭvātha vibhavaṁ teṣāṁ tathā mayakṛtāṁ sabhām | duryodhano'tisantapto durodaramathākarot

'But then, seeing their prosperity and the assembly hall built by Maya, Duryodhana, tormented with envy, set in motion the wicked game of dice.'

Verse 58 (devibhagavatam.6.25.58)

दुर्द्यूतवेदी शकुनिरनक्षज्ञश्च धर्मजः । हृतं राज्यं धनं सर्वं याज्ञसेनी च क्लेशिता

durdyūtavedī śakuniranakṣajñaśca dharmajaḥ | hṛtaṁ rājyaṁ dhanaṁ sarvaṁ yājñasenī ca kleśitā

'Shakuni, skilled at the wicked gambling table, defeated the dharma-born one, who knew nothing of dice; the whole kingdom and wealth were seized, and Yajnaseni was made to suffer.'

Verse 59 (devibhagavatam.6.25.59)

वने द्वादश वर्षाणि पाण्डवास्ते विवासिताः । पाञ्चालीसहितास्तेन दुःखं मे जनितं भृशम्

vane dvādaśa varṣāṇi pāṇḍavāste vivāsitāḥ | pāñcālīsahitāstena duḥkhaṁ me janitaṁ bhṛśam

'The Pandavas, together with the daughter of Panchala, were exiled to the forest for twelve years; by this, deep sorrow arose in me.'

Verse 60 (devibhagavatam.6.25.60)

एवं नारद संसारे सुखदुःखात्मके भृशम् । निमग्नोऽहं भ्रमेणैव जानन् धर्मं सनातनम्

evaṁ nārada saṁsāre sukhaduḥkhātmake bhṛśam | nimagno'haṁ bhrameṇaiva jānan dharmaṁ sanātanam

'Thus, O Narada, though knowing the eternal dharma, I remain, through delusion, constantly immersed in this world of joy and sorrow.'

Verse 61 (devibhagavatam.6.25.61)

कोऽहं कस्य सुतास्तेऽमी का माता किं सुखं पुनः । येन मे हृदयं मोहाद्भ्रमतीति दिवानिशम्

ko'haṁ kasya sutāste'mī kā mātā kiṁ sukhaṁ punaḥ | yena me hṛdayaṁ mohādbhramatīti divāniśam

'Who am I? Whose sons are these? Who is my mother? What, after all, is happiness? — by this delusion my heart wanders day and night.'

Verse 62 (devibhagavatam.6.25.62)

किं करोमि क्व गच्छामि सन्तोषो नाधिगच्छति । दोलारूढं मनो मेऽत्र चञ्चलं न स्थिरं भवेत्

kiṁ karomi kva gacchāmi santoṣo nādhigacchati | dolārūḍhaṁ mano me'tra cañcalaṁ na sthiraṁ bhavet

'What shall I do, where shall I go? Contentment eludes me. This restless mind of mine is like one mounted on a swing, and never grows still.'

Verse 63 (devibhagavatam.6.25.63)

सर्वज्ञोऽसि मुनिश्रेष्ठ सन्देहं मे निवर्तय । तथा कुरु यथाहं स्यां सुखितो विगतज्वरः

sarvajño'si muniśreṣṭha sandehaṁ me nivartaya | tathā kuru yathāhaṁ syāṁ sukhito vigatajvaraḥ

'You are all-knowing, O best of sages; dispel this doubt of mine. Do whatever will make me happy, and free from this torment.'