The Power of Maya

Verse 1 (devibhagavatam.6.30.1)

नारद उवाच । मां दृष्ट्वा नारदं विप्रं विस्मितोऽसौ महीपतिः । क्व गता मम भार्या सा कुतोऽयं मुनिसत्तमः

nārada uvāca | māṁ dṛṣṭvā nāradaṁ vipraṁ vismito'sau mahīpatiḥ | kva gatā mama bhāryā sā kuto'yaṁ munisattamaḥ

Narada said: Seeing me now as the Brahmin Narada, that king was astonished — 'Where has my wife gone? And where has this best of sages come from?'

Verse 2 (devibhagavatam.6.30.2)

विललाप नृपस्तत्र हा प्रियेति मुहुर्मुहुः । क्व गता मां परित्यज्य विलपन्तं वियोगिनम्

vilalāpa nṛpastatra hā priyeti muhurmuhuḥ | kva gatā māṁ parityajya vilapantaṁ viyoginam

The king lamented there, crying 'Alas, my beloved!' again and again: 'Where have you gone, abandoning me, now left to lament in this separation?'

Verse 3 (devibhagavatam.6.30.3)

विना त्वां विपुलश्रोणि वृथा मे जीवितं गृहम् । राज्यं कमलपत्राक्षि किं करोमि शुचिस्मिते

vinā tvāṁ vipulaśroṇi vṛthā me jīvitaṁ gṛham | rājyaṁ kamalapatrākṣi kiṁ karomi śucismite

'O broad-hipped one, without you my life and my home are in vain; O lotus-petal-eyed, radiant-smiling one, what use is my kingdom to me?'

Verse 4 (devibhagavatam.6.30.4)

न प्राणा मे बहिर्यान्ति विरहेण तवाधुना । गतो वै प्रीतिधर्मस्तु त्वामृते प्राणधारणात्

na prāṇā me bahiryānti viraheṇa tavādhunā | gato vai prītidharmastu tvāmṛte prāṇadhāraṇāt

'Even now, in this separation from you, my very life will not leave my body; the duty of love itself seems to have departed, and yet I go on sustaining this life without you.'

Verse 5 (devibhagavatam.6.30.5)

विलपामि विशालाक्षि देहि प्रत्युत्तरं प्रियम् । क्व गता सा मयि प्रीतिर्याभूत्प्रथमसङ्गमे

vilapāmi viśālākṣi dehi pratyuttaraṁ priyam | kva gatā sā mayi prītiryābhūtprathamasaṅgame

'I lament, O large-eyed one — give me some loving answer! Where has that affection gone, which was there at our very first meeting?'

Verse 6 (devibhagavatam.6.30.6)

निमग्ना किं जले सुभ्रूर्भक्षिता मत्स्यकच्छपैः । गृहीता वरुणेनाशु मम दौर्भाग्ययोगतः

nimagnā kiṁ jale subhrūrbhakṣitā matsyakacchapaiḥ | gṛhītā varuṇenāśu mama daurbhāgyayogataḥ

'O fair-browed one, have you drowned in the water? Were you devoured by fish or turtles? Or did Varuna swiftly seize you, through my own ill fortune?'

Verse 7 (devibhagavatam.6.30.7)

धन्या सुचारुसर्वाङ्गि या त्वं पुत्रैः समागता । अकृत्रिमस्तु पुत्रेषु स्नेहस्तेऽमृतभाषिणि

dhanyā sucārusarvāṅgi yā tvaṁ putraiḥ samāgatā | akṛtrimastu putreṣu snehaste'mṛtabhāṣiṇi

'O one whose every limb was so lovely, you were blessed to be with your sons; O sweet-voiced one, your love for your sons was genuine indeed.'

Verse 8 (devibhagavatam.6.30.8)

न युक्तमधुना यन्मां विहाय त्रिदिवं गता । विलपन्तं पतिं दीनं पुत्रस्नेहेन यन्त्रिता

na yuktamadhunā yanmāṁ vihāya tridivaṁ gatā | vilapantaṁ patiṁ dīnaṁ putrasnehena yantritā

'It is not right that you, bound by love for your sons, should have left me, your wretched, lamenting husband, and gone to heaven.'

Verse 9 (devibhagavatam.6.30.9)

उभयं मे गतं कान्ते पुत्रास्त्वं प्राणवल्लभा । तथापि मरणं नास्ति दुःखितस्य भृशं प्रिये

ubhayaṁ me gataṁ kānte putrāstvaṁ prāṇavallabhā | tathāpi maraṇaṁ nāsti duḥkhitasya bhṛśaṁ priye

'My dear, both are gone from me — my sons, and you, dearer than life itself; and yet, my beloved, however grief-stricken I am, death does not come to me.'

Verse 10 (devibhagavatam.6.30.10)

किं करोमि क्व गच्छामि रामो नास्ति महीतले । रामाविरहजं दुःखं जानाति रघुनन्दनः

kiṁ karomi kva gacchāmi rāmo nāsti mahītale | rāmāvirahajaṁ duḥkhaṁ jānāti raghunandanaḥ

'What shall I do, where shall I go? There is no one else on this earth — only Rama, son of Raghu, who himself knew such sorrow, understands grief born of separation from one's beloved.'

Verse 11 (devibhagavatam.6.30.11)

विधिना निष्ठुरेणात्र विपरीतं कृतं भुवि । दम्पत्योर्मरणं भिन्नं सर्वथा समचित्तयोः

vidhinā niṣṭhureṇātra viparītaṁ kṛtaṁ bhuvi | dampatyormaraṇaṁ bhinnaṁ sarvathā samacittayoḥ

'Cruel Fate has done this perverse thing here on earth — that the death of a husband and wife, of one mind in everything, should come to each separately.'

Verse 12 (devibhagavatam.6.30.12)

उपकारस्तु नारीणां मुनिभिर्विहितः किल । यदुक्तं धर्मशास्त्रेषु ज्वलनं पतिना सह

upakārastu nārīṇāṁ munibhirvihitaḥ kila | yaduktaṁ dharmaśāstreṣu jvalanaṁ patinā saha

'The sages indeed ordained a kindness for women in this — what the dharma-shastras enjoin, to enter the fire together with one's husband.'

Verse 13 (devibhagavatam.6.30.13)

एवं विलपमानं तं राजानं भगवान्हरिः । निवारयामास तदा वचनैर्युक्तियोजितैः

evaṁ vilapamānaṁ taṁ rājānaṁ bhagavānhariḥ | nivārayāmāsa tadā vacanairyuktiyojitaiḥ

As the king lamented thus, Bhagavan Hari then restrained him with words full of reason —

Verse 14 (devibhagavatam.6.30.14)

श्रीभगवानुवाच । किं विषीदसि राजेन्द्र क्व गता ते प्रियाङ्गना । न श्रुतं किं त्वया शास्त्रं न कृतोऽसौ बुधाश्रयः

śrībhagavānuvāca | kiṁ viṣīdasi rājendra kva gatā te priyāṅganā | na śrutaṁ kiṁ tvayā śāstraṁ na kṛto'sau budhāśrayaḥ

Sri Bhagavan said: 'Why do you grieve, O king? Why do you ask where your beloved has gone? Have you not heard the scriptures, have you not taken refuge in the wisdom of the learned?'

Verse 15 (devibhagavatam.6.30.15)

का सा कस्त्वं क्व संयोगो वियोगः कीदृशस्तव । प्रवाहरूपे संसारे नृणां नौतरतामिव

kā sā kastvaṁ kva saṁyogo viyogaḥ kīdṛśastava | pravāharūpe saṁsāre nṛṇāṁ nautaratāmiva

'Who was she, who are you, what was this union, and what is this separation of yours — in this world that flows like a current, where men are like passengers on a boat?'

Verse 16 (devibhagavatam.6.30.16)

गृहे गच्छ नृपश्रेष्ठ वृथा ते रुदितेन किम् । संयोगश्च वियोगश्च दैवाधीनः सदा नृणाम्

gṛhe gaccha nṛpaśreṣṭha vṛthā te ruditena kim | saṁyogaśca viyogaśca daivādhīnaḥ sadā nṛṇām

'Go home, best of kings — what use is this futile weeping? Union and separation are always under the sway of Fate for all men.'

Verse 17 (devibhagavatam.6.30.17)

अनया सह ते राजन् संयोगस्त्विह संवृतः । भुक्ता त्वया विशालाक्षी सुन्दरी तनुमध्यमा

anayā saha te rājan saṁyogastviha saṁvṛtaḥ | bhuktā tvayā viśālākṣī sundarī tanumadhyamā

'O king, your union with her has now come to its close; you have already had your time with that large-eyed, beautiful, slender-waisted one.'

Verse 18 (devibhagavatam.6.30.18)

न दृष्टौ पितरावस्यास्त्वया प्राप्ता सरोवरे । काकतालीप्रसङ्गेन यद्भूतं तत्तथा गतम्

na dṛṣṭau pitarāvasyāstvayā prāptā sarovare | kākatālīprasaṅgena yadbhūtaṁ tattathā gatam

'You never even saw her parents; you found her at this lake by mere happenstance; whatever happened, happened just so, and has now passed.'

Verse 19 (devibhagavatam.6.30.19)

मा शोकं कुरु राजेन्द्र कालो हि दुरतिक्रमः । कालयोगं समासाद्य भुङ्क्ष्व भोगान् गृहे यथा

mā śokaṁ kuru rājendra kālo hi duratikramaḥ | kālayogaṁ samāsādya bhuṅkṣva bhogān gṛhe yathā

'Do not grieve, O king; Time cannot be overcome. Accept this working of Time, and enjoy your pleasures at home as before.'

Verse 20 (devibhagavatam.6.30.20)

यथागता गता सा तु तथैव वरवर्णिनी । यथा पूर्वं तथा तत्र गच्छ कार्यं कुरु प्रभो

yathāgatā gatā sā tu tathaiva varavarṇinī | yathā pūrvaṁ tathā tatra gaccha kāryaṁ kuru prabho

'As that fair one came, so has she gone; go on, my lord, just as before, and attend to your affairs.'

Verse 21 (devibhagavatam.6.30.21)

रुदितेन तवाद्यैव नागमिष्यति कामिनी । वृथा शोचसि पृध्वीश योगयुक्तो भवाधुना

ruditena tavādyaiva nāgamiṣyati kāminī | vṛthā śocasi pṛdhvīśa yogayukto bhavādhunā

'Your beloved will not return today for all your weeping; O lord of the earth, you grieve in vain — be steady in mind now.'

Verse 22 (devibhagavatam.6.30.22)

भोगः कालवशादेति तथैव प्रतियाति च । नात्र शोकस्तु कर्तव्यो निष्फले भववर्त्मनि

bhogaḥ kālavaśādeti tathaiva pratiyāti ca | nātra śokastu kartavyo niṣphale bhavavartmani

'Enjoyment comes under the sway of Time, and departs in that same way; grief should not be held onto along this fruitless path of worldly life.'

Verse 23 (devibhagavatam.6.30.23)

नैकत्र सुखसंयोगो दुःखयोगस्तु नैकतः । घटिकायन्त्रवत्कामं भ्रमणं सुखदुःखयोः

naikatra sukhasaṁyogo duḥkhayogastu naikataḥ | ghaṭikāyantravatkāmaṁ bhramaṇaṁ sukhaduḥkhayoḥ

'Union with happiness does not remain fixed in one place, nor does union with sorrow remain in only one; like the wheel of a water-clock, joy and sorrow turn about endlessly.'

Verse 24 (devibhagavatam.6.30.24)

मनः कृत्वा स्थिरं भूप कुरु राज्यं यथासुखम् । अथवा न्यस्य दायादे वनं सेवय साम्प्रतम्

manaḥ kṛtvā sthiraṁ bhūpa kuru rājyaṁ yathāsukham | athavā nyasya dāyāde vanaṁ sevaya sāmpratam

'O king, steady your mind and rule your kingdom as you please; or else, entrusting it to your heir, take refuge in the forest now.'

Verse 25 (devibhagavatam.6.30.25)

दुर्लभो मानुषो देहः प्राणिनां क्षणभङ्गुरः । तस्मिन्प्राप्ते तु कर्तव्यं सर्वथैवात्मसाधनम्

durlabho mānuṣo dehaḥ prāṇināṁ kṣaṇabhaṅguraḥ | tasminprāpte tu kartavyaṁ sarvathaivātmasādhanam

'A human body is hard to obtain for living beings, and it is fragile as a passing moment; having obtained it, one should devote oneself entirely to the accomplishment of the Self.'

Verse 26 (devibhagavatam.6.30.26)

जिह्वोपस्थरसो राजन् पशुयोनिषु वर्तते । ज्ञानं मानुषदेहे वै नान्यासु च कुयोनिषु

jihvopastharaso rājan paśuyoniṣu vartate | jñānaṁ mānuṣadehe vai nānyāsu ca kuyoniṣu

'O king, the pleasure of the tongue and the other senses exists in animal births too; but true knowledge exists only in the human body, not in other, lesser births.'

Verse 27 (devibhagavatam.6.30.27)

तस्माद्गच्छ गृहं त्यक्त्वा शोकं कान्तासमुद्भवम् । मायेयं भगवत्यास्तु यया सम्मोहितं जगत्

tasmādgaccha gṛhaṁ tyaktvā śokaṁ kāntāsamudbhavam | māyeyaṁ bhagavatyāstu yayā sammohitaṁ jagat

'Therefore abandon this grief born of your wife's loss, and go home; this is nothing but the maya of the Goddess herself, by which this entire world is deluded.'

Verse 28 (devibhagavatam.6.30.28)

नारद उवाच । इत्युक्तो हरिणा राजा प्रणम्य कमलापतिम् । कृत्वा स्नानविधिं सम्यग्जगाम निजमन्दिरम्

nārada uvāca | ityukto hariṇā rājā praṇamya kamalāpatim | kṛtvā snānavidhiṁ samyagjagāma nijamandiram

Narada said: Thus addressed by Hari, the king bowed to the lord of Lakshmi, performed the rite of bathing duly, and set out for his own palace.

Verse 29 (devibhagavatam.6.30.29)

दत्त्वा राज्यं स्वपौत्राय प्राप्य निर्वेदमद्भुतम् । वनं जगाम भूपालस्तत्त्वज्ञानमवाप च

dattvā rājyaṁ svapautrāya prāpya nirvedamadbhutam | vanaṁ jagāma bhūpālastattvajñānamavāpa ca

Having given his kingdom to his own grandson, and having attained a wondrous dispassion, that king went to the forest, and there attained knowledge of the truth.

Verse 30 (devibhagavatam.6.30.30)

गते राजन्यहं वीक्ष्य भगवन्तमधोक्षजम् । तमब्रवं जगन्नाथं हसन्तं मां पुनः पुनः

gate rājanyahaṁ vīkṣya bhagavantamadhokṣajam | tamabravaṁ jagannāthaṁ hasantaṁ māṁ punaḥ punaḥ

When the king had gone, I, seeing Bhagavan Adhokshaja laughing at me again and again, spoke to that lord of the universe —

Verse 31 (devibhagavatam.6.30.31)

वञ्चितोऽहं त्वया देव ज्ञातं मायाबलं महत् । स्मरामि चरितं सर्वं स्त्रीदेहे यत्कृतं मया

vañcito'haṁ tvayā deva jñātaṁ māyābalaṁ mahat | smarāmi caritaṁ sarvaṁ strīdehe yatkṛtaṁ mayā

'O Lord, you have deceived me; now I have come to know the great power of maya. I remember everything I did in that woman's body.'

Verse 32 (devibhagavatam.6.30.32)

ब्रूहि मे देवदेवेश प्रविष्टोऽहं सरोवरे । विगतं पूर्वविज्ञानं स्नानादेव कथं हरे

brūhi me devadeveśa praviṣṭo'haṁ sarovare | vigataṁ pūrvavijñānaṁ snānādeva kathaṁ hare

'O lord of the gods, tell me — I merely entered the lake, and by that mere bathing my former knowledge vanished; how could this be, O Hari?'

Verse 33 (devibhagavatam.6.30.33)

योषिद्देहं समासाद्य मोहितोऽहं जगद्गुरो । पतिं प्राप्य नृपश्रेष्ठं पुलोमी वासवं यथा

yoṣiddehaṁ samāsādya mohito'haṁ jagadguro | patiṁ prāpya nṛpaśreṣṭhaṁ pulomī vāsavaṁ yathā

'O teacher of the world, taking on a woman's body, I became deluded, obtaining that best of kings as my husband, just as Pulomi was deluded on obtaining Vasava.'

Verse 34 (devibhagavatam.6.30.34)

मनस्तदेव तच्चित्तं देहः स च पुरातनः । लिङ्गं तदेव देवेश स्मृतेर्नाशः कथं हरे

manastadeva taccittaṁ dehaḥ sa ca purātanaḥ | liṅgaṁ tadeva deveśa smṛternāśaḥ kathaṁ hare

'The mind was the same, the consciousness the same, and even that ancient subtle body the very same, O lord of gods — how, then, O Hari, could my memory have been destroyed?'

Verse 35 (devibhagavatam.6.30.35)

विस्मयोऽयं महान्मेऽत्र ज्ञाननाशं प्रति प्रभो । कथयाद्य रमाकान्त कारणं परमं च यत्

vismayo'yaṁ mahānme'tra jñānanāśaṁ prati prabho | kathayādya ramākānta kāraṇaṁ paramaṁ ca yat

'My lord, I am filled with great wonder at this destruction of knowledge; O beloved of Lakshmi, tell me now its ultimate cause.'

Verse 36 (devibhagavatam.6.30.36)

नारीदेहं मया प्राप्य भुक्ता भोगा ह्यनेकशः । सुरापानं कृतं नित्यं विधिहीनं च भोजनम्

nārīdehaṁ mayā prāpya bhuktā bhogā hyanekaśaḥ | surāpānaṁ kṛtaṁ nityaṁ vidhihīnaṁ ca bhojanam

'Taking on a woman's body, I enjoyed pleasures of many kinds; I drank wine continually, and ate food without regard for proper rule.'

Verse 37 (devibhagavatam.6.30.37)

मया तदेव न ज्ञातं नारदोऽहमिति स्फुटम् । जानाम्यद्य यथा सर्वं विविक्तं न तथा तदा

mayā tadeva na jñātaṁ nārado'hamiti sphuṭam | jānāmyadya yathā sarvaṁ viviktaṁ na tathā tadā

'I did not clearly know then that I was Narada; today everything is as distinct to me as it was not distinct then.'

Verse 38 (devibhagavatam.6.30.38)

विष्णुरुवाच । पश्य नारद मायावी विलासोऽयं महामते । देहेषु सर्वजन्तूनां दशाभेदा ह्यनेकशः

viṣṇuruvāca | paśya nārada māyāvī vilāso'yaṁ mahāmate | deheṣu sarvajantūnāṁ daśābhedā hyanekaśaḥ

Vishnu said: 'Behold, Narada, O wise one — this is the very play of the wielder of maya. There are many different states within the bodies of all living beings.'

Verse 39 (devibhagavatam.6.30.39)

जाग्रत्स्वप्नसुषुप्तिश्च तुरीया देहिनां दशा । तथा देहान्तरे प्राप्ते सन्देहः कीदृशः पुनः

jāgratsvapnasuṣuptiśca turīyā dehināṁ daśā | tathā dehāntare prāpte sandehaḥ kīdṛśaḥ punaḥ

'Waking, dreaming, deep sleep, and the fourth state — these are the conditions of embodied beings; so what wonder, then, in such a change when the body itself is different?'

Verse 40 (devibhagavatam.6.30.40)

सुप्तो नरो न जानाति न शृणोति वदत्यपि । पुनः प्रबुद्धो जानाति सर्वं ज्ञातमशेषतः

supto naro na jānāti na śṛṇoti vadatyapi | punaḥ prabuddho jānāti sarvaṁ jñātamaśeṣataḥ

'A sleeping man neither knows, nor hears, nor even speaks; but on waking again, he comes to know everything fully once more.'

Verse 41 (devibhagavatam.6.30.41)

निद्रया चाल्यते चित्तं भवन्ति स्वप्नसम्भवाः । नानाविधा मनोभेदा मनोभावा ह्यनेकशः

nidrayā cālyate cittaṁ bhavanti svapnasambhavāḥ | nānāvidhā manobhedā manobhāvā hyanekaśaḥ

'By sleep the mind is set in motion, and from the dream that follows arise many kinds of mental divisions and countless states of feeling.'

Verse 42 (devibhagavatam.6.30.42)

गजो मां हन्तुमायाति न शक्तोऽस्मि पलायने । किं करोमि न मे स्थानं यत्र गच्छामि सत्वरः

gajo māṁ hantumāyāti na śakto'smi palāyane | kiṁ karomi na me sthānaṁ yatra gacchāmi satvaraḥ

'"An elephant is coming to kill me, I cannot flee — what shall I do, I have no refuge, where shall I run at once?" — so one thinks in a dream.'

Verse 43 (devibhagavatam.6.30.43)

मृतं पितामहं स्वप्ने पश्यति स्वगृहागतम् । संयोगस्तेन वार्ता च भोजनं सह मन्यते

mṛtaṁ pitāmahaṁ svapne paśyati svagṛhāgatam | saṁyogastena vārtā ca bhojanaṁ saha manyate

'One sees, in a dream, one's dead grandfather come to one's own house, and imagines meeting him, speaking with him, even eating together with him.'

Verse 44 (devibhagavatam.6.30.44)

प्रबुद्धः खलु जानाति स्वप्ने दृष्टं सुखासुखम् । स्मृत्वा सर्वं जनेभ्यस्तु विस्तरात्प्रवदत्यपि

prabuddhaḥ khalu jānāti svapne dṛṣṭaṁ sukhāsukham | smṛtvā sarvaṁ janebhyastu vistarātpravadatyapi

'Once awake, he certainly knows that the joy and sorrow seen in the dream were mere dream; remembering it all, he even relates it to others in full detail.'

Verse 45 (devibhagavatam.6.30.45)

स्वप्नेकोऽपि न जानाति भ्रमोऽयमिति निश्चयः । तथा तथैव विभवो मायाया दुर्गमः किल

svapneko'pi na jānāti bhramo'yamiti niścayaḥ | tathā tathaiva vibhavo māyāyā durgamaḥ kila

'But while dreaming, no one at all knows for certain that it is illusion — this much is sure; just so is this power of maya, hard indeed to fathom.'

Verse 46 (devibhagavatam.6.30.46)

नाहं नारद जानामि पारं परमदुर्घटम् । गुणानां किल मायाया नैव शम्भुर्न पद्मजः

nāhaṁ nārada jānāmi pāraṁ paramadurghaṭam | guṇānāṁ kila māyāyā naiva śambhurna padmajaḥ

'Narada, even I do not know the far shore of this most impenetrable mystery; the qualities of maya are known neither to Shambhu nor to Padmaja.'

Verse 47 (devibhagavatam.6.30.47)

कोऽन्यो ज्ञातुं समर्थोऽभून्मानतो मन्दधीः पुनः । मायागुणपरिज्ञानं न कस्यापि भवेदिह

ko'nyo jñātuṁ samartho'bhūnmānato mandadhīḥ punaḥ | māyāguṇaparijñānaṁ na kasyāpi bhavediha

'How then could anyone else, dull-witted and driven by mere pride, be capable of knowing it? Full knowledge of the qualities of maya belongs to no one here.'

Verse 48 (devibhagavatam.6.30.48)

गुणत्रयकृतं सर्वं जगत्स्थावरजङ्गमम् । विना गुणैर्न संसारो वर्तते किञ्चिदप्यदः

guṇatrayakṛtaṁ sarvaṁ jagatsthāvarajaṅgamam | vinā guṇairna saṁsāro vartate kiñcidapyadaḥ

'This entire universe, moving and unmoving, is fashioned by the three gunas; without the gunas, this world of transmigration would not exist at all.'

Verse 49 (devibhagavatam.6.30.49)

अहं सत्त्वप्रधानोऽस्मि रजस्तमसमन्वितः । न कदाचित्त्रिभिर्हीनो भवामि भुवनेश्वरः

ahaṁ sattvapradhāno'smi rajastamasamanvitaḥ | na kadācittribhirhīno bhavāmi bhuvaneśvaraḥ

'I myself am predominantly sattva, yet joined with rajas and tamas as well; never, O lord of the worlds, am I free of all three.'

Verse 50 (devibhagavatam.6.30.50)

तथा ब्रह्मा पिता तेऽत्र रजोमुख्यः प्रकीर्तितः । तमःसत्त्वसमायुक्तो न ताभ्यामुज्झितः किल

tathā brahmā pitā te'tra rajomukhyaḥ prakīrtitaḥ | tamaḥsattvasamāyukto na tābhyāmujjhitaḥ kila

'So too your father Brahma is said to be predominantly rajas, yet joined with tamas and sattva as well — never free of these two.'

Verse 51 (devibhagavatam.6.30.51)

शिवस्तथा तमोमुख्यो रजःसत्त्वसमावृतः । गुणत्रयविहीनस्तु नैव कोऽपि मया श्रुतः

śivastathā tamomukhyo rajaḥsattvasamāvṛtaḥ | guṇatrayavihīnastu naiva ko'pi mayā śrutaḥ

'Shiva too is predominantly tamas, yet enveloped by rajas and sattva; I have never heard of anyone at all who is devoid of all three gunas.'

Verse 52 (devibhagavatam.6.30.52)

तस्मान्मोहो न कर्तव्यः संसारेऽस्मिन्मुनीश्वर । मायाविनिर्मितेऽसारेऽपारे परमदुर्घटे

tasmānmoho na kartavyaḥ saṁsāre'sminmunīśvara | māyāvinirmite'sāre'pāre paramadurghaṭe

'Therefore, O lord of sages, one should not fall into delusion over this world — insubstantial, boundless, and most impenetrable — fashioned as it is by maya.'

Verse 53 (devibhagavatam.6.30.53)

दृष्टा माया त्वयाद्यैव भुक्ता भोगा ह्यनेकशः । किं पृच्छसि महाभाग तस्याश्चरितमद्भुतम्

dṛṣṭā māyā tvayādyaiva bhuktā bhogā hyanekaśaḥ | kiṁ pṛcchasi mahābhāga tasyāścaritamadbhutam

'You have yourself now seen maya, and have yourself enjoyed her manifold pleasures — why then, O most fortunate one, do you still ask about her wondrous workings?'