Vidvara Consoles Ashokasundari

Verse 1 (padma.2.109.1)

कुंजल उवाच । प्रणिपत्य प्रसाद्यैव वशिष्ठं तपतां वरम् । आमंत्र्य निर्जगामाथ बाणपाणिर्धनुर्धरः

kuṁjala uvāca praṇipatya prasādyaiva vaśiṣṭhaṁ tapatāṁ varam āmaṁtrya nirjagāmātha bāṇapāṇirdhanurdharaḥ

Kunjala said: Having prostrated before Vasishtha, foremost of ascetics, and pleased him, and having taken his leave, he (Nahusha), bow and arrow in hand, set out.

Verse 2 (padma.2.109.2)

एणस्य मांसं सुविपाच्यभोजितं बालस्तया रक्षित एव बुद्ध्या । आयोः सुपुत्रः सगुणः सुरूपो देवोपमो देवगुणैश्च युक्तः

eṇasya māṁsaṁ suvipācyabhojitaṁ bālastayā rakṣita eva buddhyā āyoḥ suputraḥ saguṇaḥ surūpo devopamo devaguṇaiśca yuktaḥ

(Recalling the earlier events) — that maidservant, having well cooked the flesh of a deer, had with her wisdom thus saved the child — Ayu's son, virtuous, of fine form, godlike, endowed with the very qualities of the gods.

Verse 3 (padma.2.109.3)

तेनैव मांसेन सुसंस्कृतेन मृष्टेन पक्वेन रसानुगेन । तमेव दैत्यं परिभाष्य सूदो दुष्टं सुहर्षेण व्यभोजयत्तदा

tenaiva māṁsena susaṁskṛtena mṛṣṭena pakvena rasānugena tameva daityaṁ paribhāṣya sūdo duṣṭaṁ suharṣeṇa vyabhojayattadā

With that very same well-prepared, savory, well-cooked meat, having placated that demon, the cook fed him with great satisfaction.

Verse 4 (padma.2.109.4)

बुभुजे दानवो मांसं रसस्वादुसमन्वितम् । हर्षेणापि समाविष्टो जगामाशोकसुंदरीम्

bubhuje dānavo māṁsaṁ rasasvādusamanvitam harṣeṇāpi samāviṣṭo jagāmāśokasuṁdarīm

The demon ate that savory meat, and, filled with great delight, went to Ashokasundari.

Verse 5 (padma.2.109.5)

तामुवाच ततस्तूर्णं कामोपहतचेतनः । आयुपुत्रो मया भद्रे भक्षितः पतिरेव ते

tāmuvāca tatastūrṇaṁ kāmopahatacetanaḥ āyuputro mayā bhadre bhakṣitaḥ patireva te

His mind afflicted with desire, he at once said to her: 'Auspicious one, I have eaten Ayu's son — that very husband of yours.'

Verse 6 (padma.2.109.6)

मामेव भज चार्वंगि भुंक्ष्व भोगान्मनोनुगान् । किं करिष्यसि तेन त्वं मानुषेण गतायुषा

māmeva bhaja cārvaṁgi bhuṁkṣva bhogānmanonugān kiṁ kariṣyasi tena tvaṁ mānuṣeṇa gatāyuṣā

'Now, O lovely-limbed one, worship me alone, enjoy the pleasures your heart desires. What use have you now for that mortal, whose life has already come to its end?'

Verse 7 (padma.2.109.7)

प्रत्युवाच समाकर्ण्य शिवकन्या तपस्विनी । भर्ता मे दैवतैर्दत्तो अजरो दोषवर्जितः

pratyuvāca samākarṇya śivakanyā tapasvinī bhartā me daivatairdatto ajaro doṣavarjitaḥ

Hearing this, that ascetic daughter of Shiva replied: 'My husband was given by the very gods themselves — unaging, free of every fault.'

Verse 8 (padma.2.109.8)

तस्य मृत्युर्न वै दृष्टो देवैरपि महात्मभिः । एवमाकर्ण्य तद्वाक्यं दानवो दुष्टचेष्टितः

tasya mṛtyurna vai dṛṣṭo devairapi mahātmabhiḥ evamākarṇya tadvākyaṁ dānavo duṣṭaceṣṭitaḥ

'His death has never been foreseen even by the great gods themselves.' Hearing this word, that demon of wicked ways —

Verse 9 (padma.2.109.9)

तामुवाच विशालाक्षीं प्रहस्यैव पुनः पुनः । अद्यैव भक्षितं मांसमायुपुत्रस्य सुंदरि

tāmuvāca viśālākṣīṁ prahasyaiva punaḥ punaḥ adyaiva bhakṣitaṁ māṁsamāyuputrasya suṁdari

— spoke to that wide-eyed one, laughing again and again: 'This very day, beautiful one, I have eaten the flesh —'

Verse 10 (padma.2.109.10)

जातमात्रस्य बालस्य नहुषस्य दुरात्मनः । एवमाकर्ण्य सा वाक्यं कोपं चक्रे सुदारुणम्

jātamātrasya bālasya nahuṣasya durātmanaḥ evamākarṇya sā vākyaṁ kopaṁ cakre sudāruṇam

'— of that just-born, vile-souled child Nahusha.' Hearing this, that goddess-like woman was seized with a most terrible wrath,

Verse 11 (padma.2.109.11)

प्रोवाच सत्यसंस्था सा तपसा भाविता पुनः । तप एव मया तप्तं मनसा नियमेन वै । आयुसुतश्चिरायुश्च सत्येनैव भविष्यति

provāca satyasaṁsthā sā tapasā bhāvitā punaḥ tapa eva mayā taptaṁ manasā niyamena vai āyusutaścirāyuśca satyenaiva bhaviṣyati

and that chaste woman, fixed in truth, purified by austerity, said again: 'It is I who have performed this austerity with mind and discipline — by truth alone shall Ayu's son live long.'

Verse 12 (padma.2.109.12)

इतो गच्छ दुराचार यदि जीवितुमिच्छसि । अन्यथा त्वामहं शप्स्ये पुनरेव न संशयः

ito gaccha durācāra yadi jīvitumicchasi anyathā tvāmahaṁ śapsye punareva na saṁśayaḥ

'Go from here, wicked one, if you wish to live. Otherwise I shall curse you once again, of this there is no doubt.'

Verse 13 (padma.2.109.13)

एवमाकर्णितं तस्याः सूदेन नृपतिं प्रति । परित्यज्य महाराज एतामन्यां समाश्रय

evamākarṇitaṁ tasyāḥ sūdena nṛpatiṁ prati parityajya mahārāja etāmanyāṁ samāśraya

Hearing this, through the cook it was made known to the king (Hunda): 'Great king, leave this one aside and take refuge with some other.'

Verse 14 (padma.2.109.14)

सूदेन प्रेषितो दैत्यः स हुंडः पापचेतनः । निर्जगाम त्वरायुक्तः स स्वां भार्यां प्रियां प्रति

sūdena preṣito daityaḥ sa huṁḍaḥ pāpacetanaḥ nirjagāma tvarāyuktaḥ sa svāṁ bhāryāṁ priyāṁ prati

Sent thither by the cook, that sinful-minded demon Hunda hastened swiftly to his own beloved wife.

Verse 15 (padma.2.109.15)

चेष्टितं नैव जानाति दास्या सूदेन यत्कृतम् । तस्यै निवेदितं सर्वं प्रियायै वृत्तमेव च

ceṣṭitaṁ naiva jānāti dāsyā sūdena yatkṛtam tasyai niveditaṁ sarvaṁ priyāyai vṛttameva ca

He knew nothing at all of what had truly been done by the maidservant and the cook. He related to his beloved wife the whole account (as he believed it).

Verse 16 (padma.2.109.16)

सूत उवाच । अशोकसुंदरी सा च महता तपसा किल । दुःखशोकेन संतप्ता कृशीभूता तपस्विनी

sūta uvāca aśokasuṁdarī sā ca mahatā tapasā kila duḥkhaśokena saṁtaptā kṛśībhūtā tapasvinī

Suta said: Meanwhile Ashokasundari, that ascetic woman, worn thin by her great austerity, tormented by sorrow and grief,

Verse 17 (padma.2.109.17)

चिंतयंती प्रियं कांतं तं ध्यायति पुनः पुनः । किं न कुर्वंति वै दैत्या उपायैर्विविधैरपि

ciṁtayaṁtī priyaṁ kāṁtaṁ taṁ dhyāyati punaḥ punaḥ kiṁ na kurvaṁti vai daityā upāyairvividhairapi

kept thinking only of her beloved husband, meditating on him again and again — 'What is it that demons will not do, through their manifold devices!'

Verse 18 (padma.2.109.18)

उपायज्ञाः सदा बुद्ध्या उद्यमेनापि सर्वदा । वर्तंते दनुजश्रेष्ठा नानाभावैश्च सर्वदा

upāyajñāḥ sadā buddhyā udyamenāpi sarvadā vartaṁte danujaśreṣṭhā nānābhāvaiśca sarvadā

'These foremost of demons, ever skilled by their intellect in devising means, ever industrious, are ever given to countless deceptions.'

Verse 19 (padma.2.109.19)

मायोपायेन योगेन हृताहं पापिना पुरा । तथा स घातितः पुत्र आयोश्चैव भविष्यति

māyopāyena yogena hṛtāhaṁ pāpinā purā tathā sa ghātitaḥ putra āyoścaiva bhaviṣyati

'Before, that sinful one abducted me through the device of illusion, by deceit; has he now, in the same way, actually slain that son of Ayu?'

Verse 20 (padma.2.109.20)

यं दृष्ट्वा दैवयोगेन भवितारमनामयम् । उद्यमेनापि पश्येत किं वा नश्यति वा न वा

yaṁ dṛṣṭvā daivayogena bhavitāramanāmayam udyamenāpi paśyeta kiṁ vā naśyati vā na vā

'One who is destined by fate itself, and who is faultless — can even the greatest effort determine whether he perishes or not?'

Verse 21 (padma.2.109.21)

किं वा स उद्यमः श्रेष्ठः किं वा तत्कर्मजं फलम् । भाविभावः कथं नश्येत्ततो वेदः प्रतिष्ठति

kiṁ vā sa udyamaḥ śreṣṭhaḥ kiṁ vā tatkarmajaṁ phalam bhāvibhāvaḥ kathaṁ naśyettato vedaḥ pratiṣṭhati

'Is it the effort itself that is supreme, or the fruit born of that deed? How could a destined event ever be undone — it is on this very principle that the Veda's authority rests.'

Verse 22 (padma.2.109.22)

विशेषो भावितो देवैः स कथं चान्यथा भवेत् । एवमेवं महाभागा चिंतयंती पुनः पुनः

viśeṣo bhāvito devaiḥ sa kathaṁ cānyathā bhavet evamevaṁ mahābhāgā ciṁtayaṁtī punaḥ punaḥ

'What has been specially ordained by the gods themselves — how could it ever turn out otherwise?' Thus that most blessed woman pondered again and again.

Verse 23 (padma.2.109.23)

किन्नरो विद्वरो नाम बृहद्वंशोमहातनुः । सनाभ्योर्धनरः कायः पक्षाभ्यां हि विवर्जितः

kinnaro vidvaro nāma bṛhadvaṁśomahātanuḥ sanābhyordhanaraḥ kāyaḥ pakṣābhyāṁ hi vivarjitaḥ

Then there came a kinnara named Vidvara, of a great lineage, mighty of body — his form above the navel like a man's, though without wings,

Verse 24 (padma.2.109.24)

द्विभुजो वंशहस्तस्तु हारकंकणशोभितः । दिव्यगंधानुलिप्तांगो भार्यया सह चागतः

dvibhujo vaṁśahastastu hārakaṁkaṇaśobhitaḥ divyagaṁdhānuliptāṁgo bhāryayā saha cāgataḥ

two-armed, a flute in hand, adorned with necklace and bracelets, his limbs anointed with divine fragrance — he came there together with his wife.

Verse 25 (padma.2.109.25)

तामुवाच निरानंदां स सुतां शंकरस्यहि । किमर्थं चिंतसे देवि विद्वरं विद्धि चागतम्

tāmuvāca nirānaṁdāṁ sa sutāṁ śaṁkarasyahi kimarthaṁ ciṁtase devi vidvaraṁ viddhi cāgatam

He said to that despondent daughter of Shiva: 'O goddess, why are you so troubled? Know that this Vidvara has come here —

Verse 26 (padma.2.109.26)

किन्नरं विष्णुभक्तं मां प्रेषितं देवसत्तमैः । दुःखमेवं न कर्तव्यं भवत्या नहुषं प्रति

kinnaraṁ viṣṇubhaktaṁ māṁ preṣitaṁ devasattamaiḥ duḥkhamevaṁ na kartavyaṁ bhavatyā nahuṣaṁ prati

'— I am a kinnara devoted to Vishnu, sent by the finest of the gods. You must not feel such sorrow concerning Nahusha.'

Verse 27 (padma.2.109.27)

हुंडेन पापचारेण वधार्थं तस्य धीमतः । कृतमेवाखिलं कर्म हृतश्चायुसुतः शुभे

huṁḍena pāpacāreṇa vadhārthaṁ tasya dhīmataḥ kṛtamevākhilaṁ karma hṛtaścāyusutaḥ śubhe

'Auspicious one, for the killing of that wise Nahusha, the sinful Hunda devised this entire plot, and abducted Ayu's son —'

Verse 28 (padma.2.109.28)

स तु वै रक्षितो देवैरुपायैर्विविधैरपि । हुंड एवं विजानाति आयुपुत्रो हृतो मया

sa tu vai rakṣito devairupāyairvividhairapi huṁḍa evaṁ vijānāti āyuputro hṛto mayā

'— but the gods themselves saved him through manifold devices. Hunda now believes that he himself has abducted Ayu's son,'

Verse 29 (padma.2.109.29)

भक्षितस्तु विशालाक्षि इति जानाति वै शुभे । भवतां श्रावयित्वा हि गतोसौ दानवोऽधमः

bhakṣitastu viśālākṣi iti jānāti vai śubhe bhavatāṁ śrāvayitvā hi gatosau dānavo'dhamaḥ

'— and, wide-eyed one, he also believes he has devoured him. That vilest of demons has told you this very thing, and has gone away.'

Verse 30 (padma.2.109.30)

स्वेनकर्मविपाकेन पुण्यस्यापि महायशाः । पूर्वजन्मार्जितेनैव तव भर्त्ता स जीवति

svenakarmavipākena puṇyasyāpi mahāyaśāḥ pūrvajanmārjitenaiva tava bharttā sa jīvati

'Through the ripening of his own merit, earned in a former birth, O renowned one, most blessed one, your husband lives.'

Verse 31 (padma.2.109.31)

पुण्यस्यापि बलेनैव येषामायुर्विनिर्मितम् । स्वर्जितस्य महाभागे नाशमिच्छंति घातकाः

puṇyasyāpi balenaiva yeṣāmāyurvinirmitam svarjitasya mahābhāge nāśamicchaṁti ghātakāḥ

'Those whose lifespan has been fashioned by the very strength of their merit — it is precisely such self-earned merit that assassins, blessed one, wish above all to destroy.'

Verse 32 (padma.2.109.32)

दुष्टात्मानो महापापाः परतेजोविदूषकाः । तेषां यशोविनाशार्थं प्रपंचंति दिने दिने

duṣṭātmāno mahāpāpāḥ paratejovidūṣakāḥ teṣāṁ yaśovināśārthaṁ prapaṁcaṁti dine dine

'Wicked-souled, greatly sinful, defilers of another's splendor — they scheme, day after day, for the destruction of such a one's fame.'

Verse 33 (padma.2.109.33)

नानाविधैरुपायैस्ते विषशस्त्रादिभिस्ततः । हंतुमिच्छंति तं पुण्यं पुण्यकर्माभिरक्षितम्

nānāvidhairupāyaiste viṣaśastrādibhistataḥ haṁtumicchaṁti taṁ puṇyaṁ puṇyakarmābhirakṣitam

'By manifold means, by poison and weapon and the like, they seek to slay that holy one — one who is guarded by his own righteous deeds.'

Verse 34 (padma.2.109.34)

पापिनश्चैव हुंडाद्या मोहनस्तंभनादिभिः । पीडयंति महापापा नानाभेदैर्बलाविलैः

pāpinaścaiva huṁḍādyā mohanastaṁbhanādibhiḥ pīḍayaṁti mahāpāpā nānābhedairbalāvilaiḥ

'Sinners such as Hunda, through diverse means and by force, through spells of delusion and paralysis and the like, seek to torment him.'

Verse 35 (padma.2.109.35)

सुकृतस्य प्रयोगेण पूर्वजन्मार्जितेन हि । पुण्यस्यापि महाभागे पुण्यवंतं सुरक्षितम्

sukṛtasya prayogeṇa pūrvajanmārjitena hi puṇyasyāpi mahābhāge puṇyavaṁtaṁ surakṣitam

'But through the power of merit earned in a former birth, O most blessed one, that holy one is well and truly protected.'

Verse 36 (padma.2.109.36)

वैफल्यं यांति तेषां वै उपायाः पापिनां शुभे । यंत्रतंत्राणि मंत्राश्च शस्त्राग्निविषबंधनाः

vaiphalyaṁ yāṁti teṣāṁ vai upāyāḥ pāpināṁ śubhe yaṁtrataṁtrāṇi maṁtrāśca śastrāgniviṣabaṁdhanāḥ

'Auspicious one, all the devices of such sinners come to nothing. Machines, occult rites, spells, weapons, fire, poison and bonds —'

Verse 37 (padma.2.109.37)

रक्षयंति महात्मानं देवपुण्यैः सुरक्षितम् । कर्तारो भस्मतां यांति स वै तिष्ठति पुण्यभाक्

rakṣayaṁti mahātmānaṁ devapuṇyaiḥ surakṣitam kartāro bhasmatāṁ yāṁti sa vai tiṣṭhati puṇyabhāk

'— these very things end up protecting that great soul, guarded as he is by the merit of the gods. Those who wield them are reduced to ash, while he, the holy one, remains standing.'

Verse 38 (padma.2.109.38)

आयुपुत्रस्य वीरस्य रक्षका देवताः शुभे । पुण्यस्य संचयं सर्वे तपसां निधिमेव तु

āyuputrasya vīrasya rakṣakā devatāḥ śubhe puṇyasya saṁcayaṁ sarve tapasāṁ nidhimeva tu

'Auspicious one, the very gods themselves are the protectors of that hero, Ayu's son, and so too is the whole treasury of his merit, the entire wealth of his austerities.'

Verse 39 (padma.2.109.39)

तस्माच्च रक्षितो वीरो नहुषो बलिनां वरः । सत्येन तपसा तेन पुण्यैश्च संयमैर्दमैः

tasmācca rakṣito vīro nahuṣo balināṁ varaḥ satyena tapasā tena puṇyaiśca saṁyamairdamaiḥ

'And so that hero Nahusha, foremost among the mighty, is protected by truth, by austerity, by merit, by self-restraint and self-control.'

Verse 40 (padma.2.109.40)

मा कृथा दारुणं दुःखं मुंच शोकमकारणम् । स हि जीवति धर्मात्मा मात्रा पित्रा विना वने

mā kṛthā dāruṇaṁ duḥkhaṁ muṁca śokamakāraṇam sa hi jīvati dharmātmā mātrā pitrā vinā vane

'Do not give way to such terrible grief, abandon this needless sorrow. That righteous one lives on, away from his mother and father, in the forest.'

Verse 41 (padma.2.109.41)

तपोवनेव सत्येकस्तपस्वि परिपालितः । वेदवेदांगतत्त्वज्ञो धनुर्वेदस्य पारगः

tapovaneva satyekastapasvi paripālitaḥ vedavedāṁgatattvajño dhanurvedasya pāragaḥ

'In that very forest of penance, alone, established in truth, raised by a great ascetic — knower of the essence of the Vedas and their auxiliary sciences, master of the science of the bow.'

Verse 42 (padma.2.109.42)

यथा शशी विराजेत स्वकलाभिः स्वतेजसा । तथा विराजते सोऽपि स्वकलाभिः सुमध्यमे

yathā śaśī virājeta svakalābhiḥ svatejasā tathā virājate so'pi svakalābhiḥ sumadhyame

'As the moon shines forth in its own phases and its own radiance, even so, O slender-waisted one, does he shine forth in his own accomplishments.'

Verse 43 (padma.2.109.43)

विद्याभिस्तु महापुण्यैस्तपोभिर्यशसा तथा । राजते परवीरघ्नो रिपुहा सुरवल्लभः

vidyābhistu mahāpuṇyaistapobhiryaśasā tathā rājate paravīraghno ripuhā suravallabhaḥ

'In learning, in great merit, in austerities and in fame too, he shines forth — a destroyer of the mightiest foes, a slayer of enemies, beloved of the gods.'

Verse 44 (padma.2.109.44)

हुंडं निहत्य दैत्येंद्रं त्वामेवं हि प्रलप्स्यते । त्वया सार्द्धं स्त्रिया चैव पृथिव्यामेकभूपतिः

huṁḍaṁ nihatya daityeṁdraṁ tvāmevaṁ hi pralapsyate tvayā sārddhaṁ striyā caiva pṛthivyāmekabhūpatiḥ

'Having slain that lord of demons, Hunda, he shall obtain you alone. Together with you, O woman, he shall become the sole sovereign of the earth.'

Verse 45 (padma.2.109.45)

भविष्यति महायोगी यथा स्वर्गे तु वासवः । त्वं तस्मात्प्राप्स्यसे भद्रे सुपुत्रं वासवोपमम्

bhaviṣyati mahāyogī yathā svarge tu vāsavaḥ tvaṁ tasmātprāpsyase bhadre suputraṁ vāsavopamam

'That great yogi shall be, on earth, as Indra is in heaven. And you too, auspicious one, shall obtain from him an excellent son, equal to Indra —'

Verse 46 (padma.2.109.46)

ययातिं नामधर्मज्ञं प्रजापालनतत्परम् । तथा कन्याशतं चापि रूपौदार्यगुणान्वितम्

yayātiṁ nāmadharmajñaṁ prajāpālanatatparam tathā kanyāśataṁ cāpi rūpaudāryaguṇānvitam

'— named Yayati, righteous, devoted to the protection of his people; and along with him a hundred daughters too, endowed with beauty, nobility and virtue.'

Verse 47 (padma.2.109.47)

यासां पुण्यैर्महाराज इंद्रलोकं प्रयास्यति । इंद्रत्वं भोक्ष्यते देवि नहुषः पुण्यविक्रमः

yāsāṁ puṇyairmahārāja iṁdralokaṁ prayāsyati iṁdratvaṁ bhokṣyate devi nahuṣaḥ puṇyavikramaḥ

'By whose merit, O royal one, he shall attain Indra's world. That Nahusha, O goddess, made mighty by his merit, shall enjoy even the very office of Indra.'

Verse 48 (padma.2.109.48)

ययातिर्नाम धर्मात्मा आत्मजस्ते भविष्यति । प्रजापालो महाराजः सर्वजीवदयापरः

yayātirnāma dharmātmā ātmajaste bhaviṣyati prajāpālo mahārājaḥ sarvajīvadayāparaḥ

'The righteous Yayati shall be your very own son — a protector of his people, a great king, compassionate toward every living being.'

Verse 49 (padma.2.109.49)

तस्य पुत्रास्तु चत्वारो भविष्यंति महौजसः । बलवीर्यसमोपेता धनुर्वेदस्य पारगाः

tasya putrāstu catvāro bhaviṣyaṁti mahaujasaḥ balavīryasamopetā dhanurvedasya pāragāḥ

'He too shall have four sons of great splendor — endowed with strength and valor, masters of the science of the bow.'

Verse 50 (padma.2.109.50)

प्रथमश्च तुरुर्नाम पुरुर्नाम द्वितीयकः । उरुर्नाम तृतीयश्च चतुर्थो वीर्यवान्यदुः

prathamaśca tururnāma pururnāma dvitīyakaḥ ururnāma tṛtīyaśca caturtho vīryavānyaduḥ

'The first named Turu, the second named Puru, the third named Uru, and the fourth, the mighty Yadu.'

Verse 51 (padma.2.109.51)

एवं पुत्रा महावीर्यास्तेजस्विनो महाबलाः । भविष्यंति महात्मानः सर्वतेजः समन्विताः

evaṁ putrā mahāvīryāstejasvino mahābalāḥ bhaviṣyaṁti mahātmānaḥ sarvatejaḥ samanvitāḥ

'Thus these sons, of great valor, splendor and might, all great souls, endowed with every kind of glory, shall come to be.'

Verse 52 (padma.2.109.52)

यदोश्चैव सुता वीराः सिंहतुल्यपराक्रमाः । तेषां नामानि भद्रं ते गदतः शृणु सांप्रतम्

yadoścaiva sutā vīrāḥ siṁhatulyaparākramāḥ teṣāṁ nāmāni bhadraṁ te gadataḥ śṛṇu sāṁpratam

'Yadu's sons too shall be heroic, valiant as lions. Now, auspicious one, hear their names from me, as I relate them —'

Verse 53 (padma.2.109.53)

भोजश्च भीमकश्चापि अंधकः कुञ्जरस्तथा । वृष्णिर्नाम सुधर्मात्मा सत्याधारो भविष्यति

bhojaśca bhīmakaścāpi aṁdhakaḥ kuñjarastathā vṛṣṇirnāma sudharmātmā satyādhāro bhaviṣyati

'Bhoja, and Bhimaka, Andhaka, Kunjara, and one named Vrishni, righteous, established in truth —'

Verse 54 (padma.2.109.54)

षष्ठस्तु श्रुतसेनश्च श्रुताधारस्तु सप्तमः । कालदंष्ट्रो महावीर्यः समरे कालजिद्बली

ṣaṣṭhastu śrutasenaśca śrutādhārastu saptamaḥ kāladaṁṣṭro mahāvīryaḥ samare kālajidbalī

'the sixth Shrutasena, the seventh Shrutadhara, and the mighty Kaladamshtra, of great valor, a conqueror of Death itself in battle.'

Verse 55 (padma.2.109.55)

यदोः पुत्रा महावीर्या यादवाख्या वरानने । तेषां तु पुत्राः पौत्रास्ते भविष्यंति सहस्रशः

yadoḥ putrā mahāvīryā yādavākhyā varānane teṣāṁ tu putrāḥ pautrāste bhaviṣyaṁti sahasraśaḥ

'Yadu's sons, O fair one, of great valor, shall be called the Yadavas. Their own sons and grandsons too shall number in the thousands.'

Verse 56 (padma.2.109.56)

एवं नहुषवंशो वै तव देवि भविष्यति । दुःखमेवं परित्यज्य सुखेनानुप्रवर्तय

evaṁ nahuṣavaṁśo vai tava devi bhaviṣyati duḥkhamevaṁ parityajya sukhenānupravartaya

'Thus, O goddess, shall this lineage of Nahusha come to be. Abandon this grief, and let your life proceed in happiness.'

Verse 57 (padma.2.109.57)

समेष्यति महाप्राज्ञस्तव भर्ता शुभानने । निहत्य दानवं हुंडं त्वामेवं परिणेष्यति

sameṣyati mahāprājñastava bhartā śubhānane nihatya dānavaṁ huṁḍaṁ tvāmevaṁ pariṇeṣyati

'That greatly wise husband of yours, fair-faced one, having slain the demon Hunda, shall come to you, and shall take you in marriage.'

Verse 58 (padma.2.109.58)

दुःखजातानि सोष्णानि नेत्राभ्यां हि पतंति च । अश्रूणि चेंदुमत्याश्च संमार्जयति मानदः

duḥkhajātāni soṣṇāni netrābhyāṁ hi pataṁti ca aśrūṇi ceṁdumatyāśca saṁmārjayati mānadaḥ

'Those hot tears, born of sorrow, that fall from your eyes — and Indumati's tears too — that honorable man shall wipe them all away.'

Verse 59 (padma.2.109.59)

आयोश्च दुःखमुद्धृत्य स्वकुलं तारयिष्यति । सुखिनं पितरं कृत्वा प्रजापालो भविष्यति

āyośca duḥkhamuddhṛtya svakulaṁ tārayiṣyati sukhinaṁ pitaraṁ kṛtvā prajāpālo bhaviṣyati

'Having lifted away Ayu's sorrow, he shall deliver his own family. Having made his father happy, he shall become a protector of his people.'

Verse 60 (padma.2.109.60)

एतत्ते सर्वमाख्यातं देवानां कथनं शुभे । दुःखं शोकं परित्यज्य सुखेन परिवर्त्तय

etatte sarvamākhyātaṁ devānāṁ kathanaṁ śubhe duḥkhaṁ śokaṁ parityajya sukhena parivarttaya

'This, auspicious one, is all that I have told you — the very word spoken by the gods themselves. Abandon your grief and sorrow, and return to happiness.'

Verse 61 (padma.2.109.61)

अशोकसुंदर्युवाच । कदा ह्येष्यति मे भर्त्ता विहितो दैवतैर्यदि । सत्यं वद स्वधर्मज्ञ मम सौख्यं विवर्द्धय

aśokasuṁdaryuvāca kadā hyeṣyati me bharttā vihito daivatairyadi satyaṁ vada svadharmajña mama saukhyaṁ vivarddhaya

Ashokasundari said: 'If this has indeed been ordained by the gods, then when shall my husband come? O knower of dharma, speak the truth, increase my joy.'

Verse 62 (padma.2.109.62)

विद्वर उवाच । अचिराद्द्रक्ष्यसि भर्तारं त्वमेवं शृणु सुंदरि । एवमुक्त्वा जगामाथ गंधर्वो विबुधालयम्

vidvara uvāca acirāddrakṣyasi bhartāraṁ tvamevaṁ śṛṇu suṁdari evamuktvā jagāmātha gaṁdharvo vibudhālayam

Vidvara said: 'Beautiful one, before long you shall see your husband, hear this from me.' Having said this, that gandharva departed for the world of the gods.

Verse 63 (padma.2.109.63)

अशोकसुंदरी सा च तपस्तेपे हि तत्र वै । कामं क्रोधं परित्यज्य लोभं चापि शिवात्मजा

aśokasuṁdarī sā ca tapastepe hi tatra vai kāmaṁ krodhaṁ parityajya lobhaṁ cāpi śivātmajā

Then that daughter of Shiva, Ashokasundari, abandoning desire, anger and greed, continued her austerity there.