Nahusha's Coronation and the Passing of Ayu

Verse 1 (padma.2.117.1)

कुंजल उवाच । नहुषः प्रियया सार्द्धं तया चैव सरंभया । ऐंद्रेणापि स दिव्येन स्यंदनेन वरेण च

kuṁjala uvāca nahuṣaḥ priyayā sārddhaṁ tayā caiva saraṁbhayā aiṁdreṇāpi sa divyena syaṁdanena vareṇa ca

Kunjala said: Nahusha, together with his beloved wife and with Rambha, mounted upon that same divine and excellent chariot of Indra,

Verse 2 (padma.2.117.2)

नागाह्वयं पुरं प्राप्तः सर्वशोभासमन्वितम् । दिव्यैर्मंगलकैर्युक्तं भवनैरुपशोभितम्

nāgāhvayaṁ puraṁ prāptaḥ sarvaśobhāsamanvitam divyairmaṁgalakairyuktaṁ bhavanairupaśobhitam

reached that excellent city named Nagahvaya, endowed with every kind of splendor, adorned with divine auspicious signs, resplendent with mansions.

Verse 3 (padma.2.117.3)

हेमतोरणसंयुक्तं पताकाभिरलंकृतम् । नानावादित्रनादैश्च बंदिचारणशोभितम्

hematoraṇasaṁyuktaṁ patākābhiralaṁkṛtam nānāvāditranādaiśca baṁdicāraṇaśobhitam

Adorned with golden archways, decked with banners, echoing with the sound of many instruments, resplendent with bards and heralds —

Verse 4 (padma.2.117.4)

देवरूपोपमैः पुण्यैः पुरुषैः समलंकृतम् । नारीभिर्दिव्यरूपाभिर्गजाश्वैः स्यंदनैस्तथा

devarūpopamaiḥ puṇyaiḥ puruṣaiḥ samalaṁkṛtam nārībhirdivyarūpābhirgajāśvaiḥ syaṁdanaistathā

— adorned with godlike, holy men, with women of divine beauty, and with elephants, horses and chariots too,

Verse 5 (padma.2.117.5)

नानामंगलशब्दैश्च वेदध्वनिसमाकुलम् । गीतवादित्रशब्दैश्च वीणावेणुस्वनैस्ततः

nānāmaṁgalaśabdaiśca vedadhvanisamākulam gītavāditraśabdaiśca vīṇāveṇusvanaistataḥ

filled with manifold auspicious sounds and the chanting of Vedic hymns, resounding with the music of song and instrument, with the notes of the lute and the flute —

Verse 6 (padma.2.117.6)

सर्वशोभासमाकीर्णं विवेश स पुरोत्तमम् । वेदमंगलघोषैश्च ब्राह्मणैश्चैव पूजितः

sarvaśobhāsamākīrṇaṁ viveśa sa purottamam vedamaṁgalaghoṣaiśca brāhmaṇaiścaiva pūjitaḥ

— into that finest of cities, filled with every splendor, he entered, and was honored by the brahmins with the auspicious chanting of Vedic hymns.

Verse 7 (padma.2.117.7)

ददृशे पितरं वीरो मातरं च सुपुण्यकाम् । हर्षेण महताविष्टः पितुः पादौ ननाम सः

dadṛśe pitaraṁ vīro mātaraṁ ca supuṇyakām harṣeṇa mahatāviṣṭaḥ pituḥ pādau nanāma saḥ

That hero beheld his father and his most holy mother. Filled with the greatest joy, he bowed at his father's feet.

Verse 8 (padma.2.117.8)

अशोकसुंदरी सा तु तयोः पादौ पुनः पुनः । ननाम भक्त्या भावेन उभयोः सा वरानना

aśokasuṁdarī sā tu tayoḥ pādau punaḥ punaḥ nanāma bhaktyā bhāvena ubhayoḥ sā varānanā

That fine-faced Ashokasundari too bowed again and again at the feet of both of them, full of devotion.

Verse 9 (padma.2.117.9)

रंभा च सा ननामाथ प्रीतिं चैवाप्यदर्शयत् । नमस्कृत्वा समाभाष्य स्वगुरुं नृपनंदनः

raṁbhā ca sā nanāmātha prītiṁ caivāpyadarśayat namaskṛtvā samābhāṣya svaguruṁ nṛpanaṁdanaḥ

Rambha too bowed and showed her affection. That prince, bowing to his elders, conversing with them,

Verse 10 (padma.2.117.10)

अनामयं च पप्रच्छ मातरं पितरं प्रति । एवमुक्तो महाभागः सानंदपुलकोद्गमः

anāmayaṁ ca papraccha mātaraṁ pitaraṁ prati evamukto mahābhāgaḥ sānaṁdapulakodgamaḥ

asked after the welfare of his mother and father. Thus asked, that most blessed one, thrilled with joy, spoke —

Verse 11 (padma.2.117.11)

आयुरुवाच । अद्यैव व्याधयो नष्टा दुःखशोकावुभौ गतौ । भवतो दर्शनात्पुत्र सुतुष्ट्या हृष्यते जगत्

āyuruvāca adyaiva vyādhayo naṣṭā duḥkhaśokāvubhau gatau bhavato darśanātputra sutuṣṭyā hṛṣyate jagat

Ayu said: 'This very day all my afflictions have vanished, both sorrow and grief are gone. My son, at the sight of you the whole world rejoices with contentment.'

Verse 12 (padma.2.117.12)

कृतकृत्योस्मि संजातस्त्वयि जाते महौजसि । स्ववंशोद्धरणं कृत्वा अहमेव समुद्धृतः

kṛtakṛtyosmi saṁjātastvayi jāte mahaujasi svavaṁśoddharaṇaṁ kṛtvā ahameva samuddhṛtaḥ

'By your having been born, of such great splendor, I have accomplished all that I set out to do. Having delivered my own lineage, I myself have been delivered.'

Verse 13 (padma.2.117.13)

इंदुमत्युवाच । पर्वणि प्राप्य इंदोस्तु तेजो दृष्ट्वा महोदधिः । वृद्धिं याति महाभाग तथाहं तव दर्शनात्

iṁdumatyuvāca parvaṇi prāpya iṁdostu tejo dṛṣṭvā mahodadhiḥ vṛddhiṁ yāti mahābhāga tathāhaṁ tava darśanāt

Indumati said: 'Most blessed one, just as the great ocean swells at the sight of the moon's own splendor on the full-moon day, so have I swelled at the sight of you.'

Verse 14 (padma.2.117.14)

वर्द्धितास्मि सुहृष्टास्मि आनंदेन समाकुला । दर्शनात्ते महाप्राज्ञ धन्या जातास्मि मानद

varddhitāsmi suhṛṣṭāsmi ānaṁdena samākulā darśanātte mahāprājña dhanyā jātāsmi mānada

'I am uplifted, I am full of gladness, I am overflowing with joy. At the sight of you, greatly wise one, honorable one, I have become blessed indeed.'

Verse 15 (padma.2.117.15)

एवं संभाष्य तं पुत्रमालिंग्य तनयोत्तमम् । शिरश्चाघ्राय तस्यापि वत्सं धेनुर्यथा स्वकम्

evaṁ saṁbhāṣya taṁ putramāliṁgya tanayottamam śiraścāghrāya tasyāpi vatsaṁ dhenuryathā svakam

Thus conversing with that finest of sons, embracing him, nuzzling his head — as a cow nuzzles her own calf,

Verse 16 (padma.2.117.16)

अभिनंद्य सुतं प्राप्तं नहुषं देवरूपिणम् । आशीर्भिश्चार्चयद्देवी पुण्या इंदुमती तदा

abhinaṁdya sutaṁ prāptaṁ nahuṣaṁ devarūpiṇam āśīrbhiścārcayaddevī puṇyā iṁdumatī tadā

— greeting her recovered son Nahusha, godlike in form, that holy goddess-like Indumati worshipped him with her blessings.

Verse 17 (padma.2.117.17)

सूत उवाच । अथासौ मातरं पुण्यां देवीमिंदुमतीं सुतः । कथयामास वृत्तांतं यथाहरणमात्मनः

sūta uvāca athāsau mātaraṁ puṇyāṁ devīmiṁdumatīṁ sutaḥ kathayāmāsa vṛttāṁtaṁ yathāharaṇamātmanaḥ

Suta said: Then that son related to his holy mother, the goddess Indumati, the whole account of his own abduction —

Verse 18 (padma.2.117.18)

स्वभार्यायास्तथोत्पत्तिं प्राप्तिं चैव महायशाः । हुंडेनापि यथा युद्धं हुंडस्यापि निपातनम्

svabhāryāyāstathotpattiṁ prāptiṁ caiva mahāyaśāḥ huṁḍenāpi yathā yuddhaṁ huṁḍasyāpi nipātanam

— and, that man of great renown, the account of his wife's origin and their union too; and the battle that took place with Hunda, and Hunda's very fall.

Verse 19 (padma.2.117.19)

समासेन समस्तं तदाख्यातं स्वयमेव हि । मातापित्रोर्यथा वृत्तं तयोरानंददायकम्

samāsena samastaṁ tadākhyātaṁ svayameva hi mātāpitroryathā vṛttaṁ tayorānaṁdadāyakam

He himself related all of this in brief, an account that brought the greatest joy to his mother and father.

Verse 20 (padma.2.117.20)

मातापितरावाकर्ण्य पुत्रस्य विक्रमोद्यमम् । हर्षेण महताविष्टौ संजातौ पूर्णमानसौ

mātāpitarāvākarṇya putrasya vikramodyamam harṣeṇa mahatāviṣṭau saṁjātau pūrṇamānasau

Hearing of their son's valor and his great endeavor, both mother and father, filled with the greatest joy, found their hearts made whole.

Verse 21 (padma.2.117.21)

नहुषो धनुरादाय इंद्रस्य स्यंदनेन वै । जिगाय पृथिवीं सर्वां सप्तद्वीपां सपत्तनाम्

nahuṣo dhanurādāya iṁdrasya syaṁdanena vai jigāya pṛthivīṁ sarvāṁ saptadvīpāṁ sapattanām

Nahusha, taking up his bow, upon that very chariot of Indra, conquered the whole earth, with its seven continents and its cities.

Verse 22 (padma.2.117.22)

पित्रे समर्पयामास वसुपूर्णां वसुंधराम् । पितरं हर्षयन्नित्यं दानधर्मैः सुकर्मभिः

pitre samarpayāmāsa vasupūrṇāṁ vasuṁdharām pitaraṁ harṣayannityaṁ dānadharmaiḥ sukarmabhiḥ

That earth, filled with wealth and grain, he offered to his father, and, through charity, righteous deeds and good works, he ever kept his father content.

Verse 23 (padma.2.117.23)

पितरं याजयामास राजसूयादिभिस्तदा । महायज्ञैश्च दानैश्च व्रतैर्नियमसंयमैः

pitaraṁ yājayāmāsa rājasūyādibhistadā mahāyajñaiśca dānaiśca vratairniyamasaṁyamaiḥ

He then had his father perform sacrifices such as the Rajasuya — with great sacrifices, gifts, vows, disciplines and restraints.

Verse 24 (padma.2.117.24)

सुदानैर्यशसा पुण्यैर्यज्ञैः पुण्यमहोदयैः । सुसंपूर्णौ कृतौ तौ तु पितरौ चायुसूनुना

sudānairyaśasā puṇyairyajñaiḥ puṇyamahodayaiḥ susaṁpūrṇau kṛtau tau tu pitarau cāyusūnunā

Through fine gifts, fame, merit and great and holy sacrifices, Ayu's son made his mother and father wholly complete in every way.

Verse 25 (padma.2.117.25)

अथ देवाः समागत्य नागाह्वयं पुरोत्तमम् । अभ्यषिंचन्महात्मानं नहुषं वीरमर्दनम्

atha devāḥ samāgatya nāgāhvayaṁ purottamam abhyaṣiṁcanmahātmānaṁ nahuṣaṁ vīramardanam

Then the gods themselves came to that finest of cities, Nagahvaya, and anointed that great soul, Nahusha, the subduer of the mightiest heroes.

Verse 26 (padma.2.117.26)

मुनिभिश्च सुसिद्धैश्च आयुना तेन भूभुजा । अभिषिंच्य स्वराज्ये तं समेतं शिवकन्यया

munibhiśca susiddhaiśca āyunā tena bhūbhujā abhiṣiṁcya svarājye taṁ sametaṁ śivakanyayā

Together with the sages and siddhas, that lord of the earth Ayu too anointed him upon his own throne, present there with Shiva's daughter.

Verse 27 (padma.2.117.27)

भार्यायुक्तः स्वकायेन आयु राजा महायशाः । दिवं जगाम धर्मात्मा देवैः सिद्धैः सुपूजितः

bhāryāyuktaḥ svakāyena āyu rājā mahāyaśāḥ divaṁ jagāma dharmātmā devaiḥ siddhaiḥ supūjitaḥ

Then that righteous king Ayu, of great renown, together with his own body and with his wife, well honored by gods and siddhas, ascended to heaven.

Verse 28 (padma.2.117.28)

ऐंद्रं पदं परित्यज्य ब्रह्मलोकं गतः पुनः । हरलोकं जगामाथ मुनिभिर्देवपूजितः

aiṁdraṁ padaṁ parityajya brahmalokaṁ gataḥ punaḥ haralokaṁ jagāmātha munibhirdevapūjitaḥ

Leaving behind even the office of Indra, he went on further to Brahmaloka; and then, honored by sages and gods, he went to the world of Shiva.

Verse 29 (padma.2.117.29)

स्वकर्मभिर्महाराजः पुत्रस्यापि सुतेजसा । हरेर्लोकं गतः पुण्यैर्निवसत्येष भूपतिः

svakarmabhirmahārājaḥ putrasyāpi sutejasā harerlokaṁ gataḥ puṇyairnivasatyeṣa bhūpatiḥ

By his own deeds, and by his son's great splendor too, that great king, through the strength of his merit, attained the world of Hari (Vishnu), and dwells there still.

Verse 30 (padma.2.117.30)

पुरुषैः पुण्यकर्माख्यैरीदृशं पुण्यमुत्तमम् । जनितव्यं महाभाग किमन्यैः शोककारकैः

puruṣaiḥ puṇyakarmākhyairīdṛśaṁ puṇyamuttamam janitavyaṁ mahābhāga kimanyaiḥ śokakārakaiḥ

For men who perform righteous deeds, such excellent merit alone should be the fruit, most blessed one — what use are other deeds, ones that only bring forth grief?

Verse 31 (padma.2.117.31)

यथा जातः स धर्मात्मा नहुषः पितृतारकः । कुलस्य धर्त्ता सर्वस्य नहुषो ज्ञानपंडितः

yathā jātaḥ sa dharmātmā nahuṣaḥ pitṛtārakaḥ kulasya dharttā sarvasya nahuṣo jñānapaṁḍitaḥ

Just as that righteous Nahusha, deliverer of his ancestors, came into being — that same Nahusha, skilled in knowledge, became the sustainer of his entire lineage.

Verse 32 (padma.2.117.32)

एतत्ते सर्वमाख्यातं चरित्रं तस्य भूपतेः । अन्यत्किं ते प्रवक्ष्यामि वद पुत्र कपिंजल

etatte sarvamākhyātaṁ caritraṁ tasya bhūpateḥ anyatkiṁ te pravakṣyāmi vada putra kapiṁjala

This whole account of that king's life have I now related to you. My son Kapinjala, what more shall I tell you — speak.

Verse 33 (padma.2.117.33)

एवंविधं पुण्यमयं पवित्रं चरित्रमेतद्यशसा समेतम् । आयोः सुतस्यापि शृणोति मर्त्यो भोगान्स भुक्त्वैति पदं मुरारेः

evaṁvidhaṁ puṇyamayaṁ pavitraṁ caritrametadyaśasā sametam āyoḥ sutasyāpi śṛṇoti martyo bhogānsa bhuktvaiti padaṁ murāreḥ

Whatever mortal hears this holy, meritorious and glorious account of Ayu's son, he, having enjoyed every pleasure, attains in the end the supreme abode of Murari, the slayer of Mura.