Prithu Levels the Earth and Milks Her for His Subjects

Verse 1 (padma.2.29.1)

पृथुरुवाच- हते चैव महापापे एकस्मिन्पापचारिणि । लोकाः सुखेन जीवंति साधवः पुण्यदर्शिनः

pṛthuruvāca- hate caiva mahāpāpe ekasminpāpacāriṇi lokāḥ sukhena jīvaṁti sādhavaḥ puṇyadarśinaḥ

Prithu said: When one greatly sinful, sin-conducted being is slain, the worlds live happily, and the righteous behold merit.

Verse 2 (padma.2.29.2)

तस्मादेकं प्रहर्तव्यं पापिष्ठं पापचेतनम् । तस्मात्त्वां हि हनिष्यामि सर्वसत्त्वप्रणाशिनीम्

tasmādekaṁ prahartavyaṁ pāpiṣṭhaṁ pāpacetanam tasmāttvāṁ hi haniṣyāmi sarvasattvapraṇāśinīm

Therefore one most sinful, of sinful mind, must be struck down; therefore I shall indeed slay you, destroyer of all beings.

Verse 3 (padma.2.29.3)

त्वया बीजानि सर्वाणि लुप्तान्येतानि सांप्रतम् । ग्रासं कृत्वा स्थिरीभूत्वा प्रजां हत्वा क्व यास्यसि

tvayā bījāni sarvāṇi luptānyetāni sāṁpratam grāsaṁ kṛtvā sthirībhūtvā prajāṁ hatvā kva yāsyasi

By you all these seeds have now been destroyed; having consumed them and become unyielding, having thereby slain my subjects, where will you go?

Verse 4 (padma.2.29.4)

हते पापे दुराचारे सुखं जीवंतिसाधवः । तस्मात्पापं प्रहंतव्यं सत्यमेवं न संशयः

hate pāpe durācāre sukhaṁ jīvaṁtisādhavaḥ tasmātpāpaṁ prahaṁtavyaṁ satyamevaṁ na saṁśayaḥ

When the sinful, ill-conducted one is slain, the righteous live happily; therefore sin must indeed be struck down — this is truly so, no doubt.

Verse 5 (padma.2.29.5)

पालितव्यं प्रयत्नेन यस्माद्धर्मः प्रवर्द्धते । भवत्या तु महत्पापं प्रजासंक्षयकारकम्

pālitavyaṁ prayatnena yasmāddharmaḥ pravarddhate bhavatyā tu mahatpāpaṁ prajāsaṁkṣayakārakam

That by which dharma flourishes must be protected with effort; but by you a great sin, the destroyer of my subjects, has been done.

Verse 6 (padma.2.29.6)

एकस्यार्थेन यो हन्यादात्मनो वा परस्य वा । लोकोपतापकं हत्वा न भवेत्तस्य पातकम्

ekasyārthena yo hanyādātmano vā parasya vā lokopatāpakaṁ hatvā na bhavettasya pātakam

He who slays for the sake of one — whether for himself or for another — having slain one who torments the world, incurs no sin thereby.

Verse 7 (padma.2.29.7)

सुखमेष्यंति बहवो यस्मिंस्तु निहते शुभे । वसुधे निहते दुष्टे पातकं नोपपातकम्

sukhameṣyaṁti bahavo yasmiṁstu nihate śubhe vasudhe nihate duṣṭe pātakaṁ nopapātakam

—when that one is slain, many attain happiness, O auspicious one; when the wicked is slain, O Earth, there is no sin, nor even minor sin.

Verse 8 (padma.2.29.8)

प्रजानिमित्तं त्वामेव हनिष्यामि न संशयः । यदि मे पुण्यसंयुक्तं वचनं न करिष्यति

prajānimittaṁ tvāmeva haniṣyāmi na saṁśayaḥ yadi me puṇyasaṁyuktaṁ vacanaṁ na kariṣyati

For the sake of my subjects I shall indeed slay you, no doubt of it, if you do not heed my meritorious word.

Verse 9 (padma.2.29.9)

जगतोऽस्य हितार्थाय साधु चैव वसुंधरे । हनिष्ये त्वां शितैर्बाणैर्मद्वाक्यात्तु पराङ्मुखीम्

jagato'sya hitārthāya sādhu caiva vasuṁdhare haniṣye tvāṁ śitairbāṇairmadvākyāttu parāṁmukhīm

For the welfare of this world, and rightly so, O Earth — I shall slay you with sharpened arrows, should you turn away from my very word.

Verse 10 (padma.2.29.10)

स्वीयेन तेजसा चैव पुण्यां त्रैलोक्यवासिनीम् । प्रजां चैव धरिष्यामि धर्मेणापि न संशयः

svīyena tejasā caiva puṇyāṁ trailokyavāsinīm prajāṁ caiva dhariṣyāmi dharmeṇāpi na saṁśayaḥ

By my own splendor I shall sustain both you, meritorious dweller of the three worlds, and my subjects too, through dharma, no doubt of it.

Verse 11 (padma.2.29.11)

मच्छासनं समास्थाय धर्मयुक्तं वसुंधरे । इमाः प्रजा आज्ञया मे संजीवय सदैव हि

macchāsanaṁ samāsthāya dharmayuktaṁ vasuṁdhare imāḥ prajā ājñayā me saṁjīvaya sadaiva hi

Abiding by my command, joined with dharma, O Earth, sustain these my subjects always, by my very order.

Verse 12 (padma.2.29.12)

एवं मे शासनं भद्रे अद्य यर्हि करिष्यसि । ततः प्रीतोऽस्मि ते नित्यं गोपायिष्यामि सर्वदा

evaṁ me śāsanaṁ bhadre adya yarhi kariṣyasi tataḥ prīto'smi te nityaṁ gopāyiṣyāmi sarvadā

If you carry out my command thus today, O gracious one, then I shall be ever pleased with you, and shall protect you always.

Verse 13 (padma.2.29.13)

त्वामेव हि न संदेह अन्ये चैव नृपोत्तमाः । धेनुरूपेण सा पृथ्वी बाणांचितकलेवरा

tvāmeva hi na saṁdeha anye caiva nṛpottamāḥ dhenurūpeṇa sā pṛthvī bāṇāṁcitakalevarā

—you indeed, no doubt, and other excellent kings too.' That earth, in the form of a cow, her body pierced with arrows—

Verse 14 (padma.2.29.14)

उवाचेदं पृथुं वैन्यं धर्माधारं महामतिम् । धरण्युवाच-। तवादेशं महाराज सत्यपुण्यार्थसंयुतम्

uvācedaṁ pṛthuṁ vainyaṁ dharmādhāraṁ mahāmatim dharaṇyuvāca- tavādeśaṁ mahārāja satyapuṇyārthasaṁyutam

—spoke thus to Prithu, son of Vena, the very foundation of dharma, that great-minded one. The Earth said: 'Your command, O great king, joined with truth, merit, and purpose—'

Verse 15 (padma.2.29.15)

प्रजानिमित्तमत्यर्थं विधास्यामि न संशयः । उद्यमेनापि पुण्येन उपायेन नरेश्वर

prajānimittamatyarthaṁ vidhāsyāmi na saṁśayaḥ udyamenāpi puṇyena upāyena nareśvara

—'I shall indeed carry out exceedingly, for the sake of your subjects, no doubt of it, through effort, through merit, through right means, O lord of men.'

Verse 16 (padma.2.29.16)

समारंभाः प्रसिद्ध्यंति पुण्याश्चैवाप्युपक्रमाः । उपायं पश्य राजेंद्र येन त्वं सत्यवान्भवेः

samāraṁbhāḥ prasiddhyaṁti puṇyāścaivāpyupakramāḥ upāyaṁ paśya rājeṁdra yena tvaṁ satyavānbhaveḥ

'Undertakings succeed, and meritorious endeavors too; consider the means, O king of kings, by which you may become true to your word—'

Verse 17 (padma.2.29.17)

धारयेथाः प्रजाश्चेमा येन सर्वाः प्रवर्द्धये । संलग्नाश्चोत्तमा बाणा ममांगे ते शिलाशिताः

dhārayethāḥ prajāścemā yena sarvāḥ pravarddhaye saṁlagnāścottamā bāṇā mamāṁge te śilāśitāḥ

—'by which you may sustain these your subjects, and by which I may make them all prosper. Your excellent arrows, sharpened on stone, remain lodged in my body—'

Verse 18 (padma.2.29.18)

समुद्धर स्वयं राजंश्छल्यंति भृशमेव ते । समां कुरु महाराज तिष्ठेन्मयि यथा पयः

samuddhara svayaṁ rājaṁśchalyaṁti bhṛśameva te samāṁ kuru mahārāja tiṣṭhenmayi yathā payaḥ

—'draw them out yourself, O king; they wound me exceedingly. Make me level, O great king, so that milk may abide in me.'

Verse 19 (padma.2.29.19)

सूत उवाच-। धनुषोग्रेण ताञ्छैलान्नानारूपान्गुरूंस्तथा । उत्सारयंस्ततः सर्वां समरूपां चकार सः

sūta uvāca- dhanuṣogreṇa tāñchailānnānārūpāngurūṁstathā utsārayaṁstataḥ sarvāṁ samarūpāṁ cakāra saḥ

Suta said: With the tip of his fierce bow, pushing aside those mountains of various forms and great weight, he then made her level in form.

Verse 20 (padma.2.29.20)

तदाप्रभृति ते शैला वृद्धिमापुर्द्विजोत्तमाः । तस्या अंगात्स्वयं बाणान्स्वकीयान्नृपनंदनः

tadāprabhṛti te śailā vṛddhimāpurdvijottamāḥ tasyā aṁgātsvayaṁ bāṇānsvakīyānnṛpanaṁdanaḥ

From that time onward, O best of brahmins, those mountains gained in height. From her very body, that royal prince himself drew out his own arrows—

Verse 21 (padma.2.29.21)

समुद्धृत्य ततो वैन्यः प्रीतेन मनसा तदा । गर्ताश्च कंदराश्चैव बाणाघातैः समीकृताः

samuddhṛtya tato vainyaḥ prītena manasā tadā gartāśca kaṁdarāścaiva bāṇāghātaiḥ samīkṛtāḥ

—having drawn them out, that son of Vena, then, with a pleased mind, saw that the pits and hollows made by the blows of his arrows were made level.

Verse 22 (padma.2.29.22)

एवं पृथ्वद्यंसमां सर्वां चकार पुण्यवर्द्धनः । समीकृत्य महाभागो वत्सं तस्या व्यकल्पयत्

evaṁ pṛthvadyaṁsamāṁ sarvāṁ cakāra puṇyavarddhanaḥ samīkṛtya mahābhāgo vatsaṁ tasyā vyakalpayat

Thus did that increaser of merit make the whole earth level, as it is today; having leveled her, that greatly fortunate one appointed a calf for her.

Verse 23 (padma.2.29.23)

मनुं स्वायंभुवं पूर्वं परिचिंत्य पुनः पुनः । अतीतेष्वथ सर्वेषु मन्वंतरेषु सत्तमाः

manuṁ svāyaṁbhuvaṁ pūrvaṁ pariciṁtya punaḥ punaḥ atīteṣvatha sarveṣu manvaṁtareṣu sattamāḥ

Reflecting again and again first upon Svayambhuva Manu, and in all the Manvantaras that had passed before, O worthy ones—

Verse 24 (padma.2.29.24)

विषमत्वं गता भूमिः पंथा नासीच्च कुत्रचित् । समानि विषमाण्येवं स्वयमासन्द्विजोत्तमाः

viṣamatvaṁ gatā bhūmiḥ paṁthā nāsīcca kutracit samāni viṣamāṇyevaṁ svayamāsandvijottamāḥ

—the earth had become uneven, and there was no path anywhere; level and uneven places existed of themselves thus, O best of brahmins.

Verse 25 (padma.2.29.25)

पूर्वं मनोश्चाक्षुषस्य प्राप्ते चैवांतरे तदा । जाते पूर्वविसर्गे च विषमे च धरातले

pūrvaṁ manoścākṣuṣasya prāpte caivāṁtare tadā jāte pūrvavisarge ca viṣame ca dharātale

Before, in the Manvantara of Chakshusha Manu, when it had come, and when the earlier creation had occurred, the surface of the earth being then uneven—

Verse 26 (padma.2.29.26)

ग्रामाणां च पुराणां च पत्तनानां तथैव च । देशानां क्षेत्रपन्नानां मर्यादा न हि दृश्यते

grāmāṇāṁ ca purāṇāṁ ca pattanānāṁ tathaiva ca deśānāṁ kṣetrapannānāṁ maryādā na hi dṛśyate

—no boundary at all was seen for villages, cities, or towns, nor for lands or the fields belonging to them.

Verse 27 (padma.2.29.27)

कृषिर्नैव न वाणिज्यं न गोरक्षा प्रवर्तते । नानृतं भाषते कश्चिन्न लोभो न च मत्सरः

kṛṣirnaiva na vāṇijyaṁ na gorakṣā pravartate nānṛtaṁ bhāṣate kaścinna lobho na ca matsaraḥ

There was neither agriculture, nor trade, nor cattle-herding; no one spoke falsehood, there was no greed, and no envy.

Verse 28 (padma.2.29.28)

नाभिमानं च वै पापं न करोति कदा किल । वैवस्वतस्य संप्राप्ते अंतरे द्विजसत्तम

nābhimānaṁ ca vai pāpaṁ na karoti kadā kila vaivasvatasya saṁprāpte aṁtare dvijasattama

No pride existed either, and indeed no one ever committed sin. When the Manvantara of Vaivasvata had come, O worthy brahmin—

Verse 29 (padma.2.29.29)

वैन्यस्य संभवात्पूर्वं प्रजानामेव संभवः । इमाः प्रजा द्विजाः सर्वा निवासं समरोचयन्

vainyasya saṁbhavātpūrvaṁ prajānāmeva saṁbhavaḥ imāḥ prajā dvijāḥ sarvā nivāsaṁ samarocayan

—before the birth of the son of Vena, the birth of subjects themselves had already occurred; all these subjects, O brahmins, delighted in their dwelling—

Verse 30 (padma.2.29.30)

क्वचिद्भूमौ गिरौ क्वापि नदीतीरेषु वै तदा । कुंजेषु सर्वतीर्थेषु सागरस्य तटेषु च

kvacidbhūmau girau kvāpi nadītīreṣu vai tadā kuṁjeṣu sarvatīrtheṣu sāgarasya taṭeṣu ca

—somewhere on the ground, somewhere on a mountain, somewhere then along riverbanks, in groves, at every sacred ford, and on the shores of the ocean.

Verse 31 (padma.2.29.31)

निवासं चक्रिरे सर्वाः प्रजाः पुण्येन वै तदा । तासामाहारः संजातः फलमूलमधुस्तथा

nivāsaṁ cakrire sarvāḥ prajāḥ puṇyena vai tadā tāsāmāhāraḥ saṁjātaḥ phalamūlamadhustathā

All the subjects made their dwellings there through merit at that time; their food was fruit, roots, and honey.

Verse 32 (padma.2.29.32)

महता कृच्छ्रेण तासामाहारश्च द्विजोत्तमाः । पृथुर्वैन्यः समालोक्य प्रजानां कष्टमेव हि

mahatā kṛcchreṇa tāsāmāhāraśca dvijottamāḥ pṛthurvainyaḥ samālokya prajānāṁ kaṣṭameva hi

Only with great hardship did they obtain their food, O best of brahmins. Prithu, son of Vena, seeing this very distress of his subjects—

Verse 33 (padma.2.29.33)

स्वायंभुवो मनुर्वत्सः कल्पितस्तेन भूभुजा । स्वपाणिः कल्पितस्तेन पात्रमेवं महामते

svāyaṁbhuvo manurvatsaḥ kalpitastena bhūbhujā svapāṇiḥ kalpitastena pātramevaṁ mahāmate

—appointed Svayambhuva Manu as the calf, that lord of the earth; his own hand he made into the very vessel, O great-minded one, in this way.

Verse 34 (padma.2.29.34)

स पृथुः पुरुषव्याघ्रो दुदोह वसुधां तदा । सर्वसस्यमयं क्षीरं ससर्वान्नं गुणान्वितम्

sa pṛthuḥ puruṣavyāghro dudoha vasudhāṁ tadā sarvasasyamayaṁ kṣīraṁ sasarvānnaṁ guṇānvitam

That Prithu, tiger among men, then milked the earth; milk made wholly of every crop, joined with every grain and every good quality—

Verse 35 (padma.2.29.35)

तेन पुण्येन चान्नेन सुधाकल्पेन ताः प्रजाः । तृप्तिं नयंति देवान्वै प्रजाः पितॄंस्तथापरान्

tena puṇyena cānnena sudhākalpena tāḥ prajāḥ tṛptiṁ nayaṁti devānvai prajāḥ pitṝṁstathāparān

—by that meritorious food, resembling very nectar, those subjects attained satisfaction, offering it too to the gods and ancestors and to others.

Verse 36 (padma.2.29.36)

प्रसादात्तस्य वैन्यस्य सुखं जीवंति ताः प्रजाः । देवेभ्यश्च पितृभ्यश्च दत्वा चान्नं प्रजास्ततः

prasādāttasya vainyasya sukhaṁ jīvaṁti tāḥ prajāḥ devebhyaśca pitṛbhyaśca datvā cānnaṁ prajāstataḥ

By the grace of that son of Vena, those subjects lived happily; having given food to the gods and to the ancestors, the subjects then—

Verse 37 (padma.2.29.37)

ब्राह्मणेभ्यो विशेषेणअतिथिभ्यस्तथैव च । पश्चाद्भुंजंति पुण्यास्ताः प्रजाः सर्वा द्विजोत्तमाः

brāhmaṇebhyo viśeṣeṇaatithibhyastathaiva ca paścādbhuṁjaṁti puṇyāstāḥ prajāḥ sarvā dvijottamāḥ

—gave especially to brahmins, and likewise to guests; only afterward did those meritorious subjects, all of them, eat, O best of brahmins.

Verse 38 (padma.2.29.38)

यज्ञैश्चान्ये यजंत्येव तर्पयंति जनार्दनम् । तेन चान्नेन देवेशं तृप्तिं गच्छंति देवताः

yajñaiścānye yajaṁtyeva tarpayaṁti janārdanam tena cānnena deveśaṁ tṛptiṁ gacchaṁti devatāḥ

Others worshipped through sacrifices, satisfying Janardana; by that very food, the gods too attained satisfaction, pleasing the lord of gods.

Verse 39 (padma.2.29.39)

पुनर्वर्षति पर्जन्यः प्रेषितो माधवेन च । तस्मात्पुण्या महौषध्यः संभवंति सुपुण्यदाः

punarvarṣati parjanyaḥ preṣito mādhavena ca tasmātpuṇyā mahauṣadhyaḥ saṁbhavaṁti supuṇyadāḥ

Again the rain-cloud rains, sent forth by Madhava; from that, meritorious great herbs come into being, bestowers of great merit.

Verse 40 (padma.2.29.40)

सस्यजातानि सर्वाणि पृथुर्वैन्यः प्रजापतिः । तेनान्नेन प्रजाः सर्वा वर्तंतेऽद्यापि नित्यशः

sasyajātāni sarvāṇi pṛthurvainyaḥ prajāpatiḥ tenānnena prajāḥ sarvā vartaṁte'dyāpi nityaśaḥ

All the various crops came from that Lord of creatures, Prithu, son of Vena; by that food all his subjects live constantly, even today.

Verse 41 (padma.2.29.41)

ऋषिभिश्चैव मिलितैर्दुग्धा चेयं वसुंधरा । पुनर्विप्रैर्महाभाग्यैः सत्यवद्भिः सुरैस्तथा

ṛṣibhiścaiva militairdugdhā ceyaṁ vasuṁdharā punarviprairmahābhāgyaiḥ satyavadbhiḥ suraistathā

And this earth was milked too by the sages gathered together, and again by greatly fortunate, truthful brahmins, and by the gods likewise.

Verse 42 (padma.2.29.42)

सोमो वत्सस्वरूपोभूद्दोग्धा देवगुरुः स्वयम् । ऊर्जं क्षीरं पयः कल्पं येन जीवंति चामराः

somo vatsasvarūpobhūddogdhā devaguruḥ svayam ūrjaṁ kṣīraṁ payaḥ kalpaṁ yena jīvaṁti cāmarāḥ

—Soma took the very form of the calf, and the teacher of the gods, Brihaspati, himself was the milker; the milk was vigor and nourishment, by which the immortals live.

Verse 43 (padma.2.29.43)

तेषां सत्येन पुण्येन सर्वे जीवंति जंतवः । सत्यपुण्ये प्रवर्तंते ऋषिदुग्धा वसुंधरा

teṣāṁ satyena puṇyena sarve jīvaṁti jaṁtavaḥ satyapuṇye pravartaṁte ṛṣidugdhā vasuṁdharā

By the truth and merit of these, all beings live; through truth and merit do they conduct themselves — the earth milked by the sages.

Verse 44 (padma.2.29.44)

अथातः संप्रवक्ष्यामि यथा दुग्धा इयं धरा । पितृभिश्च पुरा वत्स विधिना येन वै तदा

athātaḥ saṁpravakṣyāmi yathā dugdhā iyaṁ dharā pitṛbhiśca purā vatsa vidhinā yena vai tadā

Now I shall relate how this earth was milked, by the ancestors of old, my son, and by what rite it was done then.

Verse 45 (padma.2.29.45)

सुपात्रं राजतं कृत्वा स्वधा क्षीरं सुधान्वितम् । परिकल्प्य यमं वत्सं दोग्धा चांतक एव सः

supātraṁ rājataṁ kṛtvā svadhā kṣīraṁ sudhānvitam parikalpya yamaṁ vatsaṁ dogdhā cāṁtaka eva saḥ

Making a fine silver vessel, and milking Svadha, milk endowed with nectar, appointing Yama as the calf, Antaka, Death, himself was the milker.

Verse 46 (padma.2.29.46)

नागैः सर्पैस्ततो दुग्धा तक्षकं वत्समेव च । अलाबुपात्रमादाय विषं क्षीरं द्विजोत्तमाः

nāgaiḥ sarpaistato dugdhā takṣakaṁ vatsameva ca alābupātramādāya viṣaṁ kṣīraṁ dvijottamāḥ

Then, by the nagas and serpents, she was milked, with Takshaka as the calf; taking a gourd vessel, they milked venom as the milk, O best of brahmins.

Verse 47 (padma.2.29.47)

नागानां तु तथा दोग्धा धृतराष्ट्रः प्रतापवान् । सर्पा नागा द्विजश्रेष्ठास्तेन वर्तंति चातुलाः

nāgānāṁ tu tathā dogdhā dhṛtarāṣṭraḥ pratāpavān sarpā nāgā dvijaśreṣṭhāstena vartaṁti cātulāḥ

For the nagas, the mighty Dhritarashtra was likewise the milker; the serpents and nagas, O best of brahmins, live by that unmatched milk.

Verse 48 (padma.2.29.48)

नागा वर्तंति तेनापि ह्यत्युग्रेण द्विजोत्तमाः । विषेण घोररूपेण सर्पाश्चैव भयानकाः

nāgā vartaṁti tenāpi hyatyugreṇa dvijottamāḥ viṣeṇa ghorarūpeṇa sarpāścaiva bhayānakāḥ

The nagas live by that too, exceedingly fierce, O best of brahmins; by venom of dreadful form do the fearsome serpents also live—

Verse 49 (padma.2.29.49)

तेनैव वर्तयंत्युग्रा महाकाया महाबलाः । तदाहारास्तदाचारास्तद्वीर्यास्तत्पराक्रमाः

tenaiva vartayaṁtyugrā mahākāyā mahābalāḥ tadāhārāstadācārāstadvīryāstatparākramāḥ

—by that alone do those fierce, mighty-bodied, greatly powerful ones subsist, their food, their conduct, their might, and their valor of that same nature.

Verse 50 (padma.2.29.50)

अथातः संप्रवक्ष्यामि यथा दुग्धा वसुंधरा । असुरैर्दानवैः सर्वैः कल्पयित्वा द्विजोत्तमाः

athātaḥ saṁpravakṣyāmi yathā dugdhā vasuṁdharā asurairdānavaiḥ sarvaiḥ kalpayitvā dvijottamāḥ

Now I shall relate how the earth was milked by the asuras and all the danavas, having appointed their milker, O best of brahmins.

Verse 51 (padma.2.29.51)

पात्रमत्रान्नसदृशमायसं सर्वकामिकम् । क्षीरं मायामयं कृत्वा सर्वारातिविनाशनम्

pātramatrānnasadṛśamāyasaṁ sarvakāmikam kṣīraṁ māyāmayaṁ kṛtvā sarvārātivināśanam

With an iron vessel here, fashioned like a food-vessel, granting every desire, they made the milk wholly of maya, the destroyer of every enemy.

Verse 52 (padma.2.29.52)

तेषामभूत्स वै वत्सो विरोचनः प्रतापवान् । ऋत्विग्द्विमूर्द्धा दैत्यानां मधुर्दोग्धा महाबलः

teṣāmabhūtsa vai vatso virocanaḥ pratāpavān ṛtvigdvimūrddhā daityānāṁ madhurdogdhā mahābalaḥ

Their calf was the mighty Virochana; the two-headed priest of the daityas, Madhu, mighty, was the milker.

Verse 53 (padma.2.29.53)

तया हि मायया दैत्याः प्रवर्त्तंते महाबलाः । महाप्रज्ञा महाकाया महातेजः पराक्रमाः

tayā hi māyayā daityāḥ pravarttaṁte mahābalāḥ mahāprajñā mahākāyā mahātejaḥ parākramāḥ

By that very maya do the mighty daityas conduct themselves — of great wisdom, mighty-bodied, of great splendor and valor.

Verse 54 (padma.2.29.54)

तद्बलं पौरुषं तेषां तेन जीवंति दानवाः । तयैते माययाद्यापि सर्वमाया द्विजोत्तमाः

tadbalaṁ pauruṣaṁ teṣāṁ tena jīvaṁti dānavāḥ tayaite māyayādyāpi sarvamāyā dvijottamāḥ

That is their very strength and manliness; by that the danavas live. By that very maya, even to this day, all is illusion for them, O best of brahmins—

Verse 55 (padma.2.29.55)

प्रवर्तंते मितप्रज्ञास्ते तदेषामिदं बलम् । तथा तु दुग्धा यक्षैः सा सर्वाधारासु मेदिनी

pravartaṁte mitaprajñāste tadeṣāmidaṁ balam tathā tu dugdhā yakṣaiḥ sā sarvādhārāsu medinī

—those of limited wisdom conduct themselves thus; such indeed is their strength. And likewise was that all-sustaining earth milked by the yakshas—

Verse 56 (padma.2.29.56)

इति शुश्रुम विप्रेंद्राः पुराकल्पे महात्मभिः । अंतर्धानमयं क्षीरमयस्पात्रे सुविस्तरे

iti śuśruma vipreṁdrāḥ purākalpe mahātmabhiḥ aṁtardhānamayaṁ kṣīramayaspātre suvistare

—so we have heard, O foremost of brahmins, from great souls in a former age; the milk was made of the power of invisibility, in a broad iron vessel.

Verse 57 (padma.2.29.57)

वैश्रवणो महाप्राज्ञस्तदा वत्सः प्रकल्पितः । मणिधरस्य पिता पुण्यः प्राज्ञो बुद्धिमतां वरः

vaiśravaṇo mahāprājñastadā vatsaḥ prakalpitaḥ maṇidharasya pitā puṇyaḥ prājño buddhimatāṁ varaḥ

The greatly wise Vaishravana was then appointed as the calf; that meritorious, wise father of Manidhara, foremost of the intelligent—

Verse 58 (padma.2.29.58)

दोग्धा रजतनाभस्तु तस्याश्चासीन्महामतिः । सर्वज्ञः सर्वधर्मज्ञो यक्षराजसुतो बली

dogdhā rajatanābhastu tasyāścāsīnmahāmatiḥ sarvajñaḥ sarvadharmajño yakṣarājasuto balī

—Rajatanabha, that great-minded, all-knowing, knower of every dharma, mighty son of the king of yakshas, was her milker.

Verse 59 (padma.2.29.59)

अष्टबाहुर्महातेजा द्विशीर्षः सुमहातपाः । यक्षावर्तंत तेनापि सर्वदैव द्विजोत्तमाः

aṣṭabāhurmahātejā dviśīrṣaḥ sumahātapāḥ yakṣāvartaṁta tenāpi sarvadaiva dvijottamāḥ

Eight-armed, of great splendor, two-headed, of great austerity — by that too the yakshas ever conduct themselves, O best of brahmins.

Verse 60 (padma.2.29.60)

पुनर्दुग्धा इयं पृथ्वी राक्षसैश्च महाबलैः । तथा चैषा पिशाचैश्च सातुरैर्दग्धवारिभिः

punardugdhā iyaṁ pṛthvī rākṣasaiśca mahābalaiḥ tathā caiṣā piśācaiśca sāturairdagdhavāribhiḥ

Again this earth was milked by the mighty rakshasas, and likewise by the pishachas too, hungry, drinking scorched water—

Verse 61 (padma.2.29.61)

उत्प्लुतं नृकपालं तं शावपात्रमयः कृतम् । सुप्रजां भोक्तुकामास्ते तीव्रकोपपराक्रमाः

utplutaṁ nṛkapālaṁ taṁ śāvapātramayaḥ kṛtam suprajāṁ bhoktukāmāste tīvrakopaparākramāḥ

—with a human skull as the vessel, made of iron like a corpse-vessel; those of fierce wrath and violence, desiring to devour the good subjects—

Verse 62 (padma.2.29.62)

दोग्धा रजतनाभस्तु तेषामासीन्महाबलः । सुमाली नाम वत्सश्च शोणितं क्षीरमेव च

dogdhā rajatanābhastu teṣāmāsīnmahābalaḥ sumālī nāma vatsaśca śoṇitaṁ kṣīrameva ca

—Rajatanabha, that mighty one, was their milker too; and their calf, named Sumali, yielded blood as the very milk.

Verse 63 (padma.2.29.63)

रक्षांसि यातुधानाश्च पिशाचाश्च महाबलाः । यक्षास्तेन च जीवंति भूतसङ्घाश्च दारुणाः

rakṣāṁsi yātudhānāśca piśācāśca mahābalāḥ yakṣāstena ca jīvaṁti bhūtasaṁghāśca dāruṇāḥ

Rakshasas, yatudhanas, and mighty pishachas, and yakshas too, and dreadful hosts of bhutas, live by that.

Verse 64 (padma.2.29.64)

गंधर्वैरप्सरोभिश्च पुनर्दुग्धा वसुंधरा । कृत्वा वत्सं सुविद्वांसं तैश्च चित्ररथं पुनः

gaṁdharvairapsarobhiśca punardugdhā vasuṁdharā kṛtvā vatsaṁ suvidvāṁsaṁ taiśca citrarathaṁ punaḥ

Again the earth was milked by the gandharvas and apsarases, having made the greatly learned Chitraratha the calf once more—

Verse 65 (padma.2.29.65)

दुदुहुः पद्मपात्रे तु गांधर्वं गीतसंकुलम् । सुरुचिर्नाम गंधर्वस्तेषामासीन्महामतिः

duduhuḥ padmapātre tu gāṁdharvaṁ gītasaṁkulam surucirnāma gaṁdharvasteṣāmāsīnmahāmatiḥ

—they milked, into a lotus vessel, the very art of Gandharva music, filled with song; the great-minded gandharva named Suruchi was their milker.

Verse 66 (padma.2.29.66)

दोग्धा पुण्यतमश्चैव तस्याश्च द्विजसत्तमाः । शुचिगीतं महात्मानः सुक्षीरं दुदुहुस्तदा

dogdhā puṇyatamaścaiva tasyāśca dvijasattamāḥ śucigītaṁ mahātmānaḥ sukṣīraṁ duduhustadā

That most meritorious one was the milker; and, O worthy brahmins, those great souls milked pure song as the excellent milk from her at that time.

Verse 67 (padma.2.29.67)

गंधर्वास्तेन जीवंति अन्याश्चाप्सरसस्तथा । पर्वतैश्च महापुण्यैर्दुग्धा चेयं वसुंधरा

gaṁdharvāstena jīvaṁti anyāścāpsarasastathā parvataiśca mahāpuṇyairdugdhā ceyaṁ vasuṁdharā

The gandharvas live by that, and the other apsarases too. And by the greatly meritorious mountains too was this earth milked.

Verse 68 (padma.2.29.68)

रत्नानि विविधान्येव ओषधीश्चामृतोपमाः । वत्सश्चैव महाभागो हिमवान्परिकल्पितः

ratnāni vividhānyeva oṣadhīścāmṛtopamāḥ vatsaścaiva mahābhāgo himavānparikalpitaḥ

Various jewels indeed, and herbs resembling very nectar were milked; and the greatly fortunate Himavan was appointed as the calf.

Verse 69 (padma.2.29.69)

मेरुर्दोग्धा च संजातः पात्रं कृत्वा तु शैलजम् । तेन क्षीरेण संवृद्धाः शैलाः सर्वे महौजसः

merurdogdhā ca saṁjātaḥ pātraṁ kṛtvā tu śailajam tena kṣīreṇa saṁvṛddhāḥ śailāḥ sarve mahaujasaḥ

Meru became the milker, making a mountain-born vessel; by that milk all the mighty mountains grew and flourished.

Verse 70 (padma.2.29.70)

पुनर्दुग्धा महावृक्षैः पुण्यैः कल्पद्रुमादिभिः । पालाशं पात्रामानिन्युश्छिन्नदग्धप्ररोहणम्

punardugdhā mahāvṛkṣaiḥ puṇyaiḥ kalpadrumādibhiḥ pālāśaṁ pātrāmāninyuśchinnadagdhaprarohaṇam

Again she was milked by the great, meritorious trees, beginning with the wish-fulfilling tree; they brought a vessel of palasha-wood, capable of regrowing even when cut or burned.

Verse 71 (padma.2.29.71)

शालो दुदोह पुष्पांगः प्लक्षो वत्सोऽभवत्तदा । गुह्यकैश्चारणैः सिद्धैर्विद्याधरगणैस्तदा

śālo dudoha puṣpāṁgaḥ plakṣo vatso'bhavattadā guhyakaiścāraṇaiḥ siddhairvidyādharagaṇaistadā

The Sala tree, flower-limbed, was the milker; the fig tree became the calf then. By the guhyakas, charanas, siddhas, and hosts of vidyadharas then—

Verse 72 (padma.2.29.72)

दुग्धा चेयं सर्वधात्री सर्वकामप्रदायिनी । यं यमिच्छंति ये लोकाः पात्रवत्सविशेषणैः

dugdhā ceyaṁ sarvadhātrī sarvakāmapradāyinī yaṁ yamicchaṁti ye lokāḥ pātravatsaviśeṣaṇaiḥ

—this all-nurturing Earth, bestower of every desire, was milked too. Whatever any beings desire, through the particular vessel and calf—

Verse 73 (padma.2.29.73)

तैस्तैस्तेषां ददात्येव क्षीरं सद्भावमीदृशम् । इयं धात्री विधात्री तु इयं श्रेष्ठा वसुंधरा

taistaisteṣāṁ dadātyeva kṣīraṁ sadbhāvamīdṛśam iyaṁ dhātrī vidhātrī tu iyaṁ śreṣṭhā vasuṁdharā

—by those very means she indeed grants them milk of such true nature. This is the Nurse, the Ordainer; this is the excellent Earth—

Verse 74 (padma.2.29.74)

सर्वकामदुघा धेनुरियं पुण्यैरलंकृता । इयं ज्येष्ठा प्रतिष्ठा तु इयं सृष्टिरियं प्रजा

sarvakāmadughā dhenuriyaṁ puṇyairalaṁkṛtā iyaṁ jyeṣṭhā pratiṣṭhā tu iyaṁ sṛṣṭiriyaṁ prajā

—the cow that yields every desire, this one adorned with merit; this is the eldest foundation, this is creation, this is progeny itself.

Verse 75 (padma.2.29.75)

पावनी पुण्यदा पुण्या सर्वसस्य प्ररोहिणी । चराचरस्य सर्वस्य प्रतिष्ठा योनिरेव च

pāvanī puṇyadā puṇyā sarvasasya prarohiṇī carācarasya sarvasya pratiṣṭhā yonireva ca

Purifying, meritorious, bestower of merit, the sprouter of every crop; the very foundation and womb of all that moves and does not move.

Verse 76 (padma.2.29.76)

महालक्ष्मीरियं विद्या सर्वविश्वमयी सदा । सर्वकामदुघा दोग्ध्री सर्वबीजप्ररोहिणी

mahālakṣmīriyaṁ vidyā sarvaviśvamayī sadā sarvakāmadughā dogdhrī sarvabījaprarohiṇī

This is Mahalakshmi, this is knowledge, ever made wholly of the whole universe; the milker who yields every desire, the sprouter of every seed.

Verse 77 (padma.2.29.77)

सर्वेषां श्रेयसां माता सर्वलोकधरा इयम् । पंचानामपि भूतानां प्रकाशो रूपमेव च

sarveṣāṁ śreyasāṁ mātā sarvalokadharā iyam paṁcānāmapi bhūtānāṁ prakāśo rūpameva ca

The mother of every good thing, the sustainer of every world; the very manifestation and form of the five elements too.

Verse 78 (padma.2.29.78)

असीदियं समुद्रांता मेदिनीति परिश्रुता । मधुकैटभयोः कृत्स्ना मेदसा समभिप्लुता

asīdiyaṁ samudrāṁtā medinīti pariśrutā madhukaiṭabhayoḥ kṛtsnā medasā samabhiplutā

She, bordered by the ocean, is renowned by the name Medini; entirely flooded by the fat of Madhu and Kaitabha—

Verse 79 (padma.2.29.79)

तेनेयं मेदिनी नाम प्रोच्यते ब्रह्मवादिभिः । ततोभ्युपगमात्प्राज्ञ पृथोर्वैन्यस्य सत्तमाः

teneyaṁ medinī nāma procyate brahmavādibhiḥ tatobhyupagamātprājña pṛthorvainyasya sattamāḥ

—for that reason she is called by the name Medini by the followers of Brahman-teaching. Then, by her approach to that wise, worthy Prithu, son of Vena—

Verse 80 (padma.2.29.80)

दुहितृत्वमनुप्राप्ता देवी पृथ्वीति चोच्यते । तेन राज्ञा द्विजश्रेष्ठाः पालितेयं वसुंधरा

duhitṛtvamanuprāptā devī pṛthvīti cocyate tena rājñā dvijaśreṣṭhāḥ pāliteyaṁ vasuṁdharā

—she attained the status of a daughter, and, that goddess, is called Prithvi, after Prithu. By that king, O best of brahmins, this earth was protected—

Verse 81 (padma.2.29.81)

ग्रामाधारं गृहाणां च पुरपत्तनमालिनी । सस्याकरवती स्फीता सर्वतीर्थमयी द्विजाः

grāmādhāraṁ gṛhāṇāṁ ca purapattanamālinī sasyākaravatī sphītā sarvatīrthamayī dvijāḥ

—the foundation of villages, of homes, garlanded with cities and towns; rich in crops and mines, prosperous, made wholly of every sacred ford, O brahmins.

Verse 82 (padma.2.29.82)

एवं वसुमती देवी सर्वलोकमयी सदा । एवं प्रभावो राजेंद्रः पुराणे परिपठ्यते

evaṁ vasumatī devī sarvalokamayī sadā evaṁ prabhāvo rājeṁdraḥ purāṇe paripaṭhyate

Thus is that goddess, the wealth-bearing earth, ever made wholly of all the worlds. Such is the power, O king of kings, recited in the Purana.

Verse 83 (padma.2.29.83)

पृथुर्वैन्यो महाभागः सर्वकर्मप्रकाशकः । यथा विष्णुर्यथा ब्रह्मा यथा रुद्रः सनातनः

pṛthurvainyo mahābhāgaḥ sarvakarmaprakāśakaḥ yathā viṣṇuryathā brahmā yathā rudraḥ sanātanaḥ

Prithu, son of Vena, that greatly fortunate one, revealer of every action — just as Vishnu, just as Brahma, just as the eternal Rudra—

Verse 84 (padma.2.29.84)

नमस्कार्यास्त्रयो देवा देवाद्यैर्ब्रह्मवादिभिः । ब्राह्मणैर्ऋषिभिः सर्वैर्नमस्कार्यो नृपोत्तमः

namaskāryāstrayo devā devādyairbrahmavādibhiḥ brāhmaṇairṛṣibhiḥ sarvairnamaskāryo nṛpottamaḥ

—those three gods are worthy of homage by the gods and by the followers of Brahman-teaching, so too that best of kings is worthy of homage by brahmins and all sages.

Verse 85 (padma.2.29.85)

वर्णानामाश्रमाणां यः स्थापकः सर्वलोकधृक् । पार्थिवैश्च महाभागैः पार्थिवत्वमिहेप्सुभिः

varṇānāmāśramāṇāṁ yaḥ sthāpakaḥ sarvalokadhṛk pārthivaiśca mahābhāgaiḥ pārthivatvamihepsubhiḥ

He who established the varnas and ashramas, the sustainer of every world — by earthly kings too, greatly fortunate ones, desiring kingship here—

Verse 86 (padma.2.29.86)

आदिराजो नमस्कार्यः पृथुर्वैन्यः प्रतापवान् । धनुर्वेदार्थिभिर्योधैः सदैव जयकांक्षिभिः

ādirājo namaskāryaḥ pṛthurvainyaḥ pratāpavān dhanurvedārthibhiryodhaiḥ sadaiva jayakāṁkṣibhiḥ

—that primal king, mighty Prithu, son of Vena, is worthy of homage; and by warriors seeking the science of archery, ever desiring victory—

Verse 87 (padma.2.29.87)

नमस्कार्यो महाराजो वृत्तिदाता महीभृताम् । एवं पात्रविशेषाश्च मया ख्याता द्विजोत्तमाः

namaskāryo mahārājo vṛttidātā mahībhṛtām evaṁ pātraviśeṣāśca mayā khyātā dvijottamāḥ

—that great king, giver of sustenance to the earth's rulers, is worthy of homage. Thus have the particular vessels been declared by me, O best of brahmins—

Verse 88 (padma.2.29.88)

वत्सानां सुविशेषाश्च दोग्धॄणां भवदग्रतः । क्षीरस्यापि विशेषं तु यथोद्दिष्टं हि भूभुजा

vatsānāṁ suviśeṣāśca dogdhṝṇāṁ bhavadagrataḥ kṣīrasyāpi viśeṣaṁ tu yathoddiṣṭaṁ hi bhūbhujā

—the particular calves, and the milkers, before you; and the particular nature of the milk too, just as designated by that lord of the earth—

Verse 89 (padma.2.29.89)

समाख्यातं तथाग्रे च भवतां वै यथार्थतः । धन्यं यशस्यमारोग्यं पुण्यं पापप्रणाशनम्

samākhyātaṁ tathāgre ca bhavatāṁ vai yathārthataḥ dhanyaṁ yaśasyamārogyaṁ puṇyaṁ pāpapraṇāśanam

—all this has thus been declared before you truthfully. Blessed, glorious, health-giving, meritorious, destroying sin—

Verse 90 (padma.2.29.90)

पृथोर्वैन्यस्य चरितं यः शृणोति द्विजोत्तमाः । तस्य भागीरथी स्नानमहन्यहनि जायते

pṛthorvainyasya caritaṁ yaḥ śṛṇoti dvijottamāḥ tasya bhāgīrathī snānamahanyahani jāyate

—whoever hears this account of Prithu, son of Vena, O best of brahmins, for him a bath in the Ganga occurs, day after day.

Verse 91 (padma.2.29.91)

सर्वपापविशुद्धात्मा विष्णुलोकं प्रयाति सः

sarvapāpaviśuddhātmā viṣṇulokaṁ prayāti saḥ

—his soul purified of every sin, he goes to the world of Vishnu.