The Deception of Gobhila

Verse 1 (padma.2.49.1)

ब्राह्मण्युवाच- एकदा तु महाभाग गता सा पर्वतोत्तमे । रमणीयं वनं दृष्ट्वा कदलीखंडमंडितम्

brāhmaṇyuvāca- ekadā tu mahābhāga gatā sā parvatottame ramaṇīyaṁ vanaṁ dṛṣṭvā kadalīkhaṁḍamaṁḍitam

The brahmin-wife said: One day, O blessed one, she went to a fine mountain, and beheld a lovely forest adorned with groves of plantain.

Verse 2 (padma.2.49.2)

शालैस्तालैस्तमालैश्च नालिकेरैस्तथोत्कटैः । पूगीफलैर्मातुलिगैर्नारंगैश्चारुजंबुकैः

śālaistālaistamālaiśca nālikeraistathotkaṭaiḥ pūgīphalairmātuligairnāraṁgaiścārujaṁbukaiḥ

With sala, tala and tamala trees, with tall coconut palms, with areca-nut, citron, orange, and lovely jambu trees —

Verse 3 (padma.2.49.3)

चंपकैः पाटलैः पुण्यैः पुष्पितैः कुटकैर्वटैः । अशोकबकुलोपेतं नानावृक्षैरलंकृतम्

caṁpakaiḥ pāṭalaiḥ puṇyaiḥ puṣpitaiḥ kuṭakairvaṭaiḥ aśokabakulopetaṁ nānāvṛkṣairalaṁkṛtam

—with campaka, patala, and sacred flowering kutaja and banyan trees, adorned further with ashoka and bakula, and with trees of every kind.

Verse 4 (padma.2.49.4)

पर्वतं पुण्यवंतं तं पुष्पितैश्च नगोत्तमैः । सर्वत्र दृश्यते रम्यो नानाधातुसमाकुलः

parvataṁ puṇyavaṁtaṁ taṁ puṣpitaiśca nagottamaiḥ sarvatra dṛśyate ramyo nānādhātusamākulaḥ

That sacred mountain, with its flowering, finest of trees, appeared lovely everywhere, filled with minerals of every kind.

Verse 5 (padma.2.49.5)

तडागं सर्वतोभद्रं पुण्यतोयेन पूरितम् । कमलैः पुष्पितैश्चान्यैः सुगंधैः कनकोत्पलैः

taḍāgaṁ sarvatobhadraṁ puṇyatoyena pūritam kamalaiḥ puṣpitaiścānyaiḥ sugaṁdhaiḥ kanakotpalaiḥ

There was a lake, auspicious on every side, filled with sacred water, with lotuses in bloom and other fragrant, golden water-lilies.

Verse 6 (padma.2.49.6)

श्वेतोत्पलैर्विभासंतं रक्तोत्पलसुपुष्पितैः । नीलोत्पलैश्च कह्लारैर्हंसैश्च जलकुक्कुटैः

śvetotpalairvibhāsaṁtaṁ raktotpalasupuṣpitaiḥ nīlotpalaiśca kahlārairhaṁsaiśca jalakukkuṭaiḥ

Shining with white lotuses and finely blossomed red lotuses, with blue lotuses and kahlara flowers, with swans and water-fowl.

Verse 7 (padma.2.49.7)

पक्षिभिर्जलजैश्चान्यैर्नानाधातुसमाकुलः । तडागं सर्वतः शुभ्रं नानापक्षिगणैर्युतम्

pakṣibhirjalajaiścānyairnānādhātusamākulaḥ taḍāgaṁ sarvataḥ śubhraṁ nānāpakṣigaṇairyutam

With other water-birds too, filled with minerals of every kind — that lake, bright all around, teemed with flocks of birds of every sort.

Verse 8 (padma.2.49.8)

कोकिलानां रुतैः पुण्यैः सुस्वरैः परिशोभितः । मधुराणां तथा शब्दैः सर्वत्र मधुरायते

kokilānāṁ rutaiḥ puṇyaiḥ susvaraiḥ pariśobhitaḥ madhurāṇāṁ tathā śabdaiḥ sarvatra madhurāyate

It was adorned by the sweet, blessed calls of cuckoos, and everywhere resounded sweetly with other melodious sounds.

Verse 9 (padma.2.49.9)

षट्पदानां सुनादेन सर्वत्र परिशोभते । एवंविधं गिरिं रम्यं तदेव वनमुत्तमम्

ṣaṭpadānāṁ sunādena sarvatra pariśobhate evaṁvidhaṁ giriṁ ramyaṁ tadeva vanamuttamam

It shone everywhere with the fine hum of bees. Such was that lovely mountain, and that very forest was excellent.

Verse 10 (padma.2.49.10)

तडागं सर्वतोभद्रं ददृशे नृपनंदिनी । वैदर्भी क्रीडमाना सा सखीभिः सहिता तदा

taḍāgaṁ sarvatobhadraṁ dadṛśe nṛpanaṁdinī vaidarbhī krīḍamānā sā sakhībhiḥ sahitā tadā

That princess, the daughter of the king of Vidarbha, beheld the auspicious lake, sporting there together with her friends.

Verse 11 (padma.2.49.11)

समालोक्य वनं पुण्यं सर्वत्र कुसुमाकुलम् । चापल्येन प्रभावेण स्त्रीभावेन च लीलया

samālokya vanaṁ puṇyaṁ sarvatra kusumākulam cāpalyena prabhāveṇa strībhāvena ca līlayā

Beholding the sacred forest, filled everywhere with blossoms, with the playfulness, spirit, and grace natural to womanhood —

Verse 12 (padma.2.49.12)

पद्मावती सरस्तीरे सखीभिः सहिता तदा । जलक्रीडा समालीना हसते गायते पुनः

padmāvatī sarastīre sakhībhiḥ sahitā tadā jalakrīḍā samālīnā hasate gāyate punaḥ

Padmavati, there on the bank of the lake, together with her friends, engrossed in water-sport, laughed and sang again and again.

Verse 13 (padma.2.49.13)

रममाणा च सा तस्मिंस्तस्मिन्सरसि भामिनी । एवं विप्र तदा सा तु सुखेन परिवर्तयेत्

ramamāṇā ca sā tasmiṁstasminsarasi bhāminī evaṁ vipra tadā sā tu sukhena parivartayet

That lovely woman sported thus in that very lake; thus, O brahmin, she passed her time happily there.

Verse 14 (padma.2.49.14)

विष्णुरुवाच- गोभिलो नाम वै दैत्यो भृत्यो वैश्रवणस्य च । दिव्येनापि विमानेन सर्वभोगपरिप्लुतः

viṣṇuruvāca- gobhilo nāma vai daityo bhṛtyo vaiśravaṇasya ca divyenāpi vimānena sarvabhogapariplutaḥ

Vishnu said: There was a demon named Gobhila, a servant of Vaishravana, who, in a divine chariot, was steeped in every enjoyment.

Verse 15 (padma.2.49.15)

याति चाकाशमार्गेण गोभिलो दैत्यसत्तमः । तेन दृष्टा विशालाक्षी वैदर्भी निर्भया तदा

yāti cākāśamārgeṇa gobhilo daityasattamaḥ tena dṛṣṭā viśālākṣī vaidarbhī nirbhayā tadā

That mightiest of demons, Gobhila, was traveling through the pathway of the sky; and by him was seen the wide-eyed princess of Vidarbha, fearless there.

Verse 16 (padma.2.49.16)

सर्वयोषिद्वरा सा हि उग्रसेनस्य वै प्रिया । रूपेणाप्रतिमा लोके सर्वांगेषु विराजते

sarvayoṣidvarā sā hi ugrasenasya vai priyā rūpeṇāpratimā loke sarvāṁgeṣu virājate

She, the finest of all women, was indeed the beloved of Ugrasena; of matchless beauty in the world, she shone resplendent in every limb.

Verse 17 (padma.2.49.17)

रतिर्वै मन्मथस्यापि किं वापीयं हरिप्रिया । किं वापि पार्वती देवी शची किं वा भविष्यति

ratirvai manmathasyāpi kiṁ vāpīyaṁ haripriyā kiṁ vāpi pārvatī devī śacī kiṁ vā bhaviṣyati

'Is she Rati, the beloved of Manmatha? Or is she Hari's own beloved? Or could she be the goddess Parvati, or perhaps Shachi?'

Verse 18 (padma.2.49.18)

यादृशी दृश्यते चेयं नारीणां प्रवरोत्तमा । अन्यापि ईदृशी नास्ति द्वितीया क्षितिमंडले

yādṛśī dṛśyate ceyaṁ nārīṇāṁ pravarottamā anyāpi īdṛśī nāsti dvitīyā kṣitimaṁḍale

'As she appears, so is she the very finest among women; there is no other like her, no second, in this whole circle of the earth.'

Verse 19 (padma.2.49.19)

नक्षत्रेषु यथा चंद्रः संपूर्णो भाति शोभनः । गुणरूपकलाभिस्तु तथा भाति वरानना

nakṣatreṣu yathā caṁdraḥ saṁpūrṇo bhāti śobhanaḥ guṇarūpakalābhistu tathā bhāti varānanā

'As the full moon shines resplendent among the stars, so this fair-faced one shines with her virtues, beauty, and grace.'

Verse 20 (padma.2.49.20)

पुष्करेषु यथा हंसस्तथेयं चारुहासिनी । अहो रूपमहोभाव अस्यास्तु परिदृश्यते

puṣkareṣu yathā haṁsastatheyaṁ cāruhāsinī aho rūpamahobhāva asyāstu paridṛśyate

'As a swan amid lotus-pools, so is this lovely-smiling one. Ah, what beauty, what majesty is seen in her!'

Verse 21 (padma.2.49.21)

का कस्य शोभना बाला चारुवृत्तपयोधरा । व्यमृशद्गोभिलो दैत्यः पद्मावतीं वराननाम्

kā kasya śobhanā bālā cāruvṛttapayodharā vyamṛśadgobhilo daityaḥ padmāvatīṁ varānanām

'Whose lovely maiden is this, with her fine, full form?' — thus the demon Gobhila pondered over the fair-faced Padmavati.

Verse 22 (padma.2.49.22)

चिंतयित्वा क्षणं विप्र का कस्यापि भविष्यति । ज्ञानेन महता ज्ञात्वा वैदर्भीति न संशयः

ciṁtayitvā kṣaṇaṁ vipra kā kasyāpi bhaviṣyati jñānena mahatā jñātvā vaidarbhīti na saṁśayaḥ

Pondering a moment, O brahmin, 'whose might she be,' by his great knowledge he understood, without doubt, that she was the princess of Vidarbha.

Verse 23 (padma.2.49.23)

दयिता उग्रसेनस्य पतिव्रतपरायणा । आत्मबलेन तिष्ठंती दुष्प्राप्या पुरुषैरपि

dayitā ugrasenasya pativrataparāyaṇā ātmabalena tiṣṭhaṁtī duṣprāpyā puruṣairapi

'She is the beloved of Ugrasena, devoted wholly to her vow of chastity; standing firm by her own strength, unattainable even by other men.'

Verse 24 (padma.2.49.24)

उग्रसेनो महामूर्खः प्रेषिता येन वै वरा । पितुर्गेहमियं बाला स तु भाग्येन वर्जितः

ugraseno mahāmūrkhaḥ preṣitā yena vai varā piturgehamiyaṁ bālā sa tu bhāgyena varjitaḥ

'That great fool Ugrasena, by whom this excellent maiden was sent away to her father's house — he indeed is bereft of good fortune.'

Verse 25 (padma.2.49.25)

अनया विना स जीवेच्च कथं कूटमतिः सदा । किं वा नपुंसको राजा एनां यो हि परित्यजेत्

anayā vinā sa jīvecca kathaṁ kūṭamatiḥ sadā kiṁ vā napuṁsako rājā enāṁ yo hi parityajet

'How can that dull-witted one live always without her? Or is that king perhaps impotent, that he would let her go thus?'

Verse 26 (padma.2.49.26)

तां दृष्ट्वा स तु कामात्मा संजातस्तत्क्षणादपि । इयं पतिव्रता बाला दुष्प्राप्या पुरुषैरपि

tāṁ dṛṣṭvā sa tu kāmātmā saṁjātastatkṣaṇādapi iyaṁ pativratā bālā duṣprāpyā puruṣairapi

Seeing her, he became at once overcome with desire; yet he knew: 'This chaste maiden is unattainable even by other men.'

Verse 27 (padma.2.49.27)

कथं भोक्ष्याम्यहं गत्वा कामो मामति पीडयेत् । अभुक्त्वैनां यदा यास्ये तत्स्यान्मृत्युर्ममैव हि

kathaṁ bhokṣyāmyahaṁ gatvā kāmo māmati pīḍayet abhuktvaināṁ yadā yāsye tatsyānmṛtyurmamaiva hi

'How, going there, shall I possess her? My desire torments me exceedingly. If I go without possessing her, that itself would be my very death.'

Verse 28 (padma.2.49.28)

अद्यैव हि न संदेहो यतः कामो महाबलः । इति चिंतापरो भूत्वा गोभिलो मनसैक्षत

adyaiva hi na saṁdeho yataḥ kāmo mahābalaḥ iti ciṁtāparo bhūtvā gobhilo manasaikṣata

'This very day, without doubt — for desire is exceedingly powerful.' Thus lost in thought, Gobhila pondered within his mind.

Verse 29 (padma.2.49.29)

कृत्वा मायामयं रूपमुग्रसेनस्य भूपतेः । यादृशस्तूग्रसेनश्च सांगोपांगो महानृपः

kṛtvā māyāmayaṁ rūpamugrasenasya bhūpateḥ yādṛśastūgrasenaśca sāṁgopāṁgo mahānṛpaḥ

Assuming, by illusion, the form of King Ugrasena — exactly as that great king Ugrasena was, in every limb and feature —

Verse 30 (padma.2.49.30)

गोभिलस्तादृशो भूत्वा गत्या च स्वरभाषया । यथावस्त्रो यथावेशो वयसा च तथा पुनः

gobhilastādṛśo bhūtvā gatyā ca svarabhāṣayā yathāvastro yathāveśo vayasā ca tathā punaḥ

—Gobhila became exactly so, in gait, in voice and speech, in dress and attire, and in age likewise.

Verse 31 (padma.2.49.31)

दिव्यमाल्यांबरधरो दिव्यगंधानुलेपनः । सर्वाभरणशोभांगो यादृशो माथुरेश्वरः

divyamālyāṁbaradharo divyagaṁdhānulepanaḥ sarvābharaṇaśobhāṁgo yādṛśo māthureśvaraḥ

Wearing divine garlands and garments, anointed with divine fragrance, his limbs adorned with every ornament — just as the lord of Mathura was.

Verse 32 (padma.2.49.32)

भूत्वाथ तादृशो दैत्य उग्रसेनमयस्तदा । मायया परया युक्तो रूपलावण्यसंपदा

bhūtvātha tādṛśo daitya ugrasenamayastadā māyayā parayā yukto rūpalāvaṇyasaṁpadā

Thus that demon, having become exactly so, transformed wholly into Ugrasena, endowed by his supreme illusion with that wealth of beauty and grace.

Verse 33 (padma.2.49.33)

पर्वताग्रे अशोकस्यच्छायामाश्रित्य संस्थितः । शिलातलस्थो दुष्टात्मा वीणादंडेन वीरकः

parvatāgre aśokasyacchāyāmāśritya saṁsthitaḥ śilātalastho duṣṭātmā vīṇādaṁḍena vīrakaḥ

He took his place upon the mountaintop, in the shade of an ashoka tree, that wicked-souled one, seated upon a rock, with a lute in hand like some minstrel.

Verse 34 (padma.2.49.34)

सुस्वरं गायमानस्तु गीतं विश्वप्रमोहनम् । तालमानक्रियोपेतं सप्तस्वरविभूषितम्

susvaraṁ gāyamānastu gītaṁ viśvapramohanam tālamānakriyopetaṁ saptasvaravibhūṣitam

He began singing a song, sweet-toned, enchanting to the whole world, adorned with proper rhythm and measure, embellished with the seven notes.

Verse 35 (padma.2.49.35)

गीतं गायति दुष्टात्मा तस्या रूपेण मोहितः । पर्वताग्रे स्थितो विप्र हर्षेण महतान्वितः

gītaṁ gāyati duṣṭātmā tasyā rūpeṇa mohitaḥ parvatāgre sthito vipra harṣeṇa mahatānvitaḥ

That wicked soul, enchanted by her beauty, sang his song there, standing on the mountaintop, O brahmin, filled with great delight.

Verse 36 (padma.2.49.36)

सखीमध्यगता सा तु पद्मावती वरानना । शुश्रुवे सुस्वरं गीतं तालमानलयान्वितम्

sakhīmadhyagatā sā tu padmāvatī varānanā śuśruve susvaraṁ gītaṁ tālamānalayānvitam

Padmavati, that fair-faced one, seated amid her friends, heard that sweet song, filled with proper rhythm, measure, and tempo.

Verse 37 (padma.2.49.37)

कोऽयं गायति धर्मात्मा महत्सौख्यप्रदायकम् । गीतं हि सत्क्रियोपेतं सर्वभावसमन्वितम्

ko'yaṁ gāyati dharmātmā mahatsaukhyapradāyakam gītaṁ hi satkriyopetaṁ sarvabhāvasamanvitam

'Who is this righteous soul who sings such a song, bestowing great joy, so full of fine craft, so imbued with every feeling?'

Verse 38 (padma.2.49.38)

सखीभिः सहिता गत्वा औत्सुक्येन नृपात्मजा । अशोकच्छायामाश्रित्य विमले सुशिलातले

sakhībhiḥ sahitā gatvā autsukyena nṛpātmajā aśokacchāyāmāśritya vimale suśilātale

The princess, filled with curiosity, went there together with her friends, to where, in the shade of the ashoka, upon the clean fine rock —

Verse 39 (padma.2.49.39)

ददर्श भूपवेषेण गोभिलं दानवाधमम् । पुष्पमालांबरधरं दिव्यगंधानुलेपनम्

dadarśa bhūpaveṣeṇa gobhilaṁ dānavādhamam puṣpamālāṁbaradharaṁ divyagaṁdhānulepanam

—she saw the vile demon Gobhila, in the guise of the king, wearing garlands of flowers and fine garments, anointed with divine fragrance.

Verse 40 (padma.2.49.40)

सर्वाभरणशोभांगं पद्मावती पतिव्रता । मथुरेशः समायातः कदा धर्मपरायणः

sarvābharaṇaśobhāṁgaṁ padmāvatī pativratā mathureśaḥ samāyātaḥ kadā dharmaparāyaṇaḥ

Padmavati, the devoted wife, saw him with limbs adorned by every ornament, and thought: 'When has the righteous lord of Mathura arrived here?'

Verse 41 (padma.2.49.41)

मम नाथो महात्मा वै राज्यं त्यक्त्वा प्रदूरतः । यावद्धि चिंतयेत्सा च तावत्पापेन तेन सा

mama nātho mahātmā vai rājyaṁ tyaktvā pradūrataḥ yāvaddhi ciṁtayetsā ca tāvatpāpena tena sā

'My great-souled lord — has he left his kingdom so far behind to come here?' Even as she pondered this, she was addressed by that sinful one —

Verse 42 (padma.2.49.42)

समाहूता तुरीभूय एहि त्वं हि प्रिये मम । चकिताशंकितासाचकथंभर्त्तासमागतः

samāhūtā turībhūya ehi tvaṁ hi priye mama cakitāśaṁkitāsācakathaṁbharttāsamāgataḥ

—called out to her at once: 'Come, my beloved!' Startled and doubtful, she thought: 'How has my husband come here?'

Verse 43 (padma.2.49.43)

लज्जिता दुःखिता जाता अधःकृत्वा ततो मुखम् । अहं पापा दुराचारा निःशंका परिवर्तिता

lajjitā duḥkhitā jātā adhaḥkṛtvā tato mukham ahaṁ pāpā durācārā niḥśaṁkā parivartitā

She grew abashed and distressed, casting down her face, thinking: 'I, sinful and ill-behaved, have been wandering about here so carelessly.'

Verse 44 (padma.2.49.44)

कोपमेवं महाभागः करिष्यति न संशयः । यावद्धि चिंतयेत्सा च तावत्तेनापि पापिना

kopamevaṁ mahābhāgaḥ kariṣyati na saṁśayaḥ yāvaddhi ciṁtayetsā ca tāvattenāpi pāpinā

'That blessed lord will surely be angry with me, without doubt.' Even as she thought thus, that sinful one —

Verse 45 (padma.2.49.45)

समाहूता तुरीभूय एह्येहि त्वं मम प्रिये । त्वया विना कृतो देवि प्राणान्धर्तुं वरानने

samāhūtā turībhūya ehyehi tvaṁ mama priye tvayā vinā kṛto devi prāṇāndhartuṁ varānane

—called to her again at once: 'Come, come, my beloved! Without you, O goddess, O fair one, I could scarcely bear to hold onto my very life.'

Verse 46 (padma.2.49.46)

न हि शक्नोम्यहं कांते जीवितं प्रियमेव च । तव स्नेहेन लुब्धोस्मि त्वां त्यक्त्वा नोत्सहे भृशम्

na hi śaknomyahaṁ kāṁte jīvitaṁ priyameva ca tava snehena lubdhosmi tvāṁ tyaktvā notsahe bhṛśam

'I cannot bear my life or anything dear to me, my love. I am overcome with longing for your love; I could not bring myself to be without you any longer.'

Verse 47 (padma.2.49.47)

ब्राह्मण्युवाच- एवमुक्ता गतापश्यत्सुमुखं लज्जयान्विता । समालिंग्य ततो दैत्यः सतीं पद्मावतीं तदा

brāhmaṇyuvāca- evamuktā gatāpaśyatsumukhaṁ lajjayānvitā samāliṁgya tato daityaḥ satīṁ padmāvatīṁ tadā

The brahmin-wife said: Thus addressed, she went to him, gazing at his fair face, overcome with shyness; and then the demon embraced the chaste Padmavati.

Verse 48 (padma.2.49.48)

एकांतं तु समानीता सुभुक्ता इच्छया ततः । दैत्येन गोभिलेनापि सत्यकेतोः सुता तदा

ekāṁtaṁ tu samānītā subhuktā icchayā tataḥ daityena gobhilenāpi satyaketoḥ sutā tadā

Led away to a secluded place, the daughter of Satyaketu was then, by her own consent, embraced by the demon Gobhila.

Verse 49 (padma.2.49.49)

सुकलोवाच- मुष्कस्थानेस्य संकेतं नाविंदत वरानना । स्ववस्त्रं सा परिगृह्य शंकिता दुःखिता ह्यभूत्

sukalovāca- muṣkasthānesya saṁketaṁ nāviṁdata varānanā svavastraṁ sā parigṛhya śaṁkitā duḥkhitā hyabhūt

Sukala said: But that fair one did not find upon him the mark she knew in that intimate place; gathering her garments about her, she grew suspicious and distressed.

Verse 50 (padma.2.49.50)

सा सक्रोधा वचः प्राह गोभिलं दानवाधमम् । कस्त्वं पापसमाचारो निर्घृणो दानवाकृतिः

sā sakrodhā vacaḥ prāha gobhilaṁ dānavādhamam kastvaṁ pāpasamācāro nirghṛṇo dānavākṛtiḥ

Filled with rage, she spoke thus to the vile demon Gobhila: 'Who are you, of such sinful conduct, merciless one in a demon's true form?'

Verse 51 (padma.2.49.51)

शप्तुकामा समुद्युक्ता दुःखेनाकुलितेक्षणा । वेपमाना तदा राजन्दुःखभारेण पीडिता

śaptukāmā samudyuktā duḥkhenākulitekṣaṇā vepamānā tadā rājanduḥkhabhāreṇa pīḍitā

Resolved to curse him, her eyes clouded with grief, trembling, O king, weighed down by the burden of her sorrow —

Verse 52 (padma.2.49.52)

मम कांतच्छलेनैव त्वयागत्य दुरात्मवन् । नाशितं धर्ममेवाग्र्यं पातिव्रत्यमनुत्तमम्

mama kāṁtacchalenaiva tvayāgatya durātmavan nāśitaṁ dharmamevāgryaṁ pātivratyamanuttamam

'—O wicked-souled one, coming here by deceiving me in my husband's guise, you have destroyed my very foremost dharma, my unsurpassed chastity.'

Verse 53 (padma.2.49.53)

सुस्वरं रुदितं कृत्वा मम जन्म त्वया हृतम् । पश्य मे बलमत्रैव शापं दास्ये सुदारुणम्

susvaraṁ ruditaṁ kṛtvā mama janma tvayā hṛtam paśya me balamatraiva śāpaṁ dāsye sudāruṇam

Weeping bitterly, she said: 'You have stolen the very meaning of my birth. Behold my power — here and now I shall give you a most terrible curse.'

Verse 54 (padma.2.49.54)

एवं संभाषमाणा तं शप्तुकामा तु गोभिलम्

evaṁ saṁbhāṣamāṇā taṁ śaptukāmā tu gobhilam

Thus speaking, resolved to curse Gobhila —