Somasharma's Ascent, Prahlada's Rebirth, and the Consecration of Indra

Verse 1 (padma.2.5.1)

शिवशर्मोवाच- तपसा दमशौचाभ्यांगुरुशुश्रूषया तथा । भक्त्याभावेन तुष्टोस्मि तवाद्य चसुपुत्रक

śivaśarmovāca- tapasā damaśaucābhyāṁguruśuśrūṣayā tathā bhaktyābhāvena tuṣṭosmi tavādya casuputraka

Shivasharma said: By your austerity, self-control, and purity, by your service to your elders, and by your devotion, I am well pleased with you today, my good son.

Verse 2 (padma.2.5.2)

त्यजामि वैकृतं रूपं मत्तः सुखमवाप्नुहि । एवमुक्वा सुतं विप्रो दर्शयामास तां तनुम्

tyajāmi vaikṛtaṁ rūpaṁ mattaḥ sukhamavāpnuhi evamukvā sutaṁ vipro darśayāmāsa tāṁ tanum

'I now cast off this contrived form; obtain happiness from me.' Having said this to his son, the brahmin showed him his true form.

Verse 3 (padma.2.5.3)

यथापूर्वं स्थितौ तौ तु तथा स दृष्टवान्गुरू । दीप्तिमंतौ महात्मानौ सूर्यबिंबोपमावुभौ

yathāpūrvaṁ sthitau tau tu tathā sa dṛṣṭavāngurū dīptimaṁtau mahātmānau sūryabiṁbopamāvubhau

He saw his two elders standing there as before — radiant, great souls, both like the very orb of the sun.

Verse 4 (padma.2.5.4)

ननाम पादौ सद्भक्त्या उभयोस्तु महात्मनोः । ततः सुतं समामंत्र्य हर्षेण महतान्वितः

nanāma pādau sadbhaktyā ubhayostu mahātmanoḥ tataḥ sutaṁ samāmaṁtrya harṣeṇa mahatānvitaḥ

He bowed with true devotion at the feet of those two great souls. Then, calling his son, filled with great joy—

Verse 5 (padma.2.5.5)

विष्णोः प्रसादाद्धर्मात्मा भार्यया सह केशवम् । जगाम निजपुण्यैश्च योगाभ्यासेन सत्तमः

viṣṇoḥ prasādāddharmātmā bhāryayā saha keśavam jagāma nijapuṇyaiśca yogābhyāsena sattamaḥ

—by Vishnu's grace, that righteous, worthy one, together with his wife, went to Keshava through his own merits and the practice of yoga.

Verse 6 (padma.2.5.6)

प्रविष्टो वैष्णवं धाम स मुनिर्दुर्लभं पदम् । नत्वन्यैः प्राप्यते पुण्यैस्तपोभिर्मुक्तिदं पदम्

praviṣṭo vaiṣṇavaṁ dhāma sa munirdurlabhaṁ padam natvanyaiḥ prāpyate puṇyaistapobhirmuktidaṁ padam

That sage entered the abode of Vishnu, a station hard to attain — a liberating station reached by no other merit or austerity.

Verse 7 (padma.2.5.7)

विष्णोस्तु चिंतनैर्न्यासध्यानज्ञानैः स्तवैस्तथा । न दानैस्तीर्थयात्राभिर्दृश्यते मधुसूदनः

viṣṇostu ciṁtanairnyāsadhyānajñānaiḥ stavaistathā na dānaistīrthayātrābhirdṛśyate madhusūdanaḥ

Not by meditation on Vishnu, nor by renunciation, contemplation, knowledge, or hymns, nor by gifts or pilgrimages is Madhusudana seen—

Verse 8 (padma.2.5.8)

समाधिज्ञानयोगेन दृश्यते परमं पदम् । महायोगैर्यथा विप्रः प्रविष्टो वैष्णवीं तनुम्

samādhijñānayogena dṛśyate paramaṁ padam mahāyogairyathā vipraḥ praviṣṭo vaiṣṇavīṁ tanum

—only through samadhi, knowledge, and yoga is that supreme station seen; by great yogic power alone did that brahmin enter into the very body of Vishnu.

Verse 9 (padma.2.5.9)

सूत उवाच- ततस्तत्र तपस्तेपे सोमशर्मा महाद्युतिः । अश्मलोष्टसमं मेने कांचनंभूषणं पुनः

sūta uvāca- tatastatra tapastepe somaśarmā mahādyutiḥ aśmaloṣṭasamaṁ mene kāṁcanaṁbhūṣaṇaṁ punaḥ

Suta said: There, thereafter, the greatly radiant Somasharma performed austerity; he regarded gold and ornaments as no different from stone or clods of earth.

Verse 10 (padma.2.5.10)

जिताहारः स धर्मात्मा निद्रया परिवर्जितः । स सर्वान्विषयांस्त्यक्त्वा एकांतमपि सेवते

jitāhāraḥ sa dharmātmā nidrayā parivarjitaḥ sa sarvānviṣayāṁstyaktvā ekāṁtamapi sevate

That righteous one, mastering his hunger and forsaking sleep, abandoned all sense objects and took to solitude.

Verse 11 (padma.2.5.11)

योगासनसमारूढो निराशो निःपरिग्रहः । तस्य वेला सुसंप्राप्ता मृत्युकालस्य वै तदा

yogāsanasamārūḍho nirāśo niḥparigrahaḥ tasya velā susaṁprāptā mṛtyukālasya vai tadā

Seated in a yogic posture, free of desire and possessions — then the hour of his death drew fully near.

Verse 12 (padma.2.5.12)

आगता दानवा विप्रं सोमशर्माणमंतिके । मृत्युकाले तु संप्राप्ते प्राणयात्रा प्रवर्तिनः

āgatā dānavā vipraṁ somaśarmāṇamaṁtike mṛtyukāle tu saṁprāpte prāṇayātrā pravartinaḥ

Danavas came near the brahmin Somasharma; as the hour of death arrived, the passage of his vital breaths began—

Verse 13 (padma.2.5.13)

शालिग्रामे महाक्षेत्रे ऋषीणां मानवर्द्धने । केचिद्वदंति वै दैत्याः केचिद्वदंति दानवाः

śāligrāme mahākṣetre ṛṣīṇāṁ mānavarddhane kecidvadaṁti vai daityāḥ kecidvadaṁti dānavāḥ

—at the great holy place named Shaligrama, which enhances the honor of sages; some voices cried 'daityas,' others 'danavas'—

Verse 14 (padma.2.5.14)

एवंविधो महाशब्दः कर्णरंध्रं गतस्तदा । तस्यैव विप्रवर्यस्य सुचिरात्सोमशर्मणः

evaṁvidho mahāśabdaḥ karṇaraṁdhraṁ gatastadā tasyaiva vipravaryasya sucirātsomaśarmaṇaḥ

—and such a great clamor entered the ears of that excellent brahmin Somasharma, so long absorbed in meditation.

Verse 15 (padma.2.5.15)

ज्ञानध्यानविलग्नस्य प्रविष्टं दैत्यजं भयम् । तेन ध्यानेन तस्यापि दैत्यभीत्यैव वै तदा

jñānadhyānavilagnasya praviṣṭaṁ daityajaṁ bhayam tena dhyānena tasyāpi daityabhītyaiva vai tadā

Into him, absorbed in knowledge and meditation, there entered a fear born of the daityas; and through that very meditation, by that fear alone—

Verse 16 (padma.2.5.16)

सत्वरं चैव तत्प्राणा गतास्तस्य महात्मनः । दैत्यभयेन संयुक्तः स हि मृत्युवशं गतः

satvaraṁ caiva tatprāṇā gatāstasya mahātmanaḥ daityabhayena saṁyuktaḥ sa hi mṛtyuvaśaṁ gataḥ

—the life-breath of that great soul departed swiftly; overcome by fear of the daityas, he fell under the sway of death.

Verse 17 (padma.2.5.17)

तस्माद्दैत्यगृहे जातो हिरण्यकशिपोः सुतः । देवासुरे महायुद्धे निहतश्चक्रपाणिना

tasmāddaityagṛhe jāto hiraṇyakaśipoḥ sutaḥ devāsure mahāyuddhe nihataścakrapāṇinā

For this reason he was born in the house of a daitya, as the son of Hiranyakashipu, and in the great war of gods and demons was slain by the wielder of the discus.

Verse 18 (padma.2.5.18)

युद्ध्यमानेन तेनापि प्रह्लादेन महात्मना । सुदृष्टं वासुदेवत्वं विश्वरूपसमन्वितम्

yuddhyamānena tenāpi prahlādena mahātmanā sudṛṣṭaṁ vāsudevatvaṁ viśvarūpasamanvitam

Even as he fought, that great soul Prahlada clearly beheld the very godhead of Vasudeva, together with his universal form.

Verse 19 (padma.2.5.19)

योगाभ्यासेन पूर्वेण ज्ञानमासीन्महात्मनः । सस्मार पूर्वकं सर्वं चरितं शिवशर्मणः

yogābhyāsena pūrveṇa jñānamāsīnmahātmanaḥ sasmāra pūrvakaṁ sarvaṁ caritaṁ śivaśarmaṇaḥ

Through the practice of yoga from his former life, knowledge arose in that great soul; he remembered his whole former life as Shivasharma's son—

Verse 20 (padma.2.5.20)

प्रागहं सोमशर्माख्यः प्रविष्टो दानवीं तनुम् । अस्मात्कायात्कदा पुण्यं केवलं धाम उत्तमम्

prāgahaṁ somaśarmākhyaḥ praviṣṭo dānavīṁ tanum asmātkāyātkadā puṇyaṁ kevalaṁ dhāma uttamam

—'formerly I was named Somasharma; through fear I entered a demon's body. From this body, when shall I attain that sole, supreme, meritorious abode—'

Verse 21 (padma.2.5.21)

प्रयास्यामि महापुण्यैर्ज्ञानाख्यैर्मोक्षदायकम् । समरे म्रियमाणेन प्रह्लादेन महात्मना

prayāsyāmi mahāpuṇyairjñānākhyairmokṣadāyakam samare mriyamāṇena prahlādena mahātmanā

—'through great merit, through the means called knowledge, that liberating abode?' Thus, as he lay dying in battle, that great soul Prahlada—

Verse 22 (padma.2.5.22)

एवं चिंता कृता पूर्वं श्रूयतां द्विजसत्तमाः । एवं तु च समाख्यातं सर्वसंदेहनाशनम्

evaṁ ciṁtā kṛtā pūrvaṁ śrūyatāṁ dvijasattamāḥ evaṁ tu ca samākhyātaṁ sarvasaṁdehanāśanam

—had already so reflected; hear this, O worthy brahmins. Thus has this whole doubt-dispelling account been told.

Verse 23 (padma.2.5.23)

सूत उवाच- प्रह्लादे निहते संख्ये देवदेवेन चक्रिणा । रुरुदे कमला सा तु हतपुत्रा च कामिनी

sūta uvāca- prahlāde nihate saṁkhye devadevena cakriṇā rurude kamalā sā tu hataputrā ca kāminī

Suta said: When Prahlada was slain by the discus-bearing god of gods, that lady Kamala, her son now slain, wept aloud—

Verse 24 (padma.2.5.24)

प्रह्लादस्य तु या माता हिरण्यकशिपोः प्रिया । प्रह्लादस्य महाशोकैर्दिवारात्रौ प्रशोचति

prahlādasya tu yā mātā hiraṇyakaśipoḥ priyā prahlādasya mahāśokairdivārātrau praśocati

—she who was Prahlada's mother, the beloved of Hiranyakashipu, mourning him with great grief day and night.

Verse 25 (padma.2.5.25)

पतिव्रता महाभागा कमला नाम तत्प्रिया । रोदमानां दिवारात्रौ नारदस्तामुवाच ह

pativratā mahābhāgā kamalā nāma tatpriyā rodamānāṁ divārātrau nāradastāmuvāca ha

To that devoted, greatly fortunate wife named Kamala, weeping day and night, Narada spoke:

Verse 26 (padma.2.5.26)

मा शुचस्त्वं महाभागे पुत्रार्थं पुण्यभागिनि । निहतो वासुदेवेन तव पुत्रः समेष्यति

mā śucastvaṁ mahābhāge putrārthaṁ puṇyabhāgini nihato vāsudevena tava putraḥ sameṣyati

'Grieve not for your son, O greatly fortunate, meritorious one; slain though he was by Vasudeva, your son shall come to you once more.'

Verse 27 (padma.2.5.27)

भूयः स्वलक्षणोपेतस्त्वत्सुतश्च महामतिः । प्रह्लादेति च वै नाम पुनरस्य भविष्यति

bhūyaḥ svalakṣaṇopetastvatsutaśca mahāmatiḥ prahlādeti ca vai nāma punarasya bhaviṣyati

'Once more endowed with his own marks, that great-minded son of yours — Prahlada shall again be his name.'

Verse 28 (padma.2.5.28)

विहीनश्चासुरैर्भावैर्देवत्वेन समन्वितः । इंद्रत्वे मोदते भद्रे सर्वदेवैर्नमस्कृतः

vihīnaścāsurairbhāvairdevatvena samanvitaḥ iṁdratve modate bhadre sarvadevairnamaskṛtaḥ

'Free of every demonic nature, endowed instead with divinity, he shall rejoice in the state of Indra, O gracious one, honored by every god.'

Verse 29 (padma.2.5.29)

सुखीभवमहाभागेतेनपुत्रेणवैसदा । न प्रकाश्या त्वया देवि सुवार्तेयं च कस्यचित्

sukhībhavamahābhāgetenaputreṇavaisadā na prakāśyā tvayā devi suvārteyaṁ ca kasyacit

'Because of that son, be happy always, O greatly fortunate one; but this good news must never be revealed by you to anyone.'

Verse 30 (padma.2.5.30)

कर्त्तव्यमज्ञानभावैः सुगोप्यं कुरु त्वं सदा । एवमुक्त्वा गतो विप्रो नारदो मुनिसत्तमः

karttavyamajñānabhāvaiḥ sugopyaṁ kuru tvaṁ sadā evamuktvā gato vipro nārado munisattamaḥ

'Feign ignorance and keep it always well guarded, ever secret.' Having said this, Narada, foremost of sages, departed.

Verse 31 (padma.2.5.31)

कमलायाश्चोदरे तु जन्मा स्यानुत्तमं पुनः । प्रह्लादेति च वै नाम तस्याख्यानं महात्मनः

kamalāyāścodare tu janmā syānuttamaṁ punaḥ prahlādeti ca vai nāma tasyākhyānaṁ mahātmanaḥ

In Kamala's womb, once more, that supreme birth came about; the name Prahlada was again given to that great soul.

Verse 32 (padma.2.5.32)

बाल्यं भावं गतो विप्राः कृष्णमेव व्यचिंतयत् । नरसिंहप्रसादेन देवराजो भवेद्दिवि

bālyaṁ bhāvaṁ gato viprāḥ kṛṣṇameva vyaciṁtayat narasiṁhaprasādena devarājo bhaveddivi

Even in childhood, O brahmins, he thought of Krishna alone; by Narasimha's grace he was to become the king of the gods in heaven.

Verse 33 (padma.2.5.33)

देवत्वं लभ्य चैवासावैंद्रं पदमनुत्तमम् । मोक्षं यास्यति ज्ञानात्मा वैष्णवं धाम चोत्तमम्

devatvaṁ labhya caivāsāvaiṁdraṁ padamanuttamam mokṣaṁ yāsyati jñānātmā vaiṣṇavaṁ dhāma cottamam

Having attained divinity and that supreme station of Indra, that soul of knowledge shall in the end reach liberation, the supreme abode of Vishnu.

Verse 34 (padma.2.5.34)

असंख्याता महाभागाः सृष्टेर्भावा ह्यनेकशः । मोह एवं न कर्त्तव्यो ज्ञानवद्भिर्महात्मभिः

asaṁkhyātā mahābhāgāḥ sṛṣṭerbhāvā hyanekaśaḥ moha evaṁ na karttavyo jñānavadbhirmahātmabhiḥ

O greatly fortunate ones, the workings of creation are innumerable and manifold; such confusion should never trouble great souls possessed of knowledge.

Verse 35 (padma.2.5.35)

एतद्वः सर्वमाख्यातं यथापृष्टं द्विजोत्तमाः । अन्यं पृच्छ महाभाग संदेहं ते भिनद्म्यहम्

etadvaḥ sarvamākhyātaṁ yathāpṛṣṭaṁ dvijottamāḥ anyaṁ pṛccha mahābhāga saṁdehaṁ te bhinadmyaham

O best of brahmins, all this has been told to you just as you asked. Ask something further, O greatly fortunate one; I shall dispel your doubt.

Verse 36 (padma.2.5.36)

विजयं देवतानां तु दानवानां महत्क्षयम् । कृतं हि देवदेवेन स्थापितं भुवनत्रयम्

vijayaṁ devatānāṁ tu dānavānāṁ mahatkṣayam kṛtaṁ hi devadevena sthāpitaṁ bhuvanatrayam

The victory of the gods and the great destruction of the danavas were wrought by the god of gods, and the three worlds were established anew.

Verse 37 (padma.2.5.37)

ऋषय ऊचुः- इन्द्रत्वं कस्य संजातं देवानां शब्दधारकम् । केन दत्तं त्वमाचक्ष्व विस्तराद्द्विजसत्तम

ṛṣaya ūcuḥ- indratvaṁ kasya saṁjātaṁ devānāṁ śabdadhārakam kena dattaṁ tvamācakṣva vistarāddvijasattama

The sages said: To whom did the Indra-hood, bearer of authority over the gods, come? By whom was it granted? Tell us in full, O worthy brahmin.

Verse 38 (padma.2.5.38)

सूत उवाच- विस्तरेण प्रवक्ष्यामि इन्द्रत्वे येन सत्तमः । प्राप्त एष महाभागो यथा पुण्यतमेन च

sūta uvāca- vistareṇa pravakṣyāmi indratve yena sattamaḥ prāpta eṣa mahābhāgo yathā puṇyatamena ca

Suta said: I shall relate in full by what supreme merit that greatly fortunate, worthy one attained the state of Indra.

Verse 39 (padma.2.5.39)

हतेषु तेषु दैत्येषु समस्तेषुमहाहवे । अतिनष्टेषु पापेषु गोविंदेन महात्मना

hateṣu teṣu daityeṣu samasteṣumahāhave atinaṣṭeṣu pāpeṣu goviṁdena mahātmanā

When all the daityas had been slain in that great battle, and those sinners utterly destroyed by the great soul Govinda—

Verse 40 (padma.2.5.40)

ततो देवाः सगंधर्वा नागा विद्याधरास्तथा । संप्रोचुर्माधवं सर्वे बद्धप्रांजलयस्ततः

tato devāḥ sagaṁdharvā nāgā vidyādharāstathā saṁprocurmādhavaṁ sarve baddhaprāṁjalayastataḥ

—then the gods, together with the gandharvas, nagas, and vidyadharas, all spoke to Madhava, their hands joined in reverence:

Verse 41 (padma.2.5.41)

भगवन्देवदेवेश हृषीकेश नमोस्तु ते । विज्ञापयामहे त्वां वै तत्सर्वमवधार्यताम्

bhagavandevadeveśa hṛṣīkeśa namostu te vijñāpayāmahe tvāṁ vai tatsarvamavadhāryatām

'O Lord, O god of gods, O Hrishikesha, homage to you! We entreat you — hear this our petition in full—'

Verse 42 (padma.2.5.42)

शास्ता गोप्ता च पुण्यात्मा अस्माकं कुरु केशव । राजानं पुण्यधर्माणं त्वमिंद्रं लोकशासनम्

śāstā goptā ca puṇyātmā asmākaṁ kuru keśava rājānaṁ puṇyadharmāṇaṁ tvamiṁdraṁ lokaśāsanam

—'make for us, O Keshava, a ruler and protector, a meritorious king, one of virtuous dharma, an Indra to govern the worlds—'

Verse 43 (padma.2.5.43)

त्रैलोक्यस्य प्रजा देव यमाश्रित्य सुखं लभेत् । वासुदेव उवाच- मम लोके महाभागा वैष्णवेन समन्वितः

trailokyasya prajā deva yamāśritya sukhaṁ labhet vāsudeva uvāca- mama loke mahābhāgā vaiṣṇavena samanvitaḥ

—'under whose refuge the people of the three worlds, O god, may find happiness.' Vasudeva said: 'O greatly fortunate ones, in my own realm, endowed with Vaishnava splendor—'

Verse 44 (padma.2.5.44)

तेजसा ब्राह्मणश्रेष्ठश्चिरकालं निवासितः । तस्य कालः प्रपूर्णश्च मम लोके महात्मनः

tejasā brāhmaṇaśreṣṭhaścirakālaṁ nivāsitaḥ tasya kālaḥ prapūrṇaśca mama loke mahātmanaḥ

—'a foremost brahmin has long dwelt. That great soul's time in my world has now become complete.'

Verse 45 (padma.2.5.45)

वसतस्तस्य विप्रस्य मद्भक्तस्य सुरोत्तमाः । तेजसा वैष्णवेनैव भवतां पालको हि सः

vasatastasya viprasya madbhaktasya surottamāḥ tejasā vaiṣṇavenaiva bhavatāṁ pālako hi saḥ

'That brahmin, my devotee, O best of gods — by Vaishnava splendor alone shall he become your protector.'

Verse 46 (padma.2.5.46)

भविष्यति स धर्मात्मा स च धर्मानुरंजकः । पालको धारकश्चैव स च ब्राह्मणसत्तमः

bhaviṣyati sa dharmātmā sa ca dharmānuraṁjakaḥ pālako dhārakaścaiva sa ca brāhmaṇasattamaḥ

'He shall become that righteous one, delighting in dharma; a protector and sustainer too, that foremost of brahmins—'

Verse 47 (padma.2.5.47)

भविष्यति स धर्मात्मा भवतां त्राणकारणात् । अदित्यास्तनयश्चैव सुव्रताख्यो महामनाः

bhaviṣyati sa dharmātmā bhavatāṁ trāṇakāraṇāt adityāstanayaścaiva suvratākhyo mahāmanāḥ

—'he shall become that righteous one for your protection alone. And he shall be born the son of Aditi, named Suvrata, of great mind—'

Verse 48 (padma.2.5.48)

महाबलो महावीर्यः स व इंद्रो भविष्यति । सूत उवाच- एवं वरान्स देवेशो दत्वा देवेभ्य उत्तमम्

mahābalo mahāvīryaḥ sa va iṁdro bhaviṣyati sūta uvāca- evaṁ varānsa deveśo datvā devebhya uttamam

—'of great strength and great valor, he shall become your Indra.' Suta said: Having thus granted this supreme boon to the gods, the Lord of the gods—

Verse 49 (padma.2.5.49)

देवा विजयिनः सर्वे विष्णुना सह सत्तमाः । कश्यपं पितरं दृष्टुं मातरं च ततो गताः

devā vijayinaḥ sarve viṣṇunā saha sattamāḥ kaśyapaṁ pitaraṁ dṛṣṭuṁ mātaraṁ ca tato gatāḥ

—and all the victorious gods, together with Vishnu, O worthy ones, then went to see their father Kashyapa and their mother.

Verse 50 (padma.2.5.50)

प्रणेमुस्ते महात्मान उभावेतौ सुखासनौ । ऊचुः प्रांजलयः सर्वे हर्षेण महतान्विताः

praṇemuste mahātmāna ubhāvetau sukhāsanau ūcuḥ prāṁjalayaḥ sarve harṣeṇa mahatānvitāḥ

They bowed before those two great souls, seated at ease; all of them, hands joined, filled with great joy, said:

Verse 51 (padma.2.5.51)

युवयोश्च प्रसादेन देवत्वं हि गता वयम् । हर्षेण महताविष्टो देवान्वाक्यमुवाच सः

yuvayośca prasādena devatvaṁ hi gatā vayam harṣeṇa mahatāviṣṭo devānvākyamuvāca saḥ

'By the grace of you both, we have indeed attained divinity.' Filled with great joy, he then spoke this word to the gods:

Verse 52 (padma.2.5.52)

कश्यप उवाच- यूयं वै सत्यधर्मेण वर्तमानाः सदैव हि । आवयोश्च प्रसादेन तपसश्च प्रभावतः

kaśyapa uvāca- yūyaṁ vai satyadharmeṇa vartamānāḥ sadaiva hi āvayośca prasādena tapasaśca prabhāvataḥ

Kashyapa said: 'You all ever abide by true dharma; and by our grace, and by the power of austerity—'

Verse 53 (padma.2.5.53)

प्राप्तवंतो भवंतस्तु देवत्वं चाक्षयं पदम् । वरमेव ददाम्येषां बहुप्रीतिसमन्विताः

prāptavaṁto bhavaṁtastu devatvaṁ cākṣayaṁ padam varameva dadāmyeṣāṁ bahuprītisamanvitāḥ

—'you have attained divinity, that imperishable station. Now, filled with abundant delight, I grant these a boon—'

Verse 54 (padma.2.5.54)

अमरा निर्जराश्चैव अक्षयाश्च भविष्यथ । सर्वकामसमृद्धार्थाः सर्वसिद्धिसमन्विताः

amarā nirjarāścaiva akṣayāśca bhaviṣyatha sarvakāmasamṛddhārthāḥ sarvasiddhisamanvitāḥ

—'you shall all be immortal, ageless, imperishable, rich in every desire and endowed with every accomplishment.'

Verse 55 (padma.2.5.55)

देवा नागाश्च गंधर्वा मत्प्रसादान्महासुराः । विष्णुरुवाच- वरं वरय भद्रं ते देवमातर्यशस्विनि

devā nāgāśca gaṁdharvā matprasādānmahāsurāḥ viṣṇuruvāca- varaṁ varaya bhadraṁ te devamātaryaśasvini

'Gods, nagas, gandharvas, and great asuras alike — by my grace.' Vishnu said: 'Choose a boon, O renowned mother of the gods — good fortune to you—'

Verse 56 (padma.2.5.56)

मनसा चेप्सितं सर्वं तत्ते दद्मि सुनिश्चितम् । अदितिरुवाच- पूर्वं पुत्रवती भूता प्रसादात्तव माधव

manasā cepsitaṁ sarvaṁ tatte dadmi suniścitam aditiruvāca- pūrvaṁ putravatī bhūtā prasādāttava mādhava

—'whatever your heart desires, that I shall surely grant.' Aditi said: 'O Madhava, once before, by your grace, I became mother of sons—'

Verse 57 (padma.2.5.57)

अमरा निर्जराः सर्वे अक्षयाः पुण्यवत्सलाः । अमी पुत्रा मया लब्धाः श्रूयतां मधुसूदन

amarā nirjarāḥ sarve akṣayāḥ puṇyavatsalāḥ amī putrā mayā labdhāḥ śrūyatāṁ madhusūdana

—'all immortal, ageless, imperishable, devoted to merit. These sons I have obtained — hear me, O Madhusudana—'

Verse 58 (padma.2.5.58)

सुतरां त्वं च गोविंद सर्वकामसमृद्धिदः । मम गर्भे वसंश्चैव भवांश्च मम नंदनः

sutarāṁ tvaṁ ca goviṁda sarvakāmasamṛddhidaḥ mama garbhe vasaṁścaiva bhavāṁśca mama naṁdanaḥ

—'and you, O Govinda, especially, bestower of every desire's fulfillment — dwelling in my womb, may you become my own beloved son—'

Verse 59 (padma.2.5.59)

त्वया पुत्रेण नित्यं च यथा नंदामि केशव । एवं महोदयं नाथ पूरयस्व मनोरथम्

tvayā putreṇa nityaṁ ca yathā naṁdāmi keśava evaṁ mahodayaṁ nātha pūrayasva manoratham

—'so that through you, my son, I may rejoice always, O Keshava. Fulfill, O Lord, this great desire of mine.'

Verse 60 (padma.2.5.60)

वासुदेव उवाच- भवत्या देवकार्यार्थं गंतव्यं मानुषीं तनुम् । तदाहं तव गर्भे वै वासं यास्यामि निश्चितम्

vāsudeva uvāca- bhavatyā devakāryārthaṁ gaṁtavyaṁ mānuṣīṁ tanum tadāhaṁ tava garbhe vai vāsaṁ yāsyāmi niścitam

Vasudeva said: 'For the sake of the gods' work, you must take a human form; then I shall surely come to dwell in your womb.'

Verse 61 (padma.2.5.61)

युगे द्वादशके प्राप्ते भूभारहरणाय वै । जमदग्निसुतो देवि रामो नाम द्विजोत्तमः

yuge dvādaśake prāpte bhūbhāraharaṇāya vai jamadagnisuto devi rāmo nāma dvijottamaḥ

'When the twelfth cycle comes, for the removal of the earth's burden, O goddess, I shall be the son of Jamadagni, a brahmin named Rama—'

Verse 62 (padma.2.5.62)

प्रतापतेजसायुक्तः सर्वक्षत्रवधाय च । तव पुत्रो भविष्यामि सर्वशस्त्रभृतां वरः

pratāpatejasāyuktaḥ sarvakṣatravadhāya ca tava putro bhaviṣyāmi sarvaśastrabhṛtāṁ varaḥ

—'endowed with might and splendor, for the destruction of all kshatriyas, I shall become your son, foremost of all wielders of weapons.'

Verse 63 (padma.2.5.63)

सप्तविंशतिके प्राप्ते त्रेताख्ये तु तथा युगे । रामो नाम भविष्यामि तव पुत्रः पतिव्रते

saptaviṁśatike prāpte tretākhye tu tathā yuge rāmo nāma bhaviṣyāmi tava putraḥ pativrate

'In the twenty-seventh cycle, in the Treta Yuga, I shall become your son named Rama, O devoted lady.'

Verse 64 (padma.2.5.64)

पुनः पुत्रो भविष्यामि तवैव शृणु पुण्यधेः । अष्टाविंशतिके प्राप्ते द्वापरांते युगे तदा

punaḥ putro bhaviṣyāmi tavaiva śṛṇu puṇyadheḥ aṣṭāviṁśatike prāpte dvāparāṁte yuge tadā

'Once more I shall become your very son — hear this, O ocean of merit. In the twenty-eighth cycle, at the end of the Dvapara Yuga—'

Verse 65 (padma.2.5.65)

सर्वदैत्यविनाशार्थे भूभारहरणाय च । वासुदेवाख्यस्ते पुत्रो भविष्यामि न संशयः

sarvadaityavināśārthe bhūbhāraharaṇāya ca vāsudevākhyaste putro bhaviṣyāmi na saṁśayaḥ

—'for the destruction of all daityas and the removal of the earth's burden, I shall become your son named Vasudeva, no doubt of it.'

Verse 66 (padma.2.5.66)

इदानीं कुरु कल्याणि मद्वाक्यं धर्मसंयुतम् । सर्वलक्षणसंपन्नं सत्यधर्मसमन्वितम्

idānīṁ kuru kalyāṇi madvākyaṁ dharmasaṁyutam sarvalakṣaṇasaṁpannaṁ satyadharmasamanvitam

'Now, O auspicious one, heed my word joined with dharma. Bring forth one endowed with every mark, filled with truth and dharma—'

Verse 67 (padma.2.5.67)

सर्वज्ञं सर्वदे देवि पुत्रमुत्पाद्य सुंदरम् । इंद्रत्वं तस्य दास्यामि इंद्रः सोपि भविष्यति

sarvajñaṁ sarvade devi putramutpādya suṁdaram iṁdratvaṁ tasya dāsyāmi iṁdraḥ sopi bhaviṣyati

—'omniscient, beautiful — and, O all-giving goddess, I shall give him the state of Indra; he too shall become Indra.'

Verse 68 (padma.2.5.68)

एवं संभाषितं श्रुत्वा महाहर्षसमन्विता । देवदेवप्रसादेन इंद्रः पुत्रो भविष्यति

evaṁ saṁbhāṣitaṁ śrutvā mahāharṣasamanvitā devadevaprasādena iṁdraḥ putro bhaviṣyati

Hearing this spoken, filled with great joy, Aditi rejoiced that by the grace of the god of gods her son would become Indra—

Verse 69 (padma.2.5.69)

एवमस्तु महाभाग तव वाक्यं करोम्यहम् । ततस्ता देवताः सर्वा जग्मुः स्वस्थानमेव हि

evamastu mahābhāga tava vākyaṁ karomyaham tatastā devatāḥ sarvā jagmuḥ svasthānameva hi

—'So be it, O greatly fortunate one; I shall do as you say.' Then all those gods went to their own abodes—

Verse 70 (padma.2.5.70)

हरिणा सह ते सर्वे निरातंका मुदान्विताः । सूत उवाच- अदितिः कश्यपं प्राह ऋतुं प्राप्य मनस्विनी

hariṇā saha te sarve nirātaṁkā mudānvitāḥ sūta uvāca- aditiḥ kaśyapaṁ prāha ṛtuṁ prāpya manasvinī

—all of them, together with Hari, going free of fear and full of joy. Suta said: Aditi, that resolute lady, having entered her fertile season, said to Kashyapa:

Verse 71 (padma.2.5.71)

भगवन्दीयतां पुत्रः सुरेंद्रपदभोजकः । चिंतयित्वा क्षणं विप्रस्तामुवाच मनस्विनीम्

bhagavandīyatāṁ putraḥ sureṁdrapadabhojakaḥ ciṁtayitvā kṣaṇaṁ viprastāmuvāca manasvinīm

'O Lord, grant me a son who shall enjoy the station of the lord of gods.' Having reflected a moment, the brahmin said to that resolute lady:

Verse 72 (padma.2.5.72)

एवमस्तु महाभागे तव पुत्रो भविष्यति । त्रैलोक्यस्यापि कर्ता स यज्ञभोक्ता स एव च

evamastu mahābhāge tava putro bhaviṣyati trailokyasyāpi kartā sa yajñabhoktā sa eva ca

'So be it, O greatly fortunate one; your son shall be born — he who shall be ruler of the three worlds, and the enjoyer of sacrifice as well.'

Verse 73 (padma.2.5.73)

तस्याः शिरसि सन्यस्य स्वहस्तं च द्विजोत्तमः । तपश्चचार तेजस्वी सत्यधर्मसमन्वितः

tasyāḥ śirasi sanyasya svahastaṁ ca dvijottamaḥ tapaścacāra tejasvī satyadharmasamanvitaḥ

Placing his own hand upon her head, that best of brahmins, radiant and joined with truth and dharma, performed austerity.

Verse 74 (padma.2.5.74)

सुव्रतो नाम तेजस्वी विष्णुलोके वसेत्सदा । तस्य पुण्यक्षये जाते विष्णुलोकाद्द्विजोत्तमाः

suvrato nāma tejasvī viṣṇuloke vasetsadā tasya puṇyakṣaye jāte viṣṇulokāddvijottamāḥ

That radiant one, named Suvrata, had ever dwelt in the world of Vishnu; but when his merit came to its end, O best of brahmins, from Vishnu's world—

Verse 75 (padma.2.5.75)

पतनं कर्मवशतस्ततस्तस्य द्विजोत्तमाः । पुण्यगर्भं गतो विप्र अदित्यास्तु महातपाः

patanaṁ karmavaśatastatastasya dvijottamāḥ puṇyagarbhaṁ gato vipra adityāstu mahātapāḥ

—his fall came about through the working of karma, O best of brahmins; that greatly ascetic brahmin entered the meritorious womb of Aditi—

Verse 76 (padma.2.5.76)

इंद्रत्वं भोक्तुकामार्थं सत्यपुण्येन कर्मणा । गर्भं दधार सा देवी पुण्येन तपसा किल

iṁdratvaṁ bhoktukāmārthaṁ satyapuṇyena karmaṇā garbhaṁ dadhāra sā devī puṇyena tapasā kila

—desiring to enjoy the state of Indra, through true and meritorious action. That goddess bore the embryo through merit and austerity.

Verse 77 (padma.2.5.77)

तपस्तेपे निरालस्या वनवासं गता सती। दिव्यं वर्षशतं यातं तपंत्यां देवमातरि

tapastepe nirālasyā vanavāsaṁ gatā satī divyaṁ varṣaśataṁ yātaṁ tapaṁtyāṁ devamātari

Untiring, she performed austerity, having gone to dwell in the forest, that virtuous one; a hundred divine years passed as the mother of the gods practiced her austerities.

Verse 78 (padma.2.5.78)

तपंत्यथ तपस्तीव्रं दुष्करं देवतासुरैः । ततः सा तपसा तेन तेजसा च प्रभान्विता

tapaṁtyatha tapastīvraṁ duṣkaraṁ devatāsuraiḥ tataḥ sā tapasā tena tejasā ca prabhānvitā

Practicing fierce austerity, difficult even for gods and asuras, through that austerity and splendor she became endowed with radiance—

Verse 79 (padma.2.5.79)

सूर्यतेजः प्रतीकाशा द्वितीय इव भास्करः । शुशुभे सा यथा दीप्ता परमं ध्यानमास्थिता

sūryatejaḥ pratīkāśā dvitīya iva bhāskaraḥ śuśubhe sā yathā dīptā paramaṁ dhyānamāsthitā

—resembling the very splendor of the sun, like a second sun; established in supreme meditation, she shone forth in radiant glory.

Verse 80 (padma.2.5.80)

रूपेणाधिकतां याता तपसस्तेजसा तदा । तपोध्यानपरा सा च वायुभक्षा तपस्विनी

rūpeṇādhikatāṁ yātā tapasastejasā tadā tapodhyānaparā sā ca vāyubhakṣā tapasvinī

Through the splendor of her austerity she grew ever more beautiful; devoted wholly to austerity and meditation, that ascetic subsisted on air alone—

Verse 81 (padma.2.5.81)

अधिकं शुशुभे देवी दक्षस्य तनया तदा । सिद्धाश्च ऋषयः सर्वे देवाश्चापि महौजसः

adhikaṁ śuśubhe devī dakṣasya tanayā tadā siddhāśca ṛṣayaḥ sarve devāścāpi mahaujasaḥ

—and Daksha's daughter shone forth ever more. The siddhas, all the sages, and the gods of great might—

Verse 82 (padma.2.5.82)

स्तुवंति तां महाभागां रक्षंति च सुतत्पराः । पूर्णे वर्षशते तस्या विष्णुस्तत्र समागतः

stuvaṁti tāṁ mahābhāgāṁ rakṣaṁti ca sutatparāḥ pūrṇe varṣaśate tasyā viṣṇustatra samāgataḥ

—praised that greatly fortunate one and, for her son's sake, kept her under their protection. When a hundred years were complete, Vishnu came there—

Verse 83 (padma.2.5.83)

तामुवाच महाभागामदितिं तपसान्विताम् । देवि गर्भः सुसंपूर्णः सूतिकालः प्रवर्तते

tāmuvāca mahābhāgāmaditiṁ tapasānvitām devi garbhaḥ susaṁpūrṇaḥ sūtikālaḥ pravartate

—and said to that greatly fortunate, austerity-joined Aditi: 'O goddess, your pregnancy is now complete; the time of birth is at hand.'

Verse 84 (padma.2.5.84)

तवैव तपसा पुष्टस्तेजसा च प्रवर्द्धितः । अद्यैव गर्भमेतं त्वं मुंच मुंच यशस्विनि

tavaiva tapasā puṣṭastejasā ca pravarddhitaḥ adyaiva garbhametaṁ tvaṁ muṁca muṁca yaśasvini

'Nourished by your own austerity and grown through your splendor — release this child now, O renowned one; release him.'

Verse 85 (padma.2.5.85)

एवमाभाष्य देवेशः स जगाम स्वकं गृहम् । असूत पुत्रं सा देवी काले प्राप्ते महोदये

evamābhāṣya deveśaḥ sa jagāma svakaṁ gṛham asūta putraṁ sā devī kāle prāpte mahodaye

Having spoken thus, the Lord of the gods returned to his own abode. When the auspicious hour came, that goddess gave birth to a son—

Verse 86 (padma.2.5.86)

सा पुत्रं दीप्तिसंयुक्तं द्वितीयमिव भास्करम् । सुभगं चारुसर्वांगं सर्वलक्षणसंयुतम्

sā putraṁ dīptisaṁyuktaṁ dvitīyamiva bhāskaram subhagaṁ cārusarvāṁgaṁ sarvalakṣaṇasaṁyutam

—radiant, as if a second sun, fortunate, beautiful in every limb, endowed with every auspicious mark—

Verse 87 (padma.2.5.87)

चतुर्बाहुं महाकायं लोकपालं सुरेश्वरम् । तेजोज्वालासमाकीर्णं चक्रपद्मसुहस्तकम्

caturbāhuṁ mahākāyaṁ lokapālaṁ sureśvaram tejojvālāsamākīrṇaṁ cakrapadmasuhastakam

—four-armed, of mighty form, a guardian of the worlds, lord of the gods, wrapped in blazing splendor, his hands marked with discus and lotus—

Verse 88 (padma.2.5.88)

चंद्रबिंबानुकारेण वदनेन महामतिः । राजमानं महाप्राज्ञं तेजसा वैष्णवेन च

caṁdrabiṁbānukāreṇa vadanena mahāmatiḥ rājamānaṁ mahāprājñaṁ tejasā vaiṣṇavena ca

—his face like the very orb of the moon, that great-minded, greatly wise one shining with Vaishnava splendor—

Verse 89 (padma.2.5.89)

अन्यैश्च लक्षणैर्दिव्यैर्दिव्यभावैरलंकृतम् । सर्वलक्षणसंपूर्णं चंद्रास्यं कमलेक्षणम्

anyaiśca lakṣaṇairdivyairdivyabhāvairalaṁkṛtam sarvalakṣaṇasaṁpūrṇaṁ caṁdrāsyaṁ kamalekṣaṇam

—adorned with other divine marks and qualities, complete with every auspicious sign, moon-faced and lotus-eyed.

Verse 90 (padma.2.5.90)

आजग्मुस्ते त्रयो देवा ऋषयो वेदपारगाः । गंधर्वाश्च ततो नागाः सिद्धाविद्याधरास्तथा

ājagmuste trayo devā ṛṣayo vedapāragāḥ gaṁdharvāśca tato nāgāḥ siddhāvidyādharāstathā

The sages versed in the Veda came, and the three chief gods, and then the gandharvas, nagas, siddhas, and vidyadharas—

Verse 91 (padma.2.5.91)

ऋषयः सप्त ते दिव्याः पूर्वापरमहौजसः । अन्ये च मुनयः पुण्याः पुण्यमंगलदायिनः

ṛṣayaḥ sapta te divyāḥ pūrvāparamahaujasaḥ anye ca munayaḥ puṇyāḥ puṇyamaṁgaladāyinaḥ

—the seven divine sages, of great splendor from every quarter, and other meritorious sages, bestowers of merit and auspiciousness—

Verse 92 (padma.2.5.92)

आजग्मुस्ते महात्मानो हर्षनिर्भरमानसाः । तस्मिञ्जाते महाभागे भगवंतो महौजसि

ājagmuste mahātmāno harṣanirbharamānasāḥ tasmiñjāte mahābhāge bhagavaṁto mahaujasi

—all these great souls came, their minds full of joy, when that greatly fortunate, mighty and blessed one was born.

Verse 93 (padma.2.5.93)

आजग्मुर्देवताः सर्वे पर्वतास्तु तपस्विनः । क्षीराद्याः सागराः सर्वे नद्यश्चैव तथामलाः

ājagmurdevatāḥ sarve parvatāstu tapasvinaḥ kṣīrādyāḥ sāgarāḥ sarve nadyaścaiva tathāmalāḥ

All the gods came, and the ascetic mountains too, and every ocean beginning with the ocean of milk, and the pure rivers besides—

Verse 94 (padma.2.5.94)

प्रीतिमंतस्ततः सर्वे ये चान्ये हि चराचराः । मंगलैस्तु महोत्साहं चक्रुः सर्वे सुरेश्वराः

prītimaṁtastataḥ sarve ye cānye hi carācarāḥ maṁgalaistu mahotsāhaṁ cakruḥ sarve sureśvarāḥ

—all rejoicing, together with every other moving and unmoving being. All the lords of the gods made great celebration with auspicious rites.

Verse 95 (padma.2.5.95)

ननृतुश्चाप्सराः संघा गंधर्वा ललितं जगुः । वेदमंत्रैस्ततो देवा ब्राह्मणा वेदपारगाः

nanṛtuścāpsarāḥ saṁghā gaṁdharvā lalitaṁ jaguḥ vedamaṁtraistato devā brāhmaṇā vedapāragāḥ

Troops of apsarases danced, and gandharvas sang sweetly. Then, with Vedic mantras, the gods and the brahmins versed in the Veda—

Verse 96 (padma.2.5.96)

स्तुवंति तं महात्मानं सुतं वै कश्यपस्य च । ब्रह्मा विष्णुश्च रुद्रश्च वेदाश्चैव समागताः

stuvaṁti taṁ mahātmānaṁ sutaṁ vai kaśyapasya ca brahmā viṣṇuśca rudraśca vedāścaiva samāgatāḥ

—praised that great soul, the son of Kashyapa. Brahma, Vishnu, and Rudra, and the Vedas themselves, all came there—

Verse 97 (padma.2.5.97)

सांगोपांगैश्च संयुक्तास्तस्मिञ्जाते महौजसि । त्रैलोक्ये यानि सत्वानि पुण्ययुक्तानि सत्तम

sāṁgopāṁgaiśca saṁyuktāstasmiñjāte mahaujasi trailokye yāni satvāni puṇyayuktāni sattama

—together with their own limbs and auxiliaries, when that mighty one was born. Whatever meritorious beings there were in the three worlds, O worthy one—

Verse 98 (padma.2.5.98)

समागतानि तत्रैव तस्मिञ्जाते महौजसि । मंगलं चक्रिरे सर्वे गीतपुण्यैर्महोत्सवैः

samāgatāni tatraiva tasmiñjāte mahaujasi maṁgalaṁ cakrire sarve gītapuṇyairmahotsavaiḥ

—all gathered there when that mighty one was born; all of them performed auspicious rites with sacred songs and great festivity.

Verse 99 (padma.2.5.99)

हर्षेण निर्भराः सर्वे पूजयंतो महौजसः । ब्रह्माद्याश्च त्रयो देवाः कश्यपोथ बृहस्पतिः

harṣeṇa nirbharāḥ sarve pūjayaṁto mahaujasaḥ brahmādyāśca trayo devāḥ kaśyapotha bṛhaspatiḥ

All, overflowing with joy, worshipped that mighty one. The three gods headed by Brahma, and Kashyapa, and Brihaspati—

Verse 100 (padma.2.5.100)

चक्रिरे नामकर्माणि तस्यैव हि महात्मनः । वसुदत्तेति विख्यातो वसुदेति पुनस्तव

cakrire nāmakarmāṇi tasyaiva hi mahātmanaḥ vasudatteti vikhyāto vasudeti punastava

—performed the naming rite for that great soul: renowned as 'Vasudatta,' and again 'Vasu' too was his name—

Verse 101 (padma.2.5.101)

आखंडलेति तन्नाम मरुत्वान्नाम ते पुनः । मघवांश्च बिडौजास्त्वं पाकशासन इत्यपि

ākhaṁḍaleti tannāma marutvānnāma te punaḥ maghavāṁśca biḍaujāstvaṁ pākaśāsana ityapi

—'Akhandala' that name, and 'Marutvan' too, 'Maghavan,' 'Bidaujas,' and 'Pakashasana' as well—

Verse 102 (padma.2.5.102)

शक्रश्चैव हि विख्यात इंद्रश्चैवेति ते सुतः । इत्येतानि च नामानि तस्यैव च महात्मनः

śakraścaiva hi vikhyāta iṁdraścaiveti te sutaḥ ityetāni ca nāmāni tasyaiva ca mahātmanaḥ

—renowned too as 'Shakra,' and as 'Indra' — such was this your son. All these were the names of that great soul—

Verse 103 (padma.2.5.103)

चक्रुश्च देवताः सर्वाः संतुष्टा हृष्टमानसाः । स्नानं तु कारयामासुः संस्काराणि महासुरः

cakruśca devatāḥ sarvāḥ saṁtuṣṭā hṛṣṭamānasāḥ snānaṁ tu kārayāmāsuḥ saṁskārāṇi mahāsuraḥ

—given by all the gods, content and joyful of mind. They performed his bathing and the great sacraments—

Verse 104 (padma.2.5.104)

विश्वकर्माणमाहूय ददुराभरणानि च । तानि पुण्यानि दिव्यानि तस्मै ते तु महात्मने

viśvakarmāṇamāhūya dadurābharaṇāni ca tāni puṇyāni divyāni tasmai te tu mahātmane

—and, summoning Vishvakarma, gave him ornaments; those sacred, divine ornaments were given to that great soul.

Verse 105 (padma.2.5.105)

जाते तस्मिन्महाभागे देवराजे महात्मनि । एवं मुदं ततः प्रापुः सर्वे देवा महौजसः

jāte tasminmahābhāge devarāje mahātmani evaṁ mudaṁ tataḥ prāpuḥ sarve devā mahaujasaḥ

When that greatly fortunate king of the gods, that great soul, was born, all the mighty gods obtained such joy.

Verse 106 (padma.2.5.106)

पुण्ये तिथौ तथा ऋक्षे सुमुहूर्ते महात्मभिः । इंद्रत्वे स्थापितो देवैरभिषिक्तः सुमंगलैः

puṇye tithau tathā ṛkṣe sumuhūrte mahātmabhiḥ iṁdratve sthāpito devairabhiṣiktaḥ sumaṁgalaiḥ

On an auspicious lunar day, under a favorable star, at a propitious hour, he was established by the great souls in the state of Indra, consecrated by the gods with auspicious rites.

Verse 107 (padma.2.5.107)

प्राप्तमैंद्रपदं तेन प्रसादात्तस्य चक्रिणः । तपश्चकार तेजस्वी वसुदत्तः सुरेश्वरः

prāptamaiṁdrapadaṁ tena prasādāttasya cakriṇaḥ tapaścakāra tejasvī vasudattaḥ sureśvaraḥ

Having attained the station of Indra by the grace of the discus-bearer, that radiant Vasudatta, lord of the gods, took up austerity—

Verse 108 (padma.2.5.108)

उग्रेण तेजसा युक्तो वज्रपाशांकुशायुधः

ugreṇa tejasā yukto vajrapāśāṁkuśāyudhaḥ

—endowed with fierce splendor, armed with the thunderbolt, the noose, and the goad.

Verse 109 (padma.2.5.109)

सूत उवाच- उग्रं समस्तं तपसः प्रभावं विलोक्य शुक्रो निजगाद गाथाम् । लोकेषु कोन्यो न भविष्यतीति यथा हि चायं च सुदर्शनीयः

sūta uvāca- ugraṁ samastaṁ tapasaḥ prabhāvaṁ vilokya śukro nijagāda gāthām lokeṣu konyo na bhaviṣyatīti yathā hi cāyaṁ ca sudarśanīyaḥ

Suta said: Beholding the whole fierce power of his austerity, Shukra spoke this verse: 'There is none other in all the worlds so radiant to behold as this one—'

Verse 110 (padma.2.5.110)

विष्णोः प्रसादान्न परो महात्मा संप्राप्तमैश्वर्यमिहैव दिव्यम्

viṣṇoḥ prasādānna paro mahātmā saṁprāptamaiśvaryamihaiva divyam

—'without Vishnu's grace, no other great soul has ever attained such divine sovereignty here—'

Verse 111 (padma.2.5.111)

अनेन तुल्यो न भविष्यतीति लोकेषु चान्यस्तपसोग्रवीर्यः

anena tulyo na bhaviṣyatīti lokeṣu cānyastapasogravīryaḥ

—'none other in all the worlds shall ever equal him in the fierce power of austerity.'