Sukarma's Vision and the Way of Filial Devotion

Verse 1 (padma.2.62.1)

विष्णुरुवाच- कुंडलस्याश्रमं गत्वा सत्यधर्म समाकुलम् । सुकर्माणं ततो दृष्ट्वा पितृमातृपरायणम्

viṣṇuruvāca- kuṁḍalasyāśramaṁ gatvā satyadharma samākulam sukarmāṇaṁ tato dṛṣṭvā pitṛmātṛparāyaṇam

Vishnu said: Having gone to Kundala's hermitage, filled with true dharma, he then saw Sukarma, devoted wholly to his father and mother —

Verse 2 (padma.2.62.2)

शुश्रूषंतं महात्मानं गुरूसत्यपराक्रमम् । महारूपं महातेजं महाज्ञानसमाकुलम्

śuśrūṣaṁtaṁ mahātmānaṁ gurūsatyaparākramam mahārūpaṁ mahātejaṁ mahājñānasamākulam

—that great soul, serving them, true and mighty in valor, of great form, great splendor, filled with great knowledge.

Verse 3 (padma.2.62.3)

मातापित्रोः पदांते तमुपविष्टं ददर्श सः । महाभक्त्यान्वितं शांतं सर्वज्ञानमहानिधिम्

mātāpitroḥ padāṁte tamupaviṣṭaṁ dadarśa saḥ mahābhaktyānvitaṁ śāṁtaṁ sarvajñānamahānidhim

He saw him seated at the very feet of his mother and father, filled with the greatest devotion, calm, a great treasury of all knowledge.

Verse 4 (padma.2.62.4)

कुंडलस्यापि पुत्रेण सुकर्मणा महात्मना । आगतं पिप्पलं दृष्ट्वा द्वारदेशे महामतिम्

kuṁḍalasyāpi putreṇa sukarmaṇā mahātmanā āgataṁ pippalaṁ dṛṣṭvā dvāradeśe mahāmatim

Seeing Pippala, that wise one, arrived at the doorway, Kundala's son, the great-souled Sukarma —

Verse 5 (padma.2.62.5)

आसनात्तूर्णमुत्थाय अभ्युत्थानं कृतं पुनः । आगच्छ त्वं महाभाग विद्याधर महामते

āsanāttūrṇamutthāya abhyutthānaṁ kṛtaṁ punaḥ āgaccha tvaṁ mahābhāga vidyādhara mahāmate

—rose swiftly from his seat and again performed the rite of rising to receive him: 'Come, O blessed one, O vidyadhara, O most wise one.'

Verse 6 (padma.2.62.6)

आसनं पाद्यमर्घं च ददौ तस्मै महामतिः । निर्विघ्नोऽसि महाप्राज्ञ कुशलेन प्रवर्त्तसे

āsanaṁ pādyamarghaṁ ca dadau tasmai mahāmatiḥ nirvighno'si mahāprājña kuśalena pravarttase

That wise one offered him a seat, water for his feet, and the guest-offering: 'Are you free of obstacles, O most wise one? Do you fare well?'

Verse 7 (padma.2.62.7)

निरामयं च पप्रच्छ पिप्पलं तं समागतम् । यस्मादागमनं तेद्य तत्सर्वं प्रवदाम्यहम्

nirāmayaṁ ca papraccha pippalaṁ taṁ samāgatam yasmādāgamanaṁ tedya tatsarvaṁ pravadāmyaham

He asked after the health of that Pippala who had arrived: 'For what reason have you come today? Tell me everything, and I shall respond fully.'

Verse 8 (padma.2.62.8)

वर्षाणां च सहस्राणि त्रीणि यावत्त्वया तपः । तप्तमेव महाभाग सुरेभ्यः प्राप्तवान्वरम्

varṣāṇāṁ ca sahasrāṇi trīṇi yāvattvayā tapaḥ taptameva mahābhāga surebhyaḥ prāptavānvaram

'For three thousand years you performed austerity, O blessed one, and from the gods you obtained a boon.'

Verse 9 (padma.2.62.9)

वश्यत्वं च त्वया प्राप्तं कामचारस्तथैव च । तेन मत्तो न जानासि गर्वमुद्वहसे वृथा

vaśyatvaṁ ca tvayā prāptaṁ kāmacārastathaiva ca tena matto na jānāsi garvamudvahase vṛthā

'You obtained the power of mastery, and freedom of movement at will as well; through that, intoxicated, you do not know yourself, and bear your pride in vain.'

Verse 10 (padma.2.62.10)

दृष्ट्वा ते चेष्टितं सर्वं सारसेन महात्मना । ममाभिधानं कथितं मम ज्ञानमनुत्तमम्

dṛṣṭvā te ceṣṭitaṁ sarvaṁ sārasena mahātmanā mamābhidhānaṁ kathitaṁ mama jñānamanuttamam

'Seeing all your doings, that great-souled crane spoke of my name and told you of my unsurpassed knowledge.'

Verse 11 (padma.2.62.11)

पिप्पल उवाच- योसौ मां सारसो विप्र सरित्तीरे प्रयुक्तवान् । सर्वं ज्ञानं वदेन्मां हि स तु कः प्रभुरीश्वरः

pippala uvāca- yosau māṁ sāraso vipra sarittīre prayuktavān sarvaṁ jñānaṁ vadenmāṁ hi sa tu kaḥ prabhurīśvaraḥ

Pippala said: 'That crane, O brahmin, who spoke to me on the riverbank, and told me you would explain all knowledge — who indeed is that lord, that master?'

Verse 12 (padma.2.62.12)

सुकर्मोवाच- भवंतमुक्तवान्यो वै सरित्तीरे तु सारसः । ब्रह्माणं त्वं महाज्ञानं तं विद्धि परमेश्वरम्

sukarmovāca- bhavaṁtamuktavānyo vai sarittīre tu sārasaḥ brahmāṇaṁ tvaṁ mahājñānaṁ taṁ viddhi parameśvaram

Sukarma said: 'That crane who spoke to you on the riverbank — know that he was Brahma himself, O one of great knowledge, the supreme lord.'

Verse 13 (padma.2.62.13)

अन्यत्किं पृच्छसे ब्रूहि तमेवं प्रवदाम्यहम् । विष्णुरुवाच- एवमुक्तः स धर्मात्मा सुकर्मा नृपनंदन

anyatkiṁ pṛcchase brūhi tamevaṁ pravadāmyaham viṣṇuruvāca- evamuktaḥ sa dharmātmā sukarmā nṛpanaṁdana

'What else do you ask? Tell me, and I shall answer accordingly.' Vishnu said: Thus addressed, that righteous soul, Sukarma, O prince —

Verse 14 (padma.2.62.14)

पिप्पल उवाच- त्वयि वश्यं जगत्सर्वमिति शुश्रुम भूतले । तन्मे त्वं कौतुकं विप्र दर्शयस्व प्रयत्नतः

pippala uvāca- tvayi vaśyaṁ jagatsarvamiti śuśruma bhūtale tanme tvaṁ kautukaṁ vipra darśayasva prayatnataḥ

Pippala said: 'We have heard on this earth that the whole world is subject to your will; show me that wonder, O brahmin, with all effort.'

Verse 15 (padma.2.62.15)

पश्य कौतुकमेवाद्य त्वं वश्यावश्यकारणम् । तमुवाच स धर्मात्मा सुकर्मा पिप्पलं प्रति

paśya kautukamevādya tvaṁ vaśyāvaśyakāraṇam tamuvāca sa dharmātmā sukarmā pippalaṁ prati

'Behold this very day the wonder, the cause of what is and is not subject to control.' Thus spoke that righteous soul Sukarma to Pippala.

Verse 16 (padma.2.62.16)

अथ सस्मार वै देवान्सुकर्मा प्रत्ययाय वै । इंद्राद्या लोकपालाश्च देवाश्चाग्निपुरोगमाः

atha sasmāra vai devānsukarmā pratyayāya vai iṁdrādyā lokapālāśca devāścāgnipurogamāḥ

Then, to give proof, Sukarma called to mind the gods; Indra and the other guardians of the world, the gods headed by Agni —

Verse 17 (padma.2.62.17)

समागताः समाहूता नाना विद्याधरास्तथा । सुकर्माणं ततः प्रोचुर्देवाश्चाग्निपुरोगमाः

samāgatāḥ samāhūtā nānā vidyādharāstathā sukarmāṇaṁ tataḥ procurdevāścāgnipurogamāḥ

—thus summoned, arrived, along with various vidyadharas; and the gods, headed by Agni, then said to Sukarma —

Verse 18 (padma.2.62.18)

कस्मात्स्मृतास्त्वया विप्र ततोर्थकारणं वद । सुकर्मोवाच- अयमेष सुसंप्राप्तो विद्याधरो हि पिप्पलः

kasmātsmṛtāstvayā vipra tatorthakāraṇaṁ vada sukarmovāca- ayameṣa susaṁprāpto vidyādharo hi pippalaḥ

'—"Why, O brahmin, have you called us to mind? Tell us the reason."' Sukarma said: 'Here is this vidyadhara Pippala, who has come to me —'

Verse 19 (padma.2.62.19)

मामेवं भाषते विप्र वश्यावश्यत्वकारणम् । प्रत्ययार्थं समाहूता अस्यैव च महात्मनः

māmevaṁ bhāṣate vipra vaśyāvaśyatvakāraṇam pratyayārthaṁ samāhūtā asyaiva ca mahātmanaḥ

'—he speaks to me thus of the cause of subjection and non-subjection; for the sake of proof, for this very great soul, I have summoned you.'

Verse 20 (padma.2.62.20)

स्वंस्वं स्थानं प्रगच्छध्वमित्युवाच सुरान्प्रति । तमूचुस्ते ततो देवाः सुकर्माणं महामतिम्

svaṁsvaṁ sthānaṁ pragacchadhvamityuvāca surānprati tamūcuste tato devāḥ sukarmāṇaṁ mahāmatim

'You may now go, each to your own abode,' he said to the gods. Then those gods spoke to the wise Sukarma —

Verse 21 (padma.2.62.21)

अस्माकं दर्शनं व्रिप्र न मोघं जायते वरम् । वरं वरय भद्रं ते मनसा यद्धिरोचते

asmākaṁ darśanaṁ vripra na moghaṁ jāyate varam varaṁ varaya bhadraṁ te manasā yaddhirocate

'—"O brahmin, a sight of us does not go in vain, O excellent one. Choose a boon, may good be yours — whatever pleases your mind."'

Verse 22 (padma.2.62.22)

तत्ते दद्मो न संदेहस्त्वेवमूचुः सुरोत्तमाः । भक्त्या प्रणम्य तान्देवान्ययाचे स द्विजोत्तमः

tatte dadmo na saṁdehastvevamūcuḥ surottamāḥ bhaktyā praṇamya tāndevānyayāce sa dvijottamaḥ

'—"That we shall give you, without doubt."' Thus spoke those excellent gods; and, bowing to them with devotion, that foremost of brahmins made his request —

Verse 23 (padma.2.62.23)

अचलां दत्त देवेंद्रा सुःभक्तिं भावसंयुताम् । मातापित्रोश्च मे नित्यं तद्वै वरमनुत्तमम्

acalāṁ datta deveṁdrā suḥbhaktiṁ bhāvasaṁyutām mātāpitrośca me nityaṁ tadvai varamanuttamam

'—"Grant me, O lords of the gods, unwavering devotion, joined with true feeling, ever toward my mother and father — that alone is the most excellent boon I ask."'

Verse 24 (padma.2.62.24)

पिता मे वैष्णवं लोकं प्रयात्वेतद्वरोत्तमम् । तद्वन्माता च देवेशा वरमन्यं न याचये

pitā me vaiṣṇavaṁ lokaṁ prayātvetadvarottamam tadvanmātā ca deveśā varamanyaṁ na yācaye

'—"May my father go to Vishnu's own realm — this is my finest boon; and may my mother too, O lords of the gods — I ask for no other boon."'

Verse 25 (padma.2.62.25)

देवा ऊचुः- पितृभक्तोसि विप्रेंद्र भक्त्या तव वयं द्विज । सुकर्मञ्छ्रूयतां वाक्यं प्रीत्या युक्ता सदैव ते

devā ūcuḥ- pitṛbhaktosi vipreṁdra bhaktyā tava vayaṁ dvija sukarmañchrūyatāṁ vākyaṁ prītyā yuktā sadaiva te

The gods said: 'You are devoted to your parents, O foremost of brahmins; by your devotion, O brahmin, we are pleased. Hear our word, Sukarma: may joy ever be yours.'

Verse 26 (padma.2.62.26)

एवमुक्त्वा गता देवाः स्वर्लोकं नृपनंदन । सर्वमैश्वर्यमेतेन तस्याग्रे परिदर्शितम्

evamuktvā gatā devāḥ svarlokaṁ nṛpanaṁdana sarvamaiśvaryametena tasyāgre paridarśitam

Having spoken thus, O prince, the gods went to their heavenly realm; and by this, all his lordship had been displayed before him.

Verse 27 (padma.2.62.27)

दृष्टं तु पिप्पलेनापि कौतुकं च महाद्भुतम् । तमुवाच स धर्मात्मा पिप्पलं कुंडलात्मजम्

dṛṣṭaṁ tu pippalenāpi kautukaṁ ca mahādbhutam tamuvāca sa dharmātmā pippalaṁ kuṁḍalātmajam

Pippala too beheld this great and wondrous marvel; and that righteous son of Kundala spoke to Pippala —

Verse 28 (padma.2.62.28)

अर्वाचीनं त्विदं रूपं पराचीनं च कीदृशम् । प्रभावमुभयोश्चैव वदस्व वदतां वर

arvācīnaṁ tvidaṁ rūpaṁ parācīnaṁ ca kīdṛśam prabhāvamubhayoścaiva vadasva vadatāṁ vara

Pippala said: 'This form is the near sense — but what is the further sense? Tell me the power of both, O best of speakers.'

Verse 29 (padma.2.62.29)

सुकर्मोवाच- पराचीनस्य रूपस्य लिंगमेव वदामि ते । येनलोकाः प्रमोदंते इंद्राद्याः सचराचराः

sukarmovāca- parācīnasya rūpasya liṁgameva vadāmi te yenalokāḥ pramodaṁte iṁdrādyāḥ sacarācarāḥ

Sukarma said: 'I shall tell you the very mark of the transcendent form, by which the worlds — Indra and the rest, all moving and unmoving beings — take delight.'

Verse 30 (padma.2.62.30)

अयमेव जगन्नाथः सर्वगो व्यापकः प्रभुः । अस्य रूपं न दृष्टं हि केनाप्येव हि योगिना

ayameva jagannāthaḥ sarvago vyāpakaḥ prabhuḥ asya rūpaṁ na dṛṣṭaṁ hi kenāpyeva hi yoginā

'This same one alone is the lord of the world, all-pervading, the all-encompassing master; his form has never been seen by any yogi at all.'

Verse 31 (padma.2.62.31)

श्रुतिरेव वदत्येवं तं वक्तुं शंकितेव सा । अपाणिपादनासश्च अकर्णो मुखवर्जितः

śrutireva vadatyevaṁ taṁ vaktuṁ śaṁkiteva sā apāṇipādanāsaśca akarṇo mukhavarjitaḥ

The very Shruti itself speaks thus, as if hesitant to describe him: he is without hands or feet or nose, without ears, devoid of mouth —

Verse 32 (padma.2.62.32)

सर्वं पश्यति वै कर्म कृतं त्रैलोक्यवासिनाम् । तेषामुक्तमकर्णश्च स शृणोति सुसाक्ष्यदः

sarvaṁ paśyati vai karma kṛtaṁ trailokyavāsinām teṣāmuktamakarṇaśca sa śṛṇoti susākṣyadaḥ

—yet he sees all the deeds done by the dwellers of the three worlds; and, though without ears, he hears what they say, that true witness to all.

Verse 33 (padma.2.62.33)

गतिहीनो व्रजेत्सोपि स हि सर्वत्र दृश्यते । पाणिहीनोपि गृह्णाति पादहीनः प्रधावति

gatihīno vrajetsopi sa hi sarvatra dṛśyate pāṇihīnopi gṛhṇāti pādahīnaḥ pradhāvati

Though without means of movement, he still goes forth, and is seen everywhere; though without hands, he grasps; though without feet, he runs swiftly.

Verse 34 (padma.2.62.34)

सर्वत्र दृश्यते विप्र व्यापकः पादवर्जितः । यं न पश्यंति देवेंद्रा मुनयस्तत्त्वदर्शिनः

sarvatra dṛśyate vipra vyāpakaḥ pādavarjitaḥ yaṁ na paśyaṁti deveṁdrā munayastattvadarśinaḥ

He is seen everywhere, O brahmin, all-pervading, though without feet; whom even the lords of the gods and the sages who behold truth itself cannot see —

Verse 35 (padma.2.62.35)

स च पश्यति तान्सर्वान्सत्यासत्यपदे स्थितान् । व्यापकं विमलं सिद्धं सिद्धिदं सर्वनायकम्

sa ca paśyati tānsarvānsatyāsatyapade sthitān vyāpakaṁ vimalaṁ siddhaṁ siddhidaṁ sarvanāyakam

—yet he sees all of them, established in the states of the real and the unreal; all-pervading, spotless, perfect, the bestower of perfection, the leader of all.

Verse 36 (padma.2.62.36)

यं जानाति महायोगी व्यासो धर्मार्थकोविदः । तेजोमूर्तिः स चाकाशमेकवर्णमनंतकम्

yaṁ jānāti mahāyogī vyāso dharmārthakovidaḥ tejomūrtiḥ sa cākāśamekavarṇamanaṁtakam

Whom the great yogi Vyasa, learned in dharma and artha, knows — a form of pure splendor, like the sky, of a single hue, without end.

Verse 37 (padma.2.62.37)

तदेतन्निर्मलं रूपं श्रुतिराख्याति निश्चितम् । व्यासश्चैव हि जानाति मार्कंडेयश्च तत्पदम्

tadetannirmalaṁ rūpaṁ śrutirākhyāti niścitam vyāsaścaiva hi jānāti mārkaṁḍeyaśca tatpadam

This very spotless form the Shruti proclaims with certainty; and Vyasa indeed knows it, and Markandeya knows that state.

Verse 38 (padma.2.62.38)

अर्वाचीनं प्रवक्ष्यामि शृणुष्वैकाग्रमानसः । यदा संहृत्य भूतात्मा स्वयमेकः प्रगच्छति

arvācīnaṁ pravakṣyāmi śṛṇuṣvaikāgramānasaḥ yadā saṁhṛtya bhūtātmā svayamekaḥ pragacchati

I shall tell of the near sense — listen with a one-pointed mind. When, having withdrawn all beings into himself, the Self of all beings goes forth alone —

Verse 39 (padma.2.62.39)

अप्सु शय्यां समास्थाय शेषभोगासनस्थितः । तमाश्रित्य स्वपित्येको बहुकालं जनार्दनः

apsu śayyāṁ samāsthāya śeṣabhogāsanasthitaḥ tamāśritya svapityeko bahukālaṁ janārdanaḥ

—establishing his couch upon the waters, seated upon the coiled form of Shesha, taking refuge in him, Janardana sleeps alone for a long age.

Verse 40 (padma.2.62.40)

जलांधकारसंतप्तो मार्कंडेयो महामुनिः । स्थानमिच्छन्स योगात्मा निर्विण्णो भ्रमणेन सः

jalāṁdhakārasaṁtapto mārkaṁḍeyo mahāmuniḥ sthānamicchansa yogātmā nirviṇṇo bhramaṇena saḥ

The great sage Markandeya, tormented by the darkness of the waters, that yogi soul, seeking some resting place, weary from his wandering —

Verse 41 (padma.2.62.41)

भ्रममाणः स ददृशे शेषपर्यंकशायिनम् । सूर्यकोटिप्रतीकाशं दिव्याभरणभूषितम्

bhramamāṇaḥ sa dadṛśe śeṣaparyaṁkaśāyinam sūryakoṭipratīkāśaṁ divyābharaṇabhūṣitam

—wandering thus, beheld him who lay upon the couch of Shesha, radiant as ten million suns, adorned with divine ornaments.

Verse 42 (padma.2.62.42)

दिव्यमाल्यांबरधरं सर्वव्यापिनमीश्वरम् । योगनिद्रा गतं कांतं शंखचक्रगदाधरम्

divyamālyāṁbaradharaṁ sarvavyāpinamīśvaram yoganidrā gataṁ kāṁtaṁ śaṁkhacakragadādharam

—wearing divine garlands and garments, all-pervading, the very Ishvara, gone into yogic sleep, lovely, bearing conch, discus, and mace.

Verse 43 (padma.2.62.43)

एका नारी महाभागा कृष्णांजनचयोपमा । दंष्ट्राकरालवदना भीमरूपा द्विजोत्तम

ekā nārī mahābhāgā kṛṣṇāṁjanacayopamā daṁṣṭrākarālavadanā bhīmarūpā dvijottama

O foremost of brahmins, there was one woman, of great majesty, dark as a mass of collyrium, her face fearsome with great fangs, terrible in form.

Verse 44 (padma.2.62.44)

तयोक्तोसौ मुनिश्रेष्ठो मा भैरिति महामुनिः । पद्मपत्रं सुविस्तीर्णं पंचयोजनमायतम्

tayoktosau muniśreṣṭho mā bhairiti mahāmuniḥ padmapatraṁ suvistīrṇaṁ paṁcayojanamāyatam

By her that foremost of sages, that great muni, was told: 'Fear not' — and a broad lotus leaf, extending five yojanas —

Verse 45 (padma.2.62.45)

तस्मिन्पत्रे महादेव्या मार्कण्डेयो निवेशितः । केशवे सति सुप्तेपि नास्त्यत्र च भयं तव

tasminpatre mahādevyā mārkaṇḍeyo niveśitaḥ keśave sati suptepi nāstyatra ca bhayaṁ tava

—upon that leaf, by the great goddess, Markandeya was placed: 'Even while Keshava lies asleep, there is no fear for you here.'

Verse 46 (padma.2.62.46)

तामुवाच स योगींद्र का त्वं भवसि भामिनि । अस्मिन्विनिर्जिते चैका भवती परिबृंहिता

tāmuvāca sa yogīṁdra kā tvaṁ bhavasi bhāmini asminvinirjite caikā bhavatī paribṛṁhitā

That lord of yogis said to her: 'Who are you, lovely one? Alone here, amid all this dissolved world, you stand supreme and vast.'

Verse 47 (padma.2.62.47)

पृष्टैवं मुनिना देवी सादरं प्राह भूसुर । नागभोगांकपर्यंके स यः स्वपिति केशवः

pṛṣṭaivaṁ muninā devī sādaraṁ prāha bhūsura nāgabhogāṁkaparyaṁke sa yaḥ svapiti keśavaḥ

Thus asked by the sage, the goddess, O earthly god, answered him respectfully: 'He who sleeps here upon the couch formed by the serpent's coils, Keshava —'

Verse 48 (padma.2.62.48)

अस्याहं वैष्णवी शक्तिः कालरात्रिरिहोच्यते । मामेवं विद्धि विप्रेंद्र सर्वमायासमन्विताम्

asyāhaṁ vaiṣṇavī śaktiḥ kālarātririhocyate māmevaṁ viddhi vipreṁdra sarvamāyāsamanvitām

'—of him I am the Vaishnavi Shakti, called here Kalaratri. Know me thus, O foremost of brahmins, as one endowed with all illusion.'

Verse 49 (padma.2.62.49)

महामाया पुराणेषु जगन्मोहाय कथ्यते । इत्युक्त्वा सा गता देवी अंतर्धानं हि पिप्पलः

mahāmāyā purāṇeṣu jaganmohāya kathyate ityuktvā sā gatā devī aṁtardhānaṁ hi pippalaḥ

'In the Puranas I am spoken of as Mahamaya, for the delusion of the world.' Having said this, that goddess vanished, O Pippala.

Verse 50 (padma.2.62.50)

देव्यामनुगतायां तु मार्कंडेयस्य पश्यतः । तस्य नाभ्यां समुत्पन्नं पंकजं हाटकप्रभम्

devyāmanugatāyāṁ tu mārkaṁḍeyasya paśyataḥ tasya nābhyāṁ samutpannaṁ paṁkajaṁ hāṭakaprabham

When the goddess had thus departed, before the very eyes of Markandeya, from his navel there arose a lotus, radiant as gold.

Verse 51 (padma.2.62.51)

तस्माज्जज्ञे महातेजा ब्रह्मा लोकपितामहः । तस्माद्विजज्ञिरे लोकाः सर्वे स्थावरजंगमाः

tasmājjajñe mahātejā brahmā lokapitāmahaḥ tasmādvijajñire lokāḥ sarve sthāvarajaṁgamāḥ

From that lotus was born the greatly resplendent Brahma, grandfather of all worlds; and from him were born all the worlds, both moving and unmoving.

Verse 52 (padma.2.62.52)

इंद्राद्या लोकपालाश्च देवाश्चाग्निपुरोगमाः । अर्वाचीनं स्वरूपं तु दर्शितं हि मया नृप

iṁdrādyā lokapālāśca devāścāgnipurogamāḥ arvācīnaṁ svarūpaṁ tu darśitaṁ hi mayā nṛpa

Indra and the other guardians of the world, the gods headed by Agni — all this, O king, I have shown you as the near sense, the manifest form.

Verse 53 (padma.2.62.53)

अर्वाचीनस्वरूपोयं पराचीनो निराश्रयः । यदा स दर्शयेत्कायं कायरूपा भवंति ते

arvācīnasvarūpoyaṁ parācīno nirāśrayaḥ yadā sa darśayetkāyaṁ kāyarūpā bhavaṁti te

This form is the manifest, near form; the transcendent one is without support of any kind. When he shows forth a body, then they too take on bodily form.

Verse 54 (padma.2.62.54)

ब्रह्माद्याः सर्वलोकाश्च अर्वाचीना हि पिप्पल । अर्वाचीना अमी लोका ये भवंति जगत्त्रये

brahmādyāḥ sarvalokāśca arvācīnā hi pippala arvācīnā amī lokā ye bhavaṁti jagattraye

Brahma and all other worlds are indeed of the near, manifest kind, O Pippala; manifest, near, are all these worlds that exist in the three realms.

Verse 55 (padma.2.62.55)

पराचीनः स भूतात्मा यं सुपश्यंति योगिनः । मोक्षरूपं परं स्थानं परब्रह्मस्वरूपकम्

parācīnaḥ sa bhūtātmā yaṁ supaśyaṁti yoginaḥ mokṣarūpaṁ paraṁ sthānaṁ parabrahmasvarūpakam

That transcendent Self of all beings, whom the yogis truly behold — the very form of liberation, the supreme abode, the very nature of the Supreme Brahman —

Verse 56 (padma.2.62.56)

अव्यक्तमक्षरं हंसं शुद्धं सिद्धिसमन्वितम् । पराचीनस्य यद्रूपं विद्याधर तवाग्रतः

avyaktamakṣaraṁ haṁsaṁ śuddhaṁ siddhisamanvitam parācīnasya yadrūpaṁ vidyādhara tavāgrataḥ

—unmanifest, imperishable, the very Hamsa, pure, endowed with perfection — this, O vidyadhara, is the form of the transcendent, as I set it before you.

Verse 57 (padma.2.62.57)

सर्वमेव मया ख्यातमन्यत्किं ते वदाम्यहम् । पिप्पल उवाच- कस्मादेतन्महाज्ञानमुद्भूतं तव सुव्रत

sarvameva mayā khyātamanyatkiṁ te vadāmyaham pippala uvāca- kasmādetanmahājñānamudbhūtaṁ tava suvrata

'All has now been told by me — what else shall I tell you?' Pippala said: 'From what source, O one of good vows, has this great knowledge arisen in you?'

Verse 58 (padma.2.62.58)

अर्वाचीनगतिं विद्वान्पराचीनगतिं तथा । त्रैलोक्यस्य परं ज्ञानं त्वय्येवं परिवर्तते

arvācīnagatiṁ vidvānparācīnagatiṁ tathā trailokyasya paraṁ jñānaṁ tvayyevaṁ parivartate

'You are learned in the way of the near and the way of the further alike; the supreme knowledge of the three worlds dwells thus fully within you.'

Verse 59 (padma.2.62.59)

तपसो नैव पश्यामि परां निष्ठां हि सुव्रत । यजनंयाजनंतीर्थंतपोवाकृतवानसि

tapaso naiva paśyāmi parāṁ niṣṭhāṁ hi suvrata yajanaṁyājanaṁtīrthaṁtapovākṛtavānasi

'I see in you no supreme dedication to austerity at all, O one of good vows; nor have you performed sacrifice, officiating, pilgrimage, or asceticism.'

Verse 60 (padma.2.62.60)

तत्प्रभावं वदस्वैवं केन ज्ञानं तवाखिलम् । सुकर्मोवाच- तप एव न जानामि न कृतं कायशोषणम्

tatprabhāvaṁ vadasvaivaṁ kena jñānaṁ tavākhilam sukarmovāca- tapa eva na jānāmi na kṛtaṁ kāyaśoṣaṇam

'Tell me then the source of your power — by what means is all this knowledge yours?' Sukarma said: 'I know no austerity at all; I have never mortified my body.'

Verse 61 (padma.2.62.61)

यजनं याजनं वापि न जाने तीर्थसाधनम् । न मया साधितं ध्यानं पुण्यकालं सुकर्मजम्

yajanaṁ yājanaṁ vāpi na jāne tīrthasādhanam na mayā sādhitaṁ dhyānaṁ puṇyakālaṁ sukarmajam

'I know neither sacrifice nor officiating, nor the practice of pilgrimage; I have accomplished no meditation, nor observed any auspicious season for merit-making rites.'

Verse 62 (padma.2.62.62)

स्फुटमेकं प्रजानामि पितृमातृप्रपूजनम् । उभयोरपि हस्तेन मातापित्रोस्तु नित्यशः

sphuṭamekaṁ prajānāmi pitṛmātṛprapūjanam ubhayorapi hastena mātāpitrostu nityaśaḥ

'One thing alone I clearly know: the worship of my father and mother. With my own two hands, ever, for both my mother and father —'

Verse 63 (padma.2.62.63)

पादप्रक्षालनं पुण्यं स्वयमेव करोम्यहम् । अंगसंवाहनं स्नानं भोजनादिकमेव च

pādaprakṣālanaṁ puṇyaṁ svayameva karomyaham aṁgasaṁvāhanaṁ snānaṁ bhojanādikameva ca

'—I myself perform the sacred washing of their feet; the massaging of their limbs, their bathing, their feeding, and the like.'

Verse 64 (padma.2.62.64)

त्रिकालेध्यानसंलीनः साधयामि दिनेदिने । पादोदकं तयोश्चैव मातापित्रोर्दिनेदिने

trikāledhyānasaṁlīnaḥ sādhayāmi dinedine pādodakaṁ tayoścaiva mātāpitrordinedine

'Absorbed in meditation upon them at the three times of day, I accomplish this daily; the water from washing my mother's and father's feet, day after day —'

Verse 65 (padma.2.62.65)

भक्तिभावेन विंदामि पूजयामि सुभावतः । गुरू मे जीवमानौ तु यावत्कालं हि पिप्पल

bhaktibhāvena viṁdāmi pūjayāmi subhāvataḥ gurū me jīvamānau tu yāvatkālaṁ hi pippala

'—I receive with devotion, and I worship them with true feeling. As long as my elders live, O Pippala —'

Verse 66 (padma.2.62.66)

तावत्कालं हि मे लाभो ह्यतुलश्च प्रजायते । त्रिकालं पूजयाम्येतौ शुद्धभावेन चेतसा

tāvatkālaṁ hi me lābho hyatulaśca prajāyate trikālaṁ pūjayāmyetau śuddhabhāvena cetasā

'—for that whole time, an incomparable gain accrues to me. I worship them at all three times of day, with a pure heart and mind.'

Verse 67 (padma.2.62.67)

स्वच्छंदलीलासंचारी वर्ताम्येव हि पिप्पल । किं मे चान्येन तपसा किं मे कायस्य शोषणैः

svacchaṁdalīlāsaṁcārī vartāmyeva hi pippala kiṁ me cānyena tapasā kiṁ me kāyasya śoṣaṇaiḥ

'I move about freely, at ease, O Pippala — what use have I of any other austerity? What use of mortifying my body?'

Verse 68 (padma.2.62.68)

किं मे सुतीर्थयात्राभिरन्यैः पुण्यैश्च सांप्रतम् । मखानामेव सर्वेषां यत्फलं प्राप्यते द्विज

kiṁ me sutīrthayātrābhiranyaiḥ puṇyaiśca sāṁpratam makhānāmeva sarveṣāṁ yatphalaṁ prāpyate dvija

'What use now of fine pilgrimages, or other merits? O brahmin, the fruit that is obtained from all sacrifices whatsoever —'

Verse 69 (padma.2.62.69)

तत्फलं तु मया दृष्टं पितुः शुश्रूषणादपि । मातुः शुश्रूषणं तद्वत्पुत्राणां गतिदायकम्

tatphalaṁ tu mayā dṛṣṭaṁ pituḥ śuśrūṣaṇādapi mātuḥ śuśrūṣaṇaṁ tadvatputrāṇāṁ gatidāyakam

'—that very fruit I have seen come from mere service to my father alone; and likewise, service to the mother is the true bestower of destiny for sons.'

Verse 70 (padma.2.62.70)

सर्वकर्मसुसर्वस्वं सारभूतं जगत्रये । पुत्रस्य जायते लोको मातुः शुश्रूषणादपि

sarvakarmasusarvasvaṁ sārabhūtaṁ jagatraye putrasya jāyate loko mātuḥ śuśrūṣaṇādapi

'It is the very sum and essence of all rites in the three worlds; a son attains his true world merely through service to his mother.'

Verse 71 (padma.2.62.71)

पितुः शुश्रूषणे तद्वन्महत्पुण्यं प्रजायते । तत्र गंगा गयातीर्थं तत्र पुष्करमेव च

pituḥ śuśrūṣaṇe tadvanmahatpuṇyaṁ prajāyate tatra gaṁgā gayātīrthaṁ tatra puṣkarameva ca

'So too, in service to the father, great merit arises; there the Ganga dwells, there the tirtha of Gaya, and there Pushkara itself.'

Verse 72 (padma.2.62.72)

यत्र मातापिता तिष्ठेत्पुत्रस्यापि न संशयः । अन्यानि तत्र तीर्थानि पुण्यानि विविधानि च

yatra mātāpitā tiṣṭhetputrasyāpi na saṁśayaḥ anyāni tatra tīrthāni puṇyāni vividhāni ca

'Wherever a son's mother and father dwell, without doubt, there too dwell all other manifold sacred tirthas.'

Verse 73 (padma.2.62.73)

भवंत्येतानि पुत्रस्य पितुः शुश्रूषणादपि । पितुः शुश्रूषणात्तस्य दानस्य तपसः फलम्

bhavaṁtyetāni putrasya pituḥ śuśrūṣaṇādapi pituḥ śuśrūṣaṇāttasya dānasya tapasaḥ phalam

'These all come to a son merely through service to his father; from service to the father comes the fruit of giving and of austerity.'

Verse 74 (padma.2.62.74)

सत्पुत्रस्य भवेद्विप्र अन्य धर्मः श्रमायते । पितुः शुश्रूषणात्पुण्यं पुत्रः प्राप्नोत्यनुत्तमम्

satputrasya bhavedvipra anya dharmaḥ śramāyate pituḥ śuśrūṣaṇātpuṇyaṁ putraḥ prāpnotyanuttamam

'This belongs to a truly good son, O brahmin; any other dharma is mere toil. Through service to his father, a son attains the highest, unsurpassed merit.'

Verse 75 (padma.2.62.75)

स्वकर्मणस्तु सर्वस्वमिहैव च परत्र च । जीवमानौ गुरूत्वेतौ स्वमातापितरौ तथा

svakarmaṇastu sarvasvamihaiva ca paratra ca jīvamānau gurūtvetau svamātāpitarau tathā

'This is the very sum of one's own deeds, both here and in the world beyond. As long as one's own mother and father, these elders, are living —'

Verse 76 (padma.2.62.76)

शुश्रूषते सुतो भूत्वा तस्य पुण्यफलं शृणु । देवास्तस्यापि तुष्यंति ऋषयः पुण्यवत्सलाः

śuśrūṣate suto bhūtvā tasya puṇyaphalaṁ śṛṇu devāstasyāpi tuṣyaṁti ṛṣayaḥ puṇyavatsalāḥ

'—if a son serves them, hear the fruit of his merit: even the gods are pleased with him, and the sages, dear to merit, as well.'

Verse 77 (padma.2.62.77)

त्रयोलोकास्तु तुष्यंति पितुः शुश्रूषणादिह । मातापित्रोस्तु यः पादौ नित्यमेव हि क्षालयेत्

trayolokāstu tuṣyaṁti pituḥ śuśrūṣaṇādiha mātāpitrostu yaḥ pādau nityameva hi kṣālayet

'The three worlds themselves are pleased through service to the father here. Whoever ever washes the feet of his mother and father —'

Verse 78 (padma.2.62.78)

तस्य भागीरथीस्नानमहन्यहनि जायते । पुण्यैर्मिष्टान्नपानैर्यः पितरं मातरं तथा

tasya bhāgīrathīsnānamahanyahani jāyate puṇyairmiṣṭānnapānairyaḥ pitaraṁ mātaraṁ tathā

'—for him arises, day after day, the merit of bathing in the Bhagirathi. Whoever, with sacred sweet food and drink, feeds his father and likewise his mother —'

Verse 79 (padma.2.62.79)

भक्त्या भोजयते नित्यं तस्य पुण्यं वदाम्यहम् । अश्वमेधस्य यज्ञस्य फलं पुत्रस्य जायते

bhaktyā bhojayate nityaṁ tasya puṇyaṁ vadāmyaham aśvamedhasya yajñasya phalaṁ putrasya jāyate

'—feeds them daily with devotion, I tell you of his merit: the fruit of the Ashvamedha sacrifice comes to that son.'

Verse 80 (padma.2.62.80)

तांबूलैश्छादनैश्चैव पानैश्चाशनकैस्तथा । भक्त्या चान्नेन पुण्येन गुरू येनाभिपूजितौ

tāṁbūlaiśchādanaiścaiva pānaiścāśanakaistathā bhaktyā cānnena puṇyena gurū yenābhipūjitau

'By whom his elders are honored with betel, garments, drink, and food, and with sacred food offered with devotion —'

Verse 81 (padma.2.62.81)

सर्वज्ञानी भवेत्सोपि यशःकीर्तिमवाप्नुयात् । मातरं पितरं दृष्ट्वा हर्षात्संभाषयेत्सुतः

sarvajñānī bhavetsopi yaśaḥkīrtimavāpnuyāt mātaraṁ pitaraṁ dṛṣṭvā harṣātsaṁbhāṣayetsutaḥ

'—he too becomes all-knowing, and attains fame and renown. The son who, seeing his mother and father, speaks to them with joy —'

Verse 82 (padma.2.62.82)

निधयस्तस्य संतुष्टास्तस्य गेहे वसंति ते । गावः सौहृद्यमायांति पुत्रस्य सुखदाः सदा

nidhayastasya saṁtuṣṭāstasya gehe vasaṁti te gāvaḥ sauhṛdyamāyāṁti putrasya sukhadāḥ sadā

'—for him, treasures themselves grow satisfied and dwell in his very house; cows too draw near in friendship, ever bringing happiness to that son.'