The Brahmin's Return to Life, and the Meditation on Krishna in Vrindavana

Verse 1 (padma.5.103.1)

यम उवाच- एतन्माधवमासस्य समासात्किंचिदीरितम् । माहात्म्यं पूर्णिमायाश्च विशेषाद्द्विजसत्तम

yama uvāca- etanmādhavamāsasya samāsātkiṁcidīritam māhātmyaṁ pūrṇimāyāśca viśeṣāddvijasattama

Yama said: This much has been told in brief concerning the greatness of the month of Madhava, and especially, O best of Brahmins, of its full-moon day.

Verse 2 (padma.5.103.2)

वैशाखमासे मधुसूदनस्य प्रियं य एनं पठतीतिहासम् । स याति कृष्णालयमाशुपूतः कल्पाननेकानिह मोदते च

vaiśākhamāse madhusūdanasya priyaṁ ya enaṁ paṭhatītihāsam sa yāti kṛṣṇālayamāśupūtaḥ kalpānanekāniha modate ca

Whoever, in the month of Vaishakha, recites this history dear to Madhusudana, goes swiftly, purified, to the abode of Krishna, and rejoices there for many kalpas.

Verse 3 (padma.5.103.3)

धन्यं यशस्यमायुष्यमिदं स्वस्त्ययनं महत् । स्वर्ग्यं श्रीदं सौमनस्यं प्रशस्यमघमर्षणम्

dhanyaṁ yaśasyamāyuṣyamidaṁ svastyayanaṁ mahat svargyaṁ śrīdaṁ saumanasyaṁ praśasyamaghamarṣaṇam

This is blessed, glorious, life-giving, a great bringer of well-being, conducive to heaven, bestower of fortune, of good cheer, praiseworthy, and a destroyer of sin.

Verse 4 (padma.5.103.4)

इदं माधवमासस्य माहात्म्यं माधवप्रियम् । चरित्रं भूपतेस्तस्य संवादं चावयोरपि

idaṁ mādhavamāsasya māhātmyaṁ mādhavapriyam caritraṁ bhūpatestasya saṁvādaṁ cāvayorapi

This is the greatness of the month of Madhava, dear to Madhava — the deeds of that king, and likewise the dialogue between the two of us.

Verse 5 (padma.5.103.5)

श्रुत्वा पठित्वा विधिवदनुमोद्य मनःप्रियम् । भवेद्भक्तिर्भगवति यया स्यात्पापसंक्षयः

śrutvā paṭhitvā vidhivadanumodya manaḥpriyam bhavedbhaktirbhagavati yayā syātpāpasaṁkṣayaḥ

Having heard it, recited it duly, and rejoiced in it as dear to the mind, devotion to the Lord arises, by which the destruction of sin comes about.

Verse 6 (padma.5.103.6)

अथ गच्छ महीदेव देवलोकाद्यथेच्छया । निपात्य भुवि वैदेहं रुदंत्यद्यापि बांधवाः

atha gaccha mahīdeva devalokādyathecchayā nipātya bhuvi vaidehaṁ rudaṁtyadyāpi bāṁdhavāḥ

Now go, O lord of the earth, from the world of the gods, as you wish; your kinsmen, having laid your body upon the ground, are still weeping even now.

Verse 7 (padma.5.103.7)

विलप्यमानैरपि बंधुभिस्तैर्न यावदग्नौ तव तच्छरीरम् । प्रक्षिप्यते हंत जवैर्न तावद्याहि स्वयं सुप्त इव प्रबुद्धः

vilapyamānairapi baṁdhubhistairna yāvadagnau tava taccharīram prakṣipyate haṁta javairna tāvadyāhi svayaṁ supta iva prabuddhaḥ

While your kinsmen still lament, and your body has not yet been cast into the fire — go there yourself, before that happens, as one awakened from sleep.

Verse 8 (padma.5.103.8)

ममप्रसादादिह पुण्ययोगः श्रुतो यथावत्तमिमं विधेहि । विधानतो वै समये समंते समागमोंऽते भविता सुरैश्च

mamaprasādādiha puṇyayogaḥ śruto yathāvattamimaṁ vidhehi vidhānato vai samaye samaṁte samāgamoṁ'te bhavitā suraiśca

By my favor, having duly heard this union with merit, perform it accordingly; and, when your time comes, according to due order, at the end you will attain reunion with the gods.

Verse 9 (padma.5.103.9)

सूत उवाच- इति देववचः श्रुत्वा नत्वा धर्माधिपं ततः । पुनः पपात स इह परितुष्टमना द्विजः

sūta uvāca- iti devavacaḥ śrutvā natvā dharmādhipaṁ tataḥ punaḥ papāta sa iha parituṣṭamanā dvijaḥ

Suta said: Having heard this word of the god, and having bowed to the Lord of Dharma, that Brahmin, his mind well satisfied, fell again here into his own body.

Verse 10 (padma.5.103.10)

धर्मराजप्रसादेन ततस्तत्र महीतले । संसुप्तइव चोत्तस्थौ बंधुवर्गसमन्वितः

dharmarājaprasādena tatastatra mahītale saṁsuptaiva cottasthau baṁdhuvargasamanvitaḥ

Then, by the grace of Dharmaraja, there on the earth, he rose up as though from sleep, surrounded by his host of kinsmen.

Verse 11 (padma.5.103.11)

विधिमेनं द्विजो भूमौ वर्षेवर्षे च स स्वयम् । स्वयं च कारयामास माधवस्नापनं जनम्

vidhimenaṁ dvijo bhūmau varṣevarṣe ca sa svayam svayaṁ ca kārayāmāsa mādhavasnāpanaṁ janam

That Brahmin himself performed this rite upon the earth year after year, and he himself also had other people undertake the bathing of Madhava.

Verse 12 (padma.5.103.12)

यमब्राह्मणसंवादो मयायं परिकीर्तितः । तस्य माधवमासस्य पुण्यस्नानप्रसङ्गतः

yamabrāhmaṇasaṁvādo mayāyaṁ parikīrtitaḥ tasya mādhavamāsasya puṇyasnānaprasaṅgataḥ

This dialogue of Yama and the Brahmin has been declared by me, arising from the occasion of the meritorious bathing of that month of Madhava.

Verse 13 (padma.5.103.13)

वैशाखमासे सततं हरिप्रिये स्नानं विदध्याच्च ददाति भक्त्या । दानं च होमं सुकृतं तथा बुधो हरेःपदं तस्य नदुर्ल्लभं कदा

vaiśākhamāse satataṁ haripriye snānaṁ vidadhyācca dadāti bhaktyā dānaṁ ca homaṁ sukṛtaṁ tathā budho hareḥpadaṁ tasya nadurllabhaṁ kadā

He who constantly, in the month of Vaishakha dear to Hari, performs the bathing, and gives with devotion, and gift and fire-offering and good deeds — for that wise man, the abode of Hari is never at all difficult to attain.

Verse 14 (padma.5.103.14)

यःशृणोत्येकचित्तेनमाहात्म्यंमेषसूर्यजम् । सर्वपापविनिर्मुक्तो याति विष्णोः परं पदम्

yaḥśṛṇotyekacittenamāhātmyaṁmeṣasūryajam sarvapāpavinirmukto yāti viṣṇoḥ paraṁ padam

Whoever hears, with a single-pointed mind, this greatness born of the sun's entry into Aries, freed from all sin, goes to the supreme abode of Vishnu.

Verse 15 (padma.5.103.15)

ऋषय ऊचुः - सूतसूत महाप्राज्ञ त्वयाऽतिकरुणात्मना । वैशाखमासमाहात्म्यं कीर्तितं पापनाशनम्

ṛṣaya ūcuḥ - sūtasūta mahāprājña tvayā'tikaruṇātmanā vaiśākhamāsamāhātmyaṁ kīrtitaṁ pāpanāśanam

The sages said: O Suta, son of Suta, greatly wise, of a most compassionate nature, you have declared the greatness of the month of Vaishakha, destroyer of sin.

Verse 16 (padma.5.103.16)

नियमा मधुहन्तुर्ये माधवे कथितास्त्वया । पूजनं स्नानदानाद्यं श्रौतस्मार्तविधानतः

niyamā madhuhanturye mādhave kathitāstvayā pūjanaṁ snānadānādyaṁ śrautasmārtavidhānataḥ

The observances of the slayer of Madhu in the month of Madhava have been told by you — worship, bathing, giving, and the rest, according to the procedures of both Shruti and Smriti.

Verse 17 (padma.5.103.17)

यथा च माधवो देवः प्रीयते पापनाशनः । अधुना श्रोतुमिच्छामो ध्यानं तस्य महात्मनः

yathā ca mādhavo devaḥ prīyate pāpanāśanaḥ adhunā śrotumicchāmo dhyānaṁ tasya mahātmanaḥ

And how the god Madhava, destroyer of sin, becomes pleased — that too has been told. Now we wish to hear the meditation upon that great Soul—

Verse 18 (padma.5.103.18)

कृष्णस्य भक्तवृन्दानां प्रियस्य भवतारणम्

kṛṣṇasya bhaktavṛndānāṁ priyasya bhavatāraṇam

—upon Krishna, dear to the multitudes of his devotees, the deliverer from worldly existence.

Verse 19 (padma.5.103.19)

सूत उवाच- शृणुध्वं मुनयः सर्वे कृष्णस्य जगदात्मनः । गोगोपगोपीप्राणस्य वृन्दावनचरस्य च

sūta uvāca- śṛṇudhvaṁ munayaḥ sarve kṛṣṇasya jagadātmanaḥ gogopagopīprāṇasya vṛndāvanacarasya ca

Suta said: Hear, all you sages, of Krishna, the very Self of the universe, the life-breath of the cows, cowherds, and gopis, who roams in Vrindavana.

Verse 20 (padma.5.103.20)

एकदा नारदः पृष्टो गौतमेन द्विजोत्तमाः । स तस्मै प्राह यद्ध्यानं तद्वक्ष्ये पापनाशनम्

ekadā nāradaḥ pṛṣṭo gautamena dvijottamāḥ sa tasmai prāha yaddhyānaṁ tadvakṣye pāpanāśanam

O best of Brahmins, once Narada was asked by Gautama; that meditation which he then declared to him, sin-destroying, I shall now tell.

Verse 21 (padma.5.103.21)

नारद उवाच- सुमप्रकरसौरभोद्गलितमाध्विकाद्युल्लसत्सुशाखिनवपल्लवप्रकरनम्र शोभायुतम् । प्रफुल्लनवमञ्जरीललितवल्लरीवेष्टितं स्मरेत सततं शिवं शितमतिः सुवृन्दावनम्

nārada uvāca- sumaprakarasaurabhodgalitamādhvikādyullasatsuśākhinavapallavaprakaranamra śobhāyutam praphullanavamañjarīlalitavallarīveṣṭitaṁ smareta satataṁ śivaṁ śitamatiḥ suvṛndāvanam

Narada said: Let one of purified intellect constantly meditate upon auspicious, beautiful Vrindavana — its branches bent low with the beauty of fresh new sprouts, honeyed fragrance spilling from clusters of blossoms, encircled by lovely creepers bright with freshly opened new buds.

Verse 22 (padma.5.103.22)

विकाशि सुमनोरसास्वदनमंजुलैः संचरच्छिलीमुखमुखोद्गतैर्मुखरितान्तरं झंकृतैः । कपोतशुकसारिकापरभृतादिभिः पत्रिभिर्विराणितमितस्ततो भुजगशत्रुनृत्याकुलम्

vikāśi sumanorasāsvadanamaṁjulaiḥ saṁcaracchilīmukhamukhodgatairmukharitāntaraṁ jhaṁkṛtaiḥ kapotaśukasārikāparabhṛtādibhiḥ patribhirvirāṇitamitastato bhujagaśatrunṛtyākulam

Meditate upon that grove, echoing within with the charming humming of bees roaming and tasting the nectar of flowers; resounding with the cries of doves, parrots, mynas, cuckoos, and the like; and thronged here and there with the dancing of the peacock, the serpent's foe.

Verse 23 (padma.5.103.23)

कलिन्ददुहितुश्च लल्लहरिविप्लुषां वाहिभिर्विनिद्र सरसीरुहोदररजश्च योद्धूसरैः । प्रदीपित मनोभवव्रजविलासिनी वाससां विलोलनपरैर्निषेवितमनारतं मारुतैः

kalindaduhituśca lallaharivipluṣāṁ vāhibhirvinidra sarasīruhodararajaśca yoddhūsaraiḥ pradīpita manobhavavrajavilāsinī vāsasāṁ vilolanaparairniṣevitamanārataṁ mārutaiḥ

Meditate upon that grove, ceaselessly caressed by breezes that carry the fine spray of the Yamuna's playful waves, grey with the pollen of freshly-opened lotuses, and ever gently stirring the garments of the playful women of Vraja, thereby kindling desire.

Verse 24 (padma.5.103.24)

प्रवालनवपल्लवं मरकतच्छदं मौक्तिकप्रभाप्रकरकोरकं कमलरागनानाफलम् । स्थविष्ठमखिलर्तुभिः सततसेवितं कामदं तदन्तरपिकल्पकाङ्घ्रिपमुदञ्चितं चिन्तयेत्

pravālanavapallavaṁ marakatacchadaṁ mauktikaprabhāprakarakorakaṁ kamalarāganānāphalam sthaviṣṭhamakhilartubhiḥ satatasevitaṁ kāmadaṁ tadantarapikalpakāṅghripamudañcitaṁ cintayet

One should contemplate that place, in whose midst the wish-fulfilling tree stands exalted — that grove which has coral-red sprouts, emerald-green leaves, buds bright as clusters of pearls, and manifold fruits of the hue of the red lotus; ever visited by all the seasons at once, and the granter of every desire.

Verse 25 (padma.5.103.25)

सुहेमशिखराचलेउदितभानुवद्भासुरामधोऽस्य कनकस्थलीममृतशीकरासारिणः । प्रदीप्तमणिकुट्टिमां कुसुमरेणुपुञ्जोज्ज्वलां स्मरेत्पुनरतन्द्रितो विगतषट्तरङ्गांबुधः

suhemaśikharācaleuditabhānuvadbhāsurāmadho'sya kanakasthalīmamṛtaśīkarāsāriṇaḥ pradīptamaṇikuṭṭimāṁ kusumareṇupuñjojjvalāṁ smaretpunaratandrito vigataṣaṭtaraṅgāṁbudhaḥ

Let one free of indolence, untouched by the six waves of worldly affliction, again remember, beneath that wish-tree, the golden ground — radiant as the sun risen over a mountain of gold, showering forth sprays of nectar, ablaze with gems, and gleaming with heaps of flower-pollen.

Verse 26 (padma.5.103.26)

तद्रत्नकुट्टिमनिविष्टमहिष्ठयोगपीठेऽष्टपत्रमरुणं कमलं विचिन्त्य । उद्यद्विरोचनसरोचिरमुष्यमध्ये संचिन्तयेत्सुखनिविष्टमथोमुकुन्दम्

tadratnakuṭṭimaniviṣṭamahiṣṭhayogapīṭhe'ṣṭapatramaruṇaṁ kamalaṁ vicintya udyadvirocanasarociramuṣyamadhye saṁcintayetsukhaniviṣṭamathomukundam

Having contemplated, set upon that jeweled pavement, the great yoga-seat, an eight-petaled red lotus, one should then meditate, in the midst of its rising, sun-like radiance, upon Mukunda seated there in comfort.

Verse 27 (padma.5.103.27)

सुत्रामहेति दलिताञ्जनमेघपुञ्जप्रत्यग्रनीलजलजन्मसमानभासम् । सुस्निग्धनीलघनकुञ्चितकेशजालं राजन्मनोज्ञशितिकण्ठशिखण्डचूडम्

sutrāmaheti dalitāñjanameghapuñjapratyagranīlajalajanmasamānabhāsam susnigdhanīlaghanakuñcitakeśajālaṁ rājanmanojñaśitikaṇṭhaśikhaṇḍacūḍam

Meditate upon him — "Surely this is Sutrama (Indra)!" — no, of a hue equal to a freshly-blossomed blue lotus, or a mass of pounded collyrium-clouds; his mass of curling hair glossy, dense, and dark-blue; his crest adorned, resplendently, with a peacock-plume.

Verse 28 (padma.5.103.28)

रोलम्बलालितसुरद्रुमसूनुसंपद्युक्तं समुत्कचनवोत्पलकर्णपूरम् । लोलालिभिः स्फुरितभालतलप्रदीप्तगोरोचनातिलकमुज्ज्वलचिल्लिचापम्

rolambalālitasuradrumasūnusaṁpadyuktaṁ samutkacanavotpalakarṇapūram lolālibhiḥ sphuritabhālatalapradīptagorocanātilakamujjvalacillicāpam

Meditate upon him, adorned with the splendor of celestial flowers caressed by bees, wearing fresh blue-lotus ear-ornaments; his forehead gleaming, marked with a radiant tilaka, shimmering with roving bees; his brows arched brilliantly like bows.

Verse 29 (padma.5.103.29)

आपूर्णशारदगताङ्क शशाङ्कबिम्बकान्ताननं कमलपत्रविशालनेत्रम् । रत्नस्फुरन्मकरकुण्डलरश्मिदीप्तगण्डस्थलीमुकुरमुन्नतचारुनासम्

āpūrṇaśāradagatāṅka śaśāṅkabimbakāntānanaṁ kamalapatraviśālanetram ratnasphuranmakarakuṇḍalaraśmidīptagaṇḍasthalīmukuramunnatacārunāsam

Meditate upon him, whose face is as lovely as the full autumnal moon's orb; whose eyes are wide as lotus-petals; whose cheeks, mirror-bright, blaze with the rays of gem-set crocodile-shaped earrings; whose nose is high and beautiful.

Verse 30 (padma.5.103.30)

सिन्दूरसुन्दरतराधरमिन्दुकुन्दमन्दारमन्दहसितद्युतिदीपिताशम् । वन्यप्रवालकुसुमप्रचयावकॢप्तग्रैवेयकोज्ज्वलमनोहरकम्बुकण्ठम्

sindūrasundaratarādharamindukundamandāramandahasitadyutidīpitāśam vanyapravālakusumapracayāvakḷptagraiveyakojjvalamanoharakambukaṇṭham

Meditate upon him, whose lower lip is more beautiful than vermilion; whose gentle smile, bright as the moon, jasmine, and coral-tree blossoms, illumines all directions; whose conch-like throat is resplendent, adorned with a garland of forest blossoms and young shoots.

Verse 31 (padma.5.103.31)

मत्तभ्रमद्भ्रमरघुष्टविलम्बमानं संतानकप्रसरदामपरिष्कृतांसम् । हारावलीभगणराजितपीवरोरुव्योमस्थलीलसितकौस्तुभभानुमन्तम्

mattabhramadbhramaraghuṣṭavilambamānaṁ saṁtānakaprasaradāmapariṣkṛtāṁsam hārāvalībhagaṇarājitapīvaroruvyomasthalīlasitakaustubhabhānumantam

Meditate upon him, wearing a hanging garland resounding with intoxicated bees; his shoulders adorned with a garland of Santanaka flowers; his broad chest, vast as the sky, resplendent with rows of pearl necklaces gleaming like constellations, and radiant with the sun-like Kaustubha jewel.

Verse 32 (padma.5.103.32)

श्रीवत्सलक्षणसुलक्षितमुन्नतांसमाजानुपीनपरिवृत्तसुजातबाहुम् । आबन्धुरोदरमुदारगभीरनाभिं भृङ्गाङ्गनानि करमंजुलरोमराजिम्

śrīvatsalakṣaṇasulakṣitamunnatāṁsamājānupīnaparivṛttasujātabāhum ābandhurodaramudāragabhīranābhiṁ bhṛṅgāṅganāni karamaṁjularomarājim

Meditate upon him, well-marked with the sign of the Shrivatsa, his shoulders raised high; his well-formed, rounded arms reaching to his knees; his belly gracefully curved, his navel deep and noble; the delicate line of hair on his belly charming as a row of bees.

Verse 33 (padma.5.103.33)

नानामणिप्रघटिताङ्गदकङ्कणोर्मि ग्रैवेयसारसननूपुरतुन्दबन्धम् । दिव्याङ्गरागपरिपिञ्जरिताङ्गयष्टिमापीतवस्त्रपरिवीतनितम्बबिम्बम्

nānāmaṇipraghaṭitāṅgadakaṅkaṇormi graiveyasārasananūpuratundabandham divyāṅgarāgaparipiñjaritāṅgayaṣṭimāpītavastraparivītanitambabimbam

Meditate upon him, wearing armlets, bracelets, necklace, waistband, and anklets, all set with various gems; his slender body tinged golden with divine unguents; his hip resplendent, wrapped in a yellow garment.

Verse 34 (padma.5.103.34)

चारूरुजानुमनुवृत्तमनोज्ञजङ्घं कान्तोन्नतप्रपदनिन्दित कूर्मकान्तिम् । माणिक्यदर्पणलसन्नखराजराजद्रक्ताङ्गुलिच्छदनुसुन्दरपादपद्मम्

cārūrujānumanuvṛttamanojñajaṅghaṁ kāntonnataprapadanindita kūrmakāntim māṇikyadarpaṇalasannakharājarājadraktāṅgulicchadanusundarapādapadmam

Meditate upon him, with beautiful thighs and knees, and lovely, well-rounded calves; his raised, lovely insteps that put to shame the beauty of a tortoise's back; his lotus-feet lovely, with red toenails gleaming like ruby mirrors.

Verse 35 (padma.5.103.35)

मत्स्याङ्कुशारिदरकेतुयवाब्जवज्रैः संलक्षितारुणकराङ्घ्रितलाभिरामम् । लावण्यसारसमुदायविनिर्मिताङ्गं सौन्दर्यनिन्दितमनोभव देहकान्तिम्

matsyāṅkuśāridaraketuyavābjavajraiḥ saṁlakṣitāruṇakarāṅghritalābhirāmam lāvaṇyasārasamudāyavinirmitāṅgaṁ saundaryaninditamanobhava dehakāntim

Meditate upon him, whose reddish palms and soles are beautifully marked with a fish, a goad, a discus, a conch, a banner, a barley-grain, a lotus, and a thunderbolt; whose body is fashioned from the very essence of grace, whose bodily radiance shames even Kama himself.

Verse 36 (padma.5.103.36)

आस्यारविन्दपरिपूरितवेणुरन्ध्रलोलत्कराङ्गुलिसमीरितदिव्यरागैः । शश्वद्भवैः कृतनिविष्टसमस्तजन्तुसंतानसंनतिमनन्तसुखाम्बुराशिम्

āsyāravindaparipūritaveṇurandhralolatkarāṅgulisamīritadivyarāgaiḥ śaśvadbhavaiḥ kṛtaniviṣṭasamastajantusaṁtānasaṁnatimanantasukhāmburāśim

Meditate upon him, filling the holes of his flute with his lotus-mouth, his darting fingers stirring forth divine melodies, ever-arising, by which every living being's whole lineage is drawn to bow before him; an ocean of infinite bliss.

Verse 37 (padma.5.103.37)

गोभिर्मुखाम्बुजविलीनविलोचनाभिरूधोभरस्खलितमन्थरमन्दगाभिः । दन्ताग्रदष्टपरिशिष्टतृणाङ्कुराभिरालम्बिवालधिलताभिरथाभिवीतम्

gobhirmukhāmbujavilīnavilocanābhirūdhobharaskhalitamantharamandagābhiḥ dantāgradaṣṭapariśiṣṭatṛṇāṅkurābhirālambivāladhilatābhirathābhivītam

Meditate upon him, surrounded by cows, their eyes fixed upon his lotus-face, moving slowly and haltingly, their gait made unsteady by their udders, chewing grass-shoots, their tails hanging like tender creepers.

Verse 38 (padma.5.103.38)

संप्रस्नुतस्तनविभूषणपूर्णनिश्चलास्याद्दृढक्षरितफेनिलदुग्धमुग्धैः । वेणुप्रवर्तितमनोहरमन्दगीतदत्तोच्चकर्णयुगलैरपितर्णकैश्च

saṁprasnutastanavibhūṣaṇapūrṇaniścalāsyāddṛḍhakṣaritapheniladugdhamugdhaiḥ veṇupravartitamanoharamandagītadattoccakarṇayugalairapitarṇakaiśca

Meditate upon him, together with the calves — their mouths ever fastened, full and still, upon the ornament of their mothers' overflowing, frothing milk-teats, their pair of ears raised high, drinking in the enchanting, soft song of his flute.

Verse 39 (padma.5.103.39)

प्रत्यग्रशृङ्गमृदुमस्तकसंप्रहारसंरम्भभावनविलोलखुराग्रपातैः । आमेदुरैर्बहुलसास्नगलैरुदग्रपुच्छैश्च वत्सतरवत्सतरीनिकायैः

pratyagraśṛṅgamṛdumastakasaṁprahārasaṁrambhabhāvanavilolakhurāgrapātaiḥ āmedurairbahulasāsnagalairudagrapucchaiśca vatsataravatsatarīnikāyaiḥ

Meditate upon him, surrounded further by herds of young bulls and heifers, their soft heads butting with fresh new horns, their hooves striking the ground restlessly, stout, hung with dewlaps, their tails raised high.

Verse 40 (padma.5.103.40)

हम्भारवक्षुभितदिग्वलयैर्महद्भिरध्युक्षभिः पृथुककुद्भरभारखिन्नैः । उत्तम्भितश्रुतिपुटीपरिपीतवंशध्वानामृतोद्धतविकासिविशालघोणैः

hambhāravakṣubhitadigvalayairmahadbhiradhyukṣabhiḥ pṛthukakudbharabhārakhinnaiḥ uttambhitaśrutipuṭīparipītavaṁśadhvānāmṛtoddhatavikāsiviśālaghoṇaiḥ

Meditate upon him, with great bulls, whose lowing agitates the whole horizon, wearied by the weight of their broad humps, their pricked-up ears drinking in the nectar of the flute's sound, their wide nostrils flared in delight.

Verse 41 (padma.5.103.41)

गोपैः समानगुणशीलवयोविलासवेशैश्च मूर्छितकलस्वनवेणुवीणैः । मन्दोच्चतारपटुगानपरैर्विलोलदोर्वल्लरीललितलास्यविधानदक्षैः

gopaiḥ samānaguṇaśīlavayovilāsaveśaiśca mūrchitakalasvanaveṇuvīṇaiḥ mandoccatārapaṭugānaparairviloladorvallarīlalitalāsyavidhānadakṣaiḥ

Meditate upon him, surrounded by cowherds like him in qualities, character, age, and dress, absorbed in the sound of flutes and lyres, skilled in soft and loud song, expert in graceful dance with swaying arms.

Verse 42 (padma.5.103.42)

जङ्घान्तपीवरकटीरतटीनिबद्धव्यालोलकिङ्किणिघटारणितैरटद्भिः । मुग्धैस्तरक्षुनखकल्पितकान्तभूषैरव्यक्तमंजुवचनैः पृथुकैः परीतम्

jaṅghāntapīvarakaṭīrataṭīnibaddhavyālolakiṅkiṇighaṭāraṇitairaṭadbhiḥ mugdhaistarakṣunakhakalpitakāntabhūṣairavyaktamaṁjuvacanaiḥ pṛthukaiḥ parītam

Meditate upon him, encircled by young cowherd-boys, wandering about, tinkling with small bells tied at their waists, charming, adorned with tiger-claw ornaments, and lisping sweet, indistinct words.

Verse 43 (padma.5.103.43)

अथ सुललितगोपसुन्दरीणां पृथुकबरीषनितम्बमन्थराणाम् । गुरुकुचभरभंगुरावलग्नत्रिवलिविजृम्भितरोमराजिभाजाम्

atha sulalitagopasundarīṇāṁ pṛthukabarīṣanitambamantharāṇām gurukucabharabhaṁgurāvalagnatrivalivijṛmbhitaromarājibhājām

Meditate too on the graceful gopi-beauties — their hips made slow and swaying, their triple waist-fold bent under the weight of their full breasts, their fine line of belly-hair rising visibly—

Verse 44 (padma.5.103.44)

तदतिरुचिरचारुवेणुवाद्यामृतरसपल्लविताङ्गजाङ्घ्रिपस्य । मुकुलविमलरम्यरूढरोमोद्गमसमलंकृतगात्रवल्लरीणाम्

tadatiruciracāruveṇuvādyāmṛtarasapallavitāṅgajāṅghripasya mukulavimalaramyarūḍharomodgamasamalaṁkṛtagātravallarīṇām

—those women in whom, from the nectar-flavor of his most lovely flute-music, the very body seems to send forth new sprouts of longing; their creeper-like bodies adorned with the thrill of gooseflesh—

Verse 45 (padma.5.103.45)

तदतिरुचिर मन्दहासचन्द्रातपपरिजृम्भितरागवारिराशेः । तरलतरतरङ्गभङ्गविप्रुट्प्रकरघनश्रमबिन्दुसंततानाम्

tadatirucira mandahāsacandrātapaparijṛmbhitarāgavārirāśeḥ taralatarataraṅgabhaṅgavipruṭprakaraghanaśramabindusaṁtatānām

—those women on whom, from the moonlight of his most lovely, gentle smile, the very ocean of passion swells and overflows; their bodies covered with dense beads of sweat like the flying spray of its tremulous waves—

Verse 46 (padma.5.103.46)

तदतिललितमन्दचिल्लिचापच्युतनिशितेक्षणमारबाणवृष्ट्या । दलितसकलमर्मविह्वलाङ्गप्रविसृतदुःसहवेपथुव्यथानाम्

tadatilalitamandacillicāpacyutaniśitekṣaṇamārabāṇavṛṣṭyā dalitasakalamarmavihvalāṅgapravisṛtaduḥsahavepathuvyathānām

—those women whose every vital point is shattered, whose limbs are overcome, by the shower of Kama's sharp arrows loosed from the graceful bows of his eyebrows; their bodies spreading in unbearable, trembling anguish—

Verse 47 (padma.5.103.47)

तदतिरुचिरवेषरूपशोभामृतरसपानविधानलालसानाम् । प्रणयसलिलपूरवाहिनीनामलसविलोलविलोचनाम्बुजानाम्

tadatiruciraveṣarūpaśobhāmṛtarasapānavidhānalālasānām praṇayasalilapūravāhinīnāmalasavilolavilocanāmbujānām

—those women longing to drink the nectar-flavor of the beauty of his form and attire; rivers ever flowing with the flood-water of love, their lotus-eyes languid and darting—

Verse 48 (padma.5.103.48)

विस्रंसत्कबरीकलापविगलत्फुल्लत्प्रसूनास्रवन् । माध्वीलम्पटचञ्चरीकघटयासंसेवितानां मुहुः । मारोन्मादमदस्खलन्मृदुगिरामालोलकाञ्च्युल्लस-। न्नीवीविश्लथमानचीनसिचयान्तार्चिर्नितम्बत्विषाम्

visraṁsatkabarīkalāpavigalatphullatprasūnāsravan mādhvīlampaṭacañcarīkaghaṭayāsaṁsevitānāṁ muhuḥ māronmādamadaskhalanmṛdugirāmālolakāñcyullasa- nnīvīviślathamānacīnasicayāntārcirnitambatviṣām

—those women whose loosened braids let fall the fully-blossomed flowers, oozing nectar, ever visited by bees greedy for that honey; whose soft speech falters in the intoxication of Kama's madness; the radiant beauty of whose hips shows through their loosening silken garments—

Verse 49 (padma.5.103.49)

स्खलितलसितपादाम्भोजमन्दाभिघातच्छुरितमणितुलाकोट्याकुलाशामुखानाम् । चलदधरदलानांकुड्मलापक्ष्मलाक्षि- द्वयसरसिरुहाणामुल्लसत्कुण्डलानाम्

skhalitalasitapādāmbhojamandābhighātacchuritamaṇitulākoṭyākulāśāmukhānām caladadharadalānāṁkuḍmalāpakṣmalākṣi- dvayasarasiruhāṇāmullasatkuṇḍalānām

—those women whose stumbling, graceful lotus-feet set the jeweled anklet-bells ringing, filling every direction; their lower lips trembling like petals; their thick-lashed eyes like lotus-buds; their earrings gleaming—

Verse 50 (padma.5.103.50)

द्राघिष्ठश्वसनसमीरणाभितापप्रम्लानीभवदरुणौष्ठपल्लवानाम् । नानोपायनविलसत्कराम्बुजानामालीभिः सततनिषेवितं समन्तात्

drāghiṣṭhaśvasanasamīraṇābhitāpapramlānībhavadaruṇauṣṭhapallavānām nānopāyanavilasatkarāmbujānāmālībhiḥ satataniṣevitaṁ samantāt

—those women whose red, tender lower lips wilt under the heat of their long, sighing breath; their lotus-hands resplendent, bearing manifold offerings — meditate on him, constantly attended by their companions.

Verse 51 (padma.5.103.51)

तासामायतलोलनीलनयनव्याकोशलीनाम्बुज- स्रग्भिः संपरिपूजिताखिलतनुं नानाविलासास्पदम् । तन्मुग्धाननपङ्कजप्रविगलन्माध्वीरसास्वादिनीं- बिभ्राणं प्रणयान्मदाक्षिमधुहृन्मालां मनोहारिणीम्

tāsāmāyatalolanīlanayanavyākośalīnāmbuja- sragbhiḥ saṁparipūjitākhilatanuṁ nānāvilāsāspadam tanmugdhānanapaṅkajapravigalanmādhvīrasāsvādinīṁ- bibhrāṇaṁ praṇayānmadākṣimadhuhṛnmālāṁ manohāriṇīm

Meditate upon him, his entire form honored with garlands of blossoming lotuses that mirror the long, restless, dark-blue eyes of those women — a treasury of every manner of graceful sport; wearing, out of love, the enchanting garland that seems itself to taste the honeyed nectar of their charming faces.

Verse 52 (padma.5.103.52)

गोपीगोपपशूनां बहिः स्मरेदग्रतोऽस्य गीर्वाणघटांवित्तार्थिनीं विरिञ्चित्रिनयनशतमन्युपूर्विकां स्तोत्रपराम्

gopīgopapaśūnāṁ bahiḥ smaredagrato'sya gīrvāṇaghaṭāṁvittārthinīṁ viriñcitrinayanaśatamanyupūrvikāṁ stotraparām

Beyond the circle of gopis, cowherds, and cattle, meditate upon the throng of the gods standing before him, seeking his favor, led by Brahma, three-eyed Shiva, and Indra, absorbed in his praise.

Verse 53 (padma.5.103.53)

तद्वद्दक्षिणतो मुनिनिकरं दृढधर्मवाञ्छया समाम्नायपरम् । योगीन्द्रानथ पृष्ठे मुमुक्षमाणान्समाधिना तु सनकाद्यान्

tadvaddakṣiṇato muninikaraṁ dṛḍhadharmavāñchayā samāmnāyaparam yogīndrānatha pṛṣṭhe mumukṣamāṇānsamādhinā tu sanakādyān

Likewise, on his right, meditate upon the multitude of sages, devoted to the sacred tradition through firm longing for dharma; and behind him, the lords of yoga — Sanaka and the rest — striving for liberation through deep meditation.

Verse 54 (padma.5.103.54)

सव्ये सकान्तानथ यक्षसिद्धगन्धर्वविद्याधरचारणांश्च । सकिन्नरानप्सरसश्च मुख्याः कामार्थिनीर्नर्तनगीतवाद्यैः

savye sakāntānatha yakṣasiddhagandharvavidyādharacāraṇāṁśca sakinnarānapsarasaśca mukhyāḥ kāmārthinīrnartanagītavādyaiḥ

On his left, meditate upon the yakshas together with their beloveds, the siddhas, gandharvas, vidyadharas, and charanas, together with the kinnaras; and the foremost apsarases, seeking his favor with dance, song, and music.

Verse 55 (padma.5.103.55)

शङ्खेन्दुकुन्दधवलं सकलागमज्ञं सौदामिनीततिपिशङ्गजटाकलापम् । तत्पादपङ्कजगताममलां च भक्तिं वाञ्छन्तमुज्झिततरान्यसमस्तसङ्गम्

śaṅkhendukundadhavalaṁ sakalāgamajñaṁ saudāminītatipiśaṅgajaṭākalāpam tatpādapaṅkajagatāmamalāṁ ca bhaktiṁ vāñchantamujjhitatarānyasamastasaṅgam

Meditate too upon Shiva, present there — white as the conch, the moon, and jasmine, knower of the entire scriptural tradition, his matted locks tawny as lightning, longing for spotless devotion at those lotus feet, having cast off every other attachment.

Verse 56 (padma.5.103.56)

नानाविध श्रुतिगुणान्वितसप्तरागग्रामत्रयीगतमनोहरमूर्छनाभिः । संप्रीणयन्तमुदिताभिरपि प्रभक्त्या संचिन्तयन्नभसि मां द्रुहिणप्रसूतम्

nānāvidha śrutiguṇānvitasaptarāgagrāmatrayīgatamanoharamūrchanābhiḥ saṁprīṇayantamuditābhirapi prabhaktyā saṁcintayannabhasi māṁ druhiṇaprasūtam

Meditate upon him as gladdening all with enchanting melodic modulations, arising from the three scale-groupings of the seven notes, offered with joyous devotion — while I, born from the Creator, contemplate him in the sky above.

Verse 57 (padma.5.103.57)

इति ध्यात्वाऽत्मानं पटुविशदधीर्नन्दतनयं नरो बुद्ध्यैवाऽर्घप्रभृतिभिरनिन्द्योपहृतिभिः । यजेद्भूयो भक्त्या स्ववपुषि बहिष्ठैश्च विभवैरिति प्रोक्तं सर्वं यदभिलषितं भूसुरवराः

iti dhyātvā'tmānaṁ paṭuviśadadhīrnandatanayaṁ naro buddhyaivā'rghaprabhṛtibhiranindyopahṛtibhiḥ yajedbhūyo bhaktyā svavapuṣi bahiṣṭhaiśca vibhavairiti proktaṁ sarvaṁ yadabhilaṣitaṁ bhūsuravarāḥ

O foremost of Brahmins, having thus meditated, a man of clear and sharp intellect should then, with devotion, worship the son of Nanda — identifying his own self with him — with unblemished offerings beginning with arghya, both within his own body and with external riches. Thus all that was desired has been declared.