Ikshvaku's Redemption: The Vision of Mount Mandara and the Rite of Shiva-Linga Worship

Verse 1 (padma.5.109.1)

शंभुरुवाच- अत्र ते कीर्तयिष्यामि कथां पापप्रणाशिनीम् । श्रुत्वा यां प्राप धर्मात्मा शिवभक्तिमनुत्तमाम्

śaṁbhuruvāca- atra te kīrtayiṣyāmi kathāṁ pāpapraṇāśinīm śrutvā yāṁ prāpa dharmātmā śivabhaktimanuttamām

Shambhu said: On this I shall relate to you a sin-destroying tale, by hearing which a righteous soul attained unsurpassed devotion to Shiva.

Verse 2 (padma.5.109.2)

इक्ष्वाकुर्नाम विप्रेंद्रो महाविद्यो महामतिः । बहुशास्त्रप्रवीणश्च नीतिशास्त्रविशारदः

ikṣvākurnāma vipreṁdro mahāvidyo mahāmatiḥ bahuśāstrapravīṇaśca nītiśāstraviśāradaḥ

There was a foremost Brahmin named Ikshvaku, of great learning and great wisdom, skilled in many scriptures, expert in the science of ethics.

Verse 3 (padma.5.109.3)

न यष्टा न च दाता च न देवानां च पूजकः । न चाध्यापयिता वेदं न व्याख्याता श्रुतस्य च

na yaṣṭā na ca dātā ca na devānāṁ ca pūjakaḥ na cādhyāpayitā vedaṁ na vyākhyātā śrutasya ca

He was no performer of sacrifices, no giver, no worshipper of the gods; no teacher of the Veda, no expounder of Shruti.

Verse 4 (padma.5.109.4)

न पुराणेतिहासानां श्रुतीनामागमस्य वा । यत्नाद्भोक्ता तथा देहसंस्कारैकप्रवर्तकः

na purāṇetihāsānāṁ śrutīnāmāgamasya vā yatnādbhoktā tathā dehasaṁskāraikapravartakaḥ

Nor of the Puranas, histories, Shrutis, or Agamas; diligent only in eating, and devoted solely to the adornment of his own body.

Verse 5 (padma.5.109.5)

तादृशस्य द्विजस्याथ समालक्ष्यायुरत्यगात् । लक्षांतरे तथैकस्मिन्वत्सरे मासि पंचमे

tādṛśasya dvijasyātha samālakṣyāyuratyagāt lakṣāṁtare tathaikasminvatsare māsi paṁcame

For such a Brahmin, his allotted lifespan then passed away. In the fifth month of a certain year—

Verse 6 (padma.5.109.6)

तृतीय दिवसे रात्र्यां पुराणं श्रुतवानिदम् । स्वसंपादितवित्तस्य येन दानं न वै कृतम्

tṛtīya divase rātryāṁ purāṇaṁ śrutavānidam svasaṁpāditavittasya yena dānaṁ na vai kṛtam

—on the third day, at night, he heard this Purana: "He who has never given away his own acquired wealth—"

Verse 7 (padma.5.109.7)

दिनेदिने भुज्यमानं निःसारं स्यात्क्रमेण हि । वर्षाण्येव च तावंति नरके पच्यते ध्रुवम्

dinedine bhujyamānaṁ niḥsāraṁ syātkrameṇa hi varṣāṇyeva ca tāvaṁti narake pacyate dhruvam

"—that wealth, consumed day by day, becomes without substance in due course; and for that same number of years, he is certainly cooked in hell."

Verse 8 (padma.5.109.8)

कृमियोनिसहस्रं च अनुभूय ततः परम् । दरिद्रो व्याधितोऽबंधुर्दुष्टभार्यो बहुप्रजः

kṛmiyonisahasraṁ ca anubhūya tataḥ param daridro vyādhito'baṁdhurduṣṭabhāryo bahuprajaḥ

"—and, having endured a thousand births in the wombs of worms, thereafter he becomes poor, diseased, without kinsmen, cursed with a wicked wife, and burdened with many children—"

Verse 9 (padma.5.109.9)

दिनेदिने भिक्षितेन याचितेन च जीवनम् । यन्न क्वापि च बीजानां मग्नानामथ मार्गणात्

dinedine bhikṣitena yācitena ca jīvanam yanna kvāpi ca bījānāṁ magnānāmatha mārgaṇāt

"—living day by day on what is begged and asked for; whose seeds of future good never sprout anywhere at all—"

Verse 10 (padma.5.109.10)

लब्धेनजीवनं कर्म भृत्यानामथ जीवनम् । मध्ये श्रोत्रविहीनश्च नेत्रहीनः स्खलन्मलः

labdhenajīvanaṁ karma bhṛtyānāmatha jīvanam madhye śrotravihīnaśca netrahīnaḥ skhalanmalaḥ

"—living on whatever meager work and service he can obtain; and, in the midst of it, deaf, blind, and dripping with filth."

Verse 11 (padma.5.109.11)

एवं पुराणं श्रुत्वा साविक्ष्वाकुर्भृशदुःखितः । मनसा चिंतयच्चेदं स्मारं स्मारं द्विजाधमः

evaṁ purāṇaṁ śrutvā sāvikṣvākurbhṛśaduḥkhitaḥ manasā ciṁtayaccedaṁ smāraṁ smāraṁ dvijādhamaḥ

Hearing this Purana, Ikshvaku became exceedingly troubled; remembering it again and again, that basest of Brahmins thought thus in his mind.

Verse 12 (padma.5.109.12)

रूपपुष्पैर्माहिष्मयी दुर्गापि फलवर्जिता । तथा पुराणरहिता विद्या नो गतिदर्शनी

rūpapuṣpairmāhiṣmayī durgāpi phalavarjitā tathā purāṇarahitā vidyā no gatidarśanī

"Even the goddess, adorned with beautiful flowers, is devoid of fruit if not truly worshipped; likewise, learning devoid of the Puranas shows no true path."

Verse 13 (padma.5.109.13)

बहुशास्त्रं समभ्यस्य बहुवेदान्सविस्तरान् । पुंसोश्रुतपुराणस्य सम्यग्याति न दर्शनम्

bahuśāstraṁ samabhyasya bahuvedānsavistarān puṁsośrutapurāṇasya samyagyāti na darśanam

"Even having studied many scriptures and the Vedas in full detail, for a man who has not heard the Puranas, true understanding does not come."

Verse 14 (padma.5.109.14)

शंभुरुवाच- एवं चिंतयतस्तस्य अकालमरणं त्वभूत् । यमलोकं गतश्चाथ यमेन परिभाषितः

śaṁbhuruvāca- evaṁ ciṁtayatastasya akālamaraṇaṁ tvabhūt yamalokaṁ gataścātha yamena paribhāṣitaḥ

Shambhu said: While he was thinking thus, an untimely death came upon him. He went to the world of Yama, and was addressed by Yama.

Verse 15 (padma.5.109.15)

यम उवाच- अनेकपापयुक्तोसि पुण्यं नैव महत्तव । न वेदाध्यापनात्प्राप्तं पापं च विदितं तव

yama uvāca- anekapāpayuktosi puṇyaṁ naiva mahattava na vedādhyāpanātprāptaṁ pāpaṁ ca viditaṁ tava

Yama said: "You are laden with many sins; you have no great merit at all. Even from teaching the Veda you gained nothing, and your sin is well known."

Verse 16 (padma.5.109.16)

कोटिवर्षाणि नरके तवस्थितिरिति द्विज । आयुरस्ति तवात्यल्पं गम्यतां पौर्विकीं तनुम्

koṭivarṣāṇi narake tavasthitiriti dvija āyurasti tavātyalpaṁ gamyatāṁ paurvikīṁ tanum

"A crore of years is your allotted stay in hell, O Brahmin." But: "Your remaining lifespan is very little — go back to your former body."

Verse 17 (padma.5.109.17)

कुरु पुण्यं हितं दानं देवतापूजनं जपम् । सांगमध्यापनं विप्र भोजनं भस्मधारणम्

kuru puṇyaṁ hitaṁ dānaṁ devatāpūjanaṁ japam sāṁgamadhyāpanaṁ vipra bhojanaṁ bhasmadhāraṇam

"Perform meritorious deeds, beneficial giving, worship of the gods, mantra-recitation; teaching of the Veda with its ancillary texts, O Brahmin, sanctified eating, and the wearing of ash."

Verse 18 (padma.5.109.18)

भज विश्वेश्वरं देवं देवदेवमुमापतिम् । तस्य प्रयत्नमात्रेण मम लोकं न गच्छसि

bhaja viśveśvaraṁ devaṁ devadevamumāpatim tasya prayatnamātreṇa mama lokaṁ na gacchasi

"Worship the god Vishveshvara, the God of gods, the Lord of Uma. By diligence toward him alone, you shall not come to my world again."

Verse 19 (padma.5.109.19)

यत्किंचित्प्रत्यहं पापिन्पुराणं शृणु सादरम् । ततस्तच्छ्रवणादेव नेक्षसे मम यातनाः

yatkiṁcitpratyahaṁ pāpinpurāṇaṁ śṛṇu sādaram tatastacchravaṇādeva nekṣase mama yātanāḥ

"Whatever little you can, O sinner, hear the Puranas daily, with reverence; then, through that hearing alone, you shall not witness my torments."

Verse 20 (padma.5.109.20)

यमस्य वचनं श्रुत्वा ब्राह्मणः स्वां ययौ तनुम् । अथेशपूजनकृते यत्नमास्थाय स द्विजः

yamasya vacanaṁ śrutvā brāhmaṇaḥ svāṁ yayau tanum atheśapūjanakṛte yatnamāsthāya sa dvijaḥ

Hearing Yama's words, the Brahmin returned to his own body. Then that Brahmin, having applied effort for the sake of worshipping Ishvara—

Verse 21 (padma.5.109.21)

अगमन्मुनिवर्यं तु जाबालिशिवपूजकम् । तपः स्वाध्यायसंपन्नं श्रुतिस्मृतिविवेचकम्

agamanmunivaryaṁ tu jābāliśivapūjakam tapaḥ svādhyāyasaṁpannaṁ śrutismṛtivivecakam

—went to the excellent sage Jabali, a worshipper of Shiva, endowed with austerity and sacred study, a discerner of Shruti and Smriti.

Verse 22 (padma.5.109.22)

पुराणतत्त्ववेत्तारं लक्षशिष्यसमावृतम् । जराशिथिलसर्वांगं वेदवेदांगपारगम्

purāṇatattvavettāraṁ lakṣaśiṣyasamāvṛtam jarāśithilasarvāṁgaṁ vedavedāṁgapāragam

—a knower of the truth of the Puranas, surrounded by a hundred thousand disciples, his every limb loosened with age, mastered in the Vedas and Vedangas.

Verse 23 (padma.5.109.23)

द्रष्टुकामो ययौ शैलं मंदरं चारुकंदरम् । नानाविहंगसंपूर्णं नानापुष्पलतावृतम्

draṣṭukāmo yayau śailaṁ maṁdaraṁ cārukaṁdaram nānāvihaṁgasaṁpūrṇaṁ nānāpuṣpalatāvṛtam

Desiring to see him, he went to Mount Mandara, of lovely caves, filled with birds of every kind, wreathed with creepers and flowers of every kind.

Verse 24 (padma.5.109.24)

सर्वर्तुकुसुमोपेतं नानागंधोपशोभितम् । किन्नराणां च मिथुनैर्गीतपूर्णमहागुहम्

sarvartukusumopetaṁ nānāgaṁdhopaśobhitam kinnarāṇāṁ ca mithunairgītapūrṇamahāguham

Endowed with flowers of every season, beautified with manifold fragrances, its great caves filled with the songs of pairs of kinnaras.

Verse 25 (padma.5.109.25)

अनेकरूपलावण्य वनितोषितपादपम् । लंबमानविचित्राभिस्ताभिः शोभितपादपम्

anekarūpalāvaṇya vanitoṣitapādapam laṁbamānavicitrābhistābhiḥ śobhitapādapam

Its trees delighted by women of manifold beauty and grace, its trees adorned by those women hanging from them in wondrous poses.

Verse 26 (padma.5.109.26)

रतिश्रमप्रसुप्तानां बोधनादितषट्पदम् । कूजंति च पिकाः कामं वियुक्तानां युजे किल

ratiśramaprasuptānāṁ bodhanāditaṣaṭpadam kūjaṁti ca pikāḥ kāmaṁ viyuktānāṁ yuje kila

Where bees hummed, awakening those asleep from the exertion of love-play; and cuckoos too cooed with desire for the union of those separated from their lovers.

Verse 27 (padma.5.109.27)

नानामुनिगणाकीर्णं प्रशांतमृगचारिणम् । अप्सरोगणसंकीर्णं गंधर्वगणसेवितम्

nānāmunigaṇākīrṇaṁ praśāṁtamṛgacāriṇam apsarogaṇasaṁkīrṇaṁ gaṁdharvagaṇasevitam

Thronged with many groups of sages, roamed by tranquil deer, crowded with hosts of apsarases, served by hosts of gandharvas.

Verse 28 (padma.5.109.28)

नानासिद्धमुखोद्भूतगीतपूर्णवनांतरम् । विचित्रफलसंपूर्णं नानादेवालयान्वितम्

nānāsiddhamukhodbhūtagītapūrṇavanāṁtaram vicitraphalasaṁpūrṇaṁ nānādevālayānvitam

Its groves filled with songs issuing from the mouths of manifold siddhas, full of wondrous fruits, endowed with manifold temples of the gods.

Verse 29 (padma.5.109.29)

प्रासादशतसंबाधं नानागृहसमन्वितम् । सिंहाननैर्गजमुखैरुलूकवदनैरथ

prāsādaśatasaṁbādhaṁ nānāgṛhasamanvitam siṁhānanairgajamukhairulūkavadanairatha

Crowded with a hundred palaces, furnished with manifold dwellings; inhabited by beings with lion faces, elephant faces, owl faces—

Verse 30 (padma.5.109.30)

अमुखैर्विमुखैरुग्रैरर्द्धवक्त्रैर्मृगीमुखैः । रुरुजंतुकगोधाहि वानरर्क्षमुखैरपि

amukhairvimukhairugrairarddhavaktrairmṛgīmukhaiḥ rurujaṁtukagodhāhi vānararkṣamukhairapi

—faceless ones, averted-faced ones, fierce ones, half-faced ones, deer-faced ones, and with the faces of ruru-deer, small creatures, iguanas, serpents, monkeys, and bears—

Verse 31 (padma.5.109.31)

व्याघ्रवृश्चिकभल्लूष्ट्रश्वानगर्दभतुंडकैः । समस्तजीववदनसदृशास्यैर्गणेश्वरैः । वल्लीमुखैर्वृक्षमुखैः शिलावक्त्रैरयोमुखैः

vyāghravṛścikabhallūṣṭraśvānagardabhatuṁḍakaiḥ samastajīvavadanasadṛśāsyairgaṇeśvaraiḥ vallīmukhairvṛkṣamukhaiḥ śilāvaktrairayomukhaiḥ

—with the snouts of tigers, scorpions, bears, camels, dogs, and donkeys; lords of ganas whose faces resembled every living creature; with faces of creeper, tree, stone, and iron—

Verse 32 (padma.5.109.32)

शंखमुक्तादिजलजवदनैरुपशोभितम् । अधिकांगैरनंगैश्च जटिलैः शिखिमुंडितैः

śaṁkhamuktādijalajavadanairupaśobhitam adhikāṁgairanaṁgaiśca jaṭilaiḥ śikhimuṁḍitaiḥ

—beautified with the faces of conches, pearls, and other water-born things; with extra limbs, or bodiless, matted-haired, or shaven-crested—

Verse 33 (padma.5.109.33)

पत्रिवक्त्रैर्द्विषड्वक्त्रैस्त्रिविग्रहमुखैरपि । घंटास्यैः शूर्पवदनकर्णपादमुखैरपि

patrivaktrairdviṣaḍvaktraistrivigrahamukhairapi ghaṁṭāsyaiḥ śūrpavadanakarṇapādamukhairapi

—with bird-faces, twelve faces, and faces bearing a triple form; with bell-mouths, and with faces, ears, and feet like winnowing-fans—

Verse 34 (padma.5.109.34)

घंटामुखैर्वेणुमुखैः किंकिणीवदनैरपि । यादृग्वस्तु जगत्यस्ति तादृशास्यैरयोमुखैः

ghaṁṭāmukhairveṇumukhaiḥ kiṁkiṇīvadanairapi yādṛgvastu jagatyasti tādṛśāsyairayomukhaiḥ

—with bell-faces, flute-faces, and small-bell faces; whatever thing exists in this world, with faces resembling it, and with iron faces—

Verse 35 (padma.5.109.35)

कैश्चिन्निभृतकंदर्परूपलावण्यकोमलैः । कोटिसूर्यप्रतीकाशैश्चंद्र कोटिसमप्रभैः

kaiścinnibhṛtakaṁdarparūpalāvaṇyakomalaiḥ koṭisūryapratīkāśaiścaṁdra koṭisamaprabhaiḥ

—with some soft with a beauty and grace that shamed even Kama himself; radiant as crores of suns, splendid as crores of moons—

Verse 36 (padma.5.109.36)

नानावर्णैर्विश्वमुखैर्विश्वरूपैश्चतुर्मुखैः । द्विमुखैः पंचवक्त्रैश्च त्रिमुखैः षण्मुखैरपि

nānāvarṇairviśvamukhairviśvarūpaiścaturmukhaiḥ dvimukhaiḥ paṁcavaktraiśca trimukhaiḥ ṣaṇmukhairapi

—of manifold colors, with faces of the whole universe, of universal form, four-faced, two-faced, five-faced, three-faced, and six-faced as well—

Verse 37 (padma.5.109.37)

एकानेकमुखैः शांतैः सर्वदा सुखिभिर्युतम् । नानाभोगसमृद्धैश्च रतिकामसमैरपि

ekānekamukhaiḥ śāṁtaiḥ sarvadā sukhibhiryutam nānābhogasamṛddhaiśca ratikāmasamairapi

—with one face or many, tranquil, ever joyful, endowed with manifold rich enjoyments, and equal to Rati and Kama in beauty—

Verse 38 (padma.5.109.38)

लक्ष्मीनारायणमुखैरुमेशसमविग्रहैः । नानारूपधरैश्चान्यैः सेवितं मंदराचलम्

lakṣmīnārāyaṇamukhairumeśasamavigrahaiḥ nānārūpadharaiścānyaiḥ sevitaṁ maṁdarācalam

—with faces like Lakshmi and Narayana, and forms equal to Uma and Ishvara, and served by others bearing manifold forms—that Mount Mandara—

Verse 39 (padma.5.109.39)

धेनवो यत्र वेदाश्च मीमांसावत्स संयुताः । धर्मादयः सवर्ष्माणः पुराणानि च कर्मणा

dhenavo yatra vedāśca mīmāṁsāvatsa saṁyutāḥ dharmādayaḥ savarṣmāṇaḥ purāṇāni ca karmaṇā

—where the Vedas were cows, joined with Mimamsa as their calf; where Dharma and the rest had bodies, and the Puranas too, through their very deeds—

Verse 40 (padma.5.109.40)

स्मृतीतिहासजातानि आगमाश्च शरीरिणः । स्थिताश्च मंदरे यत्र सशैलः पापनाशनः

smṛtītihāsajātāni āgamāśca śarīriṇaḥ sthitāśca maṁdare yatra saśailaḥ pāpanāśanaḥ

—the Smritis, histories, and Agamas, all embodied, dwelt on that sin-destroying Mandara, together with the mountain itself.

Verse 41 (padma.5.109.41)

तस्य मध्ये महापुण्यं पुरं परमशोभितम् । वापीतडागोपवनप्रासादशतशोभितम्

tasya madhye mahāpuṇyaṁ puraṁ paramaśobhitam vāpītaḍāgopavanaprāsādaśataśobhitam

In the midst of it was a most sacred city, supremely beautiful, adorned with pools, tanks, groves, and a hundred palaces.

Verse 42 (padma.5.109.42)

सप्तप्राकारपरिखं रत्नाट्टालकसंयुतम् । गोपुरैर्नवभिर्युक्तं विचित्रगृहसंयुतम्

saptaprākāraparikhaṁ ratnāṭṭālakasaṁyutam gopurairnavabhiryuktaṁ vicitragṛhasaṁyutam

Surrounded by seven ramparts and moats, furnished with jeweled turrets, endowed with nine gate-towers, joined with wondrous dwellings.

Verse 43 (padma.5.109.43)

यस्य चाप्रतिमं तेज उष्णशीतादिवर्जितम् । तन्मध्ये नगरी पुण्या तन्मध्ये च सभा शुभा

yasya cāpratimaṁ teja uṣṇaśītādivarjitam tanmadhye nagarī puṇyā tanmadhye ca sabhā śubhā

Its splendor was unmatched, free of heat, cold, and the like. In its midst was a sacred city, and in the midst of that, an auspicious assembly-hall.

Verse 44 (padma.5.109.44)

तस्यां भद्रासनं मध्ये वेदपादविचित्रितम् । सर्वोपनिषदाकॢप्तं पादपीठं सुशोभनम्

tasyāṁ bhadrāsanaṁ madhye vedapādavicitritam sarvopaniṣadākḷptaṁ pādapīṭhaṁ suśobhanam

In its center was an auspicious throne, adorned with the very feet of the Vedas, its footstool, most beautiful, fashioned of all the Upanishads.

Verse 45 (padma.5.109.45)

पुराणान्यागमास्तस्य स्वस्तीति शिवपादयोः । तत्रासीनो महायोगी गोक्षीरसदृशाकृतिः

purāṇānyāgamāstasya svastīti śivapādayoḥ tatrāsīno mahāyogī gokṣīrasadṛśākṛtiḥ

The Puranas and Agamas were there, chanting "blessings" at Shiva's very feet. Seated there was the great yogi, of a form like cow's milk—

Verse 46 (padma.5.109.46)

मंदस्मितसुचार्वास्योद्व्यष्टवर्षवयाः प्रभुः । दधान उरसामालां मणिरुद्राक्षकल्पिताम्

maṁdasmitasucārvāsyodvyaṣṭavarṣavayāḥ prabhuḥ dadhāna urasāmālāṁ maṇirudrākṣakalpitām

—his face gently smiling and most lovely, the Lord of eight-times-eight years of age, wearing upon his chest a garland of jeweled rudraksha beads.

Verse 47 (padma.5.109.47)

बिभ्राण उपवीतं च कर्णिकारसमद्युतिः । सुरत्नकुंडलो देवः किरीटकनकांबरः

bibhrāṇa upavītaṁ ca karṇikārasamadyutiḥ suratnakuṁḍalo devaḥ kirīṭakanakāṁbaraḥ

Bearing the sacred thread, radiant as the karnikara flower; the god, wearing fine jeweled earrings, a crown, and golden garments.

Verse 48 (padma.5.109.48)

नानाभूषणसंयुक्तो नानागंधविलेपनः । वामांकन्यस्तगिरिजो वीक्षमाणस्तदाननम्

nānābhūṣaṇasaṁyukto nānāgaṁdhavilepanaḥ vāmāṁkanyastagirijo vīkṣamāṇastadānanam

Adorned with manifold ornaments, anointed with manifold fragrances; Girija seated upon his left lap, he gazing upon her face.

Verse 49 (padma.5.109.49)

मुग्धां च सुमुखीं बालां नवयौवनशोभिताम् । भूषितां चारुसर्वांगीं बिभ्रतीं कनकांबुजम्

mugdhāṁ ca sumukhīṁ bālāṁ navayauvanaśobhitām bhūṣitāṁ cārusarvāṁgīṁ bibhratīṁ kanakāṁbujam

—that innocent, sweet-faced maiden, radiant with fresh youth, adorned, of lovely limbs, bearing a golden lotus.

Verse 50 (padma.5.109.50)

आलिंग्य वामेनकरेण देवीं दक्षेण तस्या मुखमुन्नमय्य । स्पृष्ट्वा शिरो वामकरेण तस्या दक्षेण कुर्वंस्तिलकं च देवः

āliṁgya vāmenakareṇa devīṁ dakṣeṇa tasyā mukhamunnamayya spṛṣṭvā śiro vāmakareṇa tasyā dakṣeṇa kurvaṁstilakaṁ ca devaḥ

Embracing the goddess with his left hand, and lifting up her face with his right; touching her head with his left hand, and marking a tilaka with his right, the god—

Verse 51 (padma.5.109.51)

भक्तिर्वीजयते देवं प्रणव व्यजनेन च । पूजाकांतापि कुसुमैर्मालां देवाय बिभ्रती

bhaktirvījayate devaṁ praṇava vyajanena ca pūjākāṁtāpi kusumairmālāṁ devāya bibhratī

—was fanned by Bhakti with the fan of the syllable Om; and Puja too, holding a garland of flowers for the god—

Verse 52 (padma.5.109.52)

ज्ञप्तिर्विरक्तिर्वनिते बिभ्रत्यौ योगचामरे । समाधिः कार्यकर्तास्य धारणायोषिदस्य च

jñaptirviraktirvanite bibhratyau yogacāmare samādhiḥ kāryakartāsya dhāraṇāyoṣidasya ca

—and Jnapti and Virakti, two women, held the yak-tail fans of yoga; Samadhi was the doer of his tasks, and Dharana too was a woman attending him.

Verse 53 (padma.5.109.53)

यमाश्चनियमाश्चैव किंकरास्तस्य कीर्तिताः । प्राणायामः पुरोधास्तु प्रत्याहारः सुवर्णधृक्

yamāścaniyamāścaiva kiṁkarāstasya kīrtitāḥ prāṇāyāmaḥ purodhāstu pratyāhāraḥ suvarṇadhṛk

The Yamas and Niyamas were declared to be his servants; Pranayama was his priest, and Pratyahara his gold-bearer.

Verse 54 (padma.5.109.54)

ध्यानं च द्रविणाध्यक्षः सत्यं सेनापतिस्तथा । ब्रह्मप्रभृतिकीटांताः पशवस्तत्पतिः शिवः

dhyānaṁ ca draviṇādhyakṣaḥ satyaṁ senāpatistathā brahmaprabhṛtikīṭāṁtāḥ paśavastatpatiḥ śivaḥ

Dhyana was his treasurer, and Satya his commander of forces; all beings from Brahma down to the worm were his cattle, and Shiva was their Lord.

Verse 55 (padma.5.109.55)

पशूनां पालको धर्मः स्यादधर्मश्च तस्करः । मायापाशेन ते बद्धा मोचनी काशिका मृतिः

paśūnāṁ pālako dharmaḥ syādadharmaśca taskaraḥ māyāpāśena te baddhā mocanī kāśikā mṛtiḥ

Dharma was the herdsman of his cattle, and Adharma the thief; those beings, bound by the noose of Maya, were freed only by death in Kashi.

Verse 56 (padma.5.109.56)

नानाविधाश्च प्रमदा देवदेवमुमापतिम् । एतादृशमुमानाथं कोटिजंतुरनुस्मरेत्

nānāvidhāśca pramadā devadevamumāpatim etādṛśamumānāthaṁ koṭijaṁturanusmaret

Manifold women of delight attended the God of gods, the Lord of Uma. Let a crore of beings ever remember such a Lord of Uma—

Verse 57 (padma.5.109.57)

इष्टान्भोगानवाप्याथ शिवलोके महीयते । ब्रह्मविष्णुमहेंद्राद्यास्तत्पुरद्वारपालकाः

iṣṭānbhogānavāpyātha śivaloke mahīyate brahmaviṣṇumaheṁdrādyāstatpuradvārapālakāḥ

—for, having obtained desired enjoyments, one is then glorified in the world of Shiva. Brahma, Vishnu, Mahendra, and the rest were the gatekeepers of that city.

Verse 58 (padma.5.109.58)

लक्ष्मीसरस्वतीदेव्यौ देहल्याद्यर्च्चनेक्षितेः । नियुक्ते देवदेवस्य देवाश्च सुरयोषितः

lakṣmīsarasvatīdevyau dehalyādyarccanekṣiteḥ niyukte devadevasya devāśca surayoṣitaḥ

The goddesses Lakshmi and Sarasvati were appointed to watch over the worship of the threshold and the like; and the gods and the women of the gods too served him.

Verse 59 (padma.5.109.59)

दास्यो देवाः समस्ताश्च दासा यस्य महात्मनः । एतादृशमहाशैलमिक्ष्वाकुः संददर्श ह

dāsyo devāḥ samastāśca dāsā yasya mahātmanaḥ etādṛśamahāśailamikṣvākuḥ saṁdadarśa ha

All the gods were his male and female servants — such was that great soul. Such a great mountain did Ikshvaku behold.

Verse 60 (padma.5.109.60)

मुनिं प्रणम्य जाबालिमिदमाह वचस्तदा । गंतुकामो महाशैलं शक्तोस्यस्मिन्न वा मुने

muniṁ praṇamya jābālimidamāha vacastadā gaṁtukāmo mahāśailaṁ śaktosyasminna vā mune

Bowing to the sage Jabali, he then spoke this word: "I wish to go to the great mountain — am I capable of it, O sage, or not?"

Verse 61 (padma.5.109.61)

ममायुरल्पं कथितं यमेन ज्ञानिना पुरा

mamāyuralpaṁ kathitaṁ yamena jñāninā purā

"My remaining lifespan was declared to be short by the all-knowing Yama, long ago."

Verse 62 (padma.5.109.62)

नरकश्च बहुःप्रोक्तः कथं श्रेयो भविष्यति । जाबालिरुवाच- मयापि सर्वमेतत्ते ज्ञातं दिव्येन चक्षुषा

narakaśca bahuḥproktaḥ kathaṁ śreyo bhaviṣyati jābāliruvāca- mayāpi sarvametatte jñātaṁ divyena cakṣuṣā

"And much hell, too, was declared for me — how shall good fortune come to me?" Jabali said: "I too know all of this concerning you, through my divine eye."

Verse 63 (padma.5.109.63)

आयुर्दशदिनं ब्रह्मन्विद्वानपि न धर्मकृत् । न तपस्ते ह्यनभ्यासान्न च योगोऽल्पकालतः

āyurdaśadinaṁ brahmanvidvānapi na dharmakṛt na tapaste hyanabhyāsānna ca yogo'lpakālataḥ

"Your remaining lifespan is ten days, O Brahmin; though learned, you have not been a doer of dharma. There is no austerity for you, from lack of practice; nor yoga, given so little time."

Verse 64 (padma.5.109.64)

न दानं द्रविणाभावादसामर्थ्यात्तथार्हणा । न यज्ञो न व्रतं पूर्तं न च पुण्यमनायुषः

na dānaṁ draviṇābhāvādasāmarthyāttathārhaṇā na yajño na vrataṁ pūrtaṁ na ca puṇyamanāyuṣaḥ

"No giving, from lack of wealth; nor worship, from incapacity; no sacrifice, no vow, no public benefaction, nor any merit at all, given so little life left."

Verse 65 (padma.5.109.65)

न चाध्यापनतीर्थादि सेवाकालविरोधतः । तस्मात्तत्पापनाशाय प्रायश्चित्तं न विद्यते

na cādhyāpanatīrthādi sevākālavirodhataḥ tasmāttatpāpanāśāya prāyaścittaṁ na vidyate

"Nor teaching, nor visiting sacred fords, since time contradicts such service. Therefore, for the destruction of your sin, no ordinary atonement exists."

Verse 66 (padma.5.109.66)

गतिप्रदं तथा धर्मं गच्छ वा तिष्ठ वा मुने । इक्ष्वाकुरुवाच-। यावज्जीवं प्रतिज्ञाय क्रियते यो वृषो द्विज

gatipradaṁ tathā dharmaṁ gaccha vā tiṣṭha vā mune ikṣvākuruvāca- yāvajjīvaṁ pratijñāya kriyate yo vṛṣo dvija

"So go, or stay, O sage, seeking that dharma which bestows a good state." Ikshvaku said: "That righteous vow which, O Brahmin, is performed under a lifelong pledge—"

Verse 67 (padma.5.109.67)

तेन पापपरीहारो भविष्यति सुनिश्चितम् । तं ब्रूहि येन धर्मेण मम पापं प्रणश्यति

tena pāpaparīhāro bhaviṣyati suniścitam taṁ brūhi yena dharmeṇa mama pāpaṁ praṇaśyati

"—by that, the removal of sin shall certainly come about. Tell me that dharma by which my sin may be destroyed—"

Verse 68 (padma.5.109.68)

केन वा पुण्ययोगेन स्वर्गतिश्च भविष्यति । शरणं भव विप्रर्षे नरकादतिबिभ्यतः

kena vā puṇyayogena svargatiśca bhaviṣyati śaraṇaṁ bhava viprarṣe narakādatibibhyataḥ

"—or by what union with merit a good passage to heaven may come. Be my refuge, O sage among Brahmins, for I am greatly afraid of hell."

Verse 69 (padma.5.109.69)

सर्वधर्मफलं प्राहुः शरणागतपालनम् । जाबालिरुवाच- सत्यं स्वल्पेन कालेन न तादृग्लभ्यते वृषः

sarvadharmaphalaṁ prāhuḥ śaraṇāgatapālanam jābāliruvāca- satyaṁ svalpena kālena na tādṛglabhyate vṛṣaḥ

"They declare the very fruit of all dharma to be the protection of one who has come for refuge." Jabali said: "True, but in so short a time, such a virtuous rite cannot be obtained."

Verse 70 (padma.5.109.70)

अमृतेत्वनृते शक्यं वक्तुं स्वप्नांतरेष्वपि । रहस्यमेकं किंचित्तु यस्य कस्यापि नोच्यते

amṛtetvanṛte śakyaṁ vaktuṁ svapnāṁtareṣvapi rahasyamekaṁ kiṁcittu yasya kasyāpi nocyate

"It is even possible to speak falsehood in mere dreams — but there is one certain secret, not to be told to just anyone."

Verse 71 (padma.5.109.71)

इक्ष्वाकुरुवाच- शरणं पालय मुने कालो मे निर्गमिष्यति । जाबालिरुवाच- मम प्राणाधिकं विप्र रहस्यं श्रुतिचोदितम्

ikṣvākuruvāca- śaraṇaṁ pālaya mune kālo me nirgamiṣyati jābāliruvāca- mama prāṇādhikaṁ vipra rahasyaṁ śruticoditam

Ikshvaku said: "Protect me as your refuge, O sage; my time is passing away." Jabali said: "This secret, O Brahmin, dearer to me than my own life, enjoined by the Shruti—"

Verse 72 (padma.5.109.72)

शिवलिंगार्चनं नाम ब्रह्मादिभिरनुष्ठितम् । समस्तपापशमनं सर्वोपद्रवनाशनम्

śivaliṁgārcanaṁ nāma brahmādibhiranuṣṭhitam samastapāpaśamanaṁ sarvopadravanāśanam

"—is called the worship of the Shiva-linga, practiced even by Brahma and the rest; it is the pacifier of every sin, the destroyer of every calamity—"

Verse 73 (padma.5.109.73)

भुक्तिमुक्तिप्रदं तस्माच्छिवपूजां समाचर । नातिक्रामेद्यदि मुने शिवलिंगार्चनं शुभम्

bhuktimuktipradaṁ tasmācchivapūjāṁ samācara nātikrāmedyadi mune śivaliṁgārcanaṁ śubham

"—the bestower of both worldly enjoyment and liberation. Therefore practice the worship of Shiva; if this auspicious worship of the Shiva-linga is not transgressed—"

Verse 74 (padma.5.109.74)

यः शंभुपूजां विच्छिंद्यात्तेन च्छिन्नं हि मे शिरः । वरं शूलविनिक्षेपो वरं शाल्मलिकर्षणम्

yaḥ śaṁbhupūjāṁ vicchiṁdyāttena cchinnaṁ hi me śiraḥ varaṁ śūlavinikṣepo varaṁ śālmalikarṣaṇam

"—whoever interrupts the worship of Shambhu, by him my very head is, as it were, severed. Better the thrust of a spear, better to be dragged upon a silk-cotton tree—"

Verse 75 (padma.5.109.75)

वरं प्राणपरित्यागो नैव पूजाव्यतिक्रमः । वरं वह्निप्रपतनं वरं चाधःशिरः कृतम्

varaṁ prāṇaparityāgo naiva pūjāvyatikramaḥ varaṁ vahniprapatanaṁ varaṁ cādhaḥśiraḥ kṛtam

"—better the abandonment of one's very life, than any transgression of that worship. Better to fall into fire, better to be made to hang head-downward—"

Verse 76 (padma.5.109.76)

वरं स्वमलभुक्तिर्वा नेशपूजाव्यतिक्रमः । अपूजयित्वा चेशानं यो हि भुंक्ते नराधमः

varaṁ svamalabhuktirvā neśapūjāvyatikramaḥ apūjayitvā ceśānaṁ yo hi bhuṁkte narādhamaḥ

"—better even to eat one's own filth, than transgress the worship of Ishvara. That basest of men who eats without having worshipped Ishana—"

Verse 77 (padma.5.109.77)

पापानामन्नरूपाणां तस्य भोजनमुच्यते । अनुच्चार्य पदं शंभोर्भुङ्क्ते यदि च खादति

pāpānāmannarūpāṇāṁ tasya bhojanamucyate anuccārya padaṁ śaṁbhorbhuṅkte yadi ca khādati

"—his eating is declared to be the eating of sins in the very form of food. If one eats or chews without uttering the name of Shambhu—"

Verse 78 (padma.5.109.78)

शिवेति मंगलं नाम यस्य वाचि प्रवर्तते । भस्मीभवंति तस्याशु महापातककोटयः

śiveti maṁgalaṁ nāma yasya vāci pravartate bhasmībhavaṁti tasyāśu mahāpātakakoṭayaḥ

"But he in whose speech the auspicious name 'Shiva' is ever present — for him, crores of great sins are swiftly reduced to ash."

Verse 79 (padma.5.109.79)

शिवं प्रदक्षिणीकृत्य यो नमस्यति मानवः । भूमेः प्रदक्षिणं कृत्वा यत्तत्पुण्यमवाप्नुयात्

śivaṁ pradakṣiṇīkṛtya yo namasyati mānavaḥ bhūmeḥ pradakṣiṇaṁ kṛtvā yattatpuṇyamavāpnuyāt

"That man who circumambulates Shiva and then bows to him obtains the very merit that comes from circumambulating the whole earth."

Verse 80 (padma.5.109.80)

प्रदक्षिणत्रयं कृत्वा नमस्कारं च पंचधा । पुनः प्रदक्षिणं कृत्वा नत्वा मुच्येत पातकैः

pradakṣiṇatrayaṁ kṛtvā namaskāraṁ ca paṁcadhā punaḥ pradakṣiṇaṁ kṛtvā natvā mucyeta pātakaiḥ

"Having performed three circumambulations, and prostration in the fivefold manner, and, having circumambulated once more, and bowed, he is freed of his sins."

Verse 81 (padma.5.109.81)

सर्ववाद्यानि यः कुर्यात्कारयेद्वा शिवालये । बलेन महता युक्तो वेदसेव्यत्र जायते

sarvavādyāni yaḥ kuryātkārayedvā śivālaye balena mahatā yukto vedasevyatra jāyate

"He who plays, or has played, every kind of musical instrument in a Shiva temple, is born endowed with great strength, worthy of veneration through the Veda."

Verse 82 (padma.5.109.82)

श्रावयेद्यः पुराणानि देवदेवं त्रिलोचनम् । सर्वपापविनिर्मुक्तो वसेच्छिवपुरे कृती

śrāvayedyaḥ purāṇāni devadevaṁ trilocanam sarvapāpavinirmukto vasecchivapure kṛtī

"He who causes the Puranas concerning the three-eyed God of gods to be recited — freed from all sin, that accomplished man dwells in the city of Shiva."

Verse 83 (padma.5.109.83)

तं नित्यमादरेणेशो वक्ति वाक्यं प्रियं सदा । एतत्संक्षेपतः प्रोक्तमीशपूजनमुत्तमम्

taṁ nityamādareṇeśo vakti vākyaṁ priyaṁ sadā etatsaṁkṣepataḥ proktamīśapūjanamuttamam

"To him Ishvara ever speaks a beloved word, with constant reverence. This, the supreme worship of Ishvara, has been declared in brief."

Verse 84 (padma.5.109.84)

अल्पायुश्च भवान्विप्र शिवपूजनमाचर । त्रिकालं वा द्विकालं वा एककालमथापि वा

alpāyuśca bhavānvipra śivapūjanamācara trikālaṁ vā dvikālaṁ vā ekakālamathāpi vā

"And since you, O Brahmin, have but little life left, practice the worship of Shiva — whether thrice daily, or twice, or even once."

Verse 85 (padma.5.109.85)

यामं यामार्धमथवा शिवपूजनमाचर । वानप्रस्थाश्रमो भूत्वा वानप्रस्थकृताश्रयः

yāmaṁ yāmārdhamathavā śivapūjanamācara vānaprasthāśramo bhūtvā vānaprasthakṛtāśrayaḥ

"Or for a full watch, or half a watch — practice the worship of Shiva. Become one of the forest-dwelling stage of life, taking refuge in that order—"

Verse 86 (padma.5.109.86)

वानप्रस्थप्रसूनैश्च प्रातःपूजय शंकरम् । श्रीफलैः शतपत्रैश्च पद्मसौगंधिकैरपि

vānaprasthaprasūnaiśca prātaḥpūjaya śaṁkaram śrīphalaiḥ śatapatraiśca padmasaugaṁdhikairapi

"—and, with the flowers proper to that forest-order, worship Shankara at dawn: with bilva fruits, with hundred-petaled lotuses, and with sweet-scented lotuses too—"

Verse 87 (padma.5.109.87)

नीपैर्जपाभिः पुन्नागैः करवीरैश्च पाटलैः । तुलस्याच रविदलैरपराजितया तथा

nīpairjapābhiḥ punnāgaiḥ karavīraiśca pāṭalaiḥ tulasyāca ravidalairaparājitayā tathā

"—with kadamba flowers, hibiscus, punnaga, oleander, and patala flowers; with tulasi, with arka-leaves, and with the aparajita flower—"

Verse 88 (padma.5.109.88)

अपामार्गदलै रुद्र जटादमनकेन च । सर्वैरेभिः समफलैर्बिल्वपत्रैश्च धूर्तकैः

apāmārgadalai rudra jaṭādamanakena ca sarvairebhiḥ samaphalairbilvapatraiśca dhūrtakaiḥ

"—with apamarga leaves, O Rudra-devotee, and with jata and damanaka flowers; with all these and their fruits, and with bilva leaves and dhatura flowers—"

Verse 89 (padma.5.109.89)

द्रोणैः शिरीषैः शक्तैश्च दूर्वया कोरकैरपि । नंद्यावर्तैरक्षतैश्च तिलमिश्रैश्च केवलैः

droṇaiḥ śirīṣaiḥ śaktaiśca dūrvayā korakairapi naṁdyāvartairakṣataiśca tilamiśraiśca kevalaiḥ

"—with drona flowers, shirisha, shakta flowers, durva grass, and buds; with nandyavarta flowers, unbroken rice, and mere sesame mixed in—"

Verse 90 (padma.5.109.90)

अन्यैरपि यथाशक्ति प्रातः संपूजयेच्छिवम् । कर्णिकारैश्च सौवर्णर्दूवर्ययापि शिवार्चनम्

anyairapi yathāśakti prātaḥ saṁpūjayecchivam karṇikāraiśca sauvarṇardūvaryayāpi śivārcanam

"—and with other flowers besides, according to one's means, one should worship Shiva at dawn; worship of Shiva may be done with karnikara flowers and golden durva grass as well."

Verse 91 (padma.5.109.91)

मुकुलैर्नार्चयेद्देवं चंपकैर्जलजं विना । जलजानां च सर्वेषां पत्राणामक्षतस्य च

mukulairnārcayeddevaṁ caṁpakairjalajaṁ vinā jalajānāṁ ca sarveṣāṁ patrāṇāmakṣatasya ca

"One should not worship the god with mere champaka buds unless it be a water-born flower instead. Of all water-born flowers, leaves, and unbroken rice—"

Verse 92 (padma.5.109.92)

कुशपुष्पस्य रजतसुवर्णकृतयोरपि । अन्यत्कृत्वा यथा यत्तु तैलपक्वं भवेन्नृप

kuśapuṣpasya rajatasuvarṇakṛtayorapi anyatkṛtvā yathā yattu tailapakvaṁ bhavennṛpa

"—and of kusha-grass flowers, and of those made of silver or gold, staleness does not apply. Whatever else, O king, is cooked in oil—"

Verse 93 (padma.5.109.93)

न तत्पर्युषितं प्रोक्तमपूपादि गमिष्यति । उक्षितं यत्फलायुक्तं तैलक्षाराम्लजीरकैः

na tatparyuṣitaṁ proktamapūpādi gamiṣyati ukṣitaṁ yatphalāyuktaṁ tailakṣārāmlajīrakaiḥ

"—is not declared to become stale, and cakes and the like remain fit as well. Whatever fruit-based food is sprinkled with oil, alkali, sour substances, or cumin—"

Verse 94 (padma.5.109.94)

जले तत्प्रोक्षितं मूलफलशाकादिकं नृप । न च पर्युषितं प्रोक्तं गंगातोयं च सागरम्

jale tatprokṣitaṁ mūlaphalaśākādikaṁ nṛpa na ca paryuṣitaṁ proktaṁ gaṁgātoyaṁ ca sāgaram

"—and roots, fruits, vegetables, and the like sprinkled in water, O king, are not declared to become stale. The water of the Ganga, and of the ocean—"

Verse 95 (padma.5.109.95)

महानदीजलं सर्वं केदारजलमेव च । ह्रदरूपेण यत्तीर्थं कूपतीर्थेन राघव

mahānadījalaṁ sarvaṁ kedārajalameva ca hradarūpeṇa yattīrthaṁ kūpatīrthena rāghava

"—all the water of great rivers, and of Kedara likewise; and whatever sacred ford is in the form of a lake, or a well-ford, O Raghava—"

Verse 96 (padma.5.109.96)

तडागवापीसरसां कूपेनापां च यद्भवेत् । तत्तीर्थतोयं सर्वं च न च पर्युषितं भवेत्

taḍāgavāpīsarasāṁ kūpenāpāṁ ca yadbhavet tattīrthatoyaṁ sarvaṁ ca na ca paryuṣitaṁ bhavet

"—and whatever water comes from tanks, pools, lakes, or a well — all such sacred ford-water never becomes stale."

Verse 97 (padma.5.109.97)

न रात्रौ जलमाहार्यं दिवा संपादयेज्जलम् । ससैकतं तथा धार्यं न च पर्युषितं हि तत्

na rātrau jalamāhāryaṁ divā saṁpādayejjalam sasaikataṁ tathā dhāryaṁ na ca paryuṣitaṁ hi tat

"Water should not be fetched at night; one should procure water in the daytime. And water with sand held in it likewise does not become stale."

Verse 98 (padma.5.109.98)

एवं विदित्वा पूजां त्वं शिवलिंगे समाचर । शंभुरुवाच- एवमुक्तोथ मुनिना इक्ष्वाकुर्ब्राह्मणप्रियः

evaṁ viditvā pūjāṁ tvaṁ śivaliṁge samācara śaṁbhuruvāca- evamuktotha muninā ikṣvākurbrāhmaṇapriyaḥ

"Knowing all this, perform your worship of the Shiva-linga." Shambhu said: Thus addressed by the sage, Ikshvaku, dear to Brahmins—

Verse 99 (padma.5.109.99)

शिवपूजापरो भूत्वा दिनाष्टकमतिष्ठत । नवमेऽथ दिने प्राप्ते प्रातःकाले कृतार्चनः

śivapūjāparo bhūtvā dināṣṭakamatiṣṭhata navame'tha dine prāpte prātaḥkāle kṛtārcanaḥ

—devoted himself to the worship of Shiva, and remained so for eight days. Then, when the ninth day arrived, having performed his morning worship—

Verse 100 (padma.5.109.100)

मरणावसरे प्राप्ते शिवपूजां विधाय सः । स्वान्प्राणानुपहाराय तत्याजैव महेशितुः

maraṇāvasare prāpte śivapūjāṁ vidhāya saḥ svānprāṇānupahārāya tatyājaiva maheśituḥ

—when the occasion of his death arrived, having duly performed the worship of Shiva, he gave up his own life-breath as an offering to Mahesha.

Verse 101 (padma.5.109.101)

मृतं तमथ विज्ञाय यमदूताः समागताः । यमलोकप्रापका ये यतमास्थाय तस्थिरे

mṛtaṁ tamatha vijñāya yamadūtāḥ samāgatāḥ yamalokaprāpakā ye yatamāsthāya tasthire

Knowing him to be dead, Yama's messengers, whose task it was to lead souls to Yama's world, came and, exerting themselves, waited there.

Verse 102 (padma.5.109.102)

शैवाश्चापि समायाता दूता वह्निमुखादयः । तेषामन्योन्यवादोभून्मामको मामकस्त्विति

śaivāścāpi samāyātā dūtā vahnimukhādayaḥ teṣāmanyonyavādobhūnmāmako māmakastviti

Shiva's messengers too arrived, Vahnimukha and the rest. Between them arose a dispute, each saying, "He is mine, he is mine."

Verse 103 (padma.5.109.103)

अथ यामः पाशपाणिः शिवदूतमथार्दयत् । अथ वह्निमुखः क्रुद्धो यमदूतशतं ततः

atha yāmaḥ pāśapāṇiḥ śivadūtamathārdayat atha vahnimukhaḥ kruddho yamadūtaśataṁ tataḥ

Then a servant of Yama, noose in hand, assaulted a servant of Shiva. Then Vahnimukha, enraged, attacked the hundred servants of Yama.

Verse 104 (padma.5.109.104)

महाकायस्तथा भूत्वा गृहीत्वा च करेण तत् । शिरांसि च तथैकेनापीड्य चिच्छेद शष्पवत्

mahākāyastathā bhūtvā gṛhītvā ca kareṇa tat śirāṁsi ca tathaikenāpīḍya ciccheda śaṣpavat

Becoming of vast body, and seizing them with his hand, he severed all their heads with just one hand, as one cuts down grass.

Verse 105 (padma.5.109.105)

मारयित्वा ततो दूतानादायेक्ष्वाकुमभ्यगात् । निवेदयामास च तं वीरभद्राय धीमते

mārayitvā tato dūtānādāyekṣvākumabhyagāt nivedayāmāsa ca taṁ vīrabhadrāya dhīmate

Having slain the messengers, he then took Ikshvaku and went; and he reported this to the wise Virabhadra.

Verse 106 (padma.5.109.106)

स चापि शंकरायाथ तं प्राह च महेश्वरः । त्वयाष्टदिनपूजैव कृता कृष्णा दिने दिने

sa cāpi śaṁkarāyātha taṁ prāha ca maheśvaraḥ tvayāṣṭadinapūjaiva kṛtā kṛṣṇā dine dine

He too then reported it to Shankara; and Maheshvara said to him: "You performed worship for only eight days, and it was tainted, day by day—"

Verse 107 (padma.5.109.107)

त्वमनिंदः पुरा मां च लिंगं शिश्नाग्रमित्युत । तेनैव पापयोगेन शिश्नवक्त्रो भविष्यसि

tvamaniṁdaḥ purā māṁ ca liṁgaṁ śiśnāgramityuta tenaiva pāpayogena śiśnavaktro bhaviṣyasi

"—for you once mocked me, calling the linga 'the tip of a phallus.' By that very sinful act, you shall become one with a phallus for a face."

Verse 108 (padma.5.109.108)

शिश्नाग्रे विवरं चक्रं जिह्वानासादिवर्जितः । पूर्वं मन्नामवक्तृत्वाद्वक्ता चापि भविष्यसि

śiśnāgre vivaraṁ cakraṁ jihvānāsādivarjitaḥ pūrvaṁ mannāmavaktṛtvādvaktā cāpi bhaviṣyasi

"At the tip of that phallus-face I shall make an opening, since you shall be devoid of tongue and nose; yet, because you formerly did speak my name, you shall become a speaker still."

Verse 109 (padma.5.109.109)

अथेशवचनात्सोपि तथाभूतोभवत्क्षणात् । शंभुरुवाच- य इदं शृणुयान्नित्यं पुराणाख्यानमुत्तमम्

atheśavacanātsopi tathābhūtobhavatkṣaṇāt śaṁbhuruvāca- ya idaṁ śṛṇuyānnityaṁ purāṇākhyānamuttamam

Then, at Ishvara's word, he too instantly became of that very form. Shambhu said: Whoever ever hears this excellent Purana-tale—

Verse 110 (padma.5.109.110)

विमुक्तपापबंधश्च शिवभक्तो भविष्यति । स याति च शिवस्थाने वक्ता चापि तथा भवेत्

vimuktapāpabaṁdhaśca śivabhakto bhaviṣyati sa yāti ca śivasthāne vaktā cāpi tathā bhavet

—freed from the bondage of sin, shall become a devotee of Shiva; he goes to the abode of Shiva, and the reciter too shall attain the same.

Verse 111 (padma.5.109.111)

यश्च वक्ति कथामेनां हरेण सदृशो भवेत् । उक्त्वा कथामिमां पूर्वमधीरो नाम भूमिपः

yaśca vakti kathāmenāṁ hareṇa sadṛśo bhavet uktvā kathāmimāṁ pūrvamadhīro nāma bhūmipaḥ

And whoever narrates this tale becomes equal to Hara himself. Having formerly related this very tale, a king named Adhira—

Verse 112 (padma.5.109.112)

स्वर्गं स गतवान्राजा कृतपापोथ भार्यया

svargaṁ sa gatavānrājā kṛtapāpotha bhāryayā

—though he had committed sin, went to heaven together with his wife.