The Rout of Viramani

Verse 1 (padma.5.42.1)

शेष उवाच। आह्वयंतं महासैन्यवारिधौ पुष्कलं नृपम् । समालक्ष्य कपींद्रोऽपि हनूमांस्तमधावत

śeṣa uvāca āhvayaṁtaṁ mahāsainyavāridhau puṣkalaṁ nṛpam samālakṣya kapīṁdro'pi hanūmāṁstamadhāvata

Shesha said: Seeing King Pushkala challenging all comers in that ocean of a great army, Hanuman, lord of monkeys, rushed toward him.

Verse 2 (padma.5.42.2)

लांगूलमुद्यम्य विशालदेहं । सरावमातत्य पयोदघोषम् । रणस्थितान्वीरवरान्कपींद्रो । जगाम तं वीरमणिं नृपेन्द्रम्

lāṁgūlamudyamya viśāladehaṁ sarāvamātatya payodaghoṣam raṇasthitānvīravarānkapīṁdro jagāma taṁ vīramaṇiṁ nṛpendram

Raising his huge tail, his mighty form roaring like a thundercloud, the lord of monkeys passed the finest heroes standing in the battle and advanced toward that jewel among warrior-kings.

Verse 3 (padma.5.42.3)

आयांतं तं हनूमंतं वीक्ष्य पुष्कल उद्भटः । विलोकयामासदृशा वैरिक्रोध सुशोणया

āyāṁtaṁ taṁ hanūmaṁtaṁ vīkṣya puṣkala udbhaṭaḥ vilokayāmāsadṛśā vairikrodha suśoṇayā

Seeing Hanuman approaching, the fierce Pushkala regarded him with a gaze reddened by anger toward a foe.

Verse 4 (padma.5.42.4)

जगाद तं हनूमंतं पुष्कलः परमास्त्रवित् । मेघगंभीरया वाचा नादयन्रणमंडलम्

jagāda taṁ hanūmaṁtaṁ puṣkalaḥ paramāstravit meghagaṁbhīrayā vācā nādayanraṇamaṁḍalam

Pushkala, master of the supreme weapons, spoke to Hanuman in a voice deep as thunder, making the battlefield resound.

Verse 5 (padma.5.42.5)

पुष्कल उवाच। कथं त्वं समरे योद्धुमागतोसि महाकपे । कियद्बलं स्वल्पमेतद्राज्ञो वीरमणेर्महत्

puṣkala uvāca kathaṁ tvaṁ samare yoddhumāgatosi mahākape kiyadbalaṁ svalpametadrājño vīramaṇermahat

Pushkala said: "Why have you come to fight in this battle, O great monkey? However small this strength of King Viramani may truly be, he himself deems it great."

Verse 6 (padma.5.42.6)

यत्र त्रिजगती सर्वा संमुखे समुपागता । तत्र त्वं लीलया योद्धुं यातुमिच्छसि वा न वा

yatra trijagatī sarvā saṁmukhe samupāgatā tatra tvaṁ līlayā yoddhuṁ yātumicchasi vā na vā

"Here, where the whole of the three worlds has come to stand before me, do you wish merely to go and fight for sport, or not?"

Verse 7 (padma.5.42.7)

कोयं राजा वीरमणिः कियद्बलमथाल्पकम् । अत्रागमनमत्युग्रं तव वीर न भाव्यते

koyaṁ rājā vīramaṇiḥ kiyadbalamathālpakam atrāgamanamatyugraṁ tava vīra na bhāvyate

"Who is this King Viramani, and how slight indeed is his strength? Your coming here in such fierce resolve, O hero, does not seem fitting."

Verse 8 (padma.5.42.8)

रघुनाथकृपापांगादहं निस्तीर्य दुस्तरम् । क्षणान्निर्यामि कीशेंद्र मा चित्तं कुरु संगरे

raghunāthakṛpāpāṁgādahaṁ nistīrya dustaram kṣaṇānniryāmi kīśeṁdra mā cittaṁ kuru saṁgare

"By the glance of Raghunatha's grace I cross even the uncrossable in a moment and depart from here. O lord of monkeys, set not your mind on this combat."

Verse 9 (padma.5.42.9)

त्वया राक्षसपाथोधिस्तीर्णो रामकृपाव्रजात् । तथा रामं सुसंस्मृत्य निस्तरिष्यामि दुस्तरम्

tvayā rākṣasapāthodhistīrṇo rāmakṛpāvrajāt tathā rāmaṁ susaṁsmṛtya nistariṣyāmi dustaram

"By the strength of that same current of Rama's grace you once crossed the ocean of demons; so too, remembering Rama well, I shall cross this uncrossable danger."

Verse 10 (padma.5.42.10)

ये केचिद्दुस्तरं प्राप्य रघुनाथं स्मरंति च । तेषां दुःखोदधिः शुष्को भविष्यति न संशयः

ye keciddustaraṁ prāpya raghunāthaṁ smaraṁti ca teṣāṁ duḥkhodadhiḥ śuṣko bhaviṣyati na saṁśayaḥ

"Whoever, having fallen into hardship, calls Raghunatha to mind — for him, without doubt, the very ocean of sorrow runs dry."

Verse 11 (padma.5.42.11)

तस्माद्व्रज महावीर शत्रुघ्नसविधे बलिन् । एष आयामि निर्जित्य भूपं वीरमणिं क्षणात्

tasmādvraja mahāvīra śatrughnasavidhe balin eṣa āyāmi nirjitya bhūpaṁ vīramaṇiṁ kṣaṇāt

"Therefore go, O mighty and powerful hero, to Shatrughna's side; I myself shall come there in a moment, having conquered King Viramani."

Verse 12 (padma.5.42.12)

शेष उवाच। इति धीरां समाकर्ण्य वाणीं पुष्कलभाषिताम् । जगाद वचनं भूयः पुष्कलं परवीरहा

śeṣa uvāca iti dhīrāṁ samākarṇya vāṇīṁ puṣkalabhāṣitām jagāda vacanaṁ bhūyaḥ puṣkalaṁ paravīrahā

Shesha said: Hearing this brave speech of Pushkala, Hanuman, slayer of enemy heroes, spoke once more to Pushkala.

Verse 13 (padma.5.42.13)

हनुमानुवाच। पुत्र मा साहसं कार्षीर्भूपं वीरमणिं प्रति । एष दाता शरण्यश्च बलशौर्यसमन्वितः

hanumānuvāca putra mā sāhasaṁ kārṣīrbhūpaṁ vīramaṇiṁ prati eṣa dātā śaraṇyaśca balaśauryasamanvitaḥ

Hanuman said: "My son, do not act rashly toward King Viramani. He is generous, kind to those who seek refuge, and endowed with strength and valor."

Verse 14 (padma.5.42.14)

त्वं बालः स्थविरो भूपोऽखिलशस्त्रास्त्रवित्तमः । अनेके विजिताः संख्ये वीराः शौर्यसुशोभिनः

tvaṁ bālaḥ sthaviro bhūpo'khilaśastrāstravittamaḥ aneke vijitāḥ saṁkhye vīrāḥ śauryasuśobhinaḥ

"You are but a child, while that king is old and foremost in mastery of every weapon and missile. In battle he has conquered many warriors resplendent in valor."

Verse 15 (padma.5.42.15)

जानीहि पार्श्वे तस्य त्वं रक्षितारं सदाशिवम् । भक्त्या वशीकृतं स्थाणुं सोमं चैतत्पुरिस्थितम्

jānīhi pārśve tasya tvaṁ rakṣitāraṁ sadāśivam bhaktyā vaśīkṛtaṁ sthāṇuṁ somaṁ caitatpuristhitam

"Know that at his side stands his protector, Sadashiva — that steadfast Lord who, made subject by his devotion, has been enshrined together with Soma in this very city."

Verse 16 (padma.5.42.16)

तस्मादहमनेनैव योत्स्ये भूपेन पुष्कल । अन्यान्वीरान्विजित्वा त्वं कीर्तिमाप्नुहि पुष्कलाम्

tasmādahamanenaiva yotsye bhūpena puṣkala anyānvīrānvijitvā tvaṁ kīrtimāpnuhi puṣkalām

"Therefore let me alone fight this king, O Pushkala; you go and conquer other warriors, and win yourself abundant fame."

Verse 17 (padma.5.42.17)

पुष्कल उवाच। शिवो भक्त्या वशीकृत्य स्वपुरे स्थापितोऽमुना । परमस्याशु हृदयेन तिष्ठति महेश्वरः

puṣkala uvāca śivo bhaktyā vaśīkṛtya svapure sthāpito'munā paramasyāśu hṛdayena tiṣṭhati maheśvaraḥ

Pushkala said: "Though he has made Shiva subject by devotion and enshrined him in his own city, yet Maheshvara truly abides in the heart of the Supreme Lord alone."

Verse 18 (padma.5.42.18)

सदाशिवोयमाराध्य परमं स्थानमागतः । स रामो मन्मनस्त्यक्त्वा न क्वापि परिगच्छति

sadāśivoyamārādhya paramaṁ sthānamāgataḥ sa rāmo manmanastyaktvā na kvāpi parigacchati

"This Sadashiva, having been worshipped, has attained his supreme abode; but Rama never departs from my mind to go elsewhere."

Verse 19 (padma.5.42.19)

यत्र रामस्तत्र विश्वं सर्वं स्थास्नु चरिष्णु च । तस्मादहं जयिष्यामि रणे वीरमणिं नृपम्

yatra rāmastatra viśvaṁ sarvaṁ sthāsnu cariṣṇu ca tasmādahaṁ jayiṣyāmi raṇe vīramaṇiṁ nṛpam

"Where Rama is, there is the whole universe — all that is fixed and all that moves. Therefore I alone shall conquer King Viramani in this battle."

Verse 20 (padma.5.42.20)

व्रज त्वं समरे योद्धुमन्यान्मानिवरान्नृपान् । वीरसिंहमुखान्कीश मच्चिंतां मा कुरु प्रभो

vraja tvaṁ samare yoddhumanyānmānivarānnṛpān vīrasiṁhamukhānkīśa macciṁtāṁ mā kuru prabho

"Go instead, O lord of monkeys, and fight those other proud, lion-like kings in battle — do not trouble your mind over me."

Verse 21 (padma.5.42.21)

वाचमित्थं समाकर्ण्य हनूमान्धीरसेविताम् । जगाम समरे योद्धुं वीरसिंहं नृपानुजम्

vācamitthaṁ samākarṇya hanūmāndhīrasevitām jagāma samare yoddhuṁ vīrasiṁhaṁ nṛpānujam

Hearing this resolute speech, Hanuman went off to fight in battle with Virasimha, the king's younger brother.

Verse 22 (padma.5.42.22)

लक्ष्मीनिधिः सुतेनास्य शुभांगदसुसंज्ञिना । द्वैरथेन प्रयुयुधे महाशस्त्रास्त्रवेदिना

lakṣmīnidhiḥ sutenāsya śubhāṁgadasusaṁjñinā dvairathena prayuyudhe mahāśastrāstravedinā

Lakshminidhi fought a single combat with his son, well named Shubhangada, who was skilled in the great weapons and missiles.

Verse 23 (padma.5.42.23)

बलमित्रेण सुमदः स्वप्रतापबलोर्जितः । योद्धुं सशस्त्रः संग्रामं विचचार नृपात्मजः

balamitreṇa sumadaḥ svapratāpabalorjitaḥ yoddhuṁ saśastraḥ saṁgrāmaṁ vicacāra nṛpātmajaḥ

Sumada, mighty in his own valor and strength, moved armed across the battlefield to fight with the prince Balamitra.

Verse 24 (padma.5.42.24)

आह्वयंतं नृपं दृष्ट्वा द्वैरथे युद्धकोविदः । पुष्कलो रुक्मखचिते रथे तिष्ठन्ययौ हि तम्

āhvayaṁtaṁ nṛpaṁ dṛṣṭvā dvairathe yuddhakovidaḥ puṣkalo rukmakhacite rathe tiṣṭhanyayau hi tam

Seeing the king challenging him to single combat, Pushkala, skilled in war, standing upon his gold-inlaid chariot, advanced toward him.

Verse 25 (padma.5.42.25)

राजा तमागतं दृष्ट्वा पुष्कलं युद्धकोविदम् । उवाच निर्भिया वाण्या रणमध्ये सुभाषितः

rājā tamāgataṁ dṛṣṭvā puṣkalaṁ yuddhakovidam uvāca nirbhiyā vāṇyā raṇamadhye subhāṣitaḥ

The king, seeing war-skilled Pushkala thus approaching, spoke to him fearlessly and eloquently in the midst of the battle.

Verse 26 (padma.5.42.26)

वीरमणिरुवाच। बालमायाहि मां क्रुद्धं संग्रामे चंडकोपनम् । गच्छ प्राणपरीप्सायै मा युद्धं कुरु मे सह

vīramaṇiruvāca bālamāyāhi māṁ kruddhaṁ saṁgrāme caṁḍakopanam gaccha prāṇaparīpsāyai mā yuddhaṁ kuru me saha

Viramani said: "O child, come not before me, angry and fiercely wrathful as I am in this battle. Go, to save your own life — do not fight with me."

Verse 27 (padma.5.42.27)

त्वादृशान्बालकान्भूपा मादृशाः कृपयंति हि । प्रहरंति न चैतान्वै तस्माद्गच्छ रणाद्बहिः

tvādṛśānbālakānbhūpā mādṛśāḥ kṛpayaṁti hi praharaṁti na caitānvai tasmādgaccha raṇādbahiḥ

"Kings such as I show mercy indeed to children such as you; they do not strike them. Therefore go now, out from this battle."

Verse 28 (padma.5.42.28)

यावत्त्वं न मया दृष्टश्चक्षुर्भ्यां तावदुन्मनाः । सांप्रतं त्वां प्रहर्तुं न मनः समभिकांक्षति

yāvattvaṁ na mayā dṛṣṭaścakṣurbhyāṁ tāvadunmanāḥ sāṁprataṁ tvāṁ prahartuṁ na manaḥ samabhikāṁkṣati

"As long as I had not seen you with my own eyes I was restless with anger; but now my mind does not truly wish to strike you."

Verse 29 (padma.5.42.29)

यत्त्वया मत्सुतो बाणैर्भिन्नो मूर्च्छीकृतः पुनः । सर्वं मया क्षांतमद्य तवबालधियो महत्

yattvayā matsuto bāṇairbhinno mūrcchīkṛtaḥ punaḥ sarvaṁ mayā kṣāṁtamadya tavabāladhiyo mahat

"That my son was pierced by your arrows and cast into a swoon — all this I have forgiven today, seeing the great innocence of a child's mind."

Verse 30 (padma.5.42.30)

इति वाक्यं समाकर्ण्य पुष्कलो निजगाद तम् । पुष्कल उवाच। बालोऽहं त्वं महावृद्धः सर्वशस्त्रास्त्रकोविदः

iti vākyaṁ samākarṇya puṣkalo nijagāda tam puṣkala uvāca bālo'haṁ tvaṁ mahāvṛddhaḥ sarvaśastrāstrakovidaḥ

Hearing these words, Pushkala replied to him. Pushkala said: "I am indeed a child, and you are aged and skilled in all weapons and missiles —"

Verse 31 (padma.5.42.31)

क्षत्रियाणां मतं चैव ये बलाधिक्यसंयुताः । त एव वृद्धा भूपाग्र्य न वयोवृद्धतां गताः

kṣatriyāṇāṁ mataṁ caiva ye balādhikyasaṁyutāḥ ta eva vṛddhā bhūpāgrya na vayovṛddhatāṁ gatāḥ

"— yet it is the very creed of kshatriyas, O best of kings, that those endowed with superior strength are the truly 'elder' ones, not those who have merely grown old in years."

Verse 32 (padma.5.42.32)

मया ते मूर्च्छितः पुत्रः सशौर्यबलदर्पितः । इदानीं त्वामहं शस्त्रैः पातयिष्यामि संगरे

mayā te mūrcchitaḥ putraḥ saśauryabaladarpitaḥ idānīṁ tvāmahaṁ śastraiḥ pātayiṣyāmi saṁgare

"Your son, proud of his valor and strength, I have already cast into a swoon; now I shall bring you down too with my weapons in this battle."

Verse 33 (padma.5.42.33)

तस्मात्त्वं यत्नतस्तिष्ठ राजन्संग्राममूर्धनि । रामभक्तं न मां कश्चिज्जयतींद्रपदे स्थितः

tasmāttvaṁ yatnatastiṣṭha rājansaṁgrāmamūrdhani rāmabhaktaṁ na māṁ kaścijjayatīṁdrapade sthitaḥ

"Therefore, O king, stand firm and watchful at the forefront of this battle. Not even one enthroned in the very seat of Indra can conquer me, a devotee of Rama."

Verse 34 (padma.5.42.34)

इत्थं भाषितमाश्रुत्य पुष्कलस्य नृपाग्रणीः । जहास बालं संवीक्ष्य कोपं च व्यदधात्पुनः

itthaṁ bhāṣitamāśrutya puṣkalasya nṛpāgraṇīḥ jahāsa bālaṁ saṁvīkṣya kopaṁ ca vyadadhātpunaḥ

Hearing Pushkala speak thus, the foremost of kings laughed, seeing him as but a child, and yet grew angry once more.

Verse 35 (padma.5.42.35)

तं वै कुपितमालक्ष्य भरतात्मज उन्मदः । जघान शरविंशत्या राजानं हृदि तीक्ष्णया

taṁ vai kupitamālakṣya bharatātmaja unmadaḥ jaghāna śaraviṁśatyā rājānaṁ hṛdi tīkṣṇayā

Seeing him thus angered, the exultant son of Bharata's line struck the king in the chest with twenty sharp arrows.

Verse 36 (padma.5.42.36)

राजा तानागतान्दृष्ट्वा बाणांस्तेन विमोचितान् । चिच्छेद परमक्रुद्धः शरैस्तीक्ष्णैरनेकधा

rājā tānāgatāndṛṣṭvā bāṇāṁstena vimocitān ciccheda paramakruddhaḥ śaraistīkṣṇairanekadhā

Seeing those arrows coming, loosed by him, the deeply enraged king cut them to pieces in many ways with his own sharp arrows.

Verse 37 (padma.5.42.37)

तद्बाणच्छेदनं दृष्ट्वा भारतिः परवीरहा । चुकोप हृदयेऽत्यंतं राजानं च त्रिभिः शरैः

tadbāṇacchedanaṁ dṛṣṭvā bhāratiḥ paravīrahā cukopa hṛdaye'tyaṁtaṁ rājānaṁ ca tribhiḥ śaraiḥ

Seeing his arrows thus cut down, Bharati, the slayer of enemy heroes, grew intensely angry at heart, and with three arrows —

Verse 38 (padma.5.42.38)

विव्याध भाले भूपाल पुत्रः पुष्कलसंज्ञकः । तत्र लग्ना विरेजुस्ते त्रिकूटशिखराणि किम्

vivyādha bhāle bhūpāla putraḥ puṣkalasaṁjñakaḥ tatra lagnā virejuste trikūṭaśikharāṇi kim

— pierced the king's forehead; lodged there, those arrows shone as if they were the very peaks of Mount Trikuta.

Verse 39 (padma.5.42.39)

तैर्बाणैर्व्यथितो राजा जघान नवभिः शरैः । हृदये पुष्कलं वीरं महाकोपसमन्वितः । तैर्वत्सदन्तैर्बह्वस्रं पीतं रामानुजाङ्गजम्

tairbāṇairvyathito rājā jaghāna navabhiḥ śaraiḥ hṛdaye puṣkalaṁ vīraṁ mahākopasamanvitaḥ tairvatsadantairbahvasraṁ pītaṁ rāmānujāṅgajam

Pained by those arrows, the king, filled with towering rage, struck the hero Pushkala in the chest with nine arrows, whose calf-tooth-shaped heads drank deep the blood of Shatrughna's own grandson.

Verse 40 (padma.5.42.40)

सर्पा आशीविषा यद्वत्क्रुद्धास्तद्वपुषि स्थिताः । परमं कोपमापन्नः पुष्कलो भूमिपं पुनः

sarpā āśīviṣā yadvatkruddhāstadvapuṣi sthitāḥ paramaṁ kopamāpannaḥ puṣkalo bhūmipaṁ punaḥ

Lodged in his body like enraged, venomous serpents, those arrows remained; filled with extreme fury, Pushkala turned once more upon the king —

Verse 41 (padma.5.42.41)

बाणानां शतकेनाशु बिभेद शितपर्वणाम् । तैर्बाणैः कवचं भिन्नं किरीटः सशिरस्त्रकः

bāṇānāṁ śatakenāśu bibheda śitaparvaṇām tairbāṇaiḥ kavacaṁ bhinnaṁ kirīṭaḥ saśirastrakaḥ

— and swiftly struck him with a hundred sharp, jointed arrows; by those arrows his armor, crown, and helmet were all rent apart.

Verse 42 (padma.5.42.42)

रथो धनुर्महत्सज्यं छिन्नं कोपपरिप्लवात् । क्षतजेन परिप्लुष्टो बाणभिन्नकलेवरः

ratho dhanurmahatsajyaṁ chinnaṁ kopapariplavāt kṣatajena paripluṣṭo bāṇabhinnakalevaraḥ

His chariot and his great, strung bow were also cut down in that flood of fury; drenched in blood, his body torn by arrows —

Verse 43 (padma.5.42.43)

अन्यं स्यंदनमारुह्य जगाम भरतात्मजम् । धन्योसि वीर रामस्य चरणाब्जमधुव्रत

anyaṁ syaṁdanamāruhya jagāma bharatātmajam dhanyosi vīra rāmasya caraṇābjamadhuvrata

— he mounted another chariot and advanced toward the son of Bharata's line: "Blessed are you, O hero, bee at the lotus-feet of Rama —"

Verse 44 (padma.5.42.44)

महत्कृतं कर्म तेऽद्य यदहं विरथीकृतः । प्राणान्रक्षस्व भो वीर सांप्रतं मयि युद्ध्यति

mahatkṛtaṁ karma te'dya yadahaṁ virathīkṛtaḥ prāṇānrakṣasva bho vīra sāṁprataṁ mayi yuddhyati

"— great indeed is the deed you have wrought today, that you have made me chariotless. Save your life now, O hero, while I still fight on."

Verse 45 (padma.5.42.45)

सुलभा न तव प्राणाः कालरूपे मयि स्थिते । इत्युक्त्वा व्यहनद्बाणैरसंख्यैः शस्त्रकोविदः

sulabhā na tava prāṇāḥ kālarūpe mayi sthite ityuktvā vyahanadbāṇairasaṁkhyaiḥ śastrakovidaḥ

"Your life will not easily be spared while I stand before you in the form of Death itself." Having spoken thus, that master of weapons struck him with countless arrows.

Verse 46 (padma.5.42.46)

भूमौ दिशि च तद्बाणा नान्यद्दृश्येत तत्र ह । अनेके गजसाहस्रा भिन्ना अश्वाः समंततः

bhūmau diśi ca tadbāṇā nānyaddṛśyeta tatra ha aneke gajasāhasrā bhinnā aśvāḥ samaṁtataḥ

Those arrows covered the ground and every direction so that nothing else could be seen there; thousands of elephants and horses on every side were pierced.

Verse 47 (padma.5.42.47)

रथारथियुतास्तेन छिन्ना भिन्ना द्विधाकृताः । शोणितौघा सरित्तत्र प्रसुस्राव रणांगणे

rathārathiyutāstena chinnā bhinnā dvidhākṛtāḥ śoṇitaughā sarittatra prasusrāva raṇāṁgaṇe

He cut down chariots together with their charioteers, pierced them, and cleft them in two; there on the battlefield a river of torrential blood came flowing forth.

Verse 48 (padma.5.42.48)

यत्रोन्मदा हि मातंगा दृश्यंते शैलशृंगवत् । केशाः शैवाललक्ष्यास्ते मुहुः प्राणिशिरः स्थिताः

yatronmadā hi mātaṁgā dṛśyaṁte śailaśṛṁgavat keśāḥ śaivālalakṣyāste muhuḥ prāṇiśiraḥ sthitāḥ

There the frenzied elephants appeared like mountain peaks, while the hair on the heads of the fallen, seen there again and again, looked like river-moss.

Verse 49 (padma.5.42.49)

अनेके पाणयश्छिन्ना वीराणां मुद्रिकाश्रियः । दृश्यंते अहिवत्तत्र चंदनादिकरूषिताः

aneke pāṇayaśchinnā vīrāṇāṁ mudrikāśriyaḥ dṛśyaṁte ahivattatra caṁdanādikarūṣitāḥ

Many severed hands of warriors, adorned with rings, lay there resembling serpents, still smeared with sandal-paste and other ointments.

Verse 50 (padma.5.42.50)

शिरांसि च भटाग्र्याणां कच्छपाभां वहंति वै । मांसानि पंका यत्रासन्वीराणां महतां ततः

śirāṁsi ca bhaṭāgryāṇāṁ kacchapābhāṁ vahaṁti vai māṁsāni paṁkā yatrāsanvīrāṇāṁ mahatāṁ tataḥ

The heads of the foremost warriors floated there resembling tortoises, and the flesh of the great heroes became the very mud of that ground.

Verse 51 (padma.5.42.51)

एवं व्यतिकरे वृत्ते योगिन्यः शतशो रणे । पपुः पात्रेण रुधिरं प्राणिनां रणपातिनाम्

evaṁ vyatikare vṛtte yoginyaḥ śataśo raṇe papuḥ pātreṇa rudhiraṁ prāṇināṁ raṇapātinām

While such carnage was thus taking place, hundreds of yoginis on that field drank the blood of the fallen creatures from cups.

Verse 52 (padma.5.42.52)

मांसानि बुभुजुस्ता वै हर्षकौतुकसंयुताः । पीत्वा तु शोणितं तत्र भक्षित्वा मांसमुन्मदाः

māṁsāni bubhujustā vai harṣakautukasaṁyutāḥ pītvā tu śoṇitaṁ tatra bhakṣitvā māṁsamunmadāḥ

Filled with delight and eager curiosity, they feasted on their flesh as well; having drunk the blood and eaten the flesh, they grew wild with intoxication —

Verse 53 (padma.5.42.53)

ननृतुर्जहसुः प्रोच्चैरुज्जगुः प्रधनांगणे । पिशाचास्तत्र समरे प्राणिनां मस्तकानि वै

nanṛturjahasuḥ proccairujjaguḥ pradhanāṁgaṇe piśācāstatra samare prāṇināṁ mastakāni vai

— they danced, laughed aloud, and sang out upon that battlefield; and there in the fray the pishachas took up the very heads of the slain —

Verse 54 (padma.5.42.54)

धृत्वा कराभ्यां मत्तांगास्तालवद्वादनोद्यताः । शिवास्तत्र महामांसं पतितानां रणांगणे

dhṛtvā karābhyāṁ mattāṁgāstālavadvādanodyatāḥ śivāstatra mahāmāṁsaṁ patitānāṁ raṇāṁgaṇe

— holding them in both hands, and with limbs run wild, beat upon them as though they were drums; there jackals feasted on the flesh of the fallen heroes upon the battlefield —

Verse 55 (padma.5.42.55)

भक्षित्वा व्यनदन्मत्ताः कातराणां भयप्रदाः । कातरास्त्राः समापन्ना गताः कुंजरकोटरे

bhakṣitvā vyanadanmattāḥ kātarāṇāṁ bhayapradāḥ kātarāstrāḥ samāpannā gatāḥ kuṁjarakoṭare

— and, growing wild, roared aloud, striking terror into the fainthearted; the terrified and weaponless fled and hid themselves within the hollows of dead elephants.

Verse 56 (padma.5.42.56)

भक्षिता योगिनीभिस्ते पापिनां क्वापि न स्थितिः । एतत्कदनमालक्ष्य स्वसैन्यस्य रथाग्रणीः

bhakṣitā yoginībhiste pāpināṁ kvāpi na sthitiḥ etatkadanamālakṣya svasainyasya rathāgraṇīḥ

They too were devoured by the yoginis — for sinners there is refuge nowhere. Seeing this slaughter of his own army, the foremost charioteer of that host —

Verse 57 (padma.5.42.57)

पुष्कलोऽपि चकारात्र कदनं रणमंडले । भिद्यंते गजशीर्षाणि पतंति मौक्तिकानि तु

puṣkalo'pi cakārātra kadanaṁ raṇamaṁḍale bhidyaṁte gajaśīrṣāṇi pataṁti mauktikāni tu

Pushkala too wrought great slaughter there upon the battlefield; the heads of elephants were split open, scattering pearls from within them.

Verse 58 (padma.5.42.58)

दृश्यते लोमभिः पूर्णा ताम्रपर्णीव तन्नदी । पुष्कलप्रहिता बाणा नृणामंगेषु संगताः । कुर्वंति प्राणविच्छेदं वीराणामपि सर्वतः

dṛśyate lomabhiḥ pūrṇā tāmraparṇīva tannadī puṣkalaprahitā bāṇā nṛṇāmaṁgeṣu saṁgatāḥ kurvaṁti prāṇavicchedaṁ vīrāṇāmapi sarvataḥ

That river, choked with hair, seemed like the Tamraparni river; the arrows loosed by Pushkala, lodging in the limbs of men, took the lives of warriors on every side.

Verse 59 (padma.5.42.59)

सर्वे रुधिरसिक्तांगाः सर्वे च्छिन्ननिजांगकाः । दृश्यंते किंशुका यद्वत्सुभटाः प्रधनांगणे

sarve rudhirasiktāṁgāḥ sarve cchinnanijāṁgakāḥ dṛśyaṁte kiṁśukā yadvatsubhaṭāḥ pradhanāṁgaṇe

All the fine warriors, their limbs drenched in blood, their bodies torn apart, appeared upon the battlefield like blossoming Kimshuka trees.

Verse 60 (padma.5.42.60)

एतस्मिन्समये क्रुद्धः समाभाष्य महीपतिम् । जघान बहुबाणैस्तं रोषपूरपरिप्लुतः

etasminsamaye kruddhaḥ samābhāṣya mahīpatim jaghāna bahubāṇaistaṁ roṣapūrapariplutaḥ

At this moment, swept up in a flood of rage, Pushkala addressed the king and struck him with many arrows.

Verse 61 (padma.5.42.61)

तद्बाणवेधभिन्नांगो विशीर्णकवचो नृपः । महाबलं तं मन्वानः प्राहरच्छरकोटिभिः

tadbāṇavedhabhinnāṁgo viśīrṇakavaco nṛpaḥ mahābalaṁ taṁ manvānaḥ prāharaccharakoṭibhiḥ

The king, his limbs pierced by those arrows and his armor shattered, deeming him truly mighty, struck back with a multitude of arrows.

Verse 62 (padma.5.42.62)

तैर्बाणैः कवचान्मुक्तं सुस्राव बहुशोणितम् । वपुर्बभूव रुचिरं शरपंजरगोचरम्

tairbāṇaiḥ kavacānmuktaṁ susrāva bahuśoṇitam vapurbabhūva ruciraṁ śarapaṁjaragocaram

Stripped of its armor by those arrows, his body streamed with abundant blood, and, caught within that very cage of arrows, became strangely radiant.

Verse 63 (padma.5.42.63)

शरपंजरमध्यस्थो विह्वलीकृतमानसः । शरान्नेतुं च संधातुं न क्षमः स च भारतिः

śarapaṁjaramadhyastho vihvalīkṛtamānasaḥ śarānnetuṁ ca saṁdhātuṁ na kṣamaḥ sa ca bhāratiḥ

Standing there amid that cage of arrows, his mind overwhelmed with distress, Bharati was no longer able even to draw or fit his own arrows.

Verse 64 (padma.5.42.64)

रामं स्मृत्वा धनुर्धृत्वा करे सज्जं महद्दृढम् । मुमोच बाणान्निशितान्वैरिवृंदनिवारणान्

rāmaṁ smṛtvā dhanurdhṛtvā kare sajjaṁ mahaddṛḍham mumoca bāṇānniśitānvairivṛṁdanivāraṇān

Calling Rama to mind, holding his great, sturdy bow ready in hand, he loosed sharp arrows that drove back the throng of foes.

Verse 65 (padma.5.42.65)

तैर्बाणैः शरजालं तद्विधूय मुनिपुंगव । शंखं प्रध्माय समरे जगाद गतभीर्नृपम्

tairbāṇaiḥ śarajālaṁ tadvidhūya munipuṁgava śaṁkhaṁ pradhmāya samare jagāda gatabhīrnṛpam

O foremost of sages, with those arrows he scattered that whole net of arrows, and, blowing his conch upon the battlefield, spoke to the king now free of fear.

Verse 66 (padma.5.42.66)

पुष्कल उवाच। त्वया कृतं महत्कर्म यन्मां बाणस्य पंजरे । गोचरं कृतवान्वीर वीरतापनमुद्भटम्

puṣkala uvāca tvayā kṛtaṁ mahatkarma yanmāṁ bāṇasya paṁjare gocaraṁ kṛtavānvīra vīratāpanamudbhaṭam

Pushkala said: "Great indeed is the deed you have wrought, O hero, in binding me within this fierce cage of arrows that scorches even heroes."

Verse 67 (padma.5.42.67)

वृद्धत्वान्मम मान्योसि सांप्रतं रणमंडले । पश्यमेऽद्य पराक्रांतं राजन्वीरमणे महत्

vṛddhatvānmama mānyosi sāṁprataṁ raṇamaṁḍale paśyame'dya parākrāṁtaṁ rājanvīramaṇe mahat

"On account of your age you are worthy of my respect; but now, O King Viramani, behold this great prowess of mine."

Verse 68 (padma.5.42.68)

बाणत्रयेण भो वीर मूर्च्छितं करवै नहि । तर्हि प्रतिज्ञां शृणु वै सर्ववीरविमोहिनीम्

bāṇatrayeṇa bho vīra mūrcchitaṁ karavai nahi tarhi pratijñāṁ śṛṇu vai sarvavīravimohinīm

"If with three arrows alone, O hero, I do not cast you into a swoon, then hear this vow of mine, one that bewilders every hero —"

Verse 69 (padma.5.42.69)

गंगां प्राप्यापि यो वै तां निंदित्वा पापहारिणीम् । न मज्जति महापापो महामूढविचेष्टितः

gaṁgāṁ prāpyāpi yo vai tāṁ niṁditvā pāpahāriṇīm na majjati mahāpāpo mahāmūḍhaviceṣṭitaḥ

"— whoever, having reached the sin-removing Ganga, yet reviles her, and, acting with the greatest folly, does not bathe in her though steeped in sin —"

Verse 70 (padma.5.42.70)

तस्य पापं ममैवास्तु चेन्न त्वां रणमंडले । पातये मूर्च्छया वीर सन्नद्धो भव भूपते

tasya pāpaṁ mamaivāstu cenna tvāṁ raṇamaṁḍale pātaye mūrcchayā vīra sannaddho bhava bhūpate

"— may that very man's sin fall upon me, O hero, if I do not fell you into a swoon upon this battlefield. Be ready, O king!"

Verse 71 (padma.5.42.71)

इति वाक्यं समाकर्ण्य पुष्कलस्य नृपोत्तमः । चुकोप भृशमुद्विग्नः संदधे निशिताञ्छरान्

iti vākyaṁ samākarṇya puṣkalasya nṛpottamaḥ cukopa bhṛśamudvignaḥ saṁdadhe niśitāñcharān

Hearing these words of Pushkala, the best of kings grew intensely angry and agitated, and fitted sharp arrows to his bow.

Verse 72 (padma.5.42.72)

ते शरा हृदयं भित्त्वा गतास्ते भारतेर्महत् । पेतुः क्षितावधो यद्वद्रामभक्तिपराङ्मुखाः

te śarā hṛdayaṁ bhittvā gatāste bhāratermahat petuḥ kṣitāvadho yadvadrāmabhaktiparāṅmukhāḥ

Those great arrows, piercing the heart of Bharata's descendant, passed clean through and fell to the ground below — as though they themselves had turned away from devotion to Rama.

Verse 73 (padma.5.42.73)

ततः शरं मुमोचास्मै निशितं वह्निसप्रभम् । लक्षीकृत्य महद्वक्षः कपाटतटविस्तृतम्

tataḥ śaraṁ mumocāsmai niśitaṁ vahnisaprabham lakṣīkṛtya mahadvakṣaḥ kapāṭataṭavistṛtam

Then he loosed at him a sharp arrow blazing like fire, aiming it at his broad chest, wide as a great door.

Verse 74 (padma.5.42.74)

स बाणो भूमिपतिना द्विधा छिन्नः शरेण हि । पपात रथमध्ये स रविमंडलवज्ज्वलन्

sa bāṇo bhūmipatinā dvidhā chinnaḥ śareṇa hi papāta rathamadhye sa ravimaṁḍalavajjvalan

That arrow was cut in two by the king with his own arrow; it fell into the middle of the chariot, blazing like the very disc of the sun.

Verse 75 (padma.5.42.75)

अपरं बाणमाधत्त मातृभक्तिभवं ततः । निधाय पुण्यं सोऽप्येष चिच्छेद महता पुनः

aparaṁ bāṇamādhatta mātṛbhaktibhavaṁ tataḥ nidhāya puṇyaṁ so'pyeṣa ciccheda mahatā punaḥ

Then he fitted another arrow, born of devotion to his mother and charged with merit; but the king, once more, cut this one down too with a mighty arrow.

Verse 76 (padma.5.42.76)

तदा खिन्नः स हृदये किंकर्तव्यमिति स्मरन् । रामं हृदि निजार्तिघ्नं मुमोच परमास्त्रवित्

tadā khinnaḥ sa hṛdaye kiṁkartavyamiti smaran rāmaṁ hṛdi nijārtighnaṁ mumoca paramāstravit

Then, distressed at heart, wondering what was to be done, that master of the supreme weapons, calling to mind Rama who removes his own suffering, loosed his final arrow.

Verse 77 (padma.5.42.77)

स बाणस्तस्य हृदये लग्न आशीविषोपमः । मूर्च्छामप्रापयत्तं वै ज्वलन्सूर्यसमप्रभः

sa bāṇastasya hṛdaye lagna āśīviṣopamaḥ mūrcchāmaprāpayattaṁ vai jvalansūryasamaprabhaḥ

That arrow, like a venomous serpent, lodged in his heart; blazing with a splendor equal to the sun, it cast him into a swoon.

Verse 78 (padma.5.42.78)

ततो हाहाकृतं सर्वं पलायनपरायणम् । राज्ञि संमूर्च्छिते जाते पुष्कलो जयमाप्तवान्

tato hāhākṛtaṁ sarvaṁ palāyanaparāyaṇam rājñi saṁmūrcchite jāte puṣkalo jayamāptavān

Then a cry of lamentation arose everywhere, and all turned to flight; when the king had fallen into a swoon, Pushkala won the victory.