The Fall of Hanuman

Verse 1 (padma.5.61.1)

शत्रुघ्न उवाच। जानासि किं महामंत्रिन्को बालो हयमाहरत् । येन मे क्षपितं सर्वं बलं वारिधिसन्निभम्

śatrughna uvāca jānāsi kiṁ mahāmaṁtrinko bālo hayamāharat yena me kṣapitaṁ sarvaṁ balaṁ vāridhisannibham

Shatrughna said: "Do you know, great minister, what boy it is who has carried off the horse, by whom my entire army, vast as the ocean, has been destroyed?"

Verse 2 (padma.5.61.2)

सुमतिरुवाच। स्वामिन्नयं मुनिश्रेष्ठ वाल्मीकेराश्रमो महान् । क्षत्त्रियाणामत्र वासो नास्त्येव परतापन

sumatiruvāca svāminnayaṁ muniśreṣṭha vālmīkerāśramo mahān kṣattriyāṇāmatra vāso nāstyeva paratāpana

Sumati said: "My lord, this is the great hermitage of Valmiki, foremost of sages; here, O scorcher of foes, no kshatriya could ever come to dwell."

Verse 3 (padma.5.61.3)

इंद्रो भविष्यति परममर्षी हयमाहरत् । पुरारिर्वान्यथा वाहं तव कः समुपाहरेत्

iṁdro bhaviṣyati paramamarṣī hayamāharat purārirvānyathā vāhaṁ tava kaḥ samupāharet

"It must surely be Indra, in the greatest fury, who has carried off the horse — or else Purari; otherwise who could seize your horse in this way?"

Verse 4 (padma.5.61.4)

कालजिद्येन नाशं वै प्राप्तः परमदारुणः । तं प्रति श्रीमहाराज गंता कः पुष्कलान्यतः

kālajidyena nāśaṁ vai prāptaḥ paramadāruṇaḥ taṁ prati śrīmahārāja gaṁtā kaḥ puṣkalānyataḥ

"He by whom that most terrible Kalajit met his death — great king, which of your finest would go against him and not turn aside?"

Verse 5 (padma.5.61.5)

त्वं च वीरैर्भटैः सर्वैराजभिः परिवारितः । तत्र गच्छस्व सैन्येन महता शत्रुकृंतन

tvaṁ ca vīrairbhaṭaiḥ sarvairājabhiḥ parivāritaḥ tatra gacchasva sainyena mahatā śatrukṛṁtana

"Go yourself, then, O destroyer of foes, surrounded by all your heroes, warriors, and kings, with a great army."

Verse 6 (padma.5.61.6)

गत्वा स जीवितं वीरं बद्ध्वा तु कुतुकार्थिने । दर्शयिष्यामि रामाय मतं मे त्विदमादृतम्

gatvā sa jīvitaṁ vīraṁ baddhvā tu kutukārthine darśayiṣyāmi rāmāya mataṁ me tvidamādṛtam

"Going there, bind that hero alive, out of sheer wonder, and show him to Rama — this is my own considered advice."

Verse 7 (padma.5.61.7)

इति वाक्यं समाकर्ण्य वीरान्सर्वान्समादिशत् । सैन्येन महता यात यूयमायामि पृष्ठतः

iti vākyaṁ samākarṇya vīrānsarvānsamādiśat sainyena mahatā yāta yūyamāyāmi pṛṣṭhataḥ

Hearing this word, he commanded all his heroes: "Go with the great army; I shall follow behind you."

Verse 8 (padma.5.61.8)

निर्दिष्टास्ते क्षणाद्वीरा जग्मुर्यत्र लवो बली । धनुर्विस्फारयंस्तत्र सुदृढं गुणपूरितम्

nirdiṣṭāste kṣaṇādvīrā jagmuryatra lavo balī dhanurvisphārayaṁstatra sudṛḍhaṁ guṇapūritam

Directed thus, those heroes went at once to where mighty Lava stood, drawing his own sturdy, well-strung bow.

Verse 9 (padma.5.61.9)

आयातं तन्महद्दृष्ट्वा बलं वीरप्रपूरितम् । न किंचिन्मनसा बिभ्येलवेन बलशालिना

āyātaṁ tanmahaddṛṣṭvā balaṁ vīraprapūritam na kiṁcinmanasā bibhyelavena balaśālinā

Seeing that great army arrive, thronged with heroes, mighty Lava was not in the least afraid at heart.

Verse 10 (padma.5.61.10)

लवः सिंह इवोत्तस्थौ मृगान्मत्वाऽखिलान्भटान् । धनुर्विस्फारयन्रोषाच्छरान्मुंचन्सहस्रशः

lavaḥ siṁha ivottasthau mṛgānmatvā'khilānbhaṭān dhanurvisphārayanroṣāccharānmuṁcansahasraśaḥ

Lava rose up like a lion, reckoning every warrior a mere deer, and, drawing his bow in fury, began loosing arrows by the thousand.

Verse 11 (padma.5.61.11)

ते शरैः पीड्यमानास्तु महारोषेण पूरिताः । वीरं बालं मन्यमानाः संमुखं प्राद्रवंस्तदा

te śaraiḥ pīḍyamānāstu mahāroṣeṇa pūritāḥ vīraṁ bālaṁ manyamānāḥ saṁmukhaṁ prādravaṁstadā

Afflicted by those arrows, filled with the greatest fury, taking him for a mere boy-warrior, they then rushed straight at him.

Verse 12 (padma.5.61.12)

वीरान्सहस्रशो दृष्ट्वा भ्रमिभिः पर्यवस्थितान् । लवो जवेन संधाय शरान्रोषप्रपूरितः

vīrānsahasraśo dṛṣṭvā bhramibhiḥ paryavasthitān lavo javena saṁdhāya śarānroṣaprapūritaḥ

Seeing thousands of heroes arrayed in whirling battle formations, Lava, filled with fury, swiftly fitted his arrows —

Verse 13 (padma.5.61.13)

भ्रमिराद्या सहस्रेण द्वितीयायुतसंख्यया । तृतीयायुतयुग्मेन तुरीयायुतपंचभिः

bhramirādyā sahasreṇa dvitīyāyutasaṁkhyayā tṛtīyāyutayugmena turīyāyutapaṁcabhiḥ

— the first circle numbering a thousand, the second ten thousand, the third twice ten thousand, the fourth five times ten thousand —

Verse 14 (padma.5.61.14)

पंचमी लक्षयोधानां षष्ठी योधायुताधिकैः । सप्तमी लक्षयुग्मेन सप्तभिर्भ्रमिभिर्वृतः

paṁcamī lakṣayodhānāṁ ṣaṣṭhī yodhāyutādhikaiḥ saptamī lakṣayugmena saptabhirbhramibhirvṛtaḥ

— the fifth a hundred thousand warriors, the sixth more than a million, the seventh two hundred thousand — surrounded by these seven circles —

Verse 15 (padma.5.61.15)

मध्ये लवो भ्रमिव्याप्तः स चरन्वह्निवत्तदा । दाहयामास सर्वान्वै सैनिकान्भ्रमिकारकान्

madhye lavo bhramivyāptaḥ sa caranvahnivattadā dāhayāmāsa sarvānvai sainikānbhramikārakān

— Lava, in their very midst, encircled by those formations, moved then like fire itself, and burned away every soldier who had raised those circles against him.

Verse 16 (padma.5.61.16)

काचित्खङ्गैः शरैः काचित्काचित्प्रासैश्च कुंतलैः । पट्टिशैः परिघैः सर्वा भ्रमिर्भग्ना महात्मना

kācitkhaṅgaiḥ śaraiḥ kācitkācitprāsaiśca kuṁtalaiḥ paṭṭiśaiḥ parighaiḥ sarvā bhramirbhagnā mahātmanā

Some circle he shattered with swords, some with arrows, some with spears and lances, and every one with maces and iron bars — that great-souled one broke every formation.

Verse 17 (padma.5.61.17)

सप्तभिर्भ्रमिभिर्मुक्तो रराज स कुशानुजः । मेघवृंदविनिर्मुक्तः शशीव शरदागमे

saptabhirbhramibhirmukto rarāja sa kuśānujaḥ meghavṛṁdavinirmuktaḥ śaśīva śaradāgame

Freed from all seven formations, Kusha's younger brother shone forth just as the moon shines, freed from a mass of clouds, when autumn arrives.

Verse 18 (padma.5.61.18)

प्राहरत्सर्वथा योधान्भिंदन्गजकरान्बहून् । छिंदञ्छिरांसि वीराणां चक्रभ्रूणि महांति च

prāharatsarvathā yodhānbhiṁdangajakarānbahūn chiṁdañchirāṁsi vīrāṇāṁ cakrabhrūṇi mahāṁti ca

Striking warriors on every side, piercing the trunks of many elephants, cutting off the very heads of heroes and the great hubs of their chariot-wheels —

Verse 19 (padma.5.61.19)

अनेके पतिता वीरा लवबाणप्रपीडिताः । मुमुहुः समरेऽथान्ये नष्टा अन्ये सुकातराः

aneke patitā vīrā lavabāṇaprapīḍitāḥ mumuhuḥ samare'thānye naṣṭā anye sukātarāḥ

— many heroes fell, afflicted by Lava's arrows; some fainted in that battle, some fled outright, some grew utterly timid.

Verse 20 (padma.5.61.20)

पलायनपरं सैन्यं लवबाणप्रपीडितम् । वीक्ष्य वीरो रणे योद्धुं प्रायात्पुष्कलसंज्ञकः

palāyanaparaṁ sainyaṁ lavabāṇaprapīḍitam vīkṣya vīro raṇe yoddhuṁ prāyātpuṣkalasaṁjñakaḥ

Seeing his army fleeing, afflicted by Lava's arrows, the hero named Pushkala advanced to give battle himself.

Verse 21 (padma.5.61.21)

तिष्ठतिष्ठेति च वदन्रोषपूरितलोचनः । रथे सुहयशोभाढ्ये तिष्ठन्प्रायाल्लवं बली

tiṣṭhatiṣṭheti ca vadanroṣapūritalocanaḥ rathe suhayaśobhāḍhye tiṣṭhanprāyāllavaṁ balī

Crying "Stand, stand!", his eyes filled with fury, standing upon a chariot resplendent with fine horses, that mighty one advanced against Lava.

Verse 22 (padma.5.61.22)

स लवं प्रत्युवाचाथ पुष्कलः परमास्त्रवित् । तिष्ठ दत्ते मया संख्ये रथे सुहयशोभिते

sa lavaṁ pratyuvācātha puṣkalaḥ paramāstravit tiṣṭha datte mayā saṁkhye rathe suhayaśobhite

Then Pushkala, master of the supreme weapons, said to Lava: "Stand — I offer you a place for single combat upon this chariot of fine horses."

Verse 23 (padma.5.61.23)

पदातिना त्वया युद्धं करोमि किमथाहवे । तस्मात्तिष्ठ रथे पश्चाद्युद्ध्येऽहं भवता सह । एतद्वाक्यं निशम्यासौ लवः पुष्कलमब्रवीत्

padātinā tvayā yuddhaṁ karomi kimathāhave tasmāttiṣṭha rathe paścādyuddhye'haṁ bhavatā saha etadvākyaṁ niśamyāsau lavaḥ puṣkalamabravīt

"What glory is there in fighting a foot-soldier such as you? Mount this chariot, then, and afterward I shall fight you." Hearing this word, Lava said to Pushkala —

Verse 24 (padma.5.61.24)

त्वया दत्ते रथे स्थित्वा युद्धं कुर्यामहं रणे । तदा मे पापमेव स्याज्जयः संदिग्ध एव हि

tvayā datte rathe sthitvā yuddhaṁ kuryāmahaṁ raṇe tadā me pāpameva syājjayaḥ saṁdigdha eva hi

"If I fought this battle standing upon a chariot given by you, that would itself be a sin for me — my very victory would remain in doubt."

Verse 25 (padma.5.61.25)

न वयं ब्राह्मणा वीर प्रतिग्रहपरायणाः । वयं तु क्षत्रिया नित्यं दानकर्मक्रियारताः

na vayaṁ brāhmaṇā vīra pratigrahaparāyaṇāḥ vayaṁ tu kṣatriyā nityaṁ dānakarmakriyāratāḥ

"We are no brahmins, O hero, given to accepting gifts; we are kshatriyas, ever devoted instead to the very act of giving."

Verse 26 (padma.5.61.26)

इदानीं त्वद्रथं कोपाद्भनज्मि प्रत्यहं भवान् । पादचारी भवत्येव पश्चाद्युद्धं करिष्यति

idānīṁ tvadrathaṁ kopādbhanajmi pratyahaṁ bhavān pādacārī bhavatyeva paścādyuddhaṁ kariṣyati

"Now, in anger, I shall break your chariot this very day; you will become a foot-soldier yourself, and then we shall fight."

Verse 27 (padma.5.61.27)

पुष्कलो वाक्यमाकर्ण्य धर्मधैर्यसमन्वितम् । विसिस्माय चिरं चित्ते धनुः सज्यमथाकरोत्

puṣkalo vākyamākarṇya dharmadhairyasamanvitam visismāya ciraṁ citte dhanuḥ sajyamathākarot

Hearing this word, so full of righteous resolve, Pushkala remained astonished at heart for a long while; he then strung his own bow.

Verse 28 (padma.5.61.28)

तमात्तधनुषं दृष्ट्वा लवः कोपसमन्वितः । चापं चिच्छेद पाणिस्थं शरसंधानमाचरन्

tamāttadhanuṣaṁ dṛṣṭvā lavaḥ kopasamanvitaḥ cāpaṁ ciccheda pāṇisthaṁ śarasaṁdhānamācaran

Seeing him with bow in hand, Lava, filled with fury, cut the bow in his very grasp before he could even fit an arrow.

Verse 29 (padma.5.61.29)

स यावत्स गुणं चापं कुरुते तावदुद्धतः । रथभंगं चकारास्य समरे प्रहसन्बली

sa yāvatsa guṇaṁ cāpaṁ kurute tāvaduddhataḥ rathabhaṁgaṁ cakārāsya samare prahasanbalī

Even while he was stringing his bow, defiant, mighty Lava, laughing in that battle, shattered his very chariot.

Verse 30 (padma.5.61.30)

भग्नं रथं स्वकं वीक्ष्य धनुश्छिन्नं महात्मना । महावीरं मन्यमानः पदातिः प्राद्रवद्रणे

bhagnaṁ rathaṁ svakaṁ vīkṣya dhanuśchinnaṁ mahātmanā mahāvīraṁ manyamānaḥ padātiḥ prādravadraṇe

Seeing his own chariot broken and his bow cut down by that great-souled one, and deeming him a great hero, he rushed into battle on foot.

Verse 31 (padma.5.61.31)

उभौ धनुर्धरौ वीरावुभावपि शरोद्धतौ । उभौ क्षतजविप्लुष्टौ छिन्नसन्नाहितावुभौ

ubhau dhanurdharau vīrāvubhāvapi śaroddhatau ubhau kṣatajavipluṣṭau chinnasannāhitāvubhau

Both were bow-bearing heroes, both fierce with arrows, both drenched in blood, both their armor cut away —

Verse 32 (padma.5.61.32)

परस्परं बाणघातविशीर्णावपुलक्षितौ । जयाकांक्षां प्रकुर्वंतौ परस्परवधैषिणौ

parasparaṁ bāṇaghātaviśīrṇāvapulakṣitau jayākāṁkṣāṁ prakurvaṁtau parasparavadhaiṣiṇau

— both their bodies marked by the arrow-blows exchanged between them, both desiring victory, both wishing the other's death —

Verse 33 (padma.5.61.33)

जयंतकार्तिकेयौ वा पुरारिः पुरभिद्यथा । एवं परस्परं युद्धं प्रकुर्वाणौ रणांगणे

jayaṁtakārtikeyau vā purāriḥ purabhidyathā evaṁ parasparaṁ yuddhaṁ prakurvāṇau raṇāṁgaṇe

— as though Jayanta and Kartikeya, or Purari and the destroyer of Tripura. Thus fighting one another upon that battlefield —

Verse 34 (padma.5.61.34)

पुष्कलः प्रत्युवाचाथ बालं शूरशिरोमणे । त्वादृशो न मया दृष्टः कश्चिद्वीरशिरोमणिः

puṣkalaḥ pratyuvācātha bālaṁ śūraśiromaṇe tvādṛśo na mayā dṛṣṭaḥ kaścidvīraśiromaṇiḥ

Pushkala then said to that boy: "O crest-jewel of heroes, I have never before seen a crest-jewel of heroes such as you."

Verse 35 (padma.5.61.35)

शिरस्ते पातयाम्यद्य बाणैः शितसुपर्वभिः । मा पलायस्व समरे प्राणान्रक्षस्व संयतः

śiraste pātayāmyadya bāṇaiḥ śitasuparvabhiḥ mā palāyasva samare prāṇānrakṣasva saṁyataḥ

"Now I shall fell your head with sharp, well-jointed arrows; do not flee this battle — be watchful, and guard your own life."

Verse 36 (padma.5.61.36)

एवमुक्त्वा लवं वीरं चकार शरपंजरे । पुष्कलस्य शरा भूमौ नभसि व्याप्य संस्थिताः

evamuktvā lavaṁ vīraṁ cakāra śarapaṁjare puṣkalasya śarā bhūmau nabhasi vyāpya saṁsthitāḥ

Having spoken thus, he bound the hero Lava within a very cage of arrows; Pushkala's shafts spread out, filling the sky and covering the earth.

Verse 37 (padma.5.61.37)

शरपंजरमध्यस्थो लवः पुष्कलमब्रवीत् । महत्कर्म कृतं वीर यन्मां बाणैरपीडयत्

śarapaṁjaramadhyastho lavaḥ puṣkalamabravīt mahatkarma kṛtaṁ vīra yanmāṁ bāṇairapīḍayat

Standing amid that cage of arrows, Lava said to Pushkala: "A great deed indeed have you wrought, O hero, in afflicting me with your arrows."

Verse 38 (padma.5.61.38)

इत्युक्त्वा बाणसंघातं प्रच्छिद्य वचनं पुनः । जगाद पुष्कलं वीरः शरसंधानकोविदः

ityuktvā bāṇasaṁghātaṁ pracchidya vacanaṁ punaḥ jagāda puṣkalaṁ vīraḥ śarasaṁdhānakovidaḥ

Having spoken thus, scattering that whole mass of arrows, that hero, skilled in the fitting of shafts, said once more to Pushkala —

Verse 39 (padma.5.61.39)

पालयात्मानमाजिस्थं मच्छराघातपीडितः । पतिष्यसि महीपृष्ठे रुधिरेण परिप्लुतः

pālayātmānamājisthaṁ maccharāghātapīḍitaḥ patiṣyasi mahīpṛṣṭhe rudhireṇa pariplutaḥ

"Standing here in battle, afflicted by the blows of my own arrows, guard yourself well — you shall fall to the earth, drenched in blood."

Verse 40 (padma.5.61.40)

एवमुक्तं समाकर्ण्य पुष्कलः कोपसंयुतः । रणे संयोधयामास लवं वीरं महाबलम्

evamuktaṁ samākarṇya puṣkalaḥ kopasaṁyutaḥ raṇe saṁyodhayāmāsa lavaṁ vīraṁ mahābalam

Hearing this said, Pushkala, filled with fury, joined battle with that mighty hero Lava.

Verse 41 (padma.5.61.41)

लवः प्रकुपितो बाणं तीक्ष्णं वैरिविदारणम् । जग्राह लवतः कोशादाशीविषमिव क्रुधा

lavaḥ prakupito bāṇaṁ tīkṣṇaṁ vairividāraṇam jagrāha lavataḥ kośādāśīviṣamiva krudhā

Enraged, Lava drew from his own quiver a sharp, foe-rending arrow, taking it up in fury like a very venomous serpent.

Verse 42 (padma.5.61.42)

जाज्वल्यमानः सशरश्चापमुक्तो लवस्य च । हृदयं भेत्तुमुद्युक्तश्छिन्नो भारतिनाशु सः

jājvalyamānaḥ saśaraścāpamukto lavasya ca hṛdayaṁ bhettumudyuktaśchinno bhāratināśu saḥ

Blazing, loosed from Lava's own bow, eager to pierce his very heart, that arrow was swiftly cut down by Bharati.

Verse 43 (padma.5.61.43)

छिन्ने भारतिना संख्ये शरेण प्राणहारिणा । अत्यंतं कुपितो घोरं शरमन्यं समाददे

chinne bhāratinā saṁkhye śareṇa prāṇahāriṇā atyaṁtaṁ kupito ghoraṁ śaramanyaṁ samādade

That life-taking arrow cut down by Bharati in that battle, he, in the greatest fury, took up yet another terrible shaft.

Verse 44 (padma.5.61.44)

आकर्णाकृष्टचापेन स मुक्तो निशितः शरः । बिभेद हृदयं तस्य पुष्कलस्य महारणे

ākarṇākṛṣṭacāpena sa mukto niśitaḥ śaraḥ bibheda hṛdayaṁ tasya puṣkalasya mahāraṇe

Loosed from a bow drawn back to his very ear, that sharp arrow pierced Pushkala's own heart in that great battle.

Verse 45 (padma.5.61.45)

भिन्नो वक्षसि वीरेण सायकेनाशुगामिना । पपात धरणीपृष्ठे महाशूरशिरोमणिः

bhinno vakṣasi vīreṇa sāyakenāśugāminā papāta dharaṇīpṛṣṭhe mahāśūraśiromaṇiḥ

Pierced in the chest by that hero's swift-flying arrow, that crest-jewel of the greatest warriors fell to the surface of the earth.

Verse 46 (padma.5.61.46)

पतितं तं समालोक्य पुष्कलं पवनात्मजः । गृहीत्वा राघवभ्रात्रे ददौ मूर्च्छासमन्वितम्

patitaṁ taṁ samālokya puṣkalaṁ pavanātmajaḥ gṛhītvā rāghavabhrātre dadau mūrcchāsamanvitam

Seeing him fallen, the son of the wind lifted Pushkala up and gave him over, still in his swoon, to Raghava's own brother.

Verse 47 (padma.5.61.47)

मूर्च्छितं तं समालोक्य शोकविह्वलमानसः । हनूमंतं लवं हंतुं निदिदेश क्रुधान्वितः

mūrcchitaṁ taṁ samālokya śokavihvalamānasaḥ hanūmaṁtaṁ lavaṁ haṁtuṁ nidideśa krudhānvitaḥ

Seeing him thus in a swoon, his mind overwhelmed with sorrow, he, filled with fury, commanded Hanuman to slay Lava.

Verse 48 (padma.5.61.48)

हनूमान्क्रोधसंप्लुष्टो लवं संख्ये महाबलम् । विजेतुं तरसा प्रागाद्वृक्षमुद्यम्य शाल्मलिम्

hanūmānkrodhasaṁpluṣṭo lavaṁ saṁkhye mahābalam vijetuṁ tarasā prāgādvṛkṣamudyamya śālmalim

Hanuman, blazing with fury, swiftly advanced to conquer great hero Lava in that battle, uprooting a silk-cotton tree as he went.

Verse 49 (padma.5.61.49)

वृक्षेण हतवान्मूर्ध्नि लवस्य हनुमान्बली । तमापतंतं तरसा चिच्छेद शतधा लवः

vṛkṣeṇa hatavānmūrdhni lavasya hanumānbalī tamāpataṁtaṁ tarasā ciccheda śatadhā lavaḥ

Mighty Hanuman struck at Lava's head with that tree; and Lava, with speed, cut that hurtling tree into a hundred pieces.

Verse 50 (padma.5.61.50)

छिन्ने नगे पुनः कोपाद्वृक्षानुत्पाट्य मूलतः । ताडयामास हृदये मस्तके च महाबलः

chinne nage punaḥ kopādvṛkṣānutpāṭya mūlataḥ tāḍayāmāsa hṛdaye mastake ca mahābalaḥ

That tree cut down, in fury once more he tore up trees by their very roots, and struck at that mighty one's chest and head.

Verse 51 (padma.5.61.51)

यान्यान्वृक्षान्समाहृत्याताडयत्पवनात्मजः । तांस्तांश्चिच्छेद तरसा बलवान्नतपर्वभिः

yānyānvṛkṣānsamāhṛtyātāḍayatpavanātmajaḥ tāṁstāṁściccheda tarasā balavānnataparvabhiḥ

Whatever trees the son of the wind brought to strike him with, that mighty one swiftly cut down every one, with his own well-jointed arrows.

Verse 52 (padma.5.61.52)

तदा शिलाः समुत्पाट्य गंडशैलोपमाः कपिः । पातयामास शिरसि क्षिप्रवेगेन मारुतिः

tadā śilāḥ samutpāṭya gaṁḍaśailopamāḥ kapiḥ pātayāmāsa śirasi kṣipravegena mārutiḥ

Then, tearing up great boulders like crags of rock, the monkey Maruti hurled them down upon his head with the swiftest force.

Verse 53 (padma.5.61.53)

स आहतः शिलासंघैः संख्ये कोदंडमुन्नयन् । बाणैस्ताश्चूर्णयामास यंत्रिकाभिर्यथा कणाः

sa āhataḥ śilāsaṁghaiḥ saṁkhye kodaṁḍamunnayan bāṇaistāścūrṇayāmāsa yaṁtrikābhiryathā kaṇāḥ

Struck by those masses of boulders, raising his bow in that battle, he pulverized them with his arrows as a mill grinds grain to powder.

Verse 54 (padma.5.61.54)

तदात्यंतं प्रकुपितो मारुतिः पुच्छवेष्टनम् । चकार समरोपांते लवस्य बलिनः कृती

tadātyaṁtaṁ prakupito mārutiḥ pucchaveṣṭanam cakāra samaropāṁte lavasya balinaḥ kṛtī

Then, greatly enraged, clever Hanuman wound his own tail about mighty Lava at the very edge of that battle.

Verse 55 (padma.5.61.55)

स्वं पुच्छेन समाविद्धं वीक्ष्य स्वांबां हृदि स्मरन् । मुष्टिना ताडयामास लांगूलं मारुतेर्बली

svaṁ pucchena samāviddhaṁ vīkṣya svāṁbāṁ hṛdi smaran muṣṭinā tāḍayāmāsa lāṁgūlaṁ māruterbalī

Seeing himself thus bound fast by that tail, calling his own mother to mind in his heart, that mighty one struck Maruti's tail with his fist.

Verse 56 (padma.5.61.56)

तन्मुष्टिघातव्यथितो मारुतिस्तममूमुचत् । स मुक्तः पुच्छतो युद्धे शरान्मुंचन्नभूद्बली

tanmuṣṭighātavyathito mārutistamamūmucat sa muktaḥ pucchato yuddhe śarānmuṁcannabhūdbalī

Pained by that blow of the fist, Maruti released him; and freed from that tail, loosing arrows once more in battle, he grew mighty again.

Verse 57 (padma.5.61.57)

दुर्वारशरघातेन संपीडिततनुः कपिः । बाणवर्षं मन्यमानो दुःसहं समरे बहु

durvāraśaraghātena saṁpīḍitatanuḥ kapiḥ bāṇavarṣaṁ manyamāno duḥsahaṁ samare bahu

His body afflicted now by the blows of unceasing arrows, that monkey, finding this rain of arrows unbearable in that great battle —

Verse 58 (padma.5.61.58)

किंकर्तव्यमितोऽस्माभिः पलाय्य यदि गम्यते । तदा मे स्वामिनो लज्जा ताडयेद्बालकोऽत्र माम्

kiṁkartavyamito'smābhiḥ palāyya yadi gamyate tadā me svāmino lajjā tāḍayedbālako'tra mām

— thought to himself: "What is to be done now? If I flee, this boy here will bring dishonor upon my own lord."

Verse 59 (padma.5.61.59)

ब्रह्मदत्तवरत्वात्तु मूर्च्छा न मरणं नहि । दुःसहा बाणपीडात्र किं कर्तव्यं मयाधुना

brahmadattavaratvāttu mūrcchā na maraṇaṁ nahi duḥsahā bāṇapīḍātra kiṁ kartavyaṁ mayādhunā

"Yet, by the boon Brahma once granted me, only a swoon can befall me, never death; still this pain of arrows is unbearable — what should I do now?"

Verse 60 (padma.5.61.60)

शत्रुघ्नः समरे गत्वा जयं प्राप्नोतु बालकात् । अहं तावज्जयाकांक्षी शये कपटमूर्च्छया

śatrughnaḥ samare gatvā jayaṁ prāpnotu bālakāt ahaṁ tāvajjayākāṁkṣī śaye kapaṭamūrcchayā

"Let Shatrughna himself go into this battle and win victory over this boy; wishing for his triumph, I shall lie down now in a feigned swoon."

Verse 61 (padma.5.61.61)

इत्येवं मानसे कृत्वा पपात रणमंडले । पश्यतां सर्ववीराणां कपटेन विमूर्च्छितः

ityevaṁ mānase kṛtvā papāta raṇamaṁḍale paśyatāṁ sarvavīrāṇāṁ kapaṭena vimūrcchitaḥ

Having resolved thus in his mind, he fell to the battlefield, feigning a swoon by cunning, before the eyes of all the assembled heroes.

Verse 62 (padma.5.61.62)

तं मूर्च्छितं समाज्ञाय हनूमंतं महाबलम् । जघान सर्वान्नृपतीञ्छरमोक्षविचक्षणः

taṁ mūrcchitaṁ samājñāya hanūmaṁtaṁ mahābalam jaghāna sarvānnṛpatīñcharamokṣavicakṣaṇaḥ

Knowing mighty Hanuman thus fallen in a swoon, Lava, that master of the release of arrows, struck down every one of the remaining kings.