The Glory of the Rudraksha

Verse 1 (shiva.vidyeshvara.25.1)

सूत उवाच । शौनकर्षे महाप्राज्ञ शिवरूप महापते । शृणु रुद्राक्षमाहात्म्यं समासात् कथयाम्यहम् ॥ 25.1 ॥

sūta uvāca śaunakarṣe mahāprājña śivarūpa mahāpate śaṛṇu rudrākṣamāhātmyaṁ samāsāt kathayāmyaham

Suta said: O greatly wise sage Shaunaka, O lord in the very form of Shiva! Listen — I shall tell, in brief, the greatness of the rudraksha.

Verse 2 (shiva.vidyeshvara.25.2)

शिवप्रियतमो ज्ञेयो रुद्राक्षः परपावनः । दर्शनात् स्पर्शनाज्जाप्यात् सर्वपापहरः स्मृतः ॥ 25.2 ॥

śivapriyatamo jñeyo rudrākṣaḥ parapāvanaḥ darśanāt sparśanājjāpyāt sarvapāpaharaḥ smṛtaḥ

The rudraksha should be known as most dear to Shiva, supremely purifying; by sight, by touch, and by japa with it, it is held to remove all sin.

Verse 3 (shiva.vidyeshvara.25.3)

पुरा रुद्राक्षमहिमा देव्यग्रे कथितो मुने । लोकोपकरणार्थाय शिवेन परमात्मना ॥ 25.3 ॥

purā rudrākṣamahimā devyagre kathito mune lokopakaraṇārthāya śivena paramātmanā

O sage, formerly the greatness of the rudraksha was told by Shiva, the Supreme Self, before the Goddess, for the welfare of the world.

Verse 4 (shiva.vidyeshvara.25.4)

शिव उवाच । श्रूयतां तु महेशानि रुद्राक्षमहिमा शिवे । कथयामि तव प्रीत्या भक्तानां हितकाम्यया ॥ 25.4 ॥

śiva uvāca śrūyatāṁ tu maheśāni rudrākṣamahimā śive kathayāmi tava prītyā bhaktānāṁ hitakāmyayā

Shiva said: Listen then, O Maheshani, O gracious one, to the greatness of the rudraksha; out of love for you, and wishing the welfare of devotees, I tell it.

Verse 5 (shiva.vidyeshvara.25.5)

दिव्यवर्षसहस्राणि महेशानि पुनः पुरा । तपः प्रकुर्वतस्त्रस्तं मनः संयम्य वै मम ॥ 25.5 ॥

divyavarṣasahasrāṇi maheśāni punaḥ purā tapaḥ prakurvatastrastaṁ manaḥ saṁyamya vai mama

O Maheshani, once long ago, while performing austerity for a thousand divine years, I had restrained my mind.

Verse 6 (shiva.vidyeshvara.25.6)

स्वतन्त्रेण परेशेन लोकोपकृतिकारिणा । लीलया परमेशानि चक्षुरुन्मीलितं मया ॥ 25.6 ॥

svatantreṇa pareśena lokopakṛtikāriṇā līlayā parameśāni cakṣurunmīlitaṁ mayā

Then I, the self-sufficient Supreme Lord, acting for the good of the world, opened my eyes, O Parameshvari, in divine play.

Verse 7 (shiva.vidyeshvara.25.7)

पुटाभ्यां चारुचक्षुर्भ्यां पतिता जलबिन्दवः । तत्राश्रुबिन्दुतो जाता वृक्षा रुद्राक्षसंज्ञकाः ॥ 25.7 ॥

puṭābhyāṁ cārucakṣurbhyāṁ patitā jalabindavaḥ tatrāśrubinduto jātā vṛkṣā rudrākṣasaṁjñakāḥ

From the lids of my two beautiful eyes fell drops of water; from those tear-drops arose the trees called 'rudraksha'.

Verse 8 (shiva.vidyeshvara.25.8)

स्थावरत्वमनुप्राप्य भक्तानुग्रहकारणात् । ते दत्ता विष्णुभक्तेभ्यश्चतुर्वर्णेभ्य एव च ॥ 25.8 ॥

sthāvaratvamanuprāpya bhaktānugrahakāraṇāt te dattā viṣṇubhaktebhyaścaturvarṇebhya eva ca

Having attained the form of immovable trees, for the sake of showing grace to devotees, they were given to the devotees of Vishnu and to all four classes.

Verse 9 (shiva.vidyeshvara.25.9)

भूमौ गौडोद्भवांश्चक्रे रुद्राक्षाञ्छिववल्लभान् । मथुरायामयोध्यायां लङ्कायां मलये तथा ॥ 25.9 ॥

bhūmau gauḍodbhavāṁścakre rudrākṣāñchivavallabhān mathurāyāmayodhyāyāṁ laṅkāyāṁ malaye tathā

On the earth I fashioned rudrakshas, dear to Shiva, arising in the Gauda land, in Mathura, in Ayodhya, in Lanka, and likewise on Mount Malaya,

Verse 10 (shiva.vidyeshvara.25.10)

सह्याद्रौ च तथा काश्यां देशेष्वन्येषु वा तथा । परानसह्यपापौघभेदनाञ्छ्रुतिनोदनान् ॥ 25.10 ॥

sahyādrau ca tathā kāśyāṁ deśeṣvanyeṣu vā tathā parānasahyapāpaughabhedanāñchrutinodanān

on the Sahyadri mountains, and likewise in Kashi, and in other lands too — for the breaking of unbearable masses of sin, impelled by the Shruti,

Verse 11 (shiva.vidyeshvara.25.11)

ब्राह्मणाः क्षत्रिया वैश्याः शूद्रा जाता ममाज्ञया । रुद्राक्षास्ते पृथिव्यां तु तज्जातीयाः शुभाक्षकाः ॥ 25.11 ॥

brāhmaṇāḥ kṣatriyā vaiśyāḥ śūdrā jātā mamājñayā rudrākṣāste pṛthivyāṁ tu tajjātīyāḥ śubhākṣakāḥ

Brahmins, kshatriyas, vaishyas, and shudras were created by my command; the rudrakshas on the earth correspond to those very classes, in their auspicious colours.

Verse 12 (shiva.vidyeshvara.25.12)

श्वेतरक्ताः पीतकृष्णा वर्णा ज्ञेयाः क्रमाद् बुधैः । स्वजातीयं नृभिर्धार्यं रुद्राक्षं वर्णतः क्रमात् ॥ 25.12 ॥

śvetaraktāḥ pītakṛṣṇā varṇā jñeyāḥ kramād budhaiḥ svajātīyaṁ nṛbhirdhāryaṁ rudrākṣaṁ varṇataḥ kramāt

White, red, yellow, and black — these colours should be known in due order by the wise; each person should wear, in due order, the rudraksha matching his own class.

Verse 13 (shiva.vidyeshvara.25.13)

वर्णैस्तु तत्फलं धार्यं भुक्तिमुक्तिफलेप्सुभिः । शिवभक्तैर्विशेषेण शिवयोः प्रीतये सदा ॥ 25.13 ॥

varṇaistu tatphalaṁ dhāryaṁ bhuktimuktiphalepsubhiḥ śivabhaktairviśeṣeṇa śivayoḥ prītaye sadā

But the fruit of it should be worn by all classes who desire the fruit of enjoyment and liberation — especially by Shiva-devotees, always for the pleasure of Shiva and Shakti.

Verse 14 (shiva.vidyeshvara.25.14)

धात्रीफलप्रमाणं यच्छ्रेष्ठमेतदुदाहृतम् । बदरीफलमात्रं तु मध्यमं सम्प्रकीर्तितम् ॥ 25.14 ॥

dhātrīphalapramāṇaṁ yacchreṣṭhametadudāhṛtam badarīphalamātraṁ tu madhyamaṁ samprakīrtitam

A size equal to the amalaka fruit is declared the very best; equal to the jujube fruit is declared middling.

Verse 15 (shiva.vidyeshvara.25.15)

अधमं चणमात्रं स्यात् प्रक्रियैषा परोच्यते । शृणु पार्वति सुप्रीत्या भक्तानां हितकाम्यया ॥ 25.15 ॥

adhamaṁ caṇamātraṁ syāt prakriyaiṣā parocyate śaṛṇu pārvati suprītyā bhaktānāṁ hitakāmyayā

Equal to a gram is held to be the lowest — this classification has been told. Listen, O Parvati, with great love, for the welfare of devotees.

Verse 16 (shiva.vidyeshvara.25.16)

बदरीफलमात्रं च यत् स्यात् किल महेश्वरि । तथापि फलदं लोके सुखसौभाग्यवर्धनम् ॥ 25.16 ॥

badarīphalamātraṁ ca yat syāt kila maheśvari tathāpi phaladaṁ loke sukhasaubhāgyavardhanam

O Maheshvari, even a rudraksha no bigger than a jujube fruit is nonetheless fruit-bearing in this world, increasing happiness and good fortune.

Verse 17 (shiva.vidyeshvara.25.17)

धात्रीफलसमं यत् स्यात् सर्वारिष्टविनाशनम् । गुञ्जया सदृशं यत् स्यात् सर्वार्थफलसाधनम् ॥ 25.17 ॥

dhātrīphalasamaṁ yat syāt sarvāriṣṭavināśanam guñjayā sadṛśaṁ yat syāt sarvārthaphalasādhanam

One equal to the amalaka fruit destroys every misfortune; one equal to a gunja-berry accomplishes the fulfilment of every desired aim.

Verse 18 (shiva.vidyeshvara.25.18)

यथा यथा लघुः स्याद्वै तथाधिकफलप्रदः । एकैकतः फलं प्रोक्तं दशांशैरधिकं बुधैः ॥ 25.18 ॥

yathā yathā laghuḥ syādvai tathādhikaphalapradaḥ ekaikataḥ phalaṁ proktaṁ daśāṁśairadhikaṁ budhaiḥ

The smaller it is, the greater the fruit it bestows; the wise have declared the fruit of each successive kind to be tenfold greater than the last.

Verse 19 (shiva.vidyeshvara.25.19)

रुद्राक्षधारणं प्रोक्तं पापनाशनहेतवे । तस्माच्च धारणीयो वै सर्वार्थसाधनो ध्रुवम् ॥ 25.19 ॥

rudrākṣadhāraṇaṁ proktaṁ pāpanāśanahetave tasmācca dhāraṇīyo vai sarvārthasādhano dhruvam

The wearing of rudraksha is declared to be the cause of the destruction of sin; therefore it should certainly be worn, for it surely accomplishes every purpose.

Verse 20 (shiva.vidyeshvara.25.20)

यथा च दृश्यते लोके रुद्राक्षः फलदः शुभः । न तथा दृश्यतेऽन्या च मालिका परमेश्वरि ॥ 25.20 ॥

yathā ca dṛśyate loke rudrākṣaḥ phaladaḥ śubhaḥ na tathā dṛśyate’nyā ca mālikā parameśvari

O Parameshvari, just as the rudraksha is seen in this world to be fruit-bearing and auspicious, no other garland is seen to be so.

Verse 21 (shiva.vidyeshvara.25.21)

समाः स्निग्धा दृढाः स्थूलाः कण्टकैः संयुताः शुभाः । रुद्राक्षाः कामदा देवि भुक्तिमुक्तिप्रदाः सदा ॥ 25.21 ॥

samāḥ snigdhā dṛḍhāḥ sthūlāḥ kaṇṭakaiḥ saṁyutāḥ śubhāḥ rudrākṣāḥ kāmadā devi bhuktimuktipradāḥ sadā

Even, smooth, firm, large, furnished with natural points, auspicious — such rudrakshas, O Devi, always grant every desire and bestow both enjoyment and liberation.

Verse 22 (shiva.vidyeshvara.25.22)

कृमिदुष्टं छिन्नभिन्नं कण्टकैर्हीनमेव च । व्रणयुक्तमवृत्तं च रुद्राक्षान् षड् विवर्जयेत् ॥ 25.22 ॥

kṛmiduṣṭaṁ chinnabhinnaṁ kaṇṭakairhīnameva ca vraṇayuktamavṛttaṁ ca rudrākṣān ṣaḍ vivarjayet

Worm-eaten, cut or broken, lacking natural points, wounded, and irregular in shape — these six kinds of rudraksha should be rejected.

Verse 23 (shiva.vidyeshvara.25.23)

स्वयमेव कृतद्वारं रुद्राक्षं स्यादिहोत्तमम् । यत्तु पौरुषयत्नेन कृतं तन्मध्यमं भवेत् ॥ 25.23 ॥

svayameva kṛtadvāraṁ rudrākṣaṁ syādihottamam yattu pauruṣayatnena kṛtaṁ tanmadhyamaṁ bhavet

A rudraksha whose piercing-hole formed naturally by itself is the best; one made by human effort is held to be middling.

Verse 24 (shiva.vidyeshvara.25.24)

रुद्राक्षधारणं प्रोक्तं महापातकनाशनम् । रुद्रसङ्ख्याशतं धृत्वा रुद्ररूपो भवेन्नरः ॥ 25.24 ॥

rudrākṣadhāraṇaṁ proktaṁ mahāpātakanāśanam rudrasaṅkhyāśataṁ dhṛtvā rudrarūpo bhavennaraḥ

The wearing of rudraksha is declared to destroy great sins; wearing a hundred, the count of the Rudras, a man becomes of Rudra's own form.

Verse 25 (shiva.vidyeshvara.25.25)

एकादशशतानीह धृत्वा यत्फलमाप्यते । तत्फलं शक्यते नैव वक्तुं वर्षशतैरपि ॥ 25.25 ॥

ekādaśaśatānīha dhṛtvā yatphalamāpyate tatphalaṁ śakyate naiva vaktuṁ varṣaśatairapi

The fruit obtained by wearing eleven hundred rudrakshas here cannot be fully told even in a hundred years.

Verse 26 (shiva.vidyeshvara.25.26)

शतार्धेन युतैः पञ्चशतैर्वै मुकुटं मतम् । रुद्राक्षैर्विरचेत्सम्यग्भक्तिमान्पुरुषो वरः ॥ 25.26 ॥

śatārdhena yutaiḥ pañcaśatairvai mukuṭaṁ matam rudrākṣairviracetsamyagbhaktimānpuruṣo varaḥ

With five hundred and fifty rudrakshas, a crown is held to be made; the devoted, excellent man should properly fashion it from rudrakshas.

Verse 27 (shiva.vidyeshvara.25.27)

त्रिभिः शतैः षष्टियुक्तैस्त्रिरावृत्त्या तथा पुनः । रुद्राक्षैरुपवीतं च निर्मीयाद्भक्तितत्परः ॥ 25.27 ॥

tribhiḥ śataiḥ ṣaṣṭiyuktaistrirāvṛttyā tathā punaḥ rudrākṣairupavītaṁ ca nirmīyādbhaktitatparaḥ

With three hundred and sixty rudrakshas, wound in three rounds, the one devoted to devotion should fashion a sacred thread.

Verse 28 (shiva.vidyeshvara.25.28)

शिखायां च त्रयं प्रोक्तं रुद्रक्षाणां महेश्वरि । कर्णयोः षट् च षट् चैव वामदक्षिणयोस्तथा ॥ 25.28 ॥

śikhāyāṁ ca trayaṁ proktaṁ rudrakṣāṇāṁ maheśvari karṇayoḥ ṣaṭ ca ṣaṭ caiva vāmadakṣiṇayostathā

O Maheshvari, three rudrakshas are declared for the topknot; six and six for both ears, left and right.

Verse 29 (shiva.vidyeshvara.25.29)

शतमेकोत्तरं कण्ठे बाह्वोर्वै रुद्रसङ्ख्यया । कूर्परद्वारयोस्तत्र मणिबन्धे तथा पुनः ॥ 25.29 ॥

śatamekottaraṁ kaṇṭhe bāhvorvai rudrasaṅkhyayā kūrparadvārayostatra maṇibandhe tathā punaḥ

One hundred and one on the neck, by the count of the Rudras; on both elbow-joints, and likewise on both wrists,

Verse 30 (shiva.vidyeshvara.25.30)

उपवीते त्रयं धार्यं शिवभक्तिरतैर्नरैः । शेषानुर्वरितान्पञ्च सम्मितान्धारयेत्कटौ ॥ 25.30 ॥

upavīte trayaṁ dhāryaṁ śivabhaktiratairnaraiḥ śeṣānurvaritānpañca sammitāndhārayetkaṭau

three should be worn on the sacred thread by men devoted to Shiva-bhakti; the remaining five should be worn on the waist.

Verse 31 (shiva.vidyeshvara.25.31)

एतत्सङ्ख्या धृता येन रुद्राक्षाः परमेश्वरि । तद्रूपं तु प्रणम्यं हि स्तुत्यं सर्वैर्महेशवत् ॥ 25.31 ॥

etatsaṅkhyā dhṛtā yena rudrākṣāḥ parameśvari tadrūpaṁ tu praṇamyaṁ hi stutyaṁ sarvairmaheśavat

O Parameshvari, whoever has worn rudrakshas in this complete number — his very form is to be bowed to and praised by all, just like Mahesha himself.

Verse 32 (shiva.vidyeshvara.25.32)

एवम्भूतं स्थितं ध्याने यदा कृत्वासने जनम् । शिवेति व्याहरंश्चैव दृष्ट्वा पापैः प्रमुच्यते ॥ 25.32 ॥

evambhūtaṁ sthitaṁ dhyāne yadā kṛtvāsane janam śiveti vyāharaṁścaiva dṛṣṭvā pāpaiḥ pramucyate

When a person, thus adorned, sits absorbed in meditation, uttering 'Shiva,' whoever beholds him is freed from sin.

Verse 33 (shiva.vidyeshvara.25.33)

शताधिकसहस्रस्य विधिरेष प्रकीर्तितः । तदभावे प्रकारोऽन्यः शुभः सम्प्रोच्यते मया ॥ 25.33 ॥

śatādhikasahasrasya vidhireṣa prakīrtitaḥ tadabhāve prakāro’nyaḥ śubhaḥ samprocyate mayā

This procedure of eleven hundred has been declared; in its absence, I now tell another auspicious procedure.

Verse 34 (shiva.vidyeshvara.25.34)

शिखायामेकरुद्राक्षं शिरसा त्रिंशतं वहेत् । पञ्चाशच्च गले दध्याद् बाह्वोः षोडश षोडश ॥ 25.34 ॥

śikhāyāmekarudrākṣaṁ śirasā triṁśataṁ vahet pañcāśacca gale dadhyād bāhvoḥ ṣoḍaśa ṣoḍaśa

One rudraksha on the topknot, thirty on the head; fifty should be worn on the neck, sixteen and sixteen on both arms,

Verse 35 (shiva.vidyeshvara.25.35)

मणिबन्धे द्वादश द्विस्कन्धे पञ्चशतं वहेत् । अष्टोत्तरशतैर्माल्यमुपवीतं प्रकल्पयेत् ॥ 25.35 ॥

maṇibandhe dvādaśa dviskandhe pañcaśataṁ vahet aṣṭottaraśatairmālyamupavītaṁ prakalpayet

twelve on the wrists, five hundred across both shoulders; with a hundred and eight, one should fashion a garland as the sacred thread.

Verse 36 (shiva.vidyeshvara.25.36)

एवं सहस्ररुद्राक्षान्धारयेद्यो दृढव्रतः । तं नमन्ति सुराः सर्वे यथा रुद्रस्तथैव सः ॥ 25.36 ॥

evaṁ sahasrarudrākṣāndhārayedyo dṛḍhavrataḥ taṁ namanti surāḥ sarve yathā rudrastathaiva saḥ

Whoever, of firm vow, thus wears a thousand rudrakshas — all the gods bow down to him; he is verily as Rudra himself.

Verse 37 (shiva.vidyeshvara.25.37)

एकं शिखायां रुद्राक्षं चत्वारिंशत्तु मस्तके । द्वात्रिंशत्कण्ठदेशे तु वक्षस्यष्टोत्तरं शतम् ॥ 25.37 ॥

ekaṁ śikhāyāṁ rudrākṣaṁ catvāriṁśattu mastake dvātriṁśatkaṇṭhadeśe tu vakṣasyaṣṭottaraṁ śatam

One rudraksha on the topknot, forty on the head; thirty-two in the neck-region, a hundred and eight on the chest,

Verse 38 (shiva.vidyeshvara.25.38)

एकैकं कर्णयोः षट् षट् बाह्वोः षोडश षोडश । करयो रविमानेन द्विगुणेन मुनीश्वर ॥ 25.38 ॥

ekaikaṁ karṇayoḥ ṣaṭ ṣaṭ bāhvoḥ ṣoḍaśa ṣoḍaśa karayo ravimānena dviguṇena munīśvara

six and six on each ear, sixteen and sixteen on both arms; O lord of sages, on the hands, double the number of the sun (twelve).

Verse 39 (shiva.vidyeshvara.25.39)

सङ्ख्या प्रीतिधृता येन सोऽपि शैवजनः परः । शिववत्पूजनीयो हि वन्द्यः सर्वैरभीक्ष्णशः ॥ 25.39 ॥

saṅkhyā prītidhṛtā yena so’pi śaivajanaḥ paraḥ śivavatpūjanīyo hi vandyaḥ sarvairabhīkṣṇaśaḥ

Whoever wears this number with delight is likewise a supreme Shaiva soul, worthy of worship like Shiva, to be constantly revered by all.

Verse 40 (shiva.vidyeshvara.25.40)

शिरसीशानमन्त्रेण कर्णे तत्पुरुषेण च । अघोरेण गले धार्यं तेनैव हृदयेऽपि च ॥ 25.40 ॥

śirasīśānamantreṇa karṇe tatpuruṣeṇa ca aghoreṇa gale dhāryaṁ tenaiva hṛdaye’pi ca

On the head with the Ishana mantra, on the ear with the Tatpurusha; it should be worn on the neck with the Aghora mantra, and likewise on the heart with that same mantra.

Verse 41 (shiva.vidyeshvara.25.41)

अघोरबीजमन्त्रेण करयोर्धारयेत्सुधीः । पञ्चदशाक्षग्रथितां वामदेवेन चोदरे ॥ 25.41 ॥

aghorabījamantreṇa karayordhārayetsudhīḥ pañcadaśākṣagrathitāṁ vāmadevena codare

With the Aghora seed-mantra, the wise should wear it on both hands; a string of fifteen beads with the Vamadeva mantra on the belly,

Verse 42 (shiva.vidyeshvara.25.42)

पञ्चब्रह्मभिरङ्गैश्च त्रिमालां पञ्च सप्त च । अथ वा मूलमन्त्रेण सर्वानक्षांस्तु धारयेत् ॥ 25.42 ॥

pañcabrahmabhiraṅgaiśca trimālāṁ pañca sapta ca atha vā mūlamantreṇa sarvānakṣāṁstu dhārayet

with the five Brahma-limb mantras, three garlands of five and seven; or else, one may wear all the beads with the root mantra alone.

Verse 43 (shiva.vidyeshvara.25.43)

मद्यं मांसं तु लशुनं पलाण्डुं शिग्रुमेव च । श्लेष्मान्तकं विड्वराहं भक्षणे वर्जयेत्ततः ॥ 25.43 ॥

madyaṁ māṁsaṁ tu laśunaṁ palāṇḍuṁ śigrumeva ca śleṣmāntakaṁ viḍvarāhaṁ bhakṣaṇe varjayettataḥ

Wine, meat, garlic, onion, the horseradish tree, phlegm-inducing food, and pork — one should avoid eating these thereafter.

Verse 44 (shiva.vidyeshvara.25.44)

वलक्षं रुद्राक्षं द्विजतनुभिरेवेह विहितं सुरक्तं क्षत्राणां प्रमुदितमुमे पीतमसकृत् । ततो वैश्यैर्धार्यं प्रतिदिवसभावश्यकमहो तथा कृष्णं शूद्रैः श्रुतिगदितमार्गोऽयमगजे ॥ 25.44 ॥

valakṣaṁ rudrākṣaṁ dvijatanubhireveha vihitaṁ suraktaṁ kṣatrāṇāṁ pramuditamume pītamasakṛt tato vaiśyairdhāryaṁ pratidivasabhāvaśyakamaho tathā kṛṣṇaṁ śūdraiḥ śrutigaditamārgo’yamagaje

A white rudraksha is here ordained for the bodies of brahmins; a deep red one delights kshatriyas, O Uma; a yellow one is repeatedly for vaishyas, to be worn by them daily as a necessity; and likewise a black one is for shudras — this is the path declared by the Shruti, O mountain-born one.

Verse 45 (shiva.vidyeshvara.25.45)

वर्णी वनी गृहयतीर्नियमेन दध्या- देतद्रहस्यपरमो न हि जातु तिष्ठेत् । रुद्राक्षधारणमिदं सुकृतैश्च लभ्यं त्यक्त्वेदमेतदखिलान्नरकान् प्रयान्ति ॥ 25.45 ॥

varṇī vanī gṛhayatīrniyamena dadhyā- detadrahasyaparamo na hi jātu tiṣṭhet rudrākṣadhāraṇamidaṁ sukṛtaiśca labhyaṁ tyaktvedametadakhilānnarakān prayānti

The celibate student, the forest-dweller, the householder, and the renunciate should all wear this according to rule; this supreme secret should never be abandoned. This wearing of rudraksha is attained only through good deeds; those who abandon it go to every kind of hell.

Verse 46 (shiva.vidyeshvara.25.46)

आदावामलकास्ततो लघुतरा रुग्णास्ततः कण्टकैः सन्दष्टाः कृमिभिस्तनूपकरण- च्छिद्रेण हीनास्तथा । धार्या नैव शुभेप्सुभिश्चणकवद् रुद्राक्षमप्यन्ततो रुद्राक्षो मम लिङ्गमङ्गलमुमे सूक्ष्मं प्रशस्तं सदा ॥ 25.46 ॥

ādāvāmalakāstato laghutarā rugṇāstataḥ kaṇṭakaiḥ sandaṣṭāḥ kṛmibhistanūpakaraṇa- cchidreṇa hīnāstathā dhāryā naiva śubhepsubhiścaṇakavad rudrākṣamapyantato rudrākṣo mama liṅgamaṅgalamume sūkṣmaṁ praśastaṁ sadā

First those of amalaka size, then smaller ones, then those with broken points, bitten by worms, and lacking the piercing-hole — those desiring auspiciousness should never wear such, down even to gram-sized ones. The rudraksha, O Uma, is my own subtle, auspicious, and ever-excellent linga-form.

Verse 47 (shiva.vidyeshvara.25.47)

सर्वाश्रमाणां वर्णानां स्त्रीशूद्राणां शिवाज्ञया । धार्याः सदैव रुद्राक्षा यतीनां प्रणवेन हि ॥ 25.47 ॥

sarvāśramāṇāṁ varṇānāṁ strīśūdrāṇāṁ śivājñayā dhāryāḥ sadaiva rudrākṣā yatīnāṁ praṇavena hi

By Shiva's command, rudrakshas should always be worn by every stage of life and every class, by women and shudras, and by renunciates together with the Pranava mantra.

Verse 48 (shiva.vidyeshvara.25.48)

दिवा बिभ्रद्रात्रिकृतै रात्रौ बिभ्रद्दिवाकृतैः । प्रातर्मध्याह्नसायाह्ने मुच्यते सर्वपातकैः ॥ 25.48 ॥

divā bibhradrātrikṛtai rātrau bibhraddivākṛtaiḥ prātarmadhyāhnasāyāhne mucyate sarvapātakaiḥ

One who wears by day the rudraksha strung at night, and by night the one strung by day, is freed from all sin at morning, noon, and evening.

Verse 49 (shiva.vidyeshvara.25.49)

ये त्रिपुण्ड्रधरा लोके जटाधारिण एव ये । ये रुद्राक्षधरास्ते वै यमलोकं प्रयान्ति न ॥ 25.49 ॥

ye tripuṇḍradharā loke jaṭādhāriṇa eva ye ye rudrākṣadharāste vai yamalokaṁ prayānti na

Those in this world who bear the tripundra, and those who wear matted locks, and those who wear the rudraksha — they do not go to the world of Yama.

Verse 50 (shiva.vidyeshvara.25.50)

रुद्राक्षमेकं शिरसा बिभर्ति तथा त्रिपुण्ड्रं च ललाटमध्ये । पञ्चाक्षरं ये हि जपन्ति मन्त्रं पूज्या भवद्भिः खलु ते हि साधवः ॥ 25.50 ॥

rudrākṣamekaṁ śirasā bibharti tathā tripuṇḍraṁ ca lalāṭamadhye pañcākṣaraṁ ye hi japanti mantraṁ pūjyā bhavadbhiḥ khalu te hi sādhavaḥ

Whoever bears a single rudraksha on the head, and likewise the tripundra in the middle of the forehead, and who chants the Panchakshara mantra — such are indeed true saints, certainly to be worshipped by you.

Verse 51 (shiva.vidyeshvara.25.51)

यस्याङ्गे नास्ति रुद्राक्षस्त्रिपुण्ड्रं भालपट्टके । मुखे पञ्चाक्षरं नास्ति तमानय यमालयम् ॥ 25.51 ॥

yasyāṅge nāsti rudrākṣastripuṇḍraṁ bhālapaṭṭake mukhe pañcākṣaraṁ nāsti tamānaya yamālayam

'Whoever has no rudraksha on his body, no tripundra on the forehead-plate, no Panchakshara in his mouth — take him away to Yama's abode!'

Verse 52 (shiva.vidyeshvara.25.52)

ज्ञात्वा ज्ञात्वा तत्प्रभावं भस्मरुद्राक्षधारिणः । ते पूज्याः सर्वदास्माकं नो नेतव्याः कदाचन ॥ 25.52 ॥

jñātvā jñātvā tatprabhāvaṁ bhasmarudrākṣadhāriṇaḥ te pūjyāḥ sarvadāsmākaṁ no netavyāḥ kadācana

'But knowing again and again the power of those who wear ash and rudraksha, they are always to be worshipped by us, never to be led away.'

Verse 53 (shiva.vidyeshvara.25.53)

एवमाज्ञापयामास कालोऽपि निजकिङ्करान् । तथेति मत्वा ते सर्वे तूष्णीमासन्सुविस्मिताः ॥ 25.53 ॥

evamājñāpayāmāsa kālo’pi nijakiṅkarān tatheti matvā te sarve tūṣṇīmāsansuvismitāḥ

Thus did even Kala (Time/Death) command his own servants; thinking 'so be it,' all of them fell silent, greatly astonished.

Verse 54 (shiva.vidyeshvara.25.54)

अत एव महादेवि रुद्राक्षोऽप्यघनाशनः । तद्धरो मत्प्रियः शुद्धोऽत्यघवानपि पार्वति ॥ 25.54 ॥

ata eva mahādevi rudrākṣo’pyaghanāśanaḥ taddharo matpriyaḥ śuddho’tyaghavānapi pārvati

Therefore, O Mahadevi, the rudraksha too destroys sin; whoever wears it is dear to me, pure, even if greatly sinful, O Parvati.

Verse 55 (shiva.vidyeshvara.25.55)

हस्ते बाहौ तथा मूर्ध्नि रुद्राक्षं धारयेत्तु यः । अवध्यः सर्वभूतानां रुद्ररूपी चरेद्भुवि ॥ 25.55 ॥

haste bāhau tathā mūrdhni rudrākṣaṁ dhārayettu yaḥ avadhyaḥ sarvabhūtānāṁ rudrarūpī caredbhuvi

Whoever wears the rudraksha on the hand, on the arm, and likewise on the head, becomes unassailable by all beings, and moves about the earth in the very form of Rudra.

Verse 56 (shiva.vidyeshvara.25.56)

सुरासुराणां सर्वेषां वन्दनीयः सदा स वै । पूजनीयो हि दृष्टस्य पापहा च यथा शिवः ॥ 25.56 ॥

surāsurāṇāṁ sarveṣāṁ vandanīyaḥ sadā sa vai pūjanīyo hi dṛṣṭasya pāpahā ca yathā śivaḥ

He is always to be revered by all gods and demons; whoever sees him should worship him, for he removes sin just as Shiva does.

Verse 57 (shiva.vidyeshvara.25.57)

ध्यानज्ञानावमुक्तोऽपि रुद्राक्षं धारयेत्तु यः । सर्वपापविनिर्मुक्तः स याति परमां गतिम् ॥ 25.57 ॥

dhyānajñānāvamukto’pi rudrākṣaṁ dhārayettu yaḥ sarvapāpavinirmuktaḥ sa yāti paramāṁ gatim

Even one devoid of meditation and knowledge, if he wears the rudraksha, becomes freed from all sin and attains the supreme goal.

Verse 58 (shiva.vidyeshvara.25.58)

रुद्राक्षेण जपन्मन्त्रं पुण्यं कोटिगुणं भवेत् । दशकोटिगुणं पुण्यं धारणाल्लभते नरः ॥ 25.58 ॥

rudrākṣeṇa japanmantraṁ puṇyaṁ koṭiguṇaṁ bhavet daśakoṭiguṇaṁ puṇyaṁ dhāraṇāllabhate naraḥ

Chanting a mantra with rudraksha in hand, merit becomes a crore-fold; through the mere wearing of it, a man obtains merit multiplied ten crore-fold.

Verse 59 (shiva.vidyeshvara.25.59)

यावत्कालं हि जीवस्य शरीरस्थो भवेत्स वै । तावत्कालं स्वल्पमृत्युर्न तं देवि विबाधते ॥ 25.59 ॥

yāvatkālaṁ hi jīvasya śarīrastho bhavetsa vai tāvatkālaṁ svalpamṛtyurna taṁ devi vibādhate

For as long as it remains upon a living being's body, for that long, O Devi, untimely death never troubles him.

Verse 60 (shiva.vidyeshvara.25.60)

त्रिपुण्ड्रेण च संयुक्तं रुद्राक्षाविलसाङ्गकम् । मृत्युञ्जयं जपन्तं च दृष्ट्वा रुद्रफलं लभेत् ॥ 25.60 ॥

tripuṇḍreṇa ca saṁyuktaṁ rudrākṣāvilasāṅgakam mṛtyuñjayaṁ japantaṁ ca dṛṣṭvā rudraphalaṁ labhet

Seeing one adorned with the tripundra, his limbs gleaming with rudraksha, chanting the Mrityunjaya mantra, one obtains the fruit belonging to Rudra.

Verse 61 (shiva.vidyeshvara.25.61)

पञ्चदेवप्रियश्चैव सर्वदेवप्रियस्तथा । सर्वमन्त्राञ्जपेद्भक्तो रुद्राक्षमालया प्रिये ॥ 25.61 ॥

pañcadevapriyaścaiva sarvadevapriyastathā sarvamantrāñjapedbhakto rudrākṣamālayā priye

Dear to the five gods, and likewise dear to all gods, the devotee, O beloved, should chant all mantras with a rudraksha rosary.

Verse 62 (shiva.vidyeshvara.25.62)

विष्ण्वादिदेवभक्ताश्च धारयेयुर्न संशयः । रुद्रभक्तो विशेषेण रुद्राक्षान्धारयेत्सदा ॥ 25.62 ॥

viṣṇvādidevabhaktāśca dhārayeyurna saṁśayaḥ rudrabhakto viśeṣeṇa rudrākṣāndhārayetsadā

Devotees of Vishnu and the other gods too should wear it, without doubt; a devotee of Rudra especially should always wear rudrakshas.

Verse 63 (shiva.vidyeshvara.25.63)

रुद्राक्षा विविधाः प्रोक्तास्तेषां भेदान् वदाम्यहम् । शृणु पार्वति सद्भक्त्या भुक्तिमुक्तिफलप्रदान् ॥ 25.63 ॥

rudrākṣā vividhāḥ proktāsteṣāṁ bhedān vadāmyaham śaṛṇu pārvati sadbhaktyā bhuktimuktiphalapradān

Rudrakshas are declared to be of various kinds; I shall tell their distinctions. Listen, O Parvati, with true devotion, to those that bestow both enjoyment and liberation.

Verse 64 (shiva.vidyeshvara.25.64)

एकवक्त्रः शिवः साक्षाद्भुक्तिमुक्तिफलप्रदः । तस्य दर्शनमात्रेण ब्रह्महत्यां व्यपोहति ॥ 25.64 ॥

ekavaktraḥ śivaḥ sākṣādbhuktimuktiphalapradaḥ tasya darśanamātreṇa brahmahatyāṁ vyapohati

The one-faced rudraksha is Shiva himself, bestowing the fruit of enjoyment and liberation; by the mere sight of it, even the sin of brahmin-slaying is dispelled.

Verse 65 (shiva.vidyeshvara.25.65)

यत्र सम्पूजितस्तत्र लक्ष्मीर्दूरतरा नहि । नश्यन्त्युपद्रवाः सर्वे सर्वकामा भवन्ति हि ॥ 25.65 ॥

yatra sampūjitastatra lakṣmīrdūratarā nahi naśyantyupadravāḥ sarve sarvakāmā bhavanti hi

Where it is duly worshipped, there Lakshmi is never far away; all calamities are destroyed, and every desire is fulfilled.

Verse 66 (shiva.vidyeshvara.25.66)

द्विवक्त्रो देवदेवेशः सर्वकामफलप्रदः । विशेषतः स रुद्राक्षो गोवधं नाशयेद् द्रुतम् ॥ 25.66 ॥

dvivaktro devadeveśaḥ sarvakāmaphalapradaḥ viśeṣataḥ sa rudrākṣo govadhaṁ nāśayed drutam

The two-faced rudraksha is the Lord of Lords, bestowing the fruit of every desire; it especially and swiftly destroys the sin of cow-slaying.

Verse 67 (shiva.vidyeshvara.25.67)

त्रिवक्त्रो यो हि रुद्राक्षः साक्षात्साधनदः सदा । तत्प्रभावाद्भवेयुर्वै विद्याः सर्वाः प्रतिष्ठिताः ॥ 25.67 ॥

trivaktro yo hi rudrākṣaḥ sākṣātsādhanadaḥ sadā tatprabhāvādbhaveyurvai vidyāḥ sarvāḥ pratiṣṭhitāḥ

The three-faced rudraksha is directly a bestower of accomplishment; by its power, all forms of learning become firmly established.

Verse 68 (shiva.vidyeshvara.25.68)

चतुर्वक्त्रः स्वयं ब्रह्मा नरहत्यां व्यपोहति । दर्शनात् स्पर्शनात् सद्यश्चतुर्वर्गफलप्रदः ॥ 25.68 ॥

caturvaktraḥ svayaṁ brahmā narahatyāṁ vyapohati darśanāt sparśanāt sadyaścaturvargaphalapradaḥ

The four-faced rudraksha is Brahma himself, dispelling the sin of manslaughter; by sight and by touch, it immediately bestows the fruit of the four aims of life.

Verse 69 (shiva.vidyeshvara.25.69)

पञ्चवक्त्रः स्वयं रुद्रः कालाग्निर्नामतः प्रभुः । सर्वमुक्तिप्रदश्चैव सर्वकामफलप्रदः ॥ 25.69 ॥

pañcavaktraḥ svayaṁ rudraḥ kālāgnirnāmataḥ prabhuḥ sarvamuktipradaścaiva sarvakāmaphalapradaḥ

The five-faced rudraksha is Rudra himself, the Lord named Kalagni; he bestows every liberation and grants the fruit of every desire.

Verse 70 (shiva.vidyeshvara.25.70)

अगम्यागमनं पापमभक्ष्यस्य च भक्षणम् । इत्यादिसर्वपापानि पञ्चवक्त्रो व्यपोहति ॥ 25.70 ॥

agamyāgamanaṁ pāpamabhakṣyasya ca bhakṣaṇam ityādisarvapāpāni pañcavaktro vyapohati

The sin of union with a forbidden woman, and the sin of eating what should not be eaten — all such sins the five-faced rudraksha dispels.

Verse 71 (shiva.vidyeshvara.25.71)

षड्वक्त्रः कार्तिकेयस्तु धारणाद् दक्षिणे भुजे । ब्रह्महत्यादिकैः पापैर्मुच्यते नात्र संशयः ॥ 25.71 ॥

ṣaḍvaktraḥ kārtikeyastu dhāraṇād dakṣiṇe bhuje brahmahatyādikaiḥ pāpairmucyate nātra saṁśayaḥ

The six-faced rudraksha is Kartikeya; through wearing it on the right arm, one is freed from sins such as brahmin-slaying — there is no doubt of this.

Verse 72 (shiva.vidyeshvara.25.72)

सप्तवक्त्रो महेशानि ह्यनङ्गो नाम नामतः । धारणात्तस्य देवेशि दरिद्रोऽपीश्वरो भवेत् ॥ 25.72 ॥

saptavaktro maheśāni hyanaṅgo nāma nāmataḥ dhāraṇāttasya deveśi daridro’pīśvaro bhavet

O Maheshani, the seven-faced is named Ananga; O Lady of the Gods, through wearing it, even a poor man becomes a lord.

Verse 73 (shiva.vidyeshvara.25.73)

रुद्राक्षश्चाष्टवक्त्रश्च वसुमूर्तिश्च भैरवः । धारणात्तस्य पूर्णायुर्मृतो भवति शूलभृत् ॥ 25.73 ॥

rudrākṣaścāṣṭavaktraśca vasumūrtiśca bhairavaḥ dhāraṇāttasya pūrṇāyurmṛto bhavati śūlabhṛt

The eight-faced rudraksha is Vasumurti, Bhairava; through wearing it, one attains a full lifespan, and upon death becomes a bearer of the trident.

Verse 74 (shiva.vidyeshvara.25.74)

भैरवो नववक्त्रश्च कपिलश्च मुनिः स्मृतः । दुर्गा वा तदधिष्ठात्री नवरूपा महेश्वरी ॥ 25.74 ॥

bhairavo navavaktraśca kapilaśca muniḥ smṛtaḥ durgā vā tadadhiṣṭhātrī navarūpā maheśvarī

The nine-faced is Bhairava, and is also remembered as the sage Kapila; the nine-formed goddess Durga, Maheshvari, presides over it.

Verse 75 (shiva.vidyeshvara.25.75)

तं धारयेद्वामहस्ते रुद्राक्षं भक्तितत्परः । सर्वेश्वरो भवेन्नूनं मम तुल्यो न संशयः ॥ 25.75 ॥

taṁ dhārayedvāmahaste rudrākṣaṁ bhaktitatparaḥ sarveśvaro bhavennūnaṁ mama tulyo na saṁśayaḥ

One devoted to devotion should wear it on the left hand; he surely becomes lord of all, equal to myself — there is no doubt of this.

Verse 76 (shiva.vidyeshvara.25.76)

दशवक्त्रो महेशानि स्वयं देवो जनार्दनः । धारणात्तस्य देवेशि सर्वान्कामानवाप्नुयात् ॥ 25.76 ॥

daśavaktro maheśāni svayaṁ devo janārdanaḥ dhāraṇāttasya deveśi sarvānkāmānavāpnuyāt

O Maheshani, the ten-faced is the god Janardana (Vishnu) himself; O Lady of the Gods, through wearing it, one obtains all desires.

Verse 77 (shiva.vidyeshvara.25.77)

एकादशमुखो यस्तु रुद्राक्षः परमेश्वरि । स रुद्रो धारणात्तस्य सर्वत्र विजयी भवेत् ॥ 25.77 ॥

ekādaśamukho yastu rudrākṣaḥ parameśvari sa rudro dhāraṇāttasya sarvatra vijayī bhavet

O Parameshvari, the eleven-faced rudraksha is Rudra himself; through wearing it, one becomes victorious everywhere.

Verse 78 (shiva.vidyeshvara.25.78)

द्वादशास्यं तु रुद्राक्षं धारयेत् केशदेशके । आदित्याश्चैव ते सर्वे द्वादशैव स्थितास्तथा ॥ 25.78 ॥

dvādaśāsyaṁ tu rudrākṣaṁ dhārayet keśadeśake ādityāścaiva te sarve dvādaśaiva sthitāstathā

The twelve-faced rudraksha should be worn in the hair; all twelve Adityas dwell within it.

Verse 79 (shiva.vidyeshvara.25.79)

त्रयोदशमुखो विश्वेदेवस्तद्धारणान्नरः । सर्वान्कामानवाप्नोति सौभाग्यं मङ्गलं लभेत् ॥ 25.79 ॥

trayodaśamukho viśvedevastaddhāraṇānnaraḥ sarvānkāmānavāpnoti saubhāgyaṁ maṅgalaṁ labhet

The thirteen-faced is Vishvadeva; through wearing it, a man obtains all his desires and attains good fortune and auspiciousness.

Verse 80 (shiva.vidyeshvara.25.80)

चतुर्दशमुखो यो हि रुद्राक्षः परमः शिवः । धारयेन्मूर्ध्नि तं भक्त्या सर्वपापं प्रणश्यति ॥ 25.80 ॥

caturdaśamukho yo hi rudrākṣaḥ paramaḥ śivaḥ dhārayenmūrdhni taṁ bhaktyā sarvapāpaṁ praṇaśyati

The fourteen-faced rudraksha is the Supreme Shiva himself; wearing it on the head with devotion destroys all sin.

Verse 81 (shiva.vidyeshvara.25.81)

इति रुद्राक्षभेदा हि प्रोक्ता वै मुखभेदतः । तत्तन्मन्त्राञ्छृणु प्रीत्या क्रमाच्छैलेश्वरात्मजे ॥ 25.81 ॥

iti rudrākṣabhedā hi proktā vai mukhabhedataḥ tattanmantrāñchṛṇu prītyā kramācchaileśvarātmaje

Thus have the varieties of rudraksha been declared according to the number of faces; now, O daughter of the Lord of Mountains, hear their respective mantras in order, with love.

Verse 82 (shiva.vidyeshvara.25.82)

ॐ ह्रीं नमः १ ॐ नमः २ ॐ क्लीं नमः ३ ॐ ह्रीं नमः ४ ॐ ह्रीं नमः ५ ॐ ह्रीं हुं नमः ६ ॐ हुं नमः ७ ॐ हुं नमः ८ ॐ ह्रीं हुं नमः ९ ॐ ह्रीं नमः १० ॐ ह्रीं हुं नमः ११ ॐ क्रौं क्षौं रौं नमः १२ ॐ ह्रीं नमः १३ ॐ नमः १४ भक्तिश्रद्धायुतश्चैव सर्वकामार्थसिद्धये । रुद्राक्षान्धारयेन्मन्त्रैर्देवि आलस्यवर्जितः ॥ 25.82 ॥

oṁ hrīṁ namaḥ 1 oṁ namaḥ 2 oṁ klīṁ namaḥ 3 oṁ hrīṁ namaḥ 4 oṁ hrīṁ namaḥ 5 oṁ hrīṁ huṁ namaḥ 6 oṁ huṁ namaḥ 7 oṁ huṁ namaḥ 8 oṁ hrīṁ huṁ namaḥ 9 oṁ hrīṁ namaḥ 10 oṁ hrīṁ huṁ namaḥ 11 oṁ krauṁ kṣauṁ rauṁ namaḥ 12 oṁ hrīṁ namaḥ 13 oṁ namaḥ 14 bhaktiśraddhāyutaścaiva sarvakāmārthasiddhaye rudrākṣāndhārayenmantrairdevi ālasyavarjitaḥ

'Om Hrim Namah' (1), 'Om Namah' (2), 'Om Klim Namah' (3), 'Om Hrim Namah' (4), 'Om Hrim Namah' (5), 'Om Hrim Hum Namah' (6), 'Om Hum Namah' (7), 'Om Hum Namah' (8), 'Om Hrim Hum Namah' (9), 'Om Hrim Namah' (10), 'Om Hrim Hum Namah' (11), 'Om Kraum Kshaum Raum Namah' (12), 'Om Hrim Namah' (13), 'Om Namah' (14) — endowed with devotion and faith, for the accomplishment of every desire and purpose, one should wear rudrakshas with these mantras, O Devi, free from laziness.

Verse 83 (shiva.vidyeshvara.25.83)

विना मन्त्रेण हो धत्ते रुद्राक्षं भुवि मानवः । स याति नरकं घोरं यावदिन्द्राश्चतुर्दश ॥ 25.83 ॥

vinā mantreṇa ho dhatte rudrākṣaṁ bhuvi mānavaḥ sa yāti narakaṁ ghoraṁ yāvadindrāścaturdaśa

Whoever, on this earth, wears a rudraksha without its mantra, goes to a terrible hell for the duration of fourteen Indras.

Verse 84 (shiva.vidyeshvara.25.84)

रुद्राक्षमालिनं दृष्ट्वा भूतप्रेतपिशाचकाः । डाकिनी शाकिनी चैव ये चान्ये द्रोहकारकाः ॥ 25.84 ॥

rudrākṣamālinaṁ dṛṣṭvā bhūtapretapiśācakāḥ ḍākinī śākinī caiva ye cānye drohakārakāḥ

Seeing one garlanded with rudraksha, ghosts, spirits, demons, dakinis, shakinis, and other malevolent beings too —

Verse 85 (shiva.vidyeshvara.25.85)

कृत्रिमं चैव यत्किञ्चिदभिचारादिकं च यत् । तत्सर्वं दूरतो याति दृष्ट्वा शङ्कितविग्रहम् ॥ 25.85 ॥

kṛtrimaṁ caiva yatkiñcidabhicārādikaṁ ca yat tatsarvaṁ dūrato yāti dṛṣṭvā śaṅkitavigraham

and whatever artificial sorcery or black magic exists — all of it flees far away upon seeing that awe-inspiring form.

Verse 86 (shiva.vidyeshvara.25.86)

रुद्राक्षमालिनं दृष्ट्वा शिवो विष्णुः प्रसीदति । देवी गणपतिः सूर्यः सुराश्चान्येऽपि पार्वति ॥ 25.86 ॥

rudrākṣamālinaṁ dṛṣṭvā śivo viṣṇuḥ prasīdati devī gaṇapatiḥ sūryaḥ surāścānye’pi pārvati

O Parvati, seeing one garlanded with rudraksha, Shiva and Vishnu become pleased, and the Goddess, Ganapati, Surya, and the other gods too.

Verse 87 (shiva.vidyeshvara.25.87)

एवं ज्ञात्वा तु माहात्म्यं रुद्राक्षस्य महेश्वरि । सम्यग्धार्याः समन्त्राश्च भक्त्या धर्मविवृद्धये ॥ 25.87 ॥

evaṁ jñātvā tu māhātmyaṁ rudrākṣasya maheśvari samyagdhāryāḥ samantrāśca bhaktyā dharmavivṛddhaye

O Maheshvari, thus knowing the greatness of the rudraksha, it should be properly worn together with its mantras, with devotion, for the increase of dharma.

Verse 88 (shiva.vidyeshvara.25.88)

इत्युक्तं गिरिजाग्रे हि शिवेन परमात्मना । भस्मरूद्राक्षमाहात्म्यं भुक्तिमुक्तिफलप्रदम् ॥ 25.88 ॥

ityuktaṁ girijāgre hi śivena paramātmanā bhasmarūdrākṣamāhātmyaṁ bhuktimuktiphalapradam

Thus was this greatness of ash and rudraksha, bestowing the fruit of both enjoyment and liberation, declared by Shiva the Supreme Self before Girija.

Verse 89 (shiva.vidyeshvara.25.89)

शिवस्यातिप्रियौ ज्ञेयौ भस्मरुद्राक्षधारिणौ । तद्धारणप्रभावाद्धि भुक्तिर्मुक्तिर्न संशयः ॥ 25.89 ॥

śivasyātipriyau jñeyau bhasmarudrākṣadhāriṇau taddhāraṇaprabhāvāddhi bhuktirmuktirna saṁśayaḥ

The wearers of ash and rudraksha should be known as exceedingly dear to Shiva; through the power of that wearing, enjoyment and liberation come without doubt.

Verse 90 (shiva.vidyeshvara.25.90)

भस्मरुद्राक्षधारी यः शिवभक्तः स उच्यते । पञ्चाक्षरजपासक्तः परिपूर्णश्च सन्मुखे ॥ 25.90 ॥

bhasmarudrākṣadhārī yaḥ śivabhaktaḥ sa ucyate pañcākṣarajapāsaktaḥ paripūrṇaśca sanmukhe

Whoever wears ash and rudraksha is called a true Shiva-devotee, devoted to the japa of the Panchakshara, and wholly complete before Shiva.

Verse 91 (shiva.vidyeshvara.25.91)

विना भस्मत्रिपुण्ड्रेण विना रुद्राक्षमालया । पूजितोऽपि महादेवो नाभीष्टफलदायकः ॥ 25.91 ॥

vinā bhasmatripuṇḍreṇa vinā rudrākṣamālayā pūjito’pi mahādevo nābhīṣṭaphaladāyakaḥ

Without ash and the tripundra, and without the rudraksha rosary, even Mahadeva, though worshipped, does not bestow the desired fruit.

Verse 92 (shiva.vidyeshvara.25.92)

तत्सर्वं च समाख्यातं यत्पृष्टं हि मुनीश्वर । भस्मरुद्राक्षमाहात्म्यं सर्वकामसमृद्धिदम् ॥ 25.92 ॥

tatsarvaṁ ca samākhyātaṁ yatpṛṣṭaṁ hi munīśvara bhasmarudrākṣamāhātmyaṁ sarvakāmasamṛddhidam

O lord of sages, all that was asked has thus been fully declared — the greatness of ash and rudraksha, which bestows abundance in every desire.

Verse 93 (shiva.vidyeshvara.25.93)

एतद्यः शृणुयान्नित्यं माहात्म्यं परमं शुभम् । रुद्राक्षभस्मनोर्भक्त्या सर्वान्कामानवाप्नुयात् ॥ 25.93 ॥

etadyaḥ śaṛṇuyānnityaṁ māhātmyaṁ paramaṁ śubham rudrākṣabhasmanorbhaktyā sarvānkāmānavāpnuyāt

Whoever always listens to this supreme, auspicious greatness obtains all his desires through devotion to rudraksha and ash.

Verse 94 (shiva.vidyeshvara.25.94)

इह सर्वसुखं भुक्त्वा पुत्रपौत्रादिसंयुतः । लभेत्परत्र सन्मोक्षं शिवस्यातिप्रियो भवेत् ॥ 25.94 ॥

iha sarvasukhaṁ bhuktvā putrapautrādisaṁyutaḥ labhetparatra sanmokṣaṁ śivasyātipriyo bhavet

Having enjoyed all happiness here, together with sons and grandsons, he attains true liberation in the world beyond, and becomes exceedingly dear to Shiva.

Verse 95 (shiva.vidyeshvara.25.95)

विद्येश्वरसंहितेयं कथिता वो मुनीश्वराः । सर्वसिद्धिप्रदा नित्यं मुक्तिदा शिवशासनात् ॥ 25.95 ॥

vidyeśvarasaṁhiteyaṁ kathitā vo munīśvarāḥ sarvasiddhipradā nityaṁ muktidā śivaśāsanāt

O lords of sages, this Vidyeshvara Samhita has thus been told to you; it ever bestows every accomplishment, and, by Shiva's own ordinance, grants liberation.