The Glory of the Anartaka Tirtha Well

Verse 1 (skanda.6.103.1)

ऋषय ऊचुः । आश्चर्यं सूतपुत्रैतद्यत्त्वया परिकीर्तितम् । यत्स्थापितानि लिंगानि राक्षसैरपि वानरैः

ṛṣaya ūcuḥ āścaryaṁ sūtaputraitadyattvayā parikīrtitam yatsthāpitāni liṁgāni rākṣasairapi vānaraiḥ

The sages said: "This is a wonder, O son of Suta, what you have told us — that lingas were established even by rakshasas and by vanaras.

Verse 2 (skanda.6.103.2)

तस्माद्विस्तरतो ब्रूहि यत्रयत्र यथायथा । तैः स्थापितानि लिंगानि येषु स्थानेषु सूतज

tasmādvistarato brūhi yatrayatra yathāyathā taiḥ sthāpitāni liṁgāni yeṣu sthāneṣu sūtaja

So tell us in detail, place by place, in what manner, in which locations those lingas were established by them, O son of Suta."

Verse 3 (skanda.6.103.3)

सूत उवाच । सुग्रीवः संभ्रमित्वाथ क्षेत्रं सर्वमशेषतः । बालमंडनकं प्राप्य तत्र स्नात्वा समाहितः

sūta uvāca sugrīvaḥ saṁbhramitvātha kṣetraṁ sarvamaśeṣataḥ bālamaṁḍanakaṁ prāpya tatra snātvā samāhitaḥ

Suta said: Sugriva, hurrying over the whole field, reached the place called Balamandanaka, and having bathed there with a composed mind,

Verse 4 (skanda.6.103.4)

मुखलिंगं ततस्तत्र स्थापयामास शूलिनः । तथान्यैर्वानरैः सर्वैर्मुखलिंगानि शूलिनः । स्वसंज्ञार्थं द्विजश्रेष्ठाः स्थापितानि यथेच्छया

mukhaliṁgaṁ tatastatra sthāpayāmāsa śūlinaḥ tathānyairvānaraiḥ sarvairmukhaliṁgāni śūlinaḥ svasaṁjñārthaṁ dvijaśreṣṭhāḥ sthāpitāni yathecchayā

he established there a mukha-linga of the trident-bearer; and likewise all the other vanaras, O best of brahmins, established mukha-lingas of Shiva, each under his own name, according to his own wish.

Verse 5 (skanda.6.103.5)

यस्तेषां मुखलिंगानां करोति घृतकंबलम् । मकरस्थेन सूर्येण शिवलोकं स गच्छति

yasteṣāṁ mukhaliṁgānāṁ karoti ghṛtakaṁbalam makarasthena sūryeṇa śivalokaṁ sa gacchati

Whoever offers a ghee-soaked covering to these mukha-lingas, when the sun stands in Makara, goes to the world of Shiva.

Verse 6 (skanda.6.103.6)

ततः पश्चिमदिग्भागे तस्य क्षेत्रस्य राक्षसैः । संस्थापितानि लिङ्गानि चतुर्वक्त्राणि च द्विजाः

tataḥ paścimadigbhāge tasya kṣetrasya rākṣasaiḥ saṁsthāpitāni liṅgāni caturvaktrāṇi ca dvijāḥ

Then, in the western portion of that field, the rakshasas established four-faced lingas, O brahmins.

Verse 7 (skanda.6.103.7)

रामेण पूर्वदिग्भागे प्रासादानां च पंचकम् । स्थापितं भक्तियुक्तेन सर्वपातकनाशनम्

rāmeṇa pūrvadigbhāge prāsādānāṁ ca paṁcakam sthāpitaṁ bhaktiyuktena sarvapātakanāśanam

In the eastern portion, Rama, filled with devotion, established a group of five temples, destroying every sin.

Verse 8 (skanda.6.103.8)

तथा दक्षिणदिग्भागे कूपिका तेन निर्मिता । आनर्त्तीयतडागस्य समीपे पापनाशनी

tathā dakṣiṇadigbhāge kūpikā tena nirmitā ānarttīyataḍāgasya samīpe pāpanāśanī

And in the southern portion he made a well near the Anartiya tank, a well that destroys sin.

Verse 9 (skanda.6.103.9)

यस्तस्यां कुरुते श्राद्धं संप्राप्ते दक्षिणायने । सोऽश्वमेधफलं प्राप्य पितृलोके महीयते

yastasyāṁ kurute śrāddhaṁ saṁprāpte dakṣiṇāyane so'śvamedhaphalaṁ prāpya pitṛloke mahīyate

Whoever performs a shraddha there when the southern solstice arrives obtains the fruit of a horse-sacrifice and is honored in the world of the ancestors.

Verse 10 (skanda.6.103.10)

यस्तत्र दीपकं दद्यात्कार्तिके मासि च द्विजाः । न स पश्यति रौद्रांस्तान्नरकानेकविंशतिम् । न चांधो जायते क्वापि यत्रयत्र प्रजायते

yastatra dīpakaṁ dadyātkārtike māsi ca dvijāḥ na sa paśyati raudrāṁstānnarakānekaviṁśatim na cāṁdho jāyate kvāpi yatrayatra prajāyate

Whoever offers a lamp there in the month of Kartika, O brahmins, never beholds those twenty-one terrible hells, nor is he ever born blind, wherever he is born.

Verse 11 (skanda.6.103.11)

ऋषय ऊचुः । आनर्त्तीयतडागं तत्केन तत्र विनिर्मितम् । किंप्रभावं च कार्त्स्न्येन सूतपुत्र प्रकीर्तय

ṛṣaya ūcuḥ ānarttīyataḍāgaṁ tatkena tatra vinirmitam kiṁprabhāvaṁ ca kārtsnyena sūtaputra prakīrtaya

The sages said: "By whom was that Anartiya tank made there, and, O son of Suta, tell us fully its power."

Verse 12 (skanda.6.103.12)

सूत उवाच । आनर्त्तीयतडागस्य महिमा द्विजसत्तमाः । एकवक्त्रेण नो शक्यो वक्तुं वर्षशतैरपि

sūta uvāca ānarttīyataḍāgasya mahimā dvijasattamāḥ ekavaktreṇa no śakyo vaktuṁ varṣaśatairapi

Suta said: "The glory of the Anartiya tank, O best brahmins, cannot be told even in a hundred years by a single mouth.

Verse 13 (skanda.6.103.13)

आश्विनस्य सिते पक्षे चतुर्दश्यां समाहितः । स्नात्वा देवान्पितॄंश्चैव तर्पयेद्विधिपूर्वकम्

āśvinasya site pakṣe caturdaśyāṁ samāhitaḥ snātvā devānpitṝṁścaiva tarpayedvidhipūrvakam

On the fourteenth of the bright half of Ashvina, with a composed mind, having bathed, one should offer libations to the gods and ancestors according to rule.

Verse 14 (skanda.6.103.14)

ततो दीपोत्सवदिने श्राद्धं कृत्वा समाहितः । दामोदरं यमं पूज्य दीपं दद्यात्स्वभक्तितः

tato dīpotsavadine śrāddhaṁ kṛtvā samāhitaḥ dāmodaraṁ yamaṁ pūjya dīpaṁ dadyātsvabhaktitaḥ

Then, on the day of the festival of lamps, having performed the shraddha with a composed mind, one should worship Damodara and Yama, and offer a lamp with true devotion.

Verse 15 (skanda.6.103.15)

संपूज्यो धर्मराजस्तु गन्धपुष्पानुलेपनैः । माषास्तिलाश्च दातव्या गोविंदः प्रीयतामिति

saṁpūjyo dharmarājastu gandhapuṣpānulepanaiḥ māṣāstilāśca dātavyā goviṁdaḥ prīyatāmiti

Dharmaraja should be worshipped with fragrance, flowers, and unguents; black gram and sesame should be offered, saying, "May Govinda be pleased."

Verse 16 (skanda.6.103.16)

तिलमाषप्रदानेन द्विजानां तर्पणेन च । यमेन सहितो देवः प्रीयते पुरुषोत्तमः

tilamāṣapradānena dvijānāṁ tarpaṇena ca yamena sahito devaḥ prīyate puruṣottamaḥ

By the gift of sesame and black gram, and by the tarpana offered to brahmins, the god Purushottama, together with Yama, becomes pleased.

Verse 17 (skanda.6.103.17)

य एवं कुरुते विप्रास्तीर्थ आनर्त संज्ञिते । सोऽश्वमेधफलं प्राप्य ब्रह्मलोके महीयते

ya evaṁ kurute viprāstīrtha ānarta saṁjñite so'śvamedhaphalaṁ prāpya brahmaloke mahīyate

O brahmins, whoever does this at the tirtha named Anarta obtains the fruit of a horse-sacrifice and is honored in Brahmaloka.

Verse 18 (skanda.6.103.18)

यस्मिन्दिने समायातो रामस्तत्र प्रहर्षितः । तस्मिन्द्विजोत्तमैः सर्वैः प्रोक्तः सोऽभ्येत्य सादरम्

yasmindine samāyāto rāmastatra praharṣitaḥ tasmindvijottamaiḥ sarvaiḥ proktaḥ so'bhyetya sādaram

On the day Rama arrived there, filled with joy, all the best of the twice-born approached him respectfully and spoke to him:

Verse 19 (skanda.6.103.19)

अत्रागस्त्यो मुनिश्रेष्ठस्तिष्ठते रघुनंदन । तं गत्वा पश्य विप्रेन्द्र मित्रावरुणसंभवम्

atrāgastyo muniśreṣṭhastiṣṭhate raghunaṁdana taṁ gatvā paśya viprendra mitrāvaruṇasaṁbhavam

"Here dwells Agastya, best of sages, O Raghunandana; go, best of brahmins, and behold him, born of Mitra and Varuna."

Verse 20 (skanda.6.103.20)

अथ तेषां वचः श्रुत्वा रामो राजीवलोचनः । वानरै राक्षसैः सार्धं प्रहृष्टः सत्वरं ययौ

atha teṣāṁ vacaḥ śrutvā rāmo rājīvalocanaḥ vānarai rākṣasaiḥ sārdhaṁ prahṛṣṭaḥ satvaraṁ yayau

Then, hearing their words, lotus-eyed Rama went swiftly and gladly, together with the vanaras and rakshasas.

Verse 21 (skanda.6.103.21)

अष्टांगप्रणिपातेन तं प्रणम्य रघूत्तमः । परिष्वक्तो दृढं तेन सानन्देन महात्मना

aṣṭāṁgapraṇipātena taṁ praṇamya raghūttamaḥ pariṣvakto dṛḍhaṁ tena sānandena mahātmanā

Having bowed to him with the eightfold prostration, the best of the Raghus was warmly embraced by that joyful great soul.

Verse 22 (skanda.6.103.22)

नातिदूरे ततस्तस्य विनयेन समन्वितः । उपविष्टो धरापृष्ठे कृतांजलिपुटः स्थितः

nātidūre tatastasya vinayena samanvitaḥ upaviṣṭo dharāpṛṣṭhe kṛtāṁjalipuṭaḥ sthitaḥ

Then, filled with humility, he sat down not far from him upon the ground, with folded hands.

Verse 23 (skanda.6.103.23)

ततः पृष्टस्तु मुनिना कथयामास विस्तरात् । वृत्तांतं सर्वमात्मीयं स्वर्गस्य गमनं प्रति

tataḥ pṛṣṭastu muninā kathayāmāsa vistarāt vṛttāṁtaṁ sarvamātmīyaṁ svargasya gamanaṁ prati

Then, questioned by the sage, he related in full detail the whole account of his own affairs, of his going to heaven —

Verse 24 (skanda.6.103.24)

यथा सीता परित्यक्ता यथा सौमित्रिणा कृतः । परित्यागः स्वकीयस्य संत्यक्तेन महात्मना

yathā sītā parityaktā yathā saumitriṇā kṛtaḥ parityāgaḥ svakīyasya saṁtyaktena mahātmanā

how Sita had been given up, how the renunciation of his own kin was carried out by Saumitri, that great soul who had himself been forsaken,

Verse 25 (skanda.6.103.25)

तथा सुग्रीवमासाद्य तथैव च विभीषणम् । संभाष्य चागमस्त्वत्र ततः पुष्पकसंस्थितिः

tathā sugrīvamāsādya tathaiva ca vibhīṣaṇam saṁbhāṣya cāgamastvatra tataḥ puṣpakasaṁsthitiḥ

and how, having met with Sugriva and likewise Vibhishana and spoken with them, he had then come here, and thereupon the Pushpaka had come to a halt.

Verse 26 (skanda.6.103.26)

ततोऽगस्त्यः कथाश्चित्राश्चक्रे तस्य पुरस्तदा । राजर्षीणां पुराणानां दृष्टांतैर्बहुभिर्मुनिः

tato'gastyaḥ kathāścitrāścakre tasya purastadā rājarṣīṇāṁ purāṇānāṁ dṛṣṭāṁtairbahubhirmuniḥ

Then Agastya related to him many wondrous stories, with numerous illustrations drawn from royal sages and the ancient lore.

Verse 27 (skanda.6.103.27)

ततः कथावसाने च चलचित्तं रघूत्तमम् । विलोक्य प्रददौ तस्मै रत्नाभरणमुत्तमम्

tataḥ kathāvasāne ca calacittaṁ raghūttamam vilokya pradadau tasmai ratnābharaṇamuttamam

Then, at the end of the story, noticing that the mind of the best of the Raghus had wandered, he gave him a most excellent jeweled ornament,

Verse 28 (skanda.6.103.28)

यन्न देवेषु यक्षेषु सिद्धविद्याधरेषु च । नागेषु राक्षसेन्द्रेषु मानुषेषु च का कथा

yanna deveṣu yakṣeṣu siddhavidyādhareṣu ca nāgeṣu rākṣasendreṣu mānuṣeṣu ca kā kathā

the like of which exists neither among gods, yakshas, siddhas, nor vidyadharas, nor among nagas or the lords of rakshasas — let alone among men.

Verse 29 (skanda.6.103.29)

यस्येन्द्रायुधसंघाश्च निष्क्रामंति सहस्रशः । रात्रौ तमिस्रपक्षेऽपि लक्ष्यतेऽर्कोपमत्विषः

yasyendrāyudhasaṁghāśca niṣkrāmaṁti sahasraśaḥ rātrau tamisrapakṣe'pi lakṣyate'rkopamatviṣaḥ

from which thousands of rainbow-hued rays flash forth; even at night, in the dark fortnight, it is seen shining like the sun.

Verse 30 (skanda.6.103.30)

तद्रामस्तु गृहीत्वाऽथ विस्मयोत्फुल्ललोचनः । पप्रच्छ कौतुकाविष्टः कुतस्त्वेतन्मुने तव

tadrāmastu gṛhītvā'tha vismayotphullalocanaḥ papraccha kautukāviṣṭaḥ kutastvetanmune tava

Taking that ornament, his eyes wide with wonder, Rama, filled with curiosity, asked: "Where, O sage, did you get this —

Verse 31 (skanda.6.103.31)

अत्यद्भुतकरं रत्नैर्निर्मितं तिमिरापहम् । कण्ठाभरणमाख्याहि नेदमस्ति जगत्त्रये

atyadbhutakaraṁ ratnairnirmitaṁ timirāpaham kaṇṭhābharaṇamākhyāhi nedamasti jagattraye

this most wondrous, gem-wrought neck-ornament that dispels darkness — tell me, for nothing like it exists in the three worlds?"

Verse 32 (skanda.6.103.32)

अगस्तिरुवाच । यत्पश्यसि रघुश्रेष्ठ तडागमिदमुत्तमम् । ममाश्रमसमीपस्थं तद्देवदेवनिर्मितम्

agastiruvāca yatpaśyasi raghuśreṣṭha taḍāgamidamuttamam mamāśramasamīpasthaṁ taddevadevanirmitam

Agastya said: "This excellent tank you see, O best of the Raghus, lies near my hermitage and was made by the god of gods.

Verse 33 (skanda.6.103.33)

तस्य तीरे मया दृष्टं यदाश्चर्यमनुत्तमम् । तत्तेऽहं संप्रवक्ष्यामि शृणुष्व रघुनन्दन

tasya tīre mayā dṛṣṭaṁ yadāścaryamanuttamam tatte'haṁ saṁpravakṣyāmi śṛṇuṣva raghunandana

On its bank I once beheld a most extraordinary wonder; I shall now tell it to you — listen, O Raghunandana.

Verse 34 (skanda.6.103.34)

कदाचिद्राघवश्रेष्ठ निशीथेऽहं समुत्थितः । पश्यामि व्योममार्गेण प्रद्योतं भास्करोपमम्

kadācidrāghavaśreṣṭha niśīthe'haṁ samutthitaḥ paśyāmi vyomamārgeṇa pradyotaṁ bhāskaropamam

Once, O best of the Raghavas, having risen at midnight, I saw a radiance in the sky's pathway, brilliant like the sun.

Verse 35 (skanda.6.103.35)

यावत्तावद्विमानं तदप्सरोगणराजितम् । तस्य मध्यगतश्चैकः पुरुषस्तरुणस्तथा । अन्धस्तत्र समारूढः स्तूयते किन्नरैर्नृपः

yāvattāvadvimānaṁ tadapsarogaṇarājitam tasya madhyagataścaikaḥ puruṣastaruṇastathā andhastatra samārūḍhaḥ stūyate kinnarairnṛpaḥ

And there was a chariot, resplendent with hosts of apsarases; in its midst was a single man, youthful, though blind, mounted there, being praised by the kinnaras as a king.

Verse 36 (skanda.6.103.36)

रत्नाभरणमेतच्च बिभ्रत्कण्ठे सुनिर्मलम् । द्वादशार्कप्रतीकाशं कामदेव इवापरः

ratnābharaṇametacca bibhratkaṇṭhe sunirmalam dvādaśārkapratīkāśaṁ kāmadeva ivāparaḥ

He wore this very pure jeweled ornament at his throat, shining like twelve suns together, as though he were another god of love.

Verse 37 (skanda.6.103.37)

अथोत्तीर्य विमानाग्र्यात्स्कंधलग्नो रघूद्वह । एकस्य देवदूतस्य सलिलांतमुपागतः

athottīrya vimānāgryātskaṁdhalagno raghūdvaha ekasya devadūtasya salilāṁtamupāgataḥ

Then, descending from the top of the chariot, O bearer of the Raghus, leaning on the shoulder of a divine messenger, he reached the water's edge.

Verse 38 (skanda.6.103.38)

ततश्च सलिलात्तस्मादाकृष्य च कलेवरम् । मृतकस्य ततो दंतैर्भक्षयामास सत्वरम्

tataśca salilāttasmādākṛṣya ca kalevaram mṛtakasya tato daṁtairbhakṣayāmāsa satvaram

Then, drawing a corpse out of that water, he began swiftly to devour it with his teeth.

Verse 39 (skanda.6.103.39)

यथायथा महामांसं स भक्षयति राघव । तथातथा पुनः कायं तद्रूपं तत्प्रजायते

yathāyathā mahāmāṁsaṁ sa bhakṣayati rāghava tathātathā punaḥ kāyaṁ tadrūpaṁ tatprajāyate

O Raghava, the more of that great flesh he devoured, the more his own body kept regenerating into that same form again.

Verse 40 (skanda.6.103.40)

ततस्तृप्तिं चिरात्प्राप्य शुचिर्भूत्वा प्रहर्षितः । निष्क्रम्य सलिलाद्यावद्विमानमधिरोहति

tatastṛptiṁ cirātprāpya śucirbhūtvā praharṣitaḥ niṣkramya salilādyāvadvimānamadhirohati

Then, having attained satisfaction after a long while, and having become purified, filled with joy, he emerged from the water and mounted the chariot again.

Verse 41 (skanda.6.103.41)

तावन्मया द्रुतं गत्वा स पृष्टः कौतुकान्नृपः । सेव्यमानोऽपि गन्धर्वैः समंताद्बुद्धितत्परैः

tāvanmayā drutaṁ gatvā sa pṛṣṭaḥ kautukānnṛpaḥ sevyamāno'pi gandharvaiḥ samaṁtādbuddhitatparaiḥ

Just then, going swiftly, I questioned that king out of curiosity, even though he was being attended on all sides by discerning gandharvas.

Verse 42 (skanda.6.103.42)

भोभो वैमानिकश्रेष्ठ मुहूर्तं प्रतिपालय । अगस्तिर्नाम विप्रोऽहं मित्रावरुणसंभवः

bhobho vaimānikaśreṣṭha muhūrtaṁ pratipālaya agastirnāma vipro'haṁ mitrāvaruṇasaṁbhavaḥ

"O best of chariot-riders, wait a moment! I am a brahmin named Agastya, born of Mitra and Varuna."

Verse 43 (skanda.6.103.43)

तच्छ्रुत्वा सम्मुखो भूत्वा प्रणाममकरोत्ततः । तैश्च वैमानिकैः सार्धं सर्वैस्तैः किन्नरादिभिः

tacchrutvā sammukho bhūtvā praṇāmamakarottataḥ taiśca vaimānikaiḥ sārdhaṁ sarvaistaiḥ kinnarādibhiḥ

Hearing that, he turned to face me and bowed, together with those chariot-riders and all the kinnaras and others.

Verse 44 (skanda.6.103.44)

सोऽयं राजा मया पृष्टः कृतानतिः पुरः स्थितः । कस्त्वमीदृग्वपुः श्रीमान्विमानवरमाश्रितः । सेव्यमानोऽप्सरोभिश्च गन्धर्वैः किन्नरैस्तथा

so'yaṁ rājā mayā pṛṣṭaḥ kṛtānatiḥ puraḥ sthitaḥ kastvamīdṛgvapuḥ śrīmānvimānavaramāśritaḥ sevyamāno'psarobhiśca gandharvaiḥ kinnaraistathā

"This king, whom I have questioned, standing before me having bowed — who are you, of such splendid form, mounted on this excellent chariot, attended by apsarases, gandharvas, and kinnaras,

Verse 45 (skanda.6.103.45)

अत्राऽऽगत्य तडागांते महामांसप्रभक्षणम् । कृतवानसि वैकल्यं कस्मात्ते दृष्टिसंभवम्

atrā''gatya taḍāgāṁte mahāmāṁsaprabhakṣaṇam kṛtavānasi vaikalyaṁ kasmātte dṛṣṭisaṁbhavam

who, coming here to the edge of this tank, devour that great flesh — and how did this blindness of yours come to be?"

Verse 46 (skanda.6.103.46)

वैमानिक उवाच । साधु साधु मुनिश्रेष्ठ यत्त्वं प्राप्तो ममान्तिकम् । अवश्यं सानुकूलो मे विधिर्यत्त्वं समागतः

vaimānika uvāca sādhu sādhu muniśreṣṭha yattvaṁ prāpto mamāntikam avaśyaṁ sānukūlo me vidhiryattvaṁ samāgataḥ

The chariot-rider said: "Well, well, best of sages, that you have come near me — surely fate has favored me that you have arrived.

Verse 47 (skanda.6.103.47)

साधूनां दर्शनं पुण्यं तीर्थभूता हि साधवः । कालेन फलते तीर्थं सद्यः साधुसमागमः

sādhūnāṁ darśanaṁ puṇyaṁ tīrthabhūtā hi sādhavaḥ kālena phalate tīrthaṁ sadyaḥ sādhusamāgamaḥ

The sight of the virtuous is meritorious; the virtuous themselves are tirthas; a tirtha bears fruit only in time, but the company of the virtuous bears fruit at once.

Verse 48 (skanda.6.103.48)

तस्मात्सर्वं तवाख्यानं कथयामि महामुने । येन मे गर्हितं भोज्यं विभवश्च तथेदृशः

tasmātsarvaṁ tavākhyānaṁ kathayāmi mahāmune yena me garhitaṁ bhojyaṁ vibhavaśca tathedṛśaḥ

Therefore, great sage, I shall tell you my whole story, by which this loathsome food and this condition came upon me.

Verse 49 (skanda.6.103.49)

अहमासं पुरा राजा श्वेतो नाम महामुने । आनर्ताधिपतिः पापः सर्वलोकनिपीडकः

ahamāsaṁ purā rājā śveto nāma mahāmune ānartādhipatiḥ pāpaḥ sarvalokanipīḍakaḥ

Formerly, great sage, I was a king named Shveta, lord of Anarta, a sinful man who oppressed all people.

Verse 50 (skanda.6.103.50)

न किंचित्प्राङ्मया दत्तं न हुतं जातवेदसि । न च रक्षा कृता लोके न त्राताः शरणागताः

na kiṁcitprāṅmayā dattaṁ na hutaṁ jātavedasi na ca rakṣā kṛtā loke na trātāḥ śaraṇāgatāḥ

I never gave anything before, nor offered anything into the sacred fire; I never protected anyone in the world, nor sheltered those who sought refuge.

Verse 51 (skanda.6.103.51)

दृष्ट्वादृष्ट्वा मया रत्नं यत्किंचिद्धरणीतले । तद्वै बलाद्धृतं सर्वं सर्वेषामिह देहिनाम्

dṛṣṭvādṛṣṭvā mayā ratnaṁ yatkiṁciddharaṇītale tadvai balāddhṛtaṁ sarvaṁ sarveṣāmiha dehinām

Whatever jewel I chanced to see anywhere upon the earth, all of it I seized by force from all those beings.

Verse 52 (skanda.6.103.52)

ततः कालेन दीर्घेण जराग्रस्तस्य मे बलात् । हृतं राज्यं स्वपुत्रेण मां निर्वास्य विगर्हितम्

tataḥ kālena dīrgheṇa jarāgrastasya me balāt hṛtaṁ rājyaṁ svaputreṇa māṁ nirvāsya vigarhitam

Then, after a long time, when I was overtaken by old age, my own son forcibly seized my kingdom and banished me in disgrace.

Verse 53 (skanda.6.103.53)

ततोऽहं जरया ग्रस्तो वैराग्यं परमं गतः । समायातोऽत्र विप्रेंद्र भ्रममाण इतस्ततः

tato'haṁ jarayā grasto vairāgyaṁ paramaṁ gataḥ samāyāto'tra vipreṁdra bhramamāṇa itastataḥ

Then, overtaken by old age, having reached utter detachment, I came here, O best of brahmins, wandering aimlessly from place to place.

Verse 54 (skanda.6.103.54)

ततः क्षुत्क्षामकण्ठोऽहं स्नात्वाऽत्र सलिले शुभे । मृतश्च संनिविष्टोऽहं क्षुधया परिपीडितः

tataḥ kṣutkṣāmakaṇṭho'haṁ snātvā'tra salile śubhe mṛtaśca saṁniviṣṭo'haṁ kṣudhayā paripīḍitaḥ

Then, my throat parched with hunger, having bathed here in this auspicious water, I sank down, dead, tormented by hunger.

Verse 55 (skanda.6.103.55)

प्राविश्याऽत्र जले पुण्ये पंचत्वं समुपागतः । ततश्च तत्क्षणादेव विमानं समुपस्थितम्

prāviśyā'tra jale puṇye paṁcatvaṁ samupāgataḥ tataśca tatkṣaṇādeva vimānaṁ samupasthitam

Having entered this sacred water, I met my death; and then, at that very instant, a chariot appeared there.

Verse 56 (skanda.6.103.56)

मामन्येन शरीरेण समादाय च किंकराः । तत्रारोप्य ततः प्राप्ता ब्रह्मणः सदनं प्रति

māmanyena śarīreṇa samādāya ca kiṁkarāḥ tatrāropya tataḥ prāptā brahmaṇaḥ sadanaṁ prati

Servants took me up in another body, and, seating me upon it, brought me to the abode of Brahma.

Verse 57 (skanda.6.103.57)

दिव्यमाल्यावरधरं दिव्यगन्धानुलेपनम् । दिव्याभरणसंजुष्टं स्तूयमानं च किन्नरैः

divyamālyāvaradharaṁ divyagandhānulepanam divyābharaṇasaṁjuṣṭaṁ stūyamānaṁ ca kinnaraiḥ

Wearing excellent divine garlands, anointed with divine fragrance, adorned with divine ornaments, and praised by kinnaras —

Verse 58 (skanda.6.103.58)

ततो ब्रह्मसभामध्ये ह्यहं तैर्देवकिंकरैः । तादृग्रूपो विचक्षुश्च धारितो ब्रह्मणः पुरः

tato brahmasabhāmadhye hyahaṁ tairdevakiṁkaraiḥ tādṛgrūpo vicakṣuśca dhārito brahmaṇaḥ puraḥ

Then, in the midst of Brahma's assembly, I — thus formed, yet without sight — was held there before Brahma by those servants of the gods.

Verse 59 (skanda.6.103.59)

सर्वैः सभागतैर्दृष्टा विस्मितास्यैः परस्परम् । अन्यैश्च निन्दमानैश्च धिक्छब्दस्य प्रजल्पकैः

sarvaiḥ sabhāgatairdṛṣṭā vismitāsyaiḥ parasparam anyaiśca nindamānaiśca dhikchabdasya prajalpakaiḥ

Seen by all those gathered in the assembly, their faces filled with mutual astonishment, and by others reviling me, muttering the word "shame" —

Verse 60 (skanda.6.103.60)

किंकरा ऊचुः । एष देवश्चतुर्वक्त्रः सभेयं तस्य सम्भवा । सर्वैर्देवगणैर्जुष्टा प्रणामः क्रियतामिति

kiṁkarā ūcuḥ eṣa devaścaturvaktraḥ sabheyaṁ tasya sambhavā sarvairdevagaṇairjuṣṭā praṇāmaḥ kriyatāmiti

The servants said: "This is the four-faced god; this is his own assembly, attended by all the hosts of gods — let obeisance be made."

Verse 61 (skanda.6.103.61)

ततोऽहं प्रणिपत्योच्चैस्तं देवं देवसंयुतम् । उपविष्टः सभामध्ये व्रीडयाऽवनतः स्थितः

tato'haṁ praṇipatyoccaistaṁ devaṁ devasaṁyutam upaviṣṭaḥ sabhāmadhye vrīḍayā'vanataḥ sthitaḥ

Then, bowing deeply to that god, surrounded by the other gods, I sat down in the midst of the assembly, bowed low with shame.

Verse 62 (skanda.6.103.62)

यथायथा कथास्तत्र प्रजायन्ते सभातले । देवद्विजनरेन्द्राणां धर्माख्यानानि कुंभज

yathāyathā kathāstatra prajāyante sabhātale devadvijanarendrāṇāṁ dharmākhyānāni kuṁbhaja

O Kumbhaja, the more that tales arose there on the floor of the assembly — accounts of dharma concerning gods, brahmins, and kings —

Verse 63 (skanda.6.103.63)

तथातथा ममातीव क्षुद्वृद्धिं संप्रगच्छति । जाने किं भक्षयाम्याशु दृषदः काष्ठमेव वा

tathātathā mamātīva kṣudvṛddhiṁ saṁpragacchati jāne kiṁ bhakṣayāmyāśu dṛṣadaḥ kāṣṭhameva vā

the more my hunger kept mounting terribly; I did not know whether I would soon be eating stones or wood.

Verse 64 (skanda.6.103.64)

ततो मया प्रणम्योच्चैर्विज्ञप्तः प्रपितामहः । प्राणिपत्य मुनिश्रेष्ठ लज्जां त्यक्त्वा सुदूरतः

tato mayā praṇamyoccairvijñaptaḥ prapitāmahaḥ prāṇipatya muniśreṣṭha lajjāṁ tyaktvā sudūrataḥ

Then, bowing loudly, O best of sages, I petitioned the Great-grandsire, prostrating myself and casting my shame far aside.

Verse 65 (skanda.6.103.65)

क्षुधा मां बाधतेऽतीव सांप्रतं प्रपितामह । तथा पश्यामि नो किंचित्तादृग्भोज्यं प्रयच्छ मे

kṣudhā māṁ bādhate'tīva sāṁprataṁ prapitāmaha tathā paśyāmi no kiṁcittādṛgbhojyaṁ prayaccha me

"Hunger torments me exceedingly now, O Great-grandsire; and I see nothing here of the kind of food I need — grant it to me."

Verse 66 (skanda.6.103.66)

क्षुत्पिपासादयो दोषा न विद्यंतेऽत्र ते किल । स्वर्गे स्थितस्य यच्चैतत्तत्किमेवंविधं मम

kṣutpipāsādayo doṣā na vidyaṁte'tra te kila svarge sthitasya yaccaitattatkimevaṁvidhaṁ mama

"Hunger, thirst, and such afflictions do not exist here at all for one established in heaven — so why is this happening to me?"

Verse 67 (skanda.6.103.67)

पितामह उवाच । त्वया नान्नं क्वचिद्दत्तं कस्यचित्पृथिवीतले । तेनात्रापि बुभुक्षा ते वृद्धिं गच्छति दुर्मते

pitāmaha uvāca tvayā nānnaṁ kvaciddattaṁ kasyacitpṛthivītale tenātrāpi bubhukṣā te vṛddhiṁ gacchati durmate

The Grandsire said: "You never gave food to anyone anywhere on the earth; that is why, O foolish one, your hunger keeps growing even here.

Verse 68 (skanda.6.103.68)

तथा हृतानि रत्नानि यानि दृष्टिगतानि ते । चक्षुर्हीनस्ततो जातो मम लोके गतोऽपि च

tathā hṛtāni ratnāni yāni dṛṣṭigatāni te cakṣurhīnastato jāto mama loke gato'pi ca

And likewise, whatever jewels came within your sight, you seized them all — from that, blindness has come upon you, even here in my world.

Verse 69 (skanda.6.103.69)

यस्त्वं पातकयुक्तोऽपि संप्राप्तो मम मंदिरम् । तद्वक्ष्याम्यखिलं तेऽहं शृणुष्वैकमनाः स्थितः

yastvaṁ pātakayukto'pi saṁprāpto mama maṁdiram tadvakṣyāmyakhilaṁ te'haṁ śṛṇuṣvaikamanāḥ sthitaḥ

Though you have come, laden with sin, to my dwelling, I shall now tell you everything — listen with a single-pointed mind.

Verse 70 (skanda.6.103.70)

यस्मिञ्जले त्वया मुक्ताः प्राणाः पापात्मनापि च । श्वेतद्वीपपतिस्तत्र कलिकालभयातुरः

yasmiñjale tvayā muktāḥ prāṇāḥ pāpātmanāpi ca śvetadvīpapatistatra kalikālabhayāturaḥ

In that very water where you, sinful though you were, gave up your life, the lord of Shvetadvipa dwells, distressed by dread of the age of Kali.

Verse 71 (skanda.6.103.71)

ततोऽस्य स्पर्शनात्सद्यो विमुक्तः सर्वपातकैः । अन्नादानात्परा पीडा जायते क्षुत्समुद्भवा

tato'sya sparśanātsadyo vimuktaḥ sarvapātakaiḥ annādānātparā pīḍā jāyate kṣutsamudbhavā

By contact with him, one is at once freed from all sins; a supreme torment born of hunger arises from failing to give food.

Verse 72 (skanda.6.103.72)

तथा रत्नापहारेण सञ्जाता चांधता तव । नैवान्यत्कारणं किंचित्सत्यमेतन्मयोदितम्

tathā ratnāpahāreṇa sañjātā cāṁdhatā tava naivānyatkāraṇaṁ kiṁcitsatyametanmayoditam

And likewise, your blindness has arisen through the theft of jewels; there is no other cause at all — this is the truth I speak.

Verse 73 (skanda.6.103.73)

ततो मया विधिः प्रोक्तः पुनरेव द्विजोत्तम । एषोऽपि ब्रह्मलोकस्ते नरकादतिरिच्यते । तस्मात्तत्रैव मां देव प्रेषयस्व किमत्र वै

tato mayā vidhiḥ proktaḥ punareva dvijottama eṣo'pi brahmalokaste narakādatiricyate tasmāttatraiva māṁ deva preṣayasva kimatra vai

Then, O best of the twice-born, I made this plea again: 'Even this Brahmaloka of yours is worse for me than hell. So, my lord, send me to that very place — what is there here for me?'

Verse 74 (skanda.6.103.74)

ब्रह्मोवाच । तस्मात्तत्रैव गच्छ त्वं प्रेषितोऽसि किमत्र वै । नरके तव वासो न श्वेतद्वीपसमुद्भवम्

brahmovāca tasmāttatraiva gaccha tvaṁ preṣito'si kimatra vai narake tava vāso na śvetadvīpasamudbhavam

Brahma said: "So go there itself — you are being sent there; what more is there for you here? Your dwelling shall not be in hell, but in that place arising from Shvetadvipa.

Verse 75 (skanda.6.103.75)

माहात्म्यं नाशमायाति शास्त्रं स्यात्सत्यवर्जितम् । तस्मात्त्वं नित्यमारूढो विमाने त्रैवसुन्दरे

māhātmyaṁ nāśamāyāti śāstraṁ syātsatyavarjitam tasmāttvaṁ nityamārūḍho vimāne traivasundare

Otherwise its greatness would come to nothing, and scripture would be devoid of truth. Therefore you shall remain forever mounted upon that beautiful chariot,

Verse 76 (skanda.6.103.76)

गत्वा जलाशये तस्मिन्यत्र प्राणाः समुज्झिताः । तमेव निजदेहं च भक्षयस्व यथेच्छया

gatvā jalāśaye tasminyatra prāṇāḥ samujjhitāḥ tameva nijadehaṁ ca bhakṣayasva yathecchayā

and, going to that pool where you gave up your life, you shall devour that very body of yours, as you please.

Verse 77 (skanda.6.103.77)

तद्भविष्यति मद्वाक्यादक्षयं जलमध्यगम् । तावत्कालं च दृष्टिस्ते भोज्यकाले भविष्यति

tadbhaviṣyati madvākyādakṣayaṁ jalamadhyagam tāvatkālaṁ ca dṛṣṭiste bhojyakāle bhaviṣyati

By my word this shall unfailingly come to pass in the midst of that water; and only during the time of eating will you have your sight.

Verse 78 (skanda.6.103.78)

ततोऽहं तस्य वाक्येन दीपोत्सवदिने सदा । निशीथेऽत्र समागत्य भक्षयामि निजां तनुम्

tato'haṁ tasya vākyena dīpotsavadine sadā niśīthe'tra samāgatya bhakṣayāmi nijāṁ tanum

Then, by his word, I come here always on the day of the lamp-festival, at midnight, and devour my own body.

Verse 79 (skanda.6.103.79)

ततस्तृप्तिं प्रगच्छामि यावद्दैवं दिनं स्थितम् । मानुषं च तथा वर्षमीदृग्रूपो व्यवस्थितः

tatastṛptiṁ pragacchāmi yāvaddaivaṁ dinaṁ sthitam mānuṣaṁ ca tathā varṣamīdṛgrūpo vyavasthitaḥ

Then I remain satisfied for as long as a day of the gods lasts — that is, a human year — abiding in this same form.

Verse 80 (skanda.6.103.80)

नास्त्यसाध्यं मुनिश्रेष्ठ तव किंचिज्जगत्त्रये । येनैकं चुलुकं कृत्वा निपीतः पयसां निधिः

nāstyasādhyaṁ muniśreṣṭha tava kiṁcijjagattraye yenaikaṁ culukaṁ kṛtvā nipītaḥ payasāṁ nidhiḥ

Nothing is impossible for you, best of sages, in the three worlds — you who, with a single cupped handful, drank up the very ocean.

Verse 81 (skanda.6.103.81)

तस्मान्मुने दयां कृत्वा ममोपरि महत्तराम् । मामुद्धर सुदुःखार्तमस्मात्सर्वजनैर्घृणितात्

tasmānmune dayāṁ kṛtvā mamopari mahattarām māmuddhara suduḥkhārtamasmātsarvajanairghṛṇitāt

Therefore, sage, showing the greatest compassion toward me, deliver me, so grievously afflicted, from this condition scorned by all people.

Verse 82 (skanda.6.103.82)

तथा दृष्टिप्रदानं मे कुरुष्व मुनिसत्तम । निर्विण्णोऽस्म्यंधभावेन नान्या त्वत्तोऽस्ति मे गतिः

tathā dṛṣṭipradānaṁ me kuruṣva munisattama nirviṇṇo'smyaṁdhabhāvena nānyā tvatto'sti me gatiḥ

And grant me too the gift of sight, best of sages; I am utterly weary of this blindness — there is no refuge for me but you."

Verse 83 (skanda.6.103.83)

तस्य तद्वचनं श्रुत्वा कृपया मम मानसम् । द्रवीभूतं तदा वाक्यमवोचं तं रघूत्तम

tasya tadvacanaṁ śrutvā kṛpayā mama mānasam dravībhūtaṁ tadā vākyamavocaṁ taṁ raghūttama

Hearing his words, my mind melted with compassion; then I spoke this word to him, O best of the Raghus:

Verse 84 (skanda.6.103.84)

त्वमन्ननिष्क्रयं देहि कण्ठस्थमिह भूषणम् । येन नाशं प्रयात्येषा बुभुक्षा जठरोद्भवा

tvamannaniṣkrayaṁ dehi kaṇṭhasthamiha bhūṣaṇam yena nāśaṁ prayātyeṣā bubhukṣā jaṭharodbhavā

'Give, as payment for food, this very ornament resting at your throat, by which this hunger born of the belly may be destroyed.

Verse 85 (skanda.6.103.85)

तथाऽद्यप्रभृति प्राज्ञ रत्नदीपान्सुनिर्मलान् । अत्रैव सरसस्तीरे देहि दामोदराय च

tathā'dyaprabhṛti prājña ratnadīpānsunirmalān atraiva sarasastīre dehi dāmodarāya ca

And from this day forward, O wise one, offer pure jeweled lamps here on the bank of this lake to Damodara,

Verse 86 (skanda.6.103.86)

तेन दानेन ते येन संजायते दृष्टिः शाश्वती तव निर्मला । मम वाक्यादसंदिग्धं सत्येनात्मानमालभे

tena dānena te yena saṁjāyate dṛṣṭiḥ śāśvatī tava nirmalā mama vākyādasaṁdigdhaṁ satyenātmānamālabhe

by that gift you shall obtain a pure and everlasting sight; by my word, without doubt, I pledge this in truth upon myself.'

Verse 87 (skanda.6.103.87)

राजोवाच । ममोपरि दयां कृत्वा त्वमेव मुनिसत्तम । गृहाण रत्नसंभूतं कण्ठाभरणमुत्तमम्

rājovāca mamopari dayāṁ kṛtvā tvameva munisattama gṛhāṇa ratnasaṁbhūtaṁ kaṇṭhābharaṇamuttamam

The king said: "Having shown compassion toward me, you yourself, best of sages, take this excellent jeweled neck-ornament."

Verse 88 (skanda.6.103.88)

ततो दयाभिभूतेन मया तस्य प्रतिग्रहः । निःस्पृहेणापि संचीर्णो मुनिना रण्यवासिना

tato dayābhibhūtena mayā tasya pratigrahaḥ niḥspṛheṇāpi saṁcīrṇo muninā raṇyavāsinā

Then, overcome with compassion, though I was a desireless, forest-dwelling sage, I accepted that gift from him.

Verse 89 (skanda.6.103.89)

ततः प्रक्षाल्य मे पादौ यावत्तेनान्ननिष्क्रये । विभूषणमिदं दत्तं सद्भक्त्या भावितात्मने

tataḥ prakṣālya me pādau yāvattenānnaniṣkraye vibhūṣaṇamidaṁ dattaṁ sadbhaktyā bhāvitātmane

Then, having washed my feet — and until I could give him food in exchange — I gave this ornament to him, that earnest soul, with true devotion.

Verse 90 (skanda.6.103.90)

ततस्तस्य प्रणष्टा सा बुभुक्षा तत्क्षणान्नृप । संजाता परमा तृप्तिर्देवपीयूषसंभवा

tatastasya praṇaṣṭā sā bubhukṣā tatkṣaṇānnṛpa saṁjātā paramā tṛptirdevapīyūṣasaṁbhavā

Then his hunger was destroyed that very instant, O king, and a supreme satisfaction arose in him, like that born of the nectar of the gods.

Verse 91 (skanda.6.103.91)

तस्य नष्टं मृतं कायं तच्च जीर्णं पुरोद्भवम् । यदासीदक्षयं नित्यं तस्मिंस्तोये व्यवस्थितम्

tasya naṣṭaṁ mṛtaṁ kāyaṁ tacca jīrṇaṁ purodbhavam yadāsīdakṣayaṁ nityaṁ tasmiṁstoye vyavasthitam

His dead, decayed body, of long standing, then vanished — that body which had remained forever imperishable there in that water.

Verse 92 (skanda.6.103.92)

ततः संस्थापितस्तेन तस्मिन्स्थाने सुभक्तितः । दामोदरो रघुश्रेष्ठ कृत्वा प्रासादमुत्तमम्

tataḥ saṁsthāpitastena tasminsthāne subhaktitaḥ dāmodaro raghuśreṣṭha kṛtvā prāsādamuttamam

Then he, with true devotion, established Damodara in that very place, having built an excellent temple, O best of the Raghus.

Verse 93 (skanda.6.103.93)

तस्याग्रे श्रद्धया युक्तो दीपं दद्याद्यथायथा । तथातथा भवेद्दृष्टिस्तस्य नित्यं सुनिर्मलाम्

tasyāgre śraddhayā yukto dīpaṁ dadyādyathāyathā tathātathā bhaveddṛṣṭistasya nityaṁ sunirmalām

Before it, filled with faith, the more he offered lamps, in due course, the more his sight kept growing ever purer.

Verse 94 (skanda.6.103.94)

ततो मासात्समासाद्य दिव्यचक्षुर्महीपतिः । स बभूव नृपश्रेष्ठः स्पृहणीयतमः सताम्

tato māsātsamāsādya divyacakṣurmahīpatiḥ sa babhūva nṛpaśreṣṭhaḥ spṛhaṇīyatamaḥ satām

Then, within a month, that lord of the earth attained divine sight and became the foremost of kings, most cherished among the virtuous.

Verse 95 (skanda.6.103.95)

ततः प्रोवाच मां हृष्टः प्रणिपत्य कृतांजलिः । हर्षगद्गदया वाचा प्रस्थितस्त्रिदिवं प्रति

tataḥ provāca māṁ hṛṣṭaḥ praṇipatya kṛtāṁjaliḥ harṣagadgadayā vācā prasthitastridivaṁ prati

Then he spoke to me joyfully, with folded hands, having bowed, in a voice choked with delight, as he set out toward heaven:

Verse 96 (skanda.6.103.96)

त्वत्प्रसादात्प्रणष्टा मे बुभुक्षाऽतिसुदारुणा । तथा दृष्टिश्च संजाता दिव्या ब्राह्मणसत्तम

tvatprasādātpraṇaṣṭā me bubhukṣā'tisudāruṇā tathā dṛṣṭiśca saṁjātā divyā brāhmaṇasattama

"By your grace, that most dreadful hunger of mine has been destroyed, and divine sight too has arisen in me, O best of brahmins.

Verse 97 (skanda.6.103.97)

अनुज्ञां देहि मे तस्माद्येन गच्छामि सांप्रतम् । ब्रह्मलोकं मुनिश्रेष्ठ तीर्थस्यास्य प्रभावतः

anujñāṁ dehi me tasmādyena gacchāmi sāṁpratam brahmalokaṁ muniśreṣṭha tīrthasyāsya prabhāvataḥ

So grant me leave, that I may now go to Brahmaloka, best of sages, by the power of this tirtha."

Verse 98 (skanda.6.103.98)

ततो मया विनिर्मुक्तः प्रणिपत्य मुहुर्मुहुः । स जगाम प्रहृष्टात्मा ब्रह्मलोकं सनातनम्

tato mayā vinirmuktaḥ praṇipatya muhurmuhuḥ sa jagāma prahṛṣṭātmā brahmalokaṁ sanātanam

Then, released by me, bowing again and again, he went, his soul rejoicing, to the eternal Brahmaloka.

Verse 99 (skanda.6.103.99)

एवं मे भूषणमिदं जातं हस्तगतं पुरा । तव योग्यमिदं ज्ञात्वा तुभ्यं तेन निवेदितम्

evaṁ me bhūṣaṇamidaṁ jātaṁ hastagataṁ purā tava yogyamidaṁ jñātvā tubhyaṁ tena niveditam

In this way this ornament came into my hands long ago; recognizing it as fitting for you, I have now presented it to you.

Verse 100 (skanda.6.103.100)

ततः प्रभृति राजेंद्र समागत्यात्र मानवाः । रत्नदीपान्प्रदायोच्चैः स्नात्वाऽत्र सलिले शुभे । कार्तिके मासि निर्यांति देहांते त्रिदिवालयम्

tataḥ prabhṛti rājeṁdra samāgatyātra mānavāḥ ratnadīpānpradāyoccaiḥ snātvā'tra salile śubhe kārtike māsi niryāṁti dehāṁte tridivālayam

From then on, O lord of kings, men who come here and, having bathed in this auspicious water in the month of Kartika, offer jeweled lamps, go to the abode of heaven at the end of the body.

Verse 101 (skanda.6.103.101)

ये पुनः प्राणसंत्यागं प्रकुर्वंति समाहिताः । पापात्मानोऽपि ते यांति ब्रह्मलोकं रघूत्तम

ye punaḥ prāṇasaṁtyāgaṁ prakurvaṁti samāhitāḥ pāpātmāno'pi te yāṁti brahmalokaṁ raghūttama

And those who, composed in mind, give up their lives here — even those of sinful soul — go to Brahmaloka, O best of the Raghus.

Verse 102 (skanda.6.103.102)

ततो दृष्ट्वा सहस्राक्षः प्रभावं तज्जलोद्भवम् । पांसुभिः पूरयामास समंताद्भयसंकुलम्

tato dṛṣṭvā sahasrākṣaḥ prabhāvaṁ tajjalodbhavam pāṁsubhiḥ pūrayāmāsa samaṁtādbhayasaṁkulam

Then Indra, seeing that power arising from that water, filled it on every side with dust, overcome with dread.

Verse 103 (skanda.6.103.103)

तदद्य दिवसः प्राप्तो दीपोत्सवसमुद्भवः । सुपुण्योऽत्र ममादेशात्त्वं कुरुष्व सुकूपिकाम्

tadadya divasaḥ prāpto dīpotsavasamudbhavaḥ supuṇyo'tra mamādeśāttvaṁ kuruṣva sukūpikām

"That very highly auspicious day of the lamp-festival has now arrived; by my command, make here an excellent well.

Verse 104 (skanda.6.103.104)

तस्यां स्नानं विधायाथ पितॄंस्तर्पय राघव । देवस्यास्य पुरो देहि रत्नदीपमनुत्तमम्

tasyāṁ snānaṁ vidhāyātha pitṝṁstarpaya rāghava devasyāsya puro dehi ratnadīpamanuttamam

Having bathed in it, then offer libations to your ancestors, O Raghava; before this god, present an unrivaled jeweled lamp.

Verse 105 (skanda.6.103.105)

येन संजायते सिद्धिर्ब्रह्मलोकसमुद्भवा । अनेनैव शरीरेण सत्यमेतन्मयोदितम्

yena saṁjāyate siddhirbrahmalokasamudbhavā anenaiva śarīreṇa satyametanmayoditam

By this, the accomplishment born of Brahmaloka arises — with this very body — this is the truth I speak.

Verse 106 (skanda.6.103.106)

ततस्ते राघवादेशात्सर्वे राक्षसवानराः । तस्मिन्देशे विनिदधुः कूपिकां विमलोदकाम्

tataste rāghavādeśātsarve rākṣasavānarāḥ tasmindeśe vinidadhuḥ kūpikāṁ vimalodakām

Then, at Raghava's command, all those rakshasas and vanaras made a well of pure water in that place.

Verse 107 (skanda.6.103.107)

तत्र स्नात्वा पितॄंस्तर्प्य रत्नदीपं प्रदाय च । समस्तं कार्तिकं यावदयोध्यां प्रस्थितास्ततः

tatra snātvā pitṝṁstarpya ratnadīpaṁ pradāya ca samastaṁ kārtikaṁ yāvadayodhyāṁ prasthitāstataḥ

Bathing there, offering libations to their ancestors, and presenting a jeweled lamp, they remained there through the whole of Kartika, then set out toward Ayodhya.

Verse 108 (skanda.6.103.108)

ततो विभीषणं मुक्त्वा हनूमंतं च वानरम् । ब्रह्मलोकं गताः सर्वे तत्तीर्थस्य प्रभावतः

tato vibhīṣaṇaṁ muktvā hanūmaṁtaṁ ca vānaram brahmalokaṁ gatāḥ sarve tattīrthasya prabhāvataḥ

Then, except for Vibhishana and the vanara Hanuman, all of them went to Brahmaloka, by the power of that tirtha.

Verse 109 (skanda.6.103.109)

सूत उवाच । अद्यापि दीपदानं यः कुरुते तत्र सादरम् । संप्राप्ते कार्तिके मासि स्नात्वा तत्र जले शुभे । स सर्वपातकैर्मुक्तो ब्रह्मलोके महीयते

sūta uvāca adyāpi dīpadānaṁ yaḥ kurute tatra sādaram saṁprāpte kārtike māsi snātvā tatra jale śubhe sa sarvapātakairmukto brahmaloke mahīyate

Suta said: Even today, whoever there reverently offers the gift of a lamp, and, when the month of Kartika arrives, bathes there in that auspicious water, is freed from all sins and is honored in Brahmaloka.

Verse 110 (skanda.6.103.110)

एवं तत्र समुत्पन्नं तत्तडागं शुभावहम् । आनर्त्तीयं तथा विष्णुकूपिका सा च शोभना

evaṁ tatra samutpannaṁ tattaḍāgaṁ śubhāvaham ānarttīyaṁ tathā viṣṇukūpikā sā ca śobhanā

Thus that auspicious tank arose there — the Anartiya — and likewise that beautiful well of Vishnu.