The Glory of Mishtannadeshvara

Verse 1 (skanda.6.141.1)

॥ सूतउवाच ॥ ॥ तथान्योऽपि हि तत्रास्ति देवो मिष्टान्नदायकः ॥ यस्य संदर्शनादेव मिष्टान्नं लभते नरः

sūtauvāca tathānyo'pi hi tatrāsti devo miṣṭānnadāyakaḥ yasya saṁdarśanādeva miṣṭānnaṁ labhate naraḥ

Suta said: There too is another deity, the giver of sweet food, by whose mere sight a man obtains sweet food.

Verse 2 (skanda.6.141.2)

आसीत्पूर्वं नृपो नाम्ना वसुसेन इति स्मृतः ॥ आनर्त्ताधिपतिः ख्यातो बृहत्कल्पे द्विजोत्तमाः

āsītpūrvaṁ nṛpo nāmnā vasusena iti smṛtaḥ ānarttādhipatiḥ khyāto bṛhatkalpe dvijottamāḥ

O best of brahmins, long ago there was a king known by the name Vasusena, famed as the lord of the Anarta country in the Brihat Kalpa.

Verse 3 (skanda.6.141.3)

अत्यैश्वर्यसमायुक्तो गजवाजिरथान्वितः ॥ जितारिपक्षस्तेजस्वी दाता भोगी जितेंद्रियः

atyaiśvaryasamāyukto gajavājirathānvitaḥ jitāripakṣastejasvī dātā bhogī jiteṁdriyaḥ

He was endowed with immense wealth, possessed of elephants, horses and chariots; he had conquered his enemies, was radiant, generous, given to enjoyment, and had mastered his senses.

Verse 4 (skanda.6.141.4)

स संक्रांतौ व्यतीपाते ग्रहणे रवि सोमयोः ॥ पर्वकालेषु चान्येषु विविधेषु सुभक्तितः

sa saṁkrāṁtau vyatīpāte grahaṇe ravi somayoḥ parvakāleṣu cānyeṣu vividheṣu subhaktitaḥ

On the occasions of the solstice, the vyatipata, the eclipses of the sun and moon, and on various other sacred occasions, he would give gifts with great devotion.

Verse 5 (skanda.6.141.5)

प्रयच्छति द्विजातिभ्यो रत्नानि विविधानि च ॥ इंद्रनीलमहानीलविद्रुमस्फटिकादि च

prayacchati dvijātibhyo ratnāni vividhāni ca iṁdranīlamahānīlavidrumasphaṭikādi ca

He would give to brahmins various kinds of jewels — sapphire, dark sapphire, coral, crystal, and the like.

Verse 6 (skanda.6.141.6)

माणिक्यमौक्तिकान्येव विद्रुमाणि विशेषतः ॥ हस्त्यश्वरथयानानि वस्त्राणि विविधानि च

māṇikyamauktikānyeva vidrumāṇi viśeṣataḥ hastyaśvarathayānāni vastrāṇi vividhāni ca

Rubies, pearls, and corals in particular, as well as elephants, horses, chariots, other vehicles, and various kinds of garments.

Verse 7 (skanda.6.141.7)

न कस्यचित्प्रदद्यात्स सस्यं ब्राह्मणसत्तमाः ॥ अतीव सुलभं मत्वा तथा तोयं विशेषतः

na kasyacitpradadyātsa sasyaṁ brāhmaṇasattamāḥ atīva sulabhaṁ matvā tathā toyaṁ viśeṣataḥ

O best of brahmins, but he never gave grain to anyone, and, considering water too to be extremely commonplace, he never gave that either.

Verse 8 (skanda.6.141.8)

ततो राज्यं चिरं कृत्वा दृष्ट्वा पुत्रोद्भवान्सुतान् ॥ कालधर्ममनुप्राप्तः कस्मिंश्चित्कालपर्यये

tato rājyaṁ ciraṁ kṛtvā dṛṣṭvā putrodbhavānsutān kāladharmamanuprāptaḥ kasmiṁścitkālaparyaye

Then, after ruling the kingdom for a long time and seeing the grandsons born of his sons, at a certain point in time he met the way of death.

Verse 9 (skanda.6.141.9)

ततश्च मंत्रिभिस्तस्य सत्यसेन इति स्मृतः ॥ अभिषिक्तः सुतो राज्ये वीर्योदार्यसमन्वितः

tataśca maṁtribhistasya satyasena iti smṛtaḥ abhiṣiktaḥ suto rājye vīryodāryasamanvitaḥ

Thereafter, his son known as Satyasena, endowed with valor and generosity, was anointed to the kingdom by the ministers.

Verse 10 (skanda.6.141.10)

वसुसेनोऽपि संप्राप्य स्वर्गं दानप्रभावतः ॥ दिव्यांबरधरो भूत्वा दिव्यरत्नैर्विभूषितः

vasuseno'pi saṁprāpya svargaṁ dānaprabhāvataḥ divyāṁbaradharo bhūtvā divyaratnairvibhūṣitaḥ

Vasusena too, having attained heaven by the power of his gifts, became clothed in celestial garments and adorned with divine jewels.

Verse 11 (skanda.6.141.11)

सेव्यमानोऽप्सरोभिश्च विमानवरमाश्रितः ॥ बभ्राम सर्वलोकेषु स्वेच्छया क्षुत्समावृतः

sevyamāno'psarobhiśca vimānavaramāśritaḥ babhrāma sarvalokeṣu svecchayā kṣutsamāvṛtaḥ

Attended by apsaras and seated upon an excellent celestial chariot, he wandered through all the worlds at will — yet he remained beset by hunger.

Verse 12 (skanda.6.141.12)

पिपासाकुलचित्तश्च मुखेन परिशुष्यता ॥ न कंचिद्ददृशे तत्र भुंजानमपरं दिवि

pipāsākulacittaśca mukhena pariśuṣyatā na kaṁciddadṛśe tatra bhuṁjānamaparaṁ divi

His mind was agitated by thirst, his mouth growing parched, yet nowhere in that heaven did he see anyone else eating.

Verse 13 (skanda.6.141.13)

न च पानसमासक्तं न सस्यं सलिलं न च

na ca pānasamāsaktaṁ na sasyaṁ salilaṁ na ca

Nor did he see anyone engaged in drinking, nor with any grain, nor with any water.

Verse 14 (skanda.6.141.14)

ततो गत्वा सहस्राक्षमुवाच द्विजसत्तमाः ॥ क्षुत्तृषावृतदेहस्तु लज्जयाऽधोमुखः स्थितः

tato gatvā sahasrākṣamuvāca dvijasattamāḥ kṣuttṛṣāvṛtadehastu lajjayā'dhomukhaḥ sthitaḥ

O best of brahmins, then, his body overcome by hunger and thirst, he went to Sahasraksha (Indra) and, standing with head bowed in shame, spoke.

Verse 15 (skanda.6.141.15)

नैवात्र दृश्यते कश्चित्क्षुत्तृषापरिपीडितः ॥ मां मुक्त्वा विबुधश्रेष्ठ तत्किमेतद्वदस्वमे

naivātra dṛśyate kaścitkṣuttṛṣāparipīḍitaḥ māṁ muktvā vibudhaśreṣṭha tatkimetadvadasvame

O best of the gods, here I see no one afflicted by hunger and thirst except me — tell me, then, what this is.

Verse 16 (skanda.6.141.16)

एष मे स्वर्गरूपेण नरकः समुपस्थितः ॥ किमेतैर्भूषणैर्वस्त्रैर्विमानादिभिरेव च

eṣa me svargarūpeṇa narakaḥ samupasthitaḥ kimetairbhūṣaṇairvastrairvimānādibhireva ca

This heaven has come to me in the very form of hell. What use are these ornaments, garments, and celestial vehicles to me?

Verse 17 (skanda.6.141.17)

क्षुधा संपीड्यमानस्य स्वर्गमेतच्छचीपते ॥ अग्नितुल्यं समुद्दिष्टं मम चित्तेऽपि वर्तते

kṣudhā saṁpīḍyamānasya svargametacchacīpate agnitulyaṁ samuddiṣṭaṁ mama citte'pi vartate

O Lord of Shachi, to one tormented by hunger, this heaven feels like fire — this alone remains fixed in my mind.

Verse 18 (skanda.6.141.18)

तस्मात्कुरु प्रसादं मे यथा क्षुन्न प्रबाधते ॥ नोचेत्क्षिप सुरश्रेष्ठ रौरवे नरके द्रुतम्

tasmātkuru prasādaṁ me yathā kṣunna prabādhate nocetkṣipa suraśreṣṭha raurave narake drutam

Therefore show me grace, so that hunger may not torment me — otherwise, O best of gods, cast me swiftly into the Raurava hell.

Verse 19 (skanda.6.141.19)

॥ इंद्रउवाच ॥ ॥ अनर्होसि महीपाल नरकस्य त्वमेव हि ॥ त्वया दानानि दत्तानि संख्याहीनानि सर्वदा

iṁdrauvāca anarhosi mahīpāla narakasya tvameva hi tvayā dānāni dattāni saṁkhyāhīnāni sarvadā

Indra said: O king, you are utterly unfit for hell, for you have always given countless gifts.

Verse 20 (skanda.6.141.20)

परं किं तु क्वचिन्नान्नं दत्तं राजन्न चोदकम्॥ न किंचिदपि संचिंत्य यतः सुलभमेव हि

paraṁ kiṁ tu kvacinnānnaṁ dattaṁ rājanna codakam na kiṁcidapi saṁciṁtya yataḥ sulabhameva hi

But, O king, you never gave grain, nor water, for, thinking them utterly commonplace, you gave them no thought at all.

Verse 21 (skanda.6.141.21)

तोयं सान्नं सदा दद्यादन्नं चैव सदक्षिणम्॥ य इच्छेच्छाश्वतीं तृप्तिमिह लोके परत्र च

toyaṁ sānnaṁ sadā dadyādannaṁ caiva sadakṣiṇam ya icchecchāśvatīṁ tṛptimiha loke paratra ca

One who desires eternal satisfaction in this world and the next should always give water together with food, and food together with a gift of dakshina.

Verse 22 (skanda.6.141.22)

तस्मात्त्वं हि क्षुधाविष्टः स्वर्गे चैव महीपते ॥ भूषितो भूषणैः श्रेष्ठैर्विमानवरमाश्रितः

tasmāttvaṁ hi kṣudhāviṣṭaḥ svarge caiva mahīpate bhūṣito bhūṣaṇaiḥ śreṣṭhairvimānavaramāśritaḥ

That is why, O king, even in heaven, adorned with excellent ornaments and seated on a fine celestial vehicle, you remain overcome by hunger.

Verse 23 (skanda.6.141.23)

॥ राजोवाच ॥ ॥ अस्ति कश्चिदुपायोऽत्र देवौ वा मानुषोऽपि वा ॥ क्षुत्पिपासेऽतितीव्रे मे विनाशं येन गच्छतः

rājovāca asti kaścidupāyo'tra devau vā mānuṣo'pi vā kṣutpipāse'titīvre me vināśaṁ yena gacchataḥ

The king said: Is there any means, whether divine or human, by which this extremely intense hunger and thirst of mine may be destroyed?

Verse 24 (skanda.6.141.24)

॥ इन्द्र उवाच ॥ ॥ यदि कश्चित्सुतस्तुभ्यं विप्रेभ्यः सततं जलम्॥ ददाति च सदा सस्यं तत्ते तृप्तिः प्रजायते

indra uvāca yadi kaścitsutastubhyaṁ viprebhyaḥ satataṁ jalam dadāti ca sadā sasyaṁ tatte tṛptiḥ prajāyate

Indra said: If any son of yours were to give water and grain continually to brahmins, satisfaction would arise in you from that.

Verse 25 (skanda.6.141.25)

नान्यथा पार्थिवश्रेष्ठ एकस्मिन्नपि वासरे ॥ अदत्तस्य तव प्राप्तिः सत्यमेतन्मयोदितम्

nānyathā pārthivaśreṣṭha ekasminnapi vāsare adattasya tava prāptiḥ satyametanmayoditam

Otherwise, O best of kings, not even for a single day will you obtain what you never gave — this I have spoken truly.

Verse 26 (skanda.6.141.26)

सोऽपि भूमिपतेः पुत्रस्तव यच्छति नोदकम्॥ न च सस्यं द्विजातिभ्यस्त्वन्मार्गमनुसंचरन्

so'pi bhūmipateḥ putrastava yacchati nodakam na ca sasyaṁ dvijātibhyastvanmārgamanusaṁcaran

And that son of yours, the king, also following your own path, gives neither water nor grain to brahmins.

Verse 27 (skanda.6.141.27)

एतस्मिन्नंतरे प्राप्तो नारदो मुनिसत्तमः॥ ब्रह्मलोकात्स्थितौ यत्र तौ भूमिपसुरेश्वरौ

etasminnaṁtare prāpto nārado munisattamaḥ brahmalokātsthitau yatra tau bhūmipasureśvarau

Meanwhile, to the place where the king and Indra both stood, the great sage Narada arrived from Brahmaloka.

Verse 28 (skanda.6.141.28)

ततः शक्रः समुत्थाय तस्मै तुष्टिसमन्वितः ॥ अर्घं दत्त्वा विधानेन सादरं चेदमब्रवीत्

tataḥ śakraḥ samutthāya tasmai tuṣṭisamanvitaḥ arghaṁ dattvā vidhānena sādaraṁ cedamabravīt

Then Indra, rising with delight, offered him arghya according to rite and respectfully spoke thus.

Verse 29 (skanda.6.141.29)

कुतः प्राप्तोऽसि विप्रेंद्र प्रस्थितः क्व च सांप्रतम्॥ केन कार्येण चेद्गुह्यं न तेऽस्ति वद सांप्रतम्

kutaḥ prāpto'si vipreṁdra prasthitaḥ kva ca sāṁpratam kena kāryeṇa cedguhyaṁ na te'sti vada sāṁpratam

O lord of brahmins, from where have you come, and where are you bound for now? For what purpose — if it is not a secret, tell me now.

Verse 30 (skanda.6.141.30)

नारद उवाच ॥ ॥ ब्रह्मलोकादहं प्राप्तः प्रस्थितस्तु धरातले ॥ तीर्थयात्राकृते शक्र नान्यदस्तीह कारणम्

nārada uvāca brahmalokādahaṁ prāptaḥ prasthitastu dharātale tīrthayātrākṛte śakra nānyadastīha kāraṇam

Narada said: O Shakra, I have come from Brahmaloka and am now setting out for the earth — for the sake of pilgrimage; there is no other reason.

Verse 31 (skanda.6.141.31)

॥ सूत उवाच ॥ ॥ तच्छ्रुत्वा स नृपो हृष्टस्तमुवाच मुनीश्वरम् ॥ प्रसादः क्रियतां मह्यं दीनस्य मुनिपुंगव

sūta uvāca tacchrutvā sa nṛpo hṛṣṭastamuvāca munīśvaram prasādaḥ kriyatāṁ mahyaṁ dīnasya munipuṁgava

Suta said: Hearing this, the king, delighted, said to that lord of sages: O foremost of sages, show grace to me, a wretched one.

Verse 32 (skanda.6.141.32)

त्वया भूमितले वाच्यो मम पुत्रो महीपतिः ॥ आनर्त्ताधिपतिः ख्यातः सत्यसेन इति प्रभो

tvayā bhūmitale vācyo mama putro mahīpatiḥ ānarttādhipatiḥ khyātaḥ satyasena iti prabho

O lord, you must speak on earth to my son, the king famed as Satyasena, lord of the Anarta country.

Verse 33 (skanda.6.141.33)

तव तातो मया दृष्टः शक्रस्य सदनं प्रति ॥ क्षुत्पिपासापरीतांगो दीनात्मा देवमध्यगः

tava tāto mayā dṛṣṭaḥ śakrasya sadanaṁ prati kṣutpipāsāparītāṁgo dīnātmā devamadhyagaḥ

(Tell him:) I myself saw your father, his body overcome with hunger and thirst, wretched in spirit, amid the gods at Indra's abode.

Verse 34 (skanda.6.141.34)

तस्मात्पुत्रोऽसि चेन्मह्यं त्वं सत्यं परिरक्षसि ॥ तन्मन्नाम्ना प्रयच्छोच्चैः सस्यानि सलिलानि च

tasmātputro'si cenmahyaṁ tvaṁ satyaṁ parirakṣasi tanmannāmnā prayacchoccaiḥ sasyāni salilāni ca

(The king said further:) Therefore, if you are truly my son and uphold truth, then in my name give grain and water abundantly.

Verse 35 (skanda.6.141.35)

स तथेति प्रतिज्ञाय नारदो मुनिसत्तमः ॥ अनुज्ञाप्य सहस्राक्षं प्रस्थितो भूतलं प्रति

sa tatheti pratijñāya nārado munisattamaḥ anujñāpya sahasrākṣaṁ prasthito bhūtalaṁ prati

Saying "so be it," the great sage Narada, having made this promise and taken leave of Indra, set out for the earth.

Verse 36 (skanda.6.141.36)

ततः क्रमेण तीर्थानि भ्रममाणः स सद्द्विजः ॥ आनर्त्तविषयं प्राप्य सत्यसेनमुपाद्रवत्

tataḥ krameṇa tīrthāni bhramamāṇaḥ sa saddvijaḥ ānarttaviṣayaṁ prāpya satyasenamupādravat

Then that virtuous brahmin, wandering through the sacred sites in due course, reached the land of Anarta and approached Satyasena.

Verse 37 (skanda.6.141.37)

अथ संपूजितस्तेन सम्यग्भूपतिना मुनिः ॥ पितुः संदेशमाचख्यौ विजने तस्य सादरम्

atha saṁpūjitastena samyagbhūpatinā muniḥ pituḥ saṁdeśamācakhyau vijane tasya sādaram

Duly honored by that king, the sage, in a secluded place, respectfully conveyed to him his father's message.

Verse 38 (skanda.6.141.38)

तच्छ्रुत्वा शोकसंतप्तः सत्यसेनो महीपतिः ॥ तं विसृज्य मुनिश्रेष्ठं पूजयित्वा विधानतः

tacchrutvā śokasaṁtaptaḥ satyaseno mahīpatiḥ taṁ visṛjya muniśreṣṭhaṁ pūjayitvā vidhānataḥ

Hearing this, King Satyasena, tormented with grief, worshipped that foremost of sages according to rite and bade him farewell.

Verse 39 (skanda.6.141.39)

ततो जनकमुद्दिश्य मिष्टान्नेन सुभक्तितः ॥ सहस्रं ब्राह्मणेंद्राणां भोजयामास नित्यशः

tato janakamuddiśya miṣṭānnena subhaktitaḥ sahasraṁ brāhmaṇeṁdrāṇāṁ bhojayāmāsa nityaśaḥ

Thereafter, dedicating it to his father, he began, with great devotion, to feed a thousand eminent brahmins sweet food every single day.

Verse 40 (skanda.6.141.40)

प्रपादानं तथा चक्रे ग्रीष्मकाले विशेषतः ॥ त्यक्त्वान्याः सकला याश्च क्रिया धर्मसमुद्भवाः

prapādānaṁ tathā cakre grīṣmakāle viśeṣataḥ tyaktvānyāḥ sakalā yāśca kriyā dharmasamudbhavāḥ

He also, especially in the summer season, established water-sheds for travellers, abandoning all other rites born of dharma.

Verse 41 (skanda.6.141.41)

एवं तस्य महीपस्य वर्तमानस्य च द्विजाः ॥ अनावृष्टिरभूद्रौद्रा सर्वसस्यक्षयावहा

evaṁ tasya mahīpasya vartamānasya ca dvijāḥ anāvṛṣṭirabhūdraudrā sarvasasyakṣayāvahā

O brahmins, thus, while that king was engaged in this practice, a terrible drought occurred, one that destroyed all the grain.

Verse 42 (skanda.6.141.42)

यावद्द्वादशवर्षाणि न जलं त्रिदशाधिपः ॥ मुमोच धरणीपृष्ठे सर्वे लोकाः क्षुधार्दिताः

yāvaddvādaśavarṣāṇi na jalaṁ tridaśādhipaḥ mumoca dharaṇīpṛṣṭhe sarve lokāḥ kṣudhārditāḥ

For twelve years the lord of the gods withheld rain from the surface of the earth, so that all beings were afflicted with hunger.

Verse 43 (skanda.6.141.43)

अत्राभावात्ततो भूयो न सस्यं संप्रयच्छति ॥ ब्राह्मणेभ्यः समुद्दिश्य पितरं स्वं यथा पुरा

atrābhāvāttato bhūyo na sasyaṁ saṁprayacchati brāhmaṇebhyaḥ samuddiśya pitaraṁ svaṁ yathā purā

Because of that lack, he could no longer give grain to brahmins dedicated to his father as before.

Verse 44 (skanda.6.141.44)

ततः स क्षुत्परीतांगः पिता तस्य महीपतेः ॥ स्वप्ने प्रोवाच तं पुत्रमतीव मलिनांबरः

tataḥ sa kṣutparītāṁgaḥ pitā tasya mahīpateḥ svapne provāca taṁ putramatīva malināṁbaraḥ

Then that king's father, his body overcome with hunger and clad in exceedingly soiled garments, spoke to his son in a dream.

Verse 45 (skanda.6.141.45)

त्वया पुत्रेण पुत्राहं क्षुत्पिपासासमाकुलः ॥ स्वर्गस्थोऽपि हि तिष्ठामि तस्मादन्नं प्रयच्छ वै ॥ मन्नाम्ना तोयसंयुक्तं यदि त्वं मत्समुद्भवः

tvayā putreṇa putrāhaṁ kṣutpipāsāsamākulaḥ svargastho'pi hi tiṣṭhāmi tasmādannaṁ prayaccha vai mannāmnā toyasaṁyuktaṁ yadi tvaṁ matsamudbhavaḥ

(He said:) O son, because of you I remain tormented by hunger and thirst even while dwelling in heaven; therefore, if you are truly born of me, give grain together with water in my name.

Verse 46 (skanda.6.141.46)

ततः शोकसमायुक्तः स नृपः स्वप्नदर्शनात् ॥ अन्नाभावात्समं मंत्रं मंत्रिभिः स तदाकरोत्

tataḥ śokasamāyuktaḥ sa nṛpaḥ svapnadarśanāt annābhāvātsamaṁ maṁtraṁ maṁtribhiḥ sa tadākarot

Grieved by this dream, the king then took counsel together with his ministers about the lack of grain.

Verse 47 (skanda.6.141.47)

अहमाराधयिष्यामि सस्यार्थे वृषभध्वजम् ॥ राज्ये रक्षा विधातव्या भवद्भिः सादरं सदा

ahamārādhayiṣyāmi sasyārthe vṛṣabhadhvajam rājye rakṣā vidhātavyā bhavadbhiḥ sādaraṁ sadā

(The king said:) I shall worship Vrishabhadhvaja (Shiva) for the sake of grain; meanwhile you must always diligently protect the kingdom.

Verse 48 (skanda.6.141.48)

ततोऽत्रैव समागत्य स्थापयित्वा महेश्वरम् ॥ सम्यगाराधयामास व्रतैश्च नियमैस्तथा

tato'traiva samāgatya sthāpayitvā maheśvaram samyagārādhayāmāsa vrataiśca niyamaistathā

Then, coming to that very place and installing Maheshvara there, he worshipped him properly with vows and observances.

Verse 49 (skanda.6.141.49)

अथ तस्य गतस्तुष्टिं वर्षांते भगवाञ्छिवः॥ अब्रवीद्वरदोऽस्मीति प्रार्थयस्व यथेप्सितम्

atha tasya gatastuṣṭiṁ varṣāṁte bhagavāñchivaḥ abravīdvarado'smīti prārthayasva yathepsitam

Then at the end of a year, Lord Shiva, pleased with him, said: I am ready to grant a boon — ask for whatever you desire.

Verse 50 (skanda.6.141.50)

राजोवाच॥ अन्नार्थं देवदेवेश मयायं विहितो विधिः॥ तस्मात्त्वं यच्छ मे शीघ्रमसंख्यं वृषवाहन

rājovāca annārthaṁ devadeveśa mayāyaṁ vihito vidhiḥ tasmāttvaṁ yaccha me śīghramasaṁkhyaṁ vṛṣavāhana

The king said: O lord of gods, it is for the sake of grain that I have performed this rite; therefore, O bull-bannered one, grant me quickly grain in abundance.

Verse 51 (skanda.6.141.51)

तथा संजायता वृष्टिः समस्ते धरणीतले ॥ येन सस्यानि जायंते सलिलानि च सांप्रतम्

tathā saṁjāyatā vṛṣṭiḥ samaste dharaṇītale yena sasyāni jāyaṁte salilāni ca sāṁpratam

And let such rain fall upon the entire surface of the earth, by which grain and water may now be produced.

Verse 52 (skanda.6.141.52)

जायतां मम तातस्य स्वर्गस्थस्य महात्मनः ॥ प्रसादात्तव संतृप्तिरक्षया सुरसत्तम

jāyatāṁ mama tātasya svargasthasya mahātmanaḥ prasādāttava saṁtṛptirakṣayā surasattama

O best of gods, by your grace, let my noble father who dwells in heaven attain everlasting satisfaction.

Verse 53 (skanda.6.141.53)

॥ श्रीभगवानुवाच ॥ ॥ भविता न चिराद्वृष्टिः प्रभूता धरणीतले ॥ भविष्यंति तथान्नानि यानि कानि महीतले

śrībhagavānuvāca bhavitā na cirādvṛṣṭiḥ prabhūtā dharaṇītale bhaviṣyaṁti tathānnāni yāni kāni mahītale

The Blessed Lord said: Very soon there will be abundant rain upon the earth, and all manner of grains, whatsoever they be, will grow upon it.

Verse 54 (skanda.6.141.54)

तस्मात्त्वं गच्छ राजेंद्र स्वगृहं प्रति सांप्रतम्॥ मम वाक्यादसंदिग्धमेतदेव भविष्यति

tasmāttvaṁ gaccha rājeṁdra svagṛhaṁ prati sāṁpratam mama vākyādasaṁdigdhametadeva bhaviṣyati

Therefore, O foremost of kings, go now to your own home; by my word this will certainly, without doubt, come to pass.

Verse 55 (skanda.6.141.55)

तच्चैतन्मामकं लिंगं यत्त्वया स्थापितं नृप ॥ प्रातरुत्थाय यः कश्चित्सम्यक्तद्वीक्षयिष्यति

taccaitanmāmakaṁ liṁgaṁ yattvayā sthāpitaṁ nṛpa prātarutthāya yaḥ kaścitsamyaktadvīkṣayiṣyati

O king, this very linga of mine that you have installed — whoever rises at dawn and beholds it properly —

Verse 56 (skanda.6.141.56)

मिष्टान्नममृतस्वादु स हि नूनमवाप्स्यति॥ मम वाक्यान्नृपश्रेष्ठ सदा जन्मनिजन्मनि

miṣṭānnamamṛtasvādu sa hi nūnamavāpsyati mama vākyānnṛpaśreṣṭha sadā janmanijanmani

O best of kings, he will surely obtain, birth after birth, sweet food tasting like ambrosia, by my word.

Verse 57 (skanda.6.141.57)

स एवं भगवानुक्त्वा ततश्चादर्शनं गतः ॥ सोऽपि राजा निजं स्थानं हर्षेण महतान्वितः ॥ आजगाम चकाराथ राज्यं निहतकंटकम्

sa evaṁ bhagavānuktvā tataścādarśanaṁ gataḥ so'pi rājā nijaṁ sthānaṁ harṣeṇa mahatānvitaḥ ājagāma cakārātha rājyaṁ nihatakaṁṭakam

Having said this, the Lord vanished from sight. The king too, filled with great joy, returned to his own place and thereafter ruled his kingdom free of all thorns.

Verse 58 (skanda.6.141.58)

॥ सूत उवाच ॥ ॥ अद्यापि कलिकालेऽत्र संप्राप्ते दारुणे युगे ॥ यस्तं मिष्टान्नदं पश्येत्प्रातरुत्थाय भक्तितः

sūta uvāca adyāpi kalikāle'tra saṁprāpte dāruṇe yuge yastaṁ miṣṭānnadaṁ paśyetprātarutthāya bhaktitaḥ

Suta said: Even today, though this terrible Kali age has come, whoever rises at dawn and beholds that Mishtannada, the giver of sweet food, with devotion —

Verse 59 (skanda.6.141.59)

स मिष्टान्नमवाप्नोति यदि कामयते द्विजाः ॥ निष्कामो वा समभ्येति स्थानं देवस्य शूलिनः

sa miṣṭānnamavāpnoti yadi kāmayate dvijāḥ niṣkāmo vā samabhyeti sthānaṁ devasya śūlinaḥ

O brahmins, if he desires it, he obtains sweet food; and if he is free of desire, he attains the abode of the trident-bearing god.