The Curse of Jabali

Verse 1 (skanda.6.143.1)

॥ सूत उवाच ॥ ॥ तथान्योऽपि च तत्रास्ति देवश्चित्रेश्वरो द्विजाः ॥ चित्रपीठस्य मध्यस्थश्चित्रसौख्यप्रदो नृणाम्

sūta uvāca tathānyo'pi ca tatrāsti devaścitreśvaro dvijāḥ citrapīṭhasya madhyasthaścitrasaukhyaprado nṛṇām

Suta said: O brahmins, there too is another deity, Chitreshvara, who stands in the middle of Chitrapitha and grants wondrous happiness to men.

Verse 2 (skanda.6.143.2)

यं दृष्ट्वा पूजयित्वा च स्नापयित्वाथवा नरः ॥ मुच्यते परदारोत्थैः पातकैश्चोपपातकैः

yaṁ dṛṣṭvā pūjayitvā ca snāpayitvāthavā naraḥ mucyate paradārotthaiḥ pātakaiścopapātakaiḥ

Whoever beholds him, worships him, or bathes him is freed from the great sins arising from adultery, and from the lesser sins as well.

Verse 3 (skanda.6.143.3)

धर्षयित्वा गुरोः पत्नीं कन्यां वा निजवंशजाम् ॥ नीचां वा व्रतयुक्तां वा कामासक्तेन चेतसा

dharṣayitvā guroḥ patnīṁ kanyāṁ vā nijavaṁśajām nīcāṁ vā vratayuktāṁ vā kāmāsaktena cetasā

Even one who has violated, with a mind given over to lust, the wife of his guru, or a maiden born in his own family, or a low-born woman, or one under a vow —

Verse 4 (skanda.6.143.4)

चैत्रशुक्लचतुर्दश्यां यस्तं पूजयते नरः ॥ स तत्पापं निहत्याशु स्वर्गलोकं ततो व्रजेत्

caitraśuklacaturdaśyāṁ yastaṁ pūjayate naraḥ sa tatpāpaṁ nihatyāśu svargalokaṁ tato vrajet

whoever worships him on the fourteenth of the bright half of Chaitra swiftly destroys that sin and thereafter goes to the world of heaven.

Verse 5 (skanda.6.143.5)

तथा चित्रांगदस्तत्र जाबालिसहितो नृपः ॥ कुमार्या सहितः सार्द्धं नग्नया तत्समुत्थया ॥ सन्तिष्ठते तदग्रे तु शप्तो जाबालिना पुरा

tathā citrāṁgadastatra jābālisahito nṛpaḥ kumāryā sahitaḥ sārddhaṁ nagnayā tatsamutthayā santiṣṭhate tadagre tu śapto jābālinā purā

And there king Chitrangada stands, together with Jabali, and with that same naked maiden risen from him, standing before him — having been cursed long ago by Jabali.

Verse 6 (skanda.6.143.6)

त्रयाणामपि यस्तेषां तस्मिन्नहनि निर्वपेत् ॥ स इष्टां लभते नारीं सिद्धिं च मनसि स्थिताम्

trayāṇāmapi yasteṣāṁ tasminnahani nirvapet sa iṣṭāṁ labhate nārīṁ siddhiṁ ca manasi sthitām

Whoever, on that day, offers oblation for even one of these three obtains the woman he desires, and the accomplishment fixed in his mind.

Verse 7 (skanda.6.143.7)

॥ ऋषय ऊचुः ॥ ॥ कस्माज्जाबालिना शप्तः पूर्वं चित्रांगदो युवा ॥ सा च तत्तनया कस्मात्कुमारी वस्त्रवर्जिता

ṛṣaya ūcuḥ kasmājjābālinā śaptaḥ pūrvaṁ citrāṁgado yuvā sā ca tattanayā kasmātkumārī vastravarjitā

The sages said: Why was young Chitrangada formerly cursed by Jabali? And why is that daughter of his a maiden bereft of clothing?

Verse 8 (skanda.6.143.8)

अद्यापि तिष्ठते तत्र विरुद्धं रूपमाश्रिता ॥ जनहास्य करं नित्यं तस्मात्सूत वदस्व नः

adyāpi tiṣṭhate tatra viruddhaṁ rūpamāśritā janahāsya karaṁ nityaṁ tasmātsūta vadasva naḥ

Even today she remains there in that contrary form, forever the object of people's ridicule; therefore, O Suta, tell us.

Verse 9 (skanda.6.143.9)

॥ सूत उवाच ॥ ॥ आर्सोत्पूर्वं मुनिर्नाम्ना जाबालिरिति विश्रुतः ॥ कौमारब्रह्मचर्येण येन चीर्णं तपः सदा

sūta uvāca ārsotpūrvaṁ munirnāmnā jābāliriti viśrutaḥ kaumārabrahmacaryeṇa yena cīrṇaṁ tapaḥ sadā

Suta said: In former times there was a renowned sage named Jabali, by whom austerity was ever practiced through celibacy maintained from boyhood.

Verse 10 (skanda.6.143.10)

हाटकेश्वरजं क्षेत्रं समासाद्य स सद्द्विजाः ॥ बाल्येऽपि वयसि प्राप्ते समारेभे महत्तपः

hāṭakeśvarajaṁ kṣetraṁ samāsādya sa saddvijāḥ bālye'pi vayasi prāpte samārebhe mahattapaḥ

O good brahmins, having reached the sacred field born of Hataka, even in his boyhood he began a great austerity.

Verse 11 (skanda.6.143.11)

कृच्छ्रचांद्रायणादीनि पाराकाणि शनैःशनैः ॥ कुर्वता तेन ते देवाः संनीता भयगोचरम्

kṛcchracāṁdrāyaṇādīni pārākāṇi śanaiḥśanaiḥ kurvatā tena te devāḥ saṁnītā bhayagocaram

Gradually performing harsh Chandrayana and other extreme vows one after another, he brought the gods into a state of fear.

Verse 12 (skanda.6.143.12)

ततः शक्रादयो देवाः संत्रस्ता मेरुमूर्धनि ॥ मिलित्वा चक्रिरे मंत्रं तस्य विघ्नकृते मिथः

tataḥ śakrādayo devāḥ saṁtrastā merumūrdhani militvā cakrire maṁtraṁ tasya vighnakṛte mithaḥ

Then Shakra and the other gods, terrified, gathered together on the peak of Mount Meru and took counsel among themselves to obstruct him.

Verse 13 (skanda.6.143.13)

यद्यस्य तपसो वृद्धिरेवं यास्यति नित्यशः ॥ च्यावयिष्यति तन्नूनं स्वर्गराज्याच्छतक्रतुम्

yadyasya tapaso vṛddhirevaṁ yāsyati nityaśaḥ cyāvayiṣyati tannūnaṁ svargarājyācchatakratum

If the growth of his austerity continues thus forever, it will surely dislodge Shatakratu (Indra) from the kingdom of heaven.

Verse 14 (skanda.6.143.14)

तस्माद्गच्छतु रंभाख्या तत्पार्श्वे ऽप्सरसां वरा ॥ ब्रह्मचर्यविघाताय तस्यर्षेर्भावितात्मनः

tasmādgacchatu raṁbhākhyā tatpārśve 'psarasāṁ varā brahmacaryavighātāya tasyarṣerbhāvitātmanaḥ

Therefore let Rambha, foremost of apsaras, go to his side, so that the celibacy of that sage of firm resolve may be broken.

Verse 15 (skanda.6.143.15)

ब्रह्मचर्यं तपोमूलं यतः संकीर्तितं द्विजैः ॥ तस्याभावात्परिक्लेशः केवलं न फलं व्रते

brahmacaryaṁ tapomūlaṁ yataḥ saṁkīrtitaṁ dvijaiḥ tasyābhāvātparikleśaḥ kevalaṁ na phalaṁ vrate

For celibacy is declared by the twice-born to be the very root of austerity; in its absence there is only affliction, and the vow bears no fruit at all.

Verse 16 (skanda.6.143.16)

एवं ते निश्चयं कृत्वा समाहूय ततः परम् ॥ रंभामूचुर्महेंद्रेण सर्वे देवास्तदादरात्

evaṁ te niścayaṁ kṛtvā samāhūya tataḥ param raṁbhāmūcurmaheṁdreṇa sarve devāstadādarāt

Having thus resolved, then summoning her, all the gods together with the great Indra respectfully spoke to Rambha.

Verse 17 (skanda.6.143.17)

गच्छ शीघ्रं महाभागे जाबालिर्यत्र तिष्ठति ॥ हाटकेश्वरजे क्षेत्रे तपोविघ्नाय तस्य वै

gaccha śīghraṁ mahābhāge jābāliryatra tiṣṭhati hāṭakeśvaraje kṣetre tapovighnāya tasya vai

O blessed one, go quickly to that Hatakeshvara field, where Jabali dwells, to obstruct his austerity.

Verse 18 (skanda.6.143.18)

ते ते भावाः प्रयोक्तव्याः कथास्तास्ता मनोहराः ॥ वर्धयंती तथा चित्ते तस्य कामं निरर्गलम्

te te bhāvāḥ prayoktavyāḥ kathāstāstā manoharāḥ vardhayaṁtī tathā citte tasya kāmaṁ nirargalam

Those various charming feelings and stories are to be employed, so that desire may swell in his heart without restraint.

Verse 19 (skanda.6.143.19)

॥ रंभोवाच ॥ ॥ स मुनिर्न विजानाति कामधर्मं सुरेश्वर ॥ अरसज्ञं कथं देव करिष्यामि स्मरान्वितम्

raṁbhovāca sa munirna vijānāti kāmadharmaṁ sureśvara arasajñaṁ kathaṁ deva kariṣyāmi smarānvitam

Rambha said: O lord of gods, that sage does not even know the ways of love; how shall I make one who knows nothing of that flavor full of desire?

Verse 20 (skanda.6.143.20)

॥ इन्द्र उवाच ॥ ॥ एष यास्यति मद्वाक्याद्वसंतस्तस्य सन्निधौ ॥ अस्य संदर्शनादेव भविष्यति स सस्मरः

indra uvāca eṣa yāsyati madvākyādvasaṁtastasya sannidhau asya saṁdarśanādeva bhaviṣyati sa sasmaraḥ

Indra said: At my word, Vasanta (Spring) will go to his side; by the mere sight of him, that sage will become full of desire.

Verse 21 (skanda.6.143.21)

तस्माद्गच्छ द्रुतं तत्र सहानेन वरानने ॥ संसिद्धिर्जायते येन देवकृत्यं भवेद्द्रुतम्

tasmādgaccha drutaṁ tatra sahānena varānane saṁsiddhirjāyate yena devakṛtyaṁ bhaveddrutam

Therefore, O fair-faced one, go quickly there together with him, so that success may be attained and the task of the gods swiftly accomplished.

Verse 22 (skanda.6.143.22)

अथ सा तं प्रणम्योच्चैः प्रस्थिता धरणीतलम्॥ वसंतेन समायुक्ता जाबालिर्यत्र तिष्ठति

atha sā taṁ praṇamyoccaiḥ prasthitā dharaṇītalam vasaṁtena samāyuktā jābāliryatra tiṣṭhati

Then she, bowing to him with great reverence, set out for the earth together with Vasanta, to where Jabali dwelt.

Verse 23 (skanda.6.143.23)

अथाकस्मादशोकस्य संजातः पुष्पसंचयः ॥ तिलकस्य च चूतस्य मंजर्यः समुपस्थिताः

athākasmādaśokasya saṁjātaḥ puṣpasaṁcayaḥ tilakasya ca cūtasya maṁjaryaḥ samupasthitāḥ

Then suddenly a mass of ashoka blossoms came forth, and the tender clusters of tilaka and mango trees appeared.

Verse 24 (skanda.6.143.24)

शिशिरे च सरोजानि विकासं प्रापुरेव हि ॥ ववौ च सुरभिर्वायुर्दाक्षिणात्यः सुकामदः

śiśire ca sarojāni vikāsaṁ prāpureva hi vavau ca surabhirvāyurdākṣiṇātyaḥ sukāmadaḥ

Even in the winter season the lotuses came into bloom, and a fragrant southern breeze began to blow, most delightful, kindling desire.

Verse 25 (skanda.6.143.25)

एतस्मिन्नंतरे प्राप्ता रंभा तत्र वराप्सराः ॥ सलिलाशयतीरस्थो जाबालिर्यत्र तिष्ठति

etasminnaṁtare prāptā raṁbhā tatra varāpsarāḥ salilāśayatīrastho jābāliryatra tiṣṭhati

Meanwhile, that excellent apsara Rambha arrived there, where Jabali was seated on the bank of a pool of water.

Verse 26 (skanda.6.143.26)

अक्षमालाधृतकरो जपन्मंत्रमनेकधा ॥ अभीष्टं श्रद्धया युक्तो विधाय पितृतर्पणम्

akṣamālādhṛtakaro japanmaṁtramanekadhā abhīṣṭaṁ śraddhayā yukto vidhāya pitṛtarpaṇam

Holding a rosary in his hand, muttering his mantra repeatedly, he was faithfully performing the desired offering of tarpana to his ancestors.

Verse 27 (skanda.6.143.27)

अथ संपश्यतस्तस्य मुक्त्वा वस्त्रपरिग्रहम्

atha saṁpaśyatastasya muktvā vastraparigraham

Then, even as he was watching, that excellent apsara removed her garments,

Verse 28 (skanda.6.143.28)

स्नानार्थं तज्जलं साऽथ प्रविवेश वराप्सराः

snānārthaṁ tajjalaṁ sā'tha praviveśa varāpsarāḥ

and entered that very water to bathe.

Verse 29 (skanda.6.143.29)

विवस्त्रां तां समालोक्य सोऽपि यौवनशालिनीम्॥ याम्यानिलेन च स्पृष्टः कामस्य वशगो ऽभवत्

vivastrāṁ tāṁ samālokya so'pi yauvanaśālinīm yāmyānilena ca spṛṣṭaḥ kāmasya vaśago 'bhavat

Beholding her, unclothed, in the full bloom of her youth, and touched too by that southern breeze, he came under the sway of desire.

Verse 30 (skanda.6.143.30)

ततस्तस्याभवत्कंपस्तत्क्षणादेव सन्मुने ॥ अक्षमाला कराग्राच्च पपात धरणीतले

tatastasyābhavatkaṁpastatkṣaṇādeva sanmune akṣamālā karāgrācca papāta dharaṇītale

Then, O good sage, that very instant a trembling arose in him, and the rosary slipped from his fingertips and fell to the ground.

Verse 31 (skanda.6.143.31)

पुलकः सर्वगात्रेषु संजज्ञेऽतीव दारुणः ॥ अश्रुपाताः पतंति स्म कोष्णाः प्लावितभूतलाः

pulakaḥ sarvagātreṣu saṁjajñe'tīva dāruṇaḥ aśrupātāḥ pataṁti sma koṣṇāḥ plāvitabhūtalāḥ

A most intense horripilation arose over his whole body, and warm tears began to fall, flooding the ground.

Verse 32 (skanda.6.143.32)

अथ तं क्षुभितं ज्ञात्वा चित्तज्ञा सा वराप्सराः ॥ निर्गत्य सलिलात्तस्माच्चक्रे वस्त्रपरिग्रहम्

atha taṁ kṣubhitaṁ jñātvā cittajñā sā varāpsarāḥ nirgatya salilāttasmāccakre vastraparigraham

Then, knowing him agitated, and understanding his state of mind, that excellent apsara came out of the water and put on her garments.

Verse 33 (skanda.6.143.33)

ततस्तस्यांतिके गत्वा प्रणिपत्य कृतादरा ॥ प्रोवाच मधुरं वाक्यं वर्द्धंती तस्य तन्मतम्

tatastasyāṁtike gatvā praṇipatya kṛtādarā provāca madhuraṁ vākyaṁ varddhaṁtī tasya tanmatam

Then, going near to him and bowing respectfully, she spoke a sweet speech, further stirring his desire.

Verse 34 (skanda.6.143.34)

आश्रमे सकलं ब्रह्मन्कच्चित्ते कुशलं मुने ॥ स्वाध्याये तपसि प्राज्ञ शिष्येषु मृगपक्षिषु

āśrame sakalaṁ brahmankaccitte kuśalaṁ mune svādhyāye tapasi prājña śiṣyeṣu mṛgapakṣiṣu

(She said:) O brahmin, is all well in the hermitage? O wise sage, is all well in your study, your austerity, with your disciples, and with the deer and birds?

Verse 35 (skanda.6.143.35)

॥ मुनिरुवाच कुशलं मे वरारोहे सर्वत्रैवाधुना स्थितम्॥ विशेषेणात्र संप्राप्ता सर्वलक्षणलक्षिता

muniruvāca kuśalaṁ me varārohe sarvatraivādhunā sthitam viśeṣeṇātra saṁprāptā sarvalakṣaṇalakṣitā

The sage said: O lovely one, all is well with me everywhere just now — especially now that one endowed with every auspicious mark has arrived here.

Verse 36 (skanda.6.143.36)

का त्वं वद महाभागे मम मन्मथवर्धनी॥ किं देवी वासुरी वा किं पन्नगी किं तु मानुषी

kā tvaṁ vada mahābhāge mama manmathavardhanī kiṁ devī vāsurī vā kiṁ pannagī kiṁ tu mānuṣī

Tell me, O blessed one, who are you, who so increase my desire — are you a goddess, or a demon-woman, or a serpent-maiden, or indeed human?

Verse 37 (skanda.6.143.37)

निवेदय शरीरे मे किं न पश्यसि वेपथुम्॥ निरर्गलश्च रोमांचो बाष्पपूरश्च नेत्रजः

nivedaya śarīre me kiṁ na paśyasi vepathum nirargalaśca romāṁco bāṣpapūraśca netrajaḥ

Tell me — do you not see this trembling in my body? This uncontrolled horripilation, and this flood of tears from my eyes?

Verse 38 (skanda.6.143.38)

रंभोवाच॥ किं ते गात्रस्वभावोऽयम् किं वान्यो व्याधिसंभवः ॥ कच्चिदेव न ते स्वास्थ्यं प्रपश्यामि शरीरजम्

raṁbhovāca kiṁ te gātrasvabhāvo'yam kiṁ vānyo vyādhisaṁbhavaḥ kaccideva na te svāsthyaṁ prapaśyāmi śarīrajam

Rambha said: Is this the natural state of your body, or has some other ailment arisen? I see no bodily well-being in you at all.

Verse 39 (skanda.6.143.39)

॥ मुनिरुवाच ॥ ॥ न मे गात्रस्वभावो न व्याधिभिश्च सुलोचने ॥ शृणुष्व कारणं कृत्स्नं येनेदृक्संस्थितं वपुः

muniruvāca na me gātrasvabhāvo na vyādhibhiśca sulocane śṛṇuṣva kāraṇaṁ kṛtsnaṁ yenedṛksaṁsthitaṁ vapuḥ

The sage said: O fair-eyed one, this is neither my body's natural state nor born of any disease — hear the whole reason why my body has come to be like this.

Verse 40 (skanda.6.143.40)

यावती वर्तते वेला तव दर्शनसंभवा ॥ तावत्कालमिदं रूपं मम गात्रसमुद्भवम्

yāvatī vartate velā tava darśanasaṁbhavā tāvatkālamidaṁ rūpaṁ mama gātrasamudbhavam

For as long as this sight of you has lasted, for that long has this state arisen in my body.

Verse 41 (skanda.6.143.41)

तदहं मन्मथाविष्टो दर्शनात्तव शोभने ॥ ब्रह्मचर्यपरोपीत्थं महाव्रतधरोऽपि च

tadahaṁ manmathāviṣṭo darśanāttava śobhane brahmacaryaparopītthaṁ mahāvratadharo'pi ca

O beautiful one, that is why I have come under the sway of desire at the sight of you — even though I am thus devoted to celibacy and hold to a great vow.

Verse 42 (skanda.6.143.42)

॥ रंभोवाच । ॥ यद्येवं ब्राह्मणश्रेष्ठ मां भजस्व यथासुखम् ॥ नात्र कश्चिद्भवेद्दोषः पण्यनारी यतोऽस्म्यहम्

raṁbhovāca yadyevaṁ brāhmaṇaśreṣṭha māṁ bhajasva yathāsukham nātra kaścidbhaveddoṣaḥ paṇyanārī yato'smyaham

Rambha said: O best of brahmins, if it is so, then enjoy me as you please; there is no fault in this at all, since I am a woman available to all.

Verse 43 (skanda.6.143.43)

साधारणा वयं विप्र यतः सृष्टाः स्वयंभुवा ॥ सर्वेषामेव लोकानां विशेषेण द्विजन्मनाम्

sādhāraṇā vayaṁ vipra yataḥ sṛṣṭāḥ svayaṁbhuvā sarveṣāmeva lokānāṁ viśeṣeṇa dvijanmanām

O brahmin, we have been created by the Self-born in common for all worlds, and especially for the twice-born.

Verse 44 (skanda.6.143.44)

अहं चापि समालोक्य त्वां मुने मन्मथोपमम् । हता कामशरैस्तीक्ष्णैर्न च गंतुं समुत्सहे

ahaṁ cāpi samālokya tvāṁ mune manmathopamam hatā kāmaśaraistīkṣṇairna ca gaṁtuṁ samutsahe

O sage, I too, having beheld you, comparable to Kama himself, struck by the sharp arrows of desire, have no strength to go away.

Verse 45 (skanda.6.143.45)

मया दृष्टाः सुराः पूर्वं यक्षा विद्याधरास्तथा ॥ सिद्धाश्च किंनरा नागा गुह्यकाः किमु मानुषाः

mayā dṛṣṭāḥ surāḥ pūrvaṁ yakṣā vidyādharāstathā siddhāśca kiṁnarā nāgā guhyakāḥ kimu mānuṣāḥ

I have seen before the gods, the yakshas, and the vidyadharas, and the siddhas, kinnaras, nagas, and guhyakas too — not to speak of men.

Verse 46 (skanda.6.143.46)

नेदृग्रूपं वपुस्तेषामेकस्यापि विलोकितम् ॥ मध्ये ब्राह्मणशार्दूल तस्माद्भक्तां भजस्व माम्

nedṛgrūpaṁ vapusteṣāmekasyāpi vilokitam madhye brāhmaṇaśārdūla tasmādbhaktāṁ bhajasva mām

O tiger among brahmins, not one among them have I beheld with a form such as yours; therefore accept this devoted one who is yours.

Verse 47 (skanda.6.143.47)

यो नारीं कामसंतप्तां स्वयं प्राप्तां परित्यजेत् ॥ स मूर्खः पच्यते घोरे नरके शाश्वतीः समाः

yo nārīṁ kāmasaṁtaptāṁ svayaṁ prāptāṁ parityajet sa mūrkhaḥ pacyate ghore narake śāśvatīḥ samāḥ

He who abandons a woman burning with desire who has come to him of her own accord — that fool is cooked in a terrible hell for eternal years.

Verse 48 (skanda.6.143.48)

एवमुक्त्वा तया सोऽथ परिष्वक्तो महामुनिः ॥ अनिच्छन्नपि वाक्येन हृदयेन च सस्पृहः

evamuktvā tayā so'tha pariṣvakto mahāmuniḥ anicchannapi vākyena hṛdayena ca saspṛhaḥ

Having said this, she then embraced that great sage; and he, though outwardly unwilling in speech, became inwardly desirous in his heart.

Verse 49 (skanda.6.143.49)

ततो लतानि कुंजे तं समानीय मुनीश्वरम् । कामशास्त्रोदितैर्भावै रराम कृत्रिमैर्मुनिम्

tato latāni kuṁje taṁ samānīya munīśvaram kāmaśāstroditairbhāvai rarāma kṛtrimairmunim

Then, bringing that lord of sages to a bower of creepers, she made love with the sage through feigned passions as described in the science of desire.

Verse 50 (skanda.6.143.50)

एवं तया समं तत्र स्थितो यावद्दिनक्षयम् ॥ कामधर्मसमासक्तः संत्यक्ताशेषकर्मकः

evaṁ tayā samaṁ tatra sthito yāvaddinakṣayam kāmadharmasamāsaktaḥ saṁtyaktāśeṣakarmakaḥ

Thus he remained there with her until the day's end, wholly absorbed in the ways of desire, having abandoned all his ritual duties.

Verse 51 (skanda.6.143.51)

ततो निष्कामतां प्राप्तो लज्जया परिवारितः ॥ विससर्ज च तां रंभां शौचं चक्रे ततः परम्

tato niṣkāmatāṁ prāpto lajjayā parivāritaḥ visasarja ca tāṁ raṁbhāṁ śaucaṁ cakre tataḥ param

Thereafter, having become free of desire and overcome with shame, he released Rambha, and then performed his purification.

Verse 52 (skanda.6.143.52)

सापि तेन विनिर्मुक्ता कृतकृत्या विलासिनी । प्रहृष्टा प्रययौ तत्र यत्र देवाः सवासवाः

sāpi tena vinirmuktā kṛtakṛtyā vilāsinī prahṛṣṭā prayayau tatra yatra devāḥ savāsavāḥ

That playful apsara too, released by him, her task accomplished, went joyfully to where the gods together with Indra were.