The Account of the Shraddha that Falls to the Rakshasa

Verse 1 (skanda.6.187.1)

सूत उवाच । चतुर्थे दिवसे प्राप्ते ततो यज्ञसमुद्भवे । ऋत्विग्भिर्याज्ञिकं कर्म प्रारब्धं तदनंतरम्

sūta uvāca caturthe divase prāpte tato yajñasamudbhave ṛtvigbhiryājñikaṁ karma prārabdhaṁ tadanaṁtaram

Suta said: When the fourth day of the sacrifice arrived, the ritwiks thereafter began the sacrificial work.

Verse 2 (skanda.6.187.2)

सोमपानादिकं सर्वं पशोर्हिंसादिकं तथा । पशोर्गुदं समादाय प्रस्थाता च व्यधारयत्

somapānādikaṁ sarvaṁ paśorhiṁsādikaṁ tathā paśorgudaṁ samādāya prasthātā ca vyadhārayat

All the drinking of soma, and likewise the ritual immolation of the animal — the Prastota priest took hold of the animal's rectum and held it [for the homa].

Verse 3 (skanda.6.187.3)

एकांते सदसो मध्ये होमार्थं द्विजसत्तमाः । तस्मिन्व्याकुलतां याते ब्राह्मणः कश्चिदागतः

ekāṁte sadaso madhye homārthaṁ dvijasattamāḥ tasminvyākulatāṁ yāte brāhmaṇaḥ kaścidāgataḥ

In a corner of the midst of the assembly, for the sake of the homa, O best of brahmins — while confusion arose there, a certain brahmin came in,

Verse 4 (skanda.6.187.4)

युवा तत्र प्रविष्टस्तु मांस भक्षणलालसः । ततो गुदं पशोर्दृष्ट्वा भक्षयामास चोत्सुकं

yuvā tatra praviṣṭastu māṁsa bhakṣaṇalālasaḥ tato gudaṁ paśordṛṣṭvā bhakṣayāmāsa cotsukaṁ

a young man, eager to eat meat; then, seeing the animal's rectum, he ate it eagerly.

Verse 5 (skanda.6.187.5)

एतस्मिन्नंतरे प्राप्तः प्रस्थाता तस्य संनिधौ । भक्षमाणं समालोक्य तं शशाप ततः परम्

etasminnaṁtare prāptaḥ prasthātā tasya saṁnidhau bhakṣamāṇaṁ samālokya taṁ śaśāpa tataḥ param

Meanwhile the Prastota arrived near him, and, seeing him eating, then cursed him thus:

Verse 6 (skanda.6.187.6)

धिग्धिक्पापसमाचार होमार्थं यद्गुदं धृतम् । तत्त्वया दूषितं लौल्याद्यज्ञविघ्नकरं कृतम्

dhigdhikpāpasamācāra homārthaṁ yadgudaṁ dhṛtam tattvayā dūṣitaṁ laulyādyajñavighnakaraṁ kṛtam

"Shame, shame upon you, sinner in conduct! What was held for the homa you have defiled through greed, causing an obstruction to the sacrifice."

Verse 7 (skanda.6.187.7)

उच्छिष्टेन मया होमः कर्तव्यो नैव सांप्रतम् । राक्षसानामिदं कर्म यत्त्वया समनुष्ठितम्

ucchiṣṭena mayā homaḥ kartavyo naiva sāṁpratam rākṣasānāmidaṁ karma yattvayā samanuṣṭhitam

"I shall not now perform the homa with what has become leftover through you — this deed you have committed is the deed of rakshasas."

Verse 8 (skanda.6.187.8)

तस्मात्त्वं मम वाक्येन राक्षसो भव मा चिरम्

tasmāttvaṁ mama vākyena rākṣaso bhava mā ciram

"Therefore, by my word, become a rakshasa without delay."

Verse 9 (skanda.6.187.9)

एतस्मिन्नेव काले तु ह्यूर्ध्वकेशोऽभवद्धि सः । रक्ताक्षः शंकुकर्णश्च कृष्णदन्तोऽतिभैरवः

etasminneva kāle tu hyūrdhvakeśo'bhavaddhi saḥ raktākṣaḥ śaṁkukarṇaśca kṛṣṇadanto'tibhairavaḥ

At that very moment, he became so — his hair standing on end, his eyes red, his ears pointed, his teeth black, most terrible,

Verse 10 (skanda.6.187.10)

लम्बोष्ठो विकरालास्यो मांसमेदोविवर्जितः । त्वगस्थिस्नायुशेषश्च। चामुण्डाकृतिरेव च

lamboṣṭho vikarālāsyo māṁsamedovivarjitaḥ tvagasthisnāyuśeṣaśca cāmuṇḍākṛtireva ca

his lips hanging, his face distorted, devoid of flesh and fat, only skin, bone, and sinew remaining, resembling Chamunda in form.

Verse 11 (skanda.6.187.11)

स च विश्वावसुर्नाम पुलस्त्यस्य सुतो मुनिः । मंत्रपूतस्य मांसस्य भक्षणार्थं समागतः

sa ca viśvāvasurnāma pulastyasya suto muniḥ maṁtrapūtasya māṁsasya bhakṣaṇārthaṁ samāgataḥ

He was named Vishvavasu, a sage, son of Pulastya, who had come to eat the mantra-purified meat,

Verse 12 (skanda.6.187.12)

वेदवेदांगतत्त्वजः पौत्रस्तु परमेष्ठिनः । तं दृष्ट्वा राक्षसाकारं वित्रेसुः सर्वतो द्विजाः

vedavedāṁgatattvajaḥ pautrastu parameṣṭhinaḥ taṁ dṛṣṭvā rākṣasākāraṁ vitresuḥ sarvato dvijāḥ

one who knew the truth of the Veda and its limbs, grandson of Parameshthin. Seeing him in rakshasa form, the brahmins trembled on every side.

Verse 13 (skanda.6.187.13)

राक्षोघ्नानि च सूक्तानि जजपुश्चापरे तथा । केचिच्छरणमापन्ना विष्णो रुद्रस्य चापरे

rākṣoghnāni ca sūktāni jajapuścāpare tathā keciccharaṇamāpannā viṣṇo rudrasya cāpare

Others recited hymns for the destruction of rakshasas; some took refuge in Vishnu, others in Rudra,

Verse 14 (skanda.6.187.14)

पितामहस्य चान्ये तु गायत्र्याः शरणं गताः । रक्षरक्षेति जल्पन्तो भयसंत्रस्तमानसाः

pitāmahasya cānye tu gāyatryāḥ śaraṇaṁ gatāḥ rakṣarakṣeti jalpanto bhayasaṁtrastamānasāḥ

and others still sought refuge in the Grandsire, and in Gayatri, crying "Protect! Protect!", their minds struck with terror.

Verse 15 (skanda.6.187.15)

सोऽपि दृष्ट्वा तदात्मानं गतं राक्षसतां द्विजाः । बाष्पपूर्णेक्षणो दीनः पितामहमुपाद्रवत्

so'pi dṛṣṭvā tadātmānaṁ gataṁ rākṣasatāṁ dvijāḥ bāṣpapūrṇekṣaṇo dīnaḥ pitāmahamupādravat

He too, seeing that he himself had become a rakshasa, his eyes filled with tears, wretched, ran to the Grandsire.

Verse 16 (skanda.6.187.16)

स प्रणम्य ततो वाक्यं कृतांजलिरुवाच तम् । पौत्रोऽहं तव देवेश पुलस्त्यस्य सुतो द्विजः । नीतो राक्षसतामद्य प्रस्थात्रा कोपतो विभो

sa praṇamya tato vākyaṁ kṛtāṁjaliruvāca tam pautro'haṁ tava deveśa pulastyasya suto dvijaḥ nīto rākṣasatāmadya prasthātrā kopato vibho

Bowing, with joined palms, he spoke this word to him: "I am your grandson, O Lord of gods, son of Pulastya, a brahmin — turned into a rakshasa today by the Prastota in anger, O lord."

Verse 17 (skanda.6.187.17)

जिह्वालौल्येन देवेश पशोर्गुदमजानता । भक्षितं तन्मया देव होमार्थं यत्प्रकल्पितम्

jihvālaulyena deveśa paśorgudamajānatā bhakṣitaṁ tanmayā deva homārthaṁ yatprakalpitam

"Through the greed of my tongue, O Lord of gods, not knowing what it was, I ate the animal's rectum, O god, that had been prepared for the homa."

Verse 18 (skanda.6.187.18)

तस्मान्मानुषताप्राप्त्यै मम देहे दयां कुरु । राक्षसत्वं यथा याति तथा नीतिर्विधीयताम् ' तच्छ्रुत्वा जल्पितं तस्य दयां कृत्वा पितामहः । प्रतिप्रस्थातरं सामवाक्यमेतदुवाच ह

tasmānmānuṣatāprāptyai mama dehe dayāṁ kuru rākṣasatvaṁ yathā yāti tathā nītirvidhīyatām ' tacchrutvā jalpitaṁ tasya dayāṁ kṛtvā pitāmahaḥ pratiprasthātaraṁ sāmavākyametaduvāca ha

"Therefore, that I may regain my humanity, have mercy on my body; let such measures be taken that this rakshasa-state may depart." Hearing his plea, the Grandsire, moved with compassion, spoke this conciliatory word to the Prati-prastota priest:

Verse 19 (skanda.6.187.19)

बालोऽयं मम पौत्रस्तु कृत्याकृत्यं न वेत्ति च । तस्मात्त्वं राक्षसं भावं हरस्वास्य द्विजोत्तम

bālo'yaṁ mama pautrastu kṛtyākṛtyaṁ na vetti ca tasmāttvaṁ rākṣasaṁ bhāvaṁ harasvāsya dvijottama

"This is my grandson, still a child, who does not know what should and should not be done. Therefore, O best of brahmins, withdraw this rakshasa-nature from him."

Verse 20 (skanda.6.187.20)

तच्छ्रुत्वा स मुनिः प्राह प्रायश्चित्तं मखे तव । अनेन जनितं देव गुदं दूषयता विभो

tacchrutvā sa muniḥ prāha prāyaścittaṁ makhe tava anena janitaṁ deva gudaṁ dūṣayatā vibho

Hearing this, that sage said: "This is the penance owed to your sacrifice, O god, since he, defiling the rectum, has brought this about."

Verse 21 (skanda.6.187.21)

तस्मादेष मया शप्तो यज्ञविघ्नकरो मम । नाहमस्य हरिष्यामि राक्षसत्वं कथंचन

tasmādeṣa mayā śapto yajñavighnakaro mama nāhamasya hariṣyāmi rākṣasatvaṁ kathaṁcana

"Therefore he has been cursed by me as one who obstructs my sacrifice; I shall not withdraw his rakshasa-state in any way."

Verse 22 (skanda.6.187.22)

नर्मणापि मया प्रोक्तं कदाचिन्नानृतं वचः । ब्रह्मोवाच । प्रायश्चित्तं करिष्येऽहं यज्ञस्यास्य प्रसिद्धये । दक्षिणा गौर्यथोक्ता च कृत्वा होमं विधानतः । त्वमस्य राक्षसं भावं 'हरस्व मम वाक्यतः

narmaṇāpi mayā proktaṁ kadācinnānṛtaṁ vacaḥ brahmovāca prāyaścittaṁ kariṣye'haṁ yajñasyāsya prasiddhaye dakṣiṇā gauryathoktā ca kṛtvā homaṁ vidhānataḥ tvamasya rākṣasaṁ bhāvaṁ 'harasva mama vākyataḥ

"Not even in jest have I ever spoken a false word." Brahma said: "I shall myself perform the expiation for the accomplishment of this sacrifice — having given the prescribed cow as fee, and performed the homa according to rule, you withdraw his rakshasa-nature at my word."

Verse 23 (skanda.6.187.23)

सोऽब्रवीच्छीतलो वह्निर्यदि स्यादुष्णगुः शशी । तन्मे स्यादन्यथा वाक्यं व्याहृतं प्रपितामह

so'bravīcchītalo vahniryadi syāduṣṇaguḥ śaśī tanme syādanyathā vākyaṁ vyāhṛtaṁ prapitāmaha

He replied: "Should fire become cold, should the moon become hot-rayed — only then could this word I have declared before you, O great-grandsire, prove otherwise."

Verse 24 (skanda.6.187.24)

तस्य तद्वचनं श्रुत्वा ज्ञात्वा चैव तु निश्चितम्। विश्वावसुं विधिः प्राह ततो राक्षसरूपिणम्

tasya tadvacanaṁ śrutvā jñātvā caiva tu niścitam viśvāvasuṁ vidhiḥ prāha tato rākṣasarūpiṇam

Hearing his word, and knowing it to be firmly resolved, the Ordainer then spoke to Vishvavasu, who remained in rakshasa form:

Verse 25 (skanda.6.187.25)

त्वं वत्सानेन रूपेण तिष्ठ तावद्वचो मम । कुरुष्व ते प्रयच्छामि येन स्थानमनुत्तमम्

tvaṁ vatsānena rūpeṇa tiṣṭha tāvadvaco mama kuruṣva te prayacchāmi yena sthānamanuttamam

"Remain, my child, in this form for now, in accordance with my word; I shall grant you an unsurpassed station."

Verse 26 (skanda.6.187.26)

चमत्कारपुरस्यास्य पश्चिमस्थानमाश्रिताः । सन्त्यन्ये राक्षसास्तत्र मर्यादायां व्यवस्थिताः

camatkārapurasyāsya paścimasthānamāśritāḥ santyanye rākṣasāstatra maryādāyāṁ vyavasthitāḥ

"In the western region of this city of Chamatkarapura there dwell other rakshasas, established there within their proper bounds."

Verse 27 (skanda.6.187.27)

लंकायां राक्षसाश्चैव प्रार्थयन्तोऽत्र सद्गतिम् । ते चागत्य तमुद्देशं तपः कुर्वंति सुव्रताः । तत्र प्रभुत्वमातिष्ठ नागराणां हिते स्थितः । राक्षसा बहवः संति कूष्मांडाश्च पिशाचकाः

laṁkāyāṁ rākṣasāścaiva prārthayanto'tra sadgatim te cāgatya tamuddeśaṁ tapaḥ kurvaṁti suvratāḥ tatra prabhutvamātiṣṭha nāgarāṇāṁ hite sthitaḥ rākṣasā bahavaḥ saṁti kūṣmāṁḍāśca piśācakāḥ

"And the rakshasas of Lanka too, seeking here a good destiny, come to that place and perform austerities, well disciplined. There you shall hold lordship, established for the welfare of the Nagaras. Many rakshasas are there, and kushmandas and pishachas."

Verse 28 (skanda.6.187.28)

ये चान्ये राक्षसाः केचिद्दुष्टभावसमाश्रिताः । तत्र गच्छंति ये सर्वे निगृह्णंति च तत्क्षणात्

ye cānye rākṣasāḥ kecidduṣṭabhāvasamāśritāḥ tatra gacchaṁti ye sarve nigṛhṇaṁti ca tatkṣaṇāt

"And whatever other rakshasas, harboring evil intent, may come there — all of them you shall seize at once."

Verse 29 (skanda.6.187.29)

भूताः प्रेताः पिशाचाश्च कूष्मांडाश्च विशेषतः। नागरं तु पुरो दृष्ट्वा तद्भयाद्यांति दूरतः

bhūtāḥ pretāḥ piśācāśca kūṣmāṁḍāśca viśeṣataḥ nāgaraṁ tu puro dṛṣṭvā tadbhayādyāṁti dūrataḥ

"Bhutas, pretas, pishachas, and especially kushmandas, on seeing the Nagara city before them, flee far away in fear of it."

Verse 30 (skanda.6.187.30)

तद्गच्छ पुत्र तत्र त्वं सर्वेषामधिपो भव । राक्षसानां मया दत्तं तव राज्यं च सांप्रतम्

tadgaccha putra tatra tvaṁ sarveṣāmadhipo bhava rākṣasānāṁ mayā dattaṁ tava rājyaṁ ca sāṁpratam

"Go there, my son, and become the overlord of them all; the kingdom of the rakshasas I now grant to you."

Verse 31 (skanda.6.187.31)

राक्षस उवाच । आधिपत्ये स्थितस्यैवं राक्षसानां पितामह । किं मया तत्र भोक्तव्यं तेभ्यो देयं च किं वद

rākṣasa uvāca ādhipatye sthitasyaivaṁ rākṣasānāṁ pitāmaha kiṁ mayā tatra bhoktavyaṁ tebhyo deyaṁ ca kiṁ vada

The Rakshasa said: "Established thus in lordship over the rakshasas, O Grandsire, what am I to enjoy there, and what am I to give them? Tell me."

Verse 32 (skanda.6.187.32)

राज्ञा चैव यतो देयं भृत्यानां भोजनं विभो । तन्ममाचक्ष्व देवेश दयां कृत्वा ममोपरि

rājñā caiva yato deyaṁ bhṛtyānāṁ bhojanaṁ vibho tanmamācakṣva deveśa dayāṁ kṛtvā mamopari

"Since a king must give food to his servants, O Lord of gods, tell me this too, showing compassion upon me."

Verse 33 (skanda.6.187.33)

न करोति च यो राजा। भृत्यवर्गस्य पोषणम्। रौरवं नरकं याति स एवं हि श्रुतं मया

na karoti ca yo rājā bhṛtyavargasya poṣaṇam rauravaṁ narakaṁ yāti sa evaṁ hi śrutaṁ mayā

"For a king who does not provide for the sustenance of his body of servants goes to the Raurava hell — thus I have heard."

Verse 34 (skanda.6.187.34)

ब्रह्मोवाच । यच्छ्राद्धं दक्षिणाहीनं तिलैर्दर्भैर्विवर्जितम् । तत्सर्वं ते मया दत्तं यद्यपि स्यात्सुतीर्थगम्

brahmovāca yacchrāddhaṁ dakṣiṇāhīnaṁ tilairdarbhairvivarjitam tatsarvaṁ te mayā dattaṁ yadyapi syātsutīrthagam

Brahma said: "Whatever shraddha is devoid of the sacrificial fee, lacking sesame and kusha grass — all of that I give to you, even though it be performed at an excellent tirtha."

Verse 35 (skanda.6.187.35)

यच्छ्राद्धं सूकरः पश्येन्नारी वाथ रजस्वला । कौलेयकोऽथ वालेयस्तत्सर्वं ते भविष्यति

yacchrāddhaṁ sūkaraḥ paśyennārī vātha rajasvalā kauleyako'tha vāleyastatsarvaṁ te bhaviṣyati

"Whatever shraddha a pig should see, or a woman in her courses, or a dog, or a wild ass — all of that shall become yours."

Verse 36 (skanda.6.187.36)

विधिहीनं तु यच्छ्राद्धं दर्भेर्वा मूलवर्जितैः । वितस्तेरधिकैर्वापि तत्सर्वं ते भविष्यति

vidhihīnaṁ tu yacchrāddhaṁ darbhervā mūlavarjitaiḥ vitasteradhikairvāpi tatsarvaṁ te bhaviṣyati

"Whatever shraddha is devoid of proper procedure, its kusha grass lacking roots, or longer than a span — all of that shall become yours."

Verse 37 (skanda.6.187.37)

तिलं वा तैलपक्वं वा शूकधान्यमथापि वा । न यत्र दीयते श्राद्धे तत्ते श्राद्धं भविष्यति

tilaṁ vā tailapakvaṁ vā śūkadhānyamathāpi vā na yatra dīyate śrāddhe tatte śrāddhaṁ bhaviṣyati

"Wherever, in a shraddha, sesame, or food cooked in oil, or awned grain, is not offered — that shraddha shall be yours."

Verse 38 (skanda.6.187.38)

अस्नातैर्यत्कृतं श्राद्धं यच्चाधौतांबरैः कृतम् । तैलाभ्यंगयुतैश्चैव तत्ते सर्वं भविष्यति

asnātairyatkṛtaṁ śrāddhaṁ yaccādhautāṁbaraiḥ kṛtam tailābhyaṁgayutaiścaiva tatte sarvaṁ bhaviṣyati

"Whatever shraddha is performed by the unbathed, or by those wearing unwashed garments, or by those still anointed with oil — all of that shall become yours."

Verse 39 (skanda.6.187.39)

यद्वा माहिषिको भुंक्ते श्वित्री वा कुनखोऽपि वा । कुष्ठी वाथ द्विजो भुंक्ते तत्ते श्राद्धं भविष्यति

yadvā māhiṣiko bhuṁkte śvitrī vā kunakho'pi vā kuṣṭhī vātha dvijo bhuṁkte tatte śrāddhaṁ bhaviṣyati

"Or where a buffalo-herder eats, or one afflicted with leukoderma, or one with deformed nails, or a leprous brahmin eats — that shraddha shall become yours."

Verse 40 (skanda.6.187.40)

हीनांगो वाऽथ यद्भुंक्तेऽधिकांगो वाथ निंदितः । महाव्याधिगृहीतो वा चौरो वार्द्धुषिकोऽपि वा । यत्र भुंक्तेऽथवा श्राद्धे तत्ते श्राद्धं भविष्यति

hīnāṁgo vā'tha yadbhuṁkte'dhikāṁgo vātha niṁditaḥ mahāvyādhigṛhīto vā cauro vārddhuṣiko'pi vā yatra bhuṁkte'thavā śrāddhe tatte śrāddhaṁ bhaviṣyati

"Where one lacking a limb eats, or one with an extra limb, or a despised person, or one seized by a grave disease, or a thief, or a usurer eats, at that shraddha — that shall become yours."

Verse 41 (skanda.6.187.41)

श्यावदन्तस्तु यद्भुंक्ते यद्भुंक्ते वृषलीपतिः । विनग्नो वाथ यद्भुंक्ते तत्ते श्राद्धं भविष्यति

śyāvadantastu yadbhuṁkte yadbhuṁkte vṛṣalīpatiḥ vinagno vātha yadbhuṁkte tatte śrāddhaṁ bhaviṣyati

"Where one with blackened teeth eats, or the husband of a shudra woman eats, or a naked person eats — that shraddha shall become yours."

Verse 42 (skanda.6.187.42)

यो यज्ञो दक्षिणाहीनो यश्चाशौचयुतैः कृतः । ब्रह्मचर्यविहीनस्तु तत्फलं ते भविष्यति

yo yajño dakṣiṇāhīno yaścāśaucayutaiḥ kṛtaḥ brahmacaryavihīnastu tatphalaṁ te bhaviṣyati

"Whatever sacrifice is devoid of the sacrificial fee, or performed by those in a state of impurity, devoid of brahmacharya — that fruit shall become yours."

Verse 43 (skanda.6.187.43)

यस्मिन्नैवातिथिः पूज्यः श्राद्धे वा यज्ञकर्मणि । संप्राप्ते वैश्वदेवांते तत्ते सर्वं भविष्यति आवाहनात्परं यत्र मौनं न श्राद्धदश्चरेत्। ब्राह्मणो वाऽथ भोक्ता च तत्ते श्राद्धं भविष्यति

yasminnaivātithiḥ pūjyaḥ śrāddhe vā yajñakarmaṇi saṁprāpte vaiśvadevāṁte tatte sarvaṁ bhaviṣyati āvāhanātparaṁ yatra maunaṁ na śrāddhadaścaret brāhmaṇo vā'tha bhoktā ca tatte śrāddhaṁ bhaviṣyati

"Wherever the guest is not honored, in a shraddha or in a sacrificial rite, upon reaching the close of the Vaishvadeva — all of that shall become yours. Wherever, after the invocation, the one conducting the shraddha does not observe silence, whether brahmin or one eating — that shraddha shall become yours."

Verse 44 (skanda.6.187.44)

मृन्मयेषु च पात्रेषु यः श्राद्धं कुरुते नरः । भिन्नपात्रेषु वा यच्च तत्ते सर्वं भविष्यति

mṛnmayeṣu ca pātreṣu yaḥ śrāddhaṁ kurute naraḥ bhinnapātreṣu vā yacca tatte sarvaṁ bhaviṣyati

"Whatever man performs a shraddha in earthen vessels, or in broken vessels — all of that shall become yours."

Verse 45 (skanda.6.187.45)

प्रत्यक्षलवणं यत्र तक्रं वा विकृतं भवेत् । जातीपुष्पप्रदानं च तत्ते सर्वं भविष्यति

pratyakṣalavaṇaṁ yatra takraṁ vā vikṛtaṁ bhavet jātīpuṣpapradānaṁ ca tatte sarvaṁ bhaviṣyati

"Where salt is placed openly in view, or where buttermilk has been adulterated, and jasmine flowers are wrongly offered — all of that shall become yours."

Verse 46 (skanda.6.187.46)

यजमानो द्विजो वाथ ब्रह्मचर्यविवर्जितः । तच्छ्राद्धं ते मया दत्तं त्रिपात्रेण विवर्जितम्

yajamāno dvijo vātha brahmacaryavivarjitaḥ tacchrāddhaṁ te mayā dattaṁ tripātreṇa vivarjitam

"If the sacrificer, or a brahmin present, is devoid of brahmacharya — that shraddha, lacking the three prescribed vessels, I give over to you."

Verse 47 (skanda.6.187.47)

आयसेन तु पात्रेण यत्रान्नं च प्रदीयते । तच्छ्राद्धं ते मया दत्तं तथान्यदपि हीयते

āyasena tu pātreṇa yatrānnaṁ ca pradīyate tacchrāddhaṁ te mayā dattaṁ tathānyadapi hīyate

"Wherever food is given in a vessel of iron — that shraddha I give over to you, and other elements of it fail as well."

Verse 48 (skanda.6.187.48)

मंत्रक्रियाभ्यां यत्किचिद्रात्रौ दत्तं हुतं तथा । सक्रांतिसोमपर्वभ्यां व्यति रिक्तं तु कुत्सितम्

maṁtrakriyābhyāṁ yatkicidrātrau dattaṁ hutaṁ tathā sakrāṁtisomaparvabhyāṁ vyati riktaṁ tu kutsitam

"Whatever is offered or given at night through mantra and ritual, apart from the occasions of sankranti and the soma-parvas — that is despicable."

Verse 49 (skanda.6.187.49)

इत्युक्त्वा विररामाशु ब्रह्मा लोकपितामहः । राक्षसः सोऽपि तत्रापि लेभे स्थानं तु राक्षसम्

ityuktvā virarāmāśu brahmā lokapitāmahaḥ rākṣasaḥ so'pi tatrāpi lebhe sthānaṁ tu rākṣasam

Having said this, Brahma, Grandsire of the worlds, quickly fell silent; and that Rakshasa too thereupon obtained his station as ruler of the rakshasas there.