The Greatness of Savitri

Verse 1 (skanda.6.192.1)

सूत उवाच । अथ श्रुत्वा महानादं वाद्यानां समुपस्थितम् । नारदः सम्मुखः प्रायाज्ज्ञात्वा च जननीं निजाम्

sūta uvāca atha śrutvā mahānādaṁ vādyānāṁ samupasthitam nāradaḥ sammukhaḥ prāyājjñātvā ca jananīṁ nijām

Suta said: Then, hearing the great sound of instruments that had arisen, Narada went forward to meet her, recognizing his own mother approaching.

Verse 2 (skanda.6.192.2)

प्रणिपत्य स दीनात्मा भूत्वा चाश्रुपरिप्लुतः । प्राह गद्गदया वाचा कण्ठे बाष्पसमावृतः

praṇipatya sa dīnātmā bhūtvā cāśrupariplutaḥ prāha gadgadayā vācā kaṇṭhe bāṣpasamāvṛtaḥ

Bowing down, wretched, his eyes filled with tears, he spoke in a voice broken with sobs, his throat choked with weeping —

Verse 3 (skanda.6.192.3)

आत्मनः शापरक्षार्थं तस्याः कोपविवृद्धये । कलिप्रियस्तदा विप्रो देवस्त्रीणां पुरः स्थितः

ātmanaḥ śāparakṣārthaṁ tasyāḥ kopavivṛddhaye kalipriyastadā vipro devastrīṇāṁ puraḥ sthitaḥ

for the sake of protecting himself from her curse, so as to increase her anger toward another, Kalipriya, the brahmin, then stood before the wives of the gods,

Verse 4 (skanda.6.192.4)

मेघगम्भीरया वाचा प्रस्खलंत्या पदेपदे । मया त्वं देवि चाहूता पुलस्त्येन ततः परम्

meghagambhīrayā vācā praskhalaṁtyā padepade mayā tvaṁ devi cāhūtā pulastyena tataḥ param

and, in a voice deep as thunder, faltering at every step: "O goddess, you were summoned by me, and thereafter further by Pulastya —"

Verse 5 (skanda.6.192.5)

स्त्रीस्वभावं समाश्रित्य दीक्षाकालेऽपि नागता

strīsvabhāvaṁ samāśritya dīkṣākāle'pi nāgatā

"but, giving way to a woman's nature, you did not come, even at the time of the consecration."

Verse 6 (skanda.6.192.6)

ततो विधेः समादेशाच्छक्रेणान्या समाहृता । काचिद्गोपसमुद्भूता कुमारी देव रूपिणी

tato vidheḥ samādeśācchakreṇānyā samāhṛtā kācidgopasamudbhūtā kumārī deva rūpiṇī

"Then, by the Ordainer's command, another was brought by Shakra — a certain maiden, born among cowherds, of divine form,"

Verse 7 (skanda.6.192.7)

गोवक्त्रेण प्रवेश्याथ गुह्यमार्गेण तत्क्षणात् । आकर्षिता महाभागे समानीताथ तत्क्षणात्

govaktreṇa praveśyātha guhyamārgeṇa tatkṣaṇāt ākarṣitā mahābhāge samānītātha tatkṣaṇāt

"drawn in through a cow's mouth, by a hidden passage, at that very moment, and brought, O great lady, in that same instant."

Verse 8 (skanda.6.192.8)

सा विष्णुना विवाहार्थं ततश्चैवानुमोदिता । ईश्वरेण कृतं नाम गायत्री च तवानुगम्

sā viṣṇunā vivāhārthaṁ tataścaivānumoditā īśvareṇa kṛtaṁ nāma gāyatrī ca tavānugam

"She was then approved by Vishnu for the marriage; the name 'Gayatri' was given by Ishvara, in likeness to your own,"

Verse 9 (skanda.6.192.9)

ब्राह्मणैः सकलैः प्रोक्तं ब्राह्मणीति भवत्वियम् । अस्माकं वचनाद्ब्रह्मन्कुरु हस्तग्रहं विभो

brāhmaṇaiḥ sakalaiḥ proktaṁ brāhmaṇīti bhavatviyam asmākaṁ vacanādbrahmankuru hastagrahaṁ vibho

"and it was declared by all the brahmins: 'Let her become a brahmin-woman.' 'By our word, O Brahma, take her hand, O lord.'"

Verse 10 (skanda.6.192.10)

देवैः सर्वैः स सम्प्रोक्तस्ततस्तां च वराननाम् । ततः पत्न्युत्थधर्मेण योजयामास सत्वरम् किं वा ते बहुनोक्तेन पत्नीशालां समागता । रशना योजिता तस्या गोप्याः कट्यां सुरेश्वरि

devaiḥ sarvaiḥ sa samproktastatastāṁ ca varānanām tataḥ patnyutthadharmeṇa yojayāmāsa satvaram kiṁ vā te bahunoktena patnīśālāṁ samāgatā raśanā yojitā tasyā gopyāḥ kaṭyāṁ sureśvari

"Thus addressed by all the gods, he then joined himself to that fair-faced one, swiftly, by the rite proper to a wife. What need is there to say more? She was brought into the wives' hall; the cowherd-girl's girdle was fastened at her waist, O queen of gods."

Verse 11 (skanda.6.192.11)

तद्दृष्ट्वा गर्हितं कर्म निष्क्रांतो यज्ञमण्डपात् । अमर्ष वशमापन्नो न शक्तो वीक्षितुं च ताम्

taddṛṣṭvā garhitaṁ karma niṣkrāṁto yajñamaṇḍapāt amarṣa vaśamāpanno na śakto vīkṣituṁ ca tām

"Seeing this reprehensible deed, I came out from the yajna-pavilion, overcome with impatience, unable even to look upon her."

Verse 12 (skanda.6.192.12)

एतज्ज्ञात्वा महाभागे यत्क्षमं तत्समाचर । गच्छ वा तिष्ठ वा तत्र मण्डपे धर्मवर्जिते

etajjñātvā mahābhāge yatkṣamaṁ tatsamācara gaccha vā tiṣṭha vā tatra maṇḍape dharmavarjite

"Knowing this, O great lady, do whatever seems fitting; go there, or remain — the pavilion is now bereft of dharma."

Verse 13 (skanda.6.192.13)

तच्छ्रुत्वा सा तदा देवी सावित्री द्विजसत्तमाः । प्रम्लानवदना जाता पद्मिनीव हिमागमे

tacchrutvā sā tadā devī sāvitrī dvijasattamāḥ pramlānavadanā jātā padminīva himāgame

Hearing this, that goddess Savitri, O best of brahmins, became one whose face had wilted, like a lotus at the coming of winter,

Verse 14 (skanda.6.192.14)

लतेव च्छिन्नमूला सा चक्रीव प्रियविच्युता । शुचिशुक्लागमे काले सरसीव गतोदका

lateva cchinnamūlā sā cakrīva priyavicyutā śuciśuklāgame kāle sarasīva gatodakā

like a creeper with its root severed, like a chakravaka bird bereft of her beloved, like a lake whose water has vanished at the time the pure, bright season arrives,

Verse 15 (skanda.6.192.15)

प्रक्षीणचन्द्रलेखेव मृगीव मृगवर्जिता । सेनेव हतभूपाला सतीव गतभर्तृका

prakṣīṇacandralekheva mṛgīva mṛgavarjitā seneva hatabhūpālā satīva gatabhartṛkā

like the waning crescent of the moon, like a doe bereft of her mate, like an army whose king has been slain, like a devoted wife who has lost her husband,

Verse 16 (skanda.6.192.16)

संशुष्का पुष्पमालेव मृतवत्सैव सौरभी । वैमनस्यं परं गत्वा निश्चलत्वमुपस्थिताम् । तां दृष्ट्वा देवपत्न्यस्ता जगदुर्नारदं तदा

saṁśuṣkā puṣpamāleva mṛtavatsaiva saurabhī vaimanasyaṁ paraṁ gatvā niścalatvamupasthitām tāṁ dṛṣṭvā devapatnyastā jagadurnāradaṁ tadā

like a withered garland of flowers, like a fragrant cow who has lost her calf — having fallen into the deepest despondency, she came to a state of utter stillness. Seeing her thus, those wives of the gods then said to Narada:

Verse 17 (skanda.6.192.17)

धिग्धिक्कलिप्रिय त्वां च रागे वैराग्यकारकम् । त्वया कृतं सर्वमेतद्विधेस्तस्य तथान्तरम्

dhigdhikkalipriya tvāṁ ca rāge vairāgyakārakam tvayā kṛtaṁ sarvametadvidhestasya tathāntaram

"Shame, shame upon you, Kalipriya, who bring dispassion into the midst of joy! All this that has happened is your doing, and it is that of the Ordainer as well."

Verse 18 (skanda.6.192.18)

गौर्युवाच । अयं कलिप्रियो देवि ब्रूते सत्यानृतं वचः । अनेन कर्मणा प्राणान्बिभर्त्येष सदा मुनिः

gauryuvāca ayaṁ kalipriyo devi brūte satyānṛtaṁ vacaḥ anena karmaṇā prāṇānbibhartyeṣa sadā muniḥ

Gauri said: "This Kalipriya, O goddess, speaks a mixture of truth and falsehood; it is by this very conduct that this sage sustains his life."

Verse 19 (skanda.6.192.19)

अहं त्र्यक्षेण सावित्रि पुरा प्रोक्ता मुहुर्मुहुः । नारदस्य मुनेर्वाक्यं न श्रद्धेयं त्वया प्रिये । यदि वांछसि सौख्यानि मम जातानि पार्वति

ahaṁ tryakṣeṇa sāvitri purā proktā muhurmuhuḥ nāradasya munervākyaṁ na śraddheyaṁ tvayā priye yadi vāṁchasi saukhyāni mama jātāni pārvati

"I myself, O Savitri, was told long ago, again and again, by the three-eyed one: 'The word of the sage Narada should not be trusted by you, my dear, if you desire the happiness that has come to me, O Parvati.'"

Verse 20 (skanda.6.192.20)

ततःप्रभृति नैवाहं श्रद्दधेऽस्य वचः क्वचित् । तस्माद्गच्छामहे तत्र यत्र तिष्ठति ते पतिः

tataḥprabhṛti naivāhaṁ śraddadhe'sya vacaḥ kvacit tasmādgacchāmahe tatra yatra tiṣṭhati te patiḥ

"From that time forward I have never placed faith in his words at all. Therefore let us go there, to where your husband now stands;"

Verse 21 (skanda.6.192.21)

स्वयं दृष्ट्वैव वृत्तांतं कर्तव्यं यत्क्षमं ततः । नात्रास्य वचनादद्य स्थातव्यं तत्र गम्यताम्

svayaṁ dṛṣṭvaiva vṛttāṁtaṁ kartavyaṁ yatkṣamaṁ tataḥ nātrāsya vacanādadya sthātavyaṁ tatra gamyatām

"having seen the matter for ourselves, we should then do whatever is fitting. It is not right to remain here merely on his word — let us go there."

Verse 22 (skanda.6.192.22)

सूत उवाच । गौर्या स्तद्वचनं श्रुत्वा सावित्री हर्षवर्जिता । मखमण्डपमुद्दिश्य प्रस्खलन्ती पदेपदे

sūta uvāca gauryā stadvacanaṁ śrutvā sāvitrī harṣavarjitā makhamaṇḍapamuddiśya praskhalantī padepade

Suta said: Hearing Gauri's words, Savitri, bereft of joy, stumbling at every step, made her way toward the sacrificial pavilion,

Verse 23 (skanda.6.192.23)

प्रजगाम द्विजश्रेष्ठाः शून्येन मनसा तदा । प्रतिभाति तदा गीतं तस्या मधुरमप्यहो

prajagāma dvijaśreṣṭhāḥ śūnyena manasā tadā pratibhāti tadā gītaṁ tasyā madhuramapyaho

proceeding, O best of brahmins, with a mind gone hollow. Then even the sweetest song seemed to her,

Verse 24 (skanda.6.192.24)

कर्णशूलं यथाऽऽयातमसकृद्द्विजसत्तमाः । वन्ध्यवाद्यं यथा वाद्यं मृदंगानकपूर्वकम्

karṇaśūlaṁ yathā''yātamasakṛddvijasattamāḥ vandhyavādyaṁ yathā vādyaṁ mṛdaṁgānakapūrvakam

again and again, like a piercing pain in the ear, O best of brahmins; the very instruments, mridanga and anaka drums foremost, seemed to her like sounds from a fruitless, barren instrument.

Verse 25 (skanda.6.192.25)

प्रेतसंदर्शनं यद्वन्मर्त्यं तत्सा महासती । वीक्षितुं न च शक्रोति गच्छमाना तदा मखे

pretasaṁdarśanaṁ yadvanmartyaṁ tatsā mahāsatī vīkṣituṁ na ca śakroti gacchamānā tadā makhe

As one shrinks from the sight of a corpse among mortals, so that great and devoted wife could not bear to look, as she went then toward the sacrifice.

Verse 26 (skanda.6.192.26)

शृंगारं च तथांगारं मन्यते सा तनुस्थितम् । वाष्पपूर्णेक्षणा दीना प्रजगाम महासती

śṛṁgāraṁ ca tathāṁgāraṁ manyate sā tanusthitam vāṣpapūrṇekṣaṇā dīnā prajagāma mahāsatī

She regarded the very adornments upon her own body as burning coals; her eyes filled with tears, wretched, that great and devoted wife went onward.

Verse 27 (skanda.6.192.27)

ततः कृच्छ्रात्समासाद्य सैवं तं यज्ञमंडपम् । कृच्छ्रात्कारागृहं तद्वद्दुष्प्रेक्ष्यं दृक्पथं गतम्

tataḥ kṛcchrātsamāsādya saivaṁ taṁ yajñamaṁḍapam kṛcchrātkārāgṛhaṁ tadvadduṣprekṣyaṁ dṛkpathaṁ gatam

Then, with the greatest difficulty, she reached that yajna-pavilion — as hard to bear the sight of as a prison, entering her field of vision as though entering one.

Verse 28 (skanda.6.192.28)

अथ दृष्ट्वा तु संप्राप्तां सावित्रीं यज्ञमण्डपम् । तत्क्षणाच्च चतुर्वक्त्रः संस्थितोऽधोमुखो ह्रिया

atha dṛṣṭvā tu saṁprāptāṁ sāvitrīṁ yajñamaṇḍapam tatkṣaṇācca caturvaktraḥ saṁsthito'dhomukho hriyā

Then, seeing Savitri arriving at the yajna-pavilion, the four-faced one at once stood there, his face turned down in shame.

Verse 29 (skanda.6.192.29)

तथा शम्भुश्च शक्रश्च वासुदेवस्तथैव च । ये चान्ये विबुधास्तत्र संस्थिता यज्ञमंडपे

tathā śambhuśca śakraśca vāsudevastathaiva ca ye cānye vibudhāstatra saṁsthitā yajñamaṁḍape

And likewise Shambhu, and Shakra, and Vasudeva too, and whatever other gods were established there in the yajna-pavilion —

Verse 30 (skanda.6.192.30)

ते च ब्राह्मणशार्दूलास्त्यक्त्वा वेदध्वनिं ततः । मूकीभावं गताः सर्वे भयसंत्रस्तमानसाः

te ca brāhmaṇaśārdūlāstyaktvā vedadhvaniṁ tataḥ mūkībhāvaṁ gatāḥ sarve bhayasaṁtrastamānasāḥ

all those tiger-like brahmins, abandoning the sound of Vedic recitation, fell silent, their minds struck with fear.

Verse 31 (skanda.6.192.31)

अथ संवीक्ष्य सावित्री सपत्न्या सहितं पतिम् । कोपसंरक्तनयना परुषं वाक्यमब्रवीत्

atha saṁvīkṣya sāvitrī sapatnyā sahitaṁ patim kopasaṁraktanayanā paruṣaṁ vākyamabravīt

Then Savitri, beholding her husband together with his co-wife, her eyes reddened with anger, spoke this harsh word:

Verse 32 (skanda.6.192.32)

सावित्र्युवाच । किमेतद्युज्यते कर्तुं तव वृद्ध तमाकृते । ऊढवानसि यत्पत्नीमेतां गोपसमुद्भवाम्

sāvitryuvāca kimetadyujyate kartuṁ tava vṛddha tamākṛte ūḍhavānasi yatpatnīmetāṁ gopasamudbhavām

Savitri said: "Is it fitting for you to do this, O you of the most aged appearance — that you have taken to wife this one, born of cowherds,"

Verse 33 (skanda.6.192.33)

उभयोः पक्षयोर्यस्याः स्त्रीणां कांता यथेप्सिताः । शौचाचारपरित्यक्ता धर्मकृत्यपराङ्मुखाः

ubhayoḥ pakṣayoryasyāḥ strīṇāṁ kāṁtā yathepsitāḥ śaucācāraparityaktā dharmakṛtyaparāṅmukhāḥ

"whose family, on both sides, consists of women beloved only as desired by men, bereft of purity of conduct, turned away from the observance of dharma,"

Verse 34 (skanda.6.192.34)

यदन्वये जनाः सर्वे पशुधर्मरतोत्सवाः । सोदर्यां भगिनीं त्यक्त्वा जननीं च तथा पराम् । तस्याः कुले प्रसेवंते सर्वां नारीं जनाः पराम् । यथा हि पशवोऽश्नंति तृणानि जलपानगाः

yadanvaye janāḥ sarve paśudharmaratotsavāḥ sodaryāṁ bhaginīṁ tyaktvā jananīṁ ca tathā parām tasyāḥ kule prasevaṁte sarvāṁ nārīṁ janāḥ parām yathā hi paśavo'śnaṁti tṛṇāni jalapānagāḥ

"in whose lineage all people delight in the ways and festivals of beasts — abandoning their own sisters and even their own mothers, men of that family consort with every other woman promiscuously, just as beasts that drink water eat grass indiscriminately."

Verse 35 (skanda.6.192.35)

विण्मूत्रं केवलं चक्रुर्भारोद्वहनमेव च तद्वदस्याः कुलं सर्वं तक्रमश्राति केवलम्

viṇmūtraṁ kevalaṁ cakrurbhārodvahanameva ca tadvadasyāḥ kulaṁ sarvaṁ takramaśrāti kevalam

"They produce nothing but filth and urine, and carry burdens — just so, that whole family does nothing but drink buttermilk."

Verse 36 (skanda.6.192.36)

कृत्वा मूत्रपुरीषं च जन्मभोगविवर्जितम् । नान्यज्जानाति कर्तव्यं धर्मं स्वोदरसं श्रयात्

kṛtvā mūtrapurīṣaṁ ca janmabhogavivarjitam nānyajjānāti kartavyaṁ dharmaṁ svodarasaṁ śrayāt

"Having produced only urine and excrement, devoid of any higher purpose in life, they know no other duty than the service of their own belly."

Verse 37 (skanda.6.192.37)

अन्त्यजा अपि नो कर्म यत्कुर्वन्ति विगर्हितम् । आभीरास्तच्च कुर्वंति तत्किमेतत्त्वया कृतम्

antyajā api no karma yatkurvanti vigarhitam ābhīrāstacca kurvaṁti tatkimetattvayā kṛtam

"Even the outcastes do not perform the despicable deeds that the Abhiras perform — what, then, is this that you have done?"

Verse 38 (skanda.6.192.38)

अवश्यं यदि ते कार्यं भार्यया परया मखे । त्वया वा ब्राह्मणी कापि प्रख्याता भुवनत्रये

avaśyaṁ yadi te kāryaṁ bhāryayā parayā makhe tvayā vā brāhmaṇī kāpi prakhyātā bhuvanatraye

"If you truly needed another wife for this sacrifice, was there no brahmin woman renowned throughout the three worlds available to you?"

Verse 39 (skanda.6.192.39)

नोढा विधे वृथा मुण्ड नूनं धूर्तोऽसि मे मतः । यत्त्वया शौचसंत्यक्ता कन्याभावप्रदूषिता

noḍhā vidhe vṛthā muṇḍa nūnaṁ dhūrto'si me mataḥ yattvayā śaucasaṁtyaktā kanyābhāvapradūṣitā

"You have not married her in vain, O shaven-headed Ordainer — surely you are, in my judgment, a rogue — in that you have taken one bereft of purity, whose maidenhood was already defiled,"

Verse 40 (skanda.6.192.40)

प्रभुक्ता बहुभिः पूर्वं तथा गोपकुमारिका। एषा प्राप्ता सुपापाढ्या वेश्याजनशताधिका

prabhuktā bahubhiḥ pūrvaṁ tathā gopakumārikā eṣā prāptā supāpāḍhyā veśyājanaśatādhikā

"enjoyed by many men before, this cowherd-girl; this most sinful one has arrived here, worse than a hundred common courtesans together."

Verse 41 (skanda.6.192.41)

अन्त्यजाता तथा कन्या क्षतयोनिः प्रजायते। तथा गोपकुमारी च काचित्तादृक्प्रजायते

antyajātā tathā kanyā kṣatayoniḥ prajāyate tathā gopakumārī ca kācittādṛkprajāyate

"A girl born among outcastes is born with her womb already violated; and likewise some cowherd-girl too is born of that same kind."

Verse 42 (skanda.6.192.42)

मातृकं पैतृकं वंशं श्वाशुरं च प्रपातयेत्। तस्मादेतेन कृत्येन गर्हितेन धरातले

mātṛkaṁ paitṛkaṁ vaṁśaṁ śvāśuraṁ ca prapātayet tasmādetena kṛtyena garhitena dharātale

"She shall bring down the maternal lineage, the paternal lineage, and the father-in-law's family as well. Therefore, through this despicable deed upon the earth,"

Verse 43 (skanda.6.192.43)

न त्वं प्राप्स्यसि तां पूजां तथा न्ये विबुधोत्तमाः। अनेन कर्मणा चैव यदि मे स्ति ऋतं क्वचित्

na tvaṁ prāpsyasi tāṁ pūjāṁ tathā nye vibudhottamāḥ anena karmaṇā caiva yadi me sti ṛtaṁ kvacit

"you shall never attain that worship given to the other best of gods — through this act, if there is any truth in me at all."

Verse 44 (skanda.6.192.44)

पूजां ये च करिष्यंति भविष्यंति च निर्धनाः। कथं न लज्जितोसि त्वमेतत्कुर्वन्विगर्हितम्

pūjāṁ ye ca kariṣyaṁti bhaviṣyaṁti ca nirdhanāḥ kathaṁ na lajjitosi tvametatkurvanvigarhitam

"Those who shall perform worship of you shall become impoverished. How are you not ashamed, doing this despicable thing,"

Verse 45 (skanda.6.192.45)

पुत्राणामथ पौत्राणामन्येषां च दिवौकसाम्। अयोग्यं चैव विप्राणां यदेतत्कृतवानसि

putrāṇāmatha pautrāṇāmanyeṣāṁ ca divaukasām ayogyaṁ caiva viprāṇāṁ yadetatkṛtavānasi

"unworthy of your sons, your grandsons, of the other gods, and of the brahmins too, in what you have done?"

Verse 46 (skanda.6.192.46)

अथ वा नैष दोषस्ते न कामवशगा नराः। लज्जंति च विजानंति कृत्याकृत्यं शुभाशुभम्

atha vā naiṣa doṣaste na kāmavaśagā narāḥ lajjaṁti ca vijānaṁti kṛtyākṛtyaṁ śubhāśubham

"Or rather, this fault is not truly your own — men under the sway of desire feel no shame, and cannot discern what should and should not be done, what is auspicious and what is not."

Verse 47 (skanda.6.192.47)

अकृत्यं मन्यते कृत्यं मित्रं शत्रुं च मन्यते। शत्रुं च मन्यते मित्रं जनः कामवशं गतः

akṛtyaṁ manyate kṛtyaṁ mitraṁ śatruṁ ca manyate śatruṁ ca manyate mitraṁ janaḥ kāmavaśaṁ gataḥ

"A man under the sway of desire considers the improper proper, considers a friend an enemy,"

Verse 48 (skanda.6.192.48)

द्यूतकारे यथा सत्यं यथा चौरं च सौहृदम्। यथा नृपस्य नो मित्रं तथा लज्जा न कामिनाम्

dyūtakāre yathā satyaṁ yathā cauraṁ ca sauhṛdam yathā nṛpasya no mitraṁ tathā lajjā na kāminām

"and considers an enemy a friend. As there is truth in a gambler, honesty in a thief, or friendship in a king, so is there no shame in the lustful."

Verse 49 (skanda.6.192.49)

अपि स्याच्छीतलो वह्निश्चंद्रमा दहनात्मकः। क्षाराब्दिरपि मिष्टः स्यान्न कामी लज्जते ध्रुवम्

api syācchītalo vahniścaṁdramā dahanātmakaḥ kṣārābdirapi miṣṭaḥ syānna kāmī lajjate dhruvam

"Fire might become cold, the moon might grow scorching, the salt sea might turn sweet — but the lustful man surely never feels shame."

Verse 50 (skanda.6.192.50)

न मे स्याद्दुखमेतद्धि यत्सापत्न्यमुपस्थितम्। सहस्रमपि नारीणां पुरुषाणां यथा भवेत्

na me syāddukhametaddhi yatsāpatnyamupasthitam sahasramapi nārīṇāṁ puruṣāṇāṁ yathā bhavet

"This co-wifehood now come upon me would be no grief to me at all, were it as it is for men who take a thousand wives —"

Verse 51 (skanda.6.192.51)

कुलीनानां च शुद्धानां स्वजात्यानां विशेषतः। त्वं कुरुष्व पराणां च यदि कामवशं गतः

kulīnānāṁ ca śuddhānāṁ svajātyānāṁ viśeṣataḥ tvaṁ kuruṣva parāṇāṁ ca yadi kāmavaśaṁ gataḥ

"that is, if you had taken another wife of good family, of purity, and especially of your own caste. But you have taken one wholly other, though you were under the sway of desire."

Verse 52 (skanda.6.192.52)

एतत्पुनर्महद्दुःखं यदाभीरी विगर्हिता। वेश्येव नष्टचारित्रा त्वयोढा बहुभर्तृका

etatpunarmahadduḥkhaṁ yadābhīrī vigarhitā veśyeva naṣṭacāritrā tvayoḍhā bahubhartṛkā

"But this is a still greater grief — that this despicable Abhira woman, like a courtesan of ruined character, has been wedded by you, though she already possessed many husbands."

Verse 53 (skanda.6.192.53)

तस्मादहं प्रयास्यामि यत्र नाम न ते विधे । श्रूयते कामलुब्धस्य ह्रिया परिहृतस्य च

tasmādahaṁ prayāsyāmi yatra nāma na te vidhe śrūyate kāmalubdhasya hriyā parihṛtasya ca

"Therefore I shall go to that place where your very name, O Ordainer, is never even heard — a place fit for the lust-besotted man cast off in shame."

Verse 54 (skanda.6.192.54)

अहं विडंबिता यस्मादत्रानीय त्वया विधे । पुरतो देवपत्नीनां देवानां च द्विजन्मनाम् । तस्मात्पूजां न ते कश्चित्सांप्रतं प्रकरिष्यति

ahaṁ viḍaṁbitā yasmādatrānīya tvayā vidhe purato devapatnīnāṁ devānāṁ ca dvijanmanām tasmātpūjāṁ na te kaścitsāṁprataṁ prakariṣyati

"Since I have been made a laughing-stock, having been brought here by you, O Ordainer, before the wives of the gods, before the gods, and before the twice-born — therefore no one shall now ever perform worship of you."

Verse 55 (skanda.6.192.55)

अद्य प्रभृति यः पूजां मंत्रपूजां करिष्यति । तव मर्त्यो धरापृष्ठे यथान्येषां दिवौकसाम्

adya prabhṛti yaḥ pūjāṁ maṁtrapūjāṁ kariṣyati tava martyo dharāpṛṣṭhe yathānyeṣāṁ divaukasām

"From this day forward, whoever shall perform mantra-worship of you, that mortal upon the earth's surface, as is done for the other gods —"

Verse 56 (skanda.6.192.56)

भविष्यति च तद्वंशो दरिद्रो दुःखसंयुतः । ब्राह्मणः क्षत्रियो वापि वैश्यः शूद्रोपि चालये

bhaviṣyati ca tadvaṁśo daridro duḥkhasaṁyutaḥ brāhmaṇaḥ kṣatriyo vāpi vaiśyaḥ śūdropi cālaye

"his lineage shall become poverty-stricken and full of misery, whether brahmin, kshatriya, vaishya, or even shudra in his household."

Verse 57 (skanda.6.192.57)

एषाऽभीरसुता यस्मान्मम स्थाने विगर्हिता । भविष्यति न संतानस्तस्माद्वाक्यान्ममैव हि

eṣā'bhīrasutā yasmānmama sthāne vigarhitā bhaviṣyati na saṁtānastasmādvākyānmamaiva hi

"Since this daughter of the Abhiras has been so despised in my presence, therefore, by this very word of mine, she shall have no offspring."

Verse 58 (skanda.6.192.58)

न पूजां लप्स्यते लोके यथान्या देवयोषितः

na pūjāṁ lapsyate loke yathānyā devayoṣitaḥ

"She shall never obtain worship in this world, as the other divine women do."

Verse 59 (skanda.6.192.59)

करिष्यति च या नारी पूजा यस्या अपि क्वचित् । सा भविष्यति दुःखाढ्या वंध्या दौर्भाग्यसंयुता

kariṣyati ca yā nārī pūjā yasyā api kvacit sā bhaviṣyati duḥkhāḍhyā vaṁdhyā daurbhāgyasaṁyutā

"And whatever woman performs worship of her, at any time, anywhere — she shall become full of sorrow, barren, joined with misfortune,"

Verse 60 (skanda.6.192.60)

पापिष्ठा नष्टचारित्रा यथैषा पंचभर्तृका । विख्यातिं यास्यते लोके यथा चासौ तथैव सा

pāpiṣṭhā naṣṭacāritrā yathaiṣā paṁcabhartṛkā vikhyātiṁ yāsyate loke yathā cāsau tathaiva sā

"most sinful, of ruined character, just like this five-husbanded one — she shall become renowned in the world in just the same manner as this one."

Verse 61 (skanda.6.192.61)

एतस्या अन्वयः पापो भविष्यति निशाचर । सत्यशौचपरित्यक्ताः शिष्टसंगविवर्जिताः

etasyā anvayaḥ pāpo bhaviṣyati niśācara satyaśaucaparityaktāḥ śiṣṭasaṁgavivarjitāḥ

"The lineage of this one shall become sinful, O creature of the night; devoid of truth and purity, deprived of the company of the virtuous,"

Verse 62 (skanda.6.192.62)

अनिकेता भविष्यंति वंशेऽस्या गोप्रजीविनः । एवं शप्त्वा विधिं साध्वी गायत्रीं च ततः परम्

aniketā bhaviṣyaṁti vaṁśe'syā goprajīvinaḥ evaṁ śaptvā vidhiṁ sādhvī gāyatrīṁ ca tataḥ param

"they shall become homeless, living off cattle, in her line." Having thus cursed the Ordainer, and then Gayatri as well, that virtuous one —

Verse 63 (skanda.6.192.63)

ततो देवगणान्सर्वाञ्छशाप च तदा सती । भोभोः शक्र त्वयानीता यदेषा पंचभर्तृका

tato devagaṇānsarvāñchaśāpa ca tadā satī bhobhoḥ śakra tvayānītā yadeṣā paṁcabhartṛkā

then cursed all the hosts of gods as well: "Ho there, Shakra! Since you have brought here this five-husbanded woman,"

Verse 64 (skanda.6.192.64)

तदाप्नुहि फलं सम्यक्छुभं कृत्वा गुरोरिदम् । त्वं शत्रुभिर्जितो युद्धे बंधनं समवाप्स्यसि

tadāpnuhi phalaṁ samyakchubhaṁ kṛtvā guroridam tvaṁ śatrubhirjito yuddhe baṁdhanaṁ samavāpsyasi

"receive now the fitting fruit of this fine deed done for your guru — you shall be conquered by enemies in battle and shall be bound in captivity."

Verse 65 (skanda.6.192.65)

कारागारे चिरं कालं संगमिष्यत्यसंशयम् । वासुदेव त्वया यस्मादेषा वै पंचभर्तृका

kārāgāre ciraṁ kālaṁ saṁgamiṣyatyasaṁśayam vāsudeva tvayā yasmādeṣā vai paṁcabhartṛkā

"For a long time you shall be confined in prison, without doubt. O Vasudeva, since you too approved of this five-husbanded woman —"

Verse 66 (skanda.6.192.66)

अनुमोदिता विधेः पूर्वं तस्माच्छप्स्याम्यसंशयम् । त्वं चापि परभृत्यत्वं संप्राप्स्यसि सुदुर्मते

anumoditā vidheḥ pūrvaṁ tasmācchapsyāmyasaṁśayam tvaṁ cāpi parabhṛtyatvaṁ saṁprāpsyasi sudurmate

"previously, at the Ordainer's request — therefore I shall curse you too without doubt: you also shall fall into another's service, O most evil-minded one."

Verse 67 (skanda.6.192.67)

समीपस्थोऽपि रुद्र त्वं कर्मैतद्यदुपेक्षसे । निषेधयसि नो मूढ तस्माच्शृणु वचो मम

samīpastho'pi rudra tvaṁ karmaitadyadupekṣase niṣedhayasi no mūḍha tasmācśṛṇu vaco mama

"And you, Rudra, though standing right nearby — since you overlook this deed, and do not, O fool, forbid it — therefore hear my word:"

Verse 68 (skanda.6.192.68)

जीवमानस्य कांतस्य मया तद्विरहोद्भवम् । संसेवितं मृतायां ते दयितायां भविष्यति

jīvamānasya kāṁtasya mayā tadvirahodbhavam saṁsevitaṁ mṛtāyāṁ te dayitāyāṁ bhaviṣyati

"that very separation from a beloved which I now suffer while my husband still lives shall be visited upon you when your own beloved has died."

Verse 69 (skanda.6.192.69)

यत्र यज्ञे प्रविष्टेयं गर्हिता पंचभर्तृका । भवानपि हविर्वह्ने यत्त्वं गृह्णासि लौल्यतः

yatra yajñe praviṣṭeyaṁ garhitā paṁcabhartṛkā bhavānapi havirvahne yattvaṁ gṛhṇāsi laulyataḥ

"Wherever this despised five-husbanded woman has entered a sacrifice, you too, O fire, who through greed accept the oblation there,"

Verse 70 (skanda.6.192.70)

तथान्येषु च यज्ञेषु सम्यक्छंकाविवर्जितः । तस्माद्दुष्टसमाचार सर्वभक्षो भविष्यसि

tathānyeṣu ca yajñeṣu samyakchaṁkāvivarjitaḥ tasmādduṣṭasamācāra sarvabhakṣo bhaviṣyasi

"and likewise in other sacrifices, utterly without discernment — therefore, O you of corrupt conduct, you shall become an eater of everything."

Verse 71 (skanda.6.192.71)

स्वधया स्वाहया सार्धं सदा दुःखसमन्वितः । नैवाप्स्यसि परं सौख्यं सर्वकालं यथा पुरा

svadhayā svāhayā sārdhaṁ sadā duḥkhasamanvitaḥ naivāpsyasi paraṁ saukhyaṁ sarvakālaṁ yathā purā

"Together with Svadha and Svaha, ever accompanied by suffering, you shall never again attain the highest happiness, for all time, as you did before."

Verse 72 (skanda.6.192.72)

एते च ब्राह्मणाः सर्वे लोभोपहतचेतसः । होमं प्रकुर्वते ये च मखे चापि विगर्हिते वित्तलोभेन यत्रैषा निविष्टा पञ्चभर्तृका । तथा च वचनं प्रोक्तं ब्राह्मणीयं भविष्यति

ete ca brāhmaṇāḥ sarve lobhopahatacetasaḥ homaṁ prakurvate ye ca makhe cāpi vigarhite vittalobhena yatraiṣā niviṣṭā pañcabhartṛkā tathā ca vacanaṁ proktaṁ brāhmaṇīyaṁ bhaviṣyati

"And all these brahmins, their minds overcome by greed, who perform the homa even in this despicable sacrifice — where this five-husbanded woman has been installed out of greed for wealth — this word too is declared: they shall become brahmin-like in name only."

Verse 73 (skanda.6.192.73)

दरिद्रोपहतास्तस्माद्वृषलीपतयस्तथा । वेदविक्रयकर्तारो भविष्यथ न संशयः

daridropahatāstasmādvṛṣalīpatayastathā vedavikrayakartāro bhaviṣyatha na saṁśayaḥ

"Therefore, struck down by poverty, they shall become husbands of low-caste women, and, without doubt, sellers of the Veda."

Verse 74 (skanda.6.192.74)

भोभो वित्तपते वित्तं ददासि मखविप्लवे । तस्माद्यत्तेऽखिलं वित्तमभोग्यं संभविष्यति

bhobho vittapate vittaṁ dadāsi makhaviplave tasmādyatte'khilaṁ vittamabhogyaṁ saṁbhaviṣyati

"'Ho there, lord of wealth! You give wealth at this ruinous sacrifice — therefore whatever wealth is yours, all of it, shall become unusable.'"

Verse 75 (skanda.6.192.75)

तथा देवगणाः सर्वे साहाय्यं ये समाश्रिताः । अत्र कुर्वंति दोषाढ्ये यज्ञे वै पांचभर्तृके

tathā devagaṇāḥ sarve sāhāyyaṁ ye samāśritāḥ atra kurvaṁti doṣāḍhye yajñe vai pāṁcabhartṛke

"And likewise all the hosts of gods who lend their assistance here, in this fault-ridden, five-husbanded sacrifice —"

Verse 76 (skanda.6.192.76)

संतानेन परित्यक्तास्ते भविष्यंति सांप्रतम्। दानवैश्च पराभूता दुःखं प्राप्स्यति केवलम्

saṁtānena parityaktāste bhaviṣyaṁti sāṁpratam dānavaiśca parābhūtā duḥkhaṁ prāpsyati kevalam

"they shall now become abandoned by their own offspring, and, overcome by the demons, shall obtain nothing but suffering."

Verse 77 (skanda.6.192.77)

एतस्याः पार्श्वतश्चान्याश्चतस्रो या व्यवस्थिताः । आभीरीति सप त्नीति प्रोक्ता ध्यानप्रहर्षिताः

etasyāḥ pārśvataścānyāścatasro yā vyavasthitāḥ ābhīrīti sapa tnīti proktā dhyānapraharṣitāḥ

"And these four others, established at her side, called the co-wives of the Abhira woman, delighted in meditation,"

Verse 78 (skanda.6.192.78)

मम द्वेषपरा नित्यं शिवदूतीपुरस्सराः । तासां परस्परं संगः कदाचिच्च भविष्यति

mama dveṣaparā nityaṁ śivadūtīpurassarāḥ tāsāṁ parasparaṁ saṁgaḥ kadācicca bhaviṣyati

"ever devoted to hatred of me, preceded by Shiva's messenger — a meeting among themselves shall occur for them at some time,"

Verse 79 (skanda.6.192.79)

नान्येनात्र नरेणापि दृष्टिमात्रमपि क्षितौ । पर्वताग्रेषु दुर्गेषु चागम्येषु च देहिनाम् । वासः संपत्स्यते नित्यं सर्वभोगविवर्जितः

nānyenātra nareṇāpi dṛṣṭimātramapi kṣitau parvatāgreṣu durgeṣu cāgamyeṣu ca dehinām vāsaḥ saṁpatsyate nityaṁ sarvabhogavivarjitaḥ

"but they shall never be seen even by any other man on this earth; their dwelling shall forever be upon mountain-peaks, in inaccessible fortresses beyond the reach of embodied beings, deprived of every enjoyment."

Verse 80 (skanda.6.192.80)

सूत उवाच । एवमुक्त्वाऽथ सावित्रीकोपोपहतचेतसा । विसृज्य देवपत्नीस्ताः सर्वा याः पार्श्वतः स्थिताः

sūta uvāca evamuktvā'tha sāvitrīkopopahatacetasā visṛjya devapatnīstāḥ sarvā yāḥ pārśvataḥ sthitāḥ

Suta said: Having spoken thus, Savitri, her mind overcome with anger, dismissed all those wives of the gods who stood at her side,

Verse 81 (skanda.6.192.81)

उदङ्मुखी प्रतस्थे च वार्यमाणापि सर्वतः । सर्वाभिर्देवपत्नीभिर्लक्ष्मीपूर्वाभिरेवच

udaṅmukhī pratasthe ca vāryamāṇāpi sarvataḥ sarvābhirdevapatnībhirlakṣmīpūrvābhirevaca

and, facing north, set out, though restrained on every side by all the wives of the gods, Lakshmi foremost among them —

Verse 82 (skanda.6.192.82)

तत्र यास्यामि नो यत्र नामापि किल वै यतः । श्रूयते कामुकस्यास्य तत्र यास्याम्यहं द्रुतम्

tatra yāsyāmi no yatra nāmāpi kila vai yataḥ śrūyate kāmukasyāsya tatra yāsyāmyahaṁ drutam

"I shall go to that place where not even the name of this lustful one is ever heard — there I shall go, swiftly."

Verse 83 (skanda.6.192.83)

एकश्चरणयोर्न्यस्तो वामः पर्वतरोधसि । द्वितीयेन समारूढा तस्यागस्य तथोपरि

ekaścaraṇayornyasto vāmaḥ parvatarodhasi dvitīyena samārūḍhā tasyāgasya tathopari

One of her feet she placed upon the mountain's slope, and with the other she mounted, likewise, upon its very summit.

Verse 84 (skanda.6.192.84)

अद्यापि तत्पदं वामं तस्यास्तत्र प्रदृश्यते । सर्वपापहरं पुण्यं स्थितं पर्वतरोधसि

adyāpi tatpadaṁ vāmaṁ tasyāstatra pradṛśyate sarvapāpaharaṁ puṇyaṁ sthitaṁ parvatarodhasi

Even today that left footprint of hers is seen there, a sacred mark removing every sin, set upon the mountain's slope.

Verse 85 (skanda.6.192.85)

अपि पापसमाचारो यस्तं पूजयते नरः । सर्वपातकनिर्मुक्तः स याति परमं पदम्

api pāpasamācāro yastaṁ pūjayate naraḥ sarvapātakanirmuktaḥ sa yāti paramaṁ padam

Even a man of sinful conduct who worships it becomes freed from every sin and attains the supreme state.

Verse 86 (skanda.6.192.86)

यो यं काममभि ध्याय तमर्चयति मानवः । अवश्यं समवाप्नोति यद्यपि स्यात्सुदुर्लभम्

yo yaṁ kāmamabhi dhyāya tamarcayati mānavaḥ avaśyaṁ samavāpnoti yadyapi syātsudurlabham

Whatever desire a man contemplates, and, with that desire in mind, worships it — he undoubtedly obtains it, however difficult to attain it may be.

Verse 87 (skanda.6.192.87)

सूत उवाच । एवं तत्र स्थिता देवी सावित्री पर्वता श्रया । अपमानं महत्प्राप्य सकाशात्स्वपतेस्तदा

sūta uvāca evaṁ tatra sthitā devī sāvitrī parvatā śrayā apamānaṁ mahatprāpya sakāśātsvapatestadā

Suta said: Thus the goddess Savitri, established there, taking refuge upon the mountain, having received great dishonor from her own husband —

Verse 88 (skanda.6.192.88)

यस्तामर्चयते सम्यक्पौर्णमास्यां विशेषतः । सर्वान्कामानवाप्नोति स मनोवांछितां स्तदा

yastāmarcayate samyakpaurṇamāsyāṁ viśeṣataḥ sarvānkāmānavāpnoti sa manovāṁchitāṁ stadā

whoever worships her properly, especially on the full-moon day, obtains all his desires, whatever his heart may wish, then and there.

Verse 89 (skanda.6.192.89)

या नारी कुरुते भक्त्या दीपदानं तदग्रतः । रक्ततंतुभिराज्येन श्रूयतां तस्य यत्फलम्

yā nārī kurute bhaktyā dīpadānaṁ tadagrataḥ raktataṁtubhirājyena śrūyatāṁ tasya yatphalam

The woman who, with devotion, offers lamps before her, with red-dyed wicks and with ghee — hear now the fruit of that:

Verse 90 (skanda.6.192.90)

यावन्तस्तंतवस्तस्य दह्यंते दीप संभवाः । मुहूर्तानि च यावंति घृतदीपश्च तिष्ठति । तावज्जन्मसहस्राणि सा स्यात्सौभाग्यभांगिनी

yāvantastaṁtavastasya dahyaṁte dīpa saṁbhavāḥ muhūrtāni ca yāvaṁti ghṛtadīpaśca tiṣṭhati tāvajjanmasahasrāṇi sā syātsaubhāgyabhāṁginī

for as many threads as burn in that lamp, and for as many moments as that ghee-lamp continues to burn, for that many thousands of births she shall be blessed with good fortune,

Verse 91 (skanda.6.192.91)

पुत्रपौत्रसमोपेता धनिनी शील मंडना। न दुर्भगा न वन्ध्या च न च काणा विरूपिका

putrapautrasamopetā dhaninī śīla maṁḍanā na durbhagā na vandhyā ca na ca kāṇā virūpikā

accompanied by sons and grandsons, wealthy, adorned with virtue; she shall never be unfortunate, nor barren, nor one-eyed, nor deformed.

Verse 92 (skanda.6.192.92)

या नृत्यं कुरुते नारी विधवापि तदग्रतः । गीतं वा कुरुते तत्र तस्याः शृणुत यत्फलम्

yā nṛtyaṁ kurute nārī vidhavāpi tadagrataḥ gītaṁ vā kurute tatra tasyāḥ śṛṇuta yatphalam

The woman, even a widow, who performs a dance before her, or who sings there — hear now the fruit that is hers:

Verse 93 (skanda.6.192.93)

यथायथा नृत्यमाना स्वगात्रं विधुनोति च । तथातथा धुनोत्येव यत्पापं प्रकृतं पुरा

yathāyathā nṛtyamānā svagātraṁ vidhunoti ca tathātathā dhunotyeva yatpāpaṁ prakṛtaṁ purā

in whatever measure, dancing, she moves her body, in that very measure she shakes off whatever sin was committed by her before.

Verse 94 (skanda.6.192.94)

यावन्तो जन्तवो गीतं तस्याः शृण्वंति तत्र च । तावंति दिवि वर्षाणि सहस्राणि वसेच्च सा

yāvanto jantavo gītaṁ tasyāḥ śṛṇvaṁti tatra ca tāvaṁti divi varṣāṇi sahasrāṇi vasecca sā

For as many living beings as hear her song there, for that many thousands of years shall she dwell in heaven.

Verse 95 (skanda.6.192.95)

सावित्रीं या समुद्दिश्य फलदानं करोति सा । फलसंख्याप्रमाणानि युगानि दिवि मोदते

sāvitrīṁ yā samuddiśya phaladānaṁ karoti sā phalasaṁkhyāpramāṇāni yugāni divi modate

The woman who gives fruit-offerings, dedicating them to Savitri, rejoices in heaven for as many ages as the number of those fruits.

Verse 96 (skanda.6.192.96)

मिष्टान्नं यच्छते यश्च नारीणां च विशेषतः । तस्या दक्षिणमूर्तौ च भर्त्राढ्यानां द्विजोत्तमाः । स च सिक्थप्रमाणानि युगा नि दिवि मोदते

miṣṭānnaṁ yacchate yaśca nārīṇāṁ ca viśeṣataḥ tasyā dakṣiṇamūrtau ca bhartrāḍhyānāṁ dvijottamāḥ sa ca sikthapramāṇāni yugā ni divi modate

And whoever gives sweet food, especially to women whose husbands are living, before her southern-facing image — he too, O best of brahmins, rejoices in heaven for as many ages as there are grains of rice offered.

Verse 97 (skanda.6.192.97)

यः श्राद्धं कुरुते तत्र सम्यक्छ्रद्धासमन्वितः । रसेनैकेन सस्येन तथैकेन द्विजोत्तमाः । तस्यापि जायते पुण्यं गयाश्राद्धेन यद्भवेत्

yaḥ śrāddhaṁ kurute tatra samyakchraddhāsamanvitaḥ rasenaikena sasyena tathaikena dvijottamāḥ tasyāpi jāyate puṇyaṁ gayāśrāddhena yadbhavet

Whoever performs a shraddha there, endowed with proper faith, with even a single kind of food and a single kind of grain, O best of brahmins — for him too there arises the very merit that would come from a shraddha performed at Gaya.

Verse 98 (skanda.6.192.98)

यः करोति द्विजस्तस्या दक्षिणां दिशमाश्रितः । सन्ध्योपासनमेकं तु स्वपत्न्या क्षिपितैर्जलैः

yaḥ karoti dvijastasyā dakṣiṇāṁ diśamāśritaḥ sandhyopāsanamekaṁ tu svapatnyā kṣipitairjalaiḥ

The brahmin who, facing that southern direction, performs even a single evening worship, with water sprinkled by his own wife —

Verse 99 (skanda.6.192.99)

सायंतने च संप्राप्ते काले ब्राह्मणसत्तमाः। तेन स्याद्वंदिता संध्या सम्यग्द्वादशवार्षिकी

sāyaṁtane ca saṁprāpte kāle brāhmaṇasattamāḥ tena syādvaṁditā saṁdhyā samyagdvādaśavārṣikī

when the evening hour has arrived, O best of brahmins — by that alone his sandhya-worship is reckoned as properly observed for twelve full years.

Verse 100 (skanda.6.192.100)

यो जपेद्ब्राह्मणस्तस्याः सावित्रीं पुरतः स्थितः । तस्य यत्स्यात्फलं विप्राः श्रूयतां तद्वदामि वः

yo japedbrāhmaṇastasyāḥ sāvitrīṁ purataḥ sthitaḥ tasya yatsyātphalaṁ viprāḥ śrūyatāṁ tadvadāmi vaḥ

Whoever, as a brahmin, recites japa standing before her Savitri — hear, O brahmins, what fruit shall be his; I shall tell it to you.

Verse 101 (skanda.6.192.101)

दशभिर्ज्जन्मजनितं शतेन च पुरा कृतम् । त्रियुगे तु सहस्रेण तस्य नश्यति पातकम्

daśabhirjjanmajanitaṁ śatena ca purā kṛtam triyuge tu sahasreṇa tasya naśyati pātakam

The sin accumulated over ten births is destroyed by a hundred repetitions; over the three ages, by a thousand — his sin is destroyed.

Verse 102 (skanda.6.192.102)

तस्मात्सर्वप्रयत्नेन चमत्कारपुरं प्रति । गत्वा तां पूजयेद्देवीं स्तोतव्या च विशेषतः

tasmātsarvaprayatnena camatkārapuraṁ prati gatvā tāṁ pūjayeddevīṁ stotavyā ca viśeṣataḥ

Therefore, with the utmost effort, one should go to Chamatkarapura and worship that goddess there, and offer her especial praise.

Verse 103 (skanda.6.192.103)

सावित्र्या इदमाख्यानं यः पठेच्छृणुयाच्च वा । सर्वपापविनिर्मुक्तः सुखभागत्र जायते

sāvitryā idamākhyānaṁ yaḥ paṭhecchṛṇuyācca vā sarvapāpavinirmuktaḥ sukhabhāgatra jāyate

Whoever recites or listens to this account of Savitri becomes freed from every sin and is born to a share of happiness in this world.

Verse 104 (skanda.6.192.104)

एतद्वः सर्वमाख्यातं यत्पृष्टोऽहं द्विजोत्तमाः । सावित्र्याः कृत्स्नं माहात्म्यं किं भूयः प्रवदाम्यहम्

etadvaḥ sarvamākhyātaṁ yatpṛṣṭo'haṁ dvijottamāḥ sāvitryāḥ kṛtsnaṁ māhātmyaṁ kiṁ bhūyaḥ pravadāmyaham

All this I have related to you, as you have asked me, O best of brahmins; what more of Savitri's entire greatness shall I now declare?