The Desire-Specific Shraddhas

Verse 1 (skanda.6.219.1)

भर्तृयज्ञ उवाच काम्यानि तेऽधुना वच्मि श्राद्धानि पृथिवीपते यैः कृतैः समवाप्नोति मर्त्यो हृदयसंस्थितम्

bhartṛyajña uvāca kāmyāni te'dhunā vacmi śrāddhāni pṛthivīpate yaiḥ kṛtaiḥ samavāpnoti martyo hṛdayasaṁsthitam

Bhartriyajna said: O lord of the earth, I shall now tell you the desire-specific (kamya) shraddhas, by performing which a mortal obtains whatever is lodged in his heart.

Verse 2 (skanda.6.219.2)

यो नारीं वांछते क्ष्माप रूपाढ्यां शीलमण्डनाम् इह लोके परे चैव तस्यार्हं प्रथमं दिनम्

yo nārīṁ vāṁchate kṣmāpa rūpāḍhyāṁ śīlamaṇḍanām iha loke pare caiva tasyārhaṁ prathamaṁ dinam

O king, one who desires a woman endowed with beauty and adorned with virtue, both in this world and the next — for him the first day of the fortnight is fitting.

Verse 3 (skanda.6.219.3)

श्राद्धीयप्रेतपक्षस्य मुख्यभूतं च यन्नृप य इच्छेत्कन्यकां श्रेष्ठां सुशीलां रूपसंयुताम् द्वितीयादिवसे तेन श्राद्धं कार्यं महीपते

śrāddhīyapretapakṣasya mukhyabhūtaṁ ca yannṛpa ya icchetkanyakāṁ śreṣṭhāṁ suśīlāṁ rūpasaṁyutām dvitīyādivase tena śrāddhaṁ kāryaṁ mahīpate

That which is chief within the shraddha-fortnight — one who desires an excellent, virtuous, and beautiful daughter should perform the shraddha on the second day, O lord of the earth.

Verse 4 (skanda.6.219.4)

यो वांछति नरोऽश्वांश्च वायुवेगसमाञ्जवे तृतीयादिवसे श्राद्धं तेन कार्यं विपश्चिता

yo vāṁchati naro'śvāṁśca vāyuvegasamāñjave tṛtīyādivase śrāddhaṁ tena kāryaṁ vipaścitā

The man who desires horses swift as the speed of the wind — the wise should perform the shraddha for him on the third day.

Verse 5 (skanda.6.219.5)

यो वांछति पशून्मुख्यान्कुप्याकुप्यधनानि च चतुर्थ्यां तेन कर्तव्यं श्राद्धं पितृप्रतुष्टये

yo vāṁchati paśūnmukhyānkupyākupyadhanāni ca caturthyāṁ tena kartavyaṁ śrāddhaṁ pitṛpratuṣṭaye

One who desires excellent cattle and wealth in timber and metal goods — for him the shraddha should be performed on the fourth day, for the gratification of the ancestors.

Verse 6 (skanda.6.219.6)

पुत्रान्वांछति योऽभीष्टान्सुशीलान्वंशमंडनान् पञ्चम्यां तेन कर्तव्यं सदा श्राद्धं नराधिप

putrānvāṁchati yo'bhīṣṭānsuśīlānvaṁśamaṁḍanān pañcamyāṁ tena kartavyaṁ sadā śrāddhaṁ narādhipa

One who desires the longed-for sons who are virtuous and adorn the lineage should, O lord of men, always perform the shraddha on the fifth day.

Verse 7 (skanda.6.219.7)

यः श्राद्धं वंशजैर्दत्तं परलोकगतो नृप वांछते तेन कर्तव्यं षष्ठ्यां श्राद्धं विपश्चिता

yaḥ śrāddhaṁ vaṁśajairdattaṁ paralokagato nṛpa vāṁchate tena kartavyaṁ ṣaṣṭhyāṁ śrāddhaṁ vipaścitā

O king, for an ancestor who, having gone to the other world, desires the shraddha given by his descendants — for him the wise should perform the shraddha on the sixth day.

Verse 8 (skanda.6.219.8)

कृषिसिद्धिं य इच्छेत ग्रैष्मिकीं शारदीमपि सप्तम्यां युज्यते तस्य श्राद्धं कर्तुं न संशयः

kṛṣisiddhiṁ ya iccheta graiṣmikīṁ śāradīmapi saptamyāṁ yujyate tasya śrāddhaṁ kartuṁ na saṁśayaḥ

One who desires success in the summer and autumn harvests — for him it is proper to perform the shraddha on the seventh day; there is no doubt of it.

Verse 9 (skanda.6.219.9)

य इच्छेत्पण्यसंसिद्धिं व्यवहारसमुद्भवाम् अष्टम्यां युज्यते श्राद्धं तस्य कर्तुं नराधिप

ya icchetpaṇyasaṁsiddhiṁ vyavahārasamudbhavām aṣṭamyāṁ yujyate śrāddhaṁ tasya kartuṁ narādhipa

One who desires success in commerce arising from trade — for him, O lord of men, it is proper to perform the shraddha on the eighth day.

Verse 10 (skanda.6.219.10)

नवम्यां श्राद्धकृन्नाना चतुष्पदगणाल्लँभेत् सौभाग्यं रोगनाशं च तथा वल्लभसंगमम्

navamyāṁ śrāddhakṛnnānā catuṣpadagaṇālla~bhet saubhāgyaṁ roganāśaṁ ca tathā vallabhasaṁgamam

On the ninth day, the performer of the shraddha obtains various herds of four-footed animals, good fortune, freedom from disease, and union with the beloved.

Verse 11 (skanda.6.219.11)

दशमीदिवसे श्राद्धं यः करोति समाहितः तस्य स्याद्वांछिता सिद्धिः सर्वकृत्येषु सर्वदा

daśamīdivase śrāddhaṁ yaḥ karoti samāhitaḥ tasya syādvāṁchitā siddhiḥ sarvakṛtyeṣu sarvadā

He who, with concentrated mind, performs the shraddha on the tenth day obtains the success he desires in all his undertakings, always.

Verse 12 (skanda.6.219.12)

एकादश्यां धनं धान्यं श्राद्धकर्ता लभेन्नरः तथा भूपप्रसादं च यच्चान्यन्मनसि स्थितम्

ekādaśyāṁ dhanaṁ dhānyaṁ śrāddhakartā labhennaraḥ tathā bhūpaprasādaṁ ca yaccānyanmanasi sthitam

On the eleventh day, a man who performs the shraddha obtains wealth and grain, as well as the favor of the king, and whatever else is lodged in his mind.

Verse 13 (skanda.6.219.13)

यः करोति च द्वादश्यां श्राद्धं श्रद्धासमन्वितः पुत्रांस्तु प्रवरांश्चैव स पशून्वांछिताल्लँभेत्

yaḥ karoti ca dvādaśyāṁ śrāddhaṁ śraddhāsamanvitaḥ putrāṁstu pravarāṁścaiva sa paśūnvāṁchitālla~bhet

He who, endowed with faith, performs the shraddha on the twelfth day, obtains excellent sons as well as the animals he desires.

Verse 14 (skanda.6.219.14)

यो वांछति नरो मुक्तिं पितृभिः सह चात्मनः असंतानश्च यस्तस्य श्राद्धे प्रोक्ता त्रयोदशी

yo vāṁchati naro muktiṁ pitṛbhiḥ saha cātmanaḥ asaṁtānaśca yastasya śrāddhe proktā trayodaśī

For the man who desires liberation for himself together with the ancestors, and for one who has no offspring — for his shraddha, the thirteenth day is prescribed.

Verse 15 (skanda.6.219.15)

संतानकामो यः कुर्यात्तस्य वंशक्षयो भवेत् न संतानविवृद्धयै च तस्य प्रोक्ता त्रयोदशी

saṁtānakāmo yaḥ kuryāttasya vaṁśakṣayo bhavet na saṁtānavivṛddhayai ca tasya proktā trayodaśī

Should one who desires offspring perform it on this day, his lineage would perish; the thirteenth day is not prescribed for the increase of progeny.

Verse 16 (skanda.6.219.16)

श्राद्धकर्मणि राजेंद्र श्रुतिरेषा पुरातनी अपि नः स कुले भूयाद्यो नो दद्यात्त्रयोदशीम्

śrāddhakarmaṇi rājeṁdra śrutireṣā purātanī api naḥ sa kule bhūyādyo no dadyāttrayodaśīm

O lord of kings, this is an ancient teaching regarding the rite of shraddha: 'May he too remain of our lineage who does not offer the thirteenth-day shraddha.'

Verse 17 (skanda.6.219.17)

पायसं मधुसर्पिर्भ्यां वर्षासु च मघासु च मघात्रयोदशीयोगे पायसेन यजेत्पितॄन्

pāyasaṁ madhusarpirbhyāṁ varṣāsu ca maghāsu ca maghātrayodaśīyoge pāyasena yajetpitṝn

In the rainy season and under the Magha nakshatra, kheer together with honey and ghee should be offered; when Magha coincides with the thirteenth day, the ancestors should be worshipped with kheer.

Verse 18 (skanda.6.219.18)

पितरस्तस्य नेच्छंति तद्वर्षं श्राद्धसत्क्रियाम् पुण्यातिशयभीतेन पिंडदानं निराकृतम्

pitarastasya necchaṁti tadvarṣaṁ śrāddhasatkriyām puṇyātiśayabhītena piṁḍadānaṁ nirākṛtam

His ancestors, that year, do not wish for that excellent performance of the shraddha; frightened by its excess of merit, the offering of the pinda has, by them, been declined.

Verse 19 (skanda.6.219.19)

शक्रेण तद्दिने पुत्रमरणं दर्शितं भयम् येषां च शस्त्रमृत्युः स्यादपमृत्युरथापि वा

śakreṇa taddine putramaraṇaṁ darśitaṁ bhayam yeṣāṁ ca śastramṛtyuḥ syādapamṛtyurathāpi vā

On that day Indra showed the fear of a son's death. Now hear of those who have died by weapons, or by an untimely death,

Verse 20 (skanda.6.219.20)

उपसर्गमृतानां च विषमृत्युमुपेयुषाम् वह्निना तु प्रदग्धानां जलमृत्युमुपेयुषाम्

upasargamṛtānāṁ ca viṣamṛtyumupeyuṣām vahninā tu pradagdhānāṁ jalamṛtyumupeyuṣām

those who died from affliction, those who met death by poison, those consumed by fire, or those who met death by drowning,

Verse 21 (skanda.6.219.21)

सर्पव्यालहतानां च शृंगैरुद्बन्धनैरपि एकोद्दिष्टं प्रकर्तव्यं चतुर्दश्यां नराधिप

sarpavyālahatānāṁ ca śṛṁgairudbandhanairapi ekoddiṣṭaṁ prakartavyaṁ caturdaśyāṁ narādhipa

and those killed by serpents or wild beasts, or by horns, or by hanging — for all these, O lord of men, the ekoddishta shraddha should be performed on the fourteenth day.

Verse 22 (skanda.6.219.22)

तेषां तस्मिन्कृते तृप्तिस्ततस्तत्पक्षजा भवेत्

teṣāṁ tasminkṛte tṛptistatastatpakṣajā bhavet

When that shraddha is performed for them, the satisfaction arising from that fortnight comes to them.

Verse 23 (skanda.6.219.23)

सर्वे कामाः पुरः प्रोक्ता युष्माकं ये मया नृप अमावास्यादिने श्राद्धात्तानाप्नोति न संशयः

sarve kāmāḥ puraḥ proktā yuṣmākaṁ ye mayā nṛpa amāvāsyādine śrāddhāttānāpnoti na saṁśayaḥ

O king, all these desires which I have earlier declared to you are also obtained through the shraddha performed on the day of the new moon; there is no doubt of it.

Verse 24 (skanda.6.219.24)

एतत्ते सर्वमाख्यातं काम्यश्राद्धफलं नृप यच्छ्रुत्वा वांछितान्कामान्सर्वानाप्नोति मानवः

etatte sarvamākhyātaṁ kāmyaśrāddhaphalaṁ nṛpa yacchrutvā vāṁchitānkāmānsarvānāpnoti mānavaḥ

O king, all this has been declared to you — the fruit of the desire-specific shraddhas — hearing which a man obtains all the desires he has wished for.