The Teaching on the Sacchudra, the Righteous Shudra

Verse 1 (skanda.6.241.1)

ईश्वर उवाच । एतत्ते पूजनं विष्णोः षोडशोपायसंभवम् । कथितं यद्द्विजः कृत्वा प्राप्नोति परमं पदम्

īśvara uvāca etatte pūjanaṁ viṣṇoḥ ṣoḍaśopāyasaṁbhavam kathitaṁ yaddvijaḥ kṛtvā prāpnoti paramaṁ padam

Ishvara said: "This worship of Vishnu, arising from the sixteen methods, has been told to you; performing which, a twice-born attains the supreme state."

Verse 2 (skanda.6.241.2)

तथा च क्षत्रियविशां करणान्मुक्तिरुत्तमा । शूद्राणां नाधिकारोऽस्मिन्स्त्रीणां नैव कदाचन

tathā ca kṣatriyaviśāṁ karaṇānmuktiruttamā śūdrāṇāṁ nādhikāro'sminstrīṇāṁ naiva kadācana

"And likewise, by performing it, the highest liberation comes to kshatriyas and vaishyas as well. But shudras have no authority in this rite, nor do women, ever."

Verse 3 (skanda.6.241.3)

कार्तिकेय उवाच । शूद्राणां च तथा स्त्रीणां धर्मं विस्तरतो वद । केन मुक्तिर्भवेत्तेषां कृष्णस्याराधनं विना

kārtikeya uvāca śūdrāṇāṁ ca tathā strīṇāṁ dharmaṁ vistarato vada kena muktirbhavetteṣāṁ kṛṣṇasyārādhanaṁ vinā

Kartikeya said: "Then tell me in detail the dharma of shudras and of women. By what means can liberation come to them, apart from the worship of Krishna?"

Verse 4 (skanda.6.241.4)

ईश्वर उवाच । सच्छूद्रैरपि नो कार्या वेदाक्षरविचारणा । न श्रोतव्या न पठ्या च पठन्नरकभाग्भवेत्

īśvara uvāca sacchūdrairapi no kāryā vedākṣaravicāraṇā na śrotavyā na paṭhyā ca paṭhannarakabhāgbhavet

Ishvara said: "Even by righteous shudras, no inquiry into the syllables of the Veda is to be undertaken; it is not to be heard, nor recited — one who recites it becomes subject to hell."

Verse 5 (skanda.6.241.5)

पुराणानां नैव पाठः श्रवणं कारयेत्सदा । स्मृत्युक्तं सुगुरोर्ग्राह्यं न पाठः श्रवणादिकम्

purāṇānāṁ naiva pāṭhaḥ śravaṇaṁ kārayetsadā smṛtyuktaṁ sugurorgrāhyaṁ na pāṭhaḥ śravaṇādikam

"They should not themselves recite the Puranas, but should always have them read aloud by another for their hearing. What is taught in the Smritis should be received from a good teacher; reciting or reading it themselves is not permitted."

Verse 6 (skanda.6.241.6)

स्कंद उवाच । सच्छूद्राः के समाख्यातास्तांश्च विस्तरतो वद । के संतः के च शूद्राश्च सच्छूद्रा नामतश्च के

skaṁda uvāca sacchūdrāḥ ke samākhyātāstāṁśca vistarato vada ke saṁtaḥ ke ca śūdrāśca sacchūdrā nāmataśca ke

Skanda said: "Who are called the sacchudras, the righteous shudras? Describe them in detail. Who are the virtuous, who are the shudras, and who, by name, are the sacchudras?"

Verse 7 (skanda.6.241.7)

ईश्वर उवाच । धर्मोढा यस्य पत्नी स्यात्स सच्छूद्र उदाहृतः । समानकुलरूपा च दशदोषविवर्जिता

īśvara uvāca dharmoḍhā yasya patnī syātsa sacchūdra udāhṛtaḥ samānakularūpā ca daśadoṣavivarjitā

Ishvara said: "He whose wife has been wedded according to dharma is declared a sacchudra — she of equal family and beauty, free from the ten defects,"

Verse 8 (skanda.6.241.8)

उद्वोढा वेदविधिना स सच्छूद्रः प्रकीर्तितः । अक्लीवाऽव्यंगिनी शस्ता महारोगाद्यदूषिता

udvoḍhā vedavidhinā sa sacchūdraḥ prakīrtitaḥ aklīvā'vyaṁginī śastā mahārogādyadūṣitā

"He who has taken her in marriage according to Vedic rule is proclaimed a sacchudra — she being unimpaired, without deformity, excellent, and untainted by any grave disease,"

Verse 9 (skanda.6.241.9)

अनिंदिता शुभकला चक्षुरोगविवर्जिता । बाधिर्यहीना चपला कन्या मधुरभाषिणी

aniṁditā śubhakalā cakṣurogavivarjitā bādhiryahīnā capalā kanyā madhurabhāṣiṇī

"— beyond reproach, of auspicious grace, free from eye disease, free from deafness, not fickle, a maiden sweet of speech,"

Verse 10 (skanda.6.241.10)

दूषणैर्दशभिर्हीना वेदोक्तविधिना नरैः । विवाहिता च सा पत्नी गृहिणी यस्य सर्वदा

dūṣaṇairdaśabhirhīnā vedoktavidhinā naraiḥ vivāhitā ca sā patnī gṛhiṇī yasya sarvadā

"— free from the ten defects — she who is married by men according to the Vedic rite: such a wife, who is always the mistress of the household —"

Verse 11 (skanda.6.241.11)

सच्छूद्रः स तु विज्ञेयो देवादीनां विभागकृत् । पुण्यकार्येषु सर्वेषु प्रथमं सा प्रकीर्तिता

sacchūdraḥ sa tu vijñeyo devādīnāṁ vibhāgakṛt puṇyakāryeṣu sarveṣu prathamaṁ sā prakīrtitā

"— he who has such a wife is to be known as a sacchudra, one who allots their due share to the gods and others; and in all meritorious undertakings, she is declared to take the foremost place."

Verse 12 (skanda.6.241.12)

तया सुविहितो धर्मः संपूर्णफलदायकः । चातुर्मास्ये विशेषेण तया सह गुणाधिकः

tayā suvihito dharmaḥ saṁpūrṇaphaladāyakaḥ cāturmāsye viśeṣeṇa tayā saha guṇādhikaḥ

Dharma, well performed together with her, bestows its fruit in full; especially during Chaturmasya, performed together with her it becomes richer in merit.

Verse 13 (skanda.6.241.13)

भार्यारतिः शुचिर्भृत्यादीनां पोषणतत्परः । श्राद्धादिकारको नित्यमिष्टापूर्त्तप्रसाधकः

bhāryāratiḥ śucirbhṛtyādīnāṁ poṣaṇatatparaḥ śrāddhādikārako nityamiṣṭāpūrttaprasādhakaḥ

He who delights in his wife, who is pure, devoted to the maintenance of his servants and dependents, who constantly performs the shraddha rites, and who accomplishes acts of piety such as digging wells and the like —

Verse 14 (skanda.6.241.14)

नमस्कारान्तमन्त्रेण नामसंकीर्तनेन च । देवास्तस्य च तुष्यन्ति पंचयज्ञादिकैः शुभैः

namaskārāntamantreṇa nāmasaṁkīrtanena ca devāstasya ca tuṣyanti paṁcayajñādikaiḥ śubhaiḥ

— the gods are pleased with him through the mantra ending in obeisance, through the chanting of the divine names, and through the auspicious five great sacrifices and the like.

Verse 15 (skanda.6.241.15)

स्नानं च तर्पणं चैव वह्निहोमोऽप्यमंत्रकः । ब्रह्मयज्ञोऽतिथेः पूजा पंचयज्ञान्न संत्यजेत्

snānaṁ ca tarpaṇaṁ caiva vahnihomo'pyamaṁtrakaḥ brahmayajño'titheḥ pūjā paṁcayajñānna saṁtyajet

Bathing, the offering of libations, the fire-oblation performed even without mantras, the study-sacrifice, and the honoring of guests — one should never abandon these five sacrifices.

Verse 16 (skanda.6.241.16)

कार्यं स्त्रीभिश्च शूद्रैश्च ह्यमंत्रं पंचयज्ञकम् । पंचयज्ञैश्च संतुष्टा यथैषां पितृदेवताः

kāryaṁ strībhiśca śūdraiśca hyamaṁtraṁ paṁcayajñakam paṁcayajñaiśca saṁtuṣṭā yathaiṣāṁ pitṛdevatāḥ

By women and by shudras, this fivefold sacrifice should be performed without mantras. By these five sacrifices, their ancestors and gods are satisfied,

Verse 17 (skanda.6.241.17)

तथा पतिव्रतायाश्च पतिशुश्रूषया सदा । पतिव्रताया देहे तु सर्वे देवा वसंति हि

tathā pativratāyāśca patiśuśrūṣayā sadā pativratāyā dehe tu sarve devā vasaṁti hi

and likewise, through a devoted wife's constant service to her husband — for indeed, all the gods dwell within the body of a woman devoted to her husband.

Verse 18 (skanda.6.241.18)

अतस्ताभ्यां समेताभ्यां धर्मादीनां समागमः । यदोभयोर्मते पृष्टे संतुष्टाः पितृदेवताः

atastābhyāṁ sametābhyāṁ dharmādīnāṁ samāgamaḥ yadobhayormate pṛṣṭe saṁtuṣṭāḥ pitṛdevatāḥ

Therefore, when the two of them are united, there comes the fulfillment of dharma and the rest; when the will of both is sought together, the ancestors and gods become satisfied.

Verse 19 (skanda.6.241.19)

कार्यादीनां च सर्वेषां संगमस्तत्र नित्यदा । चातुर्मास्ये समायाते विष्णुभक्त्या तयोः शिवम्

kāryādīnāṁ ca sarveṣāṁ saṁgamastatra nityadā cāturmāsye samāyāte viṣṇubhaktyā tayoḥ śivam

There, always, is found the union of all their undertakings; when Chaturmasya arrives, through devotion to Vishnu, well-being comes to them both.

Verse 20 (skanda.6.241.20)

समानजातिसंभूता पत्नी यस्य धृता भवेत् । पूर्वो भर्त्ताऽर्द्धभागी स्याद्द्वितीयस्य न किंचन

samānajātisaṁbhūtā patnī yasya dhṛtā bhavet pūrvo bharttā'rddhabhāgī syāddvitīyasya na kiṁcana

If a man has taken a wife born of an equal caste and she is later wedded to another, the first husband shares half of the merit she earns, whereas the second husband has no such share at all.

Verse 21 (skanda.6.241.21)

अर्थकार्याधिकारोऽस्यास्तेन धर्मार्धधारिणी । स्वंस्वं कृतं सदैव स्यात्तयोः कर्म शुभाशुभम्

arthakāryādhikāro'syāstena dharmārdhadhāriṇī svaṁsvaṁ kṛtaṁ sadaiva syāttayoḥ karma śubhāśubham

She has authority over matters of wealth and undertakings, and thereby she bears half of the dharma. Whatever good or bad deed either of them performs remains always their own.

Verse 22 (skanda.6.241.22)

याऽनुगच्छति भर्तारं मृतं सुतपसा द्विज । साध्वी सा हि परिज्ञेया तया चोद्ध्रियते कुलम्

yā'nugacchati bhartāraṁ mṛtaṁ sutapasā dvija sādhvī sā hi parijñeyā tayā coddhriyate kulam

O brahmin, the woman who follows her deceased husband, through great austerity, is indeed to be recognized as a chaste and virtuous wife; by her, the entire family lineage is uplifted.

Verse 23 (skanda.6.241.23)

अन्यजातेर्मृतस्याथ धृता वापि विवाहिता । वैश्वानरस्य मार्गेण सा तमुद्धरते पतिम्

anyajātermṛtasyātha dhṛtā vāpi vivāhitā vaiśvānarasya mārgeṇa sā tamuddharate patim

And even a woman who was taken or wedded by a now-deceased husband of a different lineage delivers that husband by the path of the sacred fire.

Verse 24 (skanda.6.241.24)

यथा जलाच्च जंबालः कृष्यते धार्मिकैर्नृभिः । एवमुद्धरते साध्वी भर्त्तारं याऽनुगच्छति

yathā jalācca jaṁbālaḥ kṛṣyate dhārmikairnṛbhiḥ evamuddharate sādhvī bharttāraṁ yā'nugacchati

Just as mud is drawn out from water by righteous men, so does the chaste wife who follows her husband deliver him.

Verse 25 (skanda.6.241.25)

अन्यजातिसमुद्भूता अन्येन विधृता यदि । तावुभौ धर्मकार्येषु संत्याज्यौ नित्यदा मतौ

anyajātisamudbhūtā anyena vidhṛtā yadi tāvubhau dharmakāryeṣu saṁtyājyau nityadā matau

If a woman born of one lineage has been taken in marriage by a man of another, the two of them are always held to be excluded from joint acts of dharma.

Verse 26 (skanda.6.241.26)

स्वंस्वं कर्म प्रकुरुतः सत्कर्मजं स्वकं फलम् । तस्माद्वरिष्ठा हीना वा सत्कुल्या शूद्रसंभवैः

svaṁsvaṁ karma prakurutaḥ satkarmajaṁ svakaṁ phalam tasmādvariṣṭhā hīnā vā satkulyā śūdrasaṁbhavaiḥ

Each of them performs their own deeds, and the fruit born of good deeds remains their own. Therefore, whether of higher or more modest standing, those of shudra birth should take a wife of good family —

Verse 27 (skanda.6.241.27)

धृता न कार्या सा पत्नी यत्करोति न वर्द्धते । तया सह कृतं पुण्यं वर्द्धते दशधोत्तरम्

dhṛtā na kāryā sā patnī yatkaroti na varddhate tayā saha kṛtaṁ puṇyaṁ varddhate daśadhottaram

— a wife should not be taken with whom performed dharma does not increase; merit performed together with a suitable wife increases tenfold and more.

Verse 28 (skanda.6.241.28)

अनन्ततृप्तिदं नैव तत्सुतैरपि वा तथा । क्रयक्रीता च या कन्या दासी सा परिकीर्तिता

anantatṛptidaṁ naiva tatsutairapi vā tathā krayakrītā ca yā kanyā dāsī sā parikīrtitā

Such a union does not give lasting satisfaction, nor even through the sons born of it. And a maiden who has been purchased for a price is declared to be a slave-wife,

Verse 29 (skanda.6.241.29)

सच्छूद्रस्याधिकारे सा कदाचिन्नैव जायते । या कन्या स्वयमुद्यम्य पित्रा दत्ता वराय च

sacchūdrasyādhikāre sā kadācinnaiva jāyate yā kanyā svayamudyamya pitrā dattā varāya ca

— she never has any place in the rites of a sacchudra. But the maiden who, given through her own father's effort, is bestowed upon a suitable bridegroom,

Verse 30 (skanda.6.241.30)

विवाहविधिनोदूढा पितृदेवार्थसाधिनी । सुलक्षणा विनीता सा विवेकादिगुणा शुभा

vivāhavidhinodūḍhā pitṛdevārthasādhinī sulakṣaṇā vinītā sā vivekādiguṇā śubhā

— wedded according to the marriage rite, accomplishing the purposes of ancestors and gods, of good marks, well-disciplined, endowed with discernment and other virtues, auspicious —

Verse 31 (skanda.6.241.31)

सच्चरित्रा पतिपरा सा तेभ्यो दातुमर्हति । विशुद्धकुलजा कन्या धर्मोढा धर्मचारिणी

saccaritrā patiparā sā tebhyo dātumarhati viśuddhakulajā kanyā dharmoḍhā dharmacāriṇī

— of good conduct, devoted to her husband — she alone is fit to make offerings on their behalf. A maiden born of a pure lineage, wedded according to dharma and walking in dharma —

Verse 32 (skanda.6.241.32)

सा पुनाति कुलं सर्वं मातृतः पितृतस्तथा । एष एव मया प्रोक्तः सच्छूद्राणां परो विधिः

sā punāti kulaṁ sarvaṁ mātṛtaḥ pitṛtastathā eṣa eva mayā proktaḥ sacchūdrāṇāṁ paro vidhiḥ

— purifies the entire lineage, both on the mother's side and the father's. This alone is the supreme rule declared by me for the sacchudras.

Verse 33 (skanda.6.241.33)

अधोजातिसमुद्भूता सच्छूद्रात्क्रमहीनजा । विवाहो दशधा तेषां दशधा पुत्रता भवेत्

adhojātisamudbhūtā sacchūdrātkramahīnajā vivāho daśadhā teṣāṁ daśadhā putratā bhavet

For one born of a lower lineage, of a rank lesser than the sacchudra's, marriage is of ten kinds, and likewise sonship is of ten kinds.

Verse 34 (skanda.6.241.34)

चत्वार उत्तमाः प्रोक्ता विवाहा मुनिसत्तम । शेषाः सर्वप्रकृतिषु कथिताश्च पुराविदैः

catvāra uttamāḥ proktā vivāhā munisattama śeṣāḥ sarvaprakṛtiṣu kathitāśca purāvidaiḥ

O best of sages, four of these marriages are declared the highest; the remaining ones are said by the knowers of the ancient lore to apply among all the other prakritis.

Verse 35 (skanda.6.241.35)

प्राजापत्यस्तथा ब्राह्मो दैवार्षौ चातिशोभना । गांधर्वश्चासुरश्चैव राक्षसश्च पिशाचकः

prājāpatyastathā brāhmo daivārṣau cātiśobhanā gāṁdharvaścāsuraścaiva rākṣasaśca piśācakaḥ

The Prajapatya, and the Brahma, and the two most excellent forms, the Daiva and the Arsha, are the four highest; then the Gandharva, the Asura, the Rakshasa, and the Paishacha,

Verse 36 (skanda.6.241.36)

प्रातिभो घातनश्चेति विवाहाः कथिता दश । एते हि हीनजातीनां विवाहाः परिकीर्तिताः

prātibho ghātanaśceti vivāhāḥ kathitā daśa ete hi hīnajātīnāṁ vivāhāḥ parikīrtitāḥ

— together with the Pratibha and the Ghatana: thus ten forms of marriage are told. These indeed are declared to be the marriages of the lower lineages.

Verse 37 (skanda.6.241.37)

औरसः क्षेत्रजश्चैव दत्तः कृत्रिम एव च । गूढोत्पन्नोऽपविद्धश्च कानीनश्च सहोढजः

aurasaḥ kṣetrajaścaiva dattaḥ kṛtrima eva ca gūḍhotpanno'paviddhaśca kānīnaśca sahoḍhajaḥ

The Aurasa, born of one's own body, and the Kshetraja, and the Datta, adopted, and also the Kritrima, made; the Gudhotpanna, secretly born, the Apaviddha, cast-off, the Kanina, and the Sahodhaja —

Verse 38 (skanda.6.241.38)

क्रीतः पौनर्भवश्चापि पुत्रा दशविधाः स्मृताः । औरसादपि हीनाश्च तेऽपि तेषां शुभावहाः

krītaḥ paunarbhavaścāpi putrā daśavidhāḥ smṛtāḥ aurasādapi hīnāśca te'pi teṣāṁ śubhāvahāḥ

— the Krita, bought, and also the Paunarbhava: sons are thus remembered to be of ten kinds. Even those inferior to the Aurasa son bring good fortune to their fathers.

Verse 39 (skanda.6.241.39)

अष्टादशमिता नीचाः प्रकृतानां यथातथा । विधिनैव क्रिया नैव स्मृतिमार्गोऽपि नैव च

aṣṭādaśamitā nīcāḥ prakṛtānāṁ yathātathā vidhinaiva kriyā naiva smṛtimārgo'pi naiva ca

The lowly working classes are reckoned as eighteen; for them there is indeed no rite prescribed by scriptural injunction, nor any formal path laid down in the Smritis.

Verse 40 (skanda.6.241.40)

तासां ब्राह्मणशुश्रूषा विष्णुध्यानं शिवार्चनम् । अमन्त्रात्पुण्यकरणं दानं देयं च वै सदा

tāsāṁ brāhmaṇaśuśrūṣā viṣṇudhyānaṁ śivārcanam amantrātpuṇyakaraṇaṁ dānaṁ deyaṁ ca vai sadā

For them, service to brahmins, meditation on Vishnu, and the worship of Shiva, the performance of pious acts without mantras, and the giving of gifts — these are always to be practiced.

Verse 41 (skanda.6.241.41)

न दानस्य क्षयो लोके श्रद्धया यत्प्रदीयते । अश्रद्धयाऽशुचितया दानं वैरस्यकारणम्

na dānasya kṣayo loke śraddhayā yatpradīyate aśraddhayā'śucitayā dānaṁ vairasyakāraṇam

In this world, a gift given with faith never diminishes; but a gift given without faith, in impurity, becomes a cause of enmity rather than merit.

Verse 42 (skanda.6.241.42)

अहिंसादि समादिष्टो धर्मस्तासां महाफलः । चातुर्मास्ये विशेषेण त्रिदिवेशादिसेवया

ahiṁsādi samādiṣṭo dharmastāsāṁ mahāphalaḥ cāturmāsye viśeṣeṇa tridiveśādisevayā

For them, the dharma taught, beginning with non-violence, bears great fruit; especially during Chaturmasya, through the service of the lords of heaven and the rest,

Verse 43 (skanda.6.241.43)

सुदर्शनैस्तथा धर्मः सेव्यते ह्यविरोधिभिः । सच्छूद्रैर्दानपुण्यैश्च द्विजशुश्रूषणादिभिः

sudarśanaistathā dharmaḥ sevyate hyavirodhibhiḥ sacchūdrairdānapuṇyaiśca dvijaśuśrūṣaṇādibhiḥ

— dharma is thus rightly observed by those of good vision, who act without contradicting their station, through gifts and merit-making, and through service to brahmins and the like, performed by sacchudras.

Verse 44 (skanda.6.241.44)

वृत्तिश्च सत्यानृतजा वाणिज्यव्यवहारजा । अशीतिभागमारभ्याद्व्याजाद्वार्धुषिकः शते

vṛttiśca satyānṛtajā vāṇijyavyavahārajā aśītibhāgamārabhyādvyājādvārdhuṣikaḥ śate

Their livelihood arises from trade, whether honest or with some falsehood, and from commercial dealings; a moneylender may take interest at up to eighty parts per hundred through such practice.

Verse 45 (skanda.6.241.45)

सपादभागवृद्धिस्तु क्षत्त्रियादिषु गृह्यते । एवं न बन्धो भवति पातकस्य कदाचन

sapādabhāgavṛddhistu kṣattriyādiṣu gṛhyate evaṁ na bandho bhavati pātakasya kadācana

But a rate of increase of only one and a quarter parts is taken from kshatriyas and the like. Observed thus, one never incurs the bondage of sin.

Verse 46 (skanda.6.241.46)

प्रातःकर्म सुरेशानां मध्याह्ने द्विजसेवनम् । अपराह्णेऽथ कार्याणि कुर्वन्मर्त्यः सुखी भवेत्

prātaḥkarma sureśānāṁ madhyāhne dvijasevanam aparāhṇe'tha kāryāṇi kurvanmartyaḥ sukhī bhavet

Performing the worship of the gods in the morning, the service of brahmins at midday, and worldly business in the afternoon, a mortal becomes happy.

Verse 47 (skanda.6.241.47)

गृहस्थैश्च सदा भाव्यं यावज्जीवं क्रियापरैः । पंचयज्ञरतैश्चैवातिथिद्विजसुपूजकैः

gṛhasthaiśca sadā bhāvyaṁ yāvajjīvaṁ kriyāparaiḥ paṁcayajñarataiścaivātithidvijasupūjakaiḥ

Householders should always remain, throughout their lives, devoted to their duties — devoted to the five great sacrifices, and honoring guests and brahmins well,

Verse 48 (skanda.6.241.48)

विष्णुभक्तिरतैश्चैव वेदमन्त्रविपाठकैः । सततं दानशीलैश्च दीनार्तजनवत्सलैः

viṣṇubhaktirataiścaiva vedamantravipāṭhakaiḥ satataṁ dānaśīlaiśca dīnārtajanavatsalaiḥ

— devoted to the worship of Vishnu, chanting Vedic mantras, constantly generous in giving, and affectionate toward the poor and the afflicted,

Verse 49 (skanda.6.241.49)

क्षमादिगुणसंयुक्तैर्द्वादशाक्षरपूजकैः । षडक्षरमहोद्गारपरमानन्दपूरितैः

kṣamādiguṇasaṁyuktairdvādaśākṣarapūjakaiḥ ṣaḍakṣaramahodgāraparamānandapūritaiḥ

— endowed with forbearance and other virtues, worshipping with the twelve-syllabled mantra, filled with the greatest joy from the utterance of the six-syllabled mantra,

Verse 50 (skanda.6.241.50)

सदपत्यैः सदाचारैः सतां शुश्रूषणैरपि । विमत्सरैः सदा स्थेयं तापक्लेशविवर्जितैः

sadapatyaiḥ sadācāraiḥ satāṁ śuśrūṣaṇairapi vimatsaraiḥ sadā stheyaṁ tāpakleśavivarjitaiḥ

— blessed with good offspring, of good conduct, attentive in the service of the virtuous, free from envy, always steadfast, and free from anguish and affliction,

Verse 51 (skanda.6.241.51)

प्रव्रज्यावर्जनैरेवं सच्छूद्रैर्धर्मतत्परैः । तोषणं सर्वभूतानां कार्यं वित्तानुसारतः

pravrajyāvarjanairevaṁ sacchūdrairdharmatatparaiḥ toṣaṇaṁ sarvabhūtānāṁ kāryaṁ vittānusārataḥ

— avoiding renunciation of the household life: thus sacchudras devoted to dharma should act, bringing satisfaction to all beings according to their means.

Verse 52 (skanda.6.241.52)

सदा विष्णुशिवादीनां ये भक्तास्ते नराः सदा । देववद्दिवि दीव्यंति चातुर्मास्ये विशेषतः

sadā viṣṇuśivādīnāṁ ye bhaktāste narāḥ sadā devavaddivi dīvyaṁti cāturmāsye viśeṣataḥ

Those men who are always devoted to Vishnu, Shiva, and the other gods shine forever in heaven like the gods themselves — especially so, through their observance during Chaturmasya.