The Twelve Adityas and the Tale of Yajnavalkya

Verse 1 (skanda.6.278.1)

सूत उवाच ये चान्ये भास्करा स्तत्र संति ब्राह्मणसत्तमाः हाटकेश्वरजे क्षेत्रे याज्ञवल्क्यप्रतिष्ठिताः

sūta uvāca ye cānye bhāskarā statra saṁti brāhmaṇasattamāḥ hāṭakeśvaraje kṣetre yājñavalkyapratiṣṭhitāḥ

Suta said: O foremost of brahmins, there are also other Sun-forms there, established by Yajnavalkya in the field of Hatakeshvara.

Verse 2 (skanda.6.278.2)

यस्तान्पूजयते भक्त्या हृदि कृत्वाऽभिवांछितान् सप्तम्यां चैव सप्तम्यां लभते नात्र संशयः

yastānpūjayate bhaktyā hṛdi kṛtvā'bhivāṁchitān saptamyāṁ caiva saptamyāṁ labhate nātra saṁśayaḥ

Whoever worships them with devotion, holding his desires in his heart, on each and every Saptami — he obtains them, without doubt.

Verse 3 (skanda.6.278.3)

ऋषय उचुः एक एव स्थितः सूर्यो दृश्यते च नभस्तले तत्कथं द्वादशैते च तत्र क्षेत्रे प्रतिष्ठिताः कस्मिन्काले तथा कृत्ये किमर्थं सूतनन्दन

ṛṣaya ucuḥ eka eva sthitaḥ sūryo dṛśyate ca nabhastale tatkathaṁ dvādaśaite ca tatra kṣetre pratiṣṭhitāḥ kasminkāle tathā kṛtye kimarthaṁ sūtanandana

The sages said: Only a single sun is seen standing in the sky — how then did these twelve come to be established in that field? At what time, by what act, and for what purpose, O son of Suta?

Verse 4 (skanda.6.278.4)

सूत उवाच आसीत्पूर्वं कृतिर्नाम शुनःशेपसमुद्भवः

sūta uvāca āsītpūrvaṁ kṛtirnāma śunaḥśepasamudbhavaḥ

Suta said: There was formerly one named Kriti, born of Shunahshepa.

Verse 5 (skanda.6.278.5)

तस्य पुत्रः शुनः पुत्रो बभूव मुनिसत्तमः चारायणः सुतस्तस्य वभूव मुनिसत्तमः

tasya putraḥ śunaḥ putro babhūva munisattamaḥ cārāyaṇaḥ sutastasya vabhūva munisattamaḥ

His son was the great sage Shunahputra; his son in turn was the great sage Charayana.

Verse 6 (skanda.6.278.6)

कस्यचित्त्वथ कालस्य ब्रह्मा लोक पितामहः सावित्रीशापनिर्दग्धो ह्यवतीर्णो धरातले

kasyacittvatha kālasya brahmā loka pitāmahaḥ sāvitrīśāpanirdagdho hyavatīrṇo dharātale

After some time, Brahma, the grandsire of the worlds, burnt by Savitri's curse, descended to the earth.

Verse 7 (skanda.6.278.7)

गायत्री च यदा विप्रास्तेनोढा यज्ञकर्मणि प्राक्स्थितां च परित्यज्य सर्वदेवसमागमे कालात्ययो भवेन्नैव सावित्र्यागमने स्थिरे

gāyatrī ca yadā viprāstenoḍhā yajñakarmaṇi prāksthitāṁ ca parityajya sarvadevasamāgame kālātyayo bhavennaiva sāvitryāgamane sthire

O brahmins, when Gayatri was wedded by him during a sacrificial rite — Savitri having been previously set aside, so that no delay in the auspicious moment might occur, since all the gods had assembled while awaiting Savitri's fixed arrival...

Verse 8 (skanda.6.278.8)

ततस्तस्य समादेशाद्गायत्री गोपकन्यका शक्रेण च समानीता दिव्यलक्षणलक्षिता

tatastasya samādeśādgāyatrī gopakanyakā śakreṇa ca samānītā divyalakṣaṇalakṣitā

...then, by his own command, Gayatri, a cowherd's daughter, marked with divine signs, was brought by Indra.

Verse 9 (skanda.6.278.9)

गोपकन्यां च तां ज्ञात्वा गोश्च वक्त्रेण पद्मजः प्रवेश्याकर्षयामास गुह्येन च ततः परम्

gopakanyāṁ ca tāṁ jñātvā gośca vaktreṇa padmajaḥ praveśyākarṣayāmāsa guhyena ca tataḥ param

Knowing her to be a cowherd's daughter, the lotus-born Brahma had her enter through the mouth of a cow, and drew her out again through its secret part.

Verse 10 (skanda.6.278.10)

ब्राह्मणानां गवां चैव कुलमेकं द्विधा स्थितम् एकत्र मन्त्रास्तिष्ठंति हविरेकत्र संस्थितम्

brāhmaṇānāṁ gavāṁ caiva kulamekaṁ dvidhā sthitam ekatra mantrāstiṣṭhaṁti havirekatra saṁsthitam

The lineage of brahmins and of cows is a single family divided in two: in the one abide the mantras, in the other the oblation.

Verse 11 (skanda.6.278.11)

तेन तां ब्राह्मणीं कृत्वा पश्चात्तस्याः परिग्रहम् गृह्योक्तविधिना चक्रे पुरःस्थोऽपि पितामहः

tena tāṁ brāhmaṇīṁ kṛtvā paścāttasyāḥ parigraham gṛhyoktavidhinā cakre puraḥstho'pi pitāmahaḥ

By this, having made her into a brahmin-woman, the Grandsire, standing there present, then performed his marriage to her according to the household rite.

Verse 12 (skanda.6.278.12)

पत्नीशालोपविष्टायां ततस्तस्यां द्विजोत्तमाः सावित्री समनुप्राप्ता देवपत्नीभिरावृता

patnīśālopaviṣṭāyāṁ tatastasyāṁ dvijottamāḥ sāvitrī samanuprāptā devapatnībhirāvṛtā

O best of brahmins, then, while she sat in the wife's pavilion, Savitri arrived, surrounded by the wives of the gods.

Verse 13 (skanda.6.278.13)

ततस्तां सा समालोक्य रशनासमलंकृताम् दौर्भाग्यदुःखमापन्ना शशाप च विधिं ततः

tatastāṁ sā samālokya raśanāsamalaṁkṛtām daurbhāgyaduḥkhamāpannā śaśāpa ca vidhiṁ tataḥ

Then, seeing her adorned with the sacred girdle, overcome with the sorrow of her own misfortune, she cursed Brahma.

Verse 14 (skanda.6.278.14)

सावित्र्युवाच यस्मात्त्वया परित्यक्ता निर्दोषाहं पितामह पितामहोऽसि मे नूनमद्यप्रभृति संगमे

sāvitryuvāca yasmāttvayā parityaktā nirdoṣāhaṁ pitāmaha pitāmaho'si me nūnamadyaprabhṛti saṁgame

Savitri said: 'Since I, though blameless, have been cast aside by you, O Grandsire — from this day forward, you shall surely become nothing more than a grandfather to me in union...'

Verse 15 (skanda.6.278.15)

मनुष्याणां भवेत्कृत्यमन्यनारीपरिग्रहः एतत्त्वया कृतं यस्मान्मा नुषस्त्वं भविष्यसि

manuṣyāṇāṁ bhavetkṛtyamanyanārīparigrahaḥ etattvayā kṛtaṁ yasmānmā nuṣastvaṁ bhaviṣyasi

'...the taking of another woman is a deed fit only for men; since you have done this, may you become bound by human frailty yourself.'

Verse 16 (skanda.6.278.16)

कामार्तश्च विशेषेण मम वाक्यादसंशयम्

kāmārtaśca viśeṣeṇa mama vākyādasaṁśayam

'And especially tormented by desire, without doubt, by my word.'

Verse 17 (skanda.6.278.17)

एवमुक्त्वा तु सावित्री त्यक्त्वा तं यज्ञमंडपम् गिरेः शिखरमारूढा तपश्चक्रे महत्ततः

evamuktvā tu sāvitrī tyaktvā taṁ yajñamaṁḍapam gireḥ śikharamārūḍhā tapaścakre mahattataḥ

Having said this, Savitri left that sacrificial pavilion, ascended a mountain peak, and performed great austerity there.

Verse 18 (skanda.6.278.18)

पितामहोऽपि तच्छापाच्चारायणनिवेशने अवतीर्णो धरापृष्ठे कालेन महता ततः

pitāmaho'pi tacchāpāccārāyaṇaniveśane avatīrṇo dharāpṛṣṭhe kālena mahatā tataḥ

The Grandsire too, on account of that curse, after a long time, descended to the earth's surface, into the household of Charayana.

Verse 19 (skanda.6.278.19)

स यदा यौवनं भेजे मानुषं च पुरा स्थितः तथातथा च तापेन कामोत्थेन प्रपीड्यते

sa yadā yauvanaṁ bheje mānuṣaṁ ca purā sthitaḥ tathātathā ca tāpena kāmotthena prapīḍyate

When he, now existing in human form, attained youth, he became ever more tormented by the burning heat born of desire.

Verse 20 (skanda.6.278.20)

ततोऽसौ वीक्षते नारीं कन्यां वाथ तपस्विनीम् अविकल्पमना भेजे रूपसौभाग्यगर्वितः

tato'sau vīkṣate nārīṁ kanyāṁ vātha tapasvinīm avikalpamanā bheje rūpasaubhāgyagarvitaḥ

Then, whatever woman he saw — maiden or ascetic — he approached her without hesitation, proud of his beauty and charm.

Verse 21 (skanda.6.278.21)

ततस्तं ब्यसनार्तं च दृष्ट्वा चारायणो मुनिः स्वयं निःसारयामास प्रकोपेन निजाश्रमात्

tatastaṁ byasanārtaṁ ca dṛṣṭvā cārāyaṇo muniḥ svayaṁ niḥsārayāmāsa prakopena nijāśramāt

Then, seeing him afflicted by this vice, the sage Charayana himself, in anger, drove him out of his own hermitage.

Verse 22 (skanda.6.278.22)

स च पित्रा परित्यक्तो भ्रममाणस्ततस्ततः चमत्कारपुरं प्राप्तः शाकल्यो यत्र तिष्ठति

sa ca pitrā parityakto bhramamāṇastatastataḥ camatkārapuraṁ prāptaḥ śākalyo yatra tiṣṭhati

Cast off by his father, wandering here and there, he arrived at Chamatkarapura, where Shakalya dwelt.

Verse 23 (skanda.6.278.23)

नाम्ना ब्राह्मणशार्दूलो नागरो वेदपारगः वृतः शिष्य सहस्रेण वेदविद्यां प्रचारयन्

nāmnā brāhmaṇaśārdūlo nāgaro vedapāragaḥ vṛtaḥ śiṣya sahasreṇa vedavidyāṁ pracārayan

...a tiger among brahmins by that name, a Nagara, master of the Vedas, surrounded by a thousand disciples, spreading the knowledge of the Vedas.

Verse 24 (skanda.6.278.24)

अथ तं स प्रणम्योच्चैः शिष्यत्वं समुपागतः वेदाध्ययनसंपन्नो बभूवाथ चिरादपि

atha taṁ sa praṇamyoccaiḥ śiṣyatvaṁ samupāgataḥ vedādhyayanasaṁpanno babhūvātha cirādapi

Then, bowing low to him, he took up discipleship, and, after a long time, became accomplished in the study of the Vedas.

Verse 25 (skanda.6.278.25)

एतस्मिन्नेव काले नु आनर्ताधिपतिः स्वयम् आगतस्तिष्ठते यत्र जलशायी हरिः स्वयम्

etasminneva kāle nu ānartādhipatiḥ svayam āgatastiṣṭhate yatra jalaśāyī hariḥ svayam

At that very time, the lord of Anarta himself came to where Hari himself lies upon the waters.

Verse 26 (skanda.6.278.26)

चातुर्मास्यव्रतं तेन गृहीतं तत्पुरस्तदा प्रार्थितस्तु ततो विप्राः शाकल्यस्तैन भूभुजा

cāturmāsyavrataṁ tena gṛhītaṁ tatpurastadā prārthitastu tato viprāḥ śākalyastaina bhūbhujā

O brahmins, he then took up the four-month vow there; and the king then requested Shakalya.

Verse 27 (skanda.6.278.27)

शांतिकं पौष्टिकं नित्यं त्वया कार्यं ममालये यावत्तिष्ठाम्यहं चात्र प्रसादः क्रियतामिति

śāṁtikaṁ pauṣṭikaṁ nityaṁ tvayā kāryaṁ mamālaye yāvattiṣṭhāmyahaṁ cātra prasādaḥ kriyatāmiti

'The peace-rite and prosperity-rite must be performed daily by you at my dwelling, for as long as I remain here — grant me this favor.'

Verse 28 (skanda.6.278.28)

बाढमित्येव स प्रोक्त्वा दाक्षिण्येन द्विजोत्तमाः एकैकं प्रेषयामास स्वशिष्यं तस्य मंदिरे

bāḍhamityeva sa proktvā dākṣiṇyena dvijottamāḥ ekaikaṁ preṣayāmāsa svaśiṣyaṁ tasya maṁdire

Saying only 'So be it,' out of courtesy, O best of brahmins, he sent, one at a time, his own disciples to that king's palace.

Verse 29 (skanda.6.278.29)

स शांतिकं विधायाथ दत्त्वाशीः पार्थिवस्य च संप्राप्य दक्षिणां तस्मात्पुनरेति च तं द्विजम्

sa śāṁtikaṁ vidhāyātha dattvāśīḥ pārthivasya ca saṁprāpya dakṣiṇāṁ tasmātpunareti ca taṁ dvijam

Each, having performed the peace-rite and given his blessing to the king, having received the fee, would return again to that brahmin.

Verse 30 (skanda.6.278.30)

शाकल्याय च तां दत्त्वा दक्षिणां निजमंदिरे जगाम नित्यमेवं हि व्यवहारो व्यवस्थितः

śākalyāya ca tāṁ dattvā dakṣiṇāṁ nijamaṁdire jagāma nityamevaṁ hi vyavahāro vyavasthitaḥ

And having given that fee to Shakalya, he would return to his own dwelling; thus this practice went on daily, established as custom.

Verse 31 (skanda.6.278.31)

अन्यस्मिन्नहनि प्राप्ते शाकल्येन विसर्जितः शांत्यर्थं याज्ञवल्क्यस्तु पार्थिवस्यनिवेशनम्

anyasminnahani prāpte śākalyena visarjitaḥ śāṁtyarthaṁ yājñavalkyastu pārthivasyaniveśanam

On another day, Yajnavalkya was sent by Shakalya, for the peace-rite, to the king's dwelling.

Verse 32 (skanda.6.278.32)

तस्य भूपस्य रूपाढया मंथरास्ति विलासिनी रात्रौ च कामिता तेन कामाढयेन सुकामिनी

tasya bhūpasya rūpāḍhayā maṁtharāsti vilāsinī rātrau ca kāmitā tena kāmāḍhayena sukāminī

That king had a beautiful courtesan named Manthara; and, filled with desire, she had been made love to by him that very night — this most desirable woman.

Verse 33 (skanda.6.278.33)

भावैर्वात्स्यायनप्रोक्तैः समालिंगनपूर्वकैः स तया विविधैः कृत्तो मयूरपदकादिभिः शरीरे चाधरे चैव तथा मणिप्रवालकैः

bhāvairvātsyāyanaproktaiḥ samāliṁganapūrvakaiḥ sa tayā vividhaiḥ kṛtto mayūrapadakādibhiḥ śarīre cādhare caiva tathā maṇipravālakaiḥ

By the postures declared by Vatsyayana, beginning with embraces, and by various marks — the peacock-foot and others — she had been marked upon her body and upon her lip, and also with jeweled ornaments.

Verse 34 (skanda.6.278.34)

संप्राप्तोऽध्ययनार्थाय यावच्छाकल्यसन्निधौ तावत्संप्रेषितस्तेन शांत्यर्थं भूपमंदिरे

saṁprāpto'dhyayanārthāya yāvacchākalyasannidhau tāvatsaṁpreṣitastena śāṁtyarthaṁ bhūpamaṁdire

As soon as he arrived, for the sake of study, at Shakalya's presence, he was sent by him for the peace-rite to the king's palace.

Verse 35 (skanda.6.278.35)

सोऽपि संप्रेषितस्तेन गत्वा तं पार्थिवालयम् शांतिकं च ततश्चक्रे यथोक्तविधिना द्विजाः

so'pi saṁpreṣitastena gatvā taṁ pārthivālayam śāṁtikaṁ ca tataścakre yathoktavidhinā dvijāḥ

O brahmins, he too, sent by him, went to that royal dwelling and performed the peace-rite according to the prescribed procedure.

Verse 36 (skanda.6.278.36)

शांतिकस्यावसाने तु प्रगृह्य कलशोदकम् पंचांगैः कल्पितं रुद्रैः स्वयमेवाभिमंत्रितैः

śāṁtikasyāvasāne tu pragṛhya kalaśodakam paṁcāṁgaiḥ kalpitaṁ rudraiḥ svayamevābhimaṁtritaiḥ

At the conclusion of the peace-rite, taking up the water of the vessel, arranged with the five limbs, consecrated by the Rudra-mantras recited by himself...

Verse 37 (skanda.6.278.37)

साक्षतं सुमनोयुक्तं समादाय गतस्ततः संतिष्ठते नृपो यत्र आनर्तो त्रतसंयुतः

sākṣataṁ sumanoyuktaṁ samādāya gatastataḥ saṁtiṣṭhate nṛpo yatra ānarto tratasaṁyutaḥ

...taking it together with unbroken rice and flowers, he went to where the king of Anarta stood, engaged in his vow.

Verse 38 (skanda.6.278.38)

द्यामालेखीति मंत्रं स प्रोच्चार्य विधिपूर्वकम् छंदर्षिसहितं चैव यावत्क्षिपति मस्तके तावन्निरीक्षितस्तेन नखलेखाविकर्तितः

dyāmālekhīti maṁtraṁ sa proccārya vidhipūrvakam chaṁdarṣisahitaṁ caiva yāvatkṣipati mastake tāvannirīkṣitastena nakhalekhāvikartitaḥ

As soon as, having duly recited the mantra beginning dyām ālekhi, together with its meter and seer, he sprinkled it upon the king's head — at that very moment he noticed him, marked by a scratch made by fingernails.

Verse 39 (skanda.6.278.39)

खंडितेनाधरेणैव ततोऽभूद्दुर्मना नृपः

khaṁḍitenādhareṇaiva tato'bhūddurmanā nṛpaḥ

With his very lip bruised, the king then became displeased.

Verse 40 (skanda.6.278.40)

विटप्रायं तु तं दृष्ट्वा मलिनांबरधारिणम् तं प्रोवाच विहस्योच्चै देहि विप्राऽक्षताञ्जलम्

viṭaprāyaṁ tu taṁ dṛṣṭvā malināṁbaradhāriṇam taṁ provāca vihasyoccai dehi viprā'kṣatāñjalam

Seeing him looking almost like a rake, wearing soiled garments, he laughed loudly and said to him: 'O brahmin, give your handful of rice...'

Verse 41 (skanda.6.278.41)

मंदुरायां स्थितं यच्च काष्ठमेतत्प्रदृश्यते याज्ञवल्क्यस्ततो दृष्ट्वा सकोपस्तमुपाद्रवत्

maṁdurāyāṁ sthitaṁ yacca kāṣṭhametatpradṛśyate yājñavalkyastato dṛṣṭvā sakopastamupādravat

'...to that piece of wood standing in the stable, which is visible there.' Seeing this, Yajnavalkya, enraged, rushed toward it.

Verse 42 (skanda.6.278.42)

क्षिप्त्वा तत्र जलं विप्राः साक्षतं गृहमागमत् अगृह्य दक्षिणां तस्य पार्थिवस्य यथास्थिताम्

kṣiptvā tatra jalaṁ viprāḥ sākṣataṁ gṛhamāgamat agṛhya dakṣiṇāṁ tasya pārthivasya yathāsthitām

O brahmins, having flung the water together with the rice there upon it, he went home, without taking the fee that lay ready from that king.

Verse 43 (skanda.6.278.43)

एतस्मिन्नंतरे तस्य धवकाष्ठस्य सर्वतः निष्क्रांता विविधाः शाखाः पल्लवैः समलंकृताः

etasminnaṁtare tasya dhavakāṣṭhasya sarvataḥ niṣkrāṁtā vividhāḥ śākhāḥ pallavaiḥ samalaṁkṛtāḥ

Meanwhile, from that piece of dhava-wood, on every side, various branches sprang forth, adorned with fresh leaves.

Verse 44 (skanda.6.278.44)

तद्दृष्ट्वा विस्मितः सोऽथ आनर्ताधिपतिर्नृपः पश्चात्तापं परं चक्रे धिङ्मयैवमनुष्ठितम्

taddṛṣṭvā vismitaḥ so'tha ānartādhipatirnṛpaḥ paścāttāpaṁ paraṁ cakre dhiṅmayaivamanuṣṭhitam

Seeing this, that king, lord of Anarta, astonished, felt the deepest remorse: 'Shame on me, for having acted thus!'

Verse 45 (skanda.6.278.45)

स नूनं विबुधः कोऽपि विप्ररूपेण संगतः येनेदृशः प्रभावोऽयं तस्य मंत्रस्य संस्थितः

sa nūnaṁ vibudhaḥ ko'pi viprarūpeṇa saṁgataḥ yenedṛśaḥ prabhāvo'yaṁ tasya maṁtrasya saṁsthitaḥ

'He must surely be some god who has come in the form of a brahmin, by whom such power as this abides in his mantra.'

Verse 46 (skanda.6.278.46)

यद्यहं प्रतिगृह्णामि तस्य मन्त्रोदितं जलम् जरामरणहीनस्तु तद्भवाभि न संशयः

yadyahaṁ pratigṛhṇāmi tasya mantroditaṁ jalam jarāmaraṇahīnastu tadbhavābhi na saṁśayaḥ

'If I were to receive that water declared by his mantra, I would surely become free of old age and death, without doubt.'

Verse 47 (skanda.6.278.47)

एवं चिंतयतस्तस्य तद्दिनं विस्मितस्य च पार्थिवस्य द्विजश्रेष्ठा जातं वर्षशतोपमम्

evaṁ ciṁtayatastasya taddinaṁ vismitasya ca pārthivasya dvijaśreṣṭhā jātaṁ varṣaśatopamam

O foremost of brahmins, while that astonished king thought thus, that single day became for him like a hundred years.

Verse 48 (skanda.6.278.48)

दिवसे तु समाक्रांते कथंचित्तस्य भूपतेः विभावरी क्षयं याति कथंचिन्नैव शारदी

divase tu samākrāṁte kathaṁcittasya bhūpateḥ vibhāvarī kṣayaṁ yāti kathaṁcinnaiva śāradī

Though the day at last drew to a close for that king, the night seemed somehow never to wane, even in that clear autumn sky.

Verse 49 (skanda.6.278.49)

ततः प्रभातसमये समुत्थाय महीपतिः आह्वयामास शाकल्यं पुरुषैराप्तकारिभिः

tataḥ prabhātasamaye samutthāya mahīpatiḥ āhvayāmāsa śākalyaṁ puruṣairāptakāribhiḥ

Then, at dawn, the king rose and summoned Shakalya by means of trusted servants.

Verse 50 (skanda.6.278.50)

ततः प्रोवाच विनयात्सादरं प्रांजलिः स्थितः कल्ये शिष्यः समायातो यस्त्वदीयो ममांतिकम्

tataḥ provāca vinayātsādaraṁ prāṁjaliḥ sthitaḥ kalye śiṣyaḥ samāyāto yastvadīyo mamāṁtikam

Then, standing with joined palms, humbly and respectfully, he said: 'Yesterday a disciple of yours came to my presence.'

Verse 51 (skanda.6.278.51)

शांत्यर्थं प्रेषणीयस्तु सोऽद्यापि च द्विजोत्तम तस्योपरि परा भक्तिर्मम जाताऽद्य केवलम्

śāṁtyarthaṁ preṣaṇīyastu so'dyāpi ca dvijottama tasyopari parā bhaktirmama jātā'dya kevalam

'O best of brahmins, that very one should be sent again today for the peace-rite; supreme devotion toward him alone has arisen in me today.'

Verse 52 (skanda.6.278.52)

स तथेति प्रतिज्ञाय गत्वाऽथ निजमन्दिरम् प्रोवाच याज्ञवल्क्यं च शांत्यर्थं श्लक्ष्णया गिरा

sa tatheti pratijñāya gatvā'tha nijamandiram provāca yājñavalkyaṁ ca śāṁtyarthaṁ ślakṣṇayā girā

Agreeing 'so be it,' he went to his own dwelling and spoke to Yajnavalkya, in a gentle voice, for the peace-rite.

Verse 53 (skanda.6.278.53)

गच्छ वत्स त्वमद्यैव पार्थिवस्य निवेशनम् शांत्यर्थं तेन भूयोऽपि त्वमेवाशुनिमंत्रितः

gaccha vatsa tvamadyaiva pārthivasya niveśanam śāṁtyarthaṁ tena bhūyo'pi tvamevāśunimaṁtritaḥ

'Go, my child, this very day, to the king's dwelling; for the peace-rite, you alone have been swiftly invited again by him.'

Verse 54 (skanda.6.278.54)

याज्ञवल्क्य उवाच नाहं यास्यामि तद्धर्म्ये शांत्यर्थं द्विजपुंगव अनादरेण दृष्टोऽहं नाशीर्मे च समाहृता

yājñavalkya uvāca nāhaṁ yāsyāmi taddharmye śāṁtyarthaṁ dvijapuṁgava anādareṇa dṛṣṭo'haṁ nāśīrme ca samāhṛtā

Yajnavalkya said: 'O foremost of brahmins, I shall not go for the peace-rite to that righteous man's house; I was looked upon with disrespect, and my blessing was not even accepted.'

Verse 55 (skanda.6.278.55)

काष्ठोपरि मया दत्ता तस्य वाक्यादसंशयम् तस्मात्प्रेषय चान्यं त्वं गुरो शिष्यं विचक्षणम् आनर्तं रंजयेद्यस्तु विवेकेन समन्वितम्

kāṣṭhopari mayā dattā tasya vākyādasaṁśayam tasmātpreṣaya cānyaṁ tvaṁ guro śiṣyaṁ vicakṣaṇam ānartaṁ raṁjayedyastu vivekena samanvitam

'By his own word, I gave it upon a piece of wood instead, without doubt. Therefore, O guru, send some other capable disciple, one endowed with discernment, who may please Anarta.'

Verse 56 (skanda.6.278.56)

शाकल्य उवाच राजाऽऽदेशः सदा कार्यः पुरुषैर्देशवासिभिः योगक्षेमविधानाय तथा लाभाय केवलम्

śākalya uvāca rājā''deśaḥ sadā kāryaḥ puruṣairdeśavāsibhiḥ yogakṣemavidhānāya tathā lābhāya kevalam

Shakalya said: 'A king's command must always be obeyed by the men dwelling in his land, for the sake of their own security and welfare, and for their benefit alone.'

Verse 57 (skanda.6.278.57)

प्रतिकूलो भवेद्यस्तु पाथिवानां स मन्दधीः न तस्य जायते सौख्यं कथंचिद्द्विजसत्तम

pratikūlo bhavedyastu pāthivānāṁ sa mandadhīḥ na tasya jāyate saukhyaṁ kathaṁciddvijasattama

'Whoever, O foremost of brahmins, sets himself against kings is a dull-witted man; happiness never comes to him in any way.'

Verse 58 (skanda.6.278.58)

ये जात्यादि महोत्सेकान्न नरेंद्रानुपासते तेषामामरणं भिक्षा प्रायश्चित्तं विनिर्मितम्

ye jātyādi mahotsekānna nareṁdrānupāsate teṣāmāmaraṇaṁ bhikṣā prāyaścittaṁ vinirmitam

'Those who, out of pride in their birth and the like, do not serve kings — for them a lifetime of begging has been ordained as their atonement.'

Verse 59 (skanda.6.278.59)

एवं तयोर्विवदतोस्तदा वै गुरुशिष्ययोः भूयोऽपि तत्र संप्राप्ताः पुरुषाः पार्थिवेरिताः

evaṁ tayorvivadatostadā vai guruśiṣyayoḥ bhūyo'pi tatra saṁprāptāḥ puruṣāḥ pārthiveritāḥ

While the guru and disciple were thus disputing, more men, sent by the king, arrived there again.

Verse 60 (skanda.6.278.60)

प्रोचुश्च त्वरया युक्ताः शाकल्यं प्रांजलिस्थिताः शिष्यं तं प्रेषय क्षिप्रं राजा मार्गं प्रतीक्षते

procuśca tvarayā yuktāḥ śākalyaṁ prāṁjalisthitāḥ śiṣyaṁ taṁ preṣaya kṣipraṁ rājā mārgaṁ pratīkṣate

Filled with urgency, standing with joined palms, they said to Shakalya: 'Send that disciple at once; the king awaits him on the road.'

Verse 61 (skanda.6.278.61)

असकृत्प्रोच्यमानोऽपि यदा गच्छति नैव सः तदा संप्रेषयामास उद्दालकमथारुणिम्

asakṛtprocyamāno'pi yadā gacchati naiva saḥ tadā saṁpreṣayāmāsa uddālakamathāruṇim

When, though repeatedly urged, he still would not go, he then sent Uddalaka Aruni instead.

Verse 62 (skanda.6.278.62)

शिष्यं विनयसंपन्नं कृतांजलिपुटं स्थितम् गच्छ वत्स समादेशात्सांप्रतं नृपमंदिरम्

śiṣyaṁ vinayasaṁpannaṁ kṛtāṁjalipuṭaṁ sthitam gaccha vatsa samādeśātsāṁprataṁ nṛpamaṁdiram

To that humble disciple, standing with joined palms, he said: 'Go, my child, at my command, now to the king's palace.'

Verse 63 (skanda.6.278.63)

शांतिकर्म विधायाथ स्वाध्यायं च ततः कुरु

śāṁtikarma vidhāyātha svādhyāyaṁ ca tataḥ kuru

'Perform the peace-rite there, and then recite the scriptures.'

Verse 64 (skanda.6.278.64)

स तथेति प्रतिज्ञाय गत्वा तं पार्थिवालयम् चकार शांतिकं कर्म विधिदृष्टेन कर्मणा

sa tatheti pratijñāya gatvā taṁ pārthivālayam cakāra śāṁtikaṁ karma vidhidṛṣṭena karmaṇā

Agreeing 'so be it,' he went to that royal dwelling and performed the peace-rite, by the rite prescribed.

Verse 65 (skanda.6.278.65)

ततः कलशतोयं स साक्षतं सुमनोन्वितम् गृहीत्वोपाद्रवत्तत्र यत्र राजा व्यवस्थितः

tataḥ kalaśatoyaṁ sa sākṣataṁ sumanonvitam gṛhītvopādravattatra yatra rājā vyavasthitaḥ

Then, taking the water of the vessel together with unbroken rice and flowers, he hurried to where the king stood.

Verse 66 (skanda.6.278.66)

राजोवाच स्वकीयमन्त्रलिंगेन अभिषेकं तु यच्छ भोः काष्ठस्यास्य यदग्रे ते प्रोत्थितं तिष्ठते द्विज

rājovāca svakīyamantraliṁgena abhiṣekaṁ tu yaccha bhoḥ kāṣṭhasyāsya yadagre te protthitaṁ tiṣṭhate dvija

The king said: 'O brahmin, by your own mantra-sign, perform the sprinkling upon this piece of wood standing before you, that which has sprouted up.'

Verse 67 (skanda.6.278.67)

ततस्तेन शुभं मंत्रं प्रोच्याभीष्टं जलं स्वयम् अभिषिच्य च तत्काष्ठं ततश्च स्वगृहं ययौ

tatastena śubhaṁ maṁtraṁ procyābhīṣṭaṁ jalaṁ svayam abhiṣicya ca tatkāṣṭhaṁ tataśca svagṛhaṁ yayau

Then, having recited an auspicious mantra of his own choosing, and having sprinkled that water upon the wood, he himself then went to his own home.

Verse 68 (skanda.6.278.68)

तावद्रूपं च तत्काष्ठं दृष्ट्वाऽऽनर्तो महीपतिः विषादसहितश्चैव पश्चात्तापसमन्वितः

tāvadrūpaṁ ca tatkāṣṭhaṁ dṛṣṭvā''narto mahīpatiḥ viṣādasahitaścaiva paścāttāpasamanvitaḥ

But the king of Anarta, seeing that the piece of wood remained just as it was, felt both dejection and remorse.

Verse 69 (skanda.6.278.69)

भूयस्तु प्रेषयामास याज्ञवल्क्यकृते तदा अन्यं दूतं विदग्धं च शाकल्यस्य द्विजाश्रयम्

bhūyastu preṣayāmāsa yājñavalkyakṛte tadā anyaṁ dūtaṁ vidagdhaṁ ca śākalyasya dvijāśrayam

He then sent yet another skillful messenger to Shakalya's hermitage, for the sake of Yajnavalkya.

Verse 70 (skanda.6.278.70)

वेदना कायसंस्था मे वर्तते द्विजसत्तम शांत्यर्थं प्रेषया क्षिप्रं तं शिष्यं पूर्वसंचितम्

vedanā kāyasaṁsthā me vartate dvijasattama śāṁtyarthaṁ preṣayā kṣipraṁ taṁ śiṣyaṁ pūrvasaṁcitam

'O foremost of brahmins, a pain has arisen in my body; send quickly, for the peace-rite, that very disciple as before.'

Verse 71 (skanda.6.278.71)

अपमानं कृतं तस्य मया कल्ये द्विजोत्तम तेन मे सहसा व्याधिराशीर्वादमनिच्छतः

apamānaṁ kṛtaṁ tasya mayā kalye dvijottama tena me sahasā vyādhirāśīrvādamanicchataḥ

'O best of brahmins, I dishonored him yesterday; and because of that, since I refused his blessing, this sudden illness has come upon me.'

Verse 72 (skanda.6.278.72)

तस्मात्प्रेषय मे शीघ्रं येन मे स्वस्थता भवेम् असकृत्प्रोच्यमानोऽपि यदा नैव स गच्छति

tasmātpreṣaya me śīghraṁ yena me svasthatā bhavem asakṛtprocyamāno'pi yadā naiva sa gacchati

'Therefore send him to me quickly, so that I may regain my health.' Though repeatedly urged, when he still would not go...

Verse 73 (skanda.6.278.73)

याज्ञवल्क्यस्ततः शिष्यमन्यं प्रोवाच सादरम् ततस्तं मधुकं पैग्यं प्रेषयामास तद्गृहे

yājñavalkyastataḥ śiṣyamanyaṁ provāca sādaram tatastaṁ madhukaṁ paigyaṁ preṣayāmāsa tadgṛhe

...Yajnavalkya then respectfully spoke to another disciple; and he then sent that Madhuka Paingya to that house.

Verse 74 (skanda.6.278.74)

तेनापि विहितं तच्च यथोद्दालकनिर्मितम् आशीर्वादो नृपोद्देशाद्दत्तः काष्ठस्य तस्य च

tenāpi vihitaṁ tacca yathoddālakanirmitam āśīrvādo nṛpoddeśāddattaḥ kāṣṭhasya tasya ca

He too performed it just as Uddalaka had done, and the blessing was given, at the king's direction, to that same piece of wood.

Verse 75 (skanda.6.278.75)

तद्रूपमपि तत्काष्ठं दृष्ट्वा भूयोऽपि पार्थिवः अन्यं संप्रेषयामास याज्ञवल्क्यकृते नरम्

tadrūpamapi tatkāṣṭhaṁ dṛṣṭvā bhūyo'pi pārthivaḥ anyaṁ saṁpreṣayāmāsa yājñavalkyakṛte naram

Seeing that the wood still remained just as before, the king again sent yet another man for the sake of Yajnavalkya.

Verse 76 (skanda.6.278.76)

असकृत्प्रोच्यमानोऽपि याज्ञवल्क्यो व्रजेन्न हि यदा तदा बहुगुणमन्यं शिष्यं प्रदिष्टवान्

asakṛtprocyamāno'pi yājñavalkyo vrajenna hi yadā tadā bahuguṇamanyaṁ śiṣyaṁ pradiṣṭavān

When, though repeatedly urged, Yajnavalkya still would not go, he then appointed yet another, even more excellent, disciple.

Verse 77 (skanda.6.278.77)

प्रचूडं भागवित्तिं च सोऽपि गत्वा यथा पुरा चकार शांतिकं कर्म यथा ताभ्यां पुरा कृतम्

pracūḍaṁ bhāgavittiṁ ca so'pi gatvā yathā purā cakāra śāṁtikaṁ karma yathā tābhyāṁ purā kṛtam

Prachuda Bhagavitti — he too, having gone, performed the peace-rite just as the other two had done before.

Verse 78 (skanda.6.278.78)

ततः शांत्युदकं तस्मिन्प्राक्षिपच्चैव दारुणि मंत्रवच्च तथाप्येव तद्रूपं च व्यवस्थितम्

tataḥ śāṁtyudakaṁ tasminprākṣipaccaiva dāruṇi maṁtravacca tathāpyeva tadrūpaṁ ca vyavasthitam

Then he too cast the peace-water upon that wood, with mantra, just as before — yet its form remained unchanged.

Verse 79 (skanda.6.278.79)

ततः स्वयं ययौ राजा शाकल्यस्य निवेशनम् याज्ञवल्क्यस्य मन्त्रार्थं पश्चात्तापसमन्वितः

tataḥ svayaṁ yayau rājā śākalyasya niveśanam yājñavalkyasya mantrārthaṁ paścāttāpasamanvitaḥ

Then the king himself, filled with remorse, went to Shakalya's dwelling, for the sake of Yajnavalkya's mantra.

Verse 80 (skanda.6.278.80)

प्रणम्य स द्विजश्रेष्ठः शाकल्यं च द्विजोत्तमम् शांत्यर्थं मम हर्म्ये त्वं कल्ये शिष्यं समादिश येन मे जायते शांतिः शरीरस्य द्विजोत्तम

praṇamya sa dvijaśreṣṭhaḥ śākalyaṁ ca dvijottamam śāṁtyarthaṁ mama harmye tvaṁ kalye śiṣyaṁ samādiśa yena me jāyate śāṁtiḥ śarīrasya dvijottama

Bowing to Shakalya, best of brahmins, that foremost of kings said: 'O best of brahmins, direct that same disciple to my palace tomorrow for the peace-rite, so that peace may come to my body.'

Verse 81 (skanda.6.278.81)

ततः प्रोवाच शाकल्यो याज्ञवल्क्यं द्विजोत्तमाः भूयोऽपि शृण्वतस्तस्य आनर्तस्य महीपतेः

tataḥ provāca śākalyo yājñavalkyaṁ dvijottamāḥ bhūyo'pi śṛṇvatastasya ānartasya mahīpateḥ

O best of brahmins, then Shakalya spoke to Yajnavalkya again, while that king of Anarta himself listened.

Verse 82 (skanda.6.278.82)

याज्ञवल्क्य द्रुतं गच्छ ममादेशान्नृपालयम् राज्ञोस्य रोगनाशाय शांतिकं कुरु पुत्रक

yājñavalkya drutaṁ gaccha mamādeśānnṛpālayam rājñosya roganāśāya śāṁtikaṁ kuru putraka

'O Yajnavalkya, go quickly, by my command, to the king's palace; perform the peace-rite for the destruction of this king's disease, my child.'

Verse 83 (skanda.6.278.83)

याज्ञवल्क्य उवाच नाहं तत्र गमिष्यामि गुरो मैवं ब्रवीहि माम् अपमानः कृतोऽनेन गुरो मम महीभुजा

yājñavalkya uvāca nāhaṁ tatra gamiṣyāmi guro maivaṁ bravīhi mām apamānaḥ kṛto'nena guro mama mahībhujā

Yajnavalkya said: 'I shall not go there, O guru; do not tell me this. This king dishonored me, O guru.'

Verse 84 (skanda.6.278.84)

तस्य तद्वचनं श्रुत्वा स कोपं परमं गतः अब्रवीद्भर्त्समानस्तु याज्ञवल्क्यं ततः परम्

tasya tadvacanaṁ śrutvā sa kopaṁ paramaṁ gataḥ abravīdbhartsamānastu yājñavalkyaṁ tataḥ param

Hearing his words, he became filled with great wrath, and, rebuking him, spoke thereafter to Yajnavalkya.

Verse 85 (skanda.6.278.85)

एकमप्यक्षरं यस्तु गुरुः शिष्ये निवेदयेत् पृथिव्यां नास्ति तद्द्रव्यं यद्दत्त्वा चानृणी भवेत्

ekamapyakṣaraṁ yastu guruḥ śiṣye nivedayet pṛthivyāṁ nāsti taddravyaṁ yaddattvā cānṛṇī bhavet

'There exists no wealth upon this earth by giving which one could ever become free of debt to a guru who imparts even a single syllable to a disciple.'

Verse 86 (skanda.6.278.86)

यस्मात्त्वं शिष्यतां गत्वा मम वाक्यं करोषि न तस्मात्त्वां योजयिष्यामि ब्रह्म शापेन सांप्रतम्

yasmāttvaṁ śiṣyatāṁ gatvā mama vākyaṁ karoṣi na tasmāttvāṁ yojayiṣyāmi brahma śāpena sāṁpratam

'Since you, having become my disciple, do not obey my word, I shall now bind you with a brahmin's curse.'

Verse 87 (skanda.6.278.87)

याज्ञवल्क्य उवाच अन्यायेन हि चेच्छापं गुरो मम प्रदास्यसि अहमप्येव दास्यामि प्रतिशापं तवाधुना

yājñavalkya uvāca anyāyena hi cecchāpaṁ guro mama pradāsyasi ahamapyeva dāsyāmi pratiśāpaṁ tavādhunā

Yajnavalkya said: 'If you, O guru, unjustly curse me, then I too shall now give you a curse in return.'

Verse 88 (skanda.6.278.88)

गुरोरप्यवलिप्तस्य कार्याकार्यमजानतः उत्पथे वर्तमानस्य परित्यागो विधीयते

gurorapyavaliptasya kāryākāryamajānataḥ utpathe vartamānasya parityāgo vidhīyate

'Even of a guru, if he be arrogant, ignorant of what is fit and unfit to be done, and given to wrong conduct — abandonment of him is prescribed.'

Verse 89 (skanda.6.278.89)

तस्मात्त्वं हि मया त्यक्तः सांप्रतं हि न मे गुरुः अविशषेण शिष्यार्थं यदादेशं प्रयच्छसि

tasmāttvaṁ hi mayā tyaktaḥ sāṁprataṁ hi na me guruḥ aviśaṣeṇa śiṣyārthaṁ yadādeśaṁ prayacchasi

'Therefore you are now abandoned by me; you are no longer my guru, since you give commands for a disciple's sake without any discrimination.'

Verse 90 (skanda.6.278.90)

यावंतस्ते स्थिताः शिष्यास्तावद्भिर्दिवसैरहम् तवादेशं करिष्यामि नोचेद्यास्यामि दूरतः

yāvaṁtaste sthitāḥ śiṣyāstāvadbhirdivasairaham tavādeśaṁ kariṣyāmi nocedyāsyāmi dūrataḥ

'For as many days as you have other disciples remaining, I shall carry out your commands in turn; otherwise, I shall go far away.'

Verse 91 (skanda.6.278.91)

शाकल्य उवाच यदि गच्छसि चान्यत्र तत्त्वं विद्यां परित्यज यां मया पाठितः पाप व्रज पश्चात्कुशिष्य भोः

śākalya uvāca yadi gacchasi cānyatra tattvaṁ vidyāṁ parityaja yāṁ mayā pāṭhitaḥ pāpa vraja paścātkuśiṣya bhoḥ

Shakalya said: 'If you go elsewhere, then abandon that very learning which was taught to you by me. Go, sinner, O wicked disciple, hereafter!'

Verse 92 (skanda.6.278.92)

मयाभिमंत्रितं तोयं क्षुरिकामुण्डसंभवम् पिब तस्याः प्रभावेण शीघ्रमेव त्यजिष्यसि जठरान्मामकीं विद्यां त्वयाधीता पुरा तु या

mayābhimaṁtritaṁ toyaṁ kṣurikāmuṇḍasaṁbhavam piba tasyāḥ prabhāveṇa śīghrameva tyajiṣyasi jaṭharānmāmakīṁ vidyāṁ tvayādhītā purā tu yā

'Drink this water, consecrated by me, arisen from the Kshurika-Munda verses; by its power you shall swiftly vomit forth from your belly that learning of mine which you formerly studied.'

Verse 93 (skanda.6.278.93)

एवमुक्त्वा स चामंत्र्य मंत्रैराथर्वणैर्जलम् पानाय प्रददौ तस्मै वांत्यर्थं सद्विजोत्तमः

evamuktvā sa cāmaṁtrya maṁtrairātharvaṇairjalam pānāya pradadau tasmai vāṁtyarthaṁ sadvijottamaḥ

Having said this, that excellent brahmin, having consecrated the water with Atharvan mantras, gave it to him to drink, for the sake of causing vomiting.

Verse 94 (skanda.6.278.94)

याज्ञवल्क्योऽपि तत्पीत्वा जलं तेनाभिमंत्रितम् वांतिं कृत्वा सहान्नेन तद्विद्यां तां परित्यजत्

yājñavalkyo'pi tatpītvā jalaṁ tenābhimaṁtritam vāṁtiṁ kṛtvā sahānnena tadvidyāṁ tāṁ parityajat

Yajnavalkya too, having drunk that water consecrated by him, vomited, and, along with the food, gave up that learning.

Verse 95 (skanda.6.278.95)

ततो मूढत्वमापन्नो विश्वामित्रह्रदं शुभम् गत्वा स्नातो विधानेन शुचि र्भूत्वा समाहितः

tato mūḍhatvamāpanno viśvāmitrahradaṁ śubham gatvā snāto vidhānena śuci rbhūtvā samāhitaḥ

Then, reduced to bewilderment, he went to the auspicious Vishvamitra pool, bathed according to rite, and, becoming pure, composed his mind.

Verse 96 (skanda.6.278.96)

चकार मूर्तीस्ता भक्त्या रवेर्द्वादशसंख्यया प्रतिष्ठाप्य ततः सर्वाः पूजयामास भक्तितः

cakāra mūrtīstā bhaktyā raverdvādaśasaṁkhyayā pratiṣṭhāpya tataḥ sarvāḥ pūjayāmāsa bhaktitaḥ

He devoutly made twelve images of the sun, and, having installed them all, worshipped them with devotion.

Verse 97 (skanda.6.278.97)

धाता मित्रोऽर्यमा शक्रो वरुणः सांब एव च भगो विवस्वान्पूषा च सविता दशमस्तथा एकादशस्तथा त्वष्टा विष्णुर्द्वादश उच्यते

dhātā mitro'ryamā śakro varuṇaḥ sāṁba eva ca bhago vivasvānpūṣā ca savitā daśamastathā ekādaśastathā tvaṣṭā viṣṇurdvādaśa ucyate

Dhata, Mitra, Aryama, Shakra, Varuna, and Samba; Bhaga, Vivasvan, Pusha, and Savita as the tenth; Tvashta as the eleventh; and Vishnu is said to be the twelfth.

Verse 98 (skanda.6.278.98)

एवं द्वादशधा सूर्यः स्थापितोऽत्र विपश्चिता आराधितस्ततो नित्यं गन्धपुष्पानुलेपनैः

evaṁ dvādaśadhā sūryaḥ sthāpito'tra vipaścitā ārādhitastato nityaṁ gandhapuṣpānulepanaiḥ

Thus the sun, in twelve forms, was established there by that wise man, and worshipped daily thereafter with fragrance, flowers, and unguents.

Verse 99 (skanda.6.278.99)

ततः कालेन महता गत्वा प्रत्यक्षतां रविः प्रोवाच सुन्दरं प्रीत्या वाक्यमेतन्मुनिं प्रति

tataḥ kālena mahatā gatvā pratyakṣatāṁ raviḥ provāca sundaraṁ prītyā vākyametanmuniṁ prati

Then, after a long time, the sun, becoming directly manifest, spoke this beautiful word with affection to the sage.

Verse 100 (skanda.6.278.100)

याज्ञवल्क्य प्रतुष्टोऽहं तव ब्राह्मणसत्तम इष्टं ददामि ते ब्रूहि यद्यत्संप्रति वांछितम्

yājñavalkya pratuṣṭo'haṁ tava brāhmaṇasattama iṣṭaṁ dadāmi te brūhi yadyatsaṁprati vāṁchitam

'O Yajnavalkya, best of brahmins, I am well pleased with you; I grant you your desire — tell me whatever you now wish.'

Verse 101 (skanda.6.278.101)

याज्ञवल्क्य उवाच वरं ददासि चेन्मह्यं वेदपाठे नियोजय मां विभो येन शिष्यत्वं तव गच्छामि सांप्रतम्

yājñavalkya uvāca varaṁ dadāsi cenmahyaṁ vedapāṭhe niyojaya māṁ vibho yena śiṣyatvaṁ tava gacchāmi sāṁpratam

Yajnavalkya said: 'If you grant me a boon, then engage me, O lord, in the study of the Veda, so that I may now become your disciple.'

Verse 102 (skanda.6.278.102)

आदित्य उवाच मया पर्यटनं कार्यं सदैव द्विजसत्तम मेरोः प्रदक्षिणार्थाय लोकालोककृते द्विज

āditya uvāca mayā paryaṭanaṁ kāryaṁ sadaiva dvijasattama meroḥ pradakṣiṇārthāya lokālokakṛte dvija

Aditya said: 'O best of brahmins, I must ever be traveling, circling Mount Meru, for the sake of illuminating the worlds up to Lokaloka.'

Verse 103 (skanda.6.278.103)

तत्कथं योजयामि त्वां वेदपाठेन स द्विज

tatkathaṁ yojayāmi tvāṁ vedapāṭhena sa dvija

'How then shall I engage you, O brahmin, in the study of the Veda?'

Verse 104 (skanda.6.278.104)

तस्मात्त्वं लघुतां गत्वा मम मुख्यहयस्य च श्रवणे तिष्ठ मद्वाक्यात्तेजसा चैव येन मे

tasmāttvaṁ laghutāṁ gatvā mama mukhyahayasya ca śravaṇe tiṣṭha madvākyāttejasā caiva yena me

'Therefore, having taken on a small form, at my word, take your place in the ear of my chief horse, so that by my own radiance...'

Verse 105 (skanda.6.278.105)

न दह्यसि महाभाग तत्र स्थोऽध्ययनं कुरु स तथेति प्रतिज्ञाय प्रविश्यादित्यवाजिनः

na dahyasi mahābhāga tatra stho'dhyayanaṁ kuru sa tatheti pratijñāya praviśyādityavājinaḥ

'...you shall not be burnt, O most fortunate one; standing there, pursue your study.' Agreeing 'so be it,' entering into the ear of Aditya's horse...

Verse 106 (skanda.6.278.106)

कर्णेऽपठत्ततो वेदांश्चतुरोऽपि च तन्मुखात् अंगोपांगसमोपेतान्परिशिष्टसमन्वितान्

karṇe'paṭhattato vedāṁścaturo'pi ca tanmukhāt aṁgopāṁgasamopetānpariśiṣṭasamanvitān

...he then studied, from that horse's own mouth, all four Vedas together with their limbs, sub-limbs, and supplementary texts.

Verse 107 (skanda.6.278.107)

ततः समाप्ते स प्राह प्रार्थयस्व विभो हि माम् प्रदास्यामि न सन्देहस्तवाद्य गुरुदक्षिणाम्

tataḥ samāpte sa prāha prārthayasva vibho hi mām pradāsyāmi na sandehastavādya gurudakṣiṇām

Then, when it was complete, he said: 'Ask of me, O lord; I shall now, without doubt, give you a guru's fee.'

Verse 108 (skanda.6.278.108)

आदित्य उवाच यानि सूक्तानि ऋग्वेदे मदीयानि द्विजोत्तम सावनानि यजुर्वेदे सामानि च तृतीयके

āditya uvāca yāni sūktāni ṛgvede madīyāni dvijottama sāvanāni yajurvede sāmāni ca tṛtīyake

Aditya said: 'O best of brahmins, the hymns concerning me in the Rigveda, the Savana rites concerning me in the Yajurveda, and the chants concerning me in the third Samaveda...'

Verse 109 (skanda.6.278.109)

कल्पोक्तानि चतुर्थे च तानि सर्वाणि भूतले त्वया प्रचारणीयानि कृत्वा व्याख्यानमुत्तमम्

kalpoktāni caturthe ca tāni sarvāṇi bhūtale tvayā pracāraṇīyāni kṛtvā vyākhyānamuttamam

'...and those declared concerning me in the ritual texts of the fourth Atharva — all of these must be propagated by you upon the earth, together with an excellent exposition.'

Verse 110 (skanda.6.278.110)

ये द्विजास्तानि सर्वाणि कीर्तयिष्यंति मे पुरः ते सर्वे पाप निर्मुक्ताः प्रयास्यंति दिवालयम्

ye dvijāstāni sarvāṇi kīrtayiṣyaṁti me puraḥ te sarve pāpa nirmuktāḥ prayāsyaṁti divālayam

'Whatever brahmins recite all of these before me — all of them, freed from sin, shall go to the abode of heaven.'

Verse 111 (skanda.6.278.111)

व्याख्यास्यंति पुनर्ये च मम भक्तिपरायणाः ते यास्यंति द्विजा मुक्तिं सत्यमेतन्मयोदितम्

vyākhyāsyaṁti punarye ca mama bhaktiparāyaṇāḥ te yāsyaṁti dvijā muktiṁ satyametanmayoditam

'And whoever, devoted to me, shall further explain them — those brahmins shall attain liberation; this I have truly declared.'

Verse 112 (skanda.6.278.112)

सूत उवाच एवं वेदान्पठित्वा स प्रदत्त्वा गुरुदक्षिणाम् सूर्यायाभ्यागतो भूयश्चमत्कारपुरं प्रति

sūta uvāca evaṁ vedānpaṭhitvā sa pradattvā gurudakṣiṇām sūryāyābhyāgato bhūyaścamatkārapuraṁ prati

Suta said: Having thus studied the Vedas, and having given the fee to the Sun, he came again to Chamatkarapura.

Verse 113 (skanda.6.278.113)

ततः शाकल्यमभ्येत्य गुरुस्त्वं प्राङ् मम स्थितः प्रार्थयस्व महाभाग दास्यामि गुरुदक्षिणाम्

tataḥ śākalyamabhyetya gurustvaṁ prāṅ mama sthitaḥ prārthayasva mahābhāga dāsyāmi gurudakṣiṇām

Then, approaching Shakalya, he said: 'You were formerly my guru, most fortunate one; ask of me — I shall give you a guru's fee.'

Verse 114 (skanda.6.278.114)

ज्येष्ठो भ्राता पिता चैव माता चैव गुरुस्तथा वैरुद्ध्येनापि वर्तंते यद्येते द्विजसतम तथापि पूजनीयाश्च पुरुषेण न संशयः

jyeṣṭho bhrātā pitā caiva mātā caiva gurustathā vairuddhyenāpi vartaṁte yadyete dvijasatama tathāpi pūjanīyāśca puruṣeṇa na saṁśayaḥ

'O foremost of brahmins, even if an elder brother, a father, a mother, or a guru acts in hostility, they are still, without doubt, to be honored by a man.'

Verse 115 (skanda.6.278.115)

सांगोपांगा मयाधीता वेदाश्चत्वार एव च अधीताश्चैव सर्वेषां तेषामर्थोऽवधारितः

sāṁgopāṁgā mayādhītā vedāścatvāra eva ca adhītāścaiva sarveṣāṁ teṣāmartho'vadhāritaḥ

'I have studied the four Vedas together with all their limbs and sub-limbs, and I have grasped the meaning of all of them.'

Verse 116 (skanda.6.278.116)

तत्त्वं वद महाभाग कां ते यच्छामि दक्षिणाम्

tattvaṁ vada mahābhāga kāṁ te yacchāmi dakṣiṇām

'So tell me, most fortunate one, what fee shall I give you?'

Verse 117 (skanda.6.278.117)

शाकल्य उवाच यानि वेदरहस्यानि सूर्येण कथितानि ते

śākalya uvāca yāni vedarahasyāni sūryeṇa kathitāni te

Shakalya said: 'Those hidden mysteries of the Veda which were declared to you by the Sun...'

Verse 118 (skanda.6.278.118)

यैः स्यात्पापप्रणाशश्च व्याख्यातैः पठितैस्तथा तानि मे कीर्तय क्षिप्रमेषा मे गुरुदक्षिणा ११८ याज्ञवल्क्य उवाच तदागच्छ मया सार्धं यत्र सूर्याः प्रतिष्ठिताः मया द्वादश तेषां च कीर्तयिष्यामि चात्रतः

yaiḥ syātpāpapraṇāśaśca vyākhyātaiḥ paṭhitaistathā tāni me kīrtaya kṣiprameṣā me gurudakṣiṇā 118 yājñavalkya uvāca tadāgaccha mayā sārdhaṁ yatra sūryāḥ pratiṣṭhitāḥ mayā dvādaśa teṣāṁ ca kīrtayiṣyāmi cātrataḥ

'...by which sin is destroyed, whether they be expounded or recited — declare those to me quickly; this shall be my guru's fee.' Yajnavalkya said: 'Then come with me, to where the twelve suns, established by me, stand; I shall recite them there.'

Verse 119 (skanda.6.278.119)

तच्छ्रुत्वा शिष्यसंयुक्तः शाकल्यस्तैश्च सद्द्विजैः शिष्यैस्तिष्ठन्ति ये तत्र स्थापितास्तेन भास्कराः

tacchrutvā śiṣyasaṁyuktaḥ śākalyastaiśca saddvijaiḥ śiṣyaistiṣṭhanti ye tatra sthāpitāstena bhāskarāḥ

Hearing this, Shakalya, together with his disciples, and with those good brahmins — the disciples who dwelt there — went to where the suns had been established.

Verse 120 (skanda.6.278.120)

ततस्तु कीर्तयामास व्याख्यानं तत्पुरः स्थितः वेदान्तानां च सर्वेषां यथोक्तं रविणा पुरा

tatastu kīrtayāmāsa vyākhyānaṁ tatpuraḥ sthitaḥ vedāntānāṁ ca sarveṣāṁ yathoktaṁ raviṇā purā

Then, standing before them, he recited the exposition of all the Vedantic teachings, just as had been declared to him formerly by the Sun.

Verse 121 (skanda.6.278.121)

अवसाने च तेषां तु चतुश्चरणसंभवैः ब्राह्मणैर्याज्ञवल्क्यस्तु वेदान्तज्ञैः प्रतोषितः

avasāne ca teṣāṁ tu catuścaraṇasaṁbhavaiḥ brāhmaṇairyājñavalkyastu vedāntajñaiḥ pratoṣitaḥ

At the conclusion of it, Yajnavalkya was gratified by those brahmins, born of the four orders, knowers of the Vedanta.

Verse 122 (skanda.6.278.122)

प्रोक्तस्तव प्रसादेन वेदांतज्ञा वयं स्थिताः श्रुताध्ययनसंपन्ना याचस्व गुरुदक्षिणाम्

proktastava prasādena vedāṁtajñā vayaṁ sthitāḥ śrutādhyayanasaṁpannā yācasva gurudakṣiṇām

They said to him: 'By your grace, we have become knowers of the Vedanta, accomplished in the study of the shruti; ask now for your guru's fee.'

Verse 123 (skanda.6.278.123)

याज्ञवल्क्य उवाच एतेषां भास्कराणां च मदीयानां पुरो द्विजाः कीर्तयिष्यंति ये विप्रास्तेषां युष्मत्प्रसादतः भूया स्वर्गगतिर्विप्रा एषा मे गुरु दक्षिणा

yājñavalkya uvāca eteṣāṁ bhāskarāṇāṁ ca madīyānāṁ puro dvijāḥ kīrtayiṣyaṁti ye viprāsteṣāṁ yuṣmatprasādataḥ bhūyā svargagatirviprā eṣā me guru dakṣiṇā

Yajnavalkya said: 'O brahmins, whatever brahmins recite this before these suns of mine — let them, by your grace, attain the path to heaven; this shall be my guru's fee.'

Verse 124 (skanda.6.278.124)

ये पुनर्भक्तिसंयुक्ताः करिष्यंति विचारणम् तेषां तुर्यपदं यच्च जरामरणवर्जितम्

ye punarbhaktisaṁyuktāḥ kariṣyaṁti vicāraṇam teṣāṁ turyapadaṁ yacca jarāmaraṇavarjitam

'And whoever, filled with devotion, shall further engage in reflection upon it — for them shall come the fourth state, free of old age and death.'

Verse 125 (skanda.6.278.125)

ब्राह्मणा ऊचुः भविष्यति कलौ विप्रा दौस्थ्यभावसमन्विताः पठने नैव शक्ताश्च व्याख्यानस्य च का कथा

brāhmaṇā ūcuḥ bhaviṣyati kalau viprā dausthyabhāvasamanvitāḥ paṭhane naiva śaktāśca vyākhyānasya ca kā kathā

The brahmins said: 'In the Kali age, brahmins shall become afflicted with hardship, unable even to recite — let alone expound.'

Verse 126 (skanda.6.278.126)

तस्मात्सारस्वतं ब्रूहि वेदानां द्विजसत्तम अपि दौस्थ्यसमायुक्ता येन ते कीर्तयंति च

tasmātsārasvataṁ brūhi vedānāṁ dvijasattama api dausthyasamāyuktā yena te kīrtayaṁti ca

'Therefore, O foremost of brahmins, tell us the essence of the Vedas, by which even those beset by hardship may still recite them.'

Verse 127 (skanda.6.278.127)

याज्ञवल्क्य उवाच रथं युञ्जंति सूक्तं यत्प्रथमं वित्तलक्षणम् त्रिष्टुभेति च यत्सूक्तं तथाद्यं ब्राह्मणोत्तमाः

yājñavalkya uvāca rathaṁ yuñjaṁti sūktaṁ yatprathamaṁ vittalakṣaṇam triṣṭubheti ca yatsūktaṁ tathādyaṁ brāhmaṇottamāḥ

Yajnavalkya said: 'O best of brahmins, first the hymn rathaṁ yuñjanti, marked as bestowing wealth; and the hymn in the Trishtubh meter as well, first among them...'

Verse 128 (skanda.6.278.128)

चित्रं देवानामिति च तथान्यत्तस्य वल्लभम् हंसः शुचिषदित्युक्तं ततश्चापि प्रहर्षदम्

citraṁ devānāmiti ca tathānyattasya vallabham haṁsaḥ śuciṣadityuktaṁ tataścāpi praharṣadam

'...and citraṁ devānām, and another dear to it; and haṁsaḥ śuciṣad, declared, and then also a joy-bestowing hymn...'

Verse 129 (skanda.6.278.129)

पावमानं तथा सूक्तं ये पठिष्यंति बह्वृचः इत्येषामाद्यमेवं तु ते यास्यंति परां गतिम्

pāvamānaṁ tathā sūktaṁ ye paṭhiṣyaṁti bahvṛcaḥ ityeṣāmādyamevaṁ tu te yāsyaṁti parāṁ gatim

'...and the Pavamana hymn — whatever Rigvedic reciters recite these, first among their texts, shall attain the supreme goal.'

Verse 130 (skanda.6.278.130)

एकविंशतिसामानि आदित्येष्टानि यानि च सामगाः कीर्तयिष्यंति येऽत्रस्थाः शुचयः स्थिताः

ekaviṁśatisāmāni ādityeṣṭāni yāni ca sāmagāḥ kīrtayiṣyaṁti ye'trasthāḥ śucayaḥ sthitāḥ

'The twenty-one Sama chants dedicated to Aditya — whatever pure Samavedins, established here, shall recite them...'

Verse 131 (skanda.6.278.131)

निश्चयं तु परं धृत्वा येऽपि स्तोष्यंति भास्करम् ततस्तेऽपि प्रयास्यंति निर्भिद्य रविमंडलम्

niścayaṁ tu paraṁ dhṛtvā ye'pi stoṣyaṁti bhāskaram tataste'pi prayāsyaṁti nirbhidya ravimaṁḍalam

'...and whoever, holding firm resolve, shall praise the sun — they too shall go on, piercing through the very orb of the sun.'

Verse 132 (skanda.6.278.132)

क्षुरिकासंपुटं चैव सूर्यकल्पं तथैव च शांतिकल्पसमायुक्तं कीर्तयिष्यंति ये द्विजाः

kṣurikāsaṁpuṭaṁ caiva sūryakalpaṁ tathaiva ca śāṁtikalpasamāyuktaṁ kīrtayiṣyaṁti ye dvijāḥ

'And whatever brahmins shall recite the Kshurika-samputa, and likewise the Surya-kalpa, joined with the Shanti-kalpa...'

Verse 133 (skanda.6.278.133)

अथर्वपाठकास्तेऽपि प्रयास्यंति परां गतिम् मूर्खा अपि समागत्य संप्राप्ते सूर्यवासरे

atharvapāṭhakāste'pi prayāsyaṁti parāṁ gatim mūrkhā api samāgatya saṁprāpte sūryavāsare

'...those reciters of the Atharva too shall attain the supreme goal. And even fools, having gathered together, when Sunday arrives...'

Verse 134 (skanda.6.278.134)

प्रणामं ये करिष्यंति श्रद्धया परया युताः सप्तरात्रकृतात्पापान्मुक्तिं प्राप्संति ते द्विजाः

praṇāmaṁ ye kariṣyaṁti śraddhayā parayā yutāḥ saptarātrakṛtātpāpānmuktiṁ prāpsaṁti te dvijāḥ

'...whoever, filled with supreme faith, shall offer a bow — those brahmins shall obtain freedom from the sins of the preceding seven nights.'

Verse 135 (skanda.6.278.135)

सूत उवाच तथेति तैः प्रतिज्ञाते चतुश्चरणसंभवैः ब्राह्मणैर्याज्ञवल्क्यस्तु विज्ञातो येन केन तु

sūta uvāca tatheti taiḥ pratijñāte catuścaraṇasaṁbhavaiḥ brāhmaṇairyājñavalkyastu vijñāto yena kena tu

Suta said: When those brahmins, born of the four orders, had thus agreed 'so be it,' Yajnavalkya became known far and wide, by one means or another.

Verse 136 (skanda.6.278.136)

विदेहेन ततः प्राप्तः श्रवणार्थं नराधिपः वेदांतानां च सर्वेषां रत्नाख्येन महीभुजा

videhena tataḥ prāptaḥ śravaṇārthaṁ narādhipaḥ vedāṁtānāṁ ca sarveṣāṁ ratnākhyena mahībhujā

Then a king of Videha, named Ratna, came to him for the sake of hearing all the Vedantic teachings.

Verse 137 (skanda.6.278.137)

तेनापि च परिज्ञाय माहात्म्यं सूर्यसं भवम् ततः संस्थापितः सूर्यस्तस्मिन्स्थाने द्विजोत्तमाः

tenāpi ca parijñāya māhātmyaṁ sūryasaṁ bhavam tataḥ saṁsthāpitaḥ sūryastasminsthāne dvijottamāḥ

O best of brahmins, he too, having learned of the greatness arisen from the sun, thereupon had the sun established in that place.

Verse 138 (skanda.6.278.138)

तं चापि सूर्यवारेण यः प्रपश्यति मानवः सप्तरात्रकृतात्पापान्मुच्यते नात्र संशयः

taṁ cāpi sūryavāreṇa yaḥ prapaśyati mānavaḥ saptarātrakṛtātpāpānmucyate nātra saṁśayaḥ

And whatever man beholds him on Sunday is freed, without doubt, from the sins of the preceding seven nights.

Verse 139 (skanda.6.278.139)

एतद्वः कथितं सर्वं माहात्म्यं सूर्यसंभवम् यः शृणोति नरो भक्त्या अश्वमेधफलं लभेत्

etadvaḥ kathitaṁ sarvaṁ māhātmyaṁ sūryasaṁbhavam yaḥ śṛṇoti naro bhaktyā aśvamedhaphalaṁ labhet

Thus this entire greatness arisen from the sun has been told to you; whatever man hears it with devotion obtains the fruit of an Ashvamedha sacrifice.

Verse 140 (skanda.6.278.140)

संक्रांतौ यत्प्रदानेन सूर्ये वा श्रवणेन तु तत्फलं समवाप्नोति श्रुत्वा माहात्म्यमुतमम्

saṁkrāṁtau yatpradānena sūrye vā śravaṇena tu tatphalaṁ samavāpnoti śrutvā māhātmyamutamam

Whatever fruit comes from donation at the solstice, or from hearing praise of the sun — that very fruit is obtained by hearing this excellent greatness.