The Glory of Agastya's Hermitage

Verse 1 (skanda.6.33.1)

सूत उवाच । अगस्त्यस्याश्रमोऽन्योस्ति तथा तत्र द्विजोत्तमाः । यत्र तिष्ठति विश्वात्मा स्वयं देवो महेश्वरः

sūta uvāca | agastyasyāśramo'nyosti tathā tatra dvijottamāḥ | yatra tiṣṭhati viśvātmā svayaṁ devo maheśvaraḥ

Suta said: O best of brahmins, there is also there another hermitage of Agastya, where the great god Maheshvara, the soul of the universe, himself dwells.

Verse 2 (skanda.6.33.2)

शुक्लपक्षे चतुर्दश्यां चैत्रमासे दिवाकरः । स्वयमभ्येत्य देवेशं पूजयत्येव शंकरम्

śuklapakṣe caturdaśyāṁ caitramāse divākaraḥ | svayamabhyetya deveśaṁ pūjayatyeva śaṁkaram

On the fourteenth of the bright fortnight of Chaitra, the Sun himself comes there and worships the lord of gods, Shankara.

Verse 3 (skanda.6.33.3)

तस्मादन्योऽपि यस्तस्यां भक्त्या चागत्य शंकरम् । तमेव पूजयेद्भक्त्या स याति देवमन्दिरम्

tasmādanyo'pi yastasyāṁ bhaktyā cāgatya śaṁkaram | tameva pūjayedbhaktyā sa yāti devamandiram

Therefore, whoever else comes there on that day and worships Shankara with devotion attains the abode of the god.

Verse 4 (skanda.6.33.4)

यस्तत्र कुरुते श्राद्धं सम्यक्छ्रद्धासमन्वितः । पितरस्तस्य तृप्यंते पितृमेधे कृते यथा

yastatra kurute śrāddhaṁ samyakchraddhāsamanvitaḥ | pitarastasya tṛpyaṁte pitṛmedhe kṛte yathā

Whoever performs shraddha there properly, with full faith, his ancestors are satisfied just as they would be by the performance of the great ancestral sacrifice.

Verse 5 (skanda.6.33.5)

ऋषयः उवाच । अगस्त्यस्याश्रमं प्राप्य कस्माद्देवो दिवाकरः । प्रदक्षिणां प्रकुरुते वदैतन्मे सुविस्तरम्

ṛṣayaḥ uvāca | agastyasyāśramaṁ prāpya kasmāddevo divākaraḥ | pradakṣiṇāṁ prakurute vadaitanme suvistaram

The sages said: Why does the Sun-god, on reaching Agastya's hermitage, circumambulate it? Tell us this in full detail.

Verse 6 (skanda.6.33.6)

सूत उवाच । कथयामि कथामेतां शृणुत द्विज सत्तमाः । अस्ति विंध्य इति ख्यातः पर्वतः पृथिवीतले

sūta uvāca | kathayāmi kathāmetāṁ śṛṇuta dvija sattamāḥ | asti viṁdhya iti khyātaḥ parvataḥ pṛthivītale

Suta said: Listen, O best of brahmins, I shall tell this tale. There is, upon the earth, a mountain renowned by the name Vindhya.

Verse 7 (skanda.6.33.7)

यस्य वृक्षाग्रशाखायां संलग्नास्तरणेः कराः । पुष्पपूगा इवाधःस्थैर्लक्ष्यंते मुग्धसि द्धकैः

yasya vṛkṣāgraśākhāyāṁ saṁlagnāstaraṇeḥ karāḥ | puṣpapūgā ivādhaḥsthairlakṣyaṁte mugdhasi ddhakaiḥ

On whose treetops the sun's rays, caught in the topmost branches, appear to the innocent siddhas standing below as though they were clusters of flowers.

Verse 8 (skanda.6.33.8)

अनभिज्ञास्तमिस्रस्य यस्य सानुनिवासिनः । रत्नप्रभाप्रणुन्नस्य कृष्णपक्षनिशास्वपि

anabhijñāstamisrasya yasya sānunivāsinaḥ | ratnaprabhāpraṇunnasya kṛṣṇapakṣaniśāsvapi

Whose mountain-dwellers, upon its ridges, know nothing of darkness, since the radiance of its gems dispels the night even during the dark fortnight.

Verse 9 (skanda.6.33.9)

यस्य सानुषु मुंचंतो भांति पुष्पाणि पादपाः । वायुवेगवशान्नूनं नीरौघ नीरदा इव

yasya sānuṣu muṁcaṁto bhāṁti puṣpāṇi pādapāḥ | vāyuvegavaśānnūnaṁ nīraugha nīradā iva

On whose ridges the trees, scattering their blossoms in the force of the wind, shine forth like rain-clouds pouring down showers of water.

Verse 10 (skanda.6.33.10)

यस्मिन्नानामृगा भांति धावमाना इतस्ततः । कलत्रपुत्रपुष्ट्यर्थं लोभार्थं मानवा इव

yasminnānāmṛgā bhāṁti dhāvamānā itastataḥ | kalatraputrapuṣṭyarthaṁ lobhārthaṁ mānavā iva

On which mountain the various deer, running hither and thither, appear just like men, running about out of greed to provide for their wives and children.

Verse 11 (skanda.6.33.11)

निर्यासच्छद्मना बाष्पं वासिताशेषदिङ्मुखम् । मुञ्चंति तरवो यत्र दन्तिदन्तक्षतत्वचः

niryāsacchadmanā bāṣpaṁ vāsitāśeṣadiṅmukham | muñcaṁti taravo yatra dantidantakṣatatvacaḥ

Where the trees, their bark torn by the tusks of elephants, seem to shed tears in the guise of their resin, perfuming every quarter of the sky.

Verse 12 (skanda.6.33.12)

चीरिकाविरुतैर्दीर्घै रुदंत इव चापरे । हस्तिहस्तहता वृक्षा मन्यन्ते यस्य सानुषु

cīrikāvirutairdīrghai rudaṁta iva cāpare | hastihastahatā vṛkṣā manyante yasya sānuṣu

On whose ridges other trees, struck by the trunks of elephants, seem, through the long cries of birds, as though they were weeping.

Verse 13 (skanda.6.33.13)

इतश्चेतश्च गच्छद्भिर्निर्झरांभोभिरावृतः । शुशुभे सितवस्त्राढ्यैः पुमानिव विभूषितः

itaścetaśca gacchadbhirnirjharāṁbhobhirāvṛtaḥ | śuśubhe sitavastrāḍhyaiḥ pumāniva vibhūṣitaḥ

That mountain, girded round by the waters of streams flowing this way and that, shone forth like a man adorned in garments of white.

Verse 14 (skanda.6.33.14)

यस्य स्पर्द्धा समुत्पन्ना पूर्वं सह सुमेरुणा । ततः प्राह सहस्रांशुं गत्वा स क्रोधमूर्च्छितः

yasya sparddhā samutpannā pūrvaṁ saha sumeruṇā | tataḥ prāha sahasrāṁśuṁ gatvā sa krodhamūrcchitaḥ

That mountain once conceived a rivalry with Mount Sumeru; then, overcome with rage, he went to the Sun and said --

Verse 15 (skanda.6.33.15)

कस्माद्भास्कर मेरोस्त्वं प्रकरोषि प्रदक्षिणाम् । कुलपर्वतसंज्ञेऽपि न करोषि कथं मयि

kasmādbhāskara merostvaṁ prakaroṣi pradakṣiṇām | kulaparvatasaṁjñe'pi na karoṣi kathaṁ mayi

"O Bhaskara, why do you circumambulate Meru? Why do you not circumambulate me, who am likewise called a great mountain?"

Verse 16 (skanda.6.33.16)

भास्कर उवाच । न वयं श्रद्धया तस्य गिरेः कुर्मः प्रदक्षिणाम् । एष मे विहितः पन्था येनेदं विहितं जगत्

bhāskara uvāca | na vayaṁ śraddhayā tasya gireḥ kurmaḥ pradakṣiṇām | eṣa me vihitaḥ panthā yenedaṁ vihitaṁ jagat

Bhaskara said: It is not out of devotion that we circumambulate that mountain; this path was fixed for me by him who ordained this entire universe.

Verse 17 (skanda.6.33.17)

तस्य तुंगानि शृंगाणि व्याप्य खं संश्रितानि च । तेन संजायते तस्य बलादेव प्रदक्षिणा

tasya tuṁgāni śṛṁgāṇi vyāpya khaṁ saṁśritāni ca | tena saṁjāyate tasya balādeva pradakṣiṇā

His lofty peaks pervade and rest upon the sky itself; it is for this reason alone -- by sheer necessity, not devotion -- that circumambulation of him comes about.

Verse 18 (skanda.6.33.18)

एतच्छ्रुत्वा विशेषेण संक्रुद्धो विंध्यपर्वतः । प्रोवाच पश्य भानो त्वं तर्हि तुंगत्वमद्य मे । रुरोधाथ नभोमार्गं येन गच्छति भास्करः

etacchrutvā viśeṣeṇa saṁkruddho viṁdhyaparvataḥ | provāca paśya bhāno tvaṁ tarhi tuṁgatvamadya me | rurodhātha nabhomārgaṁ yena gacchati bhāskaraḥ

Hearing this, Mount Vindhya grew intensely enraged and said, "Behold, O Sun, my own loftiness this very day!" -- and he blocked the very path of the sky along which the Sun travels.

Verse 19 (skanda.6.33.19)

अथ रुद्धं समालोक्य मार्गं वासरनायकः । चिन्तयामास चित्ते स्वे सांप्रतं किं करोम्यहम्

atha ruddhaṁ samālokya mārgaṁ vāsaranāyakaḥ | cintayāmāsa citte sve sāṁprataṁ kiṁ karomyaham

Seeing his path blocked, the lord of the day, the Sun, fell to thinking within himself: What am I to do now?

Verse 20 (skanda.6.33.20)

करोमि यद्यहं चास्य पर्वतस्य प्रदक्षिणाम् । तद्भविष्यति कालस्य चलनं भुवनत्रये

karomi yadyahaṁ cāsya parvatasya pradakṣiṇām | tadbhaviṣyati kālasya calanaṁ bhuvanatraye

If I begin to circumambulate this mountain, the very motion of time in the three worlds will be thrown into disorder.

Verse 21 (skanda.6.33.21)

मासर्तुभुवनानां च तथा भावी विपर्ययः । अग्निष्टोमादिकाः सर्वाः क्रिया यास्यंति संक्षयम् । नष्टयज्ञोत्सवे लोके देवानां स्यान्महाव्यथा

māsartubhuvanānāṁ ca tathā bhāvī viparyayaḥ | agniṣṭomādikāḥ sarvāḥ kriyā yāsyaṁti saṁkṣayam | naṣṭayajñotsave loke devānāṁ syānmahāvyathā

There would then follow a reversal of months, seasons, and worlds; all the rites, from the Agnishtoma sacrifice onward, would come to ruin; and with sacrificial festivals lost, the gods themselves would suffer great distress.

Verse 22 (skanda.6.33.22)

एवं संचिन्त्य चित्तेन बहुधा तीक्ष्णदीधितिः । जगाम मनसा भीतः सोऽगस्त्यं मुनिपुंगवम्

evaṁ saṁcintya cittena bahudhā tīkṣṇadīdhitiḥ | jagāma manasā bhītaḥ so'gastyaṁ munipuṁgavam

Having thus deliberated at length within his mind, the radiant Sun, filled with fear, went to that foremost of sages, Agastya.

Verse 23 (skanda.6.33.23)

नान्योस्ति वारणे शक्तो विंधस्यास्य हि तं विना । अगस्त्यं ब्राह्मणश्रेष्ठं मित्रावरुणसंभवम्

nānyosti vāraṇe śakto viṁdhasyāsya hi taṁ vinā | agastyaṁ brāhmaṇaśreṣṭhaṁ mitrāvaruṇasaṁbhavam

For there was none capable of checking this Vindhya save Agastya alone, that foremost of brahmins, born of Mitra and Varuna.

Verse 24 (skanda.6.33.24)

ततो द्विजमयं रूपं स कृत्वा तीक्ष्णदीधितिः । चमत्कारपुरक्षेत्रे तस्याश्रमपदं ययौ

tato dvijamayaṁ rūpaṁ sa kṛtvā tīkṣṇadīdhitiḥ | camatkārapurakṣetre tasyāśramapadaṁ yayau

Then that radiant one, assuming the form of a brahmin, went to Agastya's hermitage in the field of Chamatkarapura.

Verse 25 (skanda.6.33.25)

ततस्तु वैश्वदेवांते वेदोच्चारपरायणः । प्रोवाच सोऽतिथिः प्राप्तस्तवाहं मुनिसत्तम

tatastu vaiśvadevāṁte vedoccāraparāyaṇaḥ | provāca so'tithiḥ prāptastavāhaṁ munisattama

At the close of the Vaishvadeva rite, to Agastya, who was intent on the recitation of the Veda, he said: O foremost of sages, I have come to you as a guest.

Verse 26 (skanda.6.33.26)

ततोऽगस्त्यः कृतानन्दः स्वागतं ते महामुने । मनोरथ इवाध्यातो योऽग्निकार्यांत आगतः

tato'gastyaḥ kṛtānandaḥ svāgataṁ te mahāmune | manoratha ivādhyāto yo'gnikāryāṁta āgataḥ

Then Agastya, filled with joy, said: Welcome, O great sage; you have come, just as though summoned by my own heart's wish, at the very close of my fire-rite.

Verse 27 (skanda.6.33.27)

तत्त्वं ब्रूहि मुनिश्रेष्ठ यद्ददामि तवेप्सितम् । अदेयं नास्ति मे किञ्चित्कालेऽस्मिन्प्रार्थितस्य च

tattvaṁ brūhi muniśreṣṭha yaddadāmi tavepsitam | adeyaṁ nāsti me kiñcitkāle'sminprārthitasya ca

"Tell me, O foremost of sages, what I may give you that you desire; there is nothing at this time, once asked, that I cannot give."

Verse 28 (skanda.6.33.28)

भास्कर उवाच । अहं भास्कर आयातो विप्ररूपेण सन्मुने । सर्वकार्यक्षमं मत्वा त्वामेकं भुवनत्रये

bhāskara uvāca | ahaṁ bhāskara āyāto viprarūpeṇa sanmune | sarvakāryakṣamaṁ matvā tvāmekaṁ bhuvanatraye

Bhaskara said: O worthy sage, I am the Sun, come here in the guise of a brahmin, knowing you alone, in all three worlds, to be capable of accomplishing every task.

Verse 29 (skanda.6.33.29)

त्वया पूर्वं सुरार्थाय प्रपीतः पयसांनिधिः । वातापिश्च तथा दैत्यो भक्षितो द्विजकण्टकः

tvayā pūrvaṁ surārthāya prapītaḥ payasāṁnidhiḥ | vātāpiśca tathā daityo bhakṣito dvijakaṇṭakaḥ

It was you who once, for the sake of the gods, drank up the ocean, and who devoured the demon Vatapi, that thorn in the side of brahmins.

Verse 30 (skanda.6.33.30)

तस्माद्गतिर्भवास्माकं सांप्रतं मुनिसत्तम । देवानामिह वर्णानां त्वमेव शरणं यतः

tasmādgatirbhavāsmākaṁ sāṁprataṁ munisattama | devānāmiha varṇānāṁ tvameva śaraṇaṁ yataḥ

Therefore, O foremost of sages, you alone are now our refuge, since for the gods and for all the classes of humankind here, you alone are the shelter.

Verse 31 (skanda.6.33.31)

सूत उवाच । तच्छ्रुत्वा स मुनिर्विप्रा विशेषेण प्रहर्षितः । अर्घ्यं दत्त्वा दिनेशाय ततः प्रोवाच सादरम्

sūta uvāca | tacchrutvā sa munirviprā viśeṣeṇa praharṣitaḥ | arghyaṁ dattvā dineśāya tataḥ provāca sādaram

Suta said: Hearing this, that sage was greatly pleased, and, having offered arghya to the lord of the day, respectfully said --

Verse 32 (skanda.6.33.32)

धन्योऽस्म्यनुगृहीतोस्मि यन्मे त्वं गृहमागतः । तस्माद्ब्रूहि करिष्यामि तव वाक्यमखंडितम्

dhanyo'smyanugṛhītosmi yanme tvaṁ gṛhamāgataḥ | tasmādbrūhi kariṣyāmi tava vākyamakhaṁḍitam

"I am blessed, I am favored, that you have come to my house; therefore speak, I shall carry out your word entirely."

Verse 33 (skanda.6.33.33)

भास्कर उवाच । एष विंध्याचलोऽस्माकं मार्गमावृत्य संस्थितः । स्पर्द्धया गिरिमुख्यस्य सुमेरोर्मुनिसतम

bhāskara uvāca | eṣa viṁdhyācalo'smākaṁ mārgamāvṛtya saṁsthitaḥ | sparddhayā girimukhyasya sumerormunisatama

Bhaskara said: O foremost of sages, this Vindhya, out of rivalry with Sumeru, the chief of mountains, stands blocking our path.

Verse 34 (skanda.6.33.34)

सामाद्यैर्विविधोपायैस्तस्मादेनं निवारय । कालात्ययो यथा न स्याद्गतेर्भंगस्तथा कुरु

sāmādyairvividhopāyaistasmādenaṁ nivāraya | kālātyayo yathā na syādgaterbhaṁgastathā kuru

Therefore, by conciliation and other various means, restrain him, and act so that my course is not obstructed, lest the order of time itself be violated.

Verse 35 (skanda.6.33.35)

अगस्त्य उवाच । अहं ते वारयिष्यामि वर्धमानं कुलाचलम् । स्वस्थानं गच्छ तस्मात्त्वं सुखीभव दिवाकर

agastya uvāca | ahaṁ te vārayiṣyāmi vardhamānaṁ kulācalam | svasthānaṁ gaccha tasmāttvaṁ sukhībhava divākara

Agastya said: I shall check this ever-growing great mountain; therefore go to your own place, O Sun, and be at ease.

Verse 36 (skanda.6.33.36)

सूत उवाच । ततः स प्रेषितस्तेन भास्करस्तीक्ष्णदीधितिः । स्वं स्थानं प्रययौ हृष्टस्तमामंत्र्य मुनीश्वरम्

sūta uvāca | tataḥ sa preṣitastena bhāskarastīkṣṇadīdhitiḥ | svaṁ sthānaṁ prayayau hṛṣṭastamāmaṁtrya munīśvaram

Suta said: Then, dismissed by him, the radiant Sun, taking leave of that lord of sages, went happily to his own place.

Verse 37 (skanda.6.33.37)

अगस्त्योऽपि द्रुतं गत्वा विंध्यं प्रोवाच सादरम् । न्यूनतां व्रज मद्वाक्याच्छीघ्रं पर्वतसत्तम

agastyo'pi drutaṁ gatvā viṁdhyaṁ provāca sādaram | nyūnatāṁ vraja madvākyācchīghraṁ parvatasattama

Agastya, too, going quickly, said respectfully to Vindhya: O best of mountains, at my word, lower yourself at once.

Verse 38 (skanda.6.33.38)

दाक्षिणात्येषु तीर्थेषु स्नाने जाताद्य मे मतिः । तवायत्ता गिरे सैव तत्कुरुष्व यथोचितम्

dākṣiṇātyeṣu tīrtheṣu snāne jātādya me matiḥ | tavāyattā gire saiva tatkuruṣva yathocitam

It is my wish today to bathe in the sacred fords of the southern lands; O mountain, that wish rests on you alone, so do what is fitting.

Verse 39 (skanda.6.33.39)

सूत उवाच । स तस्य वचनं श्रुत्वा विंध्यः पर्वतसत्तमः । अभजन्निम्नतां सद्यो विनयेन समन्वितः

sūta uvāca | sa tasya vacanaṁ śrutvā viṁdhyaḥ parvatasattamaḥ | abhajannimnatāṁ sadyo vinayena samanvitaḥ

Suta said: Hearing his word, Vindhya, best of mountains, with all humility, at once lowered himself.

Verse 40 (skanda.6.33.40)

अगस्त्योऽपि समासाद्य तस्यांतं दक्षिणं द्विजाः । त्वयैवं संस्थितेनाथ स्थातव्यमित्युवाच तम्

agastyo'pi samāsādya tasyāṁtaṁ dakṣiṇaṁ dvijāḥ | tvayaivaṁ saṁsthitenātha sthātavyamityuvāca tam

O brahmins, Agastya, having reached his southern end, said to him: You must remain fixed exactly in this state,

Verse 41 (skanda.6.33.41)

यावदागमनं मह्यं नात्र कार्या विचारणा । नो चेच्छापं प्रदास्यामि येन संयास्यसि क्षयम्

yāvadāgamanaṁ mahyaṁ nātra kāryā vicāraṇā | no cecchāpaṁ pradāsyāmi yena saṁyāsyasi kṣayam

until I return -- there is no need to question this. Otherwise I shall pronounce upon you a curse that will bring about your utter ruin.

Verse 42 (skanda.6.33.42)

स तथेति प्रतिज्ञाय शापाद्भीतो नगोत्तमः । न जगाम पुनर्वृद्धिं तस्यागमनवांछया

sa tatheti pratijñāya śāpādbhīto nagottamaḥ | na jagāma punarvṛddhiṁ tasyāgamanavāṁchayā

Saying "So be it," that best of mountains, fearing the curse, never again grew, ever awaiting his return.

Verse 43 (skanda.6.33.43)

सोऽपि तेनैवमार्गेण निवृत्तिं न करोति च । यावदद्यापि विप्रेंद्रा दक्षिणां दिशमाश्रितः

so'pi tenaivamārgeṇa nivṛttiṁ na karoti ca | yāvadadyāpi vipreṁdrā dakṣiṇāṁ diśamāśritaḥ

O foremost of brahmins, for this very reason Agastya, too, never returns by that path, so that even today he remains established in the southern quarter.

Verse 44 (skanda.6.33.44)

अथ तत्रैव चानीय लोपामुद्रां मुनीश्वरः । समाहूय सहस्रांशुं ततः प्रोवाच सादरम्

atha tatraiva cānīya lopāmudrāṁ munīśvaraḥ | samāhūya sahasrāṁśuṁ tataḥ provāca sādaram

Then that lord of sages, bringing Lopamudra to that very place, summoned the thousand-rayed Sun and said respectfully --

Verse 45 (skanda.6.33.45)

तव वाक्यान्मया त्यक्तः स्वाश्रमस्तीक्ष्णदीधिते । तवार्थे च न गंतव्यं भूयस्तत्र कथंचन

tava vākyānmayā tyaktaḥ svāśramastīkṣṇadīdhite | tavārthe ca na gaṁtavyaṁ bhūyastatra kathaṁcana

O radiant one, for your sake I have given up my own hermitage, and for your sake I can never again go back there in any way.

Verse 46 (skanda.6.33.46)

तस्मान्मद्वचनाद्भानो चतुर्दश्यां मधौ सिते । यन्मया स्थापितं तत्र लिंगं पूज्यं हि तत्त्वया

tasmānmadvacanādbhāno caturdaśyāṁ madhau site | yanmayā sthāpitaṁ tatra liṁgaṁ pūjyaṁ hi tattvayā

Therefore, O Sun, at my word, on the fourteenth of the bright fortnight of Chaitra, you must worship that linga which I have established there.

Verse 47 (skanda.6.33.47)

भास्कर उवाच । एवं मुने करिष्यामि तव वाक्यादसंशयम् । पूजयिष्यामि तल्लिंगं वर्षांते स्वयमेव हि

bhāskara uvāca | evaṁ mune kariṣyāmi tava vākyādasaṁśayam | pūjayiṣyāmi talliṁgaṁ varṣāṁte svayameva hi

Bhaskara said: So it shall be, O sage; at your word I shall have no doubt in this -- at the close of each year I myself shall worship that linga.

Verse 48 (skanda.6.33.48)

योऽन्यो हि तद्दिने लिंगं पूजयिष्यति मानवः । मम लोकं समासाद्य स भविष्यति मुक्तिभाक्

yo'nyo hi taddine liṁgaṁ pūjayiṣyati mānavaḥ | mama lokaṁ samāsādya sa bhaviṣyati muktibhāk

Whatever other man worships that linga on that day shall reach my own world and become a partaker of liberation.

Verse 49 (skanda.6.33.49)

सूत उवाच । एतस्मात्कारणात्तत्र भगवांस्तीक्ष्णदीधितिः । चैत्रशुक्लचतुर्दश्यां सांनिध्यं कुरुते सदा

sūta uvāca | etasmātkāraṇāttatra bhagavāṁstīkṣṇadīdhitiḥ | caitraśuklacaturdaśyāṁ sāṁnidhyaṁ kurute sadā

Suta said: For this very reason, the blessed radiant Sun ever maintains his presence there on the fourteenth of the bright fortnight of Chaitra.

Verse 50 (skanda.6.33.50)

एतद्वः सर्वमाख्यातं यत्पृष्टोस्मि द्विजोत्तमाः । भूयो वदत वै कश्चित्संदेहश्चे द्धृदि स्थितः

etadvaḥ sarvamākhyātaṁ yatpṛṣṭosmi dvijottamāḥ | bhūyo vadata vai kaścitsaṁdehaśce ddhṛdi sthitaḥ

O best of brahmins, all that you asked of me I have now related; if any doubt still remains in your hearts, speak it again.