The Origin of Jalashayin

Verse 1 (skanda.6.41.1)

सूत उवाच॥ तस्यैवोत्तरदिग्भागे देवस्य जलशायिनः॥ स्थानमस्ति सुविख्यातं सर्वपातकनाशनम्

sūta uvāca tasyaivottaradigbhāge devasya jalaśāyinaḥ sthānamasti suvikhyātaṁ sarvapātakanāśanam

Suta said: "In the northern part of that very place there is the most renowned abode of the god Jalashayin (Vishnu, who reclines upon the waters), which destroys all sins."

Verse 2 (skanda.6.41.2)

यस्तत्पूजयते भक्त्या शयने बोधने हरेः॥ उपवासपरो भूत्वा स गच्छेद्वैष्णवं पदम्

yastatpūjayate bhaktyā śayane bodhane hareḥ upavāsaparo bhūtvā sa gacchedvaiṣṇavaṁ padam

Whoever, observing a fast, worships that place with devotion at the time of Hari's reclining and awakening attains the supreme abode of Vishnu.

Verse 3 (skanda.6.41.3)

अशून्यशयनानाम द्वितीया दयिता तिथिः॥ सदैव देवदेवस्य कृष्णा सुप्तस्य या भवेत्

aśūnyaśayanānāma dvitīyā dayitā tithiḥ sadaiva devadevasya kṛṣṇā suptasya yā bhavet

The second lunar day dear to "Ashunyashayana" (the vow of the never-empty couch) is always that dark-fortnight second day on which the God of gods lies asleep.

Verse 4 (skanda.6.41.4)

तस्यां यः पूजयेत्तत्र तं देवं जलशायिनम्॥ शास्त्रोक्तेन विधानेन स गच्छति हरेः पदम्

tasyāṁ yaḥ pūjayettatra taṁ devaṁ jalaśāyinam śāstroktena vidhānena sa gacchati hareḥ padam

Whoever on that day worships that god Jalashayin according to the rite prescribed in the scriptures attains the abode of Hari.

Verse 5 (skanda.6.41.5)

ऋषय ऊचुः॥ जलशायी कथं तत्र संप्राप्तः सूतनन्दन॥ पूज्यते विधिना केन तत्सर्वं विस्तराद्वद

ṛṣaya ūcuḥ jalaśāyī kathaṁ tatra saṁprāptaḥ sūtanandana pūjyate vidhinā kena tatsarvaṁ vistarādvada

The sages said: "O son of Suta, how did Jalashayin come to be established there, and by what rite is he worshipped? Tell us all this in detail."

Verse 6 (skanda.6.41.6)

सूत उवाच॥ पुरासीद्बाष्कलिर्नाम दानवेन्द्रो महाबलः॥ अजेयः सर्वदेवानां गन्धर्वोरगरक्षसाम्

sūta uvāca purāsīdbāṣkalirnāma dānavendro mahābalaḥ ajeyaḥ sarvadevānāṁ gandharvoragarakṣasām

Suta said: "Long ago there was a mighty lord of the danavas named Bashkali, invincible to gods, gandharvas, serpents, and rakshasas alike."

Verse 7 (skanda.6.41.7)

अथासौ भूतलं सर्वं वशीकृत्वा महाबलः॥ ततो दैत्यगणैः सार्द्धं जगाम त्रिदशालयम्

athāsau bhūtalaṁ sarvaṁ vaśīkṛtvā mahābalaḥ tato daityagaṇaiḥ sārddhaṁ jagāma tridaśālayam

That mighty one, having subdued the whole earth, then marched with his hosts of daityas upon the abode of the gods.

Verse 8 (skanda.6.41.8)

तत्राभवन्महायुद्धं देवासुरविनाशकम्॥ देवानां दानवानां च क्रुद्धानामितरेतरम्

tatrābhavanmahāyuddhaṁ devāsuravināśakam devānāṁ dānavānāṁ ca kruddhānāmitaretaram

There a great war broke out between the gods and demons, each enraged at the other, a war that brought ruin to both.

Verse 9 (skanda.6.41.9)

वर्षाणामयुतं तावदहन्यहनि दारुणम्॥ तत्रासृक्कर्दमो जातः पर्वतश्चास्थि संभवः

varṣāṇāmayutaṁ tāvadahanyahani dāruṇam tatrāsṛkkardamo jātaḥ parvataścāsthi saṁbhavaḥ

That terrible battle raged day after day for ten thousand years, until the flowing blood formed mud and the piled bones rose into a mountain.

Verse 10 (skanda.6.41.10)

ततो वर्षसहस्रांते दशमे समुपस्थिते॥ जितस्तेन सहस्राक्षः ससैन्यः सपरिग्रहः

tato varṣasahasrāṁte daśame samupasthite jitastena sahasrākṣaḥ sasainyaḥ saparigrahaḥ

Then, when the tenth thousand of years had come to its end, he defeated Sahasraksha (Indra) together with his army and retinue.

Verse 11 (skanda.6.41.11)

ततः स्वर्गं परित्यज्य सर्वदेवगणैः सह॥ जगाम शरणं विष्णोः श्वेतद्वीपं प्रतिश्रयम्

tataḥ svargaṁ parityajya sarvadevagaṇaiḥ saha jagāma śaraṇaṁ viṣṇoḥ śvetadvīpaṁ pratiśrayam

Then, abandoning heaven, he went with all the hosts of the gods for refuge to Vishnu, to Shvetadvipa, his dwelling place.

Verse 12 (skanda.6.41.12)

यत्रास्ते भगवान्विष्णुर्योगनिद्रावशंगतः॥ शयानः शेषपर्यंके लक्ष्म्या संवाहितांघ्रियुक्

yatrāste bhagavānviṣṇuryoganidrāvaśaṁgataḥ śayānaḥ śeṣaparyaṁke lakṣmyā saṁvāhitāṁghriyuk

There dwells Lord Vishnu, absorbed in yogic slumber, reclining on the couch of Shesha, his feet gently pressed by Lakshmi.

Verse 13 (skanda.6.41.13)

ततो वेदोद्भवैः सूक्तैः स्तुतिं चक्रुः समंततः॥ तस्य देवस्य सद्भक्ताः सर्वे देवाः सवासवाः

tato vedodbhavaiḥ sūktaiḥ stutiṁ cakruḥ samaṁtataḥ tasya devasya sadbhaktāḥ sarve devāḥ savāsavāḥ

Then all the gods, together with Vasava (Indra), true devotees of that god, praised him on every side with hymns drawn from the Vedas.

Verse 14 (skanda.6.41.14)

अथोत्थाय जगन्नाथः प्रोवाच बलसूदनम्॥ कच्चित्क्षेमं सहस्राक्ष सांप्रतं भुवनत्रये॥ यत्त्वं देवगणैः सार्द्धं स्वयमेव इहागतः

athotthāya jagannāthaḥ provāca balasūdanam kaccitkṣemaṁ sahasrākṣa sāṁprataṁ bhuvanatraye yattvaṁ devagaṇaiḥ sārddhaṁ svayameva ihāgataḥ

Then Jagannatha rose and said to Indra, the slayer of Bala: "O Sahasraksha, is all well now in the three worlds, since you yourself have come here with the hosts of gods?"

Verse 15 (skanda.6.41.15)

शक्र उवाच॥ बाष्कलिर्नाम देत्येन्द्रो हरलब्धवरो बली॥ अजेयः संगरे देवैस्तेनाहं विजितो रणे

śakra uvāca bāṣkalirnāma detyendro haralabdhavaro balī ajeyaḥ saṁgare devaistenāhaṁ vijito raṇe

Shakra said: "A lord of the daityas named Bashkali, mighty and granted a boon by Hara, invincible to the gods in battle, has defeated me in war."

Verse 16 (skanda.6.41.16)

संस्थितिश्च कृता स्वर्गे सांप्रतं मधु सूदन॥ तेनैष शरणं प्राप्तो देवैः सार्द्धं सुरोत्तम

saṁsthitiśca kṛtā svarge sāṁprataṁ madhu sūdana tenaiṣa śaraṇaṁ prāpto devaiḥ sārddhaṁ surottama

"O Madhusudana, he has now established his dominion in heaven; therefore, O best of gods, I have come with the gods for refuge to you."

Verse 17 (skanda.6.41.17)

हिरण्याक्षभयाद्देवा हिरण्यकशिपोः पुरा॥ त्वया त्राता वयं सर्वे तथान्येषां दुरात्मनाम्

hiraṇyākṣabhayāddevā hiraṇyakaśipoḥ purā tvayā trātā vayaṁ sarve tathānyeṣāṁ durātmanām

"Long ago, from the terror of Hiranyaksha and Hiranyakashipu, and of other wicked ones as well, you protected all of us gods."

Verse 18 (skanda.6.41.18)

तस्मादस्मादपि त्राहि दानवाद्बलवत्तरात्॥ बाष्कलेर्नास्ति देवेश त्वां मुक्त्वान्या परा गतिः

tasmādasmādapi trāhi dānavādbalavattarāt bāṣkalernāsti deveśa tvāṁ muktvānyā parā gatiḥ

"Therefore protect us from this danava too, who is stronger still. O Lord of gods, apart from you there is no other refuge from Bashkali."

Verse 19 (skanda.6.41.19)

श्रीभगवानुवाच॥ अहं तं निग्रहीष्यामि संप्राप्ते समये स्वयम्॥ तस्मात्त्वं समयंयावत्कुरु शक्र तपो महत्

śrībhagavānuvāca ahaṁ taṁ nigrahīṣyāmi saṁprāpte samaye svayam tasmāttvaṁ samayaṁyāvatkuru śakra tapo mahat

The Blessed Lord said: "When the proper time comes, I myself shall subdue him. Until then, O Shakra, perform great austerities."

Verse 20 (skanda.6.41.20)

येन ते जायते शक्तिस्तपोवीर्येण वासव॥ वधाय तस्य दैत्यस्य बलयुक्तस्य बाष्कलेः

yena te jāyate śaktistapovīryeṇa vāsava vadhāya tasya daityasya balayuktasya bāṣkaleḥ

"By the power of that austerity, O Vasava, you will gain the strength needed to slay that mighty daitya Bashkali."

Verse 21 (skanda.6.41.21)

शक्र उवाच॥ कस्मिन्क्षेत्रे जगन्नाथ करोमि सुमहत्तपः॥ तस्य दैत्यस्य नाशार्थं तद स्माकं प्रकीर्तय

śakra uvāca kasminkṣetre jagannātha karomi sumahattapaḥ tasya daityasya nāśārthaṁ tada smākaṁ prakīrtaya

Shakra said: "O Jagannatha, in which sacred place should I perform this great austerity for the destruction of that daitya? Please tell us."

Verse 22 (skanda.6.41.22)

सूत उवाच॥ तच्छ्रुत्वा भगवान्विष्णुः प्रोवाचाथ पुरंदरम्॥ चिरं मनसि निश्चित्य क्षेत्राण्यायतनानि च

sūta uvāca tacchrutvā bhagavānviṣṇuḥ provācātha puraṁdaram ciraṁ manasi niścitya kṣetrāṇyāyatanāni ca

Suta said: "Hearing this, Lord Vishnu, after long deliberation in his mind over the various sacred fields and shrines, spoke to Purandara (Indra)."

Verse 23 (skanda.6.41.23)

चमत्कारपुरं क्षेत्रं शक्र सिद्धिप्रदायकम्॥ तस्मात्तत्र द्रुतं गत्वा तद्वधार्थं तपः कुरु

camatkārapuraṁ kṣetraṁ śakra siddhipradāyakam tasmāttatra drutaṁ gatvā tadvadhārthaṁ tapaḥ kuru

"O Shakra, the sacred field called Chamatkarapura bestows spiritual accomplishment. Go there quickly, then, and perform austerities for his destruction."

Verse 24 (skanda.6.41.24)

शक्र उवाच॥ न वयं भवता हीना यास्यामोऽन्यत्र केशव॥ बाष्कलेर्दानवेन्द्रस्य भयाद्भीताः कथंचन

śakra uvāca na vayaṁ bhavatā hīnā yāsyāmo'nyatra keśava bāṣkalerdānavendrasya bhayādbhītāḥ kathaṁcana

Shakra said: "O Keshava, we, being in some measure afraid of the danava-lord Bashkali, will not go elsewhere without you."

Verse 25 (skanda.6.41.25)

तस्मादागच्छ तत्र त्वं स्वयमेव सुरेश्वर॥ त्वया संरक्षितो येन करोमि सुमहत्तपः

tasmādāgaccha tatra tvaṁ svayameva sureśvara tvayā saṁrakṣito yena karomi sumahattapaḥ

"Therefore, O Lord of the gods, come yourself with us there, so that under your protection I may perform this great austerity."

Verse 26 (skanda.6.41.26)

सूत उवाच॥ ततः स भगवान्विष्णुस्तथेत्युक्त्वा सुरैः सह॥ चमत्कारपुरं क्षेत्रमाजगाम सह श्रिया

sūta uvāca tataḥ sa bhagavānviṣṇustathetyuktvā suraiḥ saha camatkārapuraṁ kṣetramājagāma saha śriyā

Suta said: "Then Lord Vishnu, saying 'so be it,' came together with the gods and with Shri (Lakshmi) to the sacred field of Chamatkarapura."

Verse 27 (skanda.6.41.27)

अथ देवगणाः सर्वे तत्र गत्वा तदाऽऽश्रमान्॥ चक्रुः पृथक्पृथग्घृष्टास्तपोऽर्थं कृतनिश्चयाः

atha devagaṇāḥ sarve tatra gatvā tadā''śramān cakruḥ pṛthakpṛthagghṛṣṭāstapo'rthaṁ kṛtaniścayāḥ

Then, arriving there, all the gods, rejoicing, resolved firmly upon austerity and built their hermitages, each apart from the other.

Verse 28 (skanda.6.41.28)

वासुदेवोऽपि संस्मृत्य क्षीरोदं तत्र सागरम्॥ आनिनायाशु विस्तीर्णं ह्रदे तस्मिन्पुरातने

vāsudevo'pi saṁsmṛtya kṣīrodaṁ tatra sāgaram ānināyāśu vistīrṇaṁ hrade tasminpurātane

Vasudeva too, calling to mind the Ocean of Milk, swiftly brought its vast waters into that ancient lake.

Verse 29 (skanda.6.41.29)

चकार शयनं तत्र श्वेतद्वीपे यथा पुरा॥ स्तूयमानः सुरैः सर्वैः समंताद्विनयान्वितैः

cakāra śayanaṁ tatra śvetadvīpe yathā purā stūyamānaḥ suraiḥ sarvaiḥ samaṁtādvinayānvitaiḥ

There he lay down to rest, just as before in Shvetadvipa, while all the gods, filled with humility, praised him on every side.

Verse 30 (skanda.6.41.30)

अथाषाढस्य संप्राप्ते द्वितीयादिवसे शुभे॥ कृष्णपक्षे सहस्राक्षं स्वयमेव बृहस्पतिः॥ प्रोवाच वचनं श्लक्ष्णं बाष्पव्याकुल लोचनम्

athāṣāḍhasya saṁprāpte dvitīyādivase śubhe kṛṣṇapakṣe sahasrākṣaṁ svayameva bṛhaspatiḥ provāca vacanaṁ ślakṣṇaṁ bāṣpavyākula locanam

Then, when the auspicious second day of the dark fortnight of Ashadha arrived, Brihaspati himself spoke gentle words to Sahasraksha, whose eyes were troubled with tears.

Verse 31 (skanda.6.41.31)

बृहस्पतिरुवाच॥ अशून्यशयनानाम द्वितीयाद्य पुरंदर॥ अतीव दयिता विष्णोः प्रसुप्तस्य जलाशये

bṛhaspatiruvāca aśūnyaśayanānāma dvitīyādya puraṁdara atīva dayitā viṣṇoḥ prasuptasya jalāśaye

Brihaspati said: "O Purandara, today is the second day of Ashunyashayana, exceedingly dear to Vishnu as he sleeps in his watery abode."

Verse 32 (skanda.6.41.32)

अस्यां संपूजितो विष्णुर्यावन्मासचतुष्टयम्॥ ददाति सकलान्कामान्ध्यातश्चेतसि सर्वदा॥ शास्त्रोक्तविधिना सम्यग्व्रतस्थो जलशायिनम्

asyāṁ saṁpūjito viṣṇuryāvanmāsacatuṣṭayam dadāti sakalānkāmāndhyātaścetasi sarvadā śāstroktavidhinā samyagvratastho jalaśāyinam

"If, following the rite prescribed in the scriptures, one observes the vow properly for four months, worshipping the reclining-in-water Vishnu on this day and holding him always in the mind, he grants all one's desires."

Verse 33 (skanda.6.41.33)

एवं स चतुरो मासान्द्वितीयादिवसे हरिम्॥ पूजयित्वा सहस्राक्षस्तेजसा सहितोऽभवत्

evaṁ sa caturo māsāndvitīyādivase harim pūjayitvā sahasrākṣastejasā sahito'bhavat

Thus Sahasraksha, having worshipped Hari on the second day for four months, became endowed with radiant power.

Verse 34 (skanda.6.41.34)

तं दृष्ट्वा तेजसा युक्तं परितुष्टो जनार्दनः॥ प्रोवाच शक्र गच्छाद्य वधार्थं तस्य बाष्कलेः॥ सर्वैर्देवगणैः सार्धं विजयस्ते भविष्यति

taṁ dṛṣṭvā tejasā yuktaṁ parituṣṭo janārdanaḥ provāca śakra gacchādya vadhārthaṁ tasya bāṣkaleḥ sarvairdevagaṇaiḥ sārdhaṁ vijayaste bhaviṣyati

Seeing him now radiant, Janardana, pleased, said: "O Shakra, go now with all the hosts of gods to slay Bashkali; victory will be yours."

Verse 35 (skanda.6.41.35)

शक्र उवाच॥ बिभेमि तस्य देवाहं दानवेन्द्रस्य दुर्मतेः॥ त्वया विना न गच्छामि सार्धं सर्वैः सुरैरपि

śakra uvāca bibhemi tasya devāhaṁ dānavendrasya durmateḥ tvayā vinā na gacchāmi sārdhaṁ sarvaiḥ surairapi

Shakra said: "O God, I fear that evil-minded lord of the danavas. Even with all the gods beside me, I will not go without you."

Verse 36 (skanda.6.41.36)

श्रीभगवानुवाच॥ त्वया सह सहस्राक्ष चक्रमेतत्सुदर्शनम्॥ गमिष्यति वधार्थाय मदीयं सुरविद्विषाम्

śrībhagavānuvāca tvayā saha sahasrākṣa cakrametatsudarśanam gamiṣyati vadhārthāya madīyaṁ suravidviṣām

The Blessed Lord said: "O Sahasraksha, this Sudarshana discus of mine will go with you, to destroy the enemies of the gods."

Verse 37 (skanda.6.41.37)

एवमुक्त्वा हरिश्चक्रं प्रमुमोच सुदर्शनम्॥ वधार्थं दानवेन्द्राणां शक्रेण सहितं तदा

evamuktvā hariścakraṁ pramumoca sudarśanam vadhārthaṁ dānavendrāṇāṁ śakreṇa sahitaṁ tadā

Having said this, Hari released his Sudarshana discus, together with Shakra, for the destruction of the lords of the danavas.

Verse 38 (skanda.6.41.38)

शक्रोऽपि सहितस्तेन गत्वा चक्रेण कृत्स्नशः॥ सर्वानुत्सादयामास दानवान्रणमूर्धनि

śakro'pi sahitastena gatvā cakreṇa kṛtsnaśaḥ sarvānutsādayāmāsa dānavānraṇamūrdhani

Shakra too, going with that discus into the front of the battle, utterly destroyed all the danavas with it.

Verse 39 (skanda.6.41.39)

स चापि बाष्कलिस्तेन च्छिन्नश्चक्रेण कृत्स्नशः॥ पपात धरणीपृष्ठे वज्राहत इवाचलः

sa cāpi bāṣkalistena cchinnaścakreṇa kṛtsnaśaḥ papāta dharaṇīpṛṣṭhe vajrāhata ivācalaḥ

And that Bashkali too, completely cut down by that discus, fell to the surface of the earth like a mountain struck by the thunderbolt.

Verse 40 (skanda.6.41.40)

तथान्ये बहवः शूरा दानवा बलदर्पिताः॥ हत्वा सुदर्शनं चक्रं भूयः प्राप्तं हरेः करम्

tathānye bahavaḥ śūrā dānavā baladarpitāḥ hatvā sudarśanaṁ cakraṁ bhūyaḥ prāptaṁ hareḥ karam

In the same way, having slain many other heroic danavas swollen with the pride of strength, the Sudarshana discus returned once more to Hari's hand.

Verse 41 (skanda.6.41.41)

तेऽपि शक्रादयो देवाः प्रहृष्टा गतसंशयाः॥ भूयो विष्णुं समेत्याथ प्रोचुर्नत्वा ततः परम्

te'pi śakrādayo devāḥ prahṛṣṭā gatasaṁśayāḥ bhūyo viṣṇuṁ sametyātha procurnatvā tataḥ param

Then Indra and the other gods, joyful and now free of all doubt, came once more before Vishnu, and bowing to him, spoke these words.

Verse 42 (skanda.6.41.42)

प्रभावात्तव देवेश हताः सर्वेऽमरारयः॥ प्राप्तं त्रैलोक्यराज्यं च भूयो निहतकंटकम्

prabhāvāttava deveśa hatāḥ sarve'marārayaḥ prāptaṁ trailokyarājyaṁ ca bhūyo nihatakaṁṭakam

"O Lord of gods, by your power all the enemies of the immortals have been slain, and once again the sovereignty of the three worlds, now free of thorns, has come to us."

Verse 43 (skanda.6.41.43)

तस्मात्कीर्तय यत्कृत्यं तच्च श्रेयस्करं मम॥ सदा स्यात्पुंडरीकाक्ष तथा शत्रुभयावहम्

tasmātkīrtaya yatkṛtyaṁ tacca śreyaskaraṁ mama sadā syātpuṁḍarīkākṣa tathā śatrubhayāvaham

"Therefore, O Lotus-eyed one, tell us what deed we should do, so that this good fortune of ours may endure forever, and remain ever a terror to our enemies."

Verse 44 (skanda.6.41.44)

श्रीभगवानुवाच॥ मयात्रैव सदा स्थेयं रूपेणानेन वासव॥ सर्वलोकहितार्थाय ह्रदे पुण्य जलाश्रये

śrībhagavānuvāca mayātraiva sadā stheyaṁ rūpeṇānena vāsava sarvalokahitārthāya hrade puṇya jalāśraye

The Blessed Lord said: "O Vasava, for the welfare of all the worlds I shall dwell here always, in this very form, in this sacred lake that is a refuge of waters."

Verse 45 (skanda.6.41.45)

त्वया तस्मात्समागम्य चातुर्मास्यं शचीपते॥ प्रयत्नेन प्रकर्तव्यमशून्यशयनं व्रतम्

tvayā tasmātsamāgamya cāturmāsyaṁ śacīpate prayatnena prakartavyamaśūnyaśayanaṁ vratam

"Therefore, O husband of Shachi, you should come here and diligently observe the vow of Ashunyashayana during the four holy months."

Verse 46 (skanda.6.41.46)

न भवंति सहस्राक्ष येन ते परि पंथिनः॥ तथाभीष्टफलावाप्तिर्मत्प्रसादादसंशयम्

na bhavaṁti sahasrākṣa yena te pari paṁthinaḥ tathābhīṣṭaphalāvāptirmatprasādādasaṁśayam

"O Sahasraksha, by this you will have no adversaries left, and without doubt, by my grace, you will attain the fruit you desire."

Verse 47 (skanda.6.41.47)

अन्योऽपि यो नरो भक्त्या पूजयिष्यति मामिह॥ संप्राप्स्यति स ताँल्लोकान्दुर्लभांस्त्रि दशैरपि

anyo'pi yo naro bhaktyā pūjayiṣyati māmiha saṁprāpsyati sa tā~llokāndurlabhāṁstri daśairapi

"Whatever other person worships me here with devotion will also attain those worlds that are hard to reach even for the gods."

Verse 48 (skanda.6.41.48)

तस्माद्गच्छ सहस्राक्ष कुरु राज्यं त्रिविष्टपे॥ भूयोऽप्यत्रैव देवेश द्रष्टव्योऽस्मि न संशयः॥ कार्यकाले समायाते श्वेतद्वीपे यथा तथा

tasmādgaccha sahasrākṣa kuru rājyaṁ triviṣṭape bhūyo'pyatraiva deveśa draṣṭavyo'smi na saṁśayaḥ kāryakāle samāyāte śvetadvīpe yathā tathā

"Therefore go, O Sahasraksha, and rule over heaven; O lord of gods, whenever a time of need arises, you will without doubt see me again right here, just as you would in Shvetadvipa."

Verse 49 (skanda.6.41.49)

सूत उवाच॥ ततः प्रणम्य तं दृष्ट्वा प्रजगाम शतक्रतुः॥ वासुदेवोऽपि तत्रैव स्थितो लोकहिताय च

sūta uvāca tataḥ praṇamya taṁ dṛṣṭvā prajagāma śatakratuḥ vāsudevo'pi tatraiva sthito lokahitāya ca

Suta said: "Then, having beheld him and bowed, Shatakratu (Indra) departed, while Vasudeva remained there for the welfare of the world."

Verse 50 (skanda.6.41.50)

एवं तत्र द्विजश्रेष्ठा जलशायी जनार्दनः॥ सर्वलोकहितार्थाय संस्थितः परमेश्वरः

evaṁ tatra dvijaśreṣṭhā jalaśāyī janārdanaḥ sarvalokahitārthāya saṁsthitaḥ parameśvaraḥ

"Thus, O best of brahmins, Janardana Jalashayin, the Supreme Lord, became established there for the welfare of all the worlds."

Verse 51 (skanda.6.41.51)

यस्तं पूजयते भक्त्या श्रद्धया परया युतः॥ चातुर्मास्ये विशेषेण स याति परमां गतिम्

yastaṁ pūjayate bhaktyā śraddhayā parayā yutaḥ cāturmāsye viśeṣeṇa sa yāti paramāṁ gatim

Whoever worships him with devotion and supreme faith, especially during the four holy months, attains the highest state.

Verse 52 (skanda.6.41.52)

तथा देवगणैः सर्वैर्द्वारका तत्र सा कृता॥ संपूज्य तु नरा यांति चातुर्मास्ये त्रिविष्टपम्

tathā devagaṇaiḥ sarvairdvārakā tatra sā kṛtā saṁpūjya tu narā yāṁti cāturmāsye triviṣṭapam

There, too, all the gods established a Dvaraka; worshipping it, men attain heaven during the four holy months.

Verse 53 (skanda.6.41.53)

शेषकालेऽपि चित्तस्थान्कामान्मर्त्यः समाप्नुयात्॥ तस्मात्सर्वप्रयत्नेन पूज्या सा द्वारका नरैः॥ सर्वेष्वपि हि कालेषु चातुमास्ये विशेषतः

śeṣakāle'pi cittasthānkāmānmartyaḥ samāpnuyāt tasmātsarvaprayatnena pūjyā sā dvārakā naraiḥ sarveṣvapi hi kāleṣu cātumāsye viśeṣataḥ

Even at other times a mortal may obtain the desires held in his mind; therefore men should worship that Dvaraka with every effort, at all times, but especially during the four holy months.

Verse 54 (skanda.6.41.54)

एतद्वः सर्वमाख्यातं सर्वपातकनाशनम्॥ आख्यानं देवदेवस्य सुपुण्यं जलशायिनः

etadvaḥ sarvamākhyātaṁ sarvapātakanāśanam ākhyānaṁ devadevasya supuṇyaṁ jalaśāyinaḥ

Thus I have related to you all this most sacred account of Jalashayin, the God of gods, the destroyer of every sin.