The Account of the Linga-Installations by the Kauravas, Pandavas, and Yadavas

Verse 1 (skanda.6.74.1)

सूत उवाच॥ धृतराष्ट्रेण भूपेन शतपुत्रान्वितेन च॥ लिंगानां स्थापितं तत्र शतमेकोत्तरं द्विजाः

sūta uvāca dhṛtarāṣṭreṇa bhūpena śataputrānvitena ca liṁgānāṁ sthāpitaṁ tatra śatamekottaraṁ dvijāḥ

Suta said: By King Dhritarashtra, together with his hundred sons, one hundred and one lingas were established there, O brahmins.

Verse 2 (skanda.6.74.2)

तथा च पांडवैः सर्वैः स्थापितं लिंगपंचकम्॥ द्रौपद्या चाऽथ कुन्त्याऽथ गांधार्याऽथ यदृच्छया

tathā ca pāṁḍavaiḥ sarvaiḥ sthāpitaṁ liṁgapaṁcakam draupadyā cā'tha kuntyā'tha gāṁdhāryā'tha yadṛcchayā

And likewise by all the Pandavas together a set of five lingas was established; and by Draupadi, by Kunti, and by Gandhari too, each of her own accord,

Verse 3 (skanda.6.74.3)

भानुमत्या च गौरीणां स्थापितं च चतुष्टयम्॥ विदुरेणाथ शल्येन कलिंगेन युयुत्सुना

bhānumatyā ca gaurīṇāṁ sthāpitaṁ ca catuṣṭayam vidureṇātha śalyena kaliṁgena yuyutsunā

and by Bhanumati — thus a set of four lingas of the Gauri goddesses was established. And by Vidura, by Shalya, by the king of Kalinga, and by Yuyutsu,

Verse 4 (skanda.6.74.4)

बाह्लीकेन सपुत्रेण कर्णेनाथ ससूनुना॥ तथा शकुनिना तत्र द्रोणेन च कृपेण च

bāhlīkena saputreṇa karṇenātha sasūnunā tathā śakuninā tatra droṇena ca kṛpeṇa ca

by Bahlika with his son, by Karna with his son, and likewise there by Shakuni, by Drona, and by Kripa,

Verse 5 (skanda.6.74.5)

अश्वत्थाम्ना पृथक्त्वेन लिङ्गमेकैकमुत्तमम्॥ स्थापितं परया भक्त्या वरप्रासादमाश्रितम्

aśvatthāmnā pṛthaktvena liṅgamekaikamuttamam sthāpitaṁ parayā bhaktyā varaprāsādamāśritam

and by Ashvatthama — each one separately, with supreme devotion, established one excellent linga, housed in a fine temple.

Verse 6 (skanda.6.74.6)

तथा संस्थापितं तत्र विष्णुना प्रभविष्णुना॥ लिंगं प्रासादमाधाय प्रोत्तुंगशिखरान्वितम्

tathā saṁsthāpitaṁ tatra viṣṇunā prabhaviṣṇunā liṁgaṁ prāsādamādhāya prottuṁgaśikharānvitam

And there the mighty Vishnu likewise established a linga, having built for it a temple furnished with a very lofty spire.

Verse 7 (skanda.6.74.7)

सात्वतेनापि सांबेन बलभद्रेण धीमता॥ प्रद्युमेनानिरुद्धेन तथान्यैर्मुख्ययादवैः

sātvatenāpi sāṁbena balabhadreṇa dhīmatā pradyumenāniruddhena tathānyairmukhyayādavaiḥ

By Satyaki, by Samba, by the wise Balabhadra, by Pradyumna, by Aniruddha, and by other chief Yadavas as well,

Verse 8 (skanda.6.74.8)

चारुदेष्णादिभिः पुत्रैरुक्मिण्या दशभिः सुतैः॥ लिंगानां दशकं मुख्यं स्थापितं श्रद्धयान्वितैः

cārudeṣṇādibhiḥ putrairukmiṇyā daśabhiḥ sutaiḥ liṁgānāṁ daśakaṁ mukhyaṁ sthāpitaṁ śraddhayānvitaiḥ

and by the ten sons of Rukmini headed by Charudeshna, filled with faith, a chief set of ten lingas was established.

Verse 9 (skanda.6.74.9)

एवं संस्थाप्य लिङ्गानि ते सर्वे कुरुपांडवाः॥ यादवाश्च सुसंहृष्टा कृतकृत्यास्तदाऽभवन्

evaṁ saṁsthāpya liṅgāni te sarve kurupāṁḍavāḥ yādavāśca susaṁhṛṣṭā kṛtakṛtyāstadā'bhavan

Having thus established the lingas, all those Kurus, Pandavas, and Yadavas became greatly delighted and felt their purpose fulfilled.

Verse 10 (skanda.6.74.10)

तत्र स्थित्वा चिरं कालं दत्त्वा दानान्यनेकशः॥ धनाढ्यान्ब्राह्मणान्कृत्वा चमत्कारपुरोद्भवान्

tatra sthitvā ciraṁ kālaṁ dattvā dānānyanekaśaḥ dhanāḍhyānbrāhmaṇānkṛtvā camatkārapurodbhavān

Remaining there a long time, giving many kinds of gifts, they made the brahmins of Chamatkarapura wealthy,

Verse 11 (skanda.6.74.11)

दत्त्वा तेभ्यो वरान्नागान्हयाञ्जात्याननेकशः॥ सद्ग्रामाणि विचित्राणि क्षेत्राणि च सुधेनवः

dattvā tebhyo varānnāgānhayāñjātyānanekaśaḥ sadgrāmāṇi vicitrāṇi kṣetrāṇi ca sudhenavaḥ

giving them fine elephants, thoroughbred horses of many breeds, good villages, wondrous fields, and excellent milch-cows,

Verse 12 (skanda.6.74.12)

महोक्षांश्च सुवस्त्राणि भूस्थानान्याश्रयांस्तथा॥ दासीदासांस्तथा भृत्यान्दानानि विविधानि च

mahokṣāṁśca suvastrāṇi bhūsthānānyāśrayāṁstathā dāsīdāsāṁstathā bhṛtyāndānāni vividhāni ca

and great bulls, fine garments, plots of land, dwellings, maidservants and menservants, and gifts of many other kinds.

Verse 13 (skanda.6.74.13)

तत आमन्त्र्य तान्सर्वान्प्रणिपत्य मुहुर्मुहुः॥ स्वस्थानं प्रति संहृष्टाः प्रजग्मुः सर्व एव ते

tata āmantrya tānsarvānpraṇipatya muhurmuhuḥ svasthānaṁ prati saṁhṛṣṭāḥ prajagmuḥ sarva eva te

Then, having taken leave of them all, bowing again and again, all of them, greatly delighted, set off toward their own places.

Verse 14 (skanda.6.74.14)

सूत उवाच॥ एतद्वः सर्वमाख्यातं स्थापितं तेन भूभुजा॥ तथा तद्धृतराष्ट्रेण लिंगं पातकनाशनम्

sūta uvāca etadvaḥ sarvamākhyātaṁ sthāpitaṁ tena bhūbhujā tathā taddhṛtarāṣṭreṇa liṁgaṁ pātakanāśanam

Suta said: All this has been told to you — the sin-destroying linga established by that King Dhritarashtra,

Verse 15 (skanda.6.74.15)

तथान्यैरपि भूपालैः प्राधान्येन व्यवस्थितैः॥ पाण्डवैर्यादवैश्चैव पृथक्त्वेन व्यवस्थितैः

tathānyairapi bhūpālaiḥ prādhānyena vyavasthitaiḥ pāṇḍavairyādavaiścaiva pṛthaktvena vyavasthitaiḥ

and likewise those established, each in due precedence, by the other kings, and by the Pandavas and the Yadavas, each arranged separately.

Verse 16 (skanda.6.74.16)

यस्तानि पुरुषः सम्यक्पूजयेद्भक्तिभावितः॥ स लभेच्चाखिलान्कामान्वांछितान्स्वेन चेतसा

yastāni puruṣaḥ samyakpūjayedbhaktibhāvitaḥ sa labheccākhilānkāmānvāṁchitānsvena cetasā

Whatever man, filled with devotion, worships them properly, obtains all the desires wished for by his own heart.