The Trident Hurled

Verse 1 (skanda.8.106.1)

सनत्कुमार उवाच । स तथाप्यायितो व्यास बलवान्भास्करद्युतिः । चित्रं बहु च शीघ्रं च मण्डलानि परिभ्रमत्

sanatkumāra uvāca | sa tathāpyāyito vyāsa balavānbhāskaradyutiḥ | citraṁ bahu ca śīghraṁ ca maṇḍalāni paribhramat

Sanatkumara said: O Vyasa, thus reinforced with strength, the mighty one, radiant as the sun, wheeled about in many wondrous and swift circles.

Verse 2 (skanda.8.106.2)

प्लुतानि सिंहवत् कृत्वा अवलोकयते सकृत् । पृष्ठतश्चाग्रतश्चापि पुनर्गजवदाचरत्

plutāni siṁhavat kṛtvā avalokayate sakṛt | pṛṣṭhataścāgrataścāpi punargajavadācarat

Leaping like a lion, he glanced about in a single instant; then, both behind and in front, he moved like an elephant.

Verse 3 (skanda.8.106.3)

पुनर्व्यात्ताननो भूत्वा शस्त्राणि ग्रसते रिपोः । पुनर्वृक्षैः शिलाभिश्च दानवान् स न्यसूदयत्

punarvyāttānano bhūtvā śastrāṇi grasate ripoḥ | punarvṛkṣaiḥ śilābhiśca dānavān sa nyasūdayat

Then, opening his mouth wide, he swallowed the enemy's weapons; and again, with trees and boulders, he slew the danavas.

Verse 4 (skanda.8.106.4)

पुनराकाशगो भूत्वा पक्षिराडिव सोभ्रमत् । पुनर्जहास संक्रुद्धो ह्यशनीपातसन्निभम्

punarākāśago bhūtvā pakṣirāḍiva sobhramat | punarjahāsa saṁkruddho hyaśanīpātasannibham

Then, taking to the sky, he circled like the king of birds; then, growing wrathful, he laughed a laugh like the crash of a thunderbolt.

Verse 5 (skanda.8.106.5)

पुनश्च सूक्ष्ममात्मानं कृत्वा तस्थावथाग्रतः । एवन्तं वल्गमानञ्च नर्दमानञ्च दानवः

punaśca sūkṣmamātmānaṁ kṛtvā tasthāvathāgrataḥ | evantaṁ valgamānañca nardamānañca dānavaḥ

And then, making himself minute, he would stand directly before his foe. Seeing him thus leaping about and roaring, the danava Hiranyaksha -

Verse 6 (skanda.8.106.6)

उवाच भृकुटीवक्त्रो हिरण्याक्षोभिनादयन् । भो क्षुद्रमृग दुर्बुद्धे न त्वं मोक्षमवाप्स्यसि

uvāca bhṛkuṭīvaktro hiraṇyākṣobhinādayan | bho kṣudramṛga durbuddhe na tvaṁ mokṣamavāpsyasi

- his face knit in a frown, roared and said: "O foolish, puny beast, you shall not win your freedom.

Verse 7 (skanda.8.106.7)

हत्वा त्वाहं प्रदास्यामि रुद्राय बलिमोजसा । त्वया हतश्छद्मना मे भ्राता ज्येष्ठो दुरात्मना । तस्याद्य कर्मणः प्राप्तं फलं दुष्टात्मनस्तव

hatvā tvāhaṁ pradāsyāmi rudrāya balimojasā | tvayā hataśchadmanā me bhrātā jyeṣṭho durātmanā | tasyādya karmaṇaḥ prāptaṁ phalaṁ duṣṭātmanastava

Having slain you, I shall by force offer you as an oblation to Rudra. Wicked one, you killed my elder brother through deceit; today, evil soul, you shall reap the fruit of that very deed."

Verse 8 (skanda.8.106.8)

सनत्कुमार उवाच । तस्य तद्वचनं श्रुत्वा हिरण्याक्षस्य संयुगे । उवाच भगवान्विष्णुः क्रोधयानो दितेः सुतम्

sanatkumāra uvāca | tasya tadvacanaṁ śrutvā hiraṇyākṣasya saṁyuge | uvāca bhagavānviṣṇuḥ krodhayāno diteḥ sutam

Sanatkumara said: Hearing those words of Hiranyaksha on the battlefield, the blessed Vishnu, growing wrathful, said to the son of Diti:

Verse 9 (skanda.8.106.9)

हतोसौ नरसिंहेन मया दैत्यः प्रतापवान् । विक्रम्य संयुगे तद्वद्भवतोपि वधो ध्रुवः

hatosau narasiṁhena mayā daityaḥ pratāpavān | vikramya saṁyuge tadvadbhavatopi vadho dhruvaḥ

"That mighty daitya I slew as Narasimha, striving valiantly in battle; in the very same way your death too is now certain.

Verse 10 (skanda.8.106.10)

यदि त्वं गच्छसे खं वा पातालं वाप्यतः परम् । पर्वतं वोदधिं वापि न तथापि विमोक्ष्यसे

yadi tvaṁ gacchase khaṁ vā pātālaṁ vāpyataḥ param | parvataṁ vodadhiṁ vāpi na tathāpi vimokṣyase

Whether you flee to the sky, or to the netherworld or beyond it, or to a mountain or the ocean, still you shall not escape.

Verse 11 (skanda.8.106.11)

यत्ते बलं तपो यच्च या च माया तवासुर । तत्सर्वं निर्धमाम्यद्य तव देहात् सजीवितम्

yatte balaṁ tapo yacca yā ca māyā tavāsura | tatsarvaṁ nirdhamāmyadya tava dehāt sajīvitam

Whatever strength, austerity, and magic power you possess, O asura - all of it, together with your life, I shall drive out of your body this very day."

Verse 12 (skanda.8.106.12)

हिरण्याक्ष उवाच । त्वं मया शरविष्टब्धो देवैर्मन्त्रैर्विमोक्षितः । बद्धं चास्त्रेण भूयस्त्वां पक्षिराजो व्यमोचयत्

hiraṇyākṣa uvāca | tvaṁ mayā śaraviṣṭabdho devairmantrairvimokṣitaḥ | baddhaṁ cāstreṇa bhūyastvāṁ pakṣirājo vyamocayat

Hiranyaksha said: "I once pinned you fast with my arrows, and the gods freed you with their spells; again, when I bound you with a weapon, the king of birds released you.

Verse 13 (skanda.8.106.13)

भूयो मृतस्त्वं दुर्बुद्धे देवैरुज्जीवितो भवः । भूयस्त्वाहं वधिष्यामि सिंहो मृगमिवाजने

bhūyo mṛtastvaṁ durbuddhe devairujjīvito bhavaḥ | bhūyastvāhaṁ vadhiṣyāmi siṁho mṛgamivājane

Again you died, foolish one, and the gods brought you back to life. Once more I shall slay you now, as a lion slays a deer in the forest.

Verse 14 (skanda.8.106.14)

तव का शक्तिरद्येह महेश्वरमृते वरम् । मां स्प्रष्टुमपि हस्तेन नरस्येव हुताशनम्

tava kā śaktiradyeha maheśvaramṛte varam | māṁ spraṣṭumapi hastena narasyeva hutāśanam

Save great Ishvara, what power have you here today even to touch me with your hand - as an ordinary man cannot touch fire with his hand?

Verse 15 (skanda.8.106.15)

त्वं लोकमयमास्थाय शरीरं तैरधिष्ठितम् । सर्वैराप्यायितश्चैव संयुगे मामुपागतः

tvaṁ lokamayamāsthāya śarīraṁ tairadhiṣṭhitam | sarvairāpyāyitaścaiva saṁyuge māmupāgataḥ

You have assumed a body made of all the worlds and inhabited by them, and it is only after being reinforced by all of them that you have come before me in this battle.

Verse 16 (skanda.8.106.16)

अहन्तु स्वेन तपसा बलेन च समन्वितः । न च मां त्वं तथाप्यद्य शक्तः सिंहं यथा मृगः

ahantu svena tapasā balena ca samanvitaḥ | na ca māṁ tvaṁ tathāpyadya śaktaḥ siṁhaṁ yathā mṛgaḥ

I, on the other hand, am endowed with my own austerity and strength alone; yet even so you are no more able to overpower me today than a deer is able to overpower a lion.

Verse 17 (skanda.8.106.17)

योद्धुं वाप्यभिसर्तुं वा सह देवैर्दुरात्मवान् । न त्वावयोरेतदेव ह्यन्तरं सुमहत्तरम्

yoddhuṁ vāpyabhisartuṁ vā saha devairdurātmavān | na tvāvayoretadeva hyantaraṁ sumahattaram

Wicked soul, you are fit neither to fight nor to advance against me, even with all the gods at your side - this alone is the very great difference between the two of us.

Verse 18 (skanda.8.106.18)

यः स्यात्कुलीनो विद्वान्वा सतां मार्गे च संस्थितः । सोनेनैव जितं मत्वा आत्मानं संयुगं त्यजेत्

yaḥ syātkulīno vidvānvā satāṁ mārge ca saṁsthitaḥ | sonenaiva jitaṁ matvā ātmānaṁ saṁyugaṁ tyajet

Whoever is well-born, or learned, or established in the path of the good, upon realizing that he is thereby already defeated, would abandon the fight altogether.

Verse 19 (skanda.8.106.19)

निर्घृणस्त्यक्तलज्जश्च छिद्रघाती दुरात्मवान् । त्वदन्यः को भवेत्तिर्यङ् नैतद्दैत्यस्य विद्यते

nirghṛṇastyaktalajjaśca chidraghātī durātmavān | tvadanyaḥ ko bhavettiryaṅ naitaddaityasya vidyate

Merciless, shameless, one who strikes at a weak point, evil of soul - who but you could be so brutish? Such conduct is not to be found in a well-born daitya.

Verse 20 (skanda.8.106.20)

न त्वं मम कृतो मृत्युरहन्तु तव संयुगे । एते सिद्धाः प्रपश्यन्तु चारणाश्च सहस्रशः । आवयोरन्तरं संख्ये बहुधा युध्यमानयोः

na tvaṁ mama kṛto mṛtyurahantu tava saṁyuge | ete siddhāḥ prapaśyantu cāraṇāśca sahasraśaḥ | āvayorantaraṁ saṁkhye bahudhā yudhyamānayoḥ

You shall not become the cause of my death - rather, I shall be the cause of yours in this battle. Let these thousands of siddhas and charanas witness for themselves the difference between the two of us as we fight on, again and again."

Verse 21 (skanda.8.106.21)

सनत्कुमार उवाच । एवमुक्त्वा हिरण्याक्षः शरैराशीविषोपमैः । जघ्ने वराहं संक्रुद्धो वज्राशनिसमत्विषम्

sanatkumāra uvāca | evamuktvā hiraṇyākṣaḥ śarairāśīviṣopamaiḥ | jaghne varāhaṁ saṁkruddho vajrāśanisamatviṣam

Sanatkumara said: So saying, Hiranyaksha, enraged, struck the Boar - splendid as thunderbolt and lightning - with arrows like venomous serpents.

Verse 22 (skanda.8.106.22)

सोथ तेनार्द्यमानोपि वराहः सुमहाबलः । गत्वा वेगेन संक्रुद्धो रथं जग्राह नादयन्

sotha tenārdyamānopi varāhaḥ sumahābalaḥ | gatvā vegena saṁkruddho rathaṁ jagrāha nādayan

Though tormented by him, the exceedingly mighty Boar rushed forward with speed and, roaring in fury, seized his chariot.

Verse 23 (skanda.8.106.23)

गृहीत्वा कूबरे चापि आक्षिप्योत्क्षिप्य वेगवत् । साश्वं ससारथिं देवश्चिक्षेप च ररास च

gṛhītvā kūbare cāpi ākṣipyotkṣipya vegavat | sāśvaṁ sasārathiṁ devaścikṣepa ca rarāsa ca

Seizing it by the pole, whirling it about and hurling it aloft with force, the god flung it - horses, charioteer and all - and roared as he did so.

Verse 24 (skanda.8.106.24)

तस्य त्वाक्षेपविक्षेपैश्छिन्नयोक्त्राश्च ते हयाः । उद्भ्रान्ता रथमुख्यश्च विसन्धिः समपद्यत

tasya tvākṣepavikṣepaiśchinnayoktrāśca te hayāḥ | udbhrāntā rathamukhyaśca visandhiḥ samapadyata

By that whirling and hurling, the yoke-straps of his horses snapped; they bolted in confusion, and that fine chariot came apart at every joint.

Verse 25 (skanda.8.106.25)

हिरण्याक्षो रथं त्यक्त्वा पदातिर्धनुषा तदा । मृगेन्द्रं मोहनास्त्रेण बलवानभ्यताडयत्

hiraṇyākṣo rathaṁ tyaktvā padātirdhanuṣā tadā | mṛgendraṁ mohanāstreṇa balavānabhyatāḍayat

Hiranyaksha then abandoned his chariot and, on foot, bow in hand, struck the powerful lord of beasts with the weapon of delusion.

Verse 26 (skanda.8.106.26)

मोहः समाविशच्चैव तं देवं नन्दिवर्धनम् । देवैर्मन्त्रप्रभावेण नष्टमोहः कृतः पुनः

mohaḥ samāviśaccaiva taṁ devaṁ nandivardhanam | devairmantraprabhāveṇa naṣṭamohaḥ kṛtaḥ punaḥ

A stupor overcame the god Nandivardhana; but by the power of the gods' incantations, that stupor was again dispelled.

Verse 27 (skanda.8.106.27)

एष शस्त्रैर्बहुविधैर्दैत्येन्द्रो हि रुषान्वितः । आजघान न चाप्येनं रुजा स समयोजयत्

eṣa śastrairbahuvidhairdaityendro hi ruṣānvitaḥ | ājaghāna na cāpyenaṁ rujā sa samayojayat

That lord of daityas, filled with rage, struck him again with weapons of many kinds, yet could bring him to no distress whatever.

Verse 28 (skanda.8.106.28)

अथैनं स महातेजा वराहः प्रहसन्निव । वृक्षमुत्पाट्य वेगेन दैत्यं मूर्ध्नि व्यताडयत्

athainaṁ sa mahātejā varāhaḥ prahasanniva | vṛkṣamutpāṭya vegena daityaṁ mūrdhni vyatāḍayat

Then the mighty Boar, as though smiling, tore up a tree and with great force struck the daitya upon the head.

Verse 29 (skanda.8.106.29)

तस्य तेन प्रहारेण दैत्यस्याभिहतस्य ह । धनुः पपात वेगेन हस्तावापश्च पञ्चकः

tasya tena prahāreṇa daityasyābhihatasya ha | dhanuḥ papāta vegena hastāvāpaśca pañcakaḥ

Struck by that blow, the daitya's bow, and even the five-fingered guard upon his hand, fell from his grasp with force.

Verse 30 (skanda.8.106.30)

ततो हाहा कृतं दैत्यैर्दानवैश्च सुदुःखितैः । शस्त्रैश्च बहुभिः क्रुद्धा वराहं समताडयन्

tato hāhā kṛtaṁ daityairdānavaiśca suduḥkhitaiḥ | śastraiśca bahubhiḥ kruddhā varāhaṁ samatāḍayan

Then the daityas and danavas, in great distress, cried out in dismay, and in fury struck at the Boar with many weapons.

Verse 31 (skanda.8.106.31)

स हन्यमानस्तैर्दैत्यैर्व्यदाय सुमहाबलः । मुखं सर्वाणि शस्त्राणि जग्रास च ररास च

sa hanyamānastairdaityairvyadāya sumahābalaḥ | mukhaṁ sarvāṇi śastrāṇi jagrāsa ca rarāsa ca

Though struck by those daityas, that mighty one opened his mouth wide, swallowed all their weapons, and roared aloud.

Verse 32 (skanda.8.106.32)

तत्तथा विकृतं दृष्ट्वा हिरण्याक्षः प्रतापवान् । शूलं जग्राह संक्रुद्धः कृत्वा रुद्राय वै नमः

tattathā vikṛtaṁ dṛṣṭvā hiraṇyākṣaḥ pratāpavān | śūlaṁ jagrāha saṁkruddhaḥ kṛtvā rudrāya vai namaḥ

Seeing this strange sight, mighty Hiranyaksha, enraged, bowed to Rudra and took up his trident.

Verse 33 (skanda.8.106.33)

तद्युगान्तानलप्रख्यं महाशूलमतिप्रभम् । चिक्षेप दैत्यः संक्रुद्धो वराहाय महास्वनम्

tadyugāntānalaprakhyaṁ mahāśūlamatiprabham | cikṣepa daityaḥ saṁkruddho varāhāya mahāsvanam

That great trident, blazing like the fire of universal dissolution, of surpassing brilliance and thunderous roar, the enraged daitya hurled at the Boar.

Verse 34 (skanda.8.106.34)

तमापतन्तं बहुधा नदन्तं ज्वालाः स्फुलिङ्गाश्च समुद्गिरन्तम् । दृष्ट्वा सुराः सिद्धगणाश्च सर्वे हाहेति चक्रुर्भयमूढचित्ताः

tamāpatantaṁ bahudhā nadantaṁ jvālāḥ sphuliṅgāśca samudgirantam | dṛṣṭvā surāḥ siddhagaṇāśca sarve hāheti cakrurbhayamūḍhacittāḥ

Seeing it hurtling toward him, roaring again and again, spewing forth flames and sparks, all the gods and hosts of siddhas, their minds bewildered with fear, cried out in dismay.