The Clipping of the Mountains' Wings

Verse 1 (skanda.8.172.1)

सनत्कुमार उवाच । शक्रेण गिरयः पूर्वं छिन्नपक्षा यथा कृताः । तत् प्रवक्ष्यामि ते व्यास शृणु सर्वमशेषतः

sanatkumāra uvāca | śakreṇa girayaḥ pūrvaṁ chinnapakṣā yathā kṛtāḥ | tat pravakṣyāmi te vyāsa śṛṇu sarvamaśeṣataḥ

Sanatkumara said: How the mountains were once made wingless by Shakra - that I shall tell you, Vyasa; hear it all in full.

Verse 2 (skanda.8.172.2)

पुरा सिंहवपुः कृत्वा विष्णुना परमौजसा । दैत्यदानवनाथे तु हिरण्यकशिपौ हते

purā siṁhavapuḥ kṛtvā viṣṇunā paramaujasā | daityadānavanāthe tu hiraṇyakaśipau hate

Of old, Vishnu, having taken the form of a lion, of supreme might, when Hiranyakashipu, lord of the daityas and danavas, was slain -

Verse 3 (skanda.8.172.3)

प्रह्रादस्तत्सुतो दैत्यो विष्णुं प्रति चुकोप ह । हते पितरि स श्रीमान् महादैत्यपतीश्वरः

prahrādastatsuto daityo viṣṇuṁ prati cukopa ha | hate pitari sa śrīmān mahādaityapatīśvaraḥ

Prahlada, his son, a daitya, grew wrathful toward Vishnu; his father slain, that glorious, mighty lord of the great daityas,

Verse 4 (skanda.8.172.4)

बहून्यब्दसहस्राणि चकारोग्रं महातपः । अथ देवश्चतुर्वक्त्रस्तुष्टस्तमसुराधिपम्

bahūnyabdasahasrāṇi cakārograṁ mahātapaḥ | atha devaścaturvaktrastuṣṭastamasurādhipam

performed fierce, great austerity for many thousand years. Then the four-faced god, pleased, to that lord of the asuras,

Verse 5 (skanda.8.172.5)

प्रोवाच स्वयमागत्य वरदोस्मीति सादरम् । प्रणम्योवाच वरदमिदं ब्रह्माणमागतम्

provāca svayamāgatya varadosmīti sādaram | praṇamyovāca varadamidaṁ brahmāṇamāgatam

came himself and spoke with regard, "I am a boon-giver." Bowing, he spoke to Brahma, the boon-giver, who had come:

Verse 6 (skanda.8.172.6)

प्रह्लादो मन्युतप्ताङ्गः पितुर्वधमनुस्मरन् । भगवन् यदि तुष्टोसि वरदश्च समागतः

prahlādo manyutaptāṅgaḥ piturvadhamanusmaran | bhagavan yadi tuṣṭosi varadaśca samāgataḥ

Prahlada, his limbs burning with wrath, remembering his father's death - "O Lord, if you are pleased and have come as a boon-giver,

Verse 7 (skanda.8.172.7)

राजानं हतवान् विष्णुः पितरं मम मायया । संग्रामे तमहं विष्णुं यथा हन्यां तथा कुरु

rājānaṁ hatavān viṣṇuḥ pitaraṁ mama māyayā | saṁgrāme tamahaṁ viṣṇuṁ yathā hanyāṁ tathā kuru

Vishnu slew the king, my father, by his magic; grant that in battle I might slay that very Vishnu."

Verse 8 (skanda.8.172.8)

तमुवाच ततो ब्रह्मा प्रह्लादमसुरोत्तमम् । अजय्यः समरे विष्णुरवध्यश्च सुरासुरैः

tamuvāca tato brahmā prahlādamasurottamam | ajayyaḥ samare viṣṇuravadhyaśca surāsuraiḥ

Then Brahma said to Prahlada, foremost of asuras: "Vishnu is unconquerable in battle and cannot be slain by gods or asuras.

Verse 9 (skanda.8.172.9)

प्रसादाद्देवदेवस्य जगत्स्रष्टुरुमापतेः । नैष शक्यो मया दातुं वरस्तुभ्यं महासुर

prasādāddevadevasya jagatsraṣṭurumāpateḥ | naiṣa śakyo mayā dātuṁ varastubhyaṁ mahāsura

By the grace of the god of gods, the creator of the world, Uma's Lord, this boon I am not able to grant you, great asura.

Verse 10 (skanda.8.172.10)

अन्यं वृणु यथेष्टं त्वं वरं यावद्ददामि ते । चिन्तयित्वा ततो भूयो महाबुद्धिर्महासुरः

anyaṁ vṛṇu yatheṣṭaṁ tvaṁ varaṁ yāvaddadāmi te | cintayitvā tato bhūyo mahābuddhirmahāsuraḥ

Choose another, whatever you wish, and I shall grant it to you." Then, pondering further, that great asura of great intellect,

Verse 11 (skanda.8.172.11)

प्रोवाच वचनं देवं कमलासनसंस्थितम् । अजय्यो यद्यवध्यश्च स विष्णुर्देवसत्तमः

provāca vacanaṁ devaṁ kamalāsanasaṁsthitam | ajayyo yadyavadhyaśca sa viṣṇurdevasattamaḥ

spoke this word to the god seated on the lotus-seat: "If that Vishnu, best of gods, is unconquerable and unslayable,

Verse 12 (skanda.8.172.12)

तस्य विष्णोस्ततो देव शक्रस्यान्यस्य वा रिपोः । अवध्योहमजय्यश्च संभवेयं तवाज्ञया

tasya viṣṇostato deva śakrasyānyasya vā ripoḥ | avadhyohamajayyaśca saṁbhaveyaṁ tavājñayā

then, O god, may I become unslayable and unconquerable by that Vishnu, or by Shakra, or by any other foe, by your command."

Verse 13 (skanda.8.172.13)

एवस्त्विति तं ब्रह्मा प्रोच्य दानवसत्तम । दिव्यपद्मासनो देवस्तत्रैवान्तरधीयत

evastviti taṁ brahmā procya dānavasattama | divyapadmāsano devastatraivāntaradhīyata

"So be it," having said this to him, O best of danavas, the god, seated on his divine lotus-throne, vanished then and there.

Verse 14 (skanda.8.172.14)

प्रह्लादोपि वरं लब्ध्वा ब्रह्मणः परमाद्भुतम् । पश्चिमस्योदधेस्तीरे तस्थौ चिन्ताकुलेन्द्रियः

prahlādopi varaṁ labdhvā brahmaṇaḥ paramādbhutam | paścimasyodadhestīre tasthau cintākulendriyaḥ

Prahlada too, having obtained that most wondrous boon from Brahma, remained on the shore of the western ocean, his senses troubled with anxious thought:

Verse 15 (skanda.8.172.15)

कथं हन्यामहं विष्णुं शक्रं चैव शतक्रतुम् । एवं चिन्तयतस्तस्य प्रह्लादस्य सुरद्विषः

kathaṁ hanyāmahaṁ viṣṇuṁ śakraṁ caiva śatakratum | evaṁ cintayatastasya prahlādasya suradviṣaḥ

"How might I slay Vishnu, and Shakra of the hundred sacrifices?" As Prahlada, foe of the gods, was thus pondering,

Verse 16 (skanda.8.172.16)

सर्वशैलाधिपः श्रीमाँश्चक्रमन् हिमवान् गिरिः । द्वाभ्यामुत्पत्य पक्षाभ्यामाजगाम वियच्चरः

sarvaśailādhipaḥ śrīmā~ścakraman himavān giriḥ | dvābhyāmutpatya pakṣābhyāmājagāma viyaccaraḥ

the glorious lord of all mountains, Himavat, the mountain, wandering, having risen up on two wings, came flying through the sky.

Verse 17 (skanda.8.172.17)

पुरा हि गिरयो व्यास आसन् पक्षसमन्विताः । दिव्या वियद्गमाः सर्वे सर्वलोकचरास्तथा

purā hi girayo vyāsa āsan pakṣasamanvitāḥ | divyā viyadgamāḥ sarve sarvalokacarāstathā

For of old, O Vyasa, the mountains possessed wings, all divine, sky-going, and roaming through every world.

Verse 18 (skanda.8.172.18)

तमागतमथो दृष्ट्वा प्रह्रादो हिमवद्गिरिम् । प्राहेदं वचनं प्रीतः कृत्वा स्वागतमादितः

tamāgatamatho dṛṣṭvā prahrādo himavadgirim | prāhedaṁ vacanaṁ prītaḥ kṛtvā svāgatamāditaḥ

Seeing that mountain Himavat arrived, Prahlada, pleased, having first welcomed him, spoke this word:

Verse 19 (skanda.8.172.19)

कश्यपस्य वयं पौत्रा दैत्या गिरिवराधिप । भवन्तोपि सुतास्तस्य देवा अपि महागिरे

kaśyapasya vayaṁ pautrā daityā girivarādhipa | bhavantopi sutāstasya devā api mahāgire

"We are the grandsons of Kashyapa, we daityas, O lord of the best of mountains; you too are his sons, O great mountain, as are the gods.

Verse 20 (skanda.8.172.20)

अस्माकं भवतां चैव एकस्मात् संभवो गिरे । देवता भ्रातरो भूत्वा अस्माकं देवताश्च हि

asmākaṁ bhavatāṁ caiva ekasmāt saṁbhavo gire | devatā bhrātaro bhūtvā asmākaṁ devatāśca hi

Our origin and yours, indeed, is from one and the same source, O mountain; the gods, having become our brothers, are indeed our very deities.

Verse 21 (skanda.8.172.21)

अवमन्यासुरानस्मान् राज्यं कुर्वन्ति दर्पिताः । वयं यूयं च संगत्य जित्वा देवानशेषतः । त्रैलोक्यं सर्वमाक्रम्य राज्यं कुर्मो महागिरे

avamanyāsurānasmān rājyaṁ kurvanti darpitāḥ | vayaṁ yūyaṁ ca saṁgatya jitvā devānaśeṣataḥ | trailokyaṁ sarvamākramya rājyaṁ kurmo mahāgire

Disdaining us asuras, they rule their kingdom, swollen with pride. Let us and you together, having conquered the gods entirely, overrun the whole of the three worlds and rule the kingdom, O great mountain.

Verse 22 (skanda.8.172.22)

देवानां यजनं येषु हूयन्ते येषु चाग्नयः । प्रीयन्ते देवता येषु देशाँस्तानचलेश्वर

devānāṁ yajanaṁ yeṣu hūyante yeṣu cāgnayaḥ | prīyante devatā yeṣu deśā~stānacaleśvara

Those regions where the worship of the gods takes place, where fires are kindled in oblation, where the deities are pleased, O lord of mountains -

Verse 23 (skanda.8.172.23)

सहितः सर्वशैलैस्त्वमाक्रम्य त्वरितं जहि । इज्याहीनान् ततो देवान् सुखं हंस्याम निर्वृताः

sahitaḥ sarvaśailaistvamākramya tvaritaṁ jahi | ijyāhīnān tato devān sukhaṁ haṁsyāma nirvṛtāḥ

attack those, together with all the mountains, and swiftly destroy them; then, those gods deprived of their sacrifices, we shall slay them happily, at ease."

Verse 24 (skanda.8.172.24)

इत्युक्तो दैत्यराजेन हिमवानचलोत्तमः । नैतद्युक्तमिति प्राह साशङ्को दानवाधिपम्

ityukto daityarājena himavānacalottamaḥ | naitadyuktamiti prāha sāśaṅko dānavādhipam

Thus addressed by the king of the daityas, Himavat, best of mountains, apprehensive, said to the lord of the danavas: "This is not fitting."

Verse 25 (skanda.8.172.25)

पुनरेव ततः प्राह हिमवन्तं महासुरः । मत्तो युक्तं परं त्वं चेद्यदि वेत्सि नगाधिप

punareva tataḥ prāha himavantaṁ mahāsuraḥ | matto yuktaṁ paraṁ tvaṁ cedyadi vetsi nagādhipa

Then again the great asura said to Himavat: "If you know one more powerful than I, O lord of mountains, then say so.

Verse 26 (skanda.8.172.26)

एष त्वां सहितं शैलेर्नेष्यामि निधनं समम् । अप्रमत्तस्तदा तिष्ठ यावत्त्वां हन्मि पर्वत

eṣa tvāṁ sahitaṁ śailerneṣyāmi nidhanaṁ samam | apramattastadā tiṣṭha yāvattvāṁ hanmi parvata

I shall bring you, together with all the mountains, to death alike; stand ready then, unwary as you are, mountain, until I slay you."

Verse 27 (skanda.8.172.27)

दैत्यराजं ततः क्रुद्धं दृष्ट्वा पर्वतसत्तमः । करोम्येवमिति प्राह ततो दैत्यस्तुतोष सः

daityarājaṁ tataḥ kruddhaṁ dṛṣṭvā parvatasattamaḥ | karomyevamiti prāha tato daityastutoṣa saḥ

Then, seeing the king of the daityas thus enraged, that best of mountains said, "I shall do as you say," and the daitya was then pleased.

Verse 28 (skanda.8.172.28)

अथ शैलैस्तदा सार्धं हिमवानचलोत्तमः । प्रह्लादस्य वचः श्रुत्वा चक्रे देशोपमर्दनम्

atha śailaistadā sārdhaṁ himavānacalottamaḥ | prahlādasya vacaḥ śrutvā cakre deśopamardanam

Then Himavat, best of mountains, together with all the mountains, having heard Prahlada's words, laid waste the lands -

Verse 29 (skanda.8.172.29)

पितृदेवात्मिकाः सर्वा यज्ञहोमादिकाः क्रियाः । वर्तन्ते येषु देशेषु गिरयस्तान् समाक्रमन

pitṛdevātmikāḥ sarvā yajñahomādikāḥ kriyāḥ | vartante yeṣu deśeṣu girayastān samākramana

all those regions where rites belonging to the ancestors and the gods, sacrifices, oblations, and the like, were performed, the mountains overran.

Verse 30 (skanda.8.172.30)

अथोत्सन्नेषु देशेषु नारदो मुनिसत्तमः । शक्रायाश्रावयत् सर्वं पर्वतानां व्यतिक्रमम्

athotsanneṣu deśeṣu nārado munisattamaḥ | śakrāyāśrāvayat sarvaṁ parvatānāṁ vyatikramam

Then, those regions laid waste, Narada, best of sages, reported to Shakra everything, the mountains' transgression.

Verse 31 (skanda.8.172.31)

तच्छ्रुत्वा क्रोधसन्तप्तो देवराजः शतक्रतुः । समागम्याचलान् प्राह किमेतदिति मन्युमान्

tacchrutvā krodhasantapto devarājaḥ śatakratuḥ | samāgamyācalān prāha kimetaditi manyumān

Hearing that, the king of the gods, of a hundred sacrifices, burning with rage, came to the mountains and said, filled with fury, "What is this?"

Verse 32 (skanda.8.172.32)

अथोचुर्गिरयो व्यास क्रुद्धं देवगणाधिपम् । प्रह्लादस्य भयाद्देव महादैत्यपतेर्वयम्

athocurgirayo vyāsa kruddhaṁ devagaṇādhipam | prahlādasya bhayāddeva mahādaityapatervayam

Then, O Vyasa, the mountains said this to the enraged lord of the gods: "Out of fear of Prahlada, O god, the great lord of the daityas, we,

Verse 33 (skanda.8.172.33)

इमं व्यतिक्रमं प्राप्ता न दोषो नः कथञ्चन । अथ चेन्मन्यसे दोषमस्माकममराधिप

imaṁ vyatikramaṁ prāptā na doṣo naḥ kathañcana | atha cenmanyase doṣamasmākamamarādhipa

have come to this transgression; there is no fault in us whatsoever. But if you deem it a fault of ours, O lord of the immortals,

Verse 34 (skanda.8.172.34)

प्रह्रादान्तिक्रमागच्छ प्रयाम सहिता द्रुतम् । तेनेदं कारितं सर्वं यज्ञदेशोपमर्दनम् । दैत्यराजेन बलिना युष्मदप्रियलिप्सया

prahrādāntikramāgaccha prayāma sahitā drutam | tenedaṁ kāritaṁ sarvaṁ yajñadeśopamardanam | daityarājena balinā yuṣmadapriyalipsayā

come with us, quickly, to confront Prahlada; all of this, the destruction of the sacrificial lands, was caused by him,

Verse 35 (skanda.8.172.35)

नापराधोयमस्माकं तथा त्वं विद्धि देवप । तानेव ब्रुवतः शक्रः सुतरां मन्युमान् गिरीन्

nāparādhoyamasmākaṁ tathā tvaṁ viddhi devapa | tāneva bruvataḥ śakraḥ sutarāṁ manyumān girīn

the mighty king of the daityas, out of desire to displease you; this is no offense of ours - know it thus, O protector of gods." As the mountains thus spoke, Shakra, all the more enraged,

Verse 36 (skanda.8.172.36)

पक्षहीनान् तदा चक्रे क्षिप्त्वा वज्रं पुनःपुनः । हीनपक्षास्ततस्ते तु सर्व एवाचलेश्वराः

pakṣahīnān tadā cakre kṣiptvā vajraṁ punaḥpunaḥ | hīnapakṣāstataste tu sarva evācaleśvarāḥ

made them wingless then, hurling his thunderbolt again and again. Wingless thereafter, all those lords of the mountains,

Verse 37 (skanda.8.172.37)

पेतुर्महीतले व्यास छिन्नपक्षाः खगा इव । अथ दैत्यपतिः श्रुत्वा प्रह्रादोसुरपुङ्गवः

peturmahītale vyāsa chinnapakṣāḥ khagā iva | atha daityapatiḥ śrutvā prahrādosurapuṅgavaḥ

fell to the earth, O Vyasa, like birds with clipped wings. Then, hearing of it, the lord of the daityas, Prahlada, bull among asuras,

Verse 38 (skanda.8.172.38)

पक्षच्छेदं नगेन्द्राणां भृशं चुक्रोध पीडितः । किङ्करोमीति संचिन्त्य चिरं दैत्यगणाधिपः

pakṣacchedaṁ nagendrāṇāṁ bhṛśaṁ cukrodha pīḍitaḥ | kiṅkaromīti saṁcintya ciraṁ daityagaṇādhipaḥ

grew exceedingly wrathful, aggrieved at the clipping of the great mountains' wings; pondering long what he should do, the lord of the daitya hosts,

Verse 39 (skanda.8.172.39)

वदर्याश्रममागत्य ददर्श विष्णुमास्थितम् । तस्यासीत् सुमहद्युद्धं विष्णुना सार्धमद्भुतम्

vadaryāśramamāgatya dadarśa viṣṇumāsthitam | tasyāsīt sumahadyuddhaṁ viṣṇunā sārdhamadbhutam

went to Badari's hermitage and saw Vishnu seated there; a very great and wondrous battle ensued between him and Vishnu.

Verse 40 (skanda.8.172.40)

न शशाक च तं विष्णुर्जेतुं प्रह्लादमोजसा । तयोर्युद्धमभूद् घोरं दिव्यमब्दशतं पुरा

na śaśāka ca taṁ viṣṇurjetuṁ prahlādamojasā | tayoryuddhamabhūd ghoraṁ divyamabdaśataṁ purā

And Vishnu was not able, by his might, to conquer Prahlada; a terrible battle raged between them, once, for a hundred divine years.

Verse 41 (skanda.8.172.41)

आत्मानं वेद हीनं च विष्णुः प्रह्लाददानवात् । सोभियुक्तस्तदा युद्धे विष्णुः परमधर्मवित्

ātmānaṁ veda hīnaṁ ca viṣṇuḥ prahlādadānavāt | sobhiyuktastadā yuddhe viṣṇuḥ paramadharmavit

Vishnu knew himself inferior to the danava Prahlada; then, engaged in that battle, Vishnu, most knowing of dharma,

Verse 42 (skanda.8.172.42)

अशक्तो दानवं जेतुं मन्युमानभवत् प्रभुः । अथ ध्यात्वा महादेवं प्रणम्य च पुनः पुनः

aśakto dānavaṁ jetuṁ manyumānabhavat prabhuḥ | atha dhyātvā mahādevaṁ praṇamya ca punaḥ punaḥ

unable to conquer the danava, the Lord became filled with wrath. Then, meditating upon Mahadeva, and bowing again and again,

Verse 43 (skanda.8.172.43)

सस्मार पर । पिनाकिनः

sasmāra para | pinākinaḥ

he called to mind the supreme [a portion of the text is lost here] ...of the trident-bearer.

Verse 44 (skanda.8.172.44)

अवध्यत्वमजय्यत्वं सर्वलोकनिवासिभिः । प्रसादं तमनुस्मृत्य शैवं विष्णुः सुरोत्तमः

avadhyatvamajayyatvaṁ sarvalokanivāsibhiḥ | prasādaṁ tamanusmṛtya śaivaṁ viṣṇuḥ surottamaḥ

Recalling that Shaiva grace of invincibility and unconquerability by all the world's inhabitants, Vishnu, best of gods,

Verse 45 (skanda.8.172.45)

महासत्वबलो भूत्वा दैत्यमभ्यद्रवद् बली । हीयमानमथात्मानं हिण्यकशिपोः सुतः

mahāsatvabalo bhūtvā daityamabhyadravad balī | hīyamānamathātmānaṁ hiṇyakaśipoḥ sutaḥ

having become endowed with great strength and vigor, the mighty one charged at the daitya; then the son of Hiranyakashipu,

Verse 46 (skanda.8.172.46)

ज्ञात्वा च बलिनं विष्णुं युद्धदेशादपाक्रमत् । अजितं विष्णुनात्मानं शिवतेजोविमोहितः

jñātvā ca balinaṁ viṣṇuṁ yuddhadeśādapākramat | ajitaṁ viṣṇunātmānaṁ śivatejovimohitaḥ

knowing Vishnu to have become powerful, withdrew from the field of battle; his own self unconquered by Vishnu, though bewildered by Shiva's power,

Verse 47 (skanda.8.172.47)

प्रह्रादो जितमात्मानं बुबुधे दानवेश्वरः । ब्रह्मणोपि वरं लब्ध्वा अजयय्यत्वमथात्मनः

prahrādo jitamātmānaṁ bubudhe dānaveśvaraḥ | brahmaṇopi varaṁ labdhvā ajayayyatvamathātmanaḥ

Prahlada, lord of the danavas, believed himself the conqueror; having also obtained from Brahma the boon of his own unconquerability,

Verse 48 (skanda.8.172.48)

जितमेव तदात्मानममन्यत महासुरः । प्रह्रादासुरसंग्रामं घोरं देवभयंकरम्

jitameva tadātmānamamanyata mahāsuraḥ | prahrādāsurasaṁgrāmaṁ ghoraṁ devabhayaṁkaram

that great asura deemed himself indeed the victor. The terrible battle of Prahlada the asura, dreadful to the gods,

Verse 49 (skanda.8.172.49)

अभूदब्दशतं दिव्यं विष्णुना सार्धमद्भुतम् । न श्रुतेन न वीर्येण न शौर्येण न तेजसा

abhūdabdaśataṁ divyaṁ viṣṇunā sārdhamadbhutam | na śrutena na vīryeṇa na śauryeṇa na tejasā

lasted a hundred divine years, wondrous, together with Vishnu. Not by learning, not by valor, not by heroism, not by splendor,

Verse 50 (skanda.8.172.50)

न बुद्ध्या न च धर्मेण प्रह्रादसदृशोसुरः । हिरण्यकशिपुर्नासीद्राजा तत्सदृशो महान्

na buddhyā na ca dharmeṇa prahrādasadṛśosuraḥ | hiraṇyakaśipurnāsīdrājā tatsadṛśo mahān

not by intellect, and not by righteousness was there any asura equal to Prahlada; Hiranyakashipu was not, nor was any king so great, his equal.

Verse 51 (skanda.8.172.51)

नान्धको न हिरण्याक्षः प्रह्लादसदृशो बले । भृगुशापात् किलायातो दैत्यत्वं विष्णुरेव सः

nāndhako na hiraṇyākṣaḥ prahlādasadṛśo bale | bhṛguśāpāt kilāyāto daityatvaṁ viṣṇureva saḥ

Neither Andhaka nor Hiranyaksha was equal to Prahlada in might; it was indeed Vishnu himself who, by Bhrigu's curse, had come to that state of a daitya.

Verse 52 (skanda.8.172.52)

शौर्येण स्पृहयन्ति स्म श्रुतेन विनयेन च । दिवौकसोपि संसिद्धाः प्रह्रादस्य महात्मनः

śauryeṇa spṛhayanti sma śrutena vinayena ca | divaukasopi saṁsiddhāḥ prahrādasya mahātmanaḥ

For his valor, his learning, and his humility, even the dwellers of heaven, though themselves accomplished, held Prahlada, that great soul, in high regard.

Verse 53 (skanda.8.172.53)

नाभवंस्तस्य राज्ये तु दुःखशोकान्विताः प्रजाः । एवं स दानवश्रेष्ठः कृत्वा युद्धं तु विष्णुना

nābhavaṁstasya rājye tu duḥkhaśokānvitāḥ prajāḥ | evaṁ sa dānavaśreṣṭhaḥ kṛtvā yuddhaṁ tu viṣṇunā

In his kingdom, the people were not afflicted with sorrow and grief. Thus that foremost of danavas, having waged war with Vishnu,

Verse 54 (skanda.8.172.54)

पश्चात्तापोपतप्ताङ्गो विषयेभ्यो गतस्पृहः । वरदानमनित्यं तज् ज्ञात्वा च तपसः फलम्

paścāttāpopataptāṅgo viṣayebhyo gataspṛhaḥ | varadānamanityaṁ taj jñātvā ca tapasaḥ phalam

his limbs burning with remorse afterward, lost all longing for sensory objects; knowing that the granting of boons is impermanent, and the fruit of austerity likewise,

Verse 55 (skanda.8.172.55)

निःस्पृहः सर्वकार्येषु विषयेप्साविवर्जितः । सर्वसन्न्यस्तकर्मा तु ध्यानाभ्यासपरायणः

niḥspṛhaḥ sarvakāryeṣu viṣayepsāvivarjitaḥ | sarvasannyastakarmā tu dhyānābhyāsaparāyaṇaḥ

free of desire in all undertakings, devoid of craving for sensory objects, having renounced all action,

Verse 56 (skanda.8.172.56)

प्रवव्राज महादैत्यः शमेप्सुर्मोक्षसिद्धये । पुनरावर्तकं जन्म बुद्ध्वा चानित्यता पराम्

pravavrāja mahādaityaḥ śamepsurmokṣasiddhaye | punarāvartakaṁ janma buddhvā cānityatā parām

that great daitya, devoted to the practice of meditation, went forth as a mendicant, seeking peace, for the attainment of liberation, having realized the utter impermanence of rebirth that returns again and again.

Verse 57 (skanda.8.172.57)

कष्टं राज्यमिति ज्ञात्वा प्रह्रादः परमार्थवित् । अभिषिच्य सुतं राज्ये दितिजानां विरोचनम्

kaṣṭaṁ rājyamiti jñātvā prahrādaḥ paramārthavit | abhiṣicya sutaṁ rājye ditijānāṁ virocanam

Knowing kingship to be a source of trouble, Prahlada, knower of the ultimate truth, having installed his son Virochana, of the sons of Diti,

Verse 58 (skanda.8.172.58)

दैत्यदानवराजानं कृत्वा तमसुरेश्वरम् । मोक्षसिद्धिं परामिच्छन् प्रव्रज्याकृतनिश्चयः

daityadānavarājānaṁ kṛtvā tamasureśvaram | mokṣasiddhiṁ parāmicchan pravrajyākṛtaniścayaḥ

as king of the daityas and danavas, that lord of the asuras, desiring the supreme accomplishment of liberation, resolved upon renunciation,

Verse 59 (skanda.8.172.59)

वरं तत्त्वमथान्वेष्टुं गुणातीतमजं शिवम् । साक्षाद् भगवतः शिष्यं कपिलस्यासुरिं मुनिम्

varaṁ tattvamathānveṣṭuṁ guṇātītamajaṁ śivam | sākṣād bhagavataḥ śiṣyaṁ kapilasyāsuriṁ munim

to seek out the supreme reality, beyond the qualities, unborn, auspicious - approaching as a disciple the sage Asuri, direct disciple of the blessed Kapila,

Verse 60 (skanda.8.172.60)

शिष्यत्वेनोपसंगम्य मोक्षविद्यामवाप्तवान् । प्रकृतीनां परं तत्त्वं विकाराणां परं तथा

śiṣyatvenopasaṁgamya mokṣavidyāmavāptavān | prakṛtīnāṁ paraṁ tattvaṁ vikārāṇāṁ paraṁ tathā

and, becoming his disciple, attained the knowledge of liberation - the supreme truth of the material principles (prakritis), and likewise of their transformations,

Verse 61 (skanda.8.172.61)

क्षेत्रज्ञं पुरुषं ज्ञात्वा भोक्तारं भोक्तृवर्जितम् । मोक्षविद्यापरार्थज्ञः सांख्यसिद्धान्तपारगः

kṣetrajñaṁ puruṣaṁ jñātvā bhoktāraṁ bhoktṛvarjitam | mokṣavidyāparārthajñaḥ sāṁkhyasiddhāntapāragaḥ

knowing the field-knower, the Person, the experiencer devoid of experience; knowing well the ultimate meaning of the science of liberation, having mastered the Sankhya doctrine,

Verse 62 (skanda.8.172.62)

सिद्धः पञ्चशिखो नाम्ना सोभवन्मुनिसत्तम । स योगं परमं लब्ध्वा सांख्याचार्यो महामुनिः । दुःखत्रयविनिर्मुक्तः प्राप्तवान् पदमव्ययम्

siddhaḥ pañcaśikho nāmnā sobhavanmunisattama | sa yogaṁ paramaṁ labdhvā sāṁkhyācāryo mahāmuniḥ | duḥkhatrayavinirmuktaḥ prāptavān padamavyayam

he became accomplished, known by the name Panchashikha, best of sages; having attained supreme yoga, that great sage, teacher of Sankhya, freed from the three kinds of suffering, attained the imperishable state.

Verse 63 (skanda.8.172.63)

श्रीमानेवं त्रिभुवनरिपुर्दैत्यराजो महात्मा कृत्वा वैरं विबुधगुरुणा विष्णुना दीर्घकालम् । सिद्धः पश्चाज्जगदभयदः प्राप्तयोगश्च भूत्वा मुक्तः पश्चात् स पदममृतं ब्रह्म चाद्यं ह्यवाप

śrīmānevaṁ tribhuvanaripurdaityarājo mahātmā kṛtvā vairaṁ vibudhaguruṇā viṣṇunā dīrghakālam | siddhaḥ paścājjagadabhayadaḥ prāptayogaśca bhūtvā muktaḥ paścāt sa padamamṛtaṁ brahma cādyaṁ hyavāpa

Thus that glorious, great-souled king of the daityas, foe of the three worlds, having waged war for a long time with Vishnu, teacher of the wise gods, became accomplished afterward, a giver of fearlessness to the world, having attained yoga; and thereafter, liberated, he attained the immortal, primal Brahman-state.

Verse 64 (skanda.8.172.64)

क्षेत्रज्ञबोद्धा गुणविप्रयुक्तो दुःखैर्विहीनो भवपाशबन्धैः । तामिस्रमोहप्रतिबन्धमुक्तो योगोश्वरोसौ दितिजाधिपोभूत्

kṣetrajñaboddhā guṇaviprayukto duḥkhairvihīno bhavapāśabandhaiḥ | tāmisramohapratibandhamukto yogośvarosau ditijādhipobhūt

Knower of the field, free from the qualities, devoid of sufferings and the bonds of the noose of worldly existence, freed from the bondage of the darkness of delusion, he, the lord of yoga, became the ruler of the sons of Diti.

Verse 65 (skanda.8.172.65)

एवं ताँश्छिन्नपक्षाँस्तु गिरीन् सर्वान् पुरन्दरः । प्रचकार मुनिश्रेष्ठ प्राक् पृष्टो यदहं त्वया

evaṁ tā~śchinnapakṣā~stu girīn sarvān purandaraḥ | pracakāra muniśreṣṭha prāk pṛṣṭo yadahaṁ tvayā

Thus did Purandara make all those mountains wingless, O best of sages - this, which you first asked me.