The Battle of the Goddess

Verse 1 (skanda.8.65.1)

सनत्कुमार उवाच । अथ ता देवताः क्रुद्धा दैत्यानग्रेसराँस्तदा । निजघ्नुर्विविधैः शस्त्रैस्ते च ता विभिदु र्युधि

sanatkumāra uvāca | atha tā devatāḥ kruddhā daityānagresarā~stadā | nijaghnurvividhaiḥ śastraiste ca tā vibhidu ryudhi

Sanatkumara said: Then those enraged goddesses struck down the foremost of the Daityas with various weapons, and they in turn wounded the goddesses in battle.

Verse 2 (skanda.8.65.2)

दैत्या नानायुधोपेता देवीर्जघ्नु स्तदा रणे । अबला बलिनो वीराः समरेमरविद्विषः

daityā nānāyudhopetā devīrjaghnu stadā raṇe | abalā balino vīrāḥ samaremaravidviṣaḥ

The Daityas, armed with various weapons - mighty warriors, enemies of the immortals - struck at the goddesses, thinking them merely weak women, in that battle.

Verse 3 (skanda.8.65.3)

तुरङ्गिणस्तुरङ्गस्थाः पदातींश्च पदातयः । रथिनो रथसंस्थाश्च गजस्था गजसादिनः

turaṅgiṇasturaṅgasthāḥ padātīṁśca padātayaḥ | rathino rathasaṁsthāśca gajasthā gajasādinaḥ

Horsemen fought horsemen, foot-soldiers fought foot-soldiers, charioteers fought charioteers, and elephant-riders fought elephant-riders.

Verse 4 (skanda.8.65.4)

रथा नागास्तुरङ्गाश्च रथान् नागान् तुरङ्गमान् । पदातीः सादिनः शूराः सादिनीश्च पदातयः

rathā nāgāsturaṅgāśca rathān nāgān turaṅgamān | padātīḥ sādinaḥ śūrāḥ sādinīśca padātayaḥ

Chariots struck at elephants and horses, elephants and horses struck at chariots; heroic riders struck at foot-soldiers, and foot-soldiers struck at riders.

Verse 5 (skanda.8.65.5)

देव्योपि युधि संक्रुद्धाः पत्तिसादिरथ द्विपान् । निर्जघ्नुर्दानवेन्द्राणां प्रासशक्ति परश्वधैः

devyopi yudhi saṁkruddhāḥ pattisādiratha dvipān | nirjaghnurdānavendrāṇāṁ prāsaśakti paraśvadhaiḥ

The goddesses too, enraged in battle, struck down with spears, javelins and axes the foot-soldiers, riders, chariots and elephants of the demon-lords.

Verse 6 (skanda.8.65.6)

पादैश्च पिपिषुः शूरान्निपात्य भुवि दानवान् । विभिदुर्मुष्टिभिः काश्चिच्छिरांसि सुरविद्विषाम्

pādaiśca pipiṣuḥ śūrānnipātya bhuvi dānavān | vibhidurmuṣṭibhiḥ kāścicchirāṁsi suravidviṣām

They threw down heroic demons to the ground and trampled them with their feet; some of the goddesses shattered the heads of the enemies of the gods with their bare fists.

Verse 7 (skanda.8.65.7)

विदार्योरःस्थलं काश्चित् समरे दर्पशालिनाम् । पपुश्च रुधिरं देव्यः प्राणैस्सह सुरद्विषाम्

vidāryoraḥsthalaṁ kāścit samare darpaśālinām | papuśca rudhiraṁ devyaḥ prāṇaissaha suradviṣām

Some, tearing open the chests of the proud demons in battle, drank their blood together with their very life-breaths.

Verse 8 (skanda.8.65.8)

छिन्नाँश्च खण्डशः केचिद् हेतीनुत्थाय वेगिताः । निर्जघ्नु र्देवताः क्रुद्धा मुष्टिभिर्वज्रसंहतैः

chinnā~śca khaṇḍaśaḥ kecid hetīnutthāya vegitāḥ | nirjaghnu rdevatāḥ kruddhā muṣṭibhirvajrasaṁhataiḥ

Some demons, their weapons snatched away and hacked to pieces, swiftly rose again; but the enraged goddesses struck them down with fists hard as thunderbolts.

Verse 9 (skanda.8.65.9)

केचिन्मदाम्बुनिष्यन्दश्यामगण्डस्थला गजाः । पिपिषुः परमक्रुद्धाः समरे देवतारथान्

kecinmadāmbuniṣyandaśyāmagaṇḍasthalā gajāḥ | pipiṣuḥ paramakruddhāḥ samare devatārathān

Some elephants, their temples dark with streaming rut-fluid, utterly enraged, crushed the chariots of the goddesses in that battle.

Verse 10 (skanda.8.65.10)

कपोलभित्तिसंलीनमत्तषट्पदपंक्तयः । हतारोहा गजाः केचिन्निर्जघ्नुर्दैत्यदेवताः

kapolabhittisaṁlīnamattaṣaṭpadapaṁktayaḥ | hatārohā gajāḥ kecinnirjaghnurdaityadevatāḥ

Some elephants, rows of intoxicated bees clinging to the walls of their temples, their riders slain, still struck down both demons and goddesses.

Verse 11 (skanda.8.65.11)

वर्मिणः केचिदुद्भ्रान्तशितनिस्त्रिंशपाणयः । चिच्छिदुर्देवतानीकं देवता दानवानपि

varmiṇaḥ kecidudbhrāntaśitanistriṁśapāṇayaḥ | cicchidurdevatānīkaṁ devatā dānavānapi

Some armoured warriors, swords whirling sharply in their hands, cut through the host of goddesses - and the goddesses cut down the demons in turn.

Verse 12 (skanda.8.65.12)

मत्ताः प्रतिच्छन्नमुखाँश्च केचिद् गन्धेन विज्ञाय गजान् गजेन्द्राः । घ्रात्वा तु गन्धं सहसाभिजघ्नुराधोरणैरप्यभिसंगृहीताः ५

mattāḥ praticchannamukhā~śca kecid gandhena vijñāya gajān gajendrāḥ | ghrātvā tu gandhaṁ sahasābhijaghnurādhoraṇairapyabhisaṁgṛhītāḥ 5

Some rutting lord-elephants, recognising by scent the enemy elephants whose faces were disguised, suddenly attacked them the moment they caught the smell, even though restrained by their mahouts.

Verse 13 (skanda.8.65.13)

विस्फार्यमाणानि महाधनूंषि महाबलैर्दानक्योधमुख्यैः । तारं विरेसुः समराजिरेषु क्रौञ्चा इव व्योम्नि शरन्निशासु

visphāryamāṇāni mahādhanūṁṣi mahābalairdānakyodhamukhyaiḥ | tāraṁ viresuḥ samarājireṣu krauñcā iva vyomni śaranniśāsu

Great bows, drawn taut by the mighty foremost warriors of the demons, twanged loudly on the battlefield, like curlews crying in the sky on autumn nights.

Verse 14 (skanda.8.65.14)

तूर्यस्वनैर्ज्यातलसन्निपातैर्नागाश्वनादै रथनेमिघोषैः । संपूर्णकुञ्जोदर कन्दरोसौ विन्ध्यश्चचालेव तदा समग्रः

tūryasvanairjyātalasannipātairnāgāśvanādai rathanemighoṣaiḥ | saṁpūrṇakuñjodara kandarosau vindhyaścacāleva tadā samagraḥ

With the blare of trumpets, the slap of bowstring on palm, the trumpeting of elephants, the neighing of horses, and the rumble of chariot-wheels, the whole of Vindhya, its groves and caverns filled with sound, seemed to shake.

Verse 15 (skanda.8.65.15)

देव्यः समुत्सार्य रणे रिपूणामुच्चैर्विनेदुः प्रसभं बलानि । नेदुश्च नादान् परिहृष्टचित्ताः प्रोत्सार्य देवीर्युधि दैत्ययोधाः

devyaḥ samutsārya raṇe ripūṇāmuccairvineduḥ prasabhaṁ balāni | neduśca nādān parihṛṣṭacittāḥ protsārya devīryudhi daityayodhāḥ

The goddesses, forcefully driving back the enemy's forces in battle, roared aloud; and the demon-warriors too, greatly delighted, roared out as they drove the goddesses back in turn.

Verse 16 (skanda.8.65.16)

बलानि किञ्चित्क्षतजोक्षितानि प्रचक्रिरे तत्र गतागतानि । महावनानीव समीरणेन समीरितान्युद्गतपल्लवानि

balāni kiñcitkṣatajokṣitāni pracakrire tatra gatāgatāni | mahāvanānīva samīraṇena samīritānyudgatapallavāni

The armies, drenched a little with blood, surged back and forth there, like great forests, their fresh shoots stirred, swayed by the wind.

Verse 17 (skanda.8.65.17)

छिन्नानि वक्त्राणि पुरस्सराणां विचित्रहैमाभरणोज्ज्वलानि । देवीभिराजौ पतितानि रेजुर्निकृत्तनालानि यथाम्बुजानि

chinnāni vaktrāṇi purassarāṇāṁ vicitrahaimābharaṇojjvalāni | devībhirājau patitāni rejurnikṛttanālāni yathāmbujāni

The severed heads of the front-rank warriors, ablaze with colourful golden ornaments, fell in battle at the goddesses' hands, and lay there like lotuses cut from their stalks.

Verse 18 (skanda.8.65.18)

प्रत्याहता विद्रुतभीतनागा सा देवताभिर्निहताश्वयोधा । दैत्येन्द्रसिंहैः प्रतिसन्निवृत्तैर्दोलायमानेव चमूर्बभूव

pratyāhatā vidrutabhītanāgā sā devatābhirnihatāśvayodhā | daityendrasiṁhaiḥ pratisannivṛttairdolāyamāneva camūrbabhūva

Driven back, its elephants fleeing in fear, its horses and warriors slain by the goddesses, and rallied again by the lion-like demon-lords, the army swayed to and fro like a swing.

Verse 19 (skanda.8.65.19)

हता निपेतुः समरे नदन्तो देवद्विषामञ्जनशैलकल्पाः । देवोभिराबद्धविचित्रघण्टा मर्मातिगैर्वाणवरैर्गजेन्द्राः

hatā nipetuḥ samare nadanto devadviṣāmañjanaśailakalpāḥ | devobhirābaddhavicitraghaṇṭā marmātigairvāṇavarairgajendrāḥ

The lord-elephants of the enemies of the gods, dark as collyrium mountains, their bells brightly tied on, fell roaring in battle, slain by the goddesses' excellent arrows piercing to the vitals.

Verse 20 (skanda.8.65.20)

बलानि तेषामभिसृत्य वेगादभ्याहतान्याश्वपसेरुराजौ । महोदधिं प्राप्य विवृद्धिकाले प्रत्याहतानीव सरिज्जलानि

balāni teṣāmabhisṛtya vegādabhyāhatānyāśvapaserurājau | mahodadhiṁ prāpya vivṛddhikāle pratyāhatānīva sarijjalāni

Their forces, charged at with speed and struck back, retreated at once in that battle, like river-waters driven back on reaching the great ocean at high tide.

Verse 21 (skanda.8.65.21)

देव्यश्च दैत्याश्च महासमाजे विरेजिरेन्योन्यविसक्तवाणाः । संसक्तभासोपगमे घनानामभ्रे समूहा इव तारकाणाम्

devyaśca daityāśca mahāsamāje virejirenyonyavisaktavāṇāḥ | saṁsaktabhāsopagame ghanānāmabhre samūhā iva tārakāṇām

The goddesses and the Daityas, their arrows locked together in that great gathering, shone forth like clusters of stars amid gathering clouds whose light intermingles.

Verse 22 (skanda.8.65.22)

उद्घुष्य नामान्यथ दानवेन्द्रा निर्जग्मुराशु स्वबलाद्रथस्थाः । क्रुद्धाः सुयत्ता रथिनां वरिष्ठा विस्फार्य चित्राणि शरासनानि

udghuṣya nāmānyatha dānavendrā nirjagmurāśu svabalādrathasthāḥ | kruddhāḥ suyattā rathināṁ variṣṭhā visphārya citrāṇi śarāsanāni

Then, calling out their names aloud, the demon-lords, mounted on chariots, the finest of charioteers, angrily and fully prepared, swiftly rode out from their army, drawing their splendid bows.

Verse 23 (skanda.8.65.23)

देव्योपि संयत्ततरा रथस्थाः क्रुद्धा जवेनाथ तदाभिसस्रुः । मेघस्वनं प्रत्युदियाय षष्ठी कार्तस्वरं मृत्युरुदीर्णकोपा

devyopi saṁyattatarā rathasthāḥ kruddhā javenātha tadābhisasruḥ | meghasvanaṁ pratyudiyāya ṣaṣṭhī kārtasvaraṁ mṛtyurudīrṇakopā

The goddesses too, still more fully prepared, mounted on chariots, enraged, then swiftly advanced. Shashthi went out to meet Meghasvana; the greatly-angered Mrityu went to meet Kartasvara.

Verse 24 (skanda.8.65.24)

द्रुमेण लक्ष्मीरथ संयुगस्था मयेन कान्तिः सरमा मुरेण । घनेन चण्डा नियतिः खरेण प्रभावती धुन्धुमयात् सरोषा

drumeṇa lakṣmīratha saṁyugasthā mayena kāntiḥ saramā mureṇa | ghanena caṇḍā niyatiḥ khareṇa prabhāvatī dhundhumayāt saroṣā

Lakshmi took the field against Druma; Kanti against Maya; Sarama against Mura; Chanda against Ghana; Niyati against Khara; and Prabhavati, full of fury, against Dhundhu.

Verse 25 (skanda.8.65.25)

दैत्या युयुत्सोत्सुकमानसास्ते देवीः समायास्सभुजैस्सशस्त्रैः । अभ्याययुः शीघ्रममृष्यमाणाः ख्यातावलेपाः स्वरथैस्सुयत्ताः

daityā yuyutsotsukamānasāste devīḥ samāyāssabhujaissaśastraiḥ | abhyāyayuḥ śīghramamṛṣyamāṇāḥ khyātāvalepāḥ svarathaissuyattāḥ

Those Daityas, their minds eager for battle, arms and weapons raised, unable to bear the goddesses' approach, famed for their pride, swiftly advanced on their well-prepared chariots.

Verse 26 (skanda.8.65.26)

ज्योतिःप्रकाशान्तपनीयपुंखानाकर्णपूर्णायतचापमुक्तान् । संप्रेषयामासुरदीनसत्वा बाणप्रवेकान्युधि देवतानाम्

jyotiḥprakāśāntapanīyapuṁkhānākarṇapūrṇāyatacāpamuktān | saṁpreṣayāmāsuradīnasatvā bāṇapravekānyudhi devatānām

Undaunted in spirit, they released at the goddesses excellent arrows with golden nocks bright as stars, shot from bows drawn full to the ear.

Verse 27 (skanda.8.65.27)

देव्योथ तेषां निशितान्सुपुंखान्मर्मच्छिदो दूरगमान्सुपत्रान् । आगच्छतां दानवयूथपानां बाणाननन्तान्ससृजुस्तथैव

devyotha teṣāṁ niśitānsupuṁkhānmarmacchido dūragamānsupatrān | āgacchatāṁ dānavayūthapānāṁ bāṇānanantānsasṛjustathaiva

Then the goddesses likewise released countless sharp, well-feathered, marrow-cutting, far-reaching arrows at those advancing demon-chiefs.

Verse 28 (skanda.8.65.28)

ते बाणमुख्या विविधा विरेजुरन्योन्यमुक्ता व्यतिषज्यमानाः । ते पूर्णमास्यां विघने दिनान्ते भासः समूढा इव चान्द्रसौराः

te bāṇamukhyā vividhā virejuranyonyamuktā vyatiṣajyamānāḥ | te pūrṇamāsyāṁ vighane dinānte bhāsaḥ samūḍhā iva cāndrasaurāḥ

Those excellent arrows, of various kinds, loosed by both sides, colliding with one another, shone forth like the mingled rays of moon and sun at day's end on a cloudless full-moon night.

Verse 29 (skanda.8.65.29)

छिन्ना निपेतुर्युधि देवताभिर्भुजाः सशस्त्रा दितिजाधिपानाम् । निरस्तभोगा निबिडा बृहन्तो निगीर्णजिह्वा इव पन्नगेन्द्राः

chinnā nipeturyudhi devatābhirbhujāḥ saśastrā ditijādhipānām | nirastabhogā nibiḍā bṛhanto nigīrṇajihvā iva pannagendrāḥ

The weapon-bearing arms of the demon-lords, severed by the goddesses, fell in battle, thick and mighty, like great serpent-lords whose hoods have been struck down, their tongues swallowed.

Verse 30 (skanda.8.65.30)

मेघस्वनस्याथ रणे तदानीं क्रुद्धा शरौघान्विससर्ज षष्ठी । आगच्छतस्तानभितः पृषत्कैश्चिच्छेद दैत्यः शतशोन्तरिक्षे

meghasvanasyātha raṇe tadānīṁ kruddhā śaraughānvisasarja ṣaṣṭhī | āgacchatastānabhitaḥ pṛṣatkaiściccheda daityaḥ śataśontarikṣe

Then, enraged, Shashthi released a flood of arrows at Meghasvana in battle; the demon, in turn, cut those arrows to pieces in the sky by the hundred with his own shafts as they approached.

Verse 31 (skanda.8.65.31)

बाणानथोद्वीक्ष्य तदा निकृत्तान् लघीयसोन्यान्विससर्ज तूर्णम् । दैत्योपि तानापततः पृषत्कान्व्रातैः शराणां बहुशश्चकर्त्त

bāṇānathodvīkṣya tadā nikṛttān laghīyasonyānvisasarja tūrṇam | daityopi tānāpatataḥ pṛṣatkānvrātaiḥ śarāṇāṁ bahuśaścakartta

Seeing her arrows thus cut down, she swiftly loosed other, lighter ones; the demon too cut those incoming shafts to pieces many times over with volleys of his own arrows.

Verse 32 (skanda.8.65.32)

निकृत्य बाणान्दितिजः पुनस्तान् चिक्षेप षष्ठ्या दश रुक्मपुंखान् । तानाशु षष्ठी प्रतिवार्य दैत्यं विव्याध षष्ठ्या तपनीयपुंखैः

nikṛtya bāṇānditijaḥ punastān cikṣepa ṣaṣṭhyā daśa rukmapuṁkhān | tānāśu ṣaṣṭhī prativārya daityaṁ vivyādha ṣaṣṭhyā tapanīyapuṁkhaiḥ

Having cut down her arrows, that son of Diti then hurled ten gold-nocked arrows at Shashthi; but Shashthi swiftly warded them off, and pierced the demon with six golden-nocked shafts.

Verse 33 (skanda.8.65.33)

स तैर्विभिन्नो रुधिराक्तमूर्तिः प्रविह्वलः च किंचिदवाग् बभूव । अपाकरोत्तं समरात् स्वसूतो रथेन जाम्बूनदचित्रितेन

sa tairvibhinno rudhirāktamūrtiḥ pravihvalaḥ ca kiṁcidavāg babhūva | apākarottaṁ samarāt svasūto rathena jāmbūnadacitritena

Wounded by them, his body drenched in blood, he grew faint and briefly speechless; his own charioteer then bore him away from the battle in a chariot inlaid with gold.

Verse 34 (skanda.8.65.34)

कार्तस्वनः काञ्चनचित्रपुंखान् ससर्ज देव्याः समरे पृषत्कान् । चिच्छेद तान् मृत्युरुदारपुंखैरनागता नेव शराञ्छरौघैः

kārtasvanaḥ kāñcanacitrapuṁkhān sasarja devyāḥ samare pṛṣatkān | ciccheda tān mṛtyurudārapuṁkhairanāgatā neva śarāñcharaughaiḥ

Kartasvana loosed at the goddess in battle arrows with golden, ornate nocks; Mrityu cut them down with her own great-plumed shafts, even before they could arrive, with volleys of arrows.

Verse 35 (skanda.8.65.35)

छित्त्वा शराँस्तस्य शरैर्विचित्रैर्विव्याध तं वक्षसि पञ्चषष्ठ्या । भिन्नः स तैराशु तथा विरेजे व्योम्न्यर्कपादैरिव वारिवाहः

chittvā śarā~stasya śarairvicitrairvivyādha taṁ vakṣasi pañcaṣaṣṭhyā | bhinnaḥ sa tairāśu tathā vireje vyomnyarkapādairiva vārivāhaḥ

Having cut down his arrows with her own many-hued shafts, she pierced him in the chest with sixty-five arrows; wounded by them, he then shone forth like a raincloud struck by the sun's rays in the sky.

Verse 36 (skanda.8.65.36)

अश्वांश्च तस्याशु जघान मृत्युः पृथक् पृषत्कै स्तपनीयपुंखैः । आप्लुत्य दैत्योथ रथाद्धताश्वात्प्रगृह्य चर्मासिवरञ्च धौतम्

aśvāṁśca tasyāśu jaghāna mṛtyuḥ pṛthak pṛṣatkai stapanīyapuṁkhaiḥ | āplutya daityotha rathāddhatāśvātpragṛhya carmāsivarañca dhautam

Mrityu swiftly slew his horses too, each with a separate golden-nocked shaft; then the demon, leaping down from his chariot whose horses were slain, seized his shield and a polished excellent sword,

Verse 37 (skanda.8.65.37)

क्रुद्धो नितान्तायतरक्तनेत्रो वेगेन देवीमभितः ससार । तच्चर्म तस्यापततः शरौघैश्चकर्त्त मृत्युः शतशश्शिताग्रैः

kruddho nitāntāyataraktanetro vegena devīmabhitaḥ sasāra | taccarma tasyāpatataḥ śaraughaiścakartta mṛtyuḥ śataśaśśitāgraiḥ

and, enraged, his eyes utterly wide and red, rushed swiftly straight at the goddess; but Mrityu, as he approached, cut his shield to pieces, by the hundred, with a shower of sharp-pointed arrows.

Verse 38 (skanda.8.65.38)

स कृत्तचर्मावरणो सुरेन्द्रो निस्त्रिंशमुद्यम्य निशातधारम् । अभ्यद्रवन्मृत्युमभूत्तदानीं खे रोहिणीं मेघ इवाभिविद्युत्

sa kṛttacarmāvaraṇo surendro nistriṁśamudyamya niśātadhāram | abhyadravanmṛtyumabhūttadānīṁ khe rohiṇīṁ megha ivābhividyut

His shield now cut away, that lord of demons, raising a sharp-edged sword, charged at Mrityu, and appeared then like a lightning-lit cloud rushing at the star Rohini in the sky.

Verse 39 (skanda.8.65.39)

तमापतन्तं युधि कालकल्पं मृत्युः शरैरुग्रभुजङ्गकल्पैः । जघान मर्मस्वभिलक्षितेषु व्ययोजयच्चासुभिरेनमाशु

tamāpatantaṁ yudhi kālakalpaṁ mṛtyuḥ śarairugrabhujaṅgakalpaiḥ | jaghāna marmasvabhilakṣiteṣu vyayojayaccāsubhirenamāśu

As he charged, terrible as Death itself, Mrityu struck him in battle with arrows fierce as serpents, aimed at his vital points, and swiftly parted him from his life.

Verse 40 (skanda.8.65.40)

लक्ष्मीर्द्रुमं बाणवरैरजय्या समाकिरद्वारणराजलीलम् । कर्णान्तमुक्तै र्निशितैरजिह्मै रणाजिरे चारुसुवर्णपुंखैः

lakṣmīrdrumaṁ bāṇavarairajayyā samākiradvāraṇarājalīlam | karṇāntamuktai rniśitairajihmai raṇājire cārusuvarṇapuṁkhaiḥ

Unconquerable Lakshmi covered Druma, who moved with the grace of a lord of elephants, with excellent arrows on the battlefield - sharp, straight-flying, released full to the ear, their nocks of fine gold.

Verse 41 (skanda.8.65.41)

अजिह्मगास्ते विविधाः सुपत्रिता द्रुमस्य गात्रेषु निपेतुराहवे । स तैर्विचित्रैः शुशुभे विषक्तैर्महाद्रुमः पक्षिगणरिवाश्रितैः

ajihmagāste vividhāḥ supatritā drumasya gātreṣu nipeturāhave | sa tairvicitraiḥ śuśubhe viṣaktairmahādrumaḥ pakṣigaṇarivāśritaiḥ

Those various straight-flying, well-feathered arrows fell upon Druma's limbs in that combat; and he, studded with them, shone like a great tree perched with flocks of colourful birds.

Verse 42 (skanda.8.65.42)

लक्ष्मीं ततः किंपुरुषाधिपोसौ विव्याध बाणैर्दशभिः सुपुंखैः । वक्त्रे स पूर्णेन्दुसमानवक्त्त्रां बाह्वोः पृथक् चाष्टशतेन धीरः

lakṣmīṁ tataḥ kiṁpuruṣādhiposau vivyādha bāṇairdaśabhiḥ supuṁkhaiḥ | vaktre sa pūrṇendusamānavakttrāṁ bāhvoḥ pṛthak cāṣṭaśatena dhīraḥ

Then that lord of Kimpurushas pierced Lakshmi, whose face was like the full moon, with ten well-feathered arrows in the face, and, steadfast, with eight hundred more, separately, in her two arms.

Verse 43 (skanda.8.65.43)

अचिन्तयन्तीषु वरान्वरास्या मुखेस्य तीक्ष्णान्निचखान बाणान् । अन्यानसख्याँश्च पृथक् शरीरे सुपत्रितान् हाटकमृष्टपुंखान्

acintayantīṣu varānvarāsyā mukhesya tīkṣṇānnicakhāna bāṇān | anyānasakhyā~śca pṛthak śarīre supatritān hāṭakamṛṣṭapuṁkhān

Fair-faced Lakshmi, disregarding those excellent arrows, planted sharp arrows into his face, and countless other well-feathered, gold-polished-nocked shafts, separately, all over his body.

Verse 44 (skanda.8.65.44)

लक्ष्म्यास्ततो दैत्यपतिः शितेन भल्लेन चिच्छेद रथे ध्वजाग्रम् । अश्वांश्च तस्याश्चतुरश्चतुर्भिः सूतं च विव्याध शरेण तूर्णम्

lakṣmyāstato daityapatiḥ śitena bhallena ciccheda rathe dhvajāgram | aśvāṁśca tasyāścaturaścaturbhiḥ sūtaṁ ca vivyādha śareṇa tūrṇam

Then the demon-lord cut off the top of Lakshmi's banner on her chariot with a sharp crescent-arrow, struck her four horses each with four arrows, and swiftly pierced her charioteer with one shaft.

Verse 45 (skanda.8.65.45)

नाराचमादाय ततोस्य लक्ष्मीर्जघान सूतं युधि देवशत्रोः । विव्याध वाहाँश्च पृथक्पृषत्कैध्वजञ्च चिच्छेद रथस्य तूर्णम्

nārācamādāya tatosya lakṣmīrjaghāna sūtaṁ yudhi devaśatroḥ | vivyādha vāhā~śca pṛthakpṛṣatkaidhvajañca ciccheda rathasya tūrṇam

Then, taking an iron shaft, Lakshmi slew the charioteer of that enemy of the gods in battle, pierced his horses each with separate arrows, and swiftly cut down the banner of his chariot.

Verse 46 (skanda.8.65.46)

यन्त्रा विना तस्य रथं तदानीं ते सायकैरप्रतिमैः प्रतप्ताः । संग्रामभूमेरपनिन्युरश्वाः प्राणानिव स्वान् परिरक्षमाणाः

yantrā vinā tasya rathaṁ tadānīṁ te sāyakairapratimaiḥ prataptāḥ | saṁgrāmabhūmerapaninyuraśvāḥ prāṇāniva svān parirakṣamāṇāḥ

His chariot then left without control, and his horses, tormented by those matchless arrows, bore it away from the battlefield, as if guarding their own lives.

Verse 47 (skanda.8.65.47)

कान्तिर्मयं बाणशतैरवाकिरन्मयश्च कान्तिं निशितैः शरौघैः । नीहारपातैरिव सान्धकारं तदा तयोरन्तरमास तत्र

kāntirmayaṁ bāṇaśatairavākiranmayaśca kāntiṁ niśitaiḥ śaraughaiḥ | nīhārapātairiva sāndhakāraṁ tadā tayorantaramāsa tatra

Kanti showered Maya with hundreds of arrows, and Maya showered Kanti with sharp volleys of shafts; the space between them then became dim, as though with falling mist and darkness.

Verse 48 (skanda.8.65.48)

आदानसन्धानविकर्षणेषु स्थानक्रमप्रग्रहतेजनेषु । शिक्षागुणैस्तावपरस्परेण विशेषयामासतुराजिमध्ये

ādānasandhānavikarṣaṇeṣu sthānakramapragrahatejaneṣu | śikṣāguṇaistāvaparaspareṇa viśeṣayāmāsaturājimadhye

In taking up, nocking and drawing their arrows, in footwork, in the handling of reins, and in aim, the two of them each outdid the other, by their trained skill, in the midst of that battle.

Verse 49 (skanda.8.65.49)

कान्तिर्मयास्तान्निचकर्त बाणान्मयश्च कान्त्या विशिखान्विमृष्टान् । छिद्रं समासेदतुरप्रधृष्यौ किञ्चिन्न तौ यत्र परस्परस्य

kāntirmayāstānnicakarta bāṇānmayaśca kāntyā viśikhānvimṛṣṭān | chidraṁ samāsedaturapradhṛṣyau kiñcinna tau yatra parasparasya

Kanti cut down Maya's arrows, and Maya cut down Kanti's well-honed shafts in turn; those two, unassailable, found not the slightest opening in one another.

Verse 50 (skanda.8.65.50)

अश्वेषु सूते सरथे ध्वजे च सर्वेषु गात्रावयवेषु चास्य । अजिह्मगान् हाटकमृष्टपुंखान् मयस्य कान्तिर्निचखान बाणान्

aśveṣu sūte sarathe dhvaje ca sarveṣu gātrāvayaveṣu cāsya | ajihmagān hāṭakamṛṣṭapuṁkhān mayasya kāntirnicakhāna bāṇān

Kanti planted straight-flying, gold-polished-nocked arrows into his horses, his charioteer, his chariot, his banner, and every part of Maya's body.

Verse 51 (skanda.8.65.51)

मयश्च कान्तिं सरथा ७ ससूतां सचारुचित्रध्वजवाजिमुख्याम् । संछादयामास शितैः पृषत्कैर्वनस्थलीं मेघ इवाम्बुवर्षैः

mayaśca kāntiṁ sarathā 7 sasūtāṁ sacārucitradhvajavājimukhyām | saṁchādayāmāsa śitaiḥ pṛṣatkairvanasthalīṁ megha ivāmbuvarṣaiḥ

And Maya covered Kanti, together with her chariot, charioteer, lovely banner and fine horses, with sharp shafts, as a cloud covers a forest with sheets of rain.

Verse 52 (skanda.8.65.52)

क्रुद्धाथ कान्तिः समरे मयस्य नाराचमुख्येन सुपत्रितेन । सूतं जघानाशु रिपोस्तदानीमष्टाभिरष्टौ तुरगाँश्च बाणैः

kruddhātha kāntiḥ samare mayasya nārācamukhyena supatritena | sūtaṁ jaghānāśu ripostadānīmaṣṭābhiraṣṭau turagā~śca bāṇaiḥ

Then Kanti, enraged, swiftly slew the enemy's charioteer in battle with an excellent, well-feathered iron shaft, and struck his eight horses with eight arrows.

Verse 53 (skanda.8.65.53)

हताश्वसूतो विरथो मयोथ निस्त्रिंशमादाय निशातधारम् । ज्ञात्वैव कान्त्या समरे प्रभावं विहाय युद्धं वियदुत्पपात

hatāśvasūto viratho mayotha nistriṁśamādāya niśātadhāram | jñātvaiva kāntyā samare prabhāvaṁ vihāya yuddhaṁ viyadutpapāta

His horses and charioteer slain, chariot-less, Maya then took up a sharp-edged sword; but, sensing Kanti's power in battle, he abandoned the fight and leapt up into the sky.

Verse 54 (skanda.8.65.54)

विव्याध तीक्ष्णैः सरमा रणाजिरे बाणैर्मुरं दानवदैत्ययूथपम् । दैत्योपि बाणैः सरमामजिह्मगैरभ्याहनद् गृध्रमयूरपत्रिभिः

vivyādha tīkṣṇaiḥ saramā raṇājire bāṇairmuraṁ dānavadaityayūthapam | daityopi bāṇaiḥ saramāmajihmagairabhyāhanad gṛdhramayūrapatribhiḥ

Sarama pierced Mura, chief of the demon and Daitya host, with sharp arrows on the battlefield; the demon in turn struck Sarama with straight-flying arrows feathered with vulture and peacock plumes.

Verse 55 (skanda.8.65.55)

क्रुद्धाथ देवी निशितेन तस्य चिच्छेद भल्लेन धनुर्विचित्रम् । ते विह्वलाः शोणितमुद्वमन्तो दैत्येन्द्रबाणाभिहतास्तुरङ्गाः । भूमौ निपेतुः समरे श्वसन्तः प्राणाञ्जहुश्चाशु समं समस्ताः

kruddhātha devī niśitena tasya ciccheda bhallena dhanurvicitram | te vihvalāḥ śoṇitamudvamanto daityendrabāṇābhihatāsturaṅgāḥ | bhūmau nipetuḥ samare śvasantaḥ prāṇāñjahuścāśu samaṁ samastāḥ

Then the enraged goddess cut his splendid bow with a sharp crescent-arrow; and his horses, struck by the demon-lord's own earlier arrows, fell to the ground gasping and vomiting blood, and together, all at once, gave up their lives.

Verse 56 (skanda.8.65.56)

क्रुद्धाथ देवी सरमासुरस्य निस्त्रिंशमुद्यम्य सुपीतधारम् । उत्पत्य खं तस्य तदा जघान यन्तारमश्वाँश्च महाप्रमाणान्

kruddhātha devī saramāsurasya nistriṁśamudyamya supītadhāram | utpatya khaṁ tasya tadā jaghāna yantāramaśvā~śca mahāpramāṇān

Then Sarama, enraged, raising a bright, golden-edged sword, leapt into the sky and slew that demon's charioteer and his enormous horses.

Verse 57 (skanda.8.65.57)

मुरोथ वेगेन तदान्तरिक्षमुत्पत्य कोपान्निहताश्वसूतः । विव्याध देवीं दशभिःसुतीक्ष्णैः शरैरुरस्युग्रभुजङ्गकल्पैः

murotha vegena tadāntarikṣamutpatya kopānnihatāśvasūtaḥ | vivyādha devīṁ daśabhiḥsutīkṣṇaiḥ śarairurasyugrabhujaṅgakalpaiḥ

Then Mura, his horses and charioteer slain, leapt swiftly into the sky in fury, and pierced the goddess in the chest with ten very sharp arrows, fierce as serpents.

Verse 58 (skanda.8.65.58)

अचिन्तयित्वा सरमा शराँस्तान् धनुर्विचिच्छेद तदा मुरस्य । स कृत्तधन्वा वियतीन्द्रशत्रुरन्तर्दधे संयुगमाशु हित्वा

acintayitvā saramā śarā~stān dhanurviciccheda tadā murasya | sa kṛttadhanvā viyatīndraśatrurantardadhe saṁyugamāśu hitvā

Disregarding those arrows, Sarama then cut down Mura's bow; his bow severed, that enemy of Indra vanished in the sky, quickly abandoning the fight.

Verse 59 (skanda.8.65.59)

विव्याध चण्डा घनमापतन्तं शरैः शिताग्रैर्युधि रुक्मपुंखैः । विद्धः स तैर्दैत्यपतिर्बभासे करैरिवेन्दोरसितः पयोदः

vivyādha caṇḍā ghanamāpatantaṁ śaraiḥ śitāgrairyudhi rukmapuṁkhaiḥ | viddhaḥ sa tairdaityapatirbabhāse karairivendorasitaḥ payodaḥ

Chanda pierced Ghana as he charged, with sharp-tipped, gold-nocked arrows in battle; wounded by them, that demon-lord shone like a dark raincloud touched by the moon's rays.

Verse 60 (skanda.8.65.60)

अभ्यद्रवत्तानविचिन्त्य वाणाँश्चण्डां घनः सायकजालवर्षी । आगच्छतस्तस्य शरैस्सुपत्रैर्विव्याध चण्डा रथवाजिमुख्यान्

abhyadravattānavicintya vāṇā~ścaṇḍāṁ ghanaḥ sāyakajālavarṣī | āgacchatastasya śaraissupatrairvivyādha caṇḍā rathavājimukhyān

Disregarding those arrows, Ghana, raining down a net of shafts, charged at Chanda; and as he approached, Chanda pierced his chariot and fine horses with well-feathered arrows.

Verse 61 (skanda.8.65.61)

चिच्छेद दैत्योपि समुच्छ्रिताग्रं ध्वजं तुरङ्गाँश्च जघान देव्याः । हित्वा रथौ ताववतीर्य भूमौ गृहीतचर्मासिवरौ प्रयत्तौ

ciccheda daityopi samucchritāgraṁ dhvajaṁ turaṅgā~śca jaghāna devyāḥ | hitvā rathau tāvavatīrya bhūmau gṛhītacarmāsivarau prayattau

The demon in turn cut down the goddess's high-raised banner and slew her horses; then, abandoning their chariots, both of them descended to the ground, taking up shield and excellent sword, fully prepared,

Verse 62 (skanda.8.65.62)

विचेरतुर्मण्डलमाजिमध्ये भूमिं तदाग्राङ्गुलिभिः स्पृशन्तौ । ताँस्ताँश्च मार्गान् लघुपादचारौ छिद्रं न चान्योन्यमवापतुस्तौ

viceraturmaṇḍalamājimadhye bhūmiṁ tadāgrāṅgulibhiḥ spṛśantau | tā~stā~śca mārgān laghupādacārau chidraṁ na cānyonyamavāpatustau

and circled about each other in the midst of the battlefield, touching the ground with their toe-tips, moving swift-footed along this path and that, yet neither found any opening in the other.

Verse 63 (skanda.8.65.63)

अभिप्लुतोच्चप्लुतसिंहपातान् निवृत्तकाक्रीडितकोर्ध्वबाहून् । खगापयाताभिहतापयातान् निषण्णकाविद्धशिरोभिघातान्

abhiplutoccaplutasiṁhapātān nivṛttakākrīḍitakordhvabāhūn | khagāpayātābhihatāpayātān niṣaṇṇakāviddhaśirobhighātān

They exchanged blows in leaping charges and high lion-like springs, sudden turns and playful feints, arms raised aloft; strikes that fled like birds and struck as they retreated; crouching stances, and blows aimed at the head.

Verse 64 (skanda.8.65.64)

उत्प्लुत्य वेगेन तदाथ तस्य शिरोधरामाशु चकर्त चण्डा । स कृत्तमूर्धा निपपात तस्यां संग्रामभूमावुरसाशु दैत्यः

utplutya vegena tadātha tasya śirodharāmāśu cakarta caṇḍā | sa kṛttamūrdhā nipapāta tasyāṁ saṁgrāmabhūmāvurasāśu daityaḥ

Then, leaping up with speed, Chanda swiftly severed his neck; his head cut off, the demon fell forward, chest-first, upon that battlefield.

Verse 65 (skanda.8.65.65)

स शोणितादिग्धवपुस्तदानीं घनः परासुः पतितो धरण्याम् । रराज सन्ध्याच्छुरितोरुमूर्त्तिर्वियद्गतो नील इवाम्बुवाहः

sa śoṇitādigdhavapustadānīṁ ghanaḥ parāsuḥ patito dharaṇyām | rarāja sandhyācchuritorumūrttirviyadgato nīla ivāmbuvāhaḥ

Ghana, his body drenched in blood, lifeless, fallen upon the earth, then shone forth like a dark raincloud in the sky, drenched with the red of twilight.

Verse 66 (skanda.8.65.66)

विव्याध तीक्ष्णैर्निर्यतिः सुपत्रैः खरं शरैर्वक्षसि हेमपुंखैः । आयोधने संमुखमापतन्तं भल्लेन चास्य ध्वजमुच्चकर्त

vivyādha tīkṣṇairniryatiḥ supatraiḥ kharaṁ śarairvakṣasi hemapuṁkhaiḥ | āyodhane saṁmukhamāpatantaṁ bhallena cāsya dhvajamuccakarta

Niyati pierced Khara, as he charged straight at her in battle, in the chest with sharp, well-feathered, gold-nocked arrows, and cut down his banner with a crescent-shaft.

Verse 67 (skanda.8.65.67)

विद्धः स तैरभ्यपतन्सरोषो देवीं जिघांसुः समरेरिहन्ता । गुर्वी गदां चाशु तदा गृहीत्वा चिक्षेप देव्या रुधिराक्तमूर्त्तिः

viddhaḥ sa tairabhyapatansaroṣo devīṁ jighāṁsuḥ samarerihantā | gurvī gadāṁ cāśu tadā gṛhītvā cikṣepa devyā rudhirāktamūrttiḥ

Wounded by them, that slayer-in-battle furiously charged at the goddess, wishing to kill her; then, seizing a heavy mace, his body drenched in blood, he hurled it at the goddess.

Verse 68 (skanda.8.65.68)

सा दानवाग्र्येण गदा प्रमुक्ता विचित्रहेमोज्ज्वलचारुघण्टा । संचूर्णयामास रथं नियत्याः सूतं ध्वजं चाशु समुच्छ्रिताग्रम्

sā dānavāgryeṇa gadā pramuktā vicitrahemojjvalacārughaṇṭā | saṁcūrṇayāmāsa rathaṁ niyatyāḥ sūtaṁ dhvajaṁ cāśu samucchritāgram

That mace, hurled by the foremost of demons, adorned with lovely, bright, colourfully-wrought golden bells, shattered to pieces Niyati's chariot, charioteer, and her high-raised banner.

Verse 69 (skanda.8.65.69)

उत्पत्य तूर्णं नियतिः स्ववाहात् क्रोधेन संरक्तविलोलनेत्रा । अभ्येत्य तं दानवयोधमुख्यं खड्गेन मध्येस्य शिरः पफाल

utpatya tūrṇaṁ niyatiḥ svavāhāt krodhena saṁraktavilolanetrā | abhyetya taṁ dānavayodhamukhyaṁ khaḍgena madhyesya śiraḥ paphāla

Leaping swiftly from her mount, her eyes rolling red with rage, Niyati approached that foremost demon-warrior and split his head in two with her sword.

Verse 70 (skanda.8.65.70)

स दानवो विस्फुटितोत्तमाङ्गः क्षितौ विरेजे स्रुतरक्तधारः । वज्रेण भिन्नः शिखराग्रदेशे गिरिर्यथा धातुरसप्रवाही

sa dānavo visphuṭitottamāṅgaḥ kṣitau vireje srutaraktadhāraḥ | vajreṇa bhinnaḥ śikharāgradeśe giriryathā dhāturasapravāhī

That demon, his skull split open, streams of blood flowing, lay shining on the ground, like a mountain-peak cleft by a thunderbolt, streaming with molten ore.

Verse 71 (skanda.8.65.71)

प्रभावती धुन्धुमजिह्मयातैः शिलीमुखैरभ्यहनत्सुपत्रैः । उरस्युदारा दशभिः शिताग्रैर्घनाघनव्रातसमानवर्णैः

prabhāvatī dhundhumajihmayātaiḥ śilīmukhairabhyahanatsupatraiḥ | urasyudārā daśabhiḥ śitāgrairghanāghanavrātasamānavarṇaiḥ

Excellent Prabhavati struck Dhundhu with ten straight-flying, well-feathered, sharp-tipped arrows, dark as a mass of dense clouds, in the chest.

Verse 72 (skanda.8.65.72)

जघान सा षोडश देवतारेस्तुरङ्गमान् षोडशभिः पृषत्कैः । निहत्य चैकेन रथेस्य सूतमेकेन चास्य ध्वजमुच्चकर्त

jaghāna sā ṣoḍaśa devatāresturaṅgamān ṣoḍaśabhiḥ pṛṣatkaiḥ | nihatya caikena rathesya sūtamekena cāsya dhvajamuccakarta

She slew the sixteen horses of that enemy of the gods with sixteen arrows, slew his charioteer with one, and cut down his chariot-banner with another.

Verse 73 (skanda.8.65.73)

धुन्धुर्गदां भारसहस्रगुर्वी चिक्षेप कार्तस्वरचारुघण्टाम् । तामापतन्तीं शतशश्चकर्त्त प्रभावती दैत्यपतिप्रमुक्ताम्

dhundhurgadāṁ bhārasahasragurvī cikṣepa kārtasvaracārughaṇṭām | tāmāpatantīṁ śataśaścakartta prabhāvatī daityapatipramuktām

Dhundhu hurled a mace, heavy as a thousand loads, adorned with lovely golden bells; Prabhavati, as it came flying toward her, hurled by the demon-lord, shattered it into a hundred pieces.

Verse 74 (skanda.8.65.74)

आदाय दैत्यः परिघं महान्तमाप्लुत्य वाहादभितः ससार । देवीमसावञ्जनशैलनीलो रणाजिरे काल इवात्तदण्डः

ādāya daityaḥ parighaṁ mahāntamāplutya vāhādabhitaḥ sasāra | devīmasāvañjanaśailanīlo raṇājire kāla ivāttadaṇḍaḥ

The demon, taking up a huge iron mace, leapt down from his mount and rushed straight at the goddess, dark as a collyrium mountain, like Death himself, cudgel raised, upon that battlefield.

Verse 75 (skanda.8.65.75)

अभ्यापतन्तं युधि दानवेन्द्रं देवी शरैरभ्यहनत् सुपत्रैः । देव्या समस्तानविचिन्त्य बाणानभ्येत्य तामाहवमूर्ध्नि रोषात्

abhyāpatantaṁ yudhi dānavendraṁ devī śarairabhyahanat supatraiḥ | devyā samastānavicintya bāṇānabhyetya tāmāhavamūrdhni roṣāt

As that demon-lord charged in battle, the goddess struck him with well-feathered arrows; disregarding all her arrows, he came at her in fury, at the very height of battle,

Verse 76 (skanda.8.65.76)

उद्भ्राम्य वैवस्वतदण्डकल्पं लौहं प्रयस्तं परिघोरुबाहुः । न्यपातयत्तं परिघं रथेस्या गिरेर्नितम्बे कुलिशं यथेन्द्रः

udbhrāmya vaivasvatadaṇḍakalpaṁ lauhaṁ prayastaṁ parighorubāhuḥ | nyapātayattaṁ parighaṁ rathesyā girernitambe kuliśaṁ yathendraḥ

and that mighty-armed one, whirling his great iron mace, like the very rod of Yama, hurled it down upon her chariot, as Indra hurls his thunderbolt upon a mountain-slope.

Verse 77 (skanda.8.65.77)

अचूर्णयत्तं रथमाशु देव्याः साश्वं ससूतध्वजहेमचक्रम् । कालायसोसौ परिघोसुरास्तो वेगेन तत्रापससार देवी

acūrṇayattaṁ rathamāśu devyāḥ sāśvaṁ sasūtadhvajahemacakram | kālāyasosau parighosurāsto vegena tatrāpasasāra devī

That iron mace, hurled by the demon, swiftly shattered the goddess's chariot into powder, together with its horses, charioteer, banner and golden wheels; the goddess then swiftly leapt clear of it.

Verse 78 (skanda.8.65.78)

दृष्टा स तां तत्र तदापयातां तमेव लौहं परिघं गृहीत्वा । अभ्यद्रवद् दानवयोधमुख्यो दिवीव चित्रामसितः पयोदः

dṛṣṭā sa tāṁ tatra tadāpayātāṁ tameva lauhaṁ parighaṁ gṛhītvā | abhyadravad dānavayodhamukhyo divīva citrāmasitaḥ payodaḥ

Seeing her there, thus escaped, that foremost demon-warrior, seizing that same iron mace again, charged at her, like a dark cloud rushing at a bright one in the sky.

Verse 79 (skanda.8.65.79)

उत्पत्य सा दिव्यवरास्त्रमुक्तैः क्षुरप्रमुख्यैः परिघञ्चकर्त । उद्यम्य मुष्टिं निबिडं ततोस्या भूयोथ दैत्यो वियदुत्पपात

utpatya sā divyavarāstramuktaiḥ kṣurapramukhyaiḥ parighañcakarta | udyamya muṣṭiṁ nibiḍaṁ tatosyā bhūyotha daityo viyadutpapāta

Leaping into the air, she cut that mace to pieces with excellent divine weapons, foremost among them crescent-headed arrows; then that demon, raising a tight fist against her, again leapt up into the sky.

Verse 80 (skanda.8.65.80)

तं मर्मगैर्मर्मसु बाणमुख्यैः संताडयद्दानवमाशु देवी । भिन्नः स तैर्मर्मगमैः सुपुंखैरन्तर्दधे दानवयोधमुख्यः

taṁ marmagairmarmasu bāṇamukhyaiḥ saṁtāḍayaddānavamāśu devī | bhinnaḥ sa tairmarmagamaiḥ supuṁkhairantardadhe dānavayodhamukhyaḥ

The goddess swiftly struck that demon at his vital points with marrow-piercing, excellent arrows; wounded by those marrow-piercing, well-feathered shafts, that foremost demon-warrior vanished from sight.

Verse 81 (skanda.8.65.81)

अथ समरमपास्य योधमुख्यै र्विहतपराक्रमपौरुषैरपेतैः । सुरपतिरिपवो विनद्य नादान् । द्विरदवरानधितस्थुरात्तशस्त्राः

atha samaramapāsya yodhamukhyai rvihataparākramapauruṣairapetaiḥ | surapatiripavo vinadya nādān | dviradavarānadhitasthurāttaśastrāḥ

Then, since their foremost warriors had withdrawn, their valour and manhood beaten down, the enemies of Indra, roaring aloud, mounted their finest elephants, weapons in hand.