The Assembly of Hiranyaksha

Verse 1 (skanda.8.76.1)

सनत्कुमार उवाच । अथ तस्यां सह स्त्रीभिः कौमुद्यां दैत्यदानवाः । रेमिरे रक्तमनसो देवाः स्वर्गगता इव ।

sanatkumāra uvāca | atha tasyāṁ saha strībhiḥ kaumudyāṁ daityadānavāḥ | remire raktamanaso devāḥ svargagatā iva |

Sanatkumara said: Then, at that Kaumudi festival, the Daityas and Danavas sported with women, their minds steeped in passion, as though they were gods who had gone to heaven.

Verse 2 (skanda.8.76.2)

तत्र काचिच्छुभापाङ्गी पद्मं दिव्यं मुखोपरि । मुखारविन्दत्राणार्थं ददौ सोमभयादिव ।

tatra kācicchubhāpāṅgī padmaṁ divyaṁ mukhopari | mukhāravindatrāṇārthaṁ dadau somabhayādiva |

There, a certain woman with lovely eyes placed a divine lotus over her face, as if to shield her lotus-like countenance out of fear of the moon.

Verse 3 (skanda.8.76.3)

अपरा चरणेनैत्य प्रियं मत्ताभ्यताडयत् । शीतांशुरिव पादेन विकचं शरदम्बुजम् ।

aparā caraṇenaitya priyaṁ mattābhyatāḍayat | śītāṁśuriva pādena vikacaṁ śaradambujam |

Another woman, intoxicated with passion, came near and struck her beloved with her foot, as the cool-rayed moon touches with its ray-like foot a blossoming autumn lotus.

Verse 4 (skanda.8.76.4)

अपरा राजमार्गाणामनभिज्ञाः कुलस्त्रियः । स्फाटिकोपचितां भूमिं दृष्टवा मुञ्चन्ति पादुकाम् ।

aparā rājamārgāṇāmanabhijñāḥ kulastriyaḥ | sphāṭikopacitāṁ bhūmiṁ dṛṣṭavā muñcanti pādukām |

Other well-born women, unfamiliar with royal roads, on seeing the crystal-paved ground, took off their sandals, mistaking it for water.

Verse 5 (skanda.8.76.5)

उत्कृष्य वसनं चान्या विप्रेन्द्र जलशङ्कया । राजमार्गेषु गच्छन्ति दृष्ट्वा मणिचितां भुवम् ।

utkṛṣya vasanaṁ cānyā viprendra jalaśaṅkayā | rājamārgeṣu gacchanti dṛṣṭvā maṇicitāṁ bhuvam |

O foremost of sages, other women, seeing the gem-paved ground and fearing it to be water, lifted up their garments as they walked along the royal roads.

Verse 6 (skanda.8.76.6)

काचित् प्रियेण सन्त्यक्ता रक्तेनान्येन निर्गता । गृहाच्चन्द्रांशुभिः स्पृष्टा पपात मदनालसा ।

kācit priyeṇa santyaktā raktenānyena nirgatā | gṛhāccandrāṁśubhiḥ spṛṣṭā papāta madanālasā |

A certain woman, abandoned by her lover, went out of the house with another man who loved her; touched by the moon's rays, she fell down, overcome with the languor of desire.

Verse 7 (skanda.8.76.7)

पतितैव च सा सोममुवाचेदं कुलाङ्गना । भूयो मां त्वं करैस्तीक्ष्णैर्दहसे नलिनीमिव ।

patitaiva ca sā somamuvācedaṁ kulāṅganā | bhūyo māṁ tvaṁ karaistīkṣṇairdahase nalinīmiva |

Even as she fell, that noble woman said this to the moon: "Again and again you scorch me with your sharp rays, as though I were a lotus."

Verse 8 (skanda.8.76.8)

सूर्येण किल दग्धानि जीवयस्यौषधानि ह । मदनेन कथं दग्धां न जीवयसि मां दृढम् ।

sūryeṇa kila dagdhāni jīvayasyauṣadhāni ha | madanena kathaṁ dagdhāṁ na jīvayasi māṁ dṛḍham |

"The herbs that are scorched by the sun, you indeed revive; then why do you not likewise revive me, who am so utterly scorched by the fire of desire?"

Verse 9 (skanda.8.76.9)

काश्चिद् रमण्यो दोलासु दोलयन्त्यो परस्त्रियः । जलचन्द्र इवाभान्ति वीचिचञ्चलमूर्त्तयः ।

kāścid ramaṇyo dolāsu dolayantyo parastriyaḥ | jalacandra ivābhānti vīcicañcalamūrttayaḥ |

Some lovely women, swinging on swings, their forms trembling like waves, shone like the moon reflected and quivering upon water.

Verse 10 (skanda.8.76.10)

केचिद् गायन्ति सहिताः स्त्रीभिर्दैत्या महाबलाः । गन्धर्वा नन्दनवने अप्सरोभिर्यथा सह ।

kecid gāyanti sahitāḥ strībhirdaityā mahābalāḥ | gandharvā nandanavane apsarobhiryathā saha |

Some mighty Daityas sang together with women, just as the Gandharvas sing together with the Apsaras in the Nandana grove.

Verse 11 (skanda.8.76.11)

राजमार्गः क्वचिद् भाति स्त्रीभिर्बह्वीभिरावृतः । यथा नभसि चित्रोसौ दिव्यो देवपथः शुभः ।

rājamārgaḥ kvacid bhāti strībhirbahvībhirāvṛtaḥ | yathā nabhasi citrosau divyo devapathaḥ śubhaḥ |

In places, the royal road, thronged with many women, shone like that wondrous and auspicious divine pathway of the gods in the sky.

Verse 12 (skanda.8.76.12)

क्वचिन्नूपुरकाञ्चीना कोकिलानाञ्च निस्वनः । बभौ श्रोत्रसुखः श्रोतुः कलामदनदीपनः ।

kvacinnūpurakāñcīnā kokilānāñca nisvanaḥ | babhau śrotrasukhaḥ śrotuḥ kalāmadanadīpanaḥ |

Somewhere the tinkling of anklets and girdles mingled with the sweet notes of cuckoos, delighting the ear of the listener and kindling in him the flame of desire.

Verse 13 (skanda.8.76.13)

क्वचिद्रमणरक्तानां स्त्रीणां व्यास प्रियैः सह । हृदयव्याकुलकरः श्रूयते मधुरः स्वरः ।

kvacidramaṇaraktānāṁ strīṇāṁ vyāsa priyaiḥ saha | hṛdayavyākulakaraḥ śrūyate madhuraḥ svaraḥ |

Somewhere, O Vyasa, the sweet voices of women deeply in love, speaking together with their beloveds, could be heard, stirring the heart with longing.

Verse 14 (skanda.8.76.14)

एवं समभवद् व्यास बहुचित्रः स उत्सवः । दानवानां तदा प्रीतिसौख्यविश्रम्भवर्द्धनः ।

evaṁ samabhavad vyāsa bahucitraḥ sa utsavaḥ | dānavānāṁ tadā prītisaukhyaviśrambhavarddhanaḥ |

Thus, O Vyasa, that festival, rich in manifold wonders, unfolded, increasing among the Danavas love, happiness, and mutual trust.

Verse 15 (skanda.8.76.15)

तस्मिन्नुपरये भूयः पूर्ववत्संप्रतिष्ठिते । प्रकृतिस्ते जने व्यास दानवास्ते समागताः ।

tasminnuparaye bhūyaḥ pūrvavatsaṁpratiṣṭhite | prakṛtiste jane vyāsa dānavāste samāgatāḥ |

When that celebration had once more been carried through as before, O Vyasa, the Danava ministers and subjects then assembled together.

Verse 16 (skanda.8.76.16)

विविशुर्भीमसंह्रादाः सभां दिव्यां मनोरमाम् । जाम्बूनदमयस्तम्भां वज्रवैदूर्यवेदिकाम् ।

viviśurbhīmasaṁhrādāḥ sabhāṁ divyāṁ manoramām | jāmbūnadamayastambhāṁ vajravaidūryavedikām |

Roaring terribly, they entered that divine and enchanting assembly hall, whose pillars were of pure gold and whose dais was made of diamond and beryl.

Verse 17 (skanda.8.76.17)

मुक्तादामावलम्बाढ्यां स्रग्दामोत्तमभूषिताम् । वज्रवैदूर्यनीलेन्द्रमहानीलाम्रपल्लवैः ।

muktādāmāvalambāḍhyāṁ sragdāmottamabhūṣitām | vajravaidūryanīlendramahānīlāmrapallavaiḥ |

It was rich with hanging strands of pearls, adorned with the finest garlands, and inlaid with diamonds, beryl, sapphire, great blue gems, and gems of coral-mango hue.

Verse 18 (skanda.8.76.18)

लोहितैः स्फाटिकैश्चैव तथा मरकतैरपि । दिव्यजालोपसन्नद्धां किङ्किणीचित्रशोभिताम् ।

lohitaiḥ sphāṭikaiścaiva tathā marakatairapi | divyajālopasannaddhāṁ kiṅkiṇīcitraśobhitām |

It was set with rubies, crystal, and emeralds as well; it was overhung with divine nets and beautified with the wondrous charm of tinkling bells.

Verse 19 (skanda.8.76.19)

बहुपुष्पफलैश्चैव सर्वकामप्रदैर्द्रुमैः । उपेतां दीर्घिकाभिश्च बहुशय्यासनां शुभाम् ।

bahupuṣpaphalaiścaiva sarvakāmapradairdrumaiḥ | upetāṁ dīrghikābhiśca bahuśayyāsanāṁ śubhām |

It was surrounded by trees laden with abundant flowers and fruit, granting every desire; it was furnished with pools and made auspicious with many couches and seats.

Verse 20 (skanda.8.76.20)

अक्लमा बहुनिष्यन्दां सर्वदुःखविवर्जिताम् । सर्वकामसमृद्धां च बहुस्त्रीपुरुषाकुलाम् ।

aklamā bahuniṣyandāṁ sarvaduḥkhavivarjitām | sarvakāmasamṛddhāṁ ca bahustrīpuruṣākulām |

It caused no weariness, was abundant with flowing streams, free from every sorrow, rich with the fulfilment of every desire, and thronged with many men and women.

Verse 21 (skanda.8.76.21)

विविशुस्तां सभां दिव्यां दैत्या दर्पसमावृताः । प्रह्रादश्चानुह्रादश्च सिनिर्वाष्कल एव च ।

viviśustāṁ sabhāṁ divyāṁ daityā darpasamāvṛtāḥ | prahrādaścānuhrādaśca sinirvāṣkala eva ca |

The Daityas, filled with pride, entered that divine assembly hall - Prahrada and Anuhrada, and Sini and Vashkala too.

Verse 22 (skanda.8.76.22)

विरोचनो बलिश्चैव बलिपुत्राश्च विश्रुताः । सहस्राणि दश द्वे च येषां श्रेष्ठो महाबलः ।

virocano baliścaiva baliputrāśca viśrutāḥ | sahasrāṇi daśa dve ca yeṣāṁ śreṣṭho mahābalaḥ |

Virochana and Bali, and Bali's renowned sons, twelve thousand in number, foremost among whom was one of immense might.

Verse 23 (skanda.8.76.23)

बाणो नाम महामायो राजा बाहुसहस्रधृक् । बाणस्य पुत्रा ये चान्ये सहस्राणि दशैव ते ।

bāṇo nāma mahāmāyo rājā bāhusahasradhṛk | bāṇasya putrā ye cānye sahasrāṇi daśaiva te |

King Bana, a great sorcerer bearing a thousand arms, and Bana's other sons, ten thousand in number.

Verse 24 (skanda.8.76.24)

मुरो धमुषुमण्डश्च विप्रचित्तिश्च दानवः । कालो हयशिराश्चैव सम्बरः कालसम्बरः ।

muro dhamuṣumaṇḍaśca vipracittiśca dānavaḥ | kālo hayaśirāścaiva sambaraḥ kālasambaraḥ |

Mura, Dhamushumanda, the Danava Vipracitti, Kala, Hayashiras, Sambara, and Kalasambara,

Verse 25 (skanda.8.76.25)

विश्रुतश्चेन्द्रदमनः कालनेमी च दानवः । तथा सुन्दनिसुन्दौ च विपाकः पाक एव च ।

viśrutaścendradamanaḥ kālanemī ca dānavaḥ | tathā sundanisundau ca vipākaḥ pāka eva ca |

the famed Indradamana and the Danava Kalanemi, and also Sunda and Nisunda, and Vipaka and Paka,

Verse 26 (skanda.8.76.26)

राहुश्च शतकेतुश्च ध्वजस्तारः सतारकः । महिषो दुन्दुभिश्चैव कालकश्च महाबलः ।

rāhuśca śataketuśca dhvajastāraḥ satārakaḥ | mahiṣo dundubhiścaiva kālakaśca mahābalaḥ |

Rahu and Shataketu, Dhvaja, Tara and Sataraka, Mahisha and Dundubhi, and the mighty Kalaka,

Verse 27 (skanda.8.76.27)

अन्धकश्च तथाटिश्च बकः शरभ एव च । स्वर्भानुर्वृषपर्वा च मधुः कैटभ एव च ।

andhakaśca tathāṭiśca bakaḥ śarabha eva ca | svarbhānurvṛṣaparvā ca madhuḥ kaiṭabha eva ca |

Andhaka, and also Ati, Baka, and Sharabha, Svarbhanu and Vrishaparvan, and Madhu and Kaitabha,

Verse 28 (skanda.8.76.28)

महाकायः शतानन्दः शतदुन्दुभिरेव च । कार्त्तस्वनश्च हस्ती च बलो नरक एव च ।

mahākāyaḥ śatānandaḥ śatadundubhireva ca | kārttasvanaśca hastī ca balo naraka eva ca |

Mahakaya, Shatananda, Shatadundubhi, Karttasvana and Hasti, and Bala and Naraka,

Verse 29 (skanda.8.76.29)

ध्वाङ्क्षो मूकेल्वलौ चापि वातापी सासृपुञ्जिकः । कण्डलश्चैव मीढश्च दुर्लोमा चैव विश्रुतः ।

dhvāṅkṣo mūkelvalau cāpi vātāpī sāsṛpuñjikaḥ | kaṇḍalaścaiva mīḍhaśca durlomā caiva viśrutaḥ |

Dhvanksha, and Muka and Ilvala, Vatapi and Asrapunjika, Kandala and Midha, and the renowned Durloma,

Verse 30 (skanda.8.76.30)

धुन्धुश्च शतमायश्च शतावर्तोथ दुस्सहः । चन्द्रसूर्यौ नरश्चैव देवान्तकनरान्तकौ ।

dhundhuśca śatamāyaśca śatāvartotha dussahaḥ | candrasūryau naraścaiva devāntakanarāntakau |

Dhundhu, Shatamaya, Shatavarta, and Dussaha, Chandra and Surya, Nara, and Devantaka and Narantaka,

Verse 31 (skanda.8.76.31)

ब्रह्महा यज्ञहा चैव इल्वलः पिल्वकस्तथा । मयश्च दानवश्रेष्ठो मयपुत्राश्च विश्रुताः ।

brahmahā yajñahā caiva ilvalaḥ pilvakastathā | mayaśca dānavaśreṣṭho mayaputrāśca viśrutāḥ |

Brahmaha and Yajnaha, Ilvala and Pilvaka, and Maya, foremost of the Danavas, and Maya's renowned sons.

Verse 32 (skanda.8.76.32)

तेषामष्टौ सहस्राणि सर्वे च कृतनिश्चयाः । वृत्रश्च दानवश्रेष्ठो नमुचिर्भजहस्तथा ।

teṣāmaṣṭau sahasrāṇi sarve ca kṛtaniścayāḥ | vṛtraśca dānavaśreṣṭho namucirbhajahastathā |

They numbered eight thousand, all resolute of purpose; and Vritra, foremost of Danavas, and Namuchi and Bhajaha,

Verse 33 (skanda.8.76.33)

शतोदरश्च व्यंसश्च ताथायश्च ह्रदोदरः । केशी तथा प्रलम्बश्च कबन्धो धेनुकश्च ह ।

śatodaraśca vyaṁsaśca tāthāyaśca hradodaraḥ | keśī tathā pralambaśca kabandho dhenukaśca ha |

Shatodara and Vyansa, Tathaya and Hradodara, Keshi and Pralamba, Kabandha and Dhenuka,

Verse 34 (skanda.8.76.34)

हालो गार्ग्यशिराश्चैव कुशः शम्भुस्तथैव च । तथा गगनमूर्धा च सालुकः शाल्व एव च ।

hālo gārgyaśirāścaiva kuśaḥ śambhustathaiva ca | tathā gaganamūrdhā ca sālukaḥ śālva eva ca |

Hala and Gargyashiras, Kusha and Shambhu, and likewise Gaganamurdha, Saluka, and Shalva,

Verse 35 (skanda.8.76.35)

मेघनादश्च विख्यातो महानादस्तथैव च । खरोथ खररोमा च सूचीलोमा च दानवः ।

meghanādaśca vikhyāto mahānādastathaiva ca | kharotha khararomā ca sūcīlomā ca dānavaḥ |

The renowned Meghanada and likewise Mahanada, Khara and Khararoma, and the Danava Suchiloma,

Verse 36 (skanda.8.76.36)

परिघोपरिघश्चैव दण्डः काश्यप एव च । दुन्दुभिश्च महाकायः सैंहिकेयश्च यो गणः ।

parighoparighaścaiva daṇḍaḥ kāśyapa eva ca | dundubhiśca mahākāyaḥ saiṁhikeyaśca yo gaṇaḥ |

Parigha and Uparigha, Danda and Kashyapa, the huge-bodied Dundubhi, and the whole host born of Simhika.

Verse 37 (skanda.8.76.37)

तथा हालाहलश्चैव अन्धकारक एव च । पौलोमाः षष्टिसाहस्राः कालकेयाश्च विश्रुताः । कालकञ्जाः सहस्राणि अष्टौ ते देवकण्टकाः ।

tathā hālāhalaścaiva andhakāraka eva ca | paulomāḥ ṣaṣṭisāhasrāḥ kālakeyāśca viśrutāḥ | kālakañjāḥ sahasrāṇi aṣṭau te devakaṇṭakāḥ |

Halahala too, and Andhakaraka; the sixty thousand Paulomas, the renowned Kalakeyas, and the eight thousand Kalakanjas - all these were as thorns to the gods.

Verse 38 (skanda.8.76.38)

निवातकवचानाञ्च तिस्रः कोट्यो महाबलाः । ता एता गणिताः सर्वाः कोट्यः षष्टिः सुरद्विषाम् ।

nivātakavacānāñca tisraḥ koṭyo mahābalāḥ | tā etā gaṇitāḥ sarvāḥ koṭyaḥ ṣaṣṭiḥ suradviṣām |

The mighty Nivatakavachas numbered thirty million; all these, when reckoned together, made up sixty crores of enemies of the gods.

Verse 39 (skanda.8.76.39)

तत्पक्षान् वर्जयित्वा तु मनुष्यान्पन्नगानपि । राक्षसाँश्च पिशाचाँश्च यक्षान् पक्षिण एव च । तेषामपि तदा व्यास कोट्यो विंशतिसंमिताः ।

tatpakṣān varjayitvā tu manuṣyānpannagānapi | rākṣasā~śca piśācā~śca yakṣān pakṣiṇa eva ca | teṣāmapi tadā vyāsa koṭyo viṁśatisaṁmitāḥ |

Leaving aside their allied forces - men and serpents, Rakshasas and Pishachas, Yakshas and birds as well - of these too, O Vyasa, there were at that time twenty crores.

Verse 40 (skanda.8.76.40)

ते तां सभां समाविश्य सर्वे दर्पात् सुरद्विषः । सविद्युदुल्का भान्ति स्म प्रावृड्जलधरा इव ।

te tāṁ sabhāṁ samāviśya sarve darpāt suradviṣaḥ | savidyudulkā bhānti sma prāvṛḍjaladharā iva |

All those enemies of the gods, entering that assembly hall in pride, shone like monsoon rain-clouds flashing with lightning and meteors.

Verse 41 (skanda.8.76.41)

ते स्वनन्त इवाम्भोदा सधूमा इव पर्वताः । महिषा इव नर्दन्तः केतवोनागता इव ।

te svananta ivāmbhodā sadhūmā iva parvatāḥ | mahiṣā iva nardantaḥ ketavonāgatā iva |

They seemed like thundering clouds, like smoking mountains, like bellowing buffaloes, and like descended, ill-omened comets.

Verse 42 (skanda.8.76.42)

उत्पाता इव निर्मुक्ताः सविषा इव पन्नगाः । गजा इव च संमत्ताः पवना इव वेगिताः ।

utpātā iva nirmuktāḥ saviṣā iva pannagāḥ | gajā iva ca saṁmattāḥ pavanā iva vegitāḥ |

They were like disasters suddenly unleashed, like venomous serpents, like elephants maddened with rut, and swift as the wind.

Verse 43 (skanda.8.76.43)

सुराणां विप्रकारार्थं तस्थुरापूर्य तां सभाम् । अथ गत्वा सभापालो राजानमिदमब्रवीत् ।

surāṇāṁ viprakārārthaṁ tasthurāpūrya tāṁ sabhām | atha gatvā sabhāpālo rājānamidamabravīt |

Bent on tormenting the gods, they all stood filling that hall to its full. Then the guardian of the hall went and said this to the king:

Verse 44 (skanda.8.76.44)

सुखासीनं तदा व्यास सिंहासनगतं युवा । प्रणम्य शिरसा पूर्वं जानुभ्यामवनिं गतः ।

sukhāsīnaṁ tadā vyāsa siṁhāsanagataṁ yuvā | praṇamya śirasā pūrvaṁ jānubhyāmavaniṁ gataḥ |

O Vyasa, that young man first bowed his head to the king who sat at ease upon the lion-throne, and then, with his knees, touched the ground.

Verse 45 (skanda.8.76.45)

बद्धाञ्जलिपुटः सम्यग् वाचा श्लक्ष्णपदाक्षरम् । स्वामी जयतु सर्वेषामसुराणां जयावहः ।

baddhāñjalipuṭaḥ samyag vācā ślakṣṇapadākṣaram | svāmī jayatu sarveṣāmasurāṇāṁ jayāvahaḥ |

With palms joined together, he spoke well, in soft and measured words: "Victory to my lord, the bringer of victory to all the Asuras!

Verse 46 (skanda.8.76.46)

प्रह्रादाद्याः सभां सर्वे विप्रचित्तिपुरोगमाः । प्राप्ता विदितमस्त्वेव यदन्यत् कर्तुमर्हसि ।

prahrādādyāḥ sabhāṁ sarve vipracittipurogamāḥ | prāptā viditamastveva yadanyat kartumarhasi |

Prahrada and the others, led by Vipracitti, have all arrived in the hall - let this be known to you. Whatever else is fitting, that you should now do."

Verse 47 (skanda.8.76.47)

सनत्कुमार उवाच । ततः सुरद्विषः श्रुत्वा सर्वान्प्राप्तान् सभां तदा । उत्तस्थौ सहसा राजा शक्रकेतुरिवोत्सवे ।

sanatkumāra uvāca | tataḥ suradviṣaḥ śrutvā sarvānprāptān sabhāṁ tadā | uttasthau sahasā rājā śakraketurivotsave |

Sanatkumara said: Then, hearing that all had arrived in the hall, the enemy of the gods, the king, rose up at once, like the banner-pole of Indra raised at a festival.

Verse 48 (skanda.8.76.48)

स किरीटी महादंष्ट्रो मुंजकेशो महाहनुः । आकर्णाद्दारितास्यश्च महाच्छत्रशिरास्तथा ।

sa kirīṭī mahādaṁṣṭro muṁjakeśo mahāhanuḥ | ākarṇāddāritāsyaśca mahācchatraśirāstathā |

He wore a diadem, had great tusks, hair like munja-grass, a mighty jaw, a mouth split open to his ears, and a head broad like a great parasol.

Verse 49 (skanda.8.76.49)

आजानुबाहुर्वृत्ताक्षः पिङ्गाक्षश्चोर्ध्वरोमवान् । वज्रसंहननश्चैव महायोगी महाबल ।

ājānubāhurvṛttākṣaḥ piṅgākṣaścordhvaromavān | vajrasaṁhananaścaiva mahāyogī mahābala |

His arms reached to his knees, his eyes were round and tawny, his hair stood on end; his frame was as firm as a thunderbolt, and he was a great yogin of tremendous strength.

Verse 50 (skanda.8.76.50)

किरोटेनाति संभाति सवित्रेवोदयस्तथा । हारवर्याङ्कितोरस्कः सबलाक इवाम्बुदः । सपुत्रः प्रययौ व्यास हिमवानिव मूर्त्तिमान् ।

kiroṭenāti saṁbhāti savitrevodayastathā | hāravaryāṅkitoraskaḥ sabalāka ivāmbudaḥ | saputraḥ prayayau vyāsa himavāniva mūrttimān |

With his crown he shone exceedingly, like the rising sun; his chest, marked with a splendid necklace, was like a rain-cloud with a flock of white cranes upon it. O Vyasa, together with his sons he set forth, like the Himalaya mountain grown embodied and walking.

Verse 51 (skanda.8.76.51)

स तां तदा दानवराजसत्तमो विचित्ररत्नांशुपरीतकुण्डलः । सभां विवेशासुरदैत्यपुंगवैः समावृतां द्यामुदितैर्ग्रहैरिव ।

sa tāṁ tadā dānavarājasattamo vicitraratnāṁśuparītakuṇḍalaḥ | sabhāṁ viveśāsuradaityapuṁgavaiḥ samāvṛtāṁ dyāmuditairgrahairiva |

That foremost of Danava kings, his earrings encircled by the rays of many-hued gems, then entered that assembly hall, thronged with the foremost of Asuras and Daityas, as the sky is filled with risen planets.