The Virtues of Rama

Shloka 1 (ayodhya.1.1)

गच्छता मातुलकुलं भरतेन तदाऽनघः | शत्रुघ्नो नित्यशत्रुघ्नो नीतः प्रीतिपुरस्कृतः ॥ 1.1 ॥

gacchatā mātulakulaṃ bharatena tadā'naghaḥ | śatrughno nityaśatrughno nītaḥ prītipuraskṛtaḥ

At that time, the sinless Bharata, going to the house of his maternal uncle, took with him, out of love, Shatrughna, who was ever a scourge to his foes.

Shloka 2 (ayodhya.1.2)

स तत्र न्यवसद्भ्रात्रा सह सत्कारसत्कृतः | मातुलेनाश्वपतिना पुत्रस्नेहेन लालितः ॥ 1.2 ॥

sa tatra nyavasadbhrātrā saha satkārasatkṛtaḥ | mātulenāśvapatinā putrasnehena lālitaḥ

There he stayed with his brother, honoured with hospitality and cherished with a father's love by his maternal uncle Ashvapati.

Shloka 3 (ayodhya.1.3)

तत्रापि निवसन्तौ तौ तर्प्यमाणौ च कामतः | भ्रातरौ स्मरतां वीरौ वृद्धं दशरथं नृपम् ॥ 1.3 ॥

tatrāpi nivasantau tau tarpyamāṇau ca kāmataḥ | bhrātarau smaratāṃ vīrau vṛddhaṃ daśarathaṃ nṛpam

Even while dwelling there, fully content in every desire, those two heroic brothers kept remembering the aged King Dasharatha.

Shloka 4 (ayodhya.1.4)

राजापि तौ महातेजाः सस्मार प्रोषितौ सुतौ | उभौ भरतशत्रुघ्नौ महेन्द्रवरुणोपमौ ॥ 1.4 ॥

rājāpi tau mahātejāḥ sasmāra proṣitau sutau | ubhau bharataśatrughnau mahendravaruṇopamau

The mighty king too kept remembering his two sons, Bharata and Shatrughna, who were away, and who were like Indra and Varuna.

Shloka 5 (ayodhya.1.5)

सर्व एव तु तस्येष्टाश्चत्वारः पुरुषर्षभाः | स्वशरीराद्विनिर्वृत्ताश्चत्वार इव बाहवः ॥ 1.5 ॥

sarva eva tu tasyeṣṭāścatvāraḥ puruṣarṣabhāḥ | svaśarīrādvinirvṛttāścatvāra iva bāhavaḥ

All four of his beloved sons, best among men, were dear to him alike, as though they were his own four arms sprung from his own body.

Shloka 6 (ayodhya.1.6)

तेषामपि महातेजा रामो रतिकरः पितुः | स्वयम्भूरिव भूतानां बभूव गुणवत्तरः ॥ 1.6 ॥

teṣāmapi mahātejā rāmo ratikaraḥ pituḥ | svayambhūriva bhūtānāṃ babhūva guṇavattaraḥ

Among them, the mighty Rama, most virtuous of all as Brahma the self-born is among all beings, was the greatest delight of his father.

Shloka 7 (ayodhya.1.7)

स हि देवैरुदीर्णस्य रावणस्य वधार्थिभिः | अर्थितो मानुषे लोके जज्ञे विष्णुः सनातनः ॥ 1.7 ॥

sa hi devairudīrṇasya rāvaṇasya vadhārthibhiḥ | arthito mānuṣe loke jajñe viṣṇuḥ sanātanaḥ

For he was indeed the eternal Vishnu, born in the world of men at the entreaty of the gods, who sought the death of the arrogant Ravana.

Shloka 8 (ayodhya.1.8)

कौसल्या शुशुभे तेन पुत्रेणामिततेजसा | यथा वरेण देवानामदितिर्वज्रपाणिना ॥ 1.8 ॥

kausalyā śuśubhe tena putreṇāmitatejasā | yathā vareṇa devānāmaditirvajrapāṇinā

Kausalya shone through that son of immeasurable splendour, as Aditi shone through Indra, the wielder of the thunderbolt, the best of the gods.

Shloka 9 (ayodhya.1.9)

स हि रूपोपपन्नश्च वीर्यवाननसूयकः | भूमावनुपमः सूनुर्गुणैर्दशरथोपमः ॥ 1.9 ॥

sa hi rūpopapannaśca vīryavānanasūyakaḥ | bhūmāvanupamaḥ sūnurguṇairdaśarathopamaḥ

Endowed with beauty of form, valorous and free of envy, he was, in his virtues, a son on earth equal to Dasharatha and unrivalled by any.

Shloka 10 (ayodhya.1.10)

स च नित्यं प्रशान्तात्मा मृदुपूर्वं तु भाषते | उच्यमानोऽपि परुषं नोत्तरं प्रतिपद्यते ॥ 1.10 ॥

sa ca nityaṃ praśāntātmā mṛdupūrvaṃ tu bhāṣate | ucyamāno'pi paruṣaṃ nottaraṃ pratipadyate

Ever tranquil of mind, he always spoke gently first; even when addressed harshly, he never answered in kind.

Shloka 11 (ayodhya.1.11)

कथञ्चिदुपकारेण कृतेनैकेन तुष्यति | न स्मरत्यपकाराणां शतमप्यात्मवत्तया ॥ 1.11 ॥

kathañcidupakāreṇa kṛtenaikena tuṣyati | na smaratyapakārāṇāṃ śatamapyātmavattayā

He was pleased even by a single small kindness done to him, yet in his large-heartedness he did not remember even a hundred wrongs.

Shloka 12 (ayodhya.1.12)

शीलवृद्धैर्ज्ञानवृद्धैर्वयोवृद्धैश्च सज्जनैः | कथयन्नास्त वै नित्यमस्त्रयोग्यान्तरेष्वपि ॥ 1.12 ॥

śīlavṛddhairjñānavṛddhairvayovṛddhaiśca sajjanaiḥ | kathayannāsta vai nityamastrayogyāntareṣvapi

Even in the intervals of his practice of arms, he would always sit conversing with the good, those senior in conduct, in wisdom, or in years.

Shloka 13 (ayodhya.1.13)

बुद्धिमान्मधुराभाषी पूर्वभाषी प्रियंवदः | वीर्यवान्न च वीर्येण महता स्वेन विस्मितः ॥ 1.13 ॥

buddhimānmadhurābhāṣī pūrvabhāṣī priyaṃvadaḥ | vīryavānna ca vīryeṇa mahatā svena vismitaḥ

Wise, sweet of speech, the first to speak and gentle in his words, he was valorous, yet never proud of his own great valour.

Shloka 14 (ayodhya.1.14)

न चानृतकथो विद्वान् वृद्धानां प्रतिपूजकः | अनुरक्तः प्रजाभिश्च प्रजाश्चाप्यनुरज्यते ॥ 1.14 ॥

na cānṛtakatho vidvān vṛddhānāṃ pratipūjakaḥ | anuraktaḥ prajābhiśca prajāścāpyanurajyate

Learned, he never spoke falsehood; he honoured his elders; he was beloved of the people, and he in turn loved the people.

Shloka 15 (ayodhya.1.15)

सानुक्रोशो जितक्रोधो ब्राह्मणप्रतिपूजकः | दीनानुकम्पी धर्मज्ञो नित्यं प्रग्रहवाञ्शुचिः ॥ 1.15 ॥

sānukrośo jitakrodho brāhmaṇapratipūjakaḥ | dīnānukampī dharmajño nityaṃ pragrahavāñśuciḥ

Compassionate, he had conquered anger; he honoured brahmins, felt pity for the wretched, knew righteousness, was ever self-controlled, and pure.

Shloka 16 (ayodhya.1.16)

कुलोचितमतिः क्षात्रं धर्मं स्वं बहुमन्यते | मन्यते परया कीर्त्या महत्स्वर्गफलं ततः ॥ 1.16 ॥

kulocitamatiḥ kṣātraṃ dharmaṃ svaṃ bahumanyate | manyate parayā kīrtyā mahatsvargaphalaṃ tataḥ

With a mind fitting his lineage, he held his own kshatriya duty in the highest regard, believing that through great fame it would win him the great fruit of heaven.

Shloka 17 (ayodhya.1.17)

नाश्रेयसि रतो विद्वान्न विरुद्धकथारुचिः | उत्तरोत्तरयुक्तीनां वक्ता वाचस्पतिर्यथा ॥ 1.17 ॥

nāśreyasi rato vidvānna viruddhakathāruciḥ | uttarottarayuktīnāṃ vaktā vācaspatiryathā

Learned, he took no delight in what was harmful, nor had he any liking for talk opposed to righteousness; like Brihaspati, lord of speech, he could speak arguments building one upon another.

Shloka 18 (ayodhya.1.18)

अरोगस्तरुणो वाग्मी वपुष्मान्देशकालवित् | लोके पुरुषसारज्ञस्साधुरेको विनिर्मितः ॥ 1.18 ॥

arogastaruṇo vāgmī vapuṣmāndeśakālavit | loke puruṣasārajñassādhureko vinirmitaḥ

Free of illness, youthful, eloquent, of fine form, knowing time and place, able to judge the worth of men — he alone seemed fashioned in this world as the perfect good man.

Shloka 19 (ayodhya.1.19)

स तु श्रेष्ठैर्गुणैर्युक्तः प्रजानां पार्थिवात्मजः | बहिश्चर इव प्राणो बभूव गुणतः प्रियः ॥ 1.19 ॥

sa tu śreṣṭhairguṇairyuktaḥ prajānāṃ pārthivātmajaḥ | bahiścara iva prāṇo babhūva guṇataḥ priyaḥ

That prince, endowed with the noblest virtues, became dear to his people through his qualities, as if he were their own life-breath moving about outside their bodies.

Shloka 20 (ayodhya.1.20)

सम्यग्विद्याव्रतस्नातो यथावत्साङ्गवेदवित् | इष्वस्त्रे च पितुः श्रेष्ठो बभूव भरताग्रजः ॥ 1.20 ॥

samyagvidyāvratasnāto yathāvatsāṅgavedavit | iṣvastre ca pituḥ śreṣṭho babhūva bharatāgrajaḥ

Having duly completed the vows of learning and rightly mastered the Vedas with their auxiliary sciences, Bharata's elder brother surpassed even his father in the art of arms.

Shloka 21 (ayodhya.1.21)

कल्याणाभिजनः साधुरदीनः सत्यवागृजुः | वृद्धैरभिविनीतश्च द्विजैर्धर्मार्थदर्शिभिः ॥ 1.21 ॥

kalyāṇābhijanaḥ sādhuradīnaḥ satyavāgṛjuḥ | vṛddhairabhivinītaśca dvijairdharmārthadarśibhiḥ

Of auspicious birth, good, never downcast, truthful of speech and upright, he was well trained by elderly twice-born who had realised righteousness and true purpose.

Shloka 22 (ayodhya.1.22)

धर्मकामार्थतत्त्वज्ञः स्मृतिमान्प्रतिभानवान् | लौकिके समयाचारे कृतकल्पो विशारदः ॥ 1.22 ॥

dharmakāmārthatattvajñaḥ smṛtimānpratibhānavān | laukike samayācāre kṛtakalpo viśāradaḥ

Knowing the true essence of righteousness, desire and wealth, gifted with memory and ready wit, he was skilled and expert in the customary usages of the world.

Shloka 23 (ayodhya.1.23)

निभृतः संवृताकारो गुप्तमन्त्रः सहायवान् | अमोघक्रोधहर्षश्च त्यागसंयमकालवित् ॥ 1.23 ॥

nibhṛtaḥ saṃvṛtākāro guptamantraḥ sahāyavān | amoghakrodhaharṣaśca tyāgasaṃyamakālavit

Composed and self-contained, keeping his counsel secret, ready to help others, his anger and his joy were never wasted, and he knew the right time for giving and for restraint.

Shloka 24 (ayodhya.1.24)

दृढभक्तिः स्थिरप्रज्ञो नासद्ग्राही न दुर्वचाः | निस्तन्द्रिरप्रमत्तश्च स्वदोषपरदोषवित् ॥ 1.24 ॥

dṛḍhabhaktiḥ sthiraprajño nāsadgrāhī na durvacāḥ | nistandrirapramattaśca svadoṣaparadoṣavit

Firm in devotion and steady of judgement, he never accepted what was improper, nor spoke ill words; free of sloth and ever vigilant, he recognised both his own faults and those of others.

Shloka 25 (ayodhya.1.25)

शास्त्रज्ञश्च कृतज्ञश्च पुरुषान्तरकोविदः | यः प्रग्रहानुग्रहयोर्यथान्यायं विचक्षणः ॥ 1.25 ॥

śāstrajñaśca kṛtajñaśca puruṣāntarakovidaḥ | yaḥ pragrahānugrahayoryathānyāyaṃ vicakṣaṇaḥ

Learned in the shastras and grateful for good done to him, skilled in discerning the differences among men, he judged rightly between whom to restrain and whom to favour.

Shloka 26 (ayodhya.1.26)

सत्संग्रहप्रग्रहणे स्थानविन्निग्रहस्य च | आयकर्मण्युपायज्ञः संदृष्टव्ययकर्मवित् ॥ 1.26 ॥

satsaṃgrahapragrahaṇe sthānavinnigrahasya ca | āyakarmaṇyupāyajñaḥ saṃdṛṣṭavyayakarmavit

He knew how to gather and uphold the virtuous, and knew who deserved restraint; skilled in the means of gaining wealth, he understood the accepted principles of its expenditure.

Shloka 27 (ayodhya.1.27)

श्रैष्ठ्यं शास्त्रसमूहेषु प्राप्तो व्यामिश्रकेषु च | अर्थधर्मौ च संगृह्य सुखतन्त्रो न चालसः ॥ 1.27 ॥

śraiṣṭhyaṃ śāstrasamūheṣu prāpto vyāmiśrakeṣu ca | arthadharmau ca saṃgṛhya sukhatantro na cālasaḥ

He had attained excellence in the collected sciences and their mixed branches; having grasped both wealth and righteousness, he pursued happiness through them, and was never idle.

Shloka 28 (ayodhya.1.28)

वैहारिकाणां शिल्पानां विज्ञातार्थविभागवित् | आरोहे विनये चैव युक्तो वारणवाजिनाम् ॥ 1.28 ॥

vaihārikāṇāṃ śilpānāṃ vijñātārthavibhāgavit | ārohe vinaye caiva yukto vāraṇavājinām

Familiar with the arts practised for recreation and knowing how their value should be apportioned, he was skilled in mounting and training both elephants and horses.

Shloka 29 (ayodhya.1.29)

धनुर्वेदविदां श्रेष्ठो लोकेऽतिरथसम्मतः | अभियाता प्रहर्ता च सेनानयविशारदः ॥ 1.29 ॥

dhanurvedavidāṃ śreṣṭho loke'tirathasammataḥ | abhiyātā prahartā ca senānayaviśāradaḥ

Foremost among the knowers of the science of archery, honoured in the world even by the great chariot-warriors, he was skilled in leading forth an army, in attack, and in striking down the foe.

Shloka 30 (ayodhya.1.30)

अप्रधृष्यश्च संग्रामे क्रुद्धैरपि सुरासुरैः | अनसूयो जितक्रोधो न दृप्तो न च मत्सरी | न चावमन्ता भूतानां न च कालवशानुगः ॥ 1.30 ॥

apradhṛṣyaśca saṃgrāme kruddhairapi surāsuraiḥ | anasūyo jitakrodho na dṛpto na ca matsarī | na cāvamantā bhūtānāṃ na ca kālavaśānugaḥ

In battle he could not be overcome even by enraged gods and demons; free of envy and anger, never arrogant nor jealous, he never scorned any living being, nor was he ever a slave to the passing moment.

Shloka 31 (ayodhya.1.31)

एवं श्रेष्ठगुणैर्युक्तः प्रजानां पार्थिवात्मजः | सम्मतस्त्रिषु लोकेषु वसुधायाः क्षमागुणैः ॥ 1.31 ॥

evaṃ śreṣṭhaguṇairyuktaḥ prajānāṃ pārthivātmajaḥ | sammatastriṣu lokeṣu vasudhāyāḥ kṣamāguṇaiḥ

Endowed thus with the noblest virtues, the king's son was honoured by his people; through his quality of forbearance he was esteemed in all the three worlds, equal to the Earth herself.

Shloka 32 (ayodhya.1.32)

बुद्ध्या बृहस्पतेस्तुल्यो वीर्येणापि शचीपतेः | तथा सर्वप्रजाकान्तैः प्रीतिसञ्जननैः पितुः ॥ 1.32 ॥

buddhyā bṛhaspatestulyo vīryeṇāpi śacīpateḥ | tathā sarvaprajākāntaiḥ prītisañjananaiḥ pituḥ

In wisdom he was equal to Brihaspati, and in valour to Indra, the husband of Shachi; and by those very virtues, delightful to all his subjects and a source of joy to his father,

Shloka 33 (ayodhya.1.33)

गुणैर्विरुरुचे रामो दीप्तः सूर्य इवांशुभिः | तमेवं व्रत्तसंपन्नमप्रधृष्यपराक्रमम् ॥ 1.33 ॥

guṇairviruruce rāmo dīptaḥ sūrya ivāṃśubhiḥ | tamevaṃ vrattasaṃpannamapradhṛṣyaparākramam

Rama shone forth as the blazing sun shines with its rays. The Earth herself desired such a one, endowed with disciplined conduct and unconquerable valour,

Shloka 34 (ayodhya.1.34)

लोकपालोपमं नाथमकामयत मेदिनी | एतैस्तु बहुभिर्युक्तं गुणैरनुपमैः सुतम् ॥ 1.34 ॥

lokapālopamaṃ nāthamakāmayata medinī | etaistu bahubhiryuktaṃ guṇairanupamaiḥ sutam

comparable to the guardians of the world, to be her lord. Seeing his son endowed with these many incomparable virtues,

Shloka 35 (ayodhya.1.35)

दृष्ट्वा दशरथो राजा चक्रे चिन्तां परन्तपः | अथ राज्ञो बभूवैवं वृद्धस्य चिरजीविनः ॥ 1.35 ॥

dṛṣṭvā daśaratho rājā cakre cintāṃ parantapaḥ | atha rājño babhūvaivaṃ vṛddhasya cirajīvinaḥ

King Dasharatha, the scourge of his foes, fell into deep thought. And then this thought arose in the mind of the aged, long-lived king:

Shloka 36 (ayodhya.1.36)

प्रीतिरेषा कथं रामो राजा स्यान्मयि जीवति | एषा ह्यस्य परा प्रीतिर्हृदि सम्परिवर्तते ॥ 1.36 ॥

prītireṣā kathaṃ rāmo rājā syānmayi jīvati | eṣā hyasya parā prītirhṛdi samparivartate

"How might Rama become king while I am yet living?" — this great longing kept turning over and over in his heart.

Shloka 37 (ayodhya.1.37)

कदा नाम सुतं द्रक्ष्याम्यभिषिक्तमहं प्रियम् | वृद्धिकामो हि लोकस्य सर्वभूतानुकम्पनः ॥ 1.37 ॥

kadā nāma sutaṃ drakṣyāmyabhiṣiktamahaṃ priyam | vṛddhikāmo hi lokasya sarvabhūtānukampanaḥ

"When indeed shall I see my beloved son consecrated as king?" — for Rama, desiring the world's welfare, was compassionate to all beings,

Shloka 38 (ayodhya.1.38)

मत्तः प्रियतरो लोके पर्जन्य इव वृष्टिमान् | यमशक्रसमो वीर्ये बृहस्पतिसमो मतौ ॥ 1.38 ॥

mattaḥ priyataro loke parjanya iva vṛṣṭimān | yamaśakrasamo vīrye bṛhaspatisamo matau

dearer to the world than even I, like a rain-bearing cloud; equal to Yama and Indra in valour, equal to Brihaspati in wisdom,

Shloka 39 (ayodhya.1.39)

महीधरसमो धृत्यां मत्तश्च गुणवत्तरः | महीमहमिमां कृत्स्नामधितिष्ठन्तमात्मजम् ॥ 1.39 ॥

mahīdharasamo dhṛtyāṃ mattaśca guṇavattaraḥ | mahīmahamimāṃ kṛtsnāmadhitiṣṭhantamātmajam

equal to a great mountain in steadfastness, and more virtuous even than I. "Seeing my son ruling over this entire earth,

Shloka 40 (ayodhya.1.40)

अनेन वयसा दृष्ट्वा यथा स्वर्गमवाप्नुयाम् | इत्येतैर्विविधैस्तैस्तैरन्यपार्थिवदुर्लभैः ॥ 1.40 ॥

anena vayasā dṛṣṭvā yathā svargamavāpnuyām | ityetairvividhaistaistairanyapārthivadurlabhaiḥ

might I, in this life itself, attain heaven?" Reflecting on these many virtues of every kind, rarely found in other kings,

Shloka 41 (ayodhya.1.41)

शिष्टैरपरिमेयैश्च लोके लोकोत्तरैर्गुणैः | तं समीक्ष्य महाराजो युक्तं समुदितैः शुभैः ॥ 1.41 ॥

śiṣṭairaparimeyaiśca loke lokottarairguṇaiḥ | taṃ samīkṣya mahārājo yuktaṃ samuditaiḥ śubhaiḥ

and the remaining virtues besides, immeasurable and unrivalled in the world — seeing him endowed with all these auspicious qualities gathered together, the great king,

Shloka 42 (ayodhya.1.42)

निश्चित्य सचिवैः सार्धं युवराजममन्यत | दिव्यन्तरिक्षे भूमौ च घोरमुत्पातजं भयम् ॥ 1.42 ॥

niścitya sacivaiḥ sārdhaṃ yuvarājamamanyata | divyantarikṣe bhūmau ca ghoramutpātajaṃ bhayam

having deliberated together with his ministers, resolved to make him the crown prince. He had also observed, in the sky, in the heavens and on the earth, a dreadful fear born of evil omens,

Shloka 43 (ayodhya.1.43)

संचचक्षेऽथ मेधावी शरीरे चात्मनो जराम् | पूर्णचन्द्राननस्याथ शोकापनुदमात्मनः ॥ 1.43 ॥

saṃcacakṣe'tha medhāvī śarīre cātmano jarām | pūrṇacandrānanasyātha śokāpanudamātmanaḥ

and old age creeping upon his own body. The wise king recognised, then, that the moon-faced Rama, remover of his own sorrow,

Shloka 44 (ayodhya.1.44)

लोके रामस्य बुबुधे सम्प्रियत्वं महात्मनः | आत्मनश्च प्रजानां च श्रेयसे च प्रियेण च ॥ 1.44 ॥

loke rāmasya bubudhe sampriyatvaṃ mahātmanaḥ | ātmanaśca prajānāṃ ca śreyase ca priyeṇa ca

the great-souled one, was beloved by all in the world. Then, for the good of himself and of his people, and moved by his own affection,

Shloka 45 (ayodhya.1.45)

प्राप्तकालेन धर्मात्मा भक्त्या त्वरितवान् नृपः | नानानगरवास्तव्यान् पृथग्जानपदानपि ॥ 1.45 ॥

prāptakālena dharmātmā bhaktyā tvaritavān nṛpaḥ | nānānagaravāstavyān pṛthagjānapadānapi

and since the fitting time had come, the righteous king, moved by devotion, made haste, and summoned separately the dwellers of the many cities as well as those of the countryside —

Shloka 46 (ayodhya.1.46)

समानिनाय मेदिन्याः प्रधानान्पृथिवीपतीन् | न तु केकयराजानं जनकं वा नराधिपः ॥ 1.46 ॥

samānināya medinyāḥ pradhānānpṛthivīpatīn | na tu kekayarājānaṃ janakaṃ vā narādhipaḥ

he assembled the chief rulers of the earth's lands. But the king did not summon the king of Kekaya, nor King Janaka,

Shloka 47 (ayodhya.1.47)

त्वरया चानयामास पश्चात्तौ श्रोष्यतः प्रियम् | तान्वेश्मनानाभरणैर्यथार्हं प्रतिपूजितान् ॥ 1.47 ॥

tvarayā cānayāmāsa paścāttau śroṣyataḥ priyam | tānveśmanānābharaṇairyathārhaṃ pratipūjitān

for those two would in any case hear the happy news afterward — he thought to invite them later, without haste. The other kings he honoured fittingly with dwellings and with varied ornaments,

Shloka 48 (ayodhya.1.48)

ददर्शालंकृतो राजा प्रजापतिरिव प्रजाः | अथोपविष्टे नृपतौ तस्मिन्परबलार्दने ॥ 1.48 ॥

dadarśālaṃkṛto rājā prajāpatiriva prajāḥ | athopaviṣṭe nṛpatau tasminparabalārdane

and the king, himself adorned, looked upon them as Prajapati looks upon his creatures. Then, when that king, the destroyer of hostile armies, had taken his seat,

Shloka 49 (ayodhya.1.49)

ततः प्रविविशुः शेषा राजानो लोकसम्मताः | अथ राजवितीर्णेषु विविधेष्वासनेषु च ॥ 1.49 ॥

tataḥ praviviśuḥ śeṣā rājāno lokasammatāḥ | atha rājavitīrṇeṣu vividheṣvāsaneṣu ca

then the remaining kings, honoured by the people, entered the hall. And upon the various seats assigned to them by the king,

Shloka 50 (ayodhya.1.50)

राजानमेवाभिमुखा निषेदुर्नियता नृपाः | स लब्धमानैर्विनयान्वितैर्नृपैः | पुरालयैर्जानपदैश्च मानवैः | उपोपविष्टैर्नृपतिर्वृतो बभौ | सहस्रचक्षुर्भगवानिवामरैः ॥ 1.50 ॥

rājānamevābhimukhā niṣedurniyatā nṛpāḥ | sa labdhamānairvinayānvitairnṛpaiḥ | purālayairjānapadaiśca mānavaiḥ | upopaviṣṭairnṛpatirvṛto babhau | sahasracakṣurbhagavānivāmaraiḥ

those kings sat down in due order, facing the king. Surrounded by those honoured, humble kings, and by the people of the cities and the countryside seated close by, the king shone forth like the thousand-eyed lord Indra surrounded by the immortals.