Sumantra Goes to Summon Rama

Shloka 1 (ayodhya.15.1)

ते तु तां रजनीमुष्य ब्राह्मणा वेदपारगाः । उपतस्थुरुपस्थानं सह राजपुरोहिताः ।। १५.१ ।।

te tu tāṃ rajanīmuṣya brāhmaṇā vedapāragāḥ | upatasthurupasthānaṃ saha rājapurohitāḥ || 15.1 ||

Having spent that night, the brahmins learned in the Vedas, together with the royal priest, presented themselves at the audience hall.

Shloka 2 (ayodhya.15.2)

अमात्या बलमुख्याश्च मुख्या ये निगमस्य च । राघवस्याभिषेकार्थे प्रीयमाणाः सुसंगताः ।। १५.२ ।।

amātyā balamukhyāśca mukhyā ye nigamasya ca | rāghavasyābhiṣekārthe prīyamāṇāḥ susaṃgatāḥ || 15.2 ||

Ministers, chiefs of the army, and the leading men of the guilds, all delighted for the sake of Raghava's consecration, gathered there together.

Shloka 3 (ayodhya.15.3)

उदिते विमले सूर्ये पुष्ये चाभ्यागतेऽहनि । लग्ने कर्कटके प्राप्ते जन्म रामस्य च स्थिते ।। १५.३ ।।

udite vimale sūrye puṣye cābhyāgate'hani | lagne karkaṭake prāpte janma rāmasya ca sthite || 15.3 ||

When the sun had risen clear and the day of the Pushya asterism had arrived, and the ascendant stood at Cancer—the very sign in which Rama's birth was fixed—

Shloka 4 (ayodhya.15.4)

अभिषेकाय रामस्य द्विजेन्द्रैरुपकल्पितम् । काञ्चना जलकुम्भाश्च भद्रपीठं स्वलंकृतम् ।। १५.४ ।।

abhiṣekāya rāmasya dvijendrairupakalpitam | kāñcanā jalakumbhāśca bhadrapīṭhaṃ svalaṃkṛtam || 15.4 ||

—the foremost of the twice-born had made all ready for Rama's consecration: golden water-pots, and a beautifully adorned throne.

Shloka 5 (ayodhya.15.5)

रथश्च सम्यगास्तीर्णो भास्वता व्याघ्रचर्मणा । गङ्गायमुनयोः पुण्यात्संगमादाहृतं जलम् ।। १५.५ ।।

rathaśca samyagāstīrṇo bhāsvatā vyāghracarmaṇā | gaṅgāyamunayoḥ puṇyātsaṃgamādāhṛtaṃ jalam || 15.5 ||

A chariot too, well spread with a shining tiger-skin; and water brought from the sacred confluence of the Ganga and Yamuna.

Shloka 6 (ayodhya.15.6)

याश्चान्याः सरितः पुण्या ह्रदाः कूपाः सरांसि च । प्राग्वहाश्चोर्ध्ववाहाश्च तिर्यग्वाहाश्च क्षीरिणः ।। १५.६ ।।

yāścānyāḥ saritaḥ puṇyā hradāḥ kūpāḥ sarāṃsi ca | prāgvahāścordhvavāhāśca tiryagvāhāśca kṣīriṇaḥ || 15.6 ||

And whatever other sacred rivers, lakes, wells and ponds there were—those flowing eastward, those flowing upward, those flowing crosswise, and the milk-yielding streams—

Shloka 7 (ayodhya.15.7)

ताभ्यश्चैवाहृतं तोयं समुद्रेभ्यश्च सर्वशः । क्षौद्रं दधि घृतं लाजा दर्भाः सुमनसः पयः ।। १५.७ ।।

tābhyaścaivāhṛtaṃ toyaṃ samudrebhyaśca sarvaśaḥ | kṣaudraṃ dadhi ghṛtaṃ lājā darbhāḥ sumanasaḥ payaḥ || 15.7 ||

—from all these, and from the oceans on every side, water was brought; along with honey, curds, ghee, parched grain, sacred kusha grass, flowers, and milk.

Shloka 8 (ayodhya.15.8)

अष्टौ च कन्या रुचिरा मत्तश्च वरवारणः । सजलाः क्षीरिभिश्छन्ना घटाः काञ्चनराजताः ।। १५.८ ।।

aṣṭau ca kanyā rucirā mattaśca varavāraṇaḥ | sajalāḥ kṣīribhiśchannā ghaṭāḥ kāñcanarājatāḥ || 15.8 ||

Eight lovely maidens, a splendid rutting elephant, and gold and silver pitchers filled with water and covered with milk-sap leaves—

Shloka 9 (ayodhya.15.9)

पद्मोत्पलयुता भान्ति पूर्णाः परमवारिणा । चन्द्रांशुविकचप्रख्यं पाण्डुरं रत्नभूषितम् ।। १५.९ ।।

padmotpalayutā bhānti pūrṇāḥ paramavāriṇā | candrāṃśuvikacaprakhyaṃ pāṇḍuraṃ ratnabhūṣitam || 15.9 ||

—shone there, brimming with excellent water and lotuses and water-lilies; and a white fly-whisk, radiant as unfolding moonbeams, adorned with jewels—

Shloka 10 (ayodhya.15.10)

सज्जं तिष्ठति रामस्य वालव्यजनमुत्तमम् । चन्द्रमण्डलसंकाशमातपत्रं च पाण्डुरम् ।। १५.१० ।।

sajjaṃ tiṣṭhati rāmasya vālavyajanamuttamam | candramaṇḍalasaṃkāśamātapatraṃ ca pāṇḍuram || 15.10 ||

—that excellent fly-whisk stood ready for Rama, along with a white parasol resembling the orb of the moon.

Shloka 11 (ayodhya.15.11)

सज्जं द्युतिकरं श्रीमदभिषेकपुरस्सरम् । पाण्डुरश्च वृषः सज्जः पाण्डुराश्वश्च संस्थितः ।। १५.११ ।।

sajjaṃ dyutikaraṃ śrīmadabhiṣekapurassaram | pāṇḍuraśca vṛṣaḥ sajjaḥ pāṇḍurāśvaśca saṃsthitaḥ || 15.11 ||

Ready, radiant, fit to precede the glorious consecration; and a white bull stood ready, and a white horse stood there too.

Shloka 12 (ayodhya.15.12)

वादित्राणि च सर्वाणि वन्दिनश्च तथापरे । इक्ष्वाकूणां यथा राज्ये सम्भ्रियेताभिषेचनम् ।। १५.१२ ।।

vāditrāṇi ca sarvāṇi vandinaśca tathāpare | ikṣvākūṇāṃ yathā rājye sambhriyetābhiṣecanam || 15.12 ||

And all manner of musical instruments, and bards besides, were there, so that the consecration might be carried out according to the custom of the Ikshvaku line.

Shloka 13 (ayodhya.15.13)

तथाजातीयमादाय राजपुत्राभिषेचनम् । ते राजवचनात्तत्र समवेता महीपतिम् ।। १५.१३ ।।

tathājātīyamādāya rājaputrābhiṣecanam | te rājavacanāttatra samavetā mahīpatim || 15.13 ||

Having brought together all such articles for the prince's consecration, they had assembled there, by the king's own word, to wait upon the sovereign.

Shloka 14 (ayodhya.15.14)

अपश्यन्तोऽब्रुवन् को नु राज्ञो नः प्रतिवेदयेत् । न पश्यामश्च राजानमुदितश्च दिवाकरः ।। १५.१४ ।।

apaśyanto'bruvan ko nu rājño naḥ prativedayet | na paśyāmaśca rājānamuditaśca divākaraḥ || 15.14 ||

Not seeing him, they said to one another, "Who indeed shall announce us to the king? We do not see the king, and yet the sun has already risen."

Shloka 15 (ayodhya.15.15)

यौवराज्याभिषेकश्च सज्जो रामस्य धीमतः । इति तेषु ब्रुवाणेषु सर्वांस्तांश्च महीपतीन् ।। १५.१५ ।।

yauvarājyābhiṣekaśca sajjo rāmasya dhīmataḥ | iti teṣu bruvāṇeṣu sarvāṃstāṃśca mahīpatīn || 15.15 ||

"And the consecration to the crown-princeship of the wise Rama stands ready." While they were speaking thus among all those assembled kings—

Shloka 16 (ayodhya.15.16)

अब्रवीत्तानिदं वाक्यं सुमन्त्रो राजसत्कृतः । रामं राज्ञो नियोगेन त्वरया प्रस्थितो ह्यहम् ।। १५.१६ ।।

abravīttānidaṃ vākyaṃ sumantro rājasatkṛtaḥ | rāmaṃ rājño niyogena tvarayā prasthito hyaham || 15.16 ||

—Sumantra, honoured by the king, spoke these words to them: "By the king's own command I have set out in haste for Rama."

Shloka 17 (ayodhya.15.17)

पूज्या राज्ञो भवन्तश्च रामस्य तु विशेषतः । अयं पृच्छामि वचनात्सुखमायुष्मतामहम् ।। १५.१७ ।।

pūjyā rājño bhavantaśca rāmasya tu viśeṣataḥ | ayaṃ pṛcchāmi vacanātsukhamāyuṣmatāmaham || 15.17 ||

"You are all worthy of honour by the king, and by Rama especially. On his word I go now to ask after the well-being of you, the long-lived."

Shloka 18 (ayodhya.15.18)

राज्ञः संप्रतिबुद्धस्य चानागमनकारणम् । इत्युक्त्वान्तःपुरद्वारमाजगाम पुराणवित् ।। १५.१८ ।।

rājñaḥ saṃpratibuddhasya cānāgamanakāraṇam | ityuktvāntaḥpuradvāramājagāma purāṇavit || 15.18 ||

"—and also the reason why the king, though already awake, has not yet come." Having said this, that man versed in ancient lore came to the gate of the inner apartments.

Shloka 19 (ayodhya.15.19)

सदासक्तं च तद्वेश्म सुमन्त्रः प्रविवेश ह । तुष्टावास्य तदा वंशं प्रविश्य स विशांपतेः ।। १५.१९ ।।

sadāsaktaṃ ca tadveśma sumantraḥ praviveśa ha | tuṣṭāvāsya tadā vaṃśaṃ praviśya sa viśāṃpateḥ || 15.19 ||

Sumantra entered that dwelling, always closely guarded; and having entered, he then praised the lineage of the lord of men.

Shloka 20 (ayodhya.15.20)

शयनीयं नरेन्द्रस्य तदासाद्य व्यतिष्ठत । सोऽत्यासाद्य तु तद्वेश्म तिरस्करणिमन्तरा ।। १५.२० ।।

śayanīyaṃ narendrasya tadāsādya vyatiṣṭhata | so'tyāsādya tu tadveśma tiraskaraṇimantarā || 15.20 ||

Reaching the king's bedchamber, he took his stand there; drawing close to that chamber, he stayed within, near the curtain.

Shloka 21 (ayodhya.15.21)

आशीर्भिर्गुणयुक्ताभिरभितुष्टाव राघवम् । सोमसूर्यौ च काकुत्स्थ शिववैश्रवणावपि ।। १५.२१ ।।

āśīrbhirguṇayuktābhirabhituṣṭāva rāghavam | somasūryau ca kākutstha śivavaiśravaṇāvapi || 15.21 ||

With blessings full of merit he extolled the king: "O descendant of Kakutstha, may the moon and the sun, and Shiva and Vaishravana too—"

Shloka 22 (ayodhya.15.22)

वरुणश्चाग्निरिन्द्रश्च विजयं प्रदिशन्तु ते । गता भगवती रात्रिरहः शिवमुपस्थितम् ।। १५.२२ ।।

varuṇaścāgnirindraśca vijayaṃ pradiśantu te | gatā bhagavatī rātrirahaḥ śivamupasthitam || 15.22 ||

"—and Varuna, Agni and Indra grant you victory! The blessed night has departed; an auspicious day has come."

Shloka 23 (ayodhya.15.23)

बुद्ध्यस्व राजशार्दूल कुरु कार्यमनन्तरम् । ब्राह्मणा बलमुख्याश्च नैगमाश्चागतास्त्विह ।। १५.२३ ।।

buddhyasva rājaśārdūla kuru kāryamanantaram | brāhmaṇā balamukhyāśca naigamāścāgatāstviha || 15.23 ||

"Awaken, O tiger among kings, and do what is next to be done. The brahmins, the chiefs of the army, and the guild-leaders have all arrived here."

Shloka 24 (ayodhya.15.24)

दर्शनं तेऽभिकाङ्क्षन्ते प्रतिबुद्ध्यस्व राघव । स्तुवन्तं तं तदा सूतं सुमन्त्रं मन्त्रकोविदम् ।। १५.२४ ।।

darśanaṃ te'bhikāṅkṣante pratibuddhyasva rāghava | stuvantaṃ taṃ tadā sūtaṃ sumantraṃ mantrakovidam || 15.24 ||

"They long for a sight of you—awaken, O Raghava!" The king then spoke to Sumantra, the charioteer skilled in counsel, as he stood there praising him.

Shloka 25 (ayodhya.15.25)

प्रतिबुद्ध्य ततो राजा इदं वचनमब्रवीत् । राममानय सूतेति यदस्यभिहितो मया ।। १५.२५ ।।

pratibuddhya tato rājā idaṃ vacanamabravīt | rāmamānaya sūteti yadasyabhihito mayā || 15.25 ||

Then, having awoken, the king spoke this word: "O charioteer, since I had already told you to bring Rama here—"

Shloka 26 (ayodhya.15.26)

किमिदं कारणं येन ममाज्ञा प्रतिवाह्यते । न चैव संप्रसुप्तोऽहमानयेहाशु राघवम् ।। १५.२६ ।।

kimidaṃ kāraṇaṃ yena mamājñā prativāhyate | na caiva saṃprasupto'hamānayehāśu rāghavam || 15.26 ||

"—what is the reason my command is still being set aside? I was surely not asleep. Bring Raghava here quickly."

Shloka 27 (ayodhya.15.27)

इति राजा दशरथः सूतं तत्रान्वशात्पुनः । स राजवचनं श्रुत्वा शिरसा प्रतिपूज्य तम् ।। १५.२७ ।।

iti rājā daśarathaḥ sūtaṃ tatrānvaśātpunaḥ | sa rājavacanaṃ śrutvā śirasā pratipūjya tam || 15.27 ||

Thus King Dasharatha again commanded the charioteer there; and he, having heard the king's word, honoured him with a bow of his head.

Shloka 28 (ayodhya.15.28)

निर्जगाम नृपावासान्मन्यमानः प्रियं महत् । प्रपन्नो राजमार्गं च पताकाध्वजशोभितम् ।। १५.२८ ।।

nirjagāma nṛpāvāsānmanyamānaḥ priyaṃ mahat | prapanno rājamārgaṃ ca patākādhvajaśobhitam || 15.28 ||

He went forth from the king's dwelling, feeling this as a great favour done to him, and made his way onto the royal road, adorned with flags and banners.

Shloka 29 (ayodhya.15.29)

हृष्टः प्रमुदितः सूतो जगामाशु विलोकयन् । स सूतस्तत्र शुश्राव रामाधिकरणाः कथाः ।। १५.२९ ।।

hṛṣṭaḥ pramuditaḥ sūto jagāmāśu vilokayan | sa sūtastatra śuśrāva rāmādhikaraṇāḥ kathāḥ || 15.29 ||

Delighted and joyful, the charioteer went on quickly, looking about him; and there he heard talk concerning Rama on every side.

Shloka 30 (ayodhya.15.30)

अभिषेचनसंयुक्ताः सर्वलोकस्य हृष्टवत् । ततो ददर्श रुचिरं कैलाससदृशप्रभम् ।। १५.३० ।।

abhiṣecanasaṃyuktāḥ sarvalokasya hṛṣṭavat | tato dadarśa ruciraṃ kailāsasadṛśaprabham || 15.30 ||

—all the talk of the delighted populace bound up with the consecration. Then he saw a lovely mansion, radiant as Mount Kailasa.

Shloka 31 (ayodhya.15.31)

रामवेश्म सुमन्त्रस्तु शक्रवेश्मसमप्रभम् । महाकपाटपिहितं वितर्दिशतशोभितम् ।। १५.३१ ।।

rāmaveśma sumantrastu śakraveśmasamaprabham | mahākapāṭapihitaṃ vitardiśataśobhitam || 15.31 ||

That was Rama's dwelling, which Sumantra saw, radiant as the abode of Indra, closed with mighty doors, and adorned with a hundred raised terraces.

Shloka 32 (ayodhya.15.32)

काञ्चनप्रतिमैकाग्रं मणिविद्रुमतोरणम् । शारदाभ्रघनप्रख्यं दीप्तं मेरुगुहासमम् ।। १५.३२ ।।

kāñcanapratimaikāgraṃ maṇividrumatoraṇam | śāradābhraghanaprakhyaṃ dīptaṃ meruguhāsamam || 15.32 ||

Foremost with golden images, its archways set with gems and coral; resembling the massed clouds of autumn, radiant, like a cave of Mount Meru.

Shloka 33 (ayodhya.15.33)

मणिभिर्वरमाल्यानां सुमहद्भिरलंकृतम् । मुक्तामणिभिराकीर्णं चन्दनागुरुभूषितम् ।। १५.३३ ।।

maṇibhirvaramālyānāṃ sumahadbhiralaṃkṛtam | muktāmaṇibhirākīrṇaṃ candanāgurubhūṣitam || 15.33 ||

Adorned with great jewels set in fine garlands, strewn with pearls, and decked with sandalwood and aloe.

Shloka 34 (ayodhya.15.34)

गन्धान्मनोज्ञान्विसृजद्दार्दुरं शिखरं यथा । सारसैश्च मयूरैश्च विनदद्भिर्विराजितम् ।। १५.३४ ।।

gandhānmanojñānvisṛjaddārduraṃ śikharaṃ yathā | sārasaiśca mayūraiśca vinadadbhirvirājitam || 15.34 ||

It gave off delightful fragrances, like the peak of Mount Dardura; and it was resplendent with cranes and peacocks calling out.

Shloka 35 (ayodhya.15.35)

सुकृतेहामृगाकीर्णमुत्कीर्णं भक्तिभिस्तथा । मनश्चक्षुश्च भूतानामाददत्तिग्मतेजसा ।। १५.३५ ।।

sukṛtehāmṛgākīrṇamutkīrṇaṃ bhaktibhistathā | manaścakṣuśca bhūtānāmādadattigmatejasā || 15.35 ||

Filled with well-tended tame deer, and finely carved with ornamental panels, it captivated the mind and eye of every being by its blazing splendour.

Shloka 36 (ayodhya.15.36)

चन्द्रभास्करसंकाशं कुबेरभवनोपमम् । महेन्द्रधामप्रतिमं नानापक्षिसमाकुलम् ।। १५.३६ ।।

candrabhāskarasaṃkāśaṃ kuberabhavanopamam | mahendradhāmapratimaṃ nānāpakṣisamākulam || 15.36 ||

Resembling in splendour the moon and the sun, comparable to the mansion of Kubera, like unto the abode of great Indra, and thronged with birds of every kind.

Shloka 37 (ayodhya.15.37)

मेरुशृङ्गसमं सूतो रामवेश्म ददर्श ह । उपस्थितैः समाकीर्णं जनैरञ्जलिकारिभिः ।। १५.३७ ।।

meruśṛṅgasamaṃ sūto rāmaveśma dadarśa ha | upasthitaiḥ samākīrṇaṃ janairañjalikāribhiḥ || 15.37 ||

Such was Rama's dwelling, resembling a peak of Meru, that the charioteer beheld—thronged with people standing there, their hands folded in reverence.

Shloka 38 (ayodhya.15.38)

उपादाय समाक्रान्तैस्तदा जानपदैर्जनैः । रामाभिषेकसुमुखैरुन्मुखैः समलंकृतम् ।। १५.३८ ।।

upādāya samākrāntaistadā jānapadairjanaiḥ | rāmābhiṣekasumukhairunmukhaiḥ samalaṃkṛtam || 15.38 ||

It was made splendid by the people of the countryside who had come crowding in bearing gifts, their faces turned eagerly upward, glad at Rama's coming consecration.

Shloka 39 (ayodhya.15.39)

महामेघसमप्रख्यमुदग्रं सुविराजितम् । नानारत्नसमाकीर्णं कुब्जकैरपि चावृतम् ।। १५.३९ ।।

mahāmeghasamaprakhyamudagraṃ suvirājitam | nānāratnasamākīrṇaṃ kubjakairapi cāvṛtam || 15.39 ||

Towering, resplendent, resembling a great massed cloud, strewn all over with precious stones of every kind, and attended even by dwarf attendants.

Shloka 40 (ayodhya.15.40)

स वाजियुक्तेन रथेन सारथिः समाकुलं राजकुलं विराजयन् । वरूथिना राजगृहाभिपातिना पुरस्य सर्वस्य मनांसि हर्षयन् ।। १५.४० ।।

sa vājiyuktena rathena sārathiḥ samākulaṃ rājakulaṃ virājayan | varūthinā rājagṛhābhipātinā purasya sarvasya manāṃsi harṣayan || 15.40 ||

The charioteer, in his horse-yoked chariot, lit up that crowded royal quarter, gladdening the hearts of the whole city as his covered car sped toward the king's dwelling.

Shloka 41 (ayodhya.15.41)

ततः समासाद्य महाधनं महत् प्रहृष्टरोमा स बभूव सारथिः । मृगैर्मयूरैश्च समाकुलोल्बणं गृहं वरार्हस्य शचीपतेरिव ।। १५.४१ ।।

tataḥ samāsādya mahādhanaṃ mahat prahṛṣṭaromā sa babhūva sārathiḥ | mṛgairmayūraiśca samākulolbaṇaṃ gṛhaṃ varārhasya śacīpateriva || 15.41 ||

Then, on reaching that vast and richly wealthy mansion—thronged with deer and peacocks, and like the very abode of the lord of Shachi, fit for that most worthy prince—the charioteer's hair stood on end with joy.

Shloka 42 (ayodhya.15.42)

स तत्र कैलासनिभाः स्वलंकृताः प्रविश्य कक्ष्यास्त्रिदशालयोपमाः । प्रियान्वरान्राममते स्थितान्बहून्व्यपोह्य शुद्धान्तमुपस्थितौ रथी ।। १५.४२ ।।

sa tatra kailāsanibhāḥ svalaṃkṛtāḥ praviśya kakṣyāstridaśālayopamāḥ | priyānvarānrāmamate sthitānbahūnvyapohya śuddhāntamupasthitau rathī || 15.42 ||

Entering there through richly adorned courtyards resembling Mount Kailasa and the very abodes of the gods, the charioteer passed by many dear and excellent friends devoted to Rama, and came at last to the inner apartments.

Shloka 43 (ayodhya.15.43)

स तत्र शुश्राव च हर्षयुक्ता रामाभिषेकार्थकृतां जनानाम् । नरेन्द्रसूनोरभिमङ्गलार्थाः सर्वस्य लोकस्य गिरः प्रहृष्टाः ।। १५.४३ ।।

sa tatra śuśrāva ca harṣayuktā rāmābhiṣekārthakṛtāṃ janānām | narendrasūnorabhimaṅgalārthāḥ sarvasya lokasya giraḥ prahṛṣṭāḥ || 15.43 ||

There he heard the joyful, delighted voices of the entire populace, uttered for the sake of Rama's consecration and for the auspicious welfare of the king's son.

Shloka 44 (ayodhya.15.44)

महेन्द्रसद्मप्रतिमं च वेश्म रामस्य रम्यं मृगपक्षिजुष्टम् । ददर्श मेरोरिव शृङ्गमुच्चं विभ्राजमानं प्रभया सुमन्त्रः ।। १५.४४ ।।

mahendrasadmapratimaṃ ca veśma rāmasya ramyaṃ mṛgapakṣijuṣṭam | dadarśa meroriva śṛṅgamuccaṃ vibhrājamānaṃ prabhayā sumantraḥ || 15.44 ||

Sumantra saw Rama's lovely dwelling, resembling the abode of great Indra, inhabited by deer and birds, towering like a peak of Meru, and shining with its own radiance.

Shloka 45 (ayodhya.15.45)

उपस्थितैरञ्जलिकारिभिश्च सोपायनैर्जानपदैर्जनैश्च । कोट्या परार्धैश्च विमुक्तयानैः समाकुलं द्वारपदं ददर्श ।। १५.४५ ।।

upasthitairañjalikāribhiśca sopāyanairjānapadairjanaiśca | koṭyā parārdhaiśca vimuktayānaiḥ samākulaṃ dvārapadaṃ dadarśa || 15.45 ||

He saw the gateway crowded with people standing there, hands folded, countryfolk bearing gifts, and with tens of millions who had alighted, leaving their carriages.

Shloka 46 (ayodhya.15.46)

ततो महामेघमहीधराभं प्रभिन्नमत्यङ्कुशमत्यसह्यम् । रामोपवाह्यं रुचिरं ददर्श शत्रुञ्जयं नागमुदग्रकायम् ।। १५.४६ ।।

tato mahāmeghamahīdharābhaṃ prabhinnamatyaṅkuśamatyasahyam | rāmopavāhyaṃ ruciraṃ dadarśa śatruñjayaṃ nāgamudagrakāyam || 15.46 ||

Then he saw the splendid elephant Shatrunjaya—Rama's own mount, of towering frame, in rut, scarcely controllable even with the goad, and beyond bearing—resembling a great cloud or a mountain.

Shloka 47 (ayodhya.15.47)

स्वलंकृतान्साश्वरथान्सकुञ्जरानमात्यमुख्यांश्च ददर्श वल्लभान् । व्यपोह्य सूतः सहितान्समन्ततः समृद्धमन्तःपुरमाविवेश ह ।। १५.४७ ।।

svalaṃkṛtānsāśvarathānsakuñjarānamātyamukhyāṃśca dadarśa vallabhān | vyapohya sūtaḥ sahitānsamantataḥ samṛddhamantaḥpuramāviveśa ha || 15.47 ||

He saw the beloved chief ministers, richly adorned, together with their horses, chariots and elephants; and passing beyond them all on every side, the charioteer entered the opulent inner apartments.

Shloka 48 (ayodhya.15.48)

ततोऽद्रिकूटाचलमेघसंनिभं महाविमानोपमवेश्मसंयुतम् । अवार्यमाणः प्रविवेश सारथिः प्रभूतरत्नं मकरो यथार्णवम् ।। १५.४८ ।।

tato'drikūṭācalameghasaṃnibhaṃ mahāvimānopamaveśmasaṃyutam | avāryamāṇaḥ praviveśa sārathiḥ prabhūtaratnaṃ makaro yathārṇavam || 15.48 ||

Then, unopposed, the charioteer entered that place—resembling a mountain peak or a massed cloud, filled with mansions like great celestial cars—as a sea-monster enters the ocean rich with abundant gems.