The Command for the Coronation

Shloka 1 (ayodhya.3.1)

तेषामञ्जलिपद्मानि प्रगृहीतानि सर्वशः | प्रतिगृह्याब्रवीद्राजा तेभ्यः प्रियहितं वचः ॥ 3.1 ॥

teṣāmañjalipadmāni pragṛhītāni sarvaśaḥ | pratigṛhyābravīdrājā tebhyaḥ priyahitaṃ vacaḥ

Having in every way received their lotus-like folded hands raised in salutation, the king in turn spoke to them these words, dear and beneficial.

Shloka 2 (ayodhya.3.2)

अहोऽस्मि परमप्रीतः प्रभावश्चातुलो मम | यन्मे ज्येष्ठं प्रियं पुत्रं यौवराज्यस्थ मिच्छथ ॥ 3.2 ॥

aho'smi paramaprītaḥ prabhāvaścātulo mama | yanme jyeṣṭhaṃ priyaṃ putraṃ yauvarājyastha micchatha

"Ah, I am filled with the greatest joy, and my good fortune is beyond compare, in that you wish my eldest and beloved son to be established in the office of crown prince."

Shloka 3 (ayodhya.3.3)

इति प्रत्यर्च्य तान् राजा ब्राह्मणानिद मब्रवीत् | वसिष्ठं वामदेवं च तेषामेवोपशृण्वताम् ॥ 3.3 ॥

iti pratyarcya tān rājā brāhmaṇānida mabravīt | vasiṣṭhaṃ vāmadevaṃ ca teṣāmevopaśṛṇvatām

Having thus honoured them in return, the king spoke this, while they themselves listened, to the brahmins Vasishtha and Vamadeva:

Shloka 4 (ayodhya.3.4)

चैत्रः श्रीमानयं मासः पुण्यः पुष्पितकाननः | यौवराज्याय रामस्य सर्वमेवोपकल्प्यताम् ॥ 3.4 ॥

caitraḥ śrīmānayaṃ māsaḥ puṇyaḥ puṣpitakānanaḥ | yauvarājyāya rāmasya sarvamevopakalpyatām

"This glorious month of Chaitra is auspicious, its forests all in flower; let everything be made ready for Rama's installation as crown prince."

Shloka 5 (ayodhya.3.5)

राज्ञस्तूपरते वाक्ये जनघोषो महानभूत् | शनैस्तस्मिन् प्रशान्ते च जनघोषे जनाधिपः ॥ 3.5 ॥

rājñastūparate vākye janaghoṣo mahānabhūt | śanaistasmin praśānte ca janaghoṣe janādhipaḥ

As the king's speech drew to a close, a great roar of joy rose up from the people; and when that clamour had slowly subsided, the lord of the people

Shloka 6 (ayodhya.3.6)

वसिष्ठं मुनिशार्दूलं राजा वचनमब्रवीत् | अभिषेकाय रामस्य यत्कर्म सपरिच्छदम् ॥ 3.6 ॥

vasiṣṭhaṃ muniśārdūlaṃ rājā vacanamabravīt | abhiṣekāya rāmasya yatkarma saparicchadam

spoke these words to Vasishtha, the tiger among sages: "Whatever rites, together with their equipment, are needed for the consecration of Rama —

Shloka 7 (ayodhya.3.7)

तदद्य भगवन् सर्वमाज्ञापयितु मर्हसि | तच्छ्रुत्वा भूमिपालस्य वसिष्ठो द्विजसत्तमः ॥ 3.7 ॥

tadadya bhagavan sarvamājñāpayitu marhasi | tacchrutvā bhūmipālasya vasiṣṭho dvijasattamaḥ

today, holy one, you should order all of it." Hearing this from the king, Vasishtha, best of the twice-born,

Shloka 8 (ayodhya.3.8)

आदिदेशाग्रतो राज्ञः स्थितान् युक्तान् कृताञ्जलीन् | सुवर्णादीनि रत्नानि बलीन् सर्वौषधीरपि ॥ 3.8 ॥

ādideśāgrato rājñaḥ sthitān yuktān kṛtāñjalīn | suvarṇādīni ratnāni balīn sarvauṣadhīrapi

gave these orders to the capable officers standing before the king with joined hands: "Gold and the like, jewels, offerings for worship, and every kind of herb,

Shloka 9 (ayodhya.3.9)

शुक्लमाल्यांश्च लाजांश्च पृथक्च मधुसर्पिषी | अहतानि च वासांसि रथं सर्वायुधान्यपि ॥ 3.9 ॥

śuklamālyāṃśca lājāṃśca pṛthakca madhusarpiṣī | ahatāni ca vāsāṃsi rathaṃ sarvāyudhānyapi

white garlands, parched grain, honey and clarified butter kept separately, unworn new garments, a chariot, and every kind of weapon,

Shloka 10 (ayodhya.3.10)

चतुरङ्गबलं चैव गजं च शुभलक्षणम् | चामरव्यजने श्वेते ध्वजं छत्रं च पाण्डुरम् ॥ 3.10 ॥

caturaṅgabalaṃ caiva gajaṃ ca śubhalakṣaṇam | cāmaravyajane śvete dhvajaṃ chatraṃ ca pāṇḍuram

the four-limbed army, an elephant of auspicious marks, two white chowries, a banner, and a white umbrella,

Shloka 11 (ayodhya.3.11)

शतं च शातकुम्भानां कुम्भानामग्निवर्चसाम् | हिरण्यशृङ्गमृषभं समग्रं व्याघ्रचर्म च ॥ 3.11 ॥

śataṃ ca śātakumbhānāṃ kumbhānāmagnivarcasām | hiraṇyaśṛṅgamṛṣabhaṃ samagraṃ vyāghracarma ca

a hundred golden pots, blazing bright as fire, a bull with gilded horns, and a whole tiger-skin —

Shloka 12 (ayodhya.3.12)

उपस्थापयत प्रातरग्न्यगारं महीपतेः | यच्चान्यत्किञ्चिदेष्टव्यं तत्सर्वमुपकल्प्यताम् ॥ 3.12 ॥

upasthāpayata prātaragnyagāraṃ mahīpateḥ | yaccānyatkiñcideṣṭavyaṃ tatsarvamupakalpyatām

gather these at dawn in the king's sacred fire-house; and whatever else besides may be needed, let all of that be arranged as well.

Shloka 13 (ayodhya.3.13)

अस्तःपुरस्य द्वाराणि सर्वस्य नगरस्य च | चन्दनस्रग्भिरर्च्यन्तां धूपैश्च घ्राणहारिभिः ॥ 3.13 ॥

astaḥpurasya dvārāṇi sarvasya nagarasya ca | candanasragbhirarcyantāṃ dhūpaiśca ghrāṇahāribhiḥ

Let the gateways of the inner palace and of the whole city be worshipped with garlands and sandal-paste, and with incense sweet to the senses."

Shloka 14 (ayodhya.3.14)

प्रशस्तमन्नं गुणवद्धधिक्षीरोपसेचनम् | द्विजानां शतसाहस्रे यत्प्रकाममलं भवेत् ॥ 3.14 ॥

praśastamannaṃ guṇavaddhadhikṣīropasecanam | dvijānāṃ śatasāhasre yatprakāmamalaṃ bhavet

"Let fine, wholesome food, moistened with curd and milk, be prepared in such abundance as would fully suffice a hundred thousand brahmins,

Shloka 15 (ayodhya.3.15)

सत्कृत्य द्विजमुख्यानां श्वः प्रभाते प्रदीयताम् | घृतं दधि च लाजाश्च दक्षिणाश्चापि पुष्कलाः ॥ 3.15 ॥

satkṛtya dvijamukhyānāṃ śvaḥ prabhāte pradīyatām | ghṛtaṃ dadhi ca lājāśca dakṣiṇāścāpi puṣkalāḥ

and let it, together with clarified butter, curd, parched grain, and abundant gifts, be given with due honour to the foremost of the brahmins tomorrow at dawn."

Shloka 16 (ayodhya.3.16)

सूर्येऽभ्युदितमात्रे श्वो भविता स्वस्तिवाचनम् | ब्राह्मणाश्च निमन्त्र्यन्तां कल्प्यन्तामासनानि च ॥ 3.16 ॥

sūrye'bhyuditamātre śvo bhavitā svastivācanam | brāhmaṇāśca nimantryantāṃ kalpyantāmāsanāni ca

"As soon as the sun rises tomorrow there will be the recitation of blessings; let brahmins be invited, and let seats be arranged for them.

Shloka 17 (ayodhya.3.17)

आबध्यन्तां पताकाश्च राजमार्गश्च सिच्यताम् | सर्वे च ताळावचरा गणिकाश्च स्वलंकृताः ॥ 3.17 ॥

ābadhyantāṃ patākāśca rājamārgaśca sicyatām | sarve ca tāḷāvacarā gaṇikāśca svalaṃkṛtāḥ

Let banners be hung up, and let the royal roads be sprinkled with water. Let all the musicians and the well-adorned dancing girls

Shloka 18 (ayodhya.3.18)

कक्ष्यां द्वितीयामासाद्य तिष्ठन्तु नृपवेश्मनः | देवायतनचैत्येषु सान्नभक्षाः सदक्षिणाः ॥ 3.18 ॥

kakṣyāṃ dvitīyāmāsādya tiṣṭhantu nṛpaveśmanaḥ | devāyatanacaityeṣu sānnabhakṣāḥ sadakṣiṇāḥ

take their place in the second courtyard of the royal palace and wait there. At the temples and at the sacred shrines, let deserving people be posted, with food, delicacies and offerings,

Shloka 19 (ayodhya.3.19)

उपस्थापयितव्याः स्युर्माल्ययोग्याः पृथक् पृथक् | दीर्घासिबद्धा योधाश्च सन्नद्धा मृष्टवाससः ॥ 3.19 ॥

upasthāpayitavyāḥ syurmālyayogyāḥ pṛthak pṛthak | dīrghāsibaddhā yodhāśca sannaddhā mṛṣṭavāsasaḥ

and with garlands, each placed separately. And let all the warriors, girded with long swords, clad in armour and in spotless garments,

Shloka 20 (ayodhya.3.20)

महाराजाङ्गणं सर्वे प्रविशन्तु महोदयम् | एवं व्यादिश्य विप्रौ तौ क्रियास्तत्र सुनिष्ठितौ ॥ 3.20 ॥

mahārājāṅgaṇaṃ sarve praviśantu mahodayam | evaṃ vyādiśya viprau tau kriyāstatra suniṣṭhitau

enter the great and splendid courtyard of the royal palace." Having given these orders, those two learned brahmins, most attentive in seeing the tasks through there,

Shloka 21 (ayodhya.3.21)

चक्रतुश्चैव यच्छेषं पार्थिवाय निवेद्य च | कृतमित्येव चाब्रूतामभिगम्य जगत्पतिम् ॥ 3.21 ॥

cakratuścaiva yaccheṣaṃ pārthivāya nivedya ca | kṛtamityeva cābrūtāmabhigamya jagatpatim

and also carried out whatever remained, and, informing the king, approaching the lord of the earth, told him that all had been done.

Shloka 22 (ayodhya.3.22)

यथोक्तवचनं प्रीतौ हर्षयुक्तौ द्विजर्षभौ | ततः सुमन्त्रं द्युतिमान् राजा वचनमब्रवीत् ॥ 3.22 ॥

yathoktavacanaṃ prītau harṣayuktau dvijarṣabhau | tataḥ sumantraṃ dyutimān rājā vacanamabravīt

Those two foremost brahmins, pleased and filled with joy, spoke as they had been asked. Then the radiant king spoke these words to Sumantra:

Shloka 23 (ayodhya.3.23)

रामः कृतात्मा भवता शीघ्रमानीयतामिति | स तथेति प्रतिज्ञाय सुमन्त्रो राजशासनात् ॥ 3.23 ॥

rāmaḥ kṛtātmā bhavatā śīghramānīyatāmiti | sa tatheti pratijñāya sumantro rājaśāsanāt

"Let Rama, of disciplined mind, be brought here quickly by you." Saying "so be it," Sumantra, at the king's command,

Shloka 24 (ayodhya.3.24)

रामं तत्रानयांचक्रे रथेन रथिनां वरम् | अथ तत्र समासीनास्तदा दशरथं नृपम् ॥ 3.24 ॥

rāmaṃ tatrānayāṃcakre rathena rathināṃ varam | atha tatra samāsīnāstadā daśarathaṃ nṛpam

brought Rama, the best of charioteers, there in a chariot. Meanwhile, those seated there attended upon King Dasharatha —

Shloka 25 (ayodhya.3.25)

प्राच्योदीच्याः प्रतीच्याश्च दाक्षिणात्याश्च भूमिपाः | म्लेच्छाश्चार्याश्च ये चान्ये वने शैलान्तवासिनः ॥ 3.25 ॥

prācyodīcyāḥ pratīcyāśca dākṣiṇātyāśca bhūmipāḥ | mlecchāścāryāśca ye cānye vane śailāntavāsinaḥ

kings of the east, the north, the west and the south, whether Mlechchha or Arya, and others besides who dwelt in forests and on the borders of mountains.

Shloka 26 (ayodhya.3.26)

उपासाञ्चक्रिरे सर्वे तं देवा इव वासवम् | तेषां मध्ये स राजर्षिर्मरुतामिव वासवः ॥ 3.26 ॥

upāsāñcakrire sarve taṃ devā iva vāsavam | teṣāṃ madhye sa rājarṣirmarutāmiva vāsavaḥ

All of them attended upon him as the gods attend upon Indra. That royal sage, in their midst, like Indra amid the Maruts,

Shloka 27 (ayodhya.3.27)

प्रासादस्थो रथगतं ददर्शायान्त मात्मजम् | गन्धर्वराजप्रतिमं लोके विख्यातपौरुषम् ॥ 3.27 ॥

prāsādastho rathagataṃ dadarśāyānta mātmajam | gandharvarājapratimaṃ loke vikhyātapauruṣam

seated in his palace, saw his son approaching in his chariot — equal to the king of the Gandharvas, his manly valour famed throughout the world,

Shloka 28 (ayodhya.3.28)

दीर्घ बाहुं महसत्त्वं मत्तमातङ्गगामिनम् | चन्द्रकान्ताननं राममतीव प्रियदर्शनम् ॥ 3.28 ॥

dīrgha bāhuṃ mahasattvaṃ mattamātaṅgagāminam | candrakāntānanaṃ rāmamatīva priyadarśanam

long-armed, of great might, moving with the gait of a rutting elephant, his face lovely as the moon, exceedingly pleasant to behold —

Shloka 29 (ayodhya.3.29)

रूपौदार्यगुणैः पुंसां दृष्टिचित्तापहारिणम् | घर्माभितप्ताः पर्जन्यं ह्लादयन्तमिव प्रजाः ॥ 3.29 ॥

rūpaudāryaguṇaiḥ puṃsāṃ dṛṣṭicittāpahāriṇam | gharmābhitaptāḥ parjanyaṃ hlādayantamiva prajāḥ

Rama, who by his beauty, generosity and virtues stole away the eyes and hearts of men, coming as a rain-cloud gladdens people scorched by summer heat —

Shloka 30 (ayodhya.3.30)

न ततर्प समायान्तं पश्यमानो नराधिपः | अवतार्य सुमन्त्रस्तं राघवं स्यन्दनोत्तमात् ॥ 3.30 ॥

na tatarpa samāyāntaṃ paśyamāno narādhipaḥ | avatārya sumantrastaṃ rāghavaṃ syandanottamāt

seeing him thus approaching, the king could not have his fill of looking at him. Sumantra helped Raghava down from the excellent chariot,

Shloka 31 (ayodhya.3.31)

पितुः समीपं गच्छन्तं प्राञ्जलिः पृष्ठतोऽन्वगात् | स तं कैलासशृङ्गाभं प्रासादं नरपुङ्गवः ॥ 3.31 ॥

pituḥ samīpaṃ gacchantaṃ prāñjaliḥ pṛṣṭhato'nvagāt | sa taṃ kailāsaśṛṅgābhaṃ prāsādaṃ narapuṅgavaḥ

and, as Rama walked towards his father, followed behind him with joined hands. That bull among men then ascended that palace, resplendent as the peak of Kailasa,

Shloka 32 (ayodhya.3.32)

आरुरोह नृपं द्रष्टुं सह सूतेन राघवः | स प्राञ्^जलिरभिप्रेत्य प्रणतः पितुरन्तिके ॥ 3.32 ॥

āruroha nṛpaṃ draṣṭuṃ saha sūtena rāghavaḥ | sa prāñ^jalirabhipretya praṇataḥ piturantike

together with his charioteer, to see the king. He, with joined hands, approaching close to his father, bowing down before him,

Shloka 33 (ayodhya.3.33)

नाम स्वं श्रावयन् रामो ववन्धे चरणौ पितुः | तं दृष्ट्वा प्रणतं पार्श्वे कृताञ्जलिपुटं नृपः ॥ 3.33 ॥

nāma svaṃ śrāvayan rāmo vavandhe caraṇau pituḥ | taṃ dṛṣṭvā praṇataṃ pārśve kṛtāñjalipuṭaṃ nṛpaḥ

announcing his own name, touched his father's feet in salutation. Seeing him bowed at his side with joined palms, the king,

Shloka 34 (ayodhya.3.34)

गृह्याञ्जलौ समाकृष्य सस्वजे प्रियमात्मजम् | तस्मै चाभ्युदितं दिव्यं मणिकाञ्चनभूषितं ॥ 3.34 ॥

gṛhyāñjalau samākṛṣya sasvaje priyamātmajam | tasmai cābhyuditaṃ divyaṃ maṇikāñcanabhūṣitaṃ

taking his joined hands, drew his beloved son close and embraced him; and to him he offered a splendid, lofty seat, adorned with gold and jewels.

Shloka 35 (ayodhya.3.35)

दिदेश राजा रुचिरं रामाय परमासनम् | तदासनवरं प्राप्य व्यदीपयत राघवः ॥ 3.35 ॥

dideśa rājā ruciraṃ rāmāya paramāsanam | tadāsanavaraṃ prāpya vyadīpayata rāghavaḥ

The king gave Rama that beautiful and supreme seat; and having received that finest of seats, Raghava made it blaze with his own splendour,

Shloka 36 (ayodhya.3.36)

स्वयेव प्रभया मेरुमुदये विमलो रविः | तेन विभ्राजता तत्र सा सभाभिव्यरोचत ॥ 3.36 ॥

svayeva prabhayā merumudaye vimalo raviḥ | tena vibhrājatā tatra sā sabhābhivyarocata

as the spotless rising sun makes Mount Meru shine with its own light. Illumined by him there, that assembly shone all the brighter,

Shloka 37 (ayodhya.3.37)

विमलग्रहनक्षत्रा शारदी द्यौरिवेन्दुना | तं पश्यमानो नृपति स्तुतोओष प्रियमात्मजम् ॥ 3.37 ॥

vimalagrahanakṣatrā śāradī dyaurivendunā | taṃ paśyamāno nṛpati stutooṣa priyamātmajam

as the clear autumn sky, bright with stars and planets, shines with the moon. Seeing his beloved son thus, the king was filled with delight,

Shloka 38 (ayodhya.3.38)

अलङ्कृतमिवात्मानमादर्शतलसंस्थितम् | स तं सस्मितमाभाष्य पुत्रं पुत्रवतां वरः ॥ 3.38 ॥

alaṅkṛtamivātmānamādarśatalasaṃsthitam | sa taṃ sasmitamābhāṣya putraṃ putravatāṃ varaḥ

as one delights at seeing one's own adorned reflection in a mirror. He, the best of those blessed with sons, addressing his son with a smile,

Shloka 39 (ayodhya.3.39)

उवाचेदं वचो राजा देवेन्द्रमिव काश्यपः | ज्येष्ठायामसि मे पत्न्यां सदृश्यां सदृशः सुतः ॥ 3.39 ॥

uvācedaṃ vaco rājā devendramiva kāśyapaḥ | jyeṣṭhāyāmasi me patnyāṃ sadṛśyāṃ sadṛśaḥ sutaḥ

spoke this word, as Kashyapa once spoke to Devendra: "You are a worthy son born to my worthy eldest queen;

Shloka 40 (ayodhya.3.40)

उत्पन्नस्त्वं गुणश्रेष्ठो मम रामात्मजः प्रियः | यतस्त्वया प्रजाश्चेमाः स्वगुणैरनुरञ्जिताः ॥ 3.40 ॥

utpannastvaṃ guṇaśreṣṭho mama rāmātmajaḥ priyaḥ | yatastvayā prajāścemāḥ svaguṇairanurañjitāḥ

born supreme in virtue, O Rama, you are my beloved son. Since by your own qualities you have won the hearts of these people,

Shloka 41 (ayodhya.3.41)

तस्मात्त्वं पुष्ययोगेन यौवराज्यमवाप्नुहि | कामतस्त्वं प्रकृत्यैव विनीतो गुणवानसि ॥ 3.41 ॥

tasmāttvaṃ puṣyayogena yauvarājyamavāpnuhi | kāmatastvaṃ prakṛtyaiva vinīto guṇavānasi

therefore obtain the office of crown prince at the auspicious conjunction of the Pushya star. By your very nature you are humble and virtuous of your own accord;

Shloka 42 (ayodhya.3.42)

गुणवत्यपि तु स्नेहात्पुत्र वक्ष्यामि ते हितम् | भूयो विनयमास्थाय भव नित्यं जितेन्द्रियः ॥ 3.42 ॥

guṇavatyapi tu snehātputra vakṣyāmi te hitam | bhūyo vinayamāsthāya bhava nityaṃ jitendriyaḥ

yet, my son, out of my own affection I shall tell you what is good for you, though you are already virtuous. Be established still more in humility, and be always master of your senses;

Shloka 43 (ayodhya.3.43)

कामक्रोधसमुत्थानि त्यजेथा व्यसनानि च | परोक्षया वर्तमानो वृत्त्या प्रत्यक्षया तथा ॥ 3.43 ॥

kāmakrodhasamutthāni tyajethā vyasanāni ca | parokṣayā vartamāno vṛttyā pratyakṣayā tathā

give up the vices born of desire and anger; and, acting both through indirect means and through direct conduct,

Shloka 44 (ayodhya.3.44)

अमात्यप्रभृतीः सर्वाः प्रकृतीश्चानुरञ्जय | कोष्ठागारायुधागारैः कृत्वा सन्नि चयान् बहून् ॥ 3.44 ॥

amātyaprabhṛtīḥ sarvāḥ prakṛtīścānurañjaya | koṣṭhāgārāyudhāgāraiḥ kṛtvā sanni cayān bahūn

keep all your subjects, beginning with your ministers, well pleased. By building up ample stores in your granaries and armouries,

Shloka 45 (ayodhya.3.45)

तुष्टानुरक्तप्रकृतिर्यः पालयति मेदिनीम् | तस्य नन्दन्ति मित्राणि लब्ध्वाऽमृतमिवाऽमराः ॥ 3.45 ॥

tuṣṭānuraktaprakṛtiryaḥ pālayati medinīm | tasya nandanti mitrāṇi labdhvā'mṛtamivā'marāḥ

whoever rules the earth with subjects content and devoted — his friends rejoice in him, as the immortals rejoice on obtaining nectar. Therefore act, governing yourself, in just this way."

Shloka 46 (ayodhya.3.46)

तस्मात्त्वमपि चात्मानं नियम्यैवं समाचर | तच्छ्रुत्वा सुहृदस्तस्य रामस्य प्रियकारिणः ॥ 3.46 ॥

tasmāttvamapi cātmānaṃ niyamyaivaṃ samācara | tacchrutvā suhṛdastasya rāmasya priyakāriṇaḥ

Hearing this, Rama's friends, ever eager to do him good,

Shloka 47 (ayodhya.3.47)

त्वरिताः शीघ्रमभ्येत्य कौसल्यायै न्यवेदयन् | सा हिरण्यं च गाश्चैव रत्नानि विविधानि च ॥ 3.47 ॥

tvaritāḥ śīghramabhyetya kausalyāyai nyavedayan | sā hiraṇyaṃ ca gāścaiva ratnāni vividhāni ca

hastened quickly to Kausalya and told her the news. She, in turn, gave gold, cows, and jewels of many kinds

Shloka 48 (ayodhya.3.48)

व्यादिदेश प्रियाख्येभ्यः कौसल्या प्रमदोत्तमा | अथाभिवाद्य राजानं रथमारुह्य राघवः ॥ 3.48 ॥

vyādideśa priyākhyebhyaḥ kausalyā pramadottamā | athābhivādya rājānaṃ rathamāruhya rāghavaḥ

to those who had brought her the good news — Kausalya, that noblest of women. Then Raghava, having saluted the king, mounted his chariot

Shloka 49 (ayodhya.3.49)

ययौ स्वं द्युतिमद्वेश्म जनौघैः प्रतिपूजितः | ते चापि पौरा नृपतेर्वचस्त | च्छ्रुत्वा तदा लाभमिवेष्टमाशु | नरेन्द्रमामन्त्र्य गृहाणि गत्वा | देवान् समानर्चुरतिप्रहृष्टाः ॥ 3.49 ॥

yayau svaṃ dyutimadveśma janaughaiḥ pratipūjitaḥ | te cāpi paurā nṛpatervacasta | cchrutvā tadā lābhamiveṣṭamāśu | narendramāmantrya gṛhāṇi gatvā | devān samānarcuratiprahṛṣṭāḥ

and went to his own splendid dwelling, honoured on the way by throngs of people. And those citizens too, on hearing the king's words, as though they had at once gained their heart's desire, took leave of the king, went to their homes, and, overjoyed, worshipped the gods.