Reaching the Ganga at Shringaverapura

Shloka 1 (ayodhya.50.1)

विशालान् कोसलान् रम्यान् यात्वा लक्ष्मणपूर्वजः। अयोध्याभिमुखो धीमान् प्राञ्जलिर्वाक्यमब्रवीत्॥ 50.1 ॥

viśālān kosalān ramyān yātvā lakṣmaṇapūrvajaḥ| ayodhyābhimukho dhīmān prāñjalirvākyamabravīt

Having traversed the vast and lovely land of Kosala, the wise elder brother of Lakshmana turned his face toward Ayodhya and, with joined palms, spoke these words.

Shloka 2 (ayodhya.50.2)

आपृच्छे त्वां पुरीश्रेष्ठे काकुत्स्थपरिपालिते। दैवतानि च यानि त्वां पालयन्त्यावसन्ति च॥ 50.2 ॥

āpṛcche tvāṃ purīśreṣṭhe kākutsthaparipālite| daivatāni ca yāni tvāṃ pālayantyāvasanti ca

'I take my leave of you, finest of cities, guarded so well by the line of Kakutstha — and of all the deities who protect and dwell within you.'

Shloka 3 (ayodhya.50.3)

निवृत्तवनवासस्त्वामनृणो जगतीपतेः। पुनर्द्रक्ष्यामि मात्रा च पित्रा च सह संगतः॥ 50.3 ॥

nivṛttavanavāsastvāmanṛṇo jagatīpateḥ| punardrakṣyāmi mātrā ca pitrā ca saha saṃgataḥ

'When my time in the forest is done, and I am freed of my debt to the sovereign, I shall see you again, reunited with my mother and father.'

Shloka 4 (ayodhya.50.4)

ततो रुधिरताम्राक्षो भुजमुद्यम्य दक्षिणम्। अश्रुपूर्णमुखो दीनोऽब्रवीज्जानपदं जनम्॥ 50.4 ॥

tato rudhiratāmrākṣo bhujamudyamya dakṣiṇam| aśrupūrṇamukho dīno'bravījjānapadaṃ janam

Then, his eyes red as blood, his right arm raised, his face streaming with tears, the sorrowful Rama spoke to the assembled country-folk.

Shloka 5 (ayodhya.50.5)

अनुक्रोशो दया चैव यथार्हं मयि वः कृतः। चिरं दुःखस्य पापीयो गम्यतामर्थसिद्धये॥ 50.5 ॥

anukrośo dayā caiva yathārhaṃ mayi vaḥ kṛtaḥ| ciraṃ duḥkhasya pāpīyo gamyatāmarthasiddhaye

'You have shown me compassion and mercy, as much as I deserve. To dwell on this sorrow any longer serves no purpose — go now, each to see to your own affairs.'

Shloka 6 (ayodhya.50.6)

तेऽभिवाद्य महात्मानं कृत्वा चापि प्रदक्षिणम्। विलपन्तो नरा घोरं व्यतिष्ठन्त क्वचित्क्वचित्॥ 50.6 ॥

te'bhivādya mahātmānaṃ kṛtvā cāpi pradakṣiṇam| vilapanto narā ghoraṃ vyatiṣṭhanta kvacitkvacit

Saluting the great-souled prince and circling him in reverence, the people yet stood rooted here and there, weeping bitterly.

Shloka 7 (ayodhya.50.7)

तथा विलपतां तेषामतृप्तानां च राघवः। अचक्षुर्विषयं प्रायाद्यथार्कः क्षणदामुखे॥ 50.7 ॥

tathā vilapatāṃ teṣāmatṛptānāṃ ca rāghavaḥ| acakṣurviṣayaṃ prāyādyathārkaḥ kṣaṇadāmukhe

As they lamented on, unsatisfied, Raghava passed beyond their sight, as the sun vanishes from view at the coming of night.

Shloka 8 (ayodhya.50.8)

ततो धान्यधनोपेतान् दानशीलजनान् शिवान्। अकुतश्चिद्भयान् रम्यांश्चैत्ययूपसमावृतान्॥ 50.8 ॥

tato dhānyadhanopetān dānaśīlajanān śivān| akutaścidbhayān ramyāṃścaityayūpasamāvṛtān

Then that land of Kosala — rich in grain and wealth, its people given to charity, blessed, free of every fear, delightful, ringed with shrines and sacrificial posts —

Shloka 9 (ayodhya.50.9)

उद्यानाम्रवनोपेतान् संपन्नसलिलाशयान्। तुष्टपुष्टजनाकीर्णान् गोकुलाकुलसेवितान्॥ 50.9 ॥

udyānāmravanopetān saṃpannasalilāśayān| tuṣṭapuṣṭajanākīrṇān gokulākulasevitān

'— set about with gardens and mango-groves, rich in ponds of water, thronging with contented, well-fed people, alive with herds of cattle —'

Shloka 10 (ayodhya.50.10)

लक्षणीयान्नरेन्द्राणां ब्रह्मघोषाभिनादितान्। रथेन पुरुषव्याघ्रः कोसलानत्यवर्तत॥ 50.10 ॥

lakṣaṇīyānnarendrāṇāṃ brahmaghoṣābhināditān| rathena puruṣavyāghraḥ kosalānatyavartata

'— worthy of the gaze of kings, echoing with the chant of the Vedas — that Kosala did the tiger among men, in his chariot, leave behind him.'

Shloka 11 (ayodhya.50.11)

मध्येन मुदितं स्फीतं रम्योद्यानसमाकुलम्। राज्यं भोग्यं नरेन्द्राणां ययौ धृतिमतां वरः॥ 50.11 ॥

madhyena muditaṃ sphītaṃ ramyodyānasamākulam| rājyaṃ bhogyaṃ narendrāṇāṃ yayau dhṛtimatāṃ varaḥ

Through the heart of that joyful, prosperous kingdom, thronged with lovely gardens, fit for kings to enjoy, that finest of the steadfast pressed on.

Shloka 12 (ayodhya.50.12)

तत्र त्रिपथगां दिव्यां शिवतोयामशैवलाम्। ददर्श राघवो गङ्गां पुण्यामृषिनिसेविताम्॥ 50.12 ॥

tatra tripathagāṃ divyāṃ śivatoyāmaśaivalām| dadarśa rāghavo gaṅgāṃ puṇyāmṛṣinisevitām

There Raghava beheld the Ganga — flowing through three worlds, celestial, her waters holy and free of weed, sacred, frequented by sages.

Shloka 13 (ayodhya.50.13)

आश्रमैरविदूरस्थैः श्रीमद्भिः समलंकृताम्। कालेऽप्सरोभिर्हृष्टाभिः सेविताम्भोह्रदां शिवाम्॥ 50.13 ॥

āśramairavidūrasthaiḥ śrīmadbhiḥ samalaṃkṛtām| kāle'psarobhirhṛṣṭābhiḥ sevitāmbhohradāṃ śivām

She was graced by splendid hermitages close at hand, her pools visited in season by joyful nymphs of heaven.

Shloka 14 (ayodhya.50.14)

देवदानवगन्धर्वैः किन्नरैरुपशोभिताम्। नागगन्धर्वपत्नीभिः सेवितां सततं शिवाम्॥ 50.14 ॥

devadānavagandharvaiḥ kinnarairupaśobhitām| nāgagandharvapatnībhiḥ sevitāṃ satataṃ śivām

Graced by gods, demons, gandharvas, and kinnaras, ever attended by the wives of serpents and gandharvas — that auspicious river —

Shloka 15 (ayodhya.50.15)

देवाक्रीडशताकीर्णां देवोद्यानशतायुताम्। देवार्थमाकाशगमां विख्यातां देवपद्मिनीम्॥ 50.15 ॥

devākrīḍaśatākīrṇāṃ devodyānaśatāyutām| devārthamākāśagamāṃ vikhyātāṃ devapadminīm

thronged with a hundred playgrounds and gardens of the gods, coursing through the sky for the gods' sake, known in heaven by the name Devapadmini.

Shloka 16 (ayodhya.50.16)

जलघाताट्टहासोग्रां फेननिर्मलहासिनीम्। क्वचिद्वेणीकृतजलां क्वचिदावर्तशोभिताम्॥ 50.16 ॥

jalaghātāṭṭahāsogrāṃ phenanirmalahāsinīm| kvacidveṇīkṛtajalāṃ kvacidāvartaśobhitām

Where her waves clashed she seemed to roar with fierce laughter, her foam a spotless smile; here her waters braided like a maiden's plait, there adorned with whirlpools.

Shloka 17 (ayodhya.50.17)

क्वचित्स्तिमितगम्भीरां क्वचिद्वेगजलाकुलाम्। क्वचिद्गम्भीरनिर्घोषां क्वचिद्भैरवनिस्वनाम्॥ 50.17 ॥

kvacitstimitagambhīrāṃ kvacidvegajalākulām| kvacidgambhīranirghoṣāṃ kvacidbhairavanisvanām

Here she lay still and deep, there churned with rushing water; here she roared low and grave, there ran on with a dreadful sound.

Shloka 18 (ayodhya.50.18)

देवसंघाप्लुतजलां निर्मलोत्पलशोभिताम्। क्वचिदाभोगपुलिनां क्वचिन्निर्मलवालुकाम्॥ 50.18 ॥

devasaṃghāplutajalāṃ nirmalotpalaśobhitām| kvacidābhogapulināṃ kvacinnirmalavālukām

Hosts of gods bathed in her waters, bright with spotless lotuses; here she spread into wide sandbanks, there lay lined with clean, pale sand.

Shloka 19 (ayodhya.50.19)

हंससारससंघुष्टां चक्रवाकोपकूजिताम्। सदामदैश्च विहगैरभिसंनादितां तराम्॥ 50.19 ॥

haṃsasārasasaṃghuṣṭāṃ cakravākopakūjitām| sadāmadaiśca vihagairabhisaṃnāditāṃ tarām

Resounding with the cries of swans and cranes, filled with the calling of ruddy geese, she echoed constantly with the cries of birds ever intoxicated with joy.

Shloka 20 (ayodhya.50.20)

क्वचित्तीररुहैर्वृक्षैर्मालाभिरिव शोभिताम्। क्वचित्फुल्लोत्पलच्छन्नां क्वचित्पद्मवनाकुलाम्॥ 50.20 ॥

kvacittīraruhairvṛkṣairmālābhiriva śobhitām| kvacitphullotpalacchannāṃ kvacitpadmavanākulām

Here she seemed adorned, garland-like, with trees along her banks; there she lay hidden beneath blooming lotuses, elsewhere thick with lotus-groves.

Shloka 21 (ayodhya.50.21)

क्वचित्कुमुदखण्डैश्च कुड्मलैरुपशोभिताम्। नानापुष्परजोध्वस्तां समदामिव च क्वचित्॥ 50.21 ॥

kvacitkumudakhaṇḍaiśca kuḍmalairupaśobhitām| nānāpuṣparajodhvastāṃ samadāmiva ca kvacit

Here graced with clusters and buds of the white water-lily, there stained with the pollen of countless flowers, as if flushed with passion.

Shloka 22 (ayodhya.50.22)

व्यपेतमलसंघातां मणिनिर्मलदर्शनाम्। दिशागजैर्वनगजैर्मत्तैश्च वरवारणैः। देवोपवाह्यैश्च मुहुः संनादितवनान्तराम्॥ 50.22 ॥

vyapetamalasaṃghātāṃ maṇinirmaladarśanām| diśāgajairvanagajairmattaiśca varavāraṇaiḥ| devopavāhyaiśca muhuḥ saṃnāditavanāntarām

Utterly free of every impurity, clear as crystal to look upon — while, again and again, elephants of the quarters, wild elephants, rutting tuskers, and the noble elephants ridden by the gods filled her forest banks with their trumpeting.

Shloka 23 (ayodhya.50.23)

प्रमदामिव यत्नेन भूषितां भूषणोत्तमैः॥ 50.23 ॥

pramadāmiva yatnena bhūṣitāṃ bhūṣaṇottamaiḥ

as though a young woman had been carefully adorned with the finest of ornaments —

Shloka 24 (ayodhya.50.24)

फलैः पुष्पैः किसलयैर्वृतां गुल्मैर्द्विजैस्तथा। शिंशुमारैश्च नक्रैश्च भुजंगैश्च निषेविताम्॥ 50.24 ॥

phalaiḥ puṣpaiḥ kisalayairvṛtāṃ gulmairdvijaistathā| śiṃśumāraiśca nakraiśca bhujaṃgaiśca niṣevitām

so was she ringed about with fruit, flower, young shoot, shrub, and bird — and inhabited too by dolphins, crocodiles, and serpents.

Shloka 25 (ayodhya.50.25)

विष्णुपादच्युतां दिव्यामपापां पापनाशिनीम्। तां शङ्करजटाजूटाद्भ्रष्टां सागरतेजसा॥ 50.25 ॥

viṣṇupādacyutāṃ divyāmapāpāṃ pāpanāśinīm| tāṃ śaṅkarajaṭājūṭādbhraṣṭāṃ sāgaratejasā

Fallen from the feet of Vishnu, divine, sinless, the destroyer of sin — she who, by the ocean's own power, had once slipped free from the matted locks of Shankara —

Shloka 26 (ayodhya.50.26)

समुद्रमहिषीं गङ्गां सारसक्रौञ्चनादिताम्। आससाद महाबाहुः शृङ्गिबेरपुरं प्रति॥ 50.26 ॥

samudramahiṣīṃ gaṅgāṃ sārasakrauñcanāditām| āsasāda mahābāhuḥ śṛṅgiberapuraṃ prati

that consort of the ocean, resounding with the cries of cranes and curlews — the mighty-armed Rama reached her, near the town of Shringaverapura.

Shloka 27 (ayodhya.50.27)

तामूर्मिकलिलावर्तामन्ववेक्ष्य महारथः। सुमन्त्रमब्रवीत्सूतमिहैवाद्य वसामहे॥ 50.27 ॥

tāmūrmikalilāvartāmanvavekṣya mahārathaḥ| sumantramabravītsūtamihaivādya vasāmahe

Beholding that river with its waves and eddies, the great warrior said to Sumantra: 'Here indeed shall we halt for today.'

Shloka 28 (ayodhya.50.28)

अविदूरादयं नद्या बहुपुष्पप्रवालवान्। सुमहानिङ्गुदीवृक्षो वसामोऽत्रैव सारथे॥ 50.28 ॥

avidūrādayaṃ nadyā bahupuṣpapravālavān| sumahāniṅgudīvṛkṣo vasāmo'traiva sārathe

'Charioteer, not far from the river stands this great ingudi tree, thick with blossom and young shoots — here, right here, shall we stay.'

Shloka 29 (ayodhya.50.29)

द्रक्ष्यामः सरितां श्रेष्ठां सम्मान्यसलिलां शिवाम्। देवदानवगन्धर्वमृगमानुषपक्षिणाम्॥ 50.29 ॥

drakṣyāmaḥ saritāṃ śreṣṭhāṃ sammānyasalilāṃ śivām| devadānavagandharvamṛgamānuṣapakṣiṇām

'From here we shall look upon this finest of rivers, so auspicious, whose waters are held in honour by gods, demons, gandharvas, beasts, men, and birds alike.'

Shloka 30 (ayodhya.50.30)

लक्षणश्च सुमन्त्रश्च बाढमित्येव राघवम्। उक्त्वा तमिङ्गुदीवृक्षं तदोपययतुर्हयैः॥ 50.30 ॥

lakṣaṇaśca sumantraśca bāḍhamityeva rāghavam| uktvā tamiṅgudīvṛkṣaṃ tadopayayaturhayaiḥ

Lakshmana and Sumantra, saying to Raghava only, 'So be it,' turned the horses toward that ingudi tree.

Shloka 31 (ayodhya.50.31)

रामोऽभियाय तं रम्यं वृक्षमिक्ष्वाकुनन्दनः। रथादवातरत्तस्मात्सभार्यः सहलक्ष्मणः॥ 50.31 ॥

rāmo'bhiyāya taṃ ramyaṃ vṛkṣamikṣvākunandanaḥ| rathādavātarattasmātsabhāryaḥ sahalakṣmaṇaḥ

Rama, the delight of the Ikshvaku line, drew up to that lovely tree and got down from the chariot with his wife and Lakshmana.

Shloka 32 (ayodhya.50.32)

सुमन्त्रोऽप्यवतीर्यैव मोचयित्वा हयोत्तमान्। वृक्षमूलगतं राममुपतस्थे कृताञ्जलिः॥ 50.32 ॥

sumantro'pyavatīryaiva mocayitvā hayottamān| vṛkṣamūlagataṃ rāmamupatasthe kṛtāñjaliḥ

Sumantra too got down, unyoked the fine horses, and came with joined palms to sit near Rama at the foot of the tree.

Shloka 33 (ayodhya.50.33)

तत्र राजा गुहो नाम रामस्यात्मसमः सखा। निषादजात्यो बलवान्स्थपतिश्चेति विश्रुतः॥ 50.33 ॥

tatra rājā guho nāma rāmasyātmasamaḥ sakhā| niṣādajātyo balavānsthapatiśceti viśrutaḥ

There a king named Guha lived, a friend as dear to Rama as his own life; born of the Nishada people, mighty of strength, renowned as lord of the Nishadas.

Shloka 34 (ayodhya.50.34)

स श्रुत्वा पुरुषव्याघ्रं रामं विषयमागतम्। वृद्धैः परिवृतोऽमात्यैर्ज्ञातिभिश्चाप्युपागतः॥ 50.34 ॥

sa śrutvā puruṣavyāghraṃ rāmaṃ viṣayamāgatam| vṛddhaiḥ parivṛto'mātyairjñātibhiścāpyupāgataḥ

Hearing that the lion among men had come into his territory, he came at once, surrounded by his elder ministers and kinsmen.

Shloka 35 (ayodhya.50.35)

ततो निषादाधिपतिं दृष्ट्वा दूरादवस्थितम्। सह सौमित्रिणा रामः समागच्छद्गुहेन सः॥ 50.35 ॥

tato niṣādādhipatiṃ dṛṣṭvā dūrādavasthitam| saha saumitriṇā rāmaḥ samāgacchadguhena saḥ

Then, seeing the lord of the Nishadas standing at a distance, Rama himself, with Lakshmana, went forward to meet Guha.

Shloka 36 (ayodhya.50.36)

तमार्तः सम्परिष्वज्य गुहो राघवमब्रवीत्। यथायोध्या तथेदं ते राम किं करवाणि ते॥ 50.36 ॥

tamārtaḥ sampariṣvajya guho rāghavamabravīt| yathāyodhyā tathedaṃ te rāma kiṃ karavāṇi te

Overcome, Guha embraced Raghava tightly and said, 'This place too is Ayodhya to you, Rama — tell me, what may I do for you?'

Shloka 37 (ayodhya.50.37)

ततो गुणवदन्नाद्यमुपादाय पृथग्विधम्। अर्घ्यं चोपानयत्क्षिप्रं वाक्यं चेदमुवाच ह॥ 50.37 ॥

tato guṇavadannādyamupādāya pṛthagvidham| arghyaṃ copānayatkṣipraṃ vākyaṃ cedamuvāca ha

Then, bringing food of many excellent kinds, he swiftly offered the guest-water and spoke these words.

Shloka 38 (ayodhya.50.38)

स्वागतं ते महाबाहो तवेयमखिला मही। वयं प्रेष्या भवान्भर्ता साधु राज्यं प्रशाधि नः॥ 50.38 ॥

svāgataṃ te mahābāho taveyamakhilā mahī| vayaṃ preṣyā bhavānbhartā sādhu rājyaṃ praśādhi naḥ

'Welcome, mighty-armed one — all this land is yours; we are but your servants, and you our lord. Rule well over this kingdom.'

Shloka 39 (ayodhya.50.39)

भक्ष्यं भोज्यं च पेयं च लेह्यं चेदमुपस्थितम्। शयनानि च मुख्यानि वाजिनां खादनं च ते॥ 50.39 ॥

bhakṣyaṃ bhojyaṃ ca peyaṃ ca lehyaṃ cedamupasthitam| śayanāni ca mukhyāni vājināṃ khādanaṃ ca te

'Here are foods to eat, to sip, to relish; excellent beds are ready for you, and fodder too for your horses.'

Shloka 40 (ayodhya.50.40)

गुहमेव ब्रुवाणं तं राघवः प्रत्युवाच ह॥ 50.40 ॥

guhameva bruvāṇaṃ taṃ rāghavaḥ pratyuvāca ha

To Guha, speaking thus, Raghava made this reply.

Shloka 41 (ayodhya.50.41)

अर्चिताश्चैव हृष्टाश्च भवता सर्वथा वयम्। पद्भ्यामभिगमाच्चैव स्नेहसन्दर्शनेन च॥ 50.41 ॥

arcitāścaiva hṛṣṭāśca bhavatā sarvathā vayam| padbhyāmabhigamāccaiva snehasandarśanena ca

'By this welcome of yours, by your coming to us on foot yourself, and by this show of affection, we are altogether honoured and gladdened.'

Shloka 42 (ayodhya.50.42)

भुजाभ्यां साधुवृत्ताभ्यां पीडयन्वाक्यमब्रवीत्। दिष्ट्या त्वां गुह पश्यामि अरोगं सह बान्धवैः। अपि ते कूशलं राष्ट्रे मित्रेषु च धनेषु च॥ 50.42 ॥

bhujābhyāṃ sādhuvṛttābhyāṃ pīḍayanvākyamabravīt| diṣṭyā tvāṃ guha paśyāmi arogaṃ saha bāndhavaiḥ| api te kūśalaṃ rāṣṭre mitreṣu ca dhaneṣu ca

Pressing him gently with his strong arms, Rama said, 'Guha, how fortunate that I see you well, and your kinsmen too — is all well in your kingdom, with your friends, and with your wealth?'

Shloka 43 (ayodhya.50.43)

यत्त्विदं भवता किंचित्प्रीत्या समुपकल्पितम्। सर्वं तदनुजानामि न हि वर्ते प्रतिग्रहे॥ 50.43 ॥

yattvidaṃ bhavatā kiṃcitprītyā samupakalpitam| sarvaṃ tadanujānāmi na hi varte pratigrahe

'Whatever you have kindly arranged for me out of affection, all of it I gladly acknowledge — but it is not my way to accept such gifts.'

Shloka 44 (ayodhya.50.44)

कुशचीराजिनधरं फलमूलाशनं च माम्। विद्धि प्रणिहितं धर्मे तापसं वनगोचरम्॥ 50.44 ॥

kuśacīrājinadharaṃ phalamūlāśanaṃ ca mām| viddhi praṇihitaṃ dharme tāpasaṃ vanagocaram

'Know me now as one clad in kusha grass, bark, and deerskin, living on fruit and root, an ascetic devoted to dharma and dwelling in the forest.'

Shloka 45 (ayodhya.50.45)

अश्वानां खादनेनाहमर्थी नान्येन केनचित्। एतावतात्र भवता भविष्यामि सुपूजितः॥ 50.45 ॥

aśvānāṃ khādanenāhamarthī nānyena kenacit| etāvatātra bhavatā bhaviṣyāmi supūjitaḥ

'I ask for nothing but fodder for the horses, nothing else — grant me only this much, and I shall count myself well honoured by you.'

Shloka 46 (ayodhya.50.46)

एते हि दयिता राज्ञः पितुर्दशरथस्य मे। एतैः सुविहितैरश्वैर्भविष्याम्यहमर्चितः॥ 50.46 ॥

ete hi dayitā rājñaḥ piturdaśarathasya me| etaiḥ suvihitairaśvairbhaviṣyāmyahamarcitaḥ

'These horses were dear to my father, King Dasharatha; if they are well fed and cared for, I myself shall feel honoured.'

Shloka 47 (ayodhya.50.47)

अश्वानां प्रतिपानं च खादनं चैव सोऽन्वशात्। गुहस्तत्रैव पुरुषांस्त्वरितं दीयतामिति॥ 50.47 ॥

aśvānāṃ pratipānaṃ ca khādanaṃ caiva so'nvaśāt| guhastatraiva puruṣāṃstvaritaṃ dīyatāmiti

Guha at once commanded his men there: 'Let water and fodder for the horses be brought without delay.'

Shloka 48 (ayodhya.50.48)

ततश्चीरोत्तरासङ्गः सन्ध्यामन्वास्य पश्चिमाम्। जलमेवाददे भोज्यं लक्ष्मणेनाहृतं स्वयम्॥ 50.48 ॥

tataścīrottarāsaṅgaḥ sandhyāmanvāsya paścimām| jalamevādade bhojyaṃ lakṣmaṇenāhṛtaṃ svayam

Then, wearing a garment of bark, having offered his devotions to the evening twilight in the west, Rama took only the water Lakshmana himself had brought, as his meal.

Shloka 49 (ayodhya.50.49)

तस्य भूमौ शयानस्य पादौ प्रक्षाल्य लक्ष्मणः। सभार्यस्य ततोऽभ्येत्य तस्थौ वृक्षमुपाश्रितः॥ 50.49 ॥

tasya bhūmau śayānasya pādau prakṣālya lakṣmaṇaḥ| sabhāryasya tato'bhyetya tasthau vṛkṣamupāśritaḥ

Having washed the feet of Rama, lying on the ground with his wife, Lakshmana then came and stood, leaning against a tree.

Shloka 50 (ayodhya.50.50)

गुहोऽपि सह सूतेन सौमित्रिमनुभाषयन्। अन्वजाग्रत्ततो राममप्रमत्तो धनुर्धरः॥ 50.50 ॥

guho'pi saha sūtena saumitrimanubhāṣayan| anvajāgrattato rāmamapramatto dhanurdharaḥ

Guha too, conversing with Lakshmana together with the charioteer, kept watch over Rama, alert, bow in hand.

Shloka 51 (ayodhya.50.51)

तथा शयानस्य ततोऽस्य धीमतो। यशस्विनो दाशरथेर्महात्मनः। अदृष्टदुःखस्य सुखोचितस्य सा। तदा व्यतीयाय चिरेण शर्वरी॥ 50.51 ॥

tathā śayānasya tato'sya dhīmato| yaśasvino dāśarathermahātmanaḥ| adṛṣṭaduḥkhasya sukhocitasya sā| tadā vyatīyāya cireṇa śarvarī

So, lying there upon the ground, that illustrious, noble-hearted son of Dasharatha — who had never known suffering and deserved only comfort — passed that long night, which at last, slowly, drew to its end.