Hanuman Consoles Tara

Shloka 1 (kishkindha.21.1)

ततो निपतितां तारां च्युतां तारामिवाम्बरात् । शनैराश्वासयामास हनुमान् हरियूथपः ॥ 21.1 ॥

tato nipatitāṃ tārāṃ cyutāṃ tārāmivāmbarāt | śanairāśvāsayāmāsa hanumān hariyūthapaḥ || 21.1 ||

Then Hanuman, the leader of the monkey troops, gently began to console Tara, who lay fallen on the ground like a star dropped from the sky.

Shloka 2 (kishkindha.21.2)

गुणदोषकृतं जन्तुः स्वकर्म फलहेतुकम् । अव्यग्रस्तदवाप्नोति सर्वं प्रेत्य शुभाशुभम् ॥ 21.2 ॥

guṇadoṣakṛtaṃ jantuḥ svakarma phalahetukam | avyagrastadavāpnoti sarvaṃ pretya śubhāśubham || 21.2 ||

A creature is the cause of its own fruit through deeds done well or ill; after death it undisturbedly receives the whole of that good or bad result.

Shloka 3 (kishkindha.21.3)

शोच्या शोचसि कं शोच्यं दीनं दीनानुकम्पसे । कश्च कस्यानुशोच्योऽस्ति देहेऽस्मिन् बुद्बुदोपमे ॥ 21.3 ॥

śocyā śocasi kaṃ śocyaṃ dīnaṃ dīnānukampase | kaśca kasyānuśocyo'sti dehe'smin budbudopame || 21.3 ||

You yourself deserve pity, yet whom do you pity? You yourself are wretched, yet on whom do you show compassion as wretched? In this body which is like a bubble, who indeed is to be mourned by whom?

Shloka 4 (kishkindha.21.4)

अङ्गदस्तु कुमारोऽयं द्रष्टव्यो जीवपुत्रया । आयत्यां च विधेयानि समर्थान्यस्य चिन्तय ॥ 21.4 ॥

aṅgadastu kumāro'yaṃ draṣṭavyo jīvaputrayā | āyatyāṃ ca vidheyāni samarthānyasya cintaya || 21.4 ||

Since your son yet lives, you must look after this boy Angada, and consider the measures that will be capable of securing his future.

Shloka 5 (kishkindha.21.5)

जानास्यनियतामेवं भूतानामागतिं गतिम् । तस्माच्छुभं हि कर्तव्यं पण्डिते नेह लौकिकम् ॥ 21.5 ॥

jānāsyaniyatāmevaṃ bhūtānāmāgatiṃ gatim | tasmācchubhaṃ hi kartavyaṃ paṇḍite neha laukikam || 21.5 ||

You know well how uncertain is this coming and going of creatures into life; therefore, O wise one, the auspicious worldly duty here must now be performed.

Shloka 6 (kishkindha.21.6)

यस्मिन् हरिसहस्राणि शतानि नियुतानि च । वर्तयन्ति कृताशानि सोऽयं दिष्टान्तमागतः ॥ 21.6 ॥

yasmin harisahasrāṇi śatāni niyutāni ca | vartayanti kṛtāśāni so'yaṃ diṣṭāntamāgataḥ || 21.6 ||

He on whom hundreds, thousands, and tens of thousands of monkeys pinned their hopes and depended for their living - that very Vali has now reached the end ordained for him.

Shloka 7 (kishkindha.21.7)

यदयं न्यायदृष्टार्थः सामदानक्षमापरः । गतो धर्मजितां भूमिं नैनं शोचितुमर्हसि ॥ 21.7 ॥

yadayaṃ nyāyadṛṣṭārthaḥ sāmadānakṣamāparaḥ | gato dharmajitāṃ bhūmiṃ nainaṃ śocitumarhasi || 21.7 ||

Since he always viewed his purpose through justice and was devoted to conciliation, generosity, and forbearance, he has gone to the realm won by the righteous; it is not fitting for you to grieve for him.

Shloka 8 (kishkindha.21.8)

सर्वे च हरिशार्दूलाः पुत्रश्चायं तवाङ्गदः । हर्यृक्षपतिराज्यं च त्वत्सनाथमनिन्दिते ॥ 21.8 ॥

sarve ca hariśārdūlāḥ putraścāyaṃ tavāṅgadaḥ | haryṛkṣapatirājyaṃ ca tvatsanāthamanindite || 21.8 ||

O blameless one, all these tiger-like monkeys, this your son Angada, and the very kingdom of the lord of monkeys and bears - all of them now have you alone as their protector.

Shloka 9 (kishkindha.21.9)

ताविमौ शोकसंतप्तौ शनैः प्रेरय भामिनि । त्वया परिगृहीतोऽयमङ्गदः शास्तु मेदिनीम् ॥ 21.9 ॥

tāvimau śokasaṃtaptau śanaiḥ preraya bhāmini | tvayā parigṛhīto'yamaṅgadaḥ śāstu medinīm || 21.9 ||

O lady, gently rouse these two who are consumed by grief; and if you consent, let this Angada, upheld by you, rule over the earth.

Shloka 10 (kishkindha.21.10)

संततिश्च यथा दृष्टा कृत्यं यच्चापि साम्प्रतम् । राज्ञस्तत् क्रियतां सर्वमेष कालस्य निश्चयः ॥ 21.10 ॥

saṃtatiśca yathā dṛṣṭā kṛtyaṃ yaccāpi sāmpratam | rājñastat kriyatāṃ sarvameṣa kālasya niścayaḥ || 21.10 ||

Whatever is seen as proper regarding the succession, and whatever remains now to be done for the king, let all of it be carried out; this indeed is the decree of Time.

Shloka 11 (kishkindha.21.11)

संस्कार्यो हरिराजस्तु अङ्गदश्चाभिषिच्यताम् । सिंहासनगतं पुत्रं पश्यन्ती शान्तिमेष्यसि ॥ 21.11 ॥

saṃskāryo harirājastu aṅgadaścābhiṣicyatām | siṃhāsanagataṃ putraṃ paśyantī śāntimeṣyasi || 21.11 ||

The king of the monkeys must be given his last rites, and Angada must be consecrated; seeing your son enthroned, you will attain peace.

Shloka 12 (kishkindha.21.12)

सा तस्य वचनं श्रुत्वा भर्तृव्यसनपीडिता । अब्रवीदुत्तरं तारा हनूमन्तमवस्थितम् ॥ 21.12 ॥

sā tasya vacanaṃ śrutvā bhartṛvyasanapīḍitā | abravīduttaraṃ tārā hanūmantamavasthitam || 21.12 ||

Tara, tormented by the calamity of her husband, having heard his words, gave this reply to Hanuman, who stood there before her.

Shloka 13 (kishkindha.21.13)

अङ्गदप्रतिरूपाणां पुत्राणामेकतः शतम् । हतस्याप्यस्य वीरस्य गात्रसंश्लेषणं वरम् ॥ 21.13 ॥

aṅgadapratirūpāṇāṃ putrāṇāmekataḥ śatam | hatasyāpyasya vīrasya gātrasaṃśleṣaṇaṃ varam || 21.13 ||

Let there be a hundred sons like Angada on one side, and on the other only the embrace of this slain hero's body - even so, that embrace is the better choice for me.

Shloka 14 (kishkindha.21.14)

न चाहं हरिराज्यस्य प्रभवाम्यङ्गदस्य वा । पितृव्यस्तस्य सुग्रीवः सर्वकार्येष्वनन्तरः ॥ 21.14 ॥

na cāhaṃ harirājyasya prabhavāmyaṅgadasya vā | pitṛvyastasya sugrīvaḥ sarvakāryeṣvanantaraḥ || 21.14 ||

Neither I nor Angada have authority over the kingdom of the monkeys; his uncle Sugriva alone stands nearest to him in every matter.

Shloka 15 (kishkindha.21.15)

नह्येषा बुद्धिरास्थेया हनूमन्नङ्गदं प्रति । पिता हि बन्धुः पुत्रस्य न माता हरिसत्तम ॥ 21.15 ॥

nahyeṣā buddhirāstheyā hanūmannaṅgadaṃ prati | pitā hi bandhuḥ putrasya na mātā harisattama || 21.15 ||

This intention of yours regarding Angada is not to be adopted, O Hanuman; for it is the father, O best of monkeys, who is the true kinsman-protector of a son, not the mother.

Shloka 16 (kishkindha.21.16)

नहि मम हरिराजसंश्रयात् क्षमतरमस्ति परत्र चेह वा । अभिमुखहतवीरसेवितं शयनमिदं मम सेवितुं क्षमम् ॥ 21.16 ॥

nahi mama harirājasaṃśrayāt kṣamataramasti paratra ceha vā | abhimukhahatavīrasevitaṃ śayanamidaṃ mama sevituṃ kṣamam || 21.16 ||

For me there is nothing more fitting, either in this world or the next, than refuge with the king of the monkeys; the only thing now proper for me is to lie upon this very bed occupied by the hero who fell facing his foe.