The Monkey Hosts Are Summoned

Shloka 1 (kishkindha.37.1)

एवमुक्तस्तु सुग्रीवो लक्ष्मणेन महात्मना । हनूमन्तं स्थितं पार्श्वे वचनं चेदमब्रवीत् ॥ 37.1 ॥

evamuktastu sugrīvo lakṣmaṇena mahātmanā | hanūmantaṃ sthitaṃ pārśve vacanaṃ cedamabravīt || 37.1 ||

Thus addressed by Lakshmana, the great-souled Sugreeva spoke these words to Hanuman, who stood at his side.

Shloka 2 (kishkindha.37.2)

महेन्द्रहिमवद्विन्ध्यकैलासशिखरेषु च । मन्दरे पाण्डुशिखरे पञ्चशैलेषु ये स्थिताः ॥ 37.2 ॥

mahendrahimavadvindhyakailāsaśikhareṣu ca | mandare pāṇḍuśikhare pañcaśaileṣu ye sthitāḥ || 37.2 ||

"Those vanaras stationed on the peaks of Mahendra, Himavat, Vindhya and Kailasa, on Mandara, on Mount Pandu's peak, and on the five other mountains —

Shloka 3 (kishkindha.37.3)

तरुणादित्यवर्णेषु भ्राजमानेषु नित्यशः । पर्वतेषु समुद्रान्ते पश्चिमस्यां तु ये दिशि ॥ 37.3 ॥

taruṇādityavarṇeṣu bhrājamāneṣu nityaśaḥ | parvateṣu samudrānte paścimasyāṃ tu ye diśi || 37.3 ||

those who dwell on mountains ever gleaming with the hue of the young sun, at the ocean's edge, in the western quarter,

Shloka 4 (kishkindha.37.4)

आदित्यभवने चैव गिरौ संध्याभ्रसंनिभे । पद्माचलवनं भीमाः संश्रिता हरिपुंगवाः ॥ 37.4 ॥

ādityabhavane caiva girau saṃdhyābhrasaṃnibhe | padmācalavanaṃ bhīmāḥ saṃśritā haripuṃgavāḥ || 37.4 ||

in the mansion of the sun, on the mountain resembling an evening cloud, and the fearsome bulls among monkeys sheltering in the forest of lotus and palm,

Shloka 5 (kishkindha.37.5)

अञ्जनाम्बुदसंकाशाः कुञ्जरप्रतिमौजसः । अञ्जने पर्वते चैव ये वसन्ति प्लवंगमाः ॥ 37.5 ॥

añjanāmbudasaṃkāśāḥ kuñjarapratimaujasaḥ | añjane parvate caiva ye vasanti plavaṃgamāḥ || 37.5 ||

those dark as rain-clouds, mighty as elephants, who dwell on Mount Anjana,

Shloka 6 (kishkindha.37.6)

महाशैलगुहावासा वानराः कनकप्रभाः । मेरुपार्श्वगताश्चैव ये च धूम्रगिरिं श्रिताः ॥ 37.6 ॥

mahāśailaguhāvāsā vānarāḥ kanakaprabhāḥ | merupārśvagatāścaiva ye ca dhūmragiriṃ śritāḥ || 37.6 ||

the golden-hued vanaras dwelling in great mountain caves, those stationed by Meru's side, and those who have taken refuge on Mount Dhumra,

Shloka 7 (kishkindha.37.7)

तरुणादित्यवर्णाश्च पर्वते ये महारुणे । पिबन्तो मधु मैरेयं भीमवेगाः प्लवंगमाः ॥ 37.7 ॥

taruṇādityavarṇāśca parvate ye mahāruṇe | pibanto madhu maireyaṃ bhīmavegāḥ plavaṃgamāḥ || 37.7 ||

those of the hue of the young sun, of terrible speed, who dwell on the crimson Mount Maharuna, drinking honey-wine,

Shloka 8 (kishkindha.37.8)

वनेषु च सुरम्येषु सुगन्धिषु महत्सु च । तापसाश्रमरम्येषु वनान्तेषु समन्ततः ॥ 37.8 ॥

vaneṣu ca suramyeṣu sugandhiṣu mahatsu ca | tāpasāśramaramyeṣu vanānteṣu samantataḥ || 37.8 ||

and those dwelling in beautiful, fragrant, great forests, delightful with the hermitages of ascetics, in every quarter of the woodland's edge —

Shloka 9 (kishkindha.37.9)

तांस्तांस्त्वमानय क्षिप्रं पृथिव्यां सर्ववानरान् । सामदानादिभिः कल्पैर्वानरैर्वेगवत्तरैः ॥ 37.9 ॥

tāṃstāṃstvamānaya kṣipraṃ pṛthivyāṃ sarvavānarān | sāmadānādibhiḥ kalpairvānarairvegavattaraiḥ || 37.9 ||

bring all of them, quickly, from every part of the earth, by conciliation, by gifts, and other such means, through vanaras yet swifter still.

Shloka 10 (kishkindha.37.10)

प्रेषिताः प्रथमं ये च मयाऽऽज्ञाता महाजवाः । त्वरणार्थं तु भूयस्त्वं सम्प्रेषय हरीश्वरान् ॥ 37.10 ॥

preṣitāḥ prathamaṃ ye ca mayā''jñātā mahājavāḥ | tvaraṇārthaṃ tu bhūyastvaṃ sampreṣaya harīśvarān || 37.10 ||

As for those of great speed already sent out first at my command — for the sake of haste, send further lords of monkeys after them.

Shloka 11 (kishkindha.37.11)

ये प्रसक्ताश्च कामेषु दीर्घसूत्राश्च वानराः । इहानयस्व तान् शीघ्रं सर्वानेव कपीश्वरान् ॥ 37.11 ॥

ye prasaktāśca kāmeṣu dīrghasūtrāśca vānarāḥ | ihānayasva tān śīghraṃ sarvāneva kapīśvarān || 37.11 ||

Those vanaras who are given to pleasure and inclined to delay — bring all these lords of monkeys here quickly too.

Shloka 12 (kishkindha.37.12)

अहोभिर्दशभिर्ये च नागच्छन्ति ममाज्ञया । हन्तव्यास्ते दुरात्मानो राजशासनदूषकाः ॥ 37.12 ॥

ahobhirdaśabhirye ca nāgacchanti mamājñayā | hantavyāste durātmāno rājaśāsanadūṣakāḥ || 37.12 ||

Those who fail to come at my command within ten days are evil transgressors of the king's decree, and deserve to be slain.

Shloka 13 (kishkindha.37.13)

शतान्यथ सहस्राणि कोट्यश्च मम शासनात् । प्रयान्तु कपिसिंहानां निदेशे मम ये स्थिताः ॥ 37.13 ॥

śatānyatha sahasrāṇi koṭyaśca mama śāsanāt | prayāntu kapisiṃhānāṃ nideśe mama ye sthitāḥ || 37.13 ||

Let those under my rule, whether hundreds, thousands, or crores, march forth at once at my command.

Shloka 14 (kishkindha.37.14)

मेघपर्वतसंकाशाश्छादयन्त इवाम्बरम् । घोररूपाः कपिश्रेष्ठा यान्तु मच्छासनादितः ॥ 37.14 ॥

meghaparvatasaṃkāśāśchādayanta ivāmbaram | ghorarūpāḥ kapiśreṣṭhā yāntu macchāsanāditaḥ || 37.14 ||

Let those foremost of monkeys, huge as clouds and mountains, terrible in form, as though blotting out the very sky, come at once at my command.

Shloka 15 (kishkindha.37.15)

ते गतिज्ञा गतिं गत्वा पृथिव्यां सर्ववानराः । आनयन्तु हरीन् सर्वांस्त्वरिताः शासनान्मम ॥ 37.15 ॥

te gatijñā gatiṃ gatvā pṛthivyāṃ sarvavānarāḥ | ānayantu harīn sarvāṃstvaritāḥ śāsanānmama || 37.15 ||

Let all the vanaras skilled in the ways of the earth, having ranged it, quickly bring back every one of the monkeys, at my command.

Shloka 16 (kishkindha.37.16)

तस्य वानरराजस्य श्रुत्वा वायुसुतो वचः । दिक्षु सर्वासु विक्रान्तान् प्रेषयामास वानरान् ॥ 37.16 ॥

tasya vānararājasya śrutvā vāyusuto vacaḥ | dikṣu sarvāsu vikrāntān preṣayāmāsa vānarān || 37.16 ||

Hearing the words of that monkey king, the son of the Wind-god dispatched vanaras of great valour to every direction.

Shloka 17 (kishkindha.37.17)

ते पदं विष्णुविक्रान्तं पतत्त्रिज्योतिरध्वगाः । प्रयाताः प्रहिता राज्ञा हरयस्तु क्षणेन वै ॥ 37.17 ॥

te padaṃ viṣṇuvikrāntaṃ patattrijyotiradhvagāḥ | prayātāḥ prahitā rājñā harayastu kṣaṇena vai || 37.17 ||

Sent forth by the king's command, those monkeys set out that very instant, treading paths as swift as Vishnu's stride, swift as shooting light.

Shloka 18 (kishkindha.37.18)

ते समुद्रेषु गिरिषु वनेषु च सरस्सु च । वानरा वानरान् सर्वान् रामहेतोरचोदयन् ॥ 37.18 ॥

te samudreṣu giriṣu vaneṣu ca sarassu ca | vānarā vānarān sarvān rāmahetoracodayan || 37.18 ||

By the seas, on the mountains, in the forests and by the lakes, those vanaras roused all the other vanaras onward, for Rama's sake.

Shloka 19 (kishkindha.37.19)

मृत्युकालोपमस्याज्ञां राजराजस्य वानराः । सुग्रीवस्याययुः श्रुत्वा सुग्रीवभयशङ्किताः ॥ 37.19 ॥

mṛtyukālopamasyājñāṃ rājarājasya vānarāḥ | sugrīvasyāyayuḥ śrutvā sugrīvabhayaśaṅkitāḥ || 37.19 ||

The vanaras, apprehensive with fear of Sugreeva, arrived on hearing the command of that overlord — a command dreadful as the hour of death.

Shloka 20 (kishkindha.37.20)

ततस्तेऽञ्जनसंकाशा गिरेस्तस्मान्महाबलाः । तिस्रः कोट्यः प्लवंगानां निर्ययुर्यत्र राघवः ॥ 37.20 ॥

tataste'ñjanasaṃkāśā girestasmānmahābalāḥ | tisraḥ koṭyaḥ plavaṃgānāṃ niryayuryatra rāghavaḥ || 37.20 ||

Then, of those dark as Mount Anjana and swift of great speed, three crores of monkeys set out from that very mountain to where Raghava was.

Shloka 21 (kishkindha.37.21)

अस्तं गच्छति यत्रार्कस्तस्मिन् गिरिवरे रताः । संतप्तहेमवर्णाभास्तस्मात् कोट्यो दश च्युताः ॥ 37.21 ॥

astaṃ gacchati yatrārkastasmin girivare ratāḥ | saṃtaptahemavarṇābhāstasmāt koṭyo daśa cyutāḥ || 37.21 ||

From the excellent mountain where the sun sets, ten crores of monkeys, radiant as molten gold, dwelling there, came down.

Shloka 22 (kishkindha.37.22)

कैलासशिखरेभ्यश्च सिंहकेसरवर्चसाम् । ततः कोटिसहस्राणि वानराणां समागमन् ॥ 37.22 ॥

kailāsaśikharebhyaśca siṃhakesaravarcasām | tataḥ koṭisahasrāṇi vānarāṇāṃ samāgaman || 37.22 ||

Then, from the peaks of Kailasa, a thousand crores of vanaras, splendid as a lion's mane, gathered there.

Shloka 23 (kishkindha.37.23)

फलमूलेन जीवन्तो हिमवन्तमुपाश्रिताः । तेषां कोटिसहस्राणां सहस्रं समवर्तत ॥ 37.23 ॥

phalamūlena jīvanto himavantamupāśritāḥ | teṣāṃ koṭisahasrāṇāṃ sahasraṃ samavartata || 37.23 ||

Of those who live on fruit and roots and dwell on the Himalaya, a further thousand of their thousands of crores gathered there.

Shloka 24 (kishkindha.37.24)

अङ्गारकसमानानां भीमानां भीमकर्मणाम् । विन्ध्याद् वानरकोटीनां सहस्राण्यपतन् द्रुतम् ॥ 37.24 ॥

aṅgārakasamānānāṃ bhīmānāṃ bhīmakarmaṇām | vindhyād vānarakoṭīnāṃ sahasrāṇyapatan drutam || 37.24 ||

Of those terrible ones, of terrible deeds, resembling live embers, thousands of crores swiftly came down from the Vindhya.

Shloka 25 (kishkindha.37.25)

क्षीरोदवेलानिलयास्तमालवनवासिनः । नारिकेलाशनाश्चैव तेषां संख्या न विद्यते ॥ 37.25 ॥

kṣīrodavelānilayāstamālavanavāsinaḥ | nārikelāśanāścaiva teṣāṃ saṃkhyā na vidyate || 37.25 ||

Of those who dwell by the shore of the Sea of Milk, in the tamala forests, feeding on coconuts, the number cannot even be told.

Shloka 26 (kishkindha.37.26)

वनेभ्यो गह्वरेभ्यश्च सरिद्भ्यश्च महाबलाः । आगच्छद् वानरी सेना पिबन्तीव दिवाकरम् ॥ 37.26 ॥

vanebhyo gahvarebhyaśca saridbhyaśca mahābalāḥ | āgacchad vānarī senā pibantīva divākaram || 37.26 ||

Coming from forests, from caverns, and from rivers, that mighty army of vanaras seemed, in its vastness, as if it would drink up the sun itself.

Shloka 27 (kishkindha.37.27)

ये तु त्वरयितुं याता वानराः सर्ववानरान् । ते वीरा हिमवच्छैले ददृशुस्तं महाद्रुमम् ॥ 37.27 ॥

ye tu tvarayituṃ yātā vānarāḥ sarvavānarān | te vīrā himavacchaile dadṛśustaṃ mahādrumam || 37.27 ||

Those vanaras who had gone to hasten the rest, those heroes, beheld upon the Himalayan mountain that great tree.

Shloka 28 (kishkindha.37.28)

तस्मिन् गिरिवरे पुण्ये यज्ञो माहेश्वरः पुरा । सर्वदेवमनस्तोषो बभूव सुमनोरमः ॥ 37.28 ॥

tasmin girivare puṇye yajño māheśvaraḥ purā | sarvadevamanastoṣo babhūva sumanoramaḥ || 37.28 ||

On that holy and excellent mountain, in ancient times, Lord Maheshvara had performed a sacrifice, most delightful, that had gladdened the hearts of all the gods.

Shloka 29 (kishkindha.37.29)

अन्ननिस्यन्दजातानि मूलानि च फलानि च । अमृतस्वादुकल्पानि ददृशुस्तत्र वानराः ॥ 37.29 ॥

annanisyandajātāni mūlāni ca phalāni ca | amṛtasvādukalpāni dadṛśustatra vānarāḥ || 37.29 ||

There the vanaras beheld roots and fruits, born of the residue of that sacrificial food, sweet as ambrosia.

Shloka 30 (kishkindha.37.30)

तदन्नसम्भवं दिव्यं फलमूलं मनोहरम् । यः कश्चित् सकृदश्नाति मासं भवति तर्पितः ॥ 37.30 ॥

tadannasambhavaṃ divyaṃ phalamūlaṃ manoharam | yaḥ kaścit sakṛdaśnāti māsaṃ bhavati tarpitaḥ || 37.30 ||

That divine and lovely fruit and root, born of that sacrificial offering — whoever eats it even once remains sated for a month.

Shloka 31 (kishkindha.37.31)

तानि मूलानि दिव्यानि फलानि च फलाशनाः । औषधानि च दिव्यानि जगृहुर्हरिपुंगवाः ॥ 37.31 ॥

tāni mūlāni divyāni phalāni ca phalāśanāḥ | auṣadhāni ca divyāni jagṛhurharipuṃgavāḥ || 37.31 ||

Those fruit-eating bulls among monkeys gathered up those divine roots and fruits, and the divine herbs as well.

Shloka 32 (kishkindha.37.32)

तस्माच्च यज्ञायतनात् पुष्पाणि सुरभीणि च । आनिन्युर्वानरा गत्वा सुग्रीवप्रियकारणात् ॥ 37.32 ॥

tasmācca yajñāyatanāt puṣpāṇi surabhīṇi ca | āninyurvānarā gatvā sugrīvapriyakāraṇāt || 37.32 ||

And from that sacrificial ground, the vanaras went and gathered fragrant flowers too, to please Sugreeva.

Shloka 33 (kishkindha.37.33)

ते तु सर्वे हरिवराः पृथिव्यां सर्ववानरान् । संचोदयित्वा त्वरितं यूथानां जग्मुरग्रतः ॥ 37.33 ॥

te tu sarve harivarāḥ pṛthivyāṃ sarvavānarān | saṃcodayitvā tvaritaṃ yūthānāṃ jagmuragrataḥ || 37.33 ||

Then all those foremost of monkeys, having roused every vanara across the earth, went on ahead of their several hosts.

Shloka 34 (kishkindha.37.34)

ते तु तेन मुहूर्तेन कपयः शीघ्रचारिणः । किष्किन्धां त्वरया प्राप्ताः सुग्रीवो यत्र वानरः ॥ 37.34 ॥

te tu tena muhūrtena kapayaḥ śīghracāriṇaḥ | kiṣkindhāṃ tvarayā prāptāḥ sugrīvo yatra vānaraḥ || 37.34 ||

Within that very hour those swift-moving monkeys reached Kishkindha, to where the monkey Sugreeva was.

Shloka 35 (kishkindha.37.35)

ते गृहीत्वौषधीः सर्वाः फलमूलं च वानराः । तं प्रतिग्राहयामासुर्वचनं चेदमब्रुवन् ॥ 37.35 ॥

te gṛhītvauṣadhīḥ sarvāḥ phalamūlaṃ ca vānarāḥ | taṃ pratigrāhayāmāsurvacanaṃ cedamabruvan || 37.35 ||

Those vanaras, having taken all the herbs, fruits and roots, presented them to him and spoke these words:

Shloka 36 (kishkindha.37.36)

सर्वे परिसृताः शैलाः सरितश्च वनानि च । पृथिव्यां वानराः सर्वे शासनादुपयान्ति ते ॥ 37.36 ॥

sarve parisṛtāḥ śailāḥ saritaśca vanāni ca | pṛthivyāṃ vānarāḥ sarve śāsanādupayānti te || 37.36 ||

"All the vanaras who had ranged over every mountain, river and forest of the whole earth are now coming, in accordance with your command."

Shloka 37 (kishkindha.37.37)

एवं श्रुत्वा ततो हृष्टः सुग्रीवः प्लवगाधिपः । प्रतिजग्राह च प्रीतस्तेषां सर्वमुपायनम् ॥ 37.37 ॥

evaṃ śrutvā tato hṛṣṭaḥ sugrīvaḥ plavagādhipaḥ | pratijagrāha ca prītasteṣāṃ sarvamupāyanam || 37.37 ||

Hearing this, Sugreeva, lord of the vanaras, was delighted, and joyfully accepted the whole of their offering.