Hanuman Carries Rama and Lakshmana to Sugriva

Shloka 1 (kishkindha.4.1)

ततः प्रहृष्टो हनुमान् कृत्यवानिति तद्वचः । श्रुत्वा मधुरभावं च सुग्रीवं मनसा गतः ॥ 4.1 ॥

tataḥ prahṛṣṭo hanumān kṛtyavāniti tadvacaḥ | śrutvā madhurabhāvaṃ ca sugrīvaṃ manasā gataḥ || 4.1 ||

Then Hanuman, greatly delighted, hearing those sweet words and taking them to mean the task was accomplished, turned his mind at once toward Sugriva.

Shloka 2 (kishkindha.4.2)

भाव्यो राज्यागमस्तस्य सुग्रीवस्य महात्मनः । यदयं कृत्यवान् प्राप्तः कृत्यं चैतदुपागतम् ॥ 4.2 ॥

bhāvyo rājyāgamastasya sugrīvasya mahātmanaḥ | yadayaṃ kṛtyavān prāptaḥ kṛtyaṃ caitadupāgatam || 4.2 ||

'The attainment of the kingdom by the great-souled Sugriva is now assured, since this task has succeeded and its very purpose has been achieved.'

Shloka 3 (kishkindha.4.3)

ततः परमसंहृष्टो हनूमान् प्लवगोत्तमः । प्रत्युवाच ततो वाक्यं रामं वाक्यविशारदः ॥ 4.3 ॥

tataḥ paramasaṃhṛṣṭo hanūmān plavagottamaḥ | pratyuvāca tato vākyaṃ rāmaṃ vākyaviśāradaḥ || 4.3 ||

Then Hanuman, best of monkeys, greatly delighted and skilled in speech, replied with these words to Rama:

Shloka 4 (kishkindha.4.4)

किमर्थं त्वं वनं घोरं पम्पाकाननमण्डितम् । आगतः सानुजो दुर्गं नानाव्यालमृगायुतम् ॥ 4.4 ॥

kimarthaṃ tvaṃ vanaṃ ghoraṃ pampākānanamaṇḍitam | āgataḥ sānujo durgaṃ nānāvyālamṛgāyutam || 4.4 ||

'For what purpose have you, together with your younger brother, come into this terrible, impenetrable forest, adorned by Pampa's groves and filled with wild beasts of every kind?'

Shloka 5 (kishkindha.4.5)

तस्य तद् वचनं श्रुत्वा लक्ष्मणो रामचोदितः । आचचक्षे महात्मानं रामं दशरथात्मजम् ॥ 4.5 ॥

tasya tad vacanaṃ śrutvā lakṣmaṇo rāmacoditaḥ | ācacakṣe mahātmānaṃ rāmaṃ daśarathātmajam || 4.5 ||

Hearing his words, Lakshmana, urged on by Rama, began to tell of the great-souled Rama, son of Dasharatha:

Shloka 6 (kishkindha.4.6)

राजा दशरथो नाम द्युतिमान् धर्मवत्सलः । चातुर्वर्ण्यं स्वधर्मेण नित्यमेवाभिपालयन् ॥ 4.6 ॥

rājā daśaratho nāma dyutimān dharmavatsalaḥ | cāturvarṇyaṃ svadharmeṇa nityamevābhipālayan || 4.6 ||

'There was a king named Dasharatha, radiant and devoted to Dharma, who ever guarded the four varnas according to their own duties.'

Shloka 7 (kishkindha.4.7)

न द्वेष्टा विद्यते तस्य स तु द्वेष्टि न कंचन । स तु सर्वेषु भूतेषु पितामह इवापरः ॥ 4.7 ॥

na dveṣṭā vidyate tasya sa tu dveṣṭi na kaṃcana | sa tu sarveṣu bhūteṣu pitāmaha ivāparaḥ || 4.7 ||

'He had no enemy, nor did he hate anyone at all; toward every being he was like a second grandsire of creation.'

Shloka 8 (kishkindha.4.8)

अग्निष्टोमादिभिर्यज्ञैरिष्टवानाप्तदक्षिणैः । तस्यायं पूर्वजः पुत्रो रामो नाम जनैः श्रुतः ॥ 4.8 ॥

agniṣṭomādibhiryajñairiṣṭavānāptadakṣiṇaiḥ | tasyāyaṃ pūrvajaḥ putro rāmo nāma janaiḥ śrutaḥ || 4.8 ||

'He performed sacrifices such as the Agnishtoma with ample sacrificial fees; this is his eldest son, renowned among the people by the name of Rama.'

Shloka 9 (kishkindha.4.9)

शरण्यः सर्वभूतानां पितुर्निर्देशपारगः । ज्येष्ठो दशरथस्यायं पुत्राणां गुणवत्तरः ॥ 4.9 ॥

śaraṇyaḥ sarvabhūtānāṃ piturnirdeśapāragaḥ | jyeṣṭho daśarathasyāyaṃ putrāṇāṃ guṇavattaraḥ || 4.9 ||

'A refuge for all beings, true to every word of his father's command, this is Dasharatha's eldest son, most excellent in virtue among all his sons.'

Shloka 10 (kishkindha.4.10)

राजलक्षणसंयुक्तः संयुक्तो राज्यसम्पदा । राज्याद् भ्रष्टो मया वस्तुं वने सार्धमिहागतः ॥ 4.10 ॥

rājalakṣaṇasaṃyuktaḥ saṃyukto rājyasampadā | rājyād bhraṣṭo mayā vastuṃ vane sārdhamihāgataḥ || 4.10 ||

'Endowed with every mark of kingship and with the fortune of a kingdom, yet cast out from it, he has come here with me to dwell in the forest.'

Shloka 11 (kishkindha.4.11)

भार्यया च महाभाग सीतयानुगतो वशी । दिनक्षये महातेजाः प्रभयेव दिवाकरः ॥ 4.11 ॥

bhāryayā ca mahābhāga sītayānugato vaśī | dinakṣaye mahātejāḥ prabhayeva divākaraḥ || 4.11 ||

'O most fortunate one, self-mastered, followed by his wife Sita, this greatly radiant one shines like the sun at day's end, still bright though its light wanes.'

Shloka 12 (kishkindha.4.12)

अहमस्यावरो भ्राता गुणैर्दास्यमुपागतः । कृतज्ञस्य बहुज्ञस्य लक्ष्मणो नाम नामतः ॥ 4.12 ॥

ahamasyāvaro bhrātā guṇairdāsyamupāgataḥ | kṛtajñasya bahujñasya lakṣmaṇo nāma nāmataḥ || 4.12 ||

'I am his younger brother, given over to his service on account of his virtues; my name is Lakshmana. He is grateful and vastly learned,'

Shloka 13 (kishkindha.4.13)

सुखार्हस्य महार्हस्य सर्वभूतहितात्मनः । ऐश्वर्येण विहीनस्य वनवासे रतस्य च ॥ 4.13 ॥

sukhārhasya mahārhasya sarvabhūtahitātmanaḥ | aiśvaryeṇa vihīnasya vanavāse ratasya ca || 4.13 ||

'...worthy of every comfort, worthy of the highest honour, his very soul devoted to the good of all beings — yet now stripped of his royal fortune, and given over to life in the forest.'

Shloka 14 (kishkindha.4.14)

रक्षसापहृता भार्या रहिते कामरूपिणा । तच्च न ज्ञायते रक्षः पत्नी येनास्य वा हृता ॥ 4.14 ॥

rakṣasāpahṛtā bhāryā rahite kāmarūpiṇā | tacca na jñāyate rakṣaḥ patnī yenāsya vā hṛtā || 4.14 ||

'...his wife was carried off by a shape-shifting demon while he was away; nor is it even known what demon it was that abducted his wife.'

Shloka 15 (kishkindha.4.15)

दनुर्नाम दितेः पुत्रः शापाद् राक्षसतां गतः । आख्यातस्तेन सुग्रीवः समर्थो वानराधिपः ॥ 4.15 ॥

danurnāma diteḥ putraḥ śāpād rākṣasatāṃ gataḥ | ākhyātastena sugrīvaḥ samartho vānarādhipaḥ || 4.15 ||

'A son of Diti named Danu, who through a curse had become a demon, told him of Sugriva, the capable lord of the monkeys.'

Shloka 16 (kishkindha.4.16)

स ज्ञास्यति महावीर्यस्तव भार्यापहारिणम् । एवमुक्त्वा दनुः स्वर्गं भ्राजमानो दिवं गतः ॥ 4.16 ॥

sa jñāsyati mahāvīryastava bhāryāpahāriṇam | evamuktvā danuḥ svargaṃ bhrājamāno divaṃ gataḥ || 4.16 ||

'"He, of great might, will discover the one who abducted your wife," said Danu; and having spoken thus, he ascended, shining, to the heavens.'

Shloka 17 (kishkindha.4.17)

एतत् ते सर्वमाख्यातं याथातथ्येन पृच्छतः । अहं चैव च रामश्च सुग्रीवं शरणं गतौ ॥ 4.17 ॥

etat te sarvamākhyātaṃ yāthātathyena pṛcchataḥ | ahaṃ caiva ca rāmaśca sugrīvaṃ śaraṇaṃ gatau || 4.17 ||

'All this has been told to you truly, since you asked; both I and Rama have come to take refuge in Sugriva.'

Shloka 18 (kishkindha.4.18)

एष दत्त्वा च वित्तानि प्राप्य चानुत्तमं यशः । लोकनाथः पुरा भूत्वा सुग्रीवं नाथमिच्छति ॥ 4.18 ॥

eṣa dattvā ca vittāni prāpya cānuttamaṃ yaśaḥ | lokanāthaḥ purā bhūtvā sugrīvaṃ nāthamicchati || 4.18 ||

'This Rama, who once, having given away riches and won unsurpassed fame, was himself lord of the world, now seeks Sugriva as his protector.'

Shloka 19 (kishkindha.4.19)

सीता यस्य स्नुषा चासीच्छरण्यो धर्मवत्सलः । तस्य पुत्रः शरण्यश्च सुग्रीवं शरणं गतः ॥ 4.19 ॥

sītā yasya snuṣā cāsīccharaṇyo dharmavatsalaḥ | tasya putraḥ śaraṇyaśca sugrīvaṃ śaraṇaṃ gataḥ || 4.19 ||

'He whose daughter-in-law Sita was — that refuge-giving, Dharma-loving king — his son, himself a refuge to others, has now come to take refuge in Sugriva.'

Shloka 20 (kishkindha.4.20)

सर्वलोकस्य धर्मात्मा शरण्यः शरणं पुरा । गुरुर्मे राघवः सोऽयं सुग्रीवं शरणं गतः ॥ 4.20 ॥

sarvalokasya dharmātmā śaraṇyaḥ śaraṇaṃ purā | gururme rāghavaḥ so'yaṃ sugrīvaṃ śaraṇaṃ gataḥ || 4.20 ||

'He who was once the righteous refuge and protector of the whole world — this Raghava, my elder, has now come to seek refuge in Sugriva.'

Shloka 21 (kishkindha.4.21)

यस्य प्रसादे सततं प्रसीदेयुरिमाः प्रजाः । स रामो वानरेन्द्रस्य प्रसादमभिकांक्षते ॥ 4.21 ॥

yasya prasāde satataṃ prasīdeyurimāḥ prajāḥ | sa rāmo vānarendrasya prasādamabhikāṃkṣate || 4.21 ||

'He by whose grace these very people were ever content — that same Rama now longs for the grace of the lord of the monkeys.'

Shloka 22 (kishkindha.4.22)

येन सर्वगुणोपेताः पृथिव्यां सर्वपार्थिवाः । मानिताः सततं राज्ञा सदा दशरथेन वै ॥ 4.22 ॥

yena sarvaguṇopetāḥ pṛthivyāṃ sarvapārthivāḥ | mānitāḥ satataṃ rājñā sadā daśarathena vai || 4.22 ||

'By that king Dasharatha, all the kings of the earth, endowed with every virtue, were ever honoured, always —'

Shloka 23 (kishkindha.4.23)

तस्यायं पूर्वजः पुत्रस्त्रिषु लोकेषु विश्रुतः । सुग्रीवं वानरेन्द्रं तु रामः शरणमागतः ॥ 4.23 ॥

tasyāyaṃ pūrvajaḥ putrastriṣu lokeṣu viśrutaḥ | sugrīvaṃ vānarendraṃ tu rāmaḥ śaraṇamāgataḥ || 4.23 ||

'— this is his eldest son, renowned throughout the three worlds; this Rama has come to take refuge in Sugriva, lord of the monkeys.'

Shloka 24 (kishkindha.4.24)

शोकाभिभूते रामे तु शोकार्ते शरणं गते । कर्तुमर्हति सुग्रीवः प्रसादं सह यूथपैः ॥ 4.24 ॥

śokābhibhūte rāme tu śokārte śaraṇaṃ gate | kartumarhati sugrīvaḥ prasādaṃ saha yūthapaiḥ || 4.24 ||

'Now that Rama, overwhelmed and afflicted with grief, has come here seeking refuge, Sugriva, together with his troop-leaders, ought indeed to show him favour.'

Shloka 25 (kishkindha.4.25)

एवं ब्रुवाणं सौमित्रिं करुणं साश्रुपातनम् । हनूमान् प्रत्युवाचेदं वाक्यं वाक्यविशारदः ॥ 4.25 ॥

evaṃ bruvāṇaṃ saumitriṃ karuṇaṃ sāśrupātanam | hanūmān pratyuvācedaṃ vākyaṃ vākyaviśāradaḥ || 4.25 ||

To Saumitri, speaking thus, sorrowfully, tears falling as he spoke, Hanuman, skilled in speech, gave this reply:

Shloka 26 (kishkindha.4.26)

ईदृशा बुद्धिसम्पन्ना जितक्रोधा जितेन्द्रियाः । द्रष्टव्या वानरेन्द्रेण दिष्ट्या दर्शनमागताः ॥ 4.26 ॥

īdṛśā buddhisampannā jitakrodhā jitendriyāḥ | draṣṭavyā vānarendreṇa diṣṭyā darśanamāgatāḥ || 4.26 ||

'It is by good fortune indeed that such wise ones, who have conquered anger and mastered their senses, are worthy to be seen by the lord of the monkeys, and have now come within his sight.'

Shloka 27 (kishkindha.4.27)

स हि राज्याश्च विभ्रष्टः कृतवैरश्च वालिना । हृतदारो वने त्रस्तो भ्रात्रा विनिकृतो भृशम् ॥ 4.27 ॥

sa hi rājyāśca vibhraṣṭaḥ kṛtavairaśca vālinā | hṛtadāro vane trasto bhrātrā vinikṛto bhṛśam || 4.27 ||

'For he too has been cast out of his kingdom, and set at enmity with Vali; his wife too was taken from him, and he lives in the forest in fear, cruelly wronged by his own brother.'

Shloka 28 (kishkindha.4.28)

करिष्यति स साहाय्यं युवयोर्भास्करात्मजः । सुग्रीवः सह चास्माभिः सीतायाः परिमार्गणे ॥ 4.28 ॥

kariṣyati sa sāhāyyaṃ yuvayorbhāskarātmajaḥ | sugrīvaḥ saha cāsmābhiḥ sītāyāḥ parimārgaṇe || 4.28 ||

'He, the son of the Sun-god, Sugriva, together with all of us, will surely render you both help in the search for Sita.'

Shloka 29 (kishkindha.4.29)

इत्येवमुक्त्वा हनुमान् श्लक्ष्णं मधुरया गिरा । बभाषे साधु गच्छामः सुग्रीवमिति राघवम् ॥ 4.29 ॥

ityevamuktvā hanumān ślakṣṇaṃ madhurayā girā | babhāṣe sādhu gacchāmaḥ sugrīvamiti rāghavam || 4.29 ||

Having spoken thus, Hanuman, in a soft and sweet voice, said further to Raghava: 'Come, let us go now to Sugriva.'

Shloka 30 (kishkindha.4.30)

एवं ब्रुवन्तं धर्मात्मा हनूमन्तं स लक्ष्मणः । प्रतिपूज्य यथान्यायमिदं प्रोवाच राघवम् ॥ 4.30 ॥

evaṃ bruvantaṃ dharmātmā hanūmantaṃ sa lakṣmaṇaḥ | pratipūjya yathānyāyamidaṃ provāca rāghavam || 4.30 ||

Then that righteous Lakshmana, duly honouring Hanuman who had spoken so, said this to Raghava:

Shloka 31 (kishkindha.4.31)

कपिः कथयते हृष्टो यथायं मारुतात्मजः । कृत्यवान् सोऽपि सम्प्राप्तः कृतकृत्योऽसि राघव ॥ 4.31 ॥

kapiḥ kathayate hṛṣṭo yathāyaṃ mārutātmajaḥ | kṛtyavān so'pi samprāptaḥ kṛtakṛtyo'si rāghava || 4.31 ||

'As this monkey, son of the Wind-god, speaks with such evident joy, our task already seems fulfilled; O Raghava, you may count your purpose as good as accomplished.'

Shloka 32 (kishkindha.4.32)

प्रसन्नमुखवर्णश्च व्यक्तं हृष्टश्च भाषते । नानृतं वक्ष्यते वीरो हनूमान् मारुतात्मजः ॥ 4.32 ॥

prasannamukhavarṇaśca vyaktaṃ hṛṣṭaśca bhāṣate | nānṛtaṃ vakṣyate vīro hanūmān mārutātmajaḥ || 4.32 ||

'His countenance is bright and clear, and he speaks with plain and evident joy; this hero Hanuman, son of the Wind-god, will surely not speak falsely.'

Shloka 33 (kishkindha.4.33)

ततः स सुमहाप्राज्ञो हनूमान् मारुतात्मजः । जगामादाय तौ वीरौ हरिराजाय राघवौ ॥ 4.33 ॥

tataḥ sa sumahāprājño hanūmān mārutātmajaḥ | jagāmādāya tau vīrau harirājāya rāghavau || 4.33 ||

Then that most wise Hanuman, son of the Wind-god, took the two heroic Raghavas along and set out toward the king of monkeys.

Shloka 34 (kishkindha.4.34)

भिक्षुरूपं परित्यज्य वानरं रूपमास्थितः । पृष्ठमारोप्य तौ वीरौ जगाम कपिकुञ्जरः ॥ 4.34 ॥

bhikṣurūpaṃ parityajya vānaraṃ rūpamāsthitaḥ | pṛṣṭhamāropya tau vīrau jagāma kapikuñjaraḥ || 4.34 ||

Giving up his mendicant's guise and resuming his own monkey form, that elephant among monkeys, lifting the two heroes onto his back, set forth.

Shloka 35 (kishkindha.4.35)

स तु विपुलयशाः कपिप्रवीरः पवनसुतः कृतकृत्यवत् प्रहृष्टः । गिरिवरमुरुविक्रमः प्रयातः स शुभमतिः सह रामलक्ष्मणाभ्याम् ॥ 4.35 ॥

sa tu vipulayaśāḥ kapipravīraḥ pavanasutaḥ kṛtakṛtyavat prahṛṣṭaḥ | girivaramuruvikramaḥ prayātaḥ sa śubhamatiḥ saha rāmalakṣmaṇābhyām || 4.35 ||

That monkey of vast renown, foremost among monkeys, son of the Wind-god, of immense prowess and virtuous mind, delighted as though his purpose were already fulfilled, set out toward the great mountain, together with Rama and Lakshmana.