Wings Restored

Shloka 1 (kishkindha.63.1)

एतैरन्यैश्च बहुभिर्वाक्यैर्वाक्यविशारदः । मां प्रशस्याभ्यनुज्ञाप्य प्रविष्टः स स्वमालयम् ॥ 63.1 ॥

etairanyaiśca bahubhirvākyairvākyaviśāradaḥ | māṃ praśasyābhyanujñāpya praviṣṭaḥ sa svamālayam || 63.1 ||

The one skilled in speech, with these and many other words, having encouraged and permitted me to leave, entered his own abode.

Shloka 2 (kishkindha.63.2)

कन्दरात् तु विसर्पित्वा पर्वतस्य शनैः शनैः । अहं विन्ध्यं समारुह्य भवतः प्रतिपालये ॥ 63.2 ॥

kandarāt tu visarpitvā parvatasya śanaiḥ śanaiḥ | ahaṃ vindhyaṃ samāruhya bhavataḥ pratipālaye || 63.2 ||

Then, creeping slowly, slowly out of the mountain's cave, I climbed the Vindhya and awaited your coming.

Shloka 3 (kishkindha.63.3)

अद्य त्वेतस्य कालस्य वर्षं साग्रशतं गतम् । देशकालप्रतीक्षोऽस्मि हृदि कृत्वा मुनेर्वचः ॥ 63.3 ॥

adya tvetasya kālasya varṣaṃ sāgraśataṃ gatam | deśakālapratīkṣo'smi hṛdi kṛtvā munervacaḥ || 63.3 ||

Now, of this time, a little more than a hundred years have passed; keeping the sage's word in my heart, I have been awaiting the right place and time.

Shloka 4 (kishkindha.63.4)

महाप्रस्थानमासाद्य स्वर्गते तु निशाकरे । मां निर्दहति संतापो वितर्कैर्बहुभिर्वृतम् ॥ 63.4 ॥

mahāprasthānamāsādya svargate tu niśākare | māṃ nirdahati saṃtāpo vitarkairbahubhirvṛtam || 63.4 ||

But when Nishakara attained the great journey and went to heaven, anguish, wrapped in many doubts, consumed me.

Shloka 5 (kishkindha.63.5)

उदितां मरणे बुद्धिं मुनिवाक्यैर्निवर्तये । बुद्धिर्या तेन मे दत्ता प्राणानां रक्षणे मम ॥ 63.5 ॥

uditāṃ maraṇe buddhiṃ munivākyairnivartaye | buddhiryā tena me dattā prāṇānāṃ rakṣaṇe mama || 63.5 ||

I turned back, by the sage's words, the thought of dying that had arisen in me; that resolve which was given to me by him for the safeguarding of my life —

Shloka 6 (kishkindha.63.6)

सा मेऽपनयते दुःखं दीप्तेवाग्निशिखा तमः । बुध्यता च मया वीर्यं रावणस्य दुरात्मनः ॥ 63.6 ॥

sā me'panayate duḥkhaṃ dīptevāgniśikhā tamaḥ | budhyatā ca mayā vīryaṃ rāvaṇasya durātmanaḥ || 63.6 ||

— that removes my sorrow, as a blazing tongue of flame drives away darkness. Yet, aware of the might of the wicked Ravana,

Shloka 7 (kishkindha.63.7)

पुत्रः संतर्जितो वाग्भिर्न त्राता मैथिली कथम् । तस्या विलपितं श्रुत्वा तौ च सीतावियोजितौ ॥ 63.7 ॥

putraḥ saṃtarjito vāgbhirna trātā maithilī katham | tasyā vilapitaṃ śrutvā tau ca sītāviyojitau || 63.7 ||

I rebuked my son Jatayu with harsh words, saying, 'how could you not save Maithili!' Hearing of her lament, and that those two, Rama and Lakshmana, were parted from Sita —

Shloka 8 (kishkindha.63.8)

न मे दशरथस्नेहात् पुत्रेणोत्पादितं प्रियम् । तस्य त्वेवं ब्रुवाणस्य संहतैर्वानरैः सह ॥ 63.8 ॥

na me daśarathasnehāt putreṇotpāditaṃ priyam | tasya tvevaṃ bruvāṇasya saṃhatairvānaraiḥ saha || 63.8 ||

— even out of affection for Dasharatha, my son did not accomplish that wish dear to me. While he, Sampati, was speaking thus, surrounded by the assembled monkeys,

Shloka 9 (kishkindha.63.9)

उत्पेततुस्तदा पक्षौ समक्षं वनचारिणाम् । स दृष्ट्वा स्वां तनुं पक्षैरुद्गतैररुणच्छदैः ॥ 63.9 ॥

utpetatustadā pakṣau samakṣaṃ vanacāriṇām | sa dṛṣṭvā svāṃ tanuṃ pakṣairuda‍gatairaruṇacchadaiḥ || 63.9 ||

— then, before the eyes of the forest-dwelling monkeys, his two wings suddenly sprang up. He, seeing his own body covered with newly sprung, red-feathered wings —

Shloka 10 (kishkindha.63.10)

प्रहर्षमतुलं लेभे वानरांश्चेदमब्रवीत् । निशाकरस्य राजर्षेः प्रसादादमितौजसः ॥ 63.10 ॥

praharṣamatulaṃ lebhe vānarāṃścedamabravīt | niśākarasya rājarṣeḥ prasādādamitaujasaḥ || 63.10 ||

— obtained an incomparable joy, and said this to the monkeys: 'By the grace of the royal sage Nishakara, of boundless splendor —

Shloka 11 (kishkindha.63.11)

आदित्यरश्मिनिर्दग्धौ पक्षौ पुनरुपस्थितौ । यौवने वर्तमानस्य ममासीद् यः पराक्रमः ॥ 63.11 ॥

ādityaraśminirdagdhau pakṣau punarupasthitau | yauvane vartamānasya mamāsīd yaḥ parākramaḥ || 63.11 ||

— my two wings, burnt by the rays of the sun, have appeared once again. That valor which was mine, present in my youth —

Shloka 12 (kishkindha.63.12)

तमेवाद्यावगच्छामि बलं पौरुषमेव च । सर्वथा क्रियतां यत्नः सीतामधिगमिष्यथ ॥ 63.12 ॥

tamevādyāvagacchāmi balaṃ pauruṣameva ca | sarvathā kriyatāṃ yatnaḥ sītāmadhigamiṣyatha || 63.12 ||

— that alone I now experience again, along with my strength and manliness. Let every effort now be made by all of you; you shall surely attain Sita.

Shloka 13 (kishkindha.63.13)

पक्षलाभो ममायं वः सिद्धिप्रत्ययकारकः । इत्युक्त्वा तान् हरीन् सर्वान् सम्पातिः पतगोत्तमः ॥ 63.13 ॥

pakṣalābho mamāyaṃ vaḥ siddhipratyayakārakaḥ | ityuktvā tān harīn sarvān sampātiḥ patagottamaḥ || 63.13 ||

'This regaining of my wings shall be, for all of you, the very cause of confidence in success.' Having said this to all those monkeys, Sampati, best of birds,

Shloka 14 (kishkindha.63.14)

उत्पपात गिरेः शृङ्गाज्जिज्ञासुः खगमो गतिम् । तस्य तद् वचनं श्रुत्वा प्रतिसंहृष्टमानसाः । बभूवुर्हरिशार्दूला विक्रमाभ्युदयोन्मुखाः ॥ 63.14 ॥

utpapāta gireḥ śṛṅgājjijñāsuḥ khagamo gatim | tasya tad vacanaṃ śrutvā pratisaṃhṛṣṭamānasāḥ | babhūvurhariśārdūlā vikramābhyudayonmukhāḥ || 63.14 ||

sprang up from the mountain's peak, eager to test a sky-goer's motion once more. Hearing his words, those tiger-like monkeys, their hearts overjoyed, grew eager for the rising of their valor.

Shloka 15 (kishkindha.63.15)

अथ पवनसमानविक्रमाः प्लवगवराः प्रतिलब्धपौरुषाः । अभिजिदभिमुखां दिशं ययुर्जनकसुतापरिमार्गणोन्मुखाः ॥ 63.15 ॥

atha pavanasamānavikramāḥ plavagavarāḥ pratilabdhapauruṣāḥ | abhijidabhimukhāṃ diśaṃ yayurjanakasutāparimārgaṇonmukhāḥ || 63.15 ||

Then those best of leapers, mighty as the wind, their manhood restored, set out toward the direction facing the auspicious moment Abhijit, eager to search for Janaka's daughter.