Hanuman's Leap Across the Ocean

Shloka 1 (sundara.1.1)

ततो रावणनीतायाः सीतायाः शत्रुकर्शनः । इयेष पदमन्वेष्टुं चारणाचरिते पथि ॥ 1.1 ॥

tato rāvaṇanītāyāḥ sītāyāḥ śatrukarśanaḥ | iyeṣa padamanveṣṭuṃ cāraṇācarite pathi || 1.1 ||

After that, the destroyer of foes desired to travel upon the path trodden by the charanas, to search for Sita's place, who had been carried off by Ravana.

Shloka 2 (sundara.1.2)

दुष्करं निष्प्रतिद्वन्द्वं चिकीर्षन् कर्म वानरः । समुदग्रशिरोग्रीवो गवांपतिरिवाबभौ ॥ 1.2 ॥

duṣkaraṃ niṣpratidvandvaṃ cikīrṣan karma vānaraḥ | samudagraśirogrīvo gavāṃpatirivābabhau || 1.2 ||

That monkey, desiring to perform a deed impossible for any rival, shone like a bull, his head and neck raised high.

Shloka 3 (sundara.1.3)

अथ वैडूर्यवर्णेषु शाद्वलेषु महाबलः । धीरः सलिलकल्पेषु विच्चार यथासुखम् ॥ 1.3 ॥

atha vaiḍūryavarṇeṣu śādvaleṣu mahābalaḥ | dhīraḥ salilakalpeṣu viccāra yathāsukham || 1.3 ||

Then that mighty, resolute one roamed at ease over the lawns, which had the hue of emerald and seemed like still water.

Shloka 4 (sundara.1.4)

द्विजान् वित्रासयन् धीमानुरसा पादपान् हरन् । मृगांश्च सुबाहुन्निघ्नन् प्रवृद्ध इव केसरी ॥ 1.4 ॥

dvijān vitrāsayan dhīmānurasā pādapān haran | mṛgāṃśca subāhunnighnan pravṛddha iva kesarī || 1.4 ||

That wise one, terrifying the birds, uprooting trees with his chest, and striking down many deer, moved about like a lion in its prime.

Shloka 5 (sundara.1.5)

नीललोहितमाञ्जिष्ठपत्रवर्णैः सितासितैः । स्वभावविहितैश्चित्रैर्धातुभिः समलंकृतम् ॥ 1.5 ॥

nīlalohitamāñjiṣṭhapatravarṇaiḥ sitāsitaiḥ | svabhāvavihitaiścitrairdhātubhiḥ samalaṃkṛtam || 1.5 ||

Adorned with mineral rocks of natural hue -- dark blue, red, madder-red, and leaf-green, both black and white --

Shloka 6 (sundara.1.6)

कामरूपिभिराविष्टमभीक्ष्णं सपरिच्छिदैः । यक्षकिन्नरगन्धर्वैर्देवक्ल्पैश्च पन्नगैः ॥ 1.6 ॥

kāmarūpibhirāviṣṭamabhīkṣṇaṃ saparicchidaiḥ | yakṣakinnaragandharvairdevaklpaiśca pannagaiḥ || 1.6 ||

-- and constantly thronged by yakshas, kinnaras and gandharvas, capable of assuming any form they wished, together with their kin, and by godlike serpents --

Shloka 7 (sundara.1.7)

स तस्य गिरिवर्यस्य तले नागवरायुते । तिष्ठन् कपिवरस्तत्र ह्रदे नाग इवाबभौ ॥ 1.7 ॥

sa tasya girivaryasya tale nāgavarāyute | tiṣṭhan kapivarastatra hrade nāga ivābabhau || 1.7 ||

-- upon the foot of that great mountain, thronged with the finest elephants, that best of monkeys, standing there, shone like an elephant in a lake.

Shloka 8 (sundara.1.8)

स सूर्याय महेन्द्राय पवनाय स्वयंभुवे । भूतेभ्यश्चाञ्जलिं कृत्वा चकार गमने मतिम् ॥ 1.8 ॥

sa sūryāya mahendrāya pavanāya svayaṃbhuve | bhūtebhyaścāñjaliṃ kṛtvā cakāra gamane matim || 1.8 ||

He, with joined palms, saluted the Sun, mighty Indra, the Wind-god, the Self-born Brahma, and all beings, and resolved to depart.

Shloka 9 (sundara.1.9)

अञ्जलिं प्राङ्मुखः कृत्वा पवनायात्मयोओनयो । ततो हि ववृधे गन्तुं दक्षिणो दक्षिणां दिश्म् ॥ 1.9 ॥

añjaliṃ prāṅmukhaḥ kṛtvā pavanāyātmayoonayo | tato hi vavṛdhe gantuṃ dakṣiṇo dakṣiṇāṃ diśm || 1.9 ||

Facing the east, he offered salutation to the Wind-god, the source of his own being; and then, resolute, he began to grow, so as to go toward the southern quarter.

Shloka 10 (sundara.1.10)

प्लवङ्गप्रवरैर्दृष्टः प्लवने कृतनिश्चयः । ववृधे रामवृद्ध्यर्थम् समुद्र इव पर्वसु ॥ 1.10 ॥

plavaṅgapravarairdṛṣṭaḥ plavane kṛtaniścayaḥ | vavṛdhe rāmavṛddhyartham samudra iva parvasu || 1.10 ||

Watched by the foremost of monkeys, resolved upon his flight, he swelled, like the ocean on the day of the full moon, for the success of Rama's task.

Shloka 11 (sundara.1.11)

निष्प्रमाणशरीरः सन् लिलङ्घयिषुरर्णवम् । बाहुभ्यां पीडयामास चरणाभ्यां च पर्वतम् ॥ 1.11 ॥

niṣpramāṇaśarīraḥ san lilaṅghayiṣurarṇavam | bāhubhyāṃ pīḍayāmāsa caraṇābhyāṃ ca parvatam || 1.11 ||

His body grown beyond all measure, eager to leap across the ocean, he pressed the mountain down with his arms and with his feet.

Shloka 12 (sundara.1.12)

स चचालाचलश्चापि मुहूर्तं कपिपीडितः । तरूणां पुष्पिताग्राणां सर्वं पुष्पमशातयत् ॥ 1.12 ॥

sa cacālācalaścāpi muhūrtaṃ kapipīḍitaḥ | tarūṇāṃ puṣpitāgrāṇāṃ sarvaṃ puṣpamaśātayat || 1.12 ||

That mountain, though unmoving by nature, shook for an instant under the pressure of the monkey, and shed all the blossoms from its flower-laden trees.

Shloka 13 (sundara.1.13)

तेन पादपमुक्तेन पुष्पौघेन सुगन्धिना । सर्वतः संवृतः शैलो बभौ पुष्पमयो यथा ॥ 1.13 ॥

tena pādapamuktena puṣpaughena sugandhinā | sarvataḥ saṃvṛtaḥ śailo babhau puṣpamayo yathā || 1.13 ||

Covered on every side by that fragrant mass of blossoms released from the trees, the mountain shone as though it were made wholly of flowers.

Shloka 14 (sundara.1.14)

तेन चोत्तमवीर्येण पीड्यमानः स पर्वतः । सलिलं संप्रसुस्राव मदं मत्त इव द्विपः ॥ 1.14 ॥

tena cottamavīryeṇa pīḍyamānaḥ sa parvataḥ | salilaṃ saṃprasusrāva madaṃ matta iva dvipaḥ || 1.14 ||

That mountain, pressed by his surpassing might, streamed forth water, like a rutting elephant streaming its ichor.

Shloka 15 (sundara.1.15)

पीड्यमानस्तु बलिना महेन्द्रस्तेन पर्वतः । रीतीर्निर्वर्तयामास काञ्चनाञ्जनराजतीः ॥ 1.15 ॥

pīḍyamānastu balinā mahendrastena parvataḥ | rītīrnirvartayāmāsa kāñcanāñjanarājatīḥ || 1.15 ||

Pressed by that mighty one, Mount Mahendra brought forth veins of gold, of antimony, and of silver.

Shloka 16 (sundara.1.16)

मुमोच च शिलाः शैलो विशालाः समनःशिलाः । मध्यमेनार्चिषा जुष्टो धूमराजीरिवानलः ॥ 1.16 ॥

mumoca ca śilāḥ śailo viśālāḥ samanaḥśilāḥ | madhyamenārciṣā juṣṭo dhūmarājīrivānalaḥ || 1.16 ||

The mountain cast forth huge boulders streaked with sulphur, like a fire, fed by a middling flame, sending up columns of smoke.

Shloka 17 (sundara.1.17)

गिरिणा पीड्यमानेन पीड्यमानानि सर्वशः । गुहाविष्टानि भूतानि विनेदुर्विकृतैः स्वरैः ॥ 1.17 ॥

giriṇā pīḍyamānena pīḍyamānāni sarvaśaḥ | guhāviṣṭāni bhūtāni vinedurvikṛtaiḥ svaraiḥ || 1.17 ||

As the mountain was assailed on every side, the creatures dwelling within its caves, likewise assailed, cried out in dreadful, distorted voices.

Shloka 18 (sundara.1.18)

स महासत्त्वसंनादः शैलपीडानिमित्तजः । पृथिवीं पूरयामास दिशश्चोपवनानि च ॥ 1.18 ॥

sa mahāsattvasaṃnādaḥ śailapīḍānimittajaḥ | pṛthivīṃ pūrayāmāsa diśaścopavanāni ca || 1.18 ||

That great, tumultuous roar of creatures, arising from the mountain's distress, filled the earth, the quarters of the sky, and the surrounding groves.

Shloka 19 (sundara.1.19)

शिरोभिः पृथुभिः सर्पा व्यक्तस्वस्तिकलक्षणैः । वमन्तः पावकं घोरं ददंशुर्दशनैः शिलाः ॥ 1.19 ॥

śirobhiḥ pṛthubhiḥ sarpā vyaktasvastikalakṣaṇaiḥ | vamantaḥ pāvakaṃ ghoraṃ dadaṃśurdaśanaiḥ śilāḥ || 1.19 ||

Serpents with broad hoods, marked clearly with the swastika sign, breathed forth terrible fire, and bit at the rocks with their fangs.

Shloka 20 (sundara.1.20)

तास्तदा सविषैर्दष्टाः कुपितैस्तैर्महाशिलाः। जज्ज्वलुः पावकोद्दीप्ता बिभिदुश्च सहस्रधा ॥ 1.20 ॥

tāstadā saviṣairdaṣṭāḥ kupitaistairmahāśilāḥ| jajjvaluḥ pāvakoddīptā bibhiduśca sahasradhā || 1.20 ||

Those great rocks, bitten in anger by those venomous serpents, blazed up, kindled by fire, and split into a thousand pieces.

Shloka 21 (sundara.1.21)

यानि चौषधजालानि तस्मिन् जातानि पर्वते । विषघ्नान्यपि नागानां न शेकुः शमितुं विषम् ॥ 1.21 ॥

yāni cauṣadhajālāni tasmin jātāni parvate | viṣaghnānyapi nāgānāṃ na śekuḥ śamituṃ viṣam || 1.21 ||

Even the medicinal herbs that grew upon that mountain, though able to counter poison, were unable to neutralize the venom of those serpents.

Shloka 22 (sundara.1.22)

भिद्यतेऽयं गिरिर्भूतैरिति मत्त्वा तपस्विनः । त्रस्ता विद्याधरास्तस्मादुत्पेतुः स्त्रीगणैः सह ॥ 1.22 ॥

bhidyate'yaṃ girirbhūtairiti mattvā tapasvinaḥ | trastā vidyādharāstasmādutpetuḥ strīgaṇaiḥ saha || 1.22 ||

Thinking this mountain was being shattered by spirits, the ascetics there, and the frightened vidyadharas, flew up into the sky together with the women of their kind.

Shloka 23 (sundara.1.23)

पानभूमिगतं हित्वा हैममासवभाजनम् । पात्रणि च महार्हाणि करकांश्च हिरण्मयान् ॥ 1.23 ॥

pānabhūmigataṃ hitvā haimamāsavabhājanam | pātraṇi ca mahārhāṇi karakāṃśca hiraṇmayān || 1.23 ||

-- leaving behind, in the drinking-hall, golden vessels of wine, precious cups, and vases of gold,

Shloka 24 (sundara.1.24)

लेह्यानुच्चावचान् भक्ष्यान् मांसानि विविधानि च । आर्षभाणि च चर्माणि खड्गांश्च कनकत्सरून् ॥ 1.24 ॥

lehyānuccāvacān bhakṣyān māṃsāni vividhāni ca | ārṣabhāṇi ca carmāṇi khaḍgāṃśca kanakatsarūn || 1.24 ||

-- and various sauces and dainties to be licked and eaten, meats of many kinds, ox-hides, and swords with golden hilts.

Shloka 25 (sundara.1.25)

कृतक्ण्ठगुणाः क्षीबा र्क्तमाल्यानुलेपनाः । र्क्तक्षाः पुष्कराक्षाश्च गगनं प्रतिपेदिरे ॥ 1.25 ॥

kṛtakṇṭhaguṇāḥ kṣībā rktamālyānulepanāḥ | rktakṣāḥ puṣkarākṣāśca gaganaṃ pratipedire || 1.25 ||

Those intoxicated ones, garlanded round the neck, smeared with red flowers and sandal-paste, their eyes reddened, their eyes like the lotus, took to the sky.

Shloka 26 (sundara.1.26)

हारनूपुरकेयूरपारिहार्यधराः स्त्रियः । विस्मिताः सस्मितास्तस्थुराकाशे रमणैः सह ॥ 1.26 ॥

hāranūpurakeyūrapārihāryadharāḥ striyaḥ | vismitāḥ sasmitāstasthurākāśe ramaṇaiḥ saha || 1.26 ||

Women wearing necklaces, anklets, armlets and bracelets stood there in the sky, astonished, smiling, together with their lovers.

Shloka 27 (sundara.1.27)

दर्शयन्तो महाविद्यां विद्याधरमहर्षयः । सहितास्तस्थुराकाशे वीक्षाञ्चक्रुश्च पर्वतम् ॥ 1.27 ॥

darśayanto mahāvidyāṃ vidyādharamaharṣayaḥ | sahitāstasthurākāśe vīkṣāñcakruśca parvatam || 1.27 ||

The great sages among the vidyadharas, displaying their great mystic powers, stood together in the sky and gazed down upon the mountain.

Shloka 28 (sundara.1.28)

शुश्रुवुश्चतदा शब्दमृषीणां भावितात्मनाम्। चारणानां च सिद्धानां स्थितानांविमलेऽम्बरे ॥ 1.28 ॥

śuśruvuścatadā śabdamṛṣīṇāṃ bhāvitātmanām| cāraṇānāṃ ca siddhānāṃ sthitānāṃvimale'mbare || 1.28 ||

Then, standing there in that clear sky, they heard the words of the pure-hearted sages, of the charanas, and of the siddhas:

Shloka 29 (sundara.1.29)

एष पर्वतसंकाशो हनूमान् मारुतात्मजः । तितीर्षति महावेगः समुद्रं मकरालयम् ॥ 1.29 ॥

eṣa parvatasaṃkāśo hanūmān mārutātmajaḥ | titīrṣati mahāvegaḥ samudraṃ makarālayam || 1.29 ||

"This Hanuman, equal to a mountain, son of the wind, of tremendous speed, wishes to cross the ocean, the abode of sea-monsters."

Shloka 30 (sundara.1.30)

रामार्थं वानरार्थं च चिकीर्षन् कर्मदुष्करम् । समुद्रस्य परं पारं दुष्प्रापं प्राप्तुमिच्छति ॥ 1.30 ॥

rāmārthaṃ vānarārthaṃ ca cikīrṣan karmaduṣkaram | samudrasya paraṃ pāraṃ duṣprāpaṃ prāptumicchati || 1.30 ||

"For Rama's sake and for the sake of the vanaras, resolved upon this impossible feat, he desires to reach the far, hard-to-attain shore of the ocean."

Shloka 31 (sundara.1.31)

इति विद्याधराः श्रुत्वा वचस्तेषां महात्मनाम् । तमप्रमेयं ददृशुः पर्वते वानरर्षभम् ॥ 1.31 ॥

iti vidyādharāḥ śrutvā vacasteṣāṃ mahātmanām | tamaprameyaṃ dadṛśuḥ parvate vānararṣabham || 1.31 ||

Hearing these words of those great souls, the vidyadharas gazed upon that incomparable bull among monkeys, standing there upon the mountain.

Shloka 32 (sundara.1.32)

दुधुवे च स रोमाणि चकम्पे चाचलोपमः । ननाद सुमहानादं सुमहानिव तोयदः ॥ 1.32 ॥

dudhuve ca sa romāṇi cakampe cācalopamaḥ | nanāda sumahānādaṃ sumahāniva toyadaḥ || 1.32 ||

He, equal to a mountain, shook his hair and quivered his whole body, and let out a mighty roar, like that of a vast rain-cloud.

Shloka 33 (sundara.1.33)

आनुपूर्व्येण वृत्तं च लाङ्गूलं लोमभिश्चितम् । उत्पतिष्यन् विचिक्षेप पक्षिराज इवोरगम् ॥ 1.33 ॥

ānupūrvyeṇa vṛttaṃ ca lāṅgūlaṃ lomabhiścitam | utpatiṣyan vicikṣepa pakṣirāja ivoragam || 1.33 ||

About to fly, he lashed his tail -- rolled in a coil from base to tip, thick with hair -- as Garuda, king of birds, might lash a serpent.

Shloka 34 (sundara.1.34)

तस्य लाङ्गूलमाविद्धमात्तवेगस्य पृष्ठतः । ददृशे गरुडेनेव ह्रियमाणो महोरगः ॥ 1.34 ॥

tasya lāṅgūlamāviddhamāttavegasya pṛṣṭhataḥ | dadṛśe garuḍeneva hriyamāṇo mahoragaḥ || 1.34 ||

Curled behind him, quivering with the force he had gathered, that tail appeared like a great serpent being seized away by Garuda.

Shloka 35 (sundara.1.35)

बाहू संस्तंभयामास महापरिघसंनिभौ । ससाद च कपिः क्ट्यां चरणौ संचुकोच च ॥ 1.35 ॥

bāhū saṃstaṃbhayāmāsa mahāparighasaṃnibhau | sasāda ca kapiḥ kṭyāṃ caraṇau saṃcukoca ca || 1.35 ||

The monkey steadied his arms, which resembled great iron clubs, crouched at the waist and drew in his feet.

Shloka 36 (sundara.1.36)

संहृत्य च भुजौ श्रीमांस्तथैव च शिरोधराम् । तेजः स्त्त्वं तथा वीर्यमाविवेश स वीर्यवान् ॥ 1.36 ॥

saṃhṛtya ca bhujau śrīmāṃstathaiva ca śirodharām | tejaḥ sttvaṃ tathā vīryamāviveśa sa vīryavān || 1.36 ||

Drawing in his shoulders and his neck, that glorious, mighty one filled himself with energy, strength and valour.

Shloka 37 (sundara.1.37)

मार्गमालोकयन्दूरादूर्ध्वं प्रणिहितेक्षणः । रुरोध हृदये प्राणानाकाशमवलोकयन् ॥ 1.37 ॥

mārgamālokayandūrādūrdhvaṃ praṇihitekṣaṇaḥ | rurodha hṛdaye prāṇānākāśamavalokayan || 1.37 ||

Gazing far off along the path, his eyes turned upward, surveying the sky, he held his breath deep within his heart.

Shloka 38 (sundara.1.38)

पद्भ्यां दृढमवस्थानं कृत्वा स कपिकुञ्जरः । निकुञ्च्य कर्णौ हनुमानुत्पतिष्यन् महाबलः । वानरान् वानरश्रेष्ठ इदं वचनमब्रवीत् ॥ 1.38 ॥

padbhyāṃ dṛḍhamavasthānaṃ kṛtvā sa kapikuñjaraḥ | nikuñcya karṇau hanumānutpatiṣyan mahābalaḥ | vānarān vānaraśreṣṭha idaṃ vacanamabravīt || 1.38 ||

That elephant among monkeys, the mighty Hanuman, best of the vanaras, planting his feet firmly, drawing back his ears, and about to fly, spoke these words to the vanaras:

Shloka 39 (sundara.1.39)

यथा राघवनिर्मुक्तः शरः श्वसनविक्रमः । गच्चेत्तद्वद्गमिष्यामि लङ्कां रावणपालिताम् ॥ 1.39 ॥

yathā rāghavanirmuktaḥ śaraḥ śvasanavikramaḥ | gaccettadvadgamiṣyāmi laṅkāṃ rāvaṇapālitām || 1.39 ||

"As an arrow released by Raghava flies with the speed of the wind, so shall I go to Lanka, ruled by Ravana.

Shloka 40 (sundara.1.40)

न हि द्रक्ष्यामि यदि तां लङ्कायां जनकात्मजाम् । अनेनैव हि वेगेन गमिष्यामि सुरालयम् ॥ 1.40 ॥

na hi drakṣyāmi yadi tāṃ laṅkāyāṃ janakātmajām | anenaiva hi vegena gamiṣyāmi surālayam || 1.40 ||

If I do not find the daughter of Janaka there in Lanka, with that very speed I shall go on to the abode of the gods.

Shloka 41 (sundara.1.41)

यदि वा त्रिदिवे सीतां न द्रक्ष्याम्यकृतश्रमः । बद्ध्वा राक्षसराजानमानयिष्यामि रावणम् ॥ 1.41 ॥

yadi vā tridive sītāṃ na drakṣyāmyakṛtaśramaḥ | baddhvā rākṣasarājānamānayiṣyāmi rāvaṇam || 1.41 ||

And if I do not find Sita even in the third heaven, without any weariness I shall bind and bring back Ravana, king of the rakshasas.

Shloka 42 (sundara.1.42)

सर्वथा कृतकार्योऽहमेष्यामि सह सीतया । आनयिष्यामि वा लङ्कां समुत्पाट्य सरावणाम् ॥ 1.42 ॥

sarvathā kṛtakāryo'hameṣyāmi saha sītayā | ānayiṣyāmi vā laṅkāṃ samutpāṭya sarāvaṇām || 1.42 ||

In every case I shall return successful -- either together with Sita, or bringing Lanka itself, uprooted, together with Ravana."

Shloka 43 (sundara.1.43)

एवमुक्त्वा तु हनुमान्वानरान्वानरोत्तमः ॥ 1.43 ॥

evamuktvā tu hanumānvānarānvānarottamaḥ || 1.43 ||

Having spoken thus to the vanaras, Hanuman, best of monkeys,

Shloka 44 (sundara.1.44)

उत्पपाताथ वेगेन वेगवानविचारयन् । सुपर्णमिव चात्मानं मेने स कपिकुञ्जरः ॥ 1.44 ॥

utpapātātha vegena vegavānavicārayan | suparṇamiva cātmānaṃ mene sa kapikuñjaraḥ || 1.44 ||

then, giving no further thought, leapt up with tremendous speed; and that great monkey deemed himself equal to Garuda himself.

Shloka 45 (sundara.1.45)

समुत्पतति तस्मिंस्तु वेगात्ते नगरोहिणः । संहृत्य विटपान् सर्वान् समुत्पेतुः समन्ततः ॥ 1.45 ॥

samutpatati tasmiṃstu vegātte nagarohiṇaḥ | saṃhṛtya viṭapān sarvān samutpetuḥ samantataḥ || 1.45 ||

As he sprang up, the trees rooted on that mountain, carried by the force, flew up in every direction, their branches drawn together.

Shloka 46 (sundara.1.46)

स मत्तकोयष्टिभकान् पादपान् पुष्पशालिनः । उद्वहन्नूरुवेगेन जगाम विमलेऽम्बरे ॥ 1.46 ॥

sa mattakoyaṣṭibhakān pādapān puṣpaśālinaḥ | udvahannūruvegena jagāma vimale'mbare || 1.46 ||

Bearing aloft, by the force of his thighs, trees rich with blossoms and thronged with intoxicated koyashti birds, he went into the clear sky.

Shloka 47 (sundara.1.47)

ऊरुवेगोत्थिता वृक्षा मुहूर्तं कपिमन्वयुः । प्रस्थितं दीर्घमध्वानं स्वबन्धमिव बान्धवाः ॥ 1.47 ॥

ūruvegotthitā vṛkṣā muhūrtaṃ kapimanvayuḥ | prasthitaṃ dīrghamadhvānaṃ svabandhamiva bāndhavāḥ || 1.47 ||

Torn up by the force of his thighs, the trees followed the monkey for a while, like kinsmen following a kinsman setting out on a long journey.

Shloka 48 (sundara.1.48)

तमूरुवेगोन्मथिताःसालाश्चन्ये नगोत्तमाः। अनुजग्मुर्हनूमन्तं सैन्या इव महीपतिम् ॥ 1.48 ॥

tamūruvegonmathitāḥsālāścanye nagottamāḥ| anujagmurhanūmantaṃ sainyā iva mahīpatim || 1.48 ||

Sal trees and other excellent trees, torn loose by that force, followed Hanuman like soldiers following their king.

Shloka 49 (sundara.1.49)

सुपुष्पिताग्रैर्बहुभिः पादपैरन्वितः कपिः । हनुमान् पर्वताकारो बभूवाद्भुतदर्शनः ॥ 1.49 ॥

supuṣpitāgrairbahubhiḥ pādapairanvitaḥ kapiḥ | hanumān parvatākāro babhūvādbhutadarśanaḥ || 1.49 ||

Accompanied by many trees with beautifully flowered crowns, Hanuman took on the appearance of a mountain, a wondrous sight to behold.

Shloka 50 (sundara.1.50)

सारवन्तोऽथ ये वृक्षा न्यमज्जन् लवणाम्भसि । भयादिव महेन्द्रस्य पर्वता वरुणालये ॥ 1.50 ॥

sāravanto'tha ye vṛkṣā nyamajjan lavaṇāmbhasi | bhayādiva mahendrasya parvatā varuṇālaye || 1.50 ||

Then those sturdy trees sank down into the salt sea, like mountains sinking into the ocean out of fear of Mahendra.

Shloka 51 (sundara.1.51)

स नानाकुसुमैः कीर्णः कपिः साङ्कुरकोरकैः । शुशुभे मेघसंकाशः खद्योतैरिव पर्वतः ॥ 1.51 ॥

sa nānākusumaiḥ kīrṇaḥ kapiḥ sāṅkurakorakaiḥ | śuśubhe meghasaṃkāśaḥ khadyotairiva parvataḥ || 1.51 ||

Covered with various flowers, shoots and buds, that monkey, resembling a rain-cloud, shone like a mountain lit with fireflies.

Shloka 52 (sundara.1.52)

विमुक्तास्तस्य वेगेन मुक्त्वा पुष्पाणि ते द्रुमाः । अवशीर्यन्त सलिले निवृत्ताः सुहृदो यथा ॥ 1.52 ॥

vimuktāstasya vegena muktvā puṣpāṇi te drumāḥ | avaśīryanta salile nivṛttāḥ suhṛdo yathā || 1.52 ||

Released by his speed, those trees, having shed their flowers, fell into the sea, like friends turning back after seeing off a loved one.

Shloka 53 (sundara.1.53)

लघुत्वेनोपपन्नं तद्विचित्रं सागरेऽपतत् । द्रुमाणां विविधं पुष्पं कपिवायुसमीरितम् ॥ ताराचितमिवाकाशं प्रबभौ च महार्णवः ॥ 1.53 ॥

laghutvenopapannaṃ tadvicitraṃ sāgare'patat | drumāṇāṃ vividhaṃ puṣpaṃ kapivāyusamīritam || tārācitamivākāśaṃ prababhau ca mahārṇavaḥ || 1.53 ||

Stirred by the wind of the monkey's passage, that varied, colourful blossom of the trees, being light, fell scattered upon the ocean; and that great sea shone like the sky strewn with stars.

Shloka 54 (sundara.1.54)

पुष्पौघेनानुबद्धेन नानावर्णेन वानरः । बभौ मेघ इवाकाशे विद्युद्गणविभूषितः ॥ 1.54 ॥

puṣpaughenānubaddhena nānāvarṇena vānaraḥ | babhau megha ivākāśe vidyudgaṇavibhūṣitaḥ || 1.54 ||

Covered with a stream of flowers of many hues, clinging to him, the monkey shone in the sky like a cloud adorned with a multitude of lightning.

Shloka 55 (sundara.1.55)

तस्य वेगसमाधूतैः पुष्पैस्तोयमदृश्यत ॥ ताराभिरभिरामाभिरुदिताभिरिवाम्बरम् ॥ 1.55 ॥

tasya vegasamādhūtaiḥ puṣpaistoyamadṛśyata || tārābhirabhirāmābhiruditābhirivāmbaram || 1.55 ||

The sea-water, stirred by the flowers scattered through his speed, appeared like the sky filled with lovely, risen stars.

Shloka 56 (sundara.1.56)

तस्याम्बरगतौ बाहू ददृशाते प्रसारितौ ॥ पर्वताग्राद्विनिष्क्रान्तौ पञ्चास्याविव पन्नगौ ॥ 1.56 ॥

tasyāmbaragatau bāhū dadṛśāte prasāritau || parvatāgrādviniṣkrāntau pañcāsyāviva pannagau || 1.56 ||

His two arms, outstretched, sky-borne, appeared like two five-headed serpents emerging from a mountain peak.

Shloka 57 (sundara.1.57)

पिबन्निव बभौ चापि सोओर्मिमालं महार्णवम् ॥ पिपासुरिव चाकाशं ददृशे स महाकपिः ॥ 1.57 ॥

pibanniva babhau cāpi soormimālaṃ mahārṇavam || pipāsuriva cākāśaṃ dadṛśe sa mahākapiḥ || 1.57 ||

That great monkey seemed as though he were drinking up the great ocean with its garland of waves, and as though eager to drink up the sky itself.

Shloka 58 (sundara.1.58)

तस्य विद्युत्प्रभाकारे वायुमार्गानुसारिणः ॥ नयने विप्रकाशेते पर्वतस्थाविवानलौ ॥ 1.58 ॥

tasya vidyutprabhākāre vāyumārgānusāriṇaḥ || nayane viprakāśete parvatasthāvivānalau || 1.58 ||

His two eyes, following the path of the wind, brilliant as lightning, blazed like a pair of fires set upon a mountain.

Shloka 59 (sundara.1.59)

पिङ्गे पिङ्गाक्षमुख्यस्य बृहती परिमण्डले ॥ चक्षुषी संप्रकाशेते चन्द्रसूर्याविवोदितौ ॥ 1.59 ॥

piṅge piṅgākṣamukhyasya bṛhatī parimaṇḍale || cakṣuṣī saṃprakāśete candrasūryāvivoditau || 1.59 ||

The wide, round, tawny eyes of that tawny-eyed foremost of monkeys shone like the risen sun and moon together.

Shloka 60 (sundara.1.60)

मुखं नासिकया तस्य ताम्रया ताम्रमाबभौ ॥ सन्ध्यया समभिस्पृष्टं यथा तत्सूर्यमण्डलम् ॥ 1.60 ॥

mukhaṃ nāsikayā tasya tāmrayā tāmramābabhau || sandhyayā samabhispṛṣṭaṃ yathā tatsūryamaṇḍalam || 1.60 ||

His face, with its ruddy nose, glowed copper-red, like the sun's own disc when touched by the light of dawn.

Shloka 61 (sundara.1.61)

लाङ्गूलं च समाविद्धं प्लवमानस्य शोभते ॥ अम्बरे वायुपुत्रस्य शक्रध्वज इवोच्छ्रितः ॥ 1.61 ॥

lāṅgūlaṃ ca samāviddhaṃ plavamānasya śobhate || ambare vāyuputrasya śakradhvaja ivocchritaḥ || 1.61 ||

As he flew, the coiled tail of the son of the Wind shone in the sky, raised aloft, like the standard of Indra held high.

Shloka 62 (sundara.1.62)

लाङ्गूलचक्रेण महान् शुक्लदंष्ट्रोऽनिलात्मजः ॥ व्यरोचत महाप्राज्ञः परिवेषीव भास्करः ॥ 1.62 ॥

lāṅgūlacakreṇa mahān śukladaṃṣṭro'nilātmajaḥ || vyarocata mahāprājñaḥ pariveṣīva bhāskaraḥ || 1.62 ||

The great, wise son of the wind, with his white teeth, encircled by the wheel of his tail, blazed like the sun surrounded by its halo.

Shloka 63 (sundara.1.63)

स्फिग्देशेनाभिताम्रेण रराज स महाकपिः ॥ महता दारितेनेव गिरिर्गैरिकधातुना ॥ 1.63 ॥

sphigdeśenābhitāmreṇa rarāja sa mahākapiḥ || mahatā dāriteneva girirgairikadhātunā || 1.63 ||

That great monkey, with his reddish hindquarters, shone like a mountain from which a great mass of red gairika-ore has broken loose.

Shloka 64 (sundara.1.64)

तस्य वानरसिंहस्य प्लवमानस्य सागरम् ॥ कक्षान्तरगतो वायुर्जीमूत इव गर्जति ॥ 1.64 ॥

tasya vānarasiṃhasya plavamānasya sāgaram || kakṣāntaragato vāyurjīmūta iva garjati || 1.64 ||

As that lion among monkeys flew over the ocean, the wind rushing through his armpits roared like a thundercloud.

Shloka 65 (sundara.1.65)

खे यथा निपतन्त्युल्का ह्युत्तरान्ताद्विनिःसृता ॥ दृश्यते सानुबन्धा च तथा स कपिकुञ्जरः ॥ 1.65 ॥

khe yathā nipatantyulkā hyuttarāntādviniḥsṛtā || dṛśyate sānubandhā ca tathā sa kapikuñjaraḥ || 1.65 ||

As a meteor, darting forth from the northern sky, trailing its light, is seen streaking across the heavens, so was that elephant among monkeys seen.

Shloka 66 (sundara.1.66)

पतत्पतङ्गसंकाशो व्यायतः शुशुभे कपिः ॥ प्रवृद्ध इव मातङ्गः कक्ष्यया बध्यमानया ॥ 1.66 ॥

patatpataṅgasaṃkāśo vyāyataḥ śuśubhe kapiḥ || pravṛddha iva mātaṅgaḥ kakṣyayā badhyamānayā || 1.66 ||

Streaking like a falling meteor, that tall monkey shone like a great elephant straining against the rope that binds it.

Shloka 67 (sundara.1.67)

उपरिष्टाच्छरीरेण छायया चावगाढया । सागरे मारुताविष्टा नौरिवासीत्तदा कपिः ॥ 1.67 ॥

upariṣṭāccharīreṇa chāyayā cāvagāḍhayā | sāgare mārutāviṣṭā naurivāsīttadā kapiḥ || 1.67 ||

With his body above and his shadow sunk deep in the sea below, the monkey then appeared like a ship driven by the wind.

Shloka 68 (sundara.1.68)

यं यं देशं समुद्रस्य जगाम स महाकपिः । स स तस्योरुवेगेन सोन्माद इव लक्ष्यते ॥ 1.68 ॥

yaṃ yaṃ deśaṃ samudrasya jagāma sa mahākapiḥ | sa sa tasyoruvegena sonmāda iva lakṣyate || 1.68 ||

To whatever region of the ocean that great monkey went, that very place seemed to churn and rage, so great was the force of his passing.

Shloka 69 (sundara.1.69)

सागरस्योओर्मिजालानामुरसा शैलवर्ष्मणाम् । अभिघ्नंस्तु महावेगः पुप्लुवे स महाकपिः ॥ 1.69 ॥

sāgarasyoormijālānāmurasā śailavarṣmaṇām | abhighnaṃstu mahāvegaḥ pupluve sa mahākapiḥ || 1.69 ||

Striking with his chest the mountain-like masses of the ocean's surging waves, that great monkey, with tremendous speed, flew on.

Shloka 70 (sundara.1.70)

कपिवातश्च बलवान् मेघवातश्च निःसृतः । सागरं भीमनिर्घोषं कम्पयामासतुर्भृशम् ॥ 1.70 ॥

kapivātaśca balavān meghavātaśca niḥsṛtaḥ | sāgaraṃ bhīmanirghoṣaṃ kampayāmāsaturbhṛśam || 1.70 ||

The mighty wind of the monkey's passage, together with the wind released from the clouds, shook the deep-roaring ocean violently.

Shloka 71 (sundara.1.71)

विकर्षन्नूर्मिजालानि बृहन्ति लवणाम्भसि । पुप्लुवे कपिशार्दूलो विकिरन्निव रोदसी ॥ 1.71 ॥

vikarṣannūrmijālāni bṛhanti lavaṇāmbhasi | pupluve kapiśārdūlo vikiranniva rodasī || 1.71 ||

That tiger among monkeys flew on, dragging along vast waves from the salt ocean, as though scattering them across the sky.

Shloka 72 (sundara.1.72)

मेरुमन्दरसंकाशानुद्धतान् स महार्णवे । अत्यक्रामन्महावेगस्तरङ्गान् गणयन्निव ॥ 1.72 ॥

merumandarasaṃkāśānuddhatān sa mahārṇave | atyakrāmanmahāvegastaraṅgān gaṇayanniva || 1.72 ||

With tremendous speed, he crossed over the towering waves of that great ocean, waves as high as Mount Meru and Mandara, as though counting them one by one.

Shloka 73 (sundara.1.73)

तस्य वेगसमुद्धूतं जलं सजलदं तदा । अम्बर्स्थं विबभ्राज शारदाभ्रमिवाततम् ॥ 1.73 ॥

tasya vegasamuddhūtaṃ jalaṃ sajaladaṃ tadā | ambarsthaṃ vibabhrāja śāradābhramivātatam || 1.73 ||

Then the spray, driven up by the force of his passage, together with mist, hung there in the sky and shone like an outstretched autumn cloud.

Shloka 74 (sundara.1.74)

तिमिनक्रझषाः कूर्मा दृश्यन्ते विवृतास्तदा । वस्त्रापकर्षणेनेव शरीराणि शरीरिणाम् ॥ 1.74 ॥

timinakrajhaṣāḥ kūrmā dṛśyante vivṛtāstadā | vastrāpakarṣaṇeneva śarīrāṇi śarīriṇām || 1.74 ||

Then whales, crocodiles, fish and turtles were seen exposed in the parted waters, like the bodies of living beings when their garments are pulled away.

Shloka 75 (sundara.1.75)

प्लवमानं समीक्ष्यथ भुजङ्गाः सागरालयाः । व्योम्नि तं कपिशार्दूलं सुपर्ण इति मेनिरे ॥ 1.75 ॥

plavamānaṃ samīkṣyatha bhujaṅgāḥ sāgarālayāḥ | vyomni taṃ kapiśārdūlaṃ suparṇa iti menire || 1.75 ||

Seeing that tiger among monkeys flying through the sky, the serpents dwelling in the ocean took him to be Garuda himself.

Shloka 76 (sundara.1.76)

दशयोजनविस्तीर्णा त्रिंशद्योजनमायता । छाया वानरसिंहस्य जले चारुतराभवत् ॥ 1.76 ॥

daśayojanavistīrṇā triṃśadyojanamāyatā | chāyā vānarasiṃhasya jale cārutarābhavat || 1.76 ||

The shadow of that lion among monkeys, ten yojanas wide and thirty yojanas long, appeared exceedingly beautiful upon the water.

Shloka 77 (sundara.1.77)

श्वेताभ्रघनराजीव वायुपुत्रानुगामिनी । तस्य सा शुशुभे छाया वितता लवणाम्भसि ॥ 1.77 ॥

śvetābhraghanarājīva vāyuputrānugāminī | tasya sā śuśubhe chāyā vitatā lavaṇāmbhasi || 1.77 ||

Following the son of the wind, that shadow, spread wide upon the salt sea, shone like a bank of dense white clouds.

Shloka 78 (sundara.1.78)

शुशुभे स महातेजा महाकायो महाकपिः । वायुमार्गे निरालम्बे पक्षवानिव पर्वतः ॥ 1.78 ॥

śuśubhe sa mahātejā mahākāyo mahākapiḥ | vāyumārge nirālambe pakṣavāniva parvataḥ || 1.78 ||

That great, resplendent monkey, of vast frame, shone in the unsupported path of the wind like a mountain given wings.

Shloka 79 (sundara.1.79)

येनासौ याति बलवान् वेगेन कपिकुञ्जरः । तेन मार्गेण सहसा द्रोणीकृत इवार्णवः ॥ 1.79 ॥

yenāsau yāti balavān vegena kapikuñjaraḥ | tena mārgeṇa sahasā droṇīkṛta ivārṇavaḥ || 1.79 ||

Along whatever path that mighty elephant among monkeys sped, the ocean beneath seemed at once hollowed out into a trough.

Shloka 80 (sundara.1.80)

आपाते पक्षिसंघानां पक्षिराज इव व्रजन् । हनुमान् मेघजालानि प्रकर्षन् मारुतो यथा ॥ 1.80 ॥

āpāte pakṣisaṃghānāṃ pakṣirāja iva vrajan | hanumān meghajālāni prakarṣan māruto yathā || 1.80 ||

Coursing along the path taken by flocks of birds, like the very king of birds, Hanuman dragged along banks of cloud, as the wind itself does.

Shloka 81 (sundara.1.81)

पाण्डुरारुणवर्णानि नीलमाञ्जिष्ठकानि च । कपिनाकृष्यमाणानि महाभ्राणि चकाशिरे ॥ 1.81 ॥

pāṇḍurāruṇavarṇāni nīlamāñjiṣṭhakāni ca | kapinākṛṣyamāṇāni mahābhrāṇi cakāśire || 1.81 ||

Great clouds of white, of red, of blue and of madder hue, dragged along by the monkey, shone brilliantly.

Shloka 82 (sundara.1.82)

प्रविशन्नभ्रजालानिनिष्पतंश्च पुनः पुनः । प्रच्चन्नश्च प्रकाशश्च चन्द्रमा इव लक्ष्यते ॥ 1.82 ॥

praviśannabhrajālāniniṣpataṃśca punaḥ punaḥ | praccannaśca prakāśaśca candramā iva lakṣyate || 1.82 ||

Entering into banks of cloud and emerging from them again and again, he was seen now hidden, now shining forth, like the very moon.

Shloka 83 (sundara.1.83)

प्लवमानं तु तं दृष्ट्वा प्लवङ्गं त्वरितं तदा । ववर्षुः पुष्पवर्षणि देवगन्धर्वदानवाः ॥ 1.83 ॥

plavamānaṃ tu taṃ dṛṣṭvā plavaṅgaṃ tvaritaṃ tadā | vavarṣuḥ puṣpavarṣaṇi devagandharvadānavāḥ || 1.83 ||

Then, seeing that monkey flying swiftly, the gods, gandharvas and danavas showered down a rain of flowers upon him.

Shloka 84 (sundara.1.84)

तताप न हि तं सूर्यः प्लवन्तं वानरोत्तमम् । सिषेवे च तदा वायू रामकार्याद्थसिद्धये ॥ 1.84 ॥

tatāpa na hi taṃ sūryaḥ plavantaṃ vānarottamam | siṣeve ca tadā vāyū rāmakāryādthasiddhaye || 1.84 ||

The sun did not scorch that best of vanaras as he flew, and the wind-god too attended upon him, for the success of Rama's task.

Shloka 85 (sundara.1.85)

ऋषयस्तुष्टुवुश्चैव प्लवमानं विहायसा । जगुश्च देवगन्धर्वाः प्रशंसन्तो महौजसम् ॥ 1.85 ॥

ṛṣayastuṣṭuvuścaiva plavamānaṃ vihāyasā | jaguśca devagandharvāḥ praśaṃsanto mahaujasam || 1.85 ||

Sages praised him as he flew across the sky, and gods and gandharvas sang, extolling his tremendous power.

Shloka 86 (sundara.1.86)

नागाश्च तुष्टुवुर्यक्षा रक्षांसि विबुधाः खगाः ॥ प्रेक्ष्य सर्वे कपिवरं सहसा विगतक्लमम् ॥ 1.86 ॥

nāgāśca tuṣṭuvuryakṣā rakṣāṃsi vibudhāḥ khagāḥ || prekṣya sarve kapivaraṃ sahasā vigataklamam || 1.86 ||

Nagas, yakshas, rakshasas, the gods, and birds -- all of them, seeing that best of monkeys flying on so effortlessly, praised him at once.

Shloka 87 (sundara.1.87)

तस्मिन् प्लवगशार्दूले प्लवमाने हनूमति ॥ इक्ष्वाकुकुलमानार्थी चिन्तयामास सागरः ॥ 1.87 ॥

tasmin plavagaśārdūle plavamāne hanūmati || ikṣvākukulamānārthī cintayāmāsa sāgaraḥ || 1.87 ||

While that tiger among monkeys, Hanuman, was thus flying on, the ocean, mindful of the honour of the Ikshvaku line, began to reflect:

Shloka 88 (sundara.1.88)

साहाय्यं वानरेन्द्रस्य यदि नाहं हनूमतः ॥ करिष्यामि भविष्यामि सर्ववाच्यो विवक्षताम् ॥ 1.88 ॥

sāhāyyaṃ vānarendrasya yadi nāhaṃ hanūmataḥ || kariṣyāmi bhaviṣyāmi sarvavācyo vivakṣatām || 1.88 ||

"If I do not offer help to this lord of the monkeys, Hanuman, I shall become the target of every kind of censure from those who wish to find fault.

Shloka 89 (sundara.1.89)

अहमिक्ष्वाकुनाथेन सगरेण विवर्धतः ॥ इक्ष्वाकुसचिचश्चायं नावसीदितुमर्हति ॥ 1.89 ॥

ahamikṣvākunāthena sagareṇa vivardhataḥ || ikṣvākusacicaścāyaṃ nāvasīditumarhati || 1.89 ||

I was enlarged by Sagara, lord of the Ikshvakus; and this Hanuman, who serves a descendant of that same Ikshvaku line, should not be made to suffer weariness.

Shloka 90 (sundara.1.90)

तथा मया विधातव्यं विश्रमेत यथा कपिः ॥ शेषं च मयि विश्रान्तः सुखेनातिपतिष्यति ॥ 1.90 ॥

tathā mayā vidhātavyaṃ viśrameta yathā kapiḥ || śeṣaṃ ca mayi viśrāntaḥ sukhenātipatiṣyati || 1.90 ||

I must so act that Hanuman may pause and rest a while; resting upon me, he may then cross the remaining distance in comfort."

Shloka 91 (sundara.1.91)

इति कृत्वा मतिं साध्वीं समुद्रश्चन्नमम्भसि ॥ हिरण्यनाभं मैनाकमुवाच गिरिसत्तमम् ॥ 1.91 ॥

iti kṛtvā matiṃ sādhvīṃ samudraścannamambhasi || hiraṇyanābhaṃ mainākamuvāca girisattamam || 1.91 ||

Having formed this worthy resolve, the Ocean spoke to Mainaka, that best of mountains, whose golden peak lay hidden beneath the waters:

Shloka 92 (sundara.1.92)

त्वमिहासुरसंघानां पाताळतलवासिनां ॥ देवराज्ञा गिरिश्रेष्ठ परिघः संनिवेशितः ॥ 1.92 ॥

tvamihāsurasaṃghānāṃ pātāḷatalavāsināṃ || devarājñā giriśreṣṭha parighaḥ saṃniveśitaḥ || 1.92 ||

"O best of mountains! You were placed here by the king of the gods as a bar against the hosts of asuras dwelling in the depths of Patala.

Shloka 93 (sundara.1.93)

त्वमेषां जातवीर्याणां पुनरेवोत्पतिष्यताम् ॥ पाताळस्याप्रमेयस्य द्वारमावृत्य तिष्ठसि ॥ 1.93 ॥

tvameṣāṃ jātavīryāṇāṃ punarevotpatiṣyatām || pātāḷasyāprameyasya dvāramāvṛtya tiṣṭhasi || 1.93 ||

You stand guarding the gateway of that immeasurable Patala, against those very asuras of proven valour, should they seek to rise up again."

Shloka 94 (sundara.1.94)

तिर्यगूर्ध्वमधश्चैव शक्तिस्ते शैल वर्धितुम् ॥ तस्मात्संचोदयामि त्वामुत्तिष्ठ गिरिसत्तम ॥ 1.94 ॥

tiryagūrdhvamadhaścaiva śaktiste śaila vardhitum || tasmātsaṃcodayāmi tvāmuttiṣṭha girisattama || 1.94 ||

"O mountain, you have power to expand crosswise, upward, and downward. Therefore, O best of mountains, I urge you: rise up!

Shloka 95 (sundara.1.95)

न एष कपिशार्दूलस्त्वमुपर्येति वीर्यवान् ॥ हनूमान्रामकार्यार्थं भीमकर्मा खमाप्लुतः ॥ 1.95 ॥

na eṣa kapiśārdūlastvamuparyeti vīryavān || hanūmānrāmakāryārthaṃ bhīmakarmā khamāplutaḥ || 1.95 ||

This is no ordinary being, but that tiger among monkeys, the mighty Hanuman, of fearsome deeds, flying through the sky above you for Rama's sake.

Shloka 96 (sundara.1.96)

अस्य साह्यं मया कार्यमिक्ष्वाकुकुलवर्तिनः ॥ मम हीक्ष्वाकवः पूज्याः परं पूज्यतमास्तव ॥ 1.96 ॥

asya sāhyaṃ mayā kāryamikṣvākukulavartinaḥ || mama hīkṣvākavaḥ pūjyāḥ paraṃ pūjyatamāstava || 1.96 ||

I must render aid to him, who follows the line of Ikshvaku. The Ikshvakus are honoured by me; to you they are honoured even more.'"

Shloka 97 (sundara.1.97)

कुरु साचिव्यमस्माकं न नः कार्यमतिक्रमेत् ॥ कर्तव्यमकृतं कार्यं सतां मन्युमुदीरयेत् ॥ 1.97 ॥

kuru sācivyamasmākaṃ na naḥ kāryamatikramet || kartavyamakṛtaṃ kāryaṃ satāṃ manyumudīrayet || 1.97 ||

"Render your assistance to us; let not our purpose fail. A duty left undone, though it ought to be done, provokes the wrath of the good.

Shloka 98 (sundara.1.98)

सलिलादूर्ध्वमुत्तिष्ठ तिष्ठत्वेष कपिस्त्वयि ॥ अस्माकमतिथिश्चैव पूज्यश्च प्लवतां वरः ॥ 1.98 ॥

salilādūrdhvamuttiṣṭha tiṣṭhatveṣa kapistvayi || asmākamatithiścaiva pūjyaśca plavatāṃ varaḥ || 1.98 ||

Rise up above the water; let this monkey rest upon you -- he is our guest and worthy of honour, the foremost among those who can fly."

Shloka 99 (sundara.1.99)

चामीकरमहानाभ देवगन्धर्व सेवित ॥ हनुमांस्त्वयि विश्रान्तस्ततः शेषं गमिष्यति ॥ 1.99 ॥

cāmīkaramahānābha devagandharva sevita || hanumāṃstvayi viśrāntastataḥ śeṣaṃ gamiṣyati || 1.99 ||

"O mountain with the vast, golden middle, served by gods and gandharvas! Let Hanuman rest upon you, and then go on for the remainder of his journey.

Shloka 100 (sundara.1.100)

काकुत्थ्सस्यानृशंस्यं च मैथिल्याश्च विवासनम् ॥ श्रमं च प्लवगेन्द्रस्य समीक्ष्योत्थातुमर्हसि ॥ 1.100 ॥

kākutthsasyānṛśaṃsyaṃ ca maithilyāśca vivāsanam || śramaṃ ca plavagendrasya samīkṣyotthātumarhasi || 1.100 ||

Considering the gentle nature of Kakutstha, the banishment of Maithili, and the exertion of this lord of monkeys, you ought to rise up."

Shloka 101 (sundara.1.101)

हिरण्य नाभो मैनाको निशम्य लवणाम्भसः ॥ उत्पपात जलात्तूर्णं महाद्रुमलतायुतः ॥ 1.101 ॥

hiraṇya nābho maināko niśamya lavaṇāmbhasaḥ || utpapāta jalāttūrṇaṃ mahādrumalatāyutaḥ || 1.101 ||

Hearing the words of the salty ocean, Mainaka, with his gold-hued centre, rose swiftly from the waters, together with his great trees and creepers.

Shloka 102 (sundara.1.102)

स सागरजलं भित्त्वा बभूवाभ्युत्थितस्तदा ॥ यथा जलधरं भित्त्वा दीप्तरश्मिर्दिवाकरः ॥ 1.102 ॥

sa sāgarajalaṃ bhittvā babhūvābhyutthitastadā || yathā jaladharaṃ bhittvā dīptaraśmirdivākaraḥ || 1.102 ||

Then, breaking through the ocean's waters, he rose up, just as the sun, with its blazing rays, breaks forth through a cloud.

Shloka 103 (sundara.1.103)

स महात्मा मुहूर्तेन सर्वतः सलिलावृतः ॥ 1.103 ॥

sa mahātmā muhūrtena sarvataḥ salilāvṛtaḥ || 1.103 ||

That great one, though wholly surrounded by water, in an instant, obeying the ocean's command, displayed his peaks --

Shloka 104 (sundara.1.104)

द्र्शयामास शृङ्गाणि सागरेण नियोजितः । शातकुम्भमयैः शृङ्गैः सकिन्नरमहोरगैः ॥ आदित्योदयसंकाशैरालिखद्भिरिवाम्बरम् ॥ 1.104 ॥

drśayāmāsa śṛṅgāṇi sāgareṇa niyojitaḥ | śātakumbhamayaiḥ śṛṅgaiḥ sakinnaramahoragaiḥ || ādityodayasaṃkāśairālikhadbhirivāmbaram || 1.104 ||

-- of golden hue, thronged with kinnaras and great serpents, resembling the sunrise, seeming to touch the very sky.

Shloka 105 (sundara.1.105)

तप्तजाम्बूनदैः शृङिगाः पर्वतस्य समुत्थितैः ॥ आकाशं शस्त्रसंकाशमभवत्काञ्चनप्रभम् ॥ 1.105 ॥

taptajāmbūnadaiḥ śṛṅigāḥ parvatasya samutthitaiḥ || ākāśaṃ śastrasaṃkāśamabhavatkāñcanaprabham || 1.105 ||

As the mountain's peaks rose up, of molten gold, the sky, which had been of a sword's bluish hue, took on a golden radiance.

Shloka 106 (sundara.1.106)

जातरूपमयैः शृङ्गैर्भ्राजमानैः स्वयंप्रभैः ॥ आदित्यशतसंकाशः सोऽभवद्गिरिसत्तमः ॥ 1.106 ॥

jātarūpamayaiḥ śṛṅgairbhrājamānaiḥ svayaṃprabhaiḥ || ādityaśatasaṃkāśaḥ so'bhavadgirisattamaḥ || 1.106 ||

That best of mountains, with its self-luminous, gleaming golden peaks, became equal to a hundred suns.

Shloka 107 (sundara.1.107)

तमुत्थितमसंगेन हनुमानग्रतः स्थितम् ॥ मध्ये लवणतोयस्य विघ्नोऽयमिति निश्चितः ॥ 1.107 ॥

tamutthitamasaṃgena hanumānagrataḥ sthitam || madhye lavaṇatoyasya vighno'yamiti niścitaḥ || 1.107 ||

Seeing that mountain rise up suddenly before him in the midst of the salty sea, Hanuman resolved that it was an obstacle.

Shloka 108 (sundara.1.108)

स तमुच्छ्रित मत्यर्थं महावेगो महाकपिः ॥ उरसा पातयामास जीमूतमिव मारुतः ॥ 1.108 ॥

sa tamucchrita matyarthaṃ mahāvego mahākapiḥ || urasā pātayāmāsa jīmūtamiva mārutaḥ || 1.108 ||

That great monkey, of tremendous speed, struck down that towering mountain with his chest, as the wind strikes down a cloud.

Shloka 109 (sundara.1.109)

स तथा पातितस्तेन कपिना पर्वतोत्तमः ॥ बुद्ध्वा तस्य कपेर्वेगं जहर्ष च ननन्द च ॥ 1.109 ॥

sa tathā pātitastena kapinā parvatottamaḥ || buddhvā tasya kapervegaṃ jaharṣa ca nananda ca || 1.109 ||

That best of mountains, thus struck down by the monkey, recognizing the force of Hanuman's speed, rejoiced and was greatly delighted.

Shloka 110 (sundara.1.110)

तमाकाशगतं वीरमाकाशे समुपस्थितः ॥ 1.110 ॥

tamākāśagataṃ vīramākāśe samupasthitaḥ || 1.110 ||

Then, taking on a human form, standing upon its own peak, that mountain, pleased and gladdened at heart,

Shloka 111 (sundara.1.111)

प्रीतो हृष्टमना वाक्यमब्रवीत्पर्वतः कपिम् । मानुषं धारयन् रूपमात्मनः शिखरे स्थितः ॥ 1.111 ॥

prīto hṛṣṭamanā vākyamabravītparvataḥ kapim | mānuṣaṃ dhārayan rūpamātmanaḥ śikhare sthitaḥ || 1.111 ||

approached that sky-borne, courageous Hanuman in the sky and spoke these words:

Shloka 112 (sundara.1.112)

दुष्करं कृतावन्कर्म त्वमिदं वानरोत्तम । निपत्य मम शृङ्गेषु विश्रमस्व यथासुखम् ॥ 1.112 ॥

duṣkaraṃ kṛtāvankarma tvamidaṃ vānarottama | nipatya mama śṛṅgeṣu viśramasva yathāsukham || 1.112 ||

"O best of monkeys! You have accomplished this impossible task. Come down upon my peaks and rest here at your ease.

Shloka 113 (sundara.1.113)

राघवस्य कुले जातैरुदधिः परिवर्धितः । स त्वां रामहिते युक्तं प्रत्यर्चयति सागरः ॥ 1.113 ॥

rāghavasya kule jātairudadhiḥ parivardhitaḥ | sa tvāṃ rāmahite yuktaṃ pratyarcayati sāgaraḥ || 1.113 ||

The ocean was enlarged by those born in Raghava's line; that same ocean now honours you, devoted as you are to Rama's welfare.

Shloka 114 (sundara.1.114)

कृते च प्रतिकर्तव्यमेष धर्मः सनातनः । सोऽयं तत्प्रतिकारार्थी त्वत्तः संमानमर्हति ॥ 1.114 ॥

kṛte ca pratikartavyameṣa dharmaḥ sanātanaḥ | so'yaṃ tatpratikārārthī tvattaḥ saṃmānamarhati || 1.114 ||

It is the eternal law that a kindness done must be returned. This ocean, desiring to repay that kindness, is worthy of honour from you.

Shloka 115 (sundara.1.115)

त्वन्निमित्तमनेनाहं बहुमानात्प्रचोदितः । योजनानां शतं चापि कपिरेष समाप्लुतः ॥ 1.115 ॥

tvannimittamanenāhaṃ bahumānātpracoditaḥ | yojanānāṃ śataṃ cāpi kapireṣa samāplutaḥ || 1.115 ||

For your sake, out of great regard, I have been urged by this ocean: 'Let this Hanuman, after flying a hundred yojanas, rest upon your peaks, and then continue the rest of his way.'

Shloka 116 (sundara.1.116)

तव सानुषु विश्रान्तः शेषं प्रक्रमतामिति । तिष्ठ त्वं हरिशार्दूल मयि विश्रम्य गम्यताम् ॥ 1.116 ॥

tava sānuṣu viśrāntaḥ śeṣaṃ prakramatāmiti | tiṣṭha tvaṃ hariśārdūla mayi viśramya gamyatām || 1.116 ||

O tiger among monkeys! Pause, and after resting upon me, go onward.'"

Shloka 117 (sundara.1.117)

तदिदं गन्धवत्स्वादु कन्दमूलफलं बहु । तदास्वाद्य हरिश्रेष्ठ विश्रान्तोऽनु गमिष्यसि ॥ 1.117 ॥

tadidaṃ gandhavatsvādu kandamūlaphalaṃ bahu | tadāsvādya hariśreṣṭha viśrānto'nu gamiṣyasi || 1.117 ||

"Here, for that reason, are abundant roots and fruits, fragrant and sweet. Taste them, O best of monkeys, rest a while, and then go on.

Shloka 118 (sundara.1.118)

अस्माकमपि सम्बन्धः कपिमुख्य त्वयास्ति वै । प्रख्यातस्त्रिषु लोकेषु महागुणपरिग्रहः ॥ 1.118 ॥

asmākamapi sambandhaḥ kapimukhya tvayāsti vai | prakhyātastriṣu lokeṣu mahāguṇaparigrahaḥ || 1.118 ||

O foremost of monkeys, there exists between us also a bond -- one of great virtue, renowned throughout the three worlds.

Shloka 119 (sundara.1.119)

वेगवन्तः प्लवन्तो ये प्लवगा मारुतात्मज । तेषां मुख्यतमं मन्ये त्वामहं कपिकुञ्जर ॥ 1.119 ॥

vegavantaḥ plavanto ye plavagā mārutātmaja | teṣāṃ mukhyatamaṃ manye tvāmahaṃ kapikuñjara || 1.119 ||

O son of the wind, best among monkeys! Among all the swift-flying vanaras, I consider you the very foremost.

Shloka 120 (sundara.1.120)

अतिथिः किलपूजार्हः प्राकृतोऽपि विजानता । धर्मं जिज्ञासमानेन किं पुनस्त्वादृशो महान् ॥ 1.120 ॥

atithiḥ kilapūjārhaḥ prākṛto'pi vijānatā | dharmaṃ jijñāsamānena kiṃ punastvādṛśo mahān || 1.120 ||

Even an ordinary guest, indeed, deserves honour from one who knows and seeks to understand dharma -- how much more, then, does a great one such as you?

Shloka 121 (sundara.1.121)

त्वं हि देववरिष्ठस्य मारुतस्य महात्मनः । पुत्रस्तस्यैव वेगेन सदृशः कपिकुञ्जर ॥ 1.121 ॥

tvaṃ hi devavariṣṭhasya mārutasya mahātmanaḥ | putrastasyaiva vegena sadṛśaḥ kapikuñjara || 1.121 ||

You are indeed the son of the great and glorious Maruta, foremost among the gods; in speed, O best of monkeys, you are equal to him alone.

Shloka 122 (sundara.1.122)

पूजिते त्वयि धर्मज्ञ पूजां प्राप्नोति मारुतः । तस्मात्त्वं पूजनीयो मे शृणु चाप्यत्र कारणम् ॥ 1.122 ॥

pūjite tvayi dharmajña pūjāṃ prāpnoti mārutaḥ | tasmāttvaṃ pūjanīyo me śṛṇu cāpyatra kāraṇam || 1.122 ||

If you are honoured, O knower of dharma, Vayu too receives honour through you; therefore you are worthy of honour from me. Hear also the reason for this."

Shloka 123 (sundara.1.123)

पूर्वं कृतयुगे तात पर्वताः पक्षिणोऽभवन् । ते हि जग्मुर्दिशः सर्वा गरुडानिलवेगिनः ॥ 1.123 ॥

pūrvaṃ kṛtayuge tāta parvatāḥ pakṣiṇo'bhavan | te hi jagmurdiśaḥ sarvā garuḍānilaveginaḥ || 1.123 ||

"In earlier times, O son, in the Krita Yuga, the mountains had wings; and, with speed equal to Garuda and to the wind, they roamed in every direction.

Shloka 124 (sundara.1.124)

ततस्तेषु प्रयातेषु देवसंघः सहर्षिभिः । भूतानि च भयं जग्मुस्तेषां पतनशङ्कया ॥ 1.124 ॥

tatasteṣu prayāteṣu devasaṃghaḥ saharṣibhiḥ | bhūtāni ca bhayaṃ jagmusteṣāṃ patanaśaṅkayā || 1.124 ||

Then, as they roamed thus, the hosts of gods, together with the sages and all living beings, grew fearful, dreading that these mountains might fall upon them.

Shloka 125 (sundara.1.125)

ततः क्रुद्धः सहस्राअक्षः पर्वतानां शतक्रतुः । पक्षान् चिच्छेद वज्रेण तत्र तत्र सहस्रशः ॥ 1.125 ॥

tataḥ kruddhaḥ sahasrāakṣaḥ parvatānāṃ śatakratuḥ | pakṣān ciccheda vajreṇa tatra tatra sahasraśaḥ || 1.125 ||

Then Shatakratu, the thousand-eyed one, in anger, cut off the wings of thousands of mountains with his thunderbolt, here and there.

Shloka 126 (sundara.1.126)

स मामुपागतः क्रुद्धो वज्रमुद्यम्य देवराट् । ततोऽहं सहसा क्षिप्तः स्वसनेन महात्मना ॥ 1.126 ॥

sa māmupāgataḥ kruddho vajramudyamya devarāṭ | tato'haṃ sahasā kṣiptaḥ svasanena mahātmanā || 1.126 ||

That lord of the gods came to me too, in anger, thunderbolt raised; and then I was suddenly cast away by the great Wind-god.

Shloka 127 (sundara.1.127)

अस्मिन्लवणतोये च प्रक्षिप्तः प्लवगोत्तम । गुप्तपक्षसमग्रश्च तव पित्राभिरक्षितः ॥ 1.127 ॥

asminlavaṇatoye ca prakṣiptaḥ plavagottama | guptapakṣasamagraśca tava pitrābhirakṣitaḥ || 1.127 ||

Cast into this salt sea, O best of monkeys, with my wings still whole and unharmed, I have been protected here by your own father.

Shloka 128 (sundara.1.128)

ततोऽहं मानयामि त्वां मान्यो हि मम मारुतः । त्वया मे ह्येष संबन्धः कपिमुख्य महागुणः ॥ 1.128 ॥

tato'haṃ mānayāmi tvāṃ mānyo hi mama mārutaḥ | tvayā me hyeṣa saṃbandhaḥ kapimukhya mahāguṇaḥ || 1.128 ||

So it is that I honour you; for Maruta is honoured by me indeed. This bond of mine with you, O chief of monkeys, is one of great worth.

Shloka 129 (sundara.1.129)

अस्मिन्नेवंगते कार्ये सागरस्य ममैव च । प्रीतिं प्रीतमनाः कर्तुं त्वमर्हसि महाकपे ॥ 1.129 ॥

asminnevaṃgate kārye sāgarasya mamaiva ca | prītiṃ prītamanāḥ kartuṃ tvamarhasi mahākape || 1.129 ||

Since matters stand thus, O great monkey, you ought, with a glad heart, to grant this pleasure to the ocean, and to me as well.

Shloka 130 (sundara.1.130)

श्रमं मोक्षय पूजां च गृहाण कपिसत्तम । प्रीतिं च बहुमन्यस्व प्रीतोऽस्मि तव दर्शनात् ॥ 1.130 ॥

śramaṃ mokṣaya pūjāṃ ca gṛhāṇa kapisattama | prītiṃ ca bahumanyasva prīto'smi tava darśanāt || 1.130 ||

Relieve your weariness, and accept our offering, O best of monkeys; honour this affection of ours. I am delighted by the very sight of you."

Shloka 131 (sundara.1.131)

एवमुक्तः कपिश्रेष्ठस्तं नगोत्तममब्रवीत् । प्रीतोऽस्मि कृतमातिथ्यं मन्युरेषोऽपनीयताम् ॥ १ ॥ 1.131 ॥

evamuktaḥ kapiśreṣṭhastaṃ nagottamamabravīt | prīto'smi kṛtamātithyaṃ manyureṣo'panīyatām || 1 || 1.131 ||

Thus addressed, that best of monkeys said to that best of mountains: "I am pleased; hospitality has indeed been shown. Let this displeasure now be set aside.

Shloka 132 (sundara.1.132)

त्वरते कार्यकालो मे अहश्चाप्यतिवर्तते । प्रतिज्ञा च मया दत्ता न स्थातव्यमिहान्त्तरे ॥ 1.132 ॥

tvarate kāryakālo me ahaścāpyativartate | pratijñā ca mayā dattā na sthātavyamihānttare || 1.132 ||

The time for my task presses upon me, and the day too is passing. I have given my word -- I must not linger here in the meantime."

Shloka 133 (sundara.1.133)

इत्युक्त्वा पाणिना शैलमालभ्य हरिपुङ्गवः । जगामाकाशमाविश्य वीर्यवान् प्रहसन्निव ॥ 1.133 ॥

ityuktvā pāṇinā śailamālabhya haripuṅgavaḥ | jagāmākāśamāviśya vīryavān prahasanniva || 1.133 ||

Having spoken thus, that courageous bull among monkeys touched the mountain with his hand, and, smiling, entered the sky and went on his way.

Shloka 134 (sundara.1.134)

स पर्वतसमुद्राभ्यां बहुमानादवेक्षितः । पूजितश्चोपपन्नाभिराशीर्भिरनिलात्मजः ॥ 1.134 ॥

sa parvatasamudrābhyāṃ bahumānādavekṣitaḥ | pūjitaścopapannābhirāśīrbhiranilātmajaḥ || 1.134 ||

That son of the wind was thus regarded with great esteem by both the ocean and the mountain, and honoured with fitting blessings.

Shloka 135 (sundara.1.135)

अथोर्ध्वं दूरमुत्प्लुत्य हित्वा शैलमहार्णवौ । पितुः पन्थानमास्थाय जगाम विमलेऽम्बरे ॥ १- ॥ 1.135 ॥

athordhvaṃ dūramutplutya hitvā śailamahārṇavau | pituḥ panthānamāsthāya jagāma vimale'mbare || 1- || 1.135 ||

Then, leaping far upward, leaving behind the mountain and the great ocean, he followed the path of his father and went on through the clear sky.

Shloka 136 (sundara.1.136)

भूयश्चोर्ध्वं गतिं प्राप्य गिरिं तमवलोकयन् । वायुसूनुर्निरालम्बे जगाम विमलेऽम्बरे ॥ १- ॥ 1.136 ॥

bhūyaścordhvaṃ gatiṃ prāpya giriṃ tamavalokayan | vāyusūnurnirālambe jagāma vimale'mbare || 1- || 1.136 ||

Rising yet higher still, and looking back once more at that mountain below, the son of the wind sped on through the unsupported, clear sky.

Shloka 137 (sundara.1.137)

तद्द्वितीयं हनुमतो दृष्ट्वा कर्म सुदुष्करम् । प्रश्शंसुः सुराः सर्वे सिद्धाश्च परमर्षयः ॥ १- ॥ 1.137 ॥

taddvitīyaṃ hanumato dṛṣṭvā karma suduṣkaram | praśśaṃsuḥ surāḥ sarve siddhāśca paramarṣayaḥ || 1- || 1.137 ||

Seeing that second exceedingly difficult feat performed by Hanuman, all the gods, the siddhas, and the great sages praised him.

Shloka 138 (sundara.1.138)

देवताश्चाभवन् हृष्टास्तत्रस्थास्तस्य कर्मणा । काञ्चनस्य सुनाभस्य सहस्राक्षश्च वासवः ॥ १- ॥ 1.138 ॥

devatāścābhavan hṛṣṭāstatrasthāstasya karmaṇā | kāñcanasya sunābhasya sahasrākṣaśca vāsavaḥ || 1- || 1.138 ||

The gods present there rejoiced at that deed, as did the golden-hued Sunabha (Mainaka), and thousand-eyed Vasava himself.

Shloka 139 (sundara.1.139)

उवाच वचनं धीमान् परितोषात्सगद्गदम् । सुनाभं पर्वतश्रेष्ठं स्वयमेव शचीपतिः ॥ १- ॥ 1.139 ॥

uvāca vacanaṃ dhīmān paritoṣātsagadgadam | sunābhaṃ parvataśreṣṭhaṃ svayameva śacīpatiḥ || 1- || 1.139 ||

Then the wise lord of Shachi himself, out of the fullness of his joy, spoke, in a voice choked with emotion, to Sunabha, that best of mountains.

Shloka 140 (sundara.1.140)

हिरण्यनाभ शैलेन्द्र परितुष्टोऽस्मि ते भृशम् । अभयं ते प्रयच्छामि तिष्ठ सौम्य यथासुखम् ॥ 1.140 ॥

hiraṇyanābha śailendra parituṣṭo'smi te bhṛśam | abhayaṃ te prayacchāmi tiṣṭha saumya yathāsukham || 1.140 ||

"O Hiranyanabha, king of mountains! I am exceedingly pleased with you. I grant you freedom from fear, O gentle one; remain here at your ease.

Shloka 141 (sundara.1.141)

साह्यं ते सुमहद्विक्रान्तस्य हनूमतः । क्रमतो योजनशतं निर्भयस्य भये सति ॥ 1.141 ॥

sāhyaṃ te sumahadvikrāntasya hanūmataḥ | kramato yojanaśataṃ nirbhayasya bhaye sati || 1.141 ||

You have rendered great assistance to the valiant Hanuman, who, fearless even when there was cause for fear, is crossing a hundred yojanas.

Shloka 142 (sundara.1.142)

रामस्यैष हितायैव याति दाशरथेर्हरिः । सत्क्रियां कुर्वता तस्य तोषितोऽस्मि दृढं त्वया ॥ 1.142 ॥

rāmasyaiṣa hitāyaiva yāti dāśaratherhariḥ | satkriyāṃ kurvatā tasya toṣito'smi dṛḍhaṃ tvayā || 1.142 ||

This monkey goes solely for the welfare of Rama, son of Dasaratha; I am deeply gratified by you, who have shown such honour to him."

Shloka 143 (sundara.1.143)

ततः प्रहर्षमगमद्विपुलं पर्वतोत्तमः । देवतानां पतिं दृष्ट्वा परितुष्टं शतक्रतुम् ॥ 1.143 ॥

tataḥ praharṣamagamadvipulaṃ parvatottamaḥ | devatānāṃ patiṃ dṛṣṭvā parituṣṭaṃ śatakratum || 1.143 ||

Then that best of mountains felt great delight, seeing the lord of the gods, Shatakratu, so well pleased.

Shloka 144 (sundara.1.144)

स वै दत्तवरः शैलो बभूवावस्थितस्तदा । हनुमांश्च मुहूर्तेन व्यतिचक्राम सागरम् ॥ 1.144 ॥

sa vai dattavaraḥ śailo babhūvāvasthitastadā | hanumāṃśca muhūrtena vyaticakrāma sāgaram || 1.144 ||

That mountain, having thus received a boon, remained there settled; and Hanuman, in but an instant, had crossed on over that stretch of ocean.

Shloka 145 (sundara.1.145)

ततो देवाः सगन्धर्वाः सिद्धाश्च परमर्षयः । अब्रूवन् सूर्यसंकाशां सुरसां नागमातरम् ॥ 1.145 ॥

tato devāḥ sagandharvāḥ siddhāśca paramarṣayaḥ | abrūvan sūryasaṃkāśāṃ surasāṃ nāgamātaram || 1.145 ||

Then the gods, together with the gandharvas, the siddhas and the great sages, spoke to Surasa, mother of the nagas, radiant as the sun:

Shloka 146 (sundara.1.146)

अयं वातात्मजः श्रीमान्प्लवते सागरोपरि । हनुमान्नाम तस्य त्वं मुहूर्तं विघ्नमाचर ॥ 1.146 ॥

ayaṃ vātātmajaḥ śrīmānplavate sāgaropari | hanumānnāma tasya tvaṃ muhūrtaṃ vighnamācara || 1.146 ||

"This glorious son of the wind, named Hanuman, is flying over the ocean. Create for him some obstacle for a moment.

Shloka 147 (sundara.1.147)

राक्षसं रूपमास्थाय सुघोरं पर्वतोपमम् । दंष्ट्रकराळं पिङ्गाक्षं वक्त्रं कृत्वा नभःसमम् ॥ 1.147 ॥

rākṣasaṃ rūpamāsthāya sughoraṃ parvatopamam | daṃṣṭrakarāḷaṃ piṅgākṣaṃ vaktraṃ kṛtvā nabhaḥsamam || 1.147 ||

Assume a terrible, mountain-like rakshasa form, with a face gaping with fearsome fangs, tawny eyes, as vast as the sky --

Shloka 148 (sundara.1.148)

बलमिच्छामहे ज्ञातुं भूयश्चास्य पराक्रमम् । त्वां विजेष्यत्युपायेन विषादं वा गमिष्यति ॥ 1.148 ॥

balamicchāmahe jñātuṃ bhūyaścāsya parākramam | tvāṃ vijeṣyatyupāyena viṣādaṃ vā gamiṣyati || 1.148 ||

-- so that we may learn the measure of his strength and courage: whether he will overcome you by some device, or fall into despair.'"

Shloka 149 (sundara.1.149)

एवमुक्ता तु सा देवी दैवतैरभिसत्कृता । समुद्रमध्ये सुरसा बिभ्रती राक्षसं वपुः ॥ 1.149 ॥

evamuktā tu sā devī daivatairabhisatkṛtā | samudramadhye surasā bibhratī rākṣasaṃ vapuḥ || 1.149 ||

Thus addressed, and duly honoured by the gods, that goddess Surasa, taking on a demonic form in the midst of the ocean, terrifying to behold,

Shloka 150 (sundara.1.150)

विकृतं च विरूपं च सर्वस्य च भयावहम् । प्लवमानं हनूमन्तमावृत्येदमुवाच ह ॥ 1.150 ॥

vikṛtaṃ ca virūpaṃ ca sarvasya ca bhayāvaham | plavamānaṃ hanūmantamāvṛtyedamuvāca ha || 1.150 ||

blocked the path of Hanuman as he flew, and spoke these words:

Shloka 151 (sundara.1.151)

मम भक्षः प्रदिष्टस्त्वमीश्वरैर्वानरर्षभ । अहं त्वा भक्षयिष्यामि प्रविशेदं ममाननम् ॥ 1.151 ॥

mama bhakṣaḥ pradiṣṭastvamīśvarairvānararṣabha | ahaṃ tvā bhakṣayiṣyāmi praviśedaṃ mamānanam || 1.151 ||

"O best of monkeys! You have been appointed by the gods as my food. I shall devour you. Enter into this mouth of mine."

Shloka 152 (sundara.1.152)

एवमुक्तः सुरसया प्राञ्जलिर्वानरर्षभः । प्रहृष्टवदनः श्रीमानिदं वचनमब्रवीत् ॥ १- ॥ 1.152 ॥

evamuktaḥ surasayā prāñjalirvānararṣabhaḥ | prahṛṣṭavadanaḥ śrīmānidaṃ vacanamabravīt || 1- || 1.152 ||

Thus addressed by Surasa, that glorious bull among monkeys, with joined palms and a joyful face, spoke these words:

Shloka 153 (sundara.1.153)

रामो दाशरथिर्नाम प्रविष्टो दण्डकावनम् । लक्ष्मणेन सह भ्रात्रा वैदेह्या चापि भार्यया ॥ 1.153 ॥

rāmo dāśarathirnāma praviṣṭo daṇḍakāvanam | lakṣmaṇena saha bhrātrā vaidehyā cāpi bhāryayā || 1.153 ||

"Rama, son of Dasaratha, has entered the Dandaka forest, together with his brother Lakshmana and his wife Vaidehi.

Shloka 154 (sundara.1.154)

अन्यकार्यविषक्तस्य बद्धवैरस्य राक्षसैः । तस्य सीत हृता भार्या रावणेन यशस्विनी ॥ 1.154 ॥

anyakāryaviṣaktasya baddhavairasya rākṣasaiḥ | tasya sīta hṛtā bhāryā rāvaṇena yaśasvinī || 1.154 ||

He, locked in enmity with the rakshasas, being drawn away by another matter, had his renowned wife Sita carried off by Ravana.

Shloka 155 (sundara.1.155)

तस्याः सकाशं दूतोऽहं गमिष्ये रामकारणात् । कर्तुमर्हसि रामस्य साह्यं विषयवासिनि ॥ 1.155 ॥

tasyāḥ sakāśaṃ dūto'haṃ gamiṣye rāmakāraṇāt | kartumarhasi rāmasya sāhyaṃ viṣayavāsini || 1.155 ||

I am going, for Rama's sake, as a messenger to find her. O dweller of this realm, it beseems you to render help to Rama.

Shloka 156 (sundara.1.156)

अथवा मैथिलीं दृष्ट्वा रामं चाक्लिष्टकारिणम् । आगमिष्यामि ते वक्त्रं सत्यं प्रतिशृणोमि ते ॥ 1.156 ॥

athavā maithilīṃ dṛṣṭvā rāmaṃ cākliṣṭakāriṇam | āgamiṣyāmi te vaktraṃ satyaṃ pratiśṛṇomi te || 1.156 ||

Or else, having seen Maithili and told Rama, who brings no harm to any, I shall truly return and enter your mouth -- this I promise you truly."

Shloka 157 (sundara.1.157)

एवमुक्ता हनुमता सुरसा कामरूपिणी । अब्रवीन्नातिवर्तेत कश्चिदेष वरो मम ॥ 1.157 ॥

evamuktā hanumatā surasā kāmarūpiṇī | abravīnnātivarteta kaścideṣa varo mama || 1.157 ||

Thus addressed by Hanuman, Surasa, who could assume any form at will, replied: "No one may pass beyond me -- this is my boon.

Shloka 158 (sundara.1.158)

तं प्रयान्तं समुद्वीक्ष्य सुरसा वाक्यमब्रवीत् । बलं जिज्ञासमाना वै नागमाता हनूमतः ॥ 1.158 ॥

taṃ prayāntaṃ samudvīkṣya surasā vākyamabravīt | balaṃ jijñāsamānā vai nāgamātā hanūmataḥ || 1.158 ||

Seeing him about to go on his way, Surasa, mother of the nagas, desiring to test Hanuman's strength, spoke these words:

Shloka 159 (sundara.1.159)

प्रविश्य वदनं मेऽद्य गन्तव्यं वानरोत्तम । वर एष पुरा दत्तो मम धात्रेति सत्वरा ॥ व्यादाय विपुलं वक्त्रं स्थिता सा मारुतेः पुरः ॥ 1.159 ॥

praviśya vadanaṃ me'dya gantavyaṃ vānarottama | vara eṣa purā datto mama dhātreti satvarā || vyādāya vipulaṃ vaktraṃ sthitā sā māruteḥ puraḥ || 1.159 ||

"You must now go only by entering my mouth, O best of monkeys; this very boon was granted to me long ago by the Creator" -- so saying, she swiftly opened her vast mouth and stood before the son of the wind.

Shloka 160 (sundara.1.160)

एवमुक्तः सुरसया क्रुद्धो वानरपुञ्गवः ॥ अब्रवीत्कुरु वै वक्त्रं येन मां विषहिष्यसे ॥ 1.160 ॥

evamuktaḥ surasayā kruddho vānarapuñgavaḥ || abravītkuru vai vaktraṃ yena māṃ viṣahiṣyase || 1.160 ||

Thus addressed by Surasa, that angered bull among monkeys said: "Make your mouth wide enough that you may hold me."

Shloka 161 (sundara.1.161)

इत्युक्त्वा क्रुद्धो हनुमान् दशयोजनमायतः । दशयोजनविस्तारो बभूव कपिकुञ्जरः ॥ 1.161 ॥

ityuktvā kruddho hanumān daśayojanamāyataḥ | daśayojanavistāro babhūva kapikuñjaraḥ || 1.161 ||

Having said this, angered, Hanuman then became ten yojanas long, ten yojanas wide.

Shloka 162 (sundara.1.162)

तं दृष्ट्वा मेघसंकाशं दशयोजनमायतम् ॥ चकार सुरसा चास्यं विंशद्योजनमायतम् ॥ 1.162 ॥

taṃ dṛṣṭvā meghasaṃkāśaṃ daśayojanamāyatam || cakāra surasā cāsyaṃ viṃśadyojanamāyatam || 1.162 ||

Seeing him, cloud-like, ten yojanas long, Surasa in turn made her mouth twenty yojanas wide.

Shloka 163 (sundara.1.163)

हनुमांस्तु ततः क्रुद्धस्त्रिंशद्योजनमायतः ॥ 1.163 ॥

hanumāṃstu tataḥ kruddhastriṃśadyojanamāyataḥ || 1.163 ||

Hanuman, then angered further, became thirty yojanas long.

Shloka 164 (sundara.1.164)

चकार सुरसा वक्त्रं चत्वारिंशत्तथोच्छ्रितम् । बभूव हनुमान्वीरः पञ्चाशद्योजनोच्छ्रितः ॥ 1.164 ॥

cakāra surasā vaktraṃ catvāriṃśattathocchritam | babhūva hanumānvīraḥ pañcāśadyojanocchritaḥ || 1.164 ||

Surasa made her mouth forty yojanas high; the valiant Hanuman became fifty yojanas high.

Shloka 165 (sundara.1.165)

चकार सुरसा वक्त्रं षष्टियोजनमायतम् । तथैव हनुमान्वीरः सप्ततीयोजिनोच्छ्रितः ॥ 1.165 ॥

cakāra surasā vaktraṃ ṣaṣṭiyojanamāyatam | tathaiva hanumānvīraḥ saptatīyojinocchritaḥ || 1.165 ||

Surasa made her mouth sixty yojanas long; in the same way the valiant Hanuman became seventy yojanas high.

Shloka 166 (sundara.1.166)

चकार सुरसा व्क्त्रंशीतीयोजनोच्छ्रितम् । हनुमानचलप्रख्यो नवतीयोजनोच्छ्रितः ॥ 1.166 ॥

cakāra surasā vktraṃśītīyojanocchritam | hanumānacalaprakhyo navatīyojanocchritaḥ || 1.166 ||

Surasa made her mouth eighty yojanas high; Hanuman, mountain-like, became ninety yojanas high.

Shloka 167 (sundara.1.167)

तद्दृष्ट्वा व्यादितं त्वास्यं वायुपुत्रः सुबुद्धिमान् । दीर्घजिह्वं सुरसया सुघोरं नरकोपमम् ॥ सुसंक्षिप्यात्मनः कायं बभूवाञ्गुष्ठमात्रकः ॥ 1.167 ॥

taddṛṣṭvā vyāditaṃ tvāsyaṃ vāyuputraḥ subuddhimān | dīrghajihvaṃ surasayā sughoraṃ narakopamam || susaṃkṣipyātmanaḥ kāyaṃ babhūvāñguṣṭhamātrakaḥ || 1.167 ||

Seeing that mouth, gaping wide, long-tongued, terrible, opened by Surasa, equal to hell itself, the wise son of the wind sharply contracted his own body and became the size of a thumb.

Shloka 168 (sundara.1.168)

सोऽभिपत्याशु तद्वक्त्रं निष्पत्य च महाजवः । अन्तरिक्षे स्थितः श्रीमानिदं वचनमब्रवीत् ॥ 1.168 ॥

so'bhipatyāśu tadvaktraṃ niṣpatya ca mahājavaḥ | antarikṣe sthitaḥ śrīmānidaṃ vacanamabravīt || 1.168 ||

Then, swiftly entering that mouth and darting out again, that glorious one, of tremendous speed, standing there in the sky, spoke these words:

Shloka 169 (sundara.1.169)

प्रविष्टोऽस्मि हि ते वक्त्रं दाक्षायणि नमोऽस्तु ते । गमिष्ये यत्र वैदेही सत्यं चासीद्वरस्तव ॥ 1.169 ॥

praviṣṭo'smi hi te vaktraṃ dākṣāyaṇi namo'stu te | gamiṣye yatra vaidehī satyaṃ cāsīdvarastava || 1.169 ||

"I have indeed entered your mouth, O daughter of Daksha; my salutations to you. Now I shall go on to where Vaidehi is. And your boon, too, has come true."

Shloka 170 (sundara.1.170)

तं दृष्ट्वा वदनान्मुक्तं चन्द्रं राहुमुखादिव । अब्रवीत्सुरसा देवी स्वेन रूपेण वानरम् ॥ 1.170 ॥

taṃ dṛṣṭvā vadanānmuktaṃ candraṃ rāhumukhādiva | abravītsurasā devī svena rūpeṇa vānaram || 1.170 ||

Seeing that monkey released from her mouth, like the moon released from the mouth of Rahu, the goddess Surasa, resuming her own form, said to him:

Shloka 171 (sundara.1.171)

अर्थसिद्ध्यै हरिश्रेष्ठ गच्छ सौम्य यथासुखम् । समानयस्व वैदेहीं राघवेण महात्मना ॥ 1.171 ॥

arthasiddhyai hariśreṣṭha gaccha saumya yathāsukham | samānayasva vaidehīṃ rāghaveṇa mahātmanā || 1.171 ||

"Go, O gentle one, best of monkeys, at your ease, to accomplish your purpose. Bring Vaidehi back together with the great-souled Raghava."

Shloka 172 (sundara.1.172)

तत्तृतीयं हनुमतो दृष्ट्वा कर्म सुदुष्करम् । साधु साध्विति भूतानि प्रश्शंसुस्तदा हरिम् ॥ 1.172 ॥

tattṛtīyaṃ hanumato dṛṣṭvā karma suduṣkaram | sādhu sādhviti bhūtāni praśśaṃsustadā harim || 1.172 ||

Seeing that third, exceedingly difficult feat of Hanuman, all beings praised that monkey, crying, "Well done! Well done!"

Shloka 173 (sundara.1.173)

स सागरमनाधृष्यमभ्येत्य वरुणालयम् । जगामाकाशमाविश्य वेगेन गरुडोपमः ॥ 1.173 ॥

sa sāgaramanādhṛṣyamabhyetya varuṇālayam | jagāmākāśamāviśya vegena garuḍopamaḥ || 1.173 ||

That Hanuman, equal to Garuda in speed, neared the ocean, the abode of Varuna, entered the sky once more, and went on his way.

Shloka 174 (sundara.1.174)

चरिते कैशिकाचार्यैरैरावतनिषेविते ॥ 1.174 ॥

carite kaiśikācāryairairāvataniṣevite || 1.174 ||

-- tread upon by the teachers of celestial song, and frequented by Airavata --

Shloka 175 (sundara.1.175)

सिंहकुञ्जरशार्दूलपतगोरगवाहनैः । विमानैः संपतद्भिश्च विमलैः समलंकृते ॥ 1.175 ॥

siṃhakuñjaraśārdūlapatagoragavāhanaiḥ | vimānaiḥ saṃpatadbhiśca vimalaiḥ samalaṃkṛte || 1.175 ||

-- adorned with shining, swiftly-moving aerial cars drawn as if by lions, elephants, tigers, birds and serpents,

Shloka 176 (sundara.1.176)

वज्राशनिसमाघातैः पावकैरुपशोभिते । कृतपुण्यैर्महाभागैः स्वर्गजिद्भिरलंकृते ॥ 1.176 ॥

vajrāśanisamāghātaiḥ pāvakairupaśobhite | kṛtapuṇyairmahābhāgaiḥ svargajidbhiralaṃkṛte || 1.176 ||

-- lit by fires crashing like thunderbolts, and adorned by the greatly blessed who, through their good deeds, had conquered heaven,

Shloka 177 (sundara.1.177)

वहता हव्यमत्यर्थं सेविते चित्रभानुना । ग्रहनक्षत्रचन्द्रार्कतारागणविभूषिते ॥ 1.177 ॥

vahatā havyamatyarthaṃ sevite citrabhānunā | grahanakṣatracandrārkatārāgaṇavibhūṣite || 1.177 ||

-- served by the radiant fire-god bearing abundant oblations, and adorned with planets, constellations, moon, sun and multitudes of stars,

Shloka 178 (sundara.1.178)

महर्षिगणगन्धर्वनागयक्षसमाकुले । विविक्ते विमले विश्वे विश्वावसुनिषेविते ॥ 1.178 ॥

maharṣigaṇagandharvanāgayakṣasamākule | vivikte vimale viśve viśvāvasuniṣevite || 1.178 ||

-- thronged with hosts of great sages, gandharvas, nagas and yakshas, yet unpeopled by men, pure and all-pervading, and served by Vishvavasu,

Shloka 179 (sundara.1.179)

देवराजगजाक्रान्ते चन्द्रसूर्यपथे शिवे । विताने जीवलोकस्य वितते ब्रह्मनिर्मिते ॥ 1.179 ॥

devarājagajākrānte candrasūryapathe śive | vitāne jīvalokasya vitate brahmanirmite || 1.179 ||

-- traversed by the elephant of the lord of the gods, the very path of the moon and the sun, auspicious, that broad canopy over the world of the living fashioned by Brahma himself,

Shloka 180 (sundara.1.180)

बहुशः सेविते वीरैर्विद्याधरगणैर्वरैः । जगाम वायुमार्गे तु गरुत्मानिव मारुतिः ॥ 1.180 ॥

bahuśaḥ sevite vīrairvidyādharagaṇairvaraiḥ | jagāma vāyumārge tu garutmāniva mārutiḥ || 1.180 ||

-- and served in many ways by excellent and valorous hosts of vidyadharas -- through that sky the son of Maruta coursed, like Garuda himself.

Shloka 181 (sundara.1.181)

प्रदृश्यमानः सर्वत्र हनुमान्मारुतात्मजः । भेजेऽम्बरं निरालम्बं लम्बपक्ष इवाद्रिराट् ॥ 1.181 ॥

pradṛśyamānaḥ sarvatra hanumānmārutātmajaḥ | bheje'mbaraṃ nirālambaṃ lambapakṣa ivādrirāṭ || 1.181 ||

Visible to all as he went, Hanuman, son of the wind, took to the unsupported sky, like the king of birds with wings outstretched.

Shloka 182 (sundara.1.182)

प्लवमानं तु तं दृष्ट्वा सिंहिका नाम राक्षसी । मनसा चिन्तयामास प्रवृद्धा कामरूपिणी ॥ 1.182 ॥

plavamānaṃ tu taṃ dṛṣṭvā siṃhikā nāma rākṣasī | manasā cintayāmāsa pravṛddhā kāmarūpiṇī || 1.182 ||

But seeing him thus flying, a demoness by the name of Simhika, grown vast, capable of assuming any form, thought within her mind:

Shloka 183 (sundara.1.183)

अद्य दीर्ग़्हस्य कालस्य भविष्याम्यहामाशिता । इदं हि मे महत्सत्त्वं चिरस्य वशमागतम् ॥ 1.183 ॥

adya dīrग़्hasya kālasya bhaviṣyāmyahāmāśitā | idaṃ hi me mahatsattvaṃ cirasya vaśamāgatam || 1.183 ||

"Today, after a very long time, I shall have my fill -- this great creature has, after so long, come within my power."

Shloka 184 (sundara.1.184)

इति संचिन्त्य मनसा छायामस्य समाक्षिपत् । छायायां गृह्यमाणायां चिन्तयामास वानरः ॥ 1.184 ॥

iti saṃcintya manasā chāyāmasya samākṣipat | chāyāyāṃ gṛhyamāṇāyāṃ cintayāmāsa vānaraḥ || 1.184 ||

Thinking thus, she seized hold of his shadow with her mind; and as his shadow was being seized, the monkey reflected:

Shloka 185 (sundara.1.185)

समाक्षिप्तोऽस्मि तरसा पञूकृतपराक्रमः । प्रतिलोमेन वातेन महानौरिव सागरे ॥ 1.185 ॥

samākṣipto'smi tarasā pañūkṛtaparākramaḥ | pratilomena vātena mahānauriva sāgare || 1.185 ||

"I am being violently dragged back, my strength thwarted, like a great ship at sea caught by an opposing wind."

Shloka 186 (sundara.1.186)

तिर्यगूर्ध्वमधश्चैव वीक्षिमाणस्ततः कपिः । ददर्श स महत्सत्त्वमुत्थितं लवणाम्भसि ॥ 1.186 ॥

tiryagūrdhvamadhaścaiva vīkṣimāṇastataḥ kapiḥ | dadarśa sa mahatsattvamutthitaṃ lavaṇāmbhasi || 1.186 ||

Then Hanuman, looking sideways, upward and downward, saw a great creature risen up from the salty sea.

Shloka 187 (sundara.1.187)

छाय्तद्धृष्ट्वा चिन्तयामास मारुतिर्विकृताननम् । कपिराजेन कथितं सत्त्वमद्भुतदर्शनम् ॥ 1.187 ॥

chāytaddhṛṣṭvā cintayāmāsa mārutirvikṛtānanam | kapirājena kathitaṃ sattvamadbhutadarśanam || 1.187 ||

Seeing that hideous-faced creature, the son of the wind reflected: this strange, shadow-seizing beast, of great might, is surely the one Sugriva spoke of -- there can be no doubt of it.

Shloka 188 (sundara.1.188)

आग्राहि महावीर्यं तदिदं नात्र संशयः । स तां बुद्ध्वार्थतत्त्वेन सिंहिकां मतिमान्कपिः । व्यवर्धत महाकायः प्रवृषीव वलाहकः ॥ 1.188 ॥

āgrāhi mahāvīryaṃ tadidaṃ nātra saṃśayaḥ | sa tāṃ buddhvārthatattvena siṃhikāṃ matimānkapiḥ | vyavardhata mahākāyaḥ pravṛṣīva valāhakaḥ || 1.188 ||

Having thus correctly recognized her as Simhika, that wise monkey grew, his body vast, like a rain-cloud in the season of monsoon.

Shloka 189 (sundara.1.189)

तस्य सा कायमुद्वीक्ष्य वर्धमानं महाकपेः ॥ वक्त्रं प्रसारयामास पाताळान्तरसन्निभम् ॥ 1.189 ॥

tasya sā kāyamudvīkṣya vardhamānaṃ mahākapeḥ || vaktraṃ prasārayāmāsa pātāḷāntarasannibham || 1.189 ||

Seeing the great monkey's body thus growing, she spread her mouth wide, equal to the depths of Patala itself.

Shloka 190 (sundara.1.190)

घनराजीव गर्जन्ती वानरं सम्भिद्रवत् ॥ 1.190 ॥

ghanarājīva garjantī vānaraṃ sambhidravat || 1.190 ||

Roaring like a mass of thunderclouds, she rushed upon the monkey.

Shloka 191 (sundara.1.191)

स ददर्श ततस्तस्या विवृतं सुमहन्मुखम् । कायमात्रं च मेधावी मर्माणि च महाकपिः ॥ 1.191 ॥

sa dadarśa tatastasyā vivṛtaṃ sumahanmukham | kāyamātraṃ ca medhāvī marmāṇi ca mahākapiḥ || 1.191 ||

Then that wise, great monkey saw her mouth, wide open, equal to his own body, and her vital organs within.

Shloka 192 (sundara.1.192)

स तस्या विवृते वक्त्रे वज्रसंहननः कपिः । संक्षिप्य मुहुरात्मानं निष्पपात महाबलः ॥ 1.192 ॥

sa tasyā vivṛte vaktre vajrasaṃhananaḥ kapiḥ | saṃkṣipya muhurātmānaṃ niṣpapāta mahābalaḥ || 1.192 ||

That monkey, of diamond-like frame and immense strength, then swiftly contracted himself, and plunged into her open mouth.

Shloka 193 (sundara.1.193)

आस्ये तस्या निमज्जन्तं ददृशुः सिद्धचारणाः । ग्रस्यमानं यथा चन्द्रं पूर्णं पर्वणि राहुणा ॥ 1.193 ॥

āsye tasyā nimajjantaṃ dadṛśuḥ siddhacāraṇāḥ | grasyamānaṃ yathā candraṃ pūrṇaṃ parvaṇi rāhuṇā || 1.193 ||

The siddhas and charanas saw him sinking into her mouth, like the full moon on the night of the full moon being swallowed by Rahu.

Shloka 194 (sundara.1.194)

ततस्तस्या नखैस्तीक्णैर्मर्माण्युत्कृत्य वानरः । उत्पपाताथ वेगेन मनः संपातविक्रमः ॥ 1.194 ॥

tatastasyā nakhaistīkṇairmarmāṇyutkṛtya vānaraḥ | utpapātātha vegena manaḥ saṃpātavikramaḥ || 1.194 ||

Then the monkey, tearing at her vital organs with his sharp claws, sprang forth again with the speed of thought itself.

Shloka 195 (sundara.1.195)

तां तु दृष्ट्वा च धऋत्या च दाक्षिण्येन निपात्य च । स कपिप्रवरो वेगाद्ववृधे पुनरात्मवान् ॥ 1.195 ॥

tāṃ tu dṛṣṭvā ca dhaṛtyā ca dākṣiṇyena nipātya ca | sa kapipravaro vegādvavṛdhe punarātmavān || 1.195 ||

That wise, foremost of monkeys, having felled her by his vision, his resolve, and his skill, once more grew swiftly to his full size.

Shloka 196 (sundara.1.196)

हृतहृत्सा हनुमता पपात विधुराम्भसि । तां हतां वानरेणाशु पतितां वीक्ष्य सिंहिकाम् ॥ भूतान्याकाशचारीणी तमूचुः प्लवगोत्तमम् ॥ 1.196 ॥

hṛtahṛtsā hanumatā papāta vidhurāmbhasi | tāṃ hatāṃ vānareṇāśu patitāṃ vīkṣya siṃhikām || bhūtānyākāśacārīṇī tamūcuḥ plavagottamam || 1.196 ||

Her heart torn out by Hanuman, she fell, stricken, into the water; and seeing Simhika thus slain by the monkey, the creatures roaming the sky spoke to that foremost of monkeys:

Shloka 197 (sundara.1.197)

भीममद्य कृतं कर्म महत्सत्त्वं त्वया हतम् ॥ साधयार्थमभिप्रेतमरिष्टं प्लवतां वर ॥ 1.197 ॥

bhīmamadya kṛtaṃ karma mahatsattvaṃ tvayā hatam || sādhayārthamabhipretamariṣṭaṃ plavatāṃ vara || 1.197 ||

"A fearsome deed you have done today; a mighty creature has been slain by you. Now, O best of those who leap, accomplish your cherished purpose without further hindrance."

Shloka 198 (sundara.1.198)

यस्य त्वेतानि चत्वारि वानरेन्द्र यथा तव ॥ धृतिर्दृष्टिर्मतिर्दाक्ष्यं स कर्मसु न सीदति ॥ 1.198 ॥

yasya tvetāni catvāri vānarendra yathā tava || dhṛtirdṛṣṭirmatirdākṣyaṃ sa karmasu na sīdati || 1.198 ||

"O lord of monkeys, whoever possesses these four qualities as you do -- courage, foresight, intelligence and skill -- such a one never fails in any undertaking."

Shloka 199 (sundara.1.199)

स तैः संभावितः पूज्यः प्रतिपन्नप्रयोजनः ॥ जगामाकाशमाविश्य पन्नगाशनवत्कपिः ॥ 1.199 ॥

sa taiḥ saṃbhāvitaḥ pūjyaḥ pratipannaprayojanaḥ || jagāmākāśamāviśya pannagāśanavatkapiḥ || 1.199 ||

Thus honoured and revered by them, and his purpose still fixed before him, that monkey entered the sky and went on like Garuda, the devourer of serpents.

Shloka 200 (sundara.1.200)

प्राप्तभूयिष्ठपारस्तु सर्वतः प्रतिलोकयन् ॥ योजनानां शतस्यान्ते वनराजिं ददर्श सः ॥ 1.200 ॥

prāptabhūyiṣṭhapārastu sarvataḥ pratilokayan || yojanānāṃ śatasyānte vanarājiṃ dadarśa saḥ || 1.200 ||

Having now traversed almost the whole distance, looking about him on every side, at the end of his hundred-yojana journey, he saw a line of trees.

Shloka 201 (sundara.1.201)

ददर्श च पतन्नेव विविधद्रुमभूषितम् ॥ द्वीपं शाखामृगश्रेष्ठो मलयोपवनानि च ॥ 1.201 ॥

dadarśa ca patanneva vividhadrumabhūṣitam || dvīpaṃ śākhāmṛgaśreṣṭho malayopavanāni ca || 1.201 ||

That foremost of monkeys, even as he descended, saw an island adorned with trees of every kind, and the groves of the Malaya region.

Shloka 202 (sundara.1.202)

सागरं सागरानूपं सागरानूपजान् द्रुमान् ॥ 1.202 ॥

sāgaraṃ sāgarānūpaṃ sāgarānūpajān drumān || 1.202 ||

-- the ocean, the shore-lands bordering the ocean, and the trees native to those shore-lands --

Shloka 203 (sundara.1.203)

सागरस्य च पत्नीनां मुखान्यपि विलोकयन् । स महामेघसंकाशं समीक्ष्यात्मानमात्मवान् ॥ निरुन्धन्तमिवाकाशं चकार मतिमान् मतिम् ॥ 1.203 ॥

sāgarasya ca patnīnāṃ mukhānyapi vilokayan | sa mahāmeghasaṃkāśaṃ samīkṣyātmānamātmavān || nirundhantamivākāśaṃ cakāra matimān matim || 1.203 ||

-- and, gazing too upon the faces of the ocean's wives, that self-possessed one, seeing himself equal in size to a great mass of cloud, as though blocking the very sky, that wise one formed this thought:

Shloka 204 (sundara.1.204)

कायवृद्धिं प्रवेगं च मम दृष्ट्वव राक्षसाः ॥ मयि कौतूहलं कुर्युरिति मेने महाकपिः ॥ 1.204 ॥

kāyavṛddhiṃ pravegaṃ ca mama dṛṣṭvava rākṣasāḥ || mayi kautūhalaṃ kuryuriti mene mahākapiḥ || 1.204 ||

"Seeing this growth of my body and its great speed, the rakshasas will surely grow curious" -- so thought that great monkey.

Shloka 205 (sundara.1.205)

ततः शरीरं संक्षिप्य तन्महीधरसन्निभम्॥ पुनः प्रकृतिमापेदे वीतमोह इवात्मवान् ॥ 1.205 ॥

tataḥ śarīraṃ saṃkṣipya tanmahīdharasannibham|| punaḥ prakṛtimāpede vītamoha ivātmavān || 1.205 ||

For that reason, contracting that mountain-like body of his, he returned again to his natural form, like one who, self-possessed, has cast off all delusion.

Shloka 206 (sundara.1.206)

तद्रूपमतिसंक्षिप्य हनुमान् प्रकृतौ स्थितः ॥ त्रीन् क्रमानिव विक्रम्य बलिवीर्यहरो हरिः ॥ 1.206 ॥

tadrūpamatisaṃkṣipya hanumān prakṛtau sthitaḥ || trīn kramāniva vikramya balivīryaharo hariḥ || 1.206 ||

Having thus greatly reduced that form, Hanuman stood in his natural state, like Hari, who took away Bali's power and glory by his three strides.

Shloka 207 (sundara.1.207)

स चारुनानाविधरूपधारी । परं समासाद्य समुद्रतीरम् । परैरशक्यः प्रतिपन्नरूपः । समीक्षितात्मा समवेक्षितार्थः ॥ 1.207 ॥

sa cārunānāvidharūpadhārī | paraṃ samāsādya samudratīram | parairaśakyaḥ pratipannarūpaḥ | samīkṣitātmā samavekṣitārthaḥ || 1.207 ||

Capable of assuming many beautiful forms at will, unassailable by his foes, he reached the farther shore of the ocean, self-aware, his form now restored, his purpose clearly held in mind.

Shloka 208 (sundara.1.208)

ततः स लम्बस्य गिरेः समृद्धे । विचित्रकूटे निपपात कूटे । सकेतकोद्दालकनाळिकेरे । महाभ्रकूटप्रतिमो महात्मा ॥ 1.208 ॥

tataḥ sa lambasya gireḥ samṛddhe | vicitrakūṭe nipapāta kūṭe | saketakoddālakanāḷikere | mahābhrakūṭapratimo mahātmā || 1.208 ||

Then that great being, resembling a vast bank of cloud, alighted upon the rich and wondrous peak of Mount Lamba, abounding in ketaka, uddalaka and coconut trees.

Shloka 209 (sundara.1.209)

ततस्तु संप्राप्य समुद्रतीरं । समीक्ष्य लङ्कां गिरिवर्यमूर्ध्नि । कपिस्तु तस्मिन्निपपात पर्वते । विधूय रूपं व्यथयन्म्ऱृगद्विजान् ॥ 1.209 ॥

tatastu saṃprāpya samudratīraṃ | samīkṣya laṅkāṃ girivaryamūrdhni | kapistu tasminnipapāta parvate | vidhūya rūpaṃ vyathayanmrṛgadvijān || 1.209 ||

Then, having reached the ocean's shore, and beholding Lanka upon the summit of that best of mountains, the monkey alighted on that mountain, casting off his vast form, startling the beasts and birds.

Shloka 210 (sundara.1.210)

स सागरं दानवपन्नगायुतं । बलेन विक्रम्य महोर्मिमालिनम् । निपत्य तीरे च महोदधेस्तदा । ददर्श लङ्काममरावतीमिव ॥ 1.210 ॥

sa sāgaraṃ dānavapannagāyutaṃ | balena vikramya mahormimālinam | nipatya tīre ca mahodadhestadā | dadarśa laṅkāmamarāvatīmiva || 1.210 ||

Having thus crossed by his strength that great ocean, thronged with danavas and serpents, garlanded with mighty waves, and having alighted on the shore of that great sea, he then beheld Lanka, resembling Amaravati itself.