Hanuman's Combat with the Guardian of Lanka

Shloka 1 (sundara.3.1)

स लम्ब शिखरे लम्बे लम्ब तोयद सम्निभे । सत्त्वम् आस्थाय मेधावी हनुमान् मारुत आत्मजः ॥ 3.1 ॥

sa lamba śikhare lambe lamba toyada samnibhe | sattvam āsthāya medhāvī hanumān māruta ātmajaḥ || 3.1 ||

That wise Hanuman, son of the wind, standing on Mount Lamba with its towering peaks resembling a cloud, gathered his courage...

Shloka 2 (sundara.3.2)

निशि लन्काम् महा सत्त्वः विवेश कपि कुन्जरः । रम्य कानन तोय आढ्याम् पुरीम् रावण पालिताम् ॥ 3.2 ॥

niśi lankām mahā sattvaḥ viveśa kapi kunjaraḥ | ramya kānana toya āḍhyām purīm rāvaṇa pālitām || 3.2 ||

...and by night that mighty elephant among monkeys entered the city of Lanka, ruled by Ravana and rich with beautiful groves and waters.

Shloka 3 (sundara.3.3)

शारद अम्बु धर प्रख्यैः भवनैः उपशोभिताम् । सागर उपम निर्घोषाम् सागर अनिल सेविताम् ॥ 3.3 ॥

śārada ambu dhara prakhyaiḥ bhavanaiḥ upaśobhitām | sāgara upama nirghoṣām sāgara anila sevitām || 3.3 ||

That city, adorned with mansions resembling the clouds of autumn, resounding like the ocean, fanned by the ocean breeze,

Shloka 4 (sundara.3.4)

सुपुष्ट बल सम्गुप्ताम् यथैव विटपावतीम् । चारु तोरण निर्यूहाम् पाण्डुर द्वार तोरणाम् ॥ 3.4 ॥

supuṣṭa bala samguptām yathaiva viṭapāvatīm | cāru toraṇa niryūhām pāṇḍura dvāra toraṇām || 3.4 ||

...guarded by well-fed and mighty armies, like the city of Vitapavati, with lovely elephants at its archways, its gates and arches gleaming white.

Shloka 5 (sundara.3.5)

भुजग आचरिताम् गुप्ताम् शुभाम् भोगवतीम् इव । ताम् सविद्युत् घन आकीर्णाम् ज्योतिः मार्ग निषेविताम् ॥ 3.5 ॥

bhujaga ācaritām guptām śubhām bhogavatīm iva | tām savidyut ghana ākīrṇām jyotiḥ mārga niṣevitām || 3.5 ||

That city, patrolled and guarded as if by serpents, auspicious like the city of Bhogavati, wreathed in lightning-lit clouds, attended by the pathway of the stars...

Shloka 6 (sundara.3.6)

चण्ड मारुत निर्ह्रादाम् यथा इन्द्रस्य अमरावतीम् । शातकुम्भेन महता प्राकारेण अभिसम्वृताम् ॥ 3.6 ॥

caṇḍa māruta nirhrādām yathā indrasya amarāvatīm | śātakumbhena mahatā prākāreṇa abhisamvṛtām || 3.6 ||

...echoing with fierce winds, like Indra's city of Amaravati, wholly encircled by a great rampart of gleaming gold,

Shloka 7 (sundara.3.7)

किन्किणी जाल घोषाभिः पताकाभिः अलम्कृताम् । आसाद्य सहसा हृष्टः प्राकारम् अभिपेदिवान् ॥ 3.7 ॥

kinkiṇī jāla ghoṣābhiḥ patākābhiḥ alamkṛtām | āsādya sahasā hṛṣṭaḥ prākāram abhipedivān || 3.7 ||

...adorned with banners that rang with clusters of tiny bells. Coming swiftly to that city, rejoicing, he leapt upon the rampart.

Shloka 8 (sundara.3.8)

विस्मय आविष्ट हृदयः पुरीम् आलोक्य सर्वतः । जाम्बूनदमयैः द्वारैः वैदूर्य कृत वेदिकैः ॥ 3.8 ॥

vismaya āviṣṭa hṛdayaḥ purīm ālokya sarvataḥ | jāmbūnadamayaiḥ dvāraiḥ vaidūrya kṛta vedikaiḥ || 3.8 ||

His heart filled with wonder as he gazed at the city on every side -- its gateways wrought of jambunada-gold, its platforms fashioned of cat's-eye gem,

Shloka 9 (sundara.3.9)

मणि स्फटिक मुक्ताभिः मणि कुट्टिम भूषितैः । तप्त हाटक निर्यूहैः राजत अमल पाण्डुरैः ॥ 3.9 ॥

maṇi sphaṭika muktābhiḥ maṇi kuṭṭima bhūṣitaiḥ | tapta hāṭaka niryūhaiḥ rājata amala pāṇḍuraiḥ || 3.9 ||

-- inlaid with diamond, crystal and pearl, adorned with floors set with gems, its terraces of refined gold, crowned with spotless white silver --

Shloka 10 (sundara.3.10)

वैदूर्य तल सोपानैः स्फाटिक अन्तर पांसुभिः । चारु सम्जवन उपेतैः खम् इव उत्पतितैः शुभैः ॥ 3.10 ॥

vaidūrya tala sopānaiḥ sphāṭika antara pāṃsubhiḥ | cāru samjavana upetaiḥ kham iva utpatitaiḥ śubhaiḥ || 3.10 ||

-- with stairways set in cat's-eye gem, their inner walls of dustless crystal, furnished with lovely assembly-halls, those auspicious houses seeming as though about to fly into the sky --

Shloka 11 (sundara.3.11)

क्रौन्च बर्हिण सम्घुष्टे राज हंस निषेवितैः । तूर्य आभरण निर्घोषैः सर्वतः प्रतिनादिताम् ॥ 3.11 ॥

kraunca barhiṇa samghuṣṭe rāja haṃsa niṣevitaiḥ | tūrya ābharaṇa nirghoṣaiḥ sarvataḥ pratināditām || 3.11 ||

-- resounding with the calls of krauncha birds and peacocks, frequented by royal swans -- that city echoed everywhere with the sound of musical instruments and ornaments.

Shloka 12 (sundara.3.12)

वस्वोकसारा प्रतिमाम् समीक्ष्य नगरीम् ततः । खम् इव उत्पतिताम् लन्काम् जहर्ष हनुमान् कपिः ॥ 3.12 ॥

vasvokasārā pratimām samīkṣya nagarīm tataḥ | kham iva utpatitām lankām jaharṣa hanumān kapiḥ || 3.12 ||

Then beholding that city, resembling Vasvaukasara, seeming as though it were rising into the sky, the monkey Hanuman rejoiced.

Shloka 13 (sundara.3.13)

ताम् समीक्ष्य पुरीम् लन्काम् राक्षस अधिपतेः शुभाम् । अनुत्तमाम् ऋद्धि युताम् चिन्तयाम् आस वीर्यवान् ॥ 3.13 ॥

tām samīkṣya purīm lankām rākṣasa adhipateḥ śubhām | anuttamām ṛddhi yutām cintayām āsa vīryavān || 3.13 ||

Gazing upon that auspicious city of the lord of the rakshasas, unsurpassed and overflowing with prosperity, that valorous one began to reflect:

Shloka 14 (sundara.3.14)

न इयम् अन्येन नगरी शक्या धर्षयितुम् बलात् । रक्षिता रावण बलैः उद्यत आयुध धारिभिः ॥ 3.14 ॥

na iyam anyena nagarī śakyā dharṣayitum balāt | rakṣitā rāvaṇa balaiḥ udyata āyudha dhāribhiḥ || 3.14 ||

"This city cannot be overpowered by force by anyone else -- guarded as it is by Ravana's forces, weapons raised and ready."

Shloka 15 (sundara.3.15)

कुमुद अन्गदयोः वा अपि सुषेणस्य महा कपेः । प्रसिद्धा इयम् भवेत् भूमिः मैन्द द्विविदयोः अपि ॥ 3.15 ॥

kumuda angadayoḥ vā api suṣeṇasya mahā kapeḥ | prasiddhā iyam bhavet bhūmiḥ mainda dvividayoḥ api || 3.15 ||

"This ground might well be won by Kumuda and Angada, or by the great monkey Sushena, or by Mainda and Dvivida,

Shloka 16 (sundara.3.16)

विवस्वतः तनूजस्य हरेः च कुश पर्वणः । ऋक्षस्य केतु मालस्य मम चैव गतिः भवेत् ॥ 3.16 ॥

vivasvataḥ tanūjasya hareḥ ca kuśa parvaṇaḥ | ṛkṣasya ketu mālasya mama caiva gatiḥ bhavet || 3.16 ||

"-- or entry here be possible for the son of the Sun-god, for the monkey Kushaparva, for Riksha, and for me as well."

Shloka 17 (sundara.3.17)

समीक्ष्य तु महा बाहः राघवस्य पराक्रमम् । लक्ष्मणस्य च विक्रान्तम् अभवत् प्रीतिमान् कपिः ॥ 3.17 ॥

samīkṣya tu mahā bāhaḥ rāghavasya parākramam | lakṣmaṇasya ca vikrāntam abhavat prītimān kapiḥ || 3.17 ||

Reflecting on the might of the great-armed Raghava and the valour of Lakshmana, the monkey became filled with joy.

Shloka 18 (sundara.3.18)

ताम् रत्न वसन उपेताम् कोष्ठ आगार अवतंसकाम् । यन्त्र अगार स्तनीम् ऋद्धाम् प्रमदाम् इव भूषिताम् ॥ 3.18 ॥

tām ratna vasana upetām koṣṭha āgāra avataṃsakām | yantra agāra stanīm ṛddhām pramadām iva bhūṣitām || 3.18 ||

He saw that city as though adorned like a wealthy woman -- her raiment of jewels, her storehouses like earrings, her armories like breasts, richly ornamented,

Shloka 19 (sundara.3.19)

ताम् नष्ट तिमिराम् दीपैः भास्वरैः च महा गृहैः । नगरीम् राक्षस इन्द्रस्य ददर्श स महा कपिः ॥ 3.19 ॥

tām naṣṭa timirām dīpaiḥ bhāsvaraiḥ ca mahā gṛhaiḥ | nagarīm rākṣasa indrasya dadarśa sa mahā kapiḥ || 3.19 ||

-- her darkness dispelled by radiant lamps and by her own great mansions. Thus did that great monkey behold the city of the lord of the rakshasas.

Shloka 20 (sundara.3.20)

अथ सा हरिशार्दूलम् प्रविशन्तिम् महाबलम् । नगरी स्वेन रूपेण ददर्श पवनात्मजम् ॥ 3.20 ॥

atha sā hariśārdūlam praviśantim mahābalam | nagarī svena rūpeṇa dadarśa pavanātmajam || 3.20 ||

Then that city, taking on her own embodied form, saw entering that mighty tiger among monkeys, the son of the wind.

Shloka 21 (sundara.3.21)

सा तम् हरिवरम् दृष्ट्वा लङ्का रावणपालिता । स्वयमेवोत्थिता तत्र विकृताननदर्शना ॥ 3.21 ॥

sā tam harivaram dṛṣṭvā laṅkā rāvaṇapālitā | svayamevotthitā tatra vikṛtānanadarśanā || 3.21 ||

Seeing that foremost of monkeys, that Lanka, ruled by Ravana, rose up there of her own accord, her face hideous to behold.

Shloka 22 (sundara.3.22)

पुरस्तत्क पिवर्यस्य वायुसूनोरतिष्ठत । मुञ्चमाना महानादमब्रवीत्पवनात्मजम् ॥ 3.22 ॥

purastatka pivaryasya vāyusūnoratiṣṭhata | muñcamānā mahānādamabravītpavanātmajam || 3.22 ||

She stood before that foremost of monkeys, the son of the wind, and, letting loose a great roar, spoke to him:

Shloka 23 (sundara.3.23)

कस्त्वम् केन च कार्येण इह प्राप्तो वनालय । कथय स्वेह यत्तत्त्वम् यावत्प्राणा धरन्ति ते ॥ 3.23 ॥

kastvam kena ca kāryeṇa iha prāpto vanālaya | kathaya sveha yattattvam yāvatprāṇā dharanti te || 3.23 ||

"Who are you, O dweller of the woods, and for what purpose have you come here? Tell me the truth, here, while your life still remains in you."

Shloka 24 (sundara.3.24)

न शक्यम् खल्वियम् लङ्का प्रवेष्टुम् वानर त्वया । रक्षिता रावणबलैरभिगुप्ता समन्ततः ॥ 3.24 ॥

na śakyam khalviyam laṅkā praveṣṭum vānara tvayā | rakṣitā rāvaṇabalairabhiguptā samantataḥ || 3.24 ||

"It is indeed not possible for you, O monkey, to enter this Lanka -- guarded by Ravana's forces and secured on every side."

Shloka 25 (sundara.3.25)

अथ तामब्रवीद्वीरो हनुमानग्रतः स्थिताम् । कथयिष्यामि ते तत्त्वम् यन्मम् त्वम् परिपृच्छसि ॥ 3.25 ॥

atha tāmabravīdvīro hanumānagrataḥ sthitām | kathayiṣyāmi te tattvam yanmam tvam paripṛcchasi || 3.25 ||

Then the valiant Hanuman spoke to her, standing before him: "I shall tell you truthfully what you ask of me."

Shloka 26 (sundara.3.26)

का त्वम् विरूपनयना पुरद्वारेऽवतिष्ठसि । किमर्थम् चापि माम् रुद्ध्वा निर्भर्त्सयसि दारुणा ॥ 3.26 ॥

kā tvam virūpanayanā puradvāre'vatiṣṭhasi | kimartham cāpi mām ruddhvā nirbhartsayasi dāruṇā || 3.26 ||

"Who are you, of hideous eye, standing at the gate of this city? And for what reason, O fearsome one, do you bar my way and revile me so?"

Shloka 27 (sundara.3.27)

हनुमद्वचनम् श्रुत्वा लङ्का सा कामरूपिणी । उवाच वचनम् क्रुद्धा परुषं पवनात्मजम् ॥ 3.27 ॥

hanumadvacanam śrutvā laṅkā sā kāmarūpiṇī | uvāca vacanam kruddhā paruṣaṃ pavanātmajam || 3.27 ||

Hearing Hanuman's words, that Lanka, who could take on any form at will, grew angry and spoke harsh words to the son of the wind:

Shloka 28 (sundara.3.28)

अहम् राक्षसराजस्य रावणस्य महात्मनः । आज्ञाप्रतीक्षा दुर्धर्षा रक्षामि नगरीमिमाम् ॥ 3.28 ॥

aham rākṣasarājasya rāvaṇasya mahātmanaḥ | ājñāpratīkṣā durdharṣā rakṣāmi nagarīmimām || 3.28 ||

"I, invincible, guard this city, awaiting the command of the great-souled Ravana, king of the rakshasas."

Shloka 29 (sundara.3.29)

न शक्या मामवज्ञाय प्रवेष्टुम् नगरी त्वया । अद्य प्राणैः परित्यक्तः स्वप्स्यसे निहतो मया ॥ 3.29 ॥

na śakyā māmavajñāya praveṣṭum nagarī tvayā | adya prāṇaiḥ parityaktaḥ svapsyase nihato mayā || 3.29 ||

"Having scorned me, it is not possible for you to enter this city. This very day, struck down by me, you will sleep, bereft of life."

Shloka 30 (sundara.3.30)

अहम् हि नगरी लङ्का स्वयमेव प्लवङ्गम । सर्वतः परिरक्षामि ह्येतत्ते कथितम् मया ॥ 3.30 ॥

aham hi nagarī laṅkā svayameva plavaṅgama | sarvataḥ parirakṣāmi hyetatte kathitam mayā || 3.30 ||

"I myself am the city of Lanka, O monkey! I guard her on every side -- this I have now told you."

Shloka 31 (sundara.3.31)

लङ्काया वचनम् श्रुत्वा हनुमान् मारुतात्मजः । यत्नवान्स हरिश्रेष्ठः स्थितश्शैल इवापरः ॥ 3.31 ॥

laṅkāyā vacanam śrutvā hanumān mārutātmajaḥ | yatnavānsa hariśreṣṭhaḥ sthitaśśaila ivāparaḥ || 3.31 ||

Hearing Lanka's words, Hanuman, son of the wind, that foremost of monkeys, stood resolute, purposeful, like a second mountain.

Shloka 32 (sundara.3.32)

स ताम् स्त्रीरूपविकृताम् दृष्ट्वा वानरपुङ्गवः । आबभाषेऽथ मेधावि सत्त्वान् प्लवगर्षभः ॥ 3.32 ॥

sa tām strīrūpavikṛtām dṛṣṭvā vānarapuṅgavaḥ | ābabhāṣe'tha medhāvi sattvān plavagarṣabhaḥ || 3.32 ||

Seeing her transformed into that grotesque, woman-like form, that wise and mighty bull among monkeys then spoke:

Shloka 33 (sundara.3.33)

द्रक्ष्यामि नगरीम् लङ्काम् साट्टप्राकारतोरणाम् । इत्यर्थमिह सम्प्राप्तः परम् कौतूहलम् हि मे ॥ 3.33 ॥

drakṣyāmi nagarīm laṅkām sāṭṭaprākāratoraṇām | ityarthamiha samprāptaḥ param kautūhalam hi me || 3.33 ||

"I wish to see the city of Lanka, with her palaces, ramparts and archways. It is for this reason that I have come here -- I am filled with great curiosity."

Shloka 34 (sundara.3.34)

वनान्युपवनानीह लङ्कायाः काननानि च । सर्वतो गृहमुख्यानि द्रष्टुमागमनम् हि मे ॥ 3.34 ॥

vanānyupavanānīha laṅkāyāḥ kānanāni ca | sarvato gṛhamukhyāni draṣṭumāgamanam hi me || 3.34 ||

"My coming here is only to see Lanka's woods, groves and forests, and all her great houses everywhere."

Shloka 35 (sundara.3.35)

तस्य तद्वचनम् श्रुत्वा लङ्का सा कामरूपिणी । भूय एव पुनर्वाक्यम् बभाषे परुषाक्षरम् ॥ 3.35 ॥

tasya tadvacanam śrutvā laṅkā sā kāmarūpiṇī | bhūya eva punarvākyam babhāṣe paruṣākṣaram || 3.35 ||

Hearing his words, that Lanka, who could take any form at will, spoke yet again, in words harsher than before:

Shloka 36 (sundara.3.36)

मामनिर्जत्य दुर्बद्धे राक्षसेश्वरपालिता । न शक्यमद्य ते द्रष्टुम् पुरीयम् वनराधम ॥ 3.36 ॥

māmanirjatya durbaddhe rākṣaseśvarapālitā | na śakyamadya te draṣṭum purīyam vanarādhama || 3.36 ||

"Without first defeating me, O evil-minded one, O basest of monkeys, it is not possible for you today to see this city, ruled by the lord of the rakshasas."

Shloka 37 (sundara.3.37)

ततः स कपिशार्दूलस्तामुवाच निशाचरीम् । दृष्वा पुरीमिमाम् भद्रे पुनर्यास्ये यथागतम् ॥ 3.37 ॥

tataḥ sa kapiśārdūlastāmuvāca niśācarīm | dṛṣvā purīmimām bhadre punaryāsye yathāgatam || 3.37 ||

Then that tiger among monkeys said to that night-wanderer: "O gracious one, having seen this city, I shall go back the way I came."

Shloka 38 (sundara.3.38)

ततः कृत्वा महानादम् सा वै लङ्का भयावहम् । तलेन वानरश्रेष्ठम् ताडयामास वेगिता ॥ 3.38 ॥

tataḥ kṛtvā mahānādam sā vai laṅkā bhayāvaham | talena vānaraśreṣṭham tāḍayāmāsa vegitā || 3.38 ||

Then that Lanka, letting out a terrifying roar, struck that foremost of monkeys swiftly with the palm of her hand.

Shloka 39 (sundara.3.39)

ततः स कपिशार्दुलो लङ्काया ताडितो भृशम् । ननाद सुमहानादम् वीर्यवान् पवनात्मजः ॥ 3.39 ॥

tataḥ sa kapiśārdulo laṅkāyā tāḍito bhṛśam | nanāda sumahānādam vīryavān pavanātmajaḥ || 3.39 ||

Then that tiger among monkeys, the mighty son of the wind, struck hard by Lanka, let out a mighty roar of his own.

Shloka 40 (sundara.3.40)

ततः सम्वर्तयामास वामहस्तस्य सोऽङ्गुळीः । मुष्टिनाभिजघूनैनाम् हनुमान् क्रोधमूर्चितः ॥ स्त्री चेति मन्यमानेन नातिक्रोधः स्वयम् कृतः ॥ 3.40 ॥

tataḥ samvartayāmāsa vāmahastasya so'ṅguḷīḥ | muṣṭinābhijaghūnainām hanumān krodhamūrcitaḥ || strī ceti manyamānena nātikrodhaḥ svayam kṛtaḥ || 3.40 ||

Then Hanuman, dizzy with fury, curled the fingers of his left hand and struck her with his fist -- yet, thinking "she is a woman," he did not let his anger grow greater than this.

Shloka 41 (sundara.3.41)

सा तु तेन प्रहारेण विह्वलाङ्गी नीशाचरी ॥ पपात सहसा भूमौ विकृताननदर्शना ॥ 3.41 ॥

sā tu tena prahāreṇa vihvalāṅgī nīśācarī || papāta sahasā bhūmau vikṛtānanadarśanā || 3.41 ||

Struck by that blow, that night-wanderer, her limbs reeling, fell suddenly to the ground, her face contorted in agony.

Shloka 42 (sundara.3.42)

ततस्तु हनुमान् प्राज्ञस्ताम् दृष्ट्वा विनिपातिताम् ॥ कृपाम् चकार तेजस्वी मन्यमानः स्त्रियम् तु ताम् ॥ 3.42 ॥

tatastu hanumān prājñastām dṛṣṭvā vinipātitām || kṛpām cakāra tejasvī manyamānaḥ striyam tu tām || 3.42 ||

Then Hanuman, the wise and glorious one, seeing her thus laid low, and considering her still to be a woman, showed her compassion.

Shloka 43 (sundara.3.43)

ततो वै भृशसम्विग्ना लङ्का गद्गदाक्षरम् ॥ उवाचागर्वितम् वाक्यम् हनूमन्तम् प्लवङ्गमम् ॥ 3.43 ॥

tato vai bhṛśasamvignā laṅkā gadgadākṣaram || uvācāgarvitam vākyam hanūmantam plavaṅgamam || 3.43 ||

Then that Lanka, deeply shaken, spoke in a faltering, humbled voice to Hanuman the monkey:

Shloka 44 (sundara.3.44)

प्रसीद सुमहाबाहो त्रायस्व हरिसत्तम ॥ समये सौम्य तिष्ठन्ति स्त्त्ववन्तो महाबलाः ॥ 3.44 ॥

prasīda sumahābāho trāyasva harisattama || samaye saumya tiṣṭhanti sttvavanto mahābalāḥ || 3.44 ||

"Be gracious, O mighty-armed one! Protect me, O best of monkeys! O gentle one, the truly strong and courageous ever hold firm to what is right."

Shloka 45 (sundara.3.45)

अहं तु नगरी लङ्का स्वयमेव प्लवङ्गम ॥ निर्जिताहम् त्वया वीर विक्रमेण महाबल ॥ 3.45 ॥

ahaṃ tu nagarī laṅkā svayameva plavaṅgama || nirjitāham tvayā vīra vikrameṇa mahābala || 3.45 ||

"I myself am the city of Lanka, O monkey! I have been defeated by your might and valour, O hero, O mighty one."

Shloka 46 (sundara.3.46)

इदम् तु तथ्यम् शृणु वै ब्रुवन्त्य मे हरीश्वर ॥ स्वयम्भुवा पुरा दत्तम् वरदानम् यथा मम ॥ 3.46 ॥

idam tu tathyam śṛṇu vai bruvantya me harīśvara || svayambhuvā purā dattam varadānam yathā mama || 3.46 ||

"Hear now this truth, O lord of monkeys, as I speak it to you -- how, long ago, Brahma the Self-born granted me a boon:"

Shloka 47 (sundara.3.47)

यदा त्वाम् वानरः कश्चिद्विक्रमाद्वशमानयेत् ॥ तदा त्वया हि विज्ञेयम् रक्षसाम् भयामागतम् ॥ 3.47 ॥

yadā tvām vānaraḥ kaścidvikramādvaśamānayet || tadā tvayā hi vijñeyam rakṣasām bhayāmāgatam || 3.47 ||

"-- that whenever a monkey shall overpower you by his valour, then you must know that fear has come upon the rakshasas."

Shloka 48 (sundara.3.48)

स हि म् समयः सौम्य प्राप्तोऽय तव द्र्शनात् ॥ स्वयम्भूविहितः सत्यो न तस्यास्ति व्यतिक्रमः ॥ 3.48 ॥

sa hi m samayaḥ saumya prāpto'ya tava drśanāt || svayambhūvihitaḥ satyo na tasyāsti vyatikramaḥ || 3.48 ||

"That very time, O gentle one, has now arrived for me, with the sight of you. The ordinance made by the Self-born is true, and it admits of no transgression."

Shloka 49 (sundara.3.49)

सीतानिमित्तंम् राज्ञस्तु रावणस्य दुरात्मनः । रक्षसां चैव सर्वेषां विनाशः समुपागतः ॥ 3.49 ॥

sītānimittaṃm rājñastu rāvaṇasya durātmanaḥ | rakṣasāṃ caiva sarveṣāṃ vināśaḥ samupāgataḥ || 3.49 ||

"On account of Sita, ruin has now come close upon the evil-minded king Ravana, and upon all the rakshasas as well."

Shloka 50 (sundara.3.50)

तत्प्रविश्य हरिश्रेष्ठम् पुरीम् रावणपालिताम् ॥ विधत्स्व सर्वकार्याण् यानि यानीह वाञ्चसि ॥ 3.50 ॥

tatpraviśya hariśreṣṭham purīm rāvaṇapālitām || vidhatsva sarvakāryāṇ yāni yānīha vāñcasi || 3.50 ||

"Therefore, O best of monkeys, enter this city ruled by Ravana, and accomplish here whatever tasks you desire."

Shloka 51 (sundara.3.51)

प्रविश्य शापोपहताम् हरीश्वर । शुभाम् पुरीम् राक्षसराजपालिताम् । यदृच्छया त्वम् जनकात्मजाम् सतीम् । विमार्ग सर्वत्र गतो यथासुखम् ॥ 3.51 ॥

praviśya śāpopahatām harīśvara | śubhām purīm rākṣasarājapālitām | yadṛcchayā tvam janakātmajām satīm | vimārga sarvatra gato yathāsukham || 3.51 ||

"Enter, O lord of monkeys, this fair city, stricken by a curse and ruled by the king of the rakshasas; and roaming freely wherever you will, search at your ease for the chaste daughter of Janaka."