The Slaying of Akshakumara

Shloka 1 (sundara.47.1)

सेनापतीन् पञ्च स तु प्रमापितान् हनूमता सानुचरान् सवाहनान्। निशम्य राजा समरोद्धतोन्मुखं कुमारमक्षं प्रसमैक्षताक्षम् ॥ 47.1 ॥

senāpatīn pañca sa tu pramāpitān hanūmatā sānucarān savāhanān| niśamya rājā samaroddhatonmukhaṃ kumāramakṣaṃ prasamaikṣatākṣam || 47.1 ||

Hearing that his five generals, together with their followers and mounts, had been slain by Hanuman, the king looked upon his son, prince Aksha, who stood eager for battle.

Shloka 2 (sundara.47.2)

स तस्य दृष्ट्यर्पणसम्प्रचोदितः प्रतापवान् काञ्चनचित्रकार्मुकः। समुत्पपाताथ सदस्युदीरितो द्विजातिमुख्यैर्हविषेव पावकः ॥ 47.2 ॥

sa tasya dṛṣṭyarpaṇasampracoditaḥ pratāpavān kāñcanacitrakārmukaḥ| samutpapātātha sadasyudīrito dvijātimukhyairhaviṣeva pāvakaḥ || 47.2 ||

Urged on by that glance of his father, that mighty one, his bow bright with gold, leapt up at once from the assembly, like sacrificial fire kindled by the chief brahmins with oblations.

Shloka 3 (sundara.47.3)

ततो महान् बालदिवाकरप्रभं प्रतप्तजाम्बूनदजालसंततम्। रथं समास्थाय ययौ स वीर्यवान् महाहरिं तं प्रति नैर्ऋतर्षभः ॥ 47.3 ॥

tato mahān bāladivākaraprabhaṃ prataptajāmbūnadajālasaṃtatam| rathaṃ samāsthāya yayau sa vīryavān mahāhariṃ taṃ prati nairṛtarṣabhaḥ || 47.3 ||

Then that mighty, valiant bull among the rakshasas, mounting a chariot resplendent as the newly risen sun and covered over with a network of refined gold, set out toward that great monkey.

Shloka 4 (sundara.47.4)

ततस्तपःसंग्रहसंचयार्जितं प्रतप्तजाम्बूनदजालचित्रितम्। पताकिनं रत्नविभूषितध्वजं मनोजवाष्टाश्ववरैः सुयोजितम् ॥ 47.4 ॥

tatastapaḥsaṃgrahasaṃcayārjitaṃ prataptajāmbūnadajālacitritam| patākinaṃ ratnavibhūṣitadhvajaṃ manojavāṣṭāśvavaraiḥ suyojitam || 47.4 ||

That chariot, won by the accumulated store of his austerities, was adorned with a network of refined gold, hung with banners, its flagstaff decked with jewels, and well-yoked with eight excellent horses swift as thought,

Shloka 5 (sundara.47.5)

सुरासुराधृष्यमसङ्गचारिणं तडित्प्रभं व्योमचरं समाहितम्। सतूणमष्टासिनिबद्धबन्धुरं यथाक्रमावेशितशक्तितोमरम् ॥ 47.5 ॥

surāsurādhṛṣyamasaṅgacāriṇaṃ taḍitprabhaṃ vyomacaraṃ samāhitam| satūṇamaṣṭāsinibaddhabandhuraṃ yathākramāveśitaśaktitomaram || 47.5 ||

unassailable by gods and demons, moving without hindrance, lightning-bright, coursing the sky, well-appointed, fitted with quivers and eight swords bound securely in place, its spears and javelins duly set,

Shloka 6 (sundara.47.6)

विराजमानं प्रतिपूर्णवस्तुना सहेमदाम्ना शशिसूर्यवर्चसा। दिवाकराभं रथमास्थितस्ततः स निर्जगामामरतुल्यविक्रमः ॥ 47.6 ॥

virājamānaṃ pratipūrṇavastunā sahemadāmnā śaśisūryavarcasā| divākarābhaṃ rathamāsthitastataḥ sa nirjagāmāmaratulyavikramaḥ || 47.6 ||

shining with everything complete upon it, hung with golden garlands, radiant as the moon and sun. Mounting that chariot bright as the sun, he then set forth, matching the gods in valour.

Shloka 7 (sundara.47.7)

स पूरयन् खं च महीं च साचलां तुरङ्गमातङ्गमहारथस्वनैः। बलैः समेतैः सहतोरणस्थितं समर्थमासीनमुपागमत् कपिम् ॥ 47.7 ॥

sa pūrayan khaṃ ca mahīṃ ca sācalāṃ turaṅgamātaṅgamahārathasvanaiḥ| balaiḥ sametaiḥ sahatoraṇasthitaṃ samarthamāsīnamupāgamat kapim || 47.7 ||

Filling the sky and the mountain-girded earth with the din of horses, elephants and great chariots, together with his gathered forces, he approached that mighty monkey seated at the archway.

Shloka 8 (sundara.47.8)

स तं समासाद्य हरिं हरीक्षणो युगान्तकालाग्निमिव प्रजाक्षये। अवस्थितं विस्मितजातसम्भ्रमं समैक्षताक्षो बहुमानचक्षुषा ॥ 47.8 ॥

sa taṃ samāsādya hariṃ harīkṣaṇo yugāntakālāgnimiva prajākṣaye| avasthitaṃ vismitajātasambhramaṃ samaikṣatākṣo bahumānacakṣuṣā || 47.8 ||

Approaching that tawny-eyed monkey, seated there like the fire of cosmic dissolution at the end of an age, tawny-eyed Aksha, struck with wonder and agitation, gazed upon him with eyes full of high regard.

Shloka 9 (sundara.47.9)

स तस्य वेगं च कपेर्महात्मनः पराक्रमं चारिषु रावणात्मजः। विचारयन् स्वं च बलं महाबलो युगक्षये सूर्य इवाभिवर्धत ॥ 47.9 ॥

sa tasya vegaṃ ca kapermahātmanaḥ parākramaṃ cāriṣu rāvaṇātmajaḥ| vicārayan svaṃ ca balaṃ mahābalo yugakṣaye sūrya ivābhivardhata || 47.9 ||

Ravana's son, weighing that great-souled monkey's speed and his prowess against foes, and weighing also his own strength, that mighty one blazed up like the sun at the end of an age.

Shloka 10 (sundara.47.10)

स जातमन्युः प्रसमीक्ष्य विक्रमं स्थितः स्थिरः संयति दुर्निवारणम्। समाहितात्मा हनुमन्तमाहवे प्रचोदयामास शितैः शरैस्त्रिभिः ॥ 47.10 ॥

sa jātamanyuḥ prasamīkṣya vikramaṃ sthitaḥ sthiraḥ saṃyati durnivāraṇam| samāhitātmā hanumantamāhave pracodayāmāsa śitaiḥ śaraistribhiḥ || 47.10 ||

Filled with anger, beholding the prowess of that firm one standing steadfast in battle, hard to withstand, he, his mind composed, provoked Hanuman in the fight with three sharpened arrows.

Shloka 11 (sundara.47.11)

ततः कपिं तं प्रसमीक्ष्य गर्वितं जितश्रमं शत्रुपराजयोचितम्। अवैक्षताक्षः समुदीर्णमानसं सबाणपाणिः प्रगृहीतकार्मुकः ॥ 47.11 ॥

tataḥ kapiṃ taṃ prasamīkṣya garvitaṃ jitaśramaṃ śatruparājayocitam| avaikṣatākṣaḥ samudīrṇamānasaṃ sabāṇapāṇiḥ pragṛhītakārmukaḥ || 47.11 ||

Then Aksha, arrow in hand, bow drawn, gazed upon that proud monkey, unwearied, fit to vanquish any foe, his spirit fully roused.

Shloka 12 (sundara.47.12)

स हेमनिष्काङ्गदचारुकुण्डलः समाससादाशुपराक्रमः कपिम्। तयोर्बभूवाप्रतिमः समागमः सुरासुराणामपि सम्भ्रमप्रदः ॥ 47.12 ॥

sa hemaniṣkāṅgadacārukuṇḍalaḥ samāsasādāśuparākramaḥ kapim| tayorbabhūvāpratimaḥ samāgamaḥ surāsurāṇāmapi sambhramapradaḥ || 47.12 ||

He, adorned with a gold necklace, armlets and lovely earrings, swift in his prowess, closed with the monkey; and their encounter became matchless, causing wonder even among gods and demons.

Shloka 13 (sundara.47.13)

ररास भूमिर्न तताप भानुमान् ववौ न वायुः प्रचचाल चाचलः। कपेः कुमारस्य च वीर्यसंयुगं ननाद च द्यौरुदधिश्च चुक्षुभे ॥ 47.13 ॥

rarāsa bhūmirna tatāpa bhānumān vavau na vāyuḥ pracacāla cācalaḥ| kapeḥ kumārasya ca vīryasaṃyugaṃ nanāda ca dyaurudadhiśca cukṣubhe || 47.13 ||

The earth roared, the sun ceased to give forth heat, the wind ceased to blow, and even the mountains shook; at that valorous combat of the monkey and the prince, the heavens resounded and the ocean was thrown into turmoil.

Shloka 14 (sundara.47.14)

स तस्य वीरः सुमुखान् पतत्रिणः सुवर्णपुङ्खान् सविषानिवोरगान्। समाधिसंयोगविमोक्षतत्त्ववि- च्छरानथ त्रीन् कपिमूर्ध्न्यताडयत् ॥ 47.14 ॥

sa tasya vīraḥ sumukhān patatriṇaḥ suvarṇapuṅkhān saviṣānivoragān| samādhisaṃyogavimokṣatattvavi- ccharānatha trīn kapimūrdhnyatāḍayat || 47.14 ||

That hero, versed in the true art of taking aim, nocking and releasing, then struck the monkey on the head with three well-headed, gold-shafted arrows, like venomous serpents.

Shloka 15 (sundara.47.15)

स तैः शरैर्मूर्ध्नि समं निपातितैः क्षरन्नसृग्दिग्धविवृत्तनेत्रः। नवोदितादित्यनिभः शरांशुमान् व्यराजतादित्य इवांशुमालिकः ॥ 47.15 ॥

sa taiḥ śarairmūrdhni samaṃ nipātitaiḥ kṣarannasṛgdigdhavivṛttanetraḥ| navoditādityanibhaḥ śarāṃśumān vyarājatāditya ivāṃśumālikaḥ || 47.15 ||

Struck on the head all at once by those arrows, his wide eyes smeared with flowing blood, radiant as the newly risen sun and garlanded with those arrows as with rays, he shone like the sun ringed with beams.

Shloka 16 (sundara.47.16)

ततः प्लवङ्गाधिपमन्त्रिसत्तमः समीक्ष्य तं राजवरात्मजं रणे। उदग्रचित्रायुधचित्रकार्मुकं जहर्ष चापूर्यत चाहवोन्मुखः ॥ 47.16 ॥

tataḥ plavaṅgādhipamantrisattamaḥ samīkṣya taṃ rājavarātmajaṃ raṇe| udagracitrāyudhacitrakārmukaṃ jaharṣa cāpūryata cāhavonmukhaḥ || 47.16 ||

Then that foremost of the counsellors of the lord of monkeys, seeing in battle that best of princes with his splendid weapons and dazzling bow, rejoiced, and, turning eagerly to combat, was filled with delight.

Shloka 17 (sundara.47.17)

स मन्दराग्रस्थ इवांशुमाली विवृद्धकोपो बलवीर्यसंवृतः। कुमारमक्षं सबलं सवाहनं ददाह नेत्राग्निमरीचिभिस्तदा ॥ 47.17 ॥

sa mandarāgrastha ivāṃśumālī vivṛddhakopo balavīryasaṃvṛtaḥ| kumāramakṣaṃ sabalaṃ savāhanaṃ dadāha netrāgnimarīcibhistadā || 47.17 ||

Like the sun standing on the peak of Mount Mandara, his fury swelling, girded with strength and valour, he then seemed to scorch prince Aksha, with his forces and mounts, with the fiery rays of his eyes.

Shloka 18 (sundara.47.18)

ततः स बाणासनशक्रकार्मुकः शरप्रवर्षो युधि राक्षसाम्बुदः। शरान् मुमोचाशु हरीश्वराचले बलाहको वृष्टिमिवाचलोत्तमे ॥ 47.18 ॥

tataḥ sa bāṇāsanaśakrakārmukaḥ śarapravarṣo yudhi rākṣasāmbudaḥ| śarān mumocāśu harīśvarācale balāhako vṛṣṭimivācalottame || 47.18 ||

Then that rakshasa, his bow like Indra's own, a rain-cloud of arrows in battle, quickly loosed his shafts upon that lord of monkeys standing firm as a mountain, as a storm-cloud pours its rain upon the highest peak.

Shloka 19 (sundara.47.19)

कपिस्ततस्तं रणचण्डविक्रमं प्रवृद्धतेजोबलवीर्यसायकम्। कुमारमक्षं प्रसमीक्ष्य संयुगे ननाद हर्षाद् घनतुल्यनिःस्वनः ॥ 47.19 ॥

kapistatastaṃ raṇacaṇḍavikramaṃ pravṛddhatejobalavīryasāyakam| kumāramakṣaṃ prasamīkṣya saṃyuge nanāda harṣād ghanatulyaniḥsvanaḥ || 47.19 ||

Then the monkey, beholding in that combat prince Aksha, of fierce valour in war, whose arrows carried surging energy, strength and power, roared for joy with a sound like thunder.

Shloka 20 (sundara.47.20)

स बालभावाद् युधि वीर्यदर्पितः प्रवृद्धमन्युः क्षतजोपमेक्षणः। समाससादाप्रतिमं रणे कपिं गजो महाकूपमिवावृतं तृणैः ॥ 47.20 ॥

sa bālabhāvād yudhi vīryadarpitaḥ pravṛddhamanyuḥ kṣatajopamekṣaṇaḥ| samāsasādāpratimaṃ raṇe kapiṃ gajo mahākūpamivāvṛtaṃ tṛṇaiḥ || 47.20 ||

He, in the pride of youth, puffed up with valour in the fight, his fury mounting, his eyes red as blood, closed upon that matchless monkey in battle, like an elephant upon a great pit hidden by grass.

Shloka 21 (sundara.47.21)

स तेन बाणैः प्रसभं निपातितै- श्चकार नादं घननादनिःस्वनः। समुत्सहेनाशु नभः समारुजन् भुजोरुविक्षेपणघोरदर्शनः ॥ 47.21 ॥

sa tena bāṇaiḥ prasabhaṃ nipātitai- ścakāra nādaṃ ghananādaniḥsvanaḥ| samutsahenāśu nabhaḥ samārujan bhujoruvikṣepaṇaghoradarśanaḥ || 47.21 ||

Struck violently by those arrows, he let out a roar like the boom of thunderclouds, and swiftly, with mounting vigour, seemed to rend the very sky, terrible to behold in the flailing of his arms and thighs.

Shloka 22 (sundara.47.22)

तमुत्पतन्तं समभिद्रवद् बली स राक्षसानां प्रवरः प्रतापवान्। रथी रथश्रेष्ठतरः किरन् शरैः पयोधरः शैलमिवाश्मवृष्टिभिः ॥ 47.22 ॥

tamutpatantaṃ samabhidravad balī sa rākṣasānāṃ pravaraḥ pratāpavān| rathī rathaśreṣṭhataraḥ kiran śaraiḥ payodharaḥ śailamivāśmavṛṣṭibhiḥ || 47.22 ||

As he leapt up, that mighty and glorious foremost of the rakshasas, charioteer on his splendid chariot, rushed at him, showering arrows, as a rain-cloud pelts a mountain with a hail of stones.

Shloka 23 (sundara.47.23)

स ताञ्छरांस्तस्य हरिर्विमोक्षयं- श्चचार वीरः पथि वायुसेविते। शरान्तरे मारुतवद् विनिष्पतन् मनोजवः संयति भीमविक्रमः ॥ 47.23 ॥

sa tāñcharāṃstasya harirvimokṣayaṃ- ścacāra vīraḥ pathi vāyusevite| śarāntare mārutavad viniṣpatan manojavaḥ saṃyati bhīmavikramaḥ || 47.23 ||

Evading his arrows, that heroic monkey moved through the path traversed by the wind, darting between the shafts like the wind itself, swift as thought, of terrible prowess in that combat.

Shloka 24 (sundara.47.24)

तमात्तबाणासनमाहवोन्मुखं खमास्तृणन्तं विविधैः शरोत्तमैः। अवैक्षताक्षं बहुमानचक्षुषा जगाम चिन्तां स च मारुतात्मजः ॥ 47.24 ॥

tamāttabāṇāsanamāhavonmukhaṃ khamāstṛṇantaṃ vividhaiḥ śarottamaiḥ| avaikṣatākṣaṃ bahumānacakṣuṣā jagāma cintāṃ sa ca mārutātmajaḥ || 47.24 ||

Beholding Aksha, bow in hand, eager for battle, covering the sky with his many excellent arrows, the son of the Wind gazed upon him with high regard, and fell to thought.

Shloka 25 (sundara.47.25)

ततः शरैर्भिन्नभुजान्तरः कपिः कुमारवर्येण महात्मना नदन्। महाभुजः कर्मविशेषतत्त्वविद् विचिन्तयामास रणे पराक्रमम् ॥ 47.25 ॥

tataḥ śarairbhinnabhujāntaraḥ kapiḥ kumāravaryeṇa mahātmanā nadan| mahābhujaḥ karmaviśeṣatattvavid vicintayāmāsa raṇe parākramam || 47.25 ||

Then the monkey, his chest pierced between the arms by the arrows of that great-souled and excellent prince, roaring, mighty-armed, versed in the true art of exceptional feats, pondered his course of action in that battle.

Shloka 26 (sundara.47.26)

अबालवद् बालदिवाकरप्रभः करोत्ययं कर्म महन्महाबलः। न चास्य सर्वाहवकर्मशालिनः प्रमापणे मे मतिरत्र जायते ॥ 47.26 ॥

abālavad bāladivākaraprabhaḥ karotyayaṃ karma mahanmahābalaḥ| na cāsya sarvāhavakarmaśālinaḥ pramāpaṇe me matiratra jāyate || 47.26 ||

"Radiant as the newly risen sun, this one, though a boy, does no boy's deed but a great and mighty one; and my mind does not incline toward slaying him, so accomplished is he in every art of war."

Shloka 27 (sundara.47.27)

अयं महात्मा च महांश्च वीर्यतः समाहितश्चातिसहश्च संयुगे। असंशयं कर्मगुणोदयादयं सनागयक्षैर्मुनिभिश्च पूजितः ॥ 47.27 ॥

ayaṃ mahātmā ca mahāṃśca vīryataḥ samāhitaścātisahaśca saṃyuge| asaṃśayaṃ karmaguṇodayādayaṃ sanāgayakṣairmunibhiśca pūjitaḥ || 47.27 ||

"This one is great-souled, and great in valour too, composed and utterly enduring in combat; without doubt, by the excellence of his deeds, he is one honoured by the Nagas, the Yakshas and the sages."

Shloka 28 (sundara.47.28)

पराक्रमोत्साहविवृद्धमानसः- समीक्षते मां प्रमुखोऽग्रतः स्थितः। पराक्रमो ह्यस्य मनांसि कम्पयेत् सुरासुराणामपि शीघ्रकारिणः ॥ 47.28 ॥

parākramotsāhavivṛddhamānasaḥ- samīkṣate māṃ pramukho'grataḥ sthitaḥ| parākramo hyasya manāṃsi kampayet surāsurāṇāmapi śīghrakāriṇaḥ || 47.28 ||

"His mind swelling with valour and zeal, he stands foremost before me and gazes at me; his prowess, so swift in action, could indeed shake the hearts even of gods and demons."

Shloka 29 (sundara.47.29)

न खल्वयं नाभिभवेदुपेक्षितः पराक्रमो ह्यस्य रणे विवर्धते। प्रमापणं ह्यस्य ममाद्य रोचते न वर्धमानोऽग्निरुपेक्षितुं क्षमः ॥ 47.29 ॥

na khalvayaṃ nābhibhavedupekṣitaḥ parākramo hyasya raṇe vivardhate| pramāpaṇaṃ hyasya mamādya rocate na vardhamāno'gnirupekṣituṃ kṣamaḥ || 47.29 ||

"Surely, if left unchecked, he would not fail to overpower me — for his prowess only grows the longer this battle lasts. Today it pleases me indeed to slay him; a growing fire cannot safely be disregarded."

Shloka 30 (sundara.47.30)

इति प्रवेगं तु परस्य तर्कयन् स्वकर्मयोगं च विधाय वीर्यवान्। चकार वेगं तु महाबलस्तदा मतिं च चक्रेऽस्य वधे तदानीम् ॥ 47.30 ॥

iti pravegaṃ tu parasya tarkayan svakarmayogaṃ ca vidhāya vīryavān| cakāra vegaṃ tu mahābalastadā matiṃ ca cakre'sya vadhe tadānīm || 47.30 ||

Thus weighing his foe's mounting force, and resolving on his own course of action, that mighty and valiant one then quickened his own speed, and made up his mind then and there to slay him.

Shloka 31 (sundara.47.31)

स तस्य तानष्ट वरान् महाहयान् समाहितान् भारसहान् विवर्तने। जघान वीरः पथि वायुसेविते तलप्रहारैः पवनात्मजः कपिः ॥ 47.31 ॥

sa tasya tānaṣṭa varān mahāhayān samāhitān bhārasahān vivartane| jaghāna vīraḥ pathi vāyusevite talaprahāraiḥ pavanātmajaḥ kapiḥ || 47.31 ||

That heroic monkey, son of the Wind, moving through the path traversed by the wind, slew with blows of his palm those eight excellent great horses of his, well-matched, able to bear the load, and skilled in wheeling about.

Shloka 32 (sundara.47.32)

ततस्तलेनाभिहतो महारथः स तस्य पिङ्गाधिपमन्त्रिनिर्जितः। स भग्ननीडः परिवृत्तकूबरः पपात भूमौ हतवाजिरम्बरात् ॥ 47.32 ॥

tatastalenābhihato mahārathaḥ sa tasya piṅgādhipamantrinirjitaḥ| sa bhagnanīḍaḥ parivṛttakūbaraḥ papāta bhūmau hatavājirambarāt || 47.32 ||

Then that great chariot, struck by his palm-blow, vanquished by that counsellor of the lord of the tawny monkeys, its axle-frame shattered, its yoke overturned, fell from the sky to the ground, its horses slain.

Shloka 33 (sundara.47.33)

स तं परित्यज्य महारथो रथं सकार्मुकः खड्गधरः खमुत्पतन्। ततोऽभियोगादृषिरुग्रवीर्यवान् विहाय देहं मरुतामिवालयम् ॥ 47.33 ॥

sa taṃ parityajya mahāratho rathaṃ sakārmukaḥ khaḍgadharaḥ khamutpatan| tato'bhiyogādṛṣirugravīryavān vihāya dehaṃ marutāmivālayam || 47.33 ||

Abandoning that chariot, that great charioteer, bow and sword in hand, leapt up into the sky — like some fierce and mighty sage who, driven by the force of his ardour, casts off his body and leaves behind even the very haunt of the winds.

Shloka 34 (sundara.47.34)

कपिस्ततस्तं विचरन्तमम्बरे पतत्त्रिराजानिलसिद्धसेविते। समेत्य तं मारुतवेगविक्रमः क्रमेण जग्राह च पादयोर्दृढम् ॥ 47.34 ॥

kapistatastaṃ vicarantamambare patattrirājānilasiddhasevite| sametya taṃ mārutavegavikramaḥ krameṇa jagrāha ca pādayordṛḍham || 47.34 ||

Then the monkey, swift as the wind in his prowess, closing upon him as he ranged through the sky frequented by the king of birds, the wind-gods and the siddhas, seized him firmly, in due order, by the two feet.

Shloka 35 (sundara.47.35)

स तं समाविध्य सहस्रशः कपि- र्महोरगं गृह्य इवाण्डजेश्वरः। मुमोच वेगात् पितृतुल्यविक्रमो महीतले संयति वानरोत्तमः ॥ 47.35 ॥

sa taṃ samāvidhya sahasraśaḥ kapi- rmahoragaṃ gṛhya ivāṇḍajeśvaraḥ| mumoca vegāt pitṛtulyavikramo mahītale saṃyati vānarottamaḥ || 47.35 ||

That best of monkeys, of valour equal to his father's, whirling him around a thousand times, like the lord of birds seizing and whirling a great serpent, hurled him with great force down to the ground in that combat.

Shloka 36 (sundara.47.36)

स भग्नबाहूरुकटीपयोधरः क्षरन्नसृङ्निर्मथितास्थिलोचनः। सम्भिन्नसंधिः प्रविकीर्णबन्धनो हतः क्षितौ वायुसुतेन राक्षसः ॥ 47.36 ॥

sa bhagnabāhūrukaṭīpayodharaḥ kṣarannasṛṅnirmathitāsthilocanaḥ| sambhinnasaṃdhiḥ pravikīrṇabandhano hataḥ kṣitau vāyusutena rākṣasaḥ || 47.36 ||

With his arms, thighs, waist and chest broken, blood flowing, his bones and eyes crushed, his joints shattered, his frame torn apart, that rakshasa was slain upon the ground by the son of the Wind.

Shloka 37 (sundara.47.37)

महाकपिर्भूमितले निपीड्य तं चकार रक्षोऽधिपतेर्महद्भयम्। महर्षिभिश्चक्रचरैः समागतैः समेत्य भूतैश्च सयक्षपन्नगैः। सुरैश्च सेन्द्रैर्भृशजातविस्मयै- र्हते कुमारे स कपिर्निरीक्षितः ॥ 47.37 ॥

mahākapirbhūmitale nipīḍya taṃ cakāra rakṣo'dhipatermahadbhayam| maharṣibhiścakracaraiḥ samāgataiḥ sametya bhūtaiśca sayakṣapannagaiḥ| suraiśca sendrairbhṛśajātavismayai- rhate kumāre sa kapirnirīkṣitaḥ || 47.37 ||

The great monkey, having crushed him upon the ground, struck great terror into the lord of the rakshasas; and when the prince was slain, that monkey was watched by the great sages who move in their orbits, gathered there together with spirit-beings, Yakshas and serpents, and by the gods with Indra, all filled with intense wonder.

Shloka 38 (sundara.47.38)

निहत्य तं वज्रिसुतोपमं रणे कुमारमक्षं क्षतजोपमेक्षणम्। तदेव वीरोऽभिजगाम तोरणं कृतक्षणः काल इव प्रजाक्षये ॥ 47.38 ॥

nihatya taṃ vajrisutopamaṃ raṇe kumāramakṣaṃ kṣatajopamekṣaṇam| tadeva vīro'bhijagāma toraṇaṃ kṛtakṣaṇaḥ kāla iva prajākṣaye || 47.38 ||

Having slain in that battle prince Aksha, equal to Indra's own son, his eyes red as blood, that hero went back to that very archway, like Time itself, its moment come, for the destruction of all creatures.