The Return to Mount Mahendra

Shloka 1 (sundara.57.1)

आप्लुत्य च महावेगः पक्षवानिव पर्वतः। भुजङ्गयक्षगन्धर्वप्रबुद्धकमलोत्पलम् ॥ 57.1 ॥

āplutya ca mahāvegaḥ pakṣavāniva parvataḥ| bhujaṅgayakṣagandharvaprabuddhakamalotpalam || 57.1 ||

And leaping with tremendous speed, like a winged mountain, across that sky-ocean whose lotuses and blue lotuses had been made to bloom by nagas, yakshas, and gandharvas —

Shloka 2 (sundara.57.2)

स चन्द्रकुमुदं रम्यं सार्ककारण्डवं शुभम्। तिष्यश्रवणकादम्बमभ्रशैवलशाद्वलम् ॥ 57.2 ॥

sa candrakumudaṃ ramyaṃ sārkakāraṇḍavaṃ śubham| tiṣyaśravaṇakādambamabhraśaivalaśādvalam || 57.2 ||

— that lovely, auspicious sky-ocean, in which the moon was its white water-lily, the sun its karandava-duck, the constellations Pushya and Shravana its flock of wild geese, the clouds its moss and water-weed —

Shloka 3 (sundara.57.3)

पुनर्वसुमहामीनं लोहिताङ्गमहाग्रहम्। ऐरावतमहाद्वीपं स्वातीहंसविलासितम् ॥ 57.3 ॥

punarvasumahāmīnaṃ lohitāṅgamahāgraham| airāvatamahādvīpaṃ svātīhaṃsavilāsitam || 57.3 ||

— the Punarvasu constellation its great fish, the red planet Mars its great crocodile, the Airavata asterism its vast island, graced by the Svati star as its swan —

Shloka 4 (sundara.57.4)

वातसंघातजालोर्मिचन्द्रांशुशिशिराम्बुमत्। हनूमानपरिश्रान्तः पुप्लुवे गगनार्णवम् ॥ 57.4 ॥

vātasaṃghātajālormicandrāṃśuśiśirāmbumat| hanūmānapariśrāntaḥ pupluve gaganārṇavam || 57.4 ||

— with gusts of wind as its network of waves, moonbeams as its cool water — that sky-ocean did Hanuman leap across, unwearied.

Shloka 5 (sundara.57.5)

ग्रसमान इवाकाशं ताराधिपमिवोल्लिखन्। हरन्निव सनक्षत्रं गगनं सार्कमण्डलम् ॥ 57.5 ॥

grasamāna ivākāśaṃ tārādhipamivollikhan| haranniva sanakṣatraṃ gaganaṃ sārkamaṇḍalam || 57.5 ||

As if swallowing the very sky, as if grazing the moon, as if carrying off the whole heaven together with its stars and the sun's orb,

Shloka 6 (sundara.57.6)

अपारमपरिश्रान्तश्चाम्बुधिं समगाहत। हनूमान् मेघजालानि विकर्षन्निव गच्छति ॥ 57.6 ॥

apāramapariśrāntaścāmbudhiṃ samagāhata| hanūmān meghajālāni vikarṣanniva gacchati || 57.6 ||

— unwearied, he plunged into that boundless expanse. Hanuman went on as though dragging apart the masses of clouds.

Shloka 7 (sundara.57.7)

पाण्डुरारुणवर्णानि नीलमाञ्जिष्ठकानि च। हरितारुणवर्णानि महाभ्राणि चकाशिरे ॥ 57.7 ॥

pāṇḍurāruṇavarṇāni nīlamāñjiṣṭhakāni ca| haritāruṇavarṇāni mahābhrāṇi cakāśire || 57.7 ||

Great clouds of pale-red hue, of blue and madder-red, and of green and russet, shone brightly around him.

Shloka 8 (sundara.57.8)

प्रविशन्नभ्रजालानि निष्क्रमंश्च पुनः पुनः। प्रकाशश्चाप्रकाशश्च चन्द्रमा इव दृश्यते ॥ 57.8 ॥

praviśannabhrajālāni niṣkramaṃśca punaḥ punaḥ| prakāśaścāprakāśaśca candramā iva dṛśyate || 57.8 ||

Entering the banks of cloud and emerging again and again, now visible, now hidden, he appeared like the moon.

Shloka 9 (sundara.57.9)

विविधाभ्रघनापन्नगोचरो धवलाम्बरः। दृश्यादृश्यतनुर्वीरस्तथा चन्द्रायतेऽम्बरे ॥ 57.9 ॥

vividhābhraghanāpannagocaro dhavalāmbaraḥ| dṛśyādṛśyatanurvīrastathā candrāyate'mbare || 57.9 ||

That white-clad hero, his path lost in the various dense cloud-banks, his form now seen, now unseen, thus shone in the sky like the moon.

Shloka 10 (sundara.57.10)

तार्क्ष््यायमाणो गगने स बभौ वायुनन्दनः। दारयन् मेघवृन्दानि निष्पतंश्च पुनः पुनः ॥ 57.10 ॥

tārkṣyāyamāṇo gagane sa babhau vāyunandanaḥ| dārayan meghavṛndāni niṣpataṃśca punaḥ punaḥ || 57.10 ||

Tearing through the banks of clouds and darting forth again and again, that son of the Wind-god shone in the sky as though he were Garuda himself.

Shloka 11 (sundara.57.11)

नदन् नादेन महता मेघस्वनमहास्वनः। प्रवरान् राक्षसान् हत्वा नाम विश्राव्य चात्मनः ॥ 57.11 ॥

nadan nādena mahatā meghasvanamahāsvanaḥ| pravarān rākṣasān hatvā nāma viśrāvya cātmanaḥ || 57.11 ||

Roaring with a mighty roar as loud as the thunder of clouds — he who, having slain the foremost demons and proclaimed his own name,

Shloka 12 (sundara.57.12)

आकुलां नगरीं कृत्वा व्यथयित्वा च रावणम्। अर्दयित्वा महावीरान् वैदेहीमभिवाद्य च ॥ 57.12 ॥

ākulāṃ nagarīṃ kṛtvā vyathayitvā ca rāvaṇam| ardayitvā mahāvīrān vaidehīmabhivādya ca || 57.12 ||

— having thrown the city into confusion, having caused Ravana anguish, having crushed the great warriors, and having saluted Vaidehi —

Shloka 13 (sundara.57.13)

आजगाम महातेजाः पुनर्मध्येन सागरम्। पर्वतेन्द्रं सुनाभं च समुपस्पृश्य वीर्यवान् ॥ 57.13 ॥

ājagāma mahātejāḥ punarmadhyena sāgaram| parvatendraṃ sunābhaṃ ca samupaspṛśya vīryavān || 57.13 ||

— that greatly radiant, valiant one came back once more across the middle of the ocean, and having touched the lord of mountains, Sunabha,

Shloka 14 (sundara.57.14)

ज्यामुक्त इव नाराचो महावेगोऽभ्युपागमत्। स किंचिदारात् सम्प्राप्तः समालोक्य महागिरिम् ॥ 57.14 ॥

jyāmukta iva nārāco mahāvego'bhyupāgamat| sa kiṃcidārāt samprāptaḥ samālokya mahāgirim || 57.14 ||

— sped onward with tremendous force, like an iron arrow loosed from the bowstring. Having drawn a little nearer and beheld that great mountain,

Shloka 15 (sundara.57.15)

महेन्द्रं मेघसंकाशं ननाद स महाकपिः। स पूरयामास कपिर्दिशो दश समन्ततः ॥ 57.15 ॥

mahendraṃ meghasaṃkāśaṃ nanāda sa mahākapiḥ| sa pūrayāmāsa kapirdiśo daśa samantataḥ || 57.15 ||

— Mount Mahendra, resembling a cloud, that great monkey let out a roar. That monkey filled all ten directions around him with his cry.

Shloka 16 (sundara.57.16)

नदन् नादेन महता मेघस्वनमहास्वनः। स तं देशमनुप्राप्तः सुहृद्दर्शनलालसः ॥ 57.16 ॥

nadan nādena mahatā meghasvanamahāsvanaḥ| sa taṃ deśamanuprāptaḥ suhṛddarśanalālasaḥ || 57.16 ||

Roaring with a mighty roar as loud as thunder, he, eager to see his friends, having reached that region,

Shloka 17 (sundara.57.17)

ननाद सुमहानादं लाङ्गूलं चाप्यकम्पयत्। तस्य नानद्यमानस्य सुपर्णाचरिते पथि ॥ 57.17 ॥

nanāda sumahānādaṃ lāṅgūlaṃ cāpyakampayat| tasya nānadyamānasya suparṇācarite pathi || 57.17 ||

— let out a tremendous roar and made his tail quiver too. As he, on that sky-path traversed by Garuda, roared again and again,

Shloka 18 (sundara.57.18)

फलतीवास्य घोषेण गगनं सार्कमण्डलम्। ये तु तत्रोत्तरे कूले समुद्रस्य महाबलाः ॥ 57.18 ॥

phalatīvāsya ghoṣeṇa gaganaṃ sārkamaṇḍalam| ye tu tatrottare kūle samudrasya mahābalāḥ || 57.18 ||

— the sky, with the sun's very orb, seemed to split open at the sound of his roar. And those mighty ones who, on the northern shore of the ocean —

Shloka 19 (sundara.57.19)

पूर्वं संविष्ठिताः शूरा वायुपुत्रदिदृक्षवः। महतो वायुनुन्नस्य तोयदस्येव निःस्वनम्। शुश्रुवुस्ते तदा घोषमूरुवेगं हनूमतः ॥ 57.19 ॥

pūrvaṃ saṃviṣṭhitāḥ śūrā vāyuputradidṛkṣavaḥ| mahato vāyununnasya toyadasyeva niḥsvanam| śuśruvuste tadā ghoṣamūruvegaṃ hanūmataḥ || 57.19 ||

— heroes who had been stationed there since before, eager to see the son of the Wind-god, then heard the sound of Hanuman's mighty thigh-strokes, resembling the roar of a great, wind-driven rain-cloud.

Shloka 20 (sundara.57.20)

ते दीनमनसः सर्वे शुश्रुवुः काननौकसः। वानरेन्द्रस्य निर्घोषं पर्जन्यनिनदोपमम् ॥ 57.20 ॥

te dīnamanasaḥ sarve śuśruvuḥ kānanaukasaḥ| vānarendrasya nirghoṣaṃ parjanyaninadopamam || 57.20 ||

All those forest-dwelling monkeys, downcast in mind, heard the roar of that lord of monkeys, resembling the thunder of the rain-clouds.

Shloka 21 (sundara.57.21)

निशम्य नदतो नादं वानरास्ते समन्ततः। बभूवुरुत्सुकाः सर्वे सुहृद्दर्शनकाङ्क्षिणः ॥ 57.21 ॥

niśamya nadato nādaṃ vānarāste samantataḥ| babhūvurutsukāḥ sarve suhṛddarśanakāṅkṣiṇaḥ || 57.21 ||

Hearing the roar of him who thus cried out, those monkeys all around became eager, longing to see their friend.

Shloka 22 (sundara.57.22)

जाम्बवान् स हरिश्रेष्ठः प्रीतिसंहृष्टमानसः। उपामन्त्र्य हरीन् सर्वानिदं वचनमब्रवीत् ॥ 57.22 ॥

jāmbavān sa hariśreṣṭhaḥ prītisaṃhṛṣṭamānasaḥ| upāmantrya harīn sarvānidaṃ vacanamabravīt || 57.22 ||

Jambavan, foremost of the monkeys, his heart thrilled with joy, having summoned all the monkeys, spoke these words.

Shloka 23 (sundara.57.23)

सर्वथा कृतकार्योऽसौ हनूमान् नात्र संशयः। न ह्यस्याकृतकार्यस्य नाद एवंविधो भवेत् ॥ 57.23 ॥

sarvathā kṛtakāryo'sau hanūmān nātra saṃśayaḥ| na hyasyākṛtakāryasya nāda evaṃvidho bhavet || 57.23 ||

"Without doubt, this Hanuman has in every way accomplished his task; for had his task remained unfulfilled, his roar would not be of this kind."

Shloka 24 (sundara.57.24)

तस्य बाहूरुवेगं च निनादं च महात्मनः। निशम्य हरयो हृष्टाः समुत्पेतुर्यतस्ततः ॥ 57.24 ॥

tasya bāhūruvegaṃ ca ninādaṃ ca mahātmanaḥ| niśamya harayo hṛṣṭāḥ samutpeturyatastataḥ || 57.24 ||

Hearing the force of that great one's arms and thighs, and his roar, the delighted monkeys leapt up from every side.

Shloka 25 (sundara.57.25)

ते नगाग्रान्नगाग्राणि शिखराच्छिखराणि च। प्रहृष्टाः समपद्यन्त हनूमन्तं दिदृक्षवः ॥ 57.25 ॥

te nagāgrānnagāgrāṇi śikharācchikharāṇi ca| prahṛṣṭāḥ samapadyanta hanūmantaṃ didṛkṣavaḥ || 57.25 ||

Overjoyed, longing to see Hanuman, they sprang from treetop to treetop, and from mountain-peak to mountain-peak.

Shloka 26 (sundara.57.26)

ते प्रीताः पादपाग्रेषु गृह्य शाखामवस्थिताः। वासांसि च प्रकाशानि समाविध्यन्त वानराः ॥ 57.26 ॥

te prītāḥ pādapāgreṣu gṛhya śākhāmavasthitāḥ| vāsāṃsi ca prakāśāni samāvidhyanta vānarāḥ || 57.26 ||

Those delighted monkeys, standing at the treetops with branches in hand, waved their bright garments.

Shloka 27 (sundara.57.27)

गिरिगह्वरसंलीनो यथा गर्जति मारुतः। एवं जगर्ज बलवान् हनूमान् मारुतात्मजः ॥ 57.27 ॥

girigahvarasaṃlīno yathā garjati mārutaḥ| evaṃ jagarja balavān hanūmān mārutātmajaḥ || 57.27 ||

As the wind roars when it settles within a mountain cave, so did the mighty Hanuman, son of the Wind-god, roar.

Shloka 28 (sundara.57.28)

तमभ्रघनसंकाशमापतन्तं महाकपिम्। दृष्ट्वा ते वानराः सर्वे तस्थुः प्राञ्जलयस्तदा ॥ 57.28 ॥

tamabhraghanasaṃkāśamāpatantaṃ mahākapim| dṛṣṭvā te vānarāḥ sarve tasthuḥ prāñjalayastadā || 57.28 ||

Seeing that great monkey descending, resembling a dense cloud, all those monkeys then stood there with joined palms.

Shloka 29 (sundara.57.29)

ततस्तु वेगवान् वीरो गिरेर्गिरिनिभः कपिः। निपपात गिरेस्तस्य शिखरे पादपाकुले ॥ 57.29 ॥

tatastu vegavān vīro girergirinibhaḥ kapiḥ| nipapāta girestasya śikhare pādapākule || 57.29 ||

Then that swift hero, that mountain-like monkey, alighted upon the summit of that mountain, thick with trees.

Shloka 30 (sundara.57.30)

हर्षेणापूर्यमाणोऽसौ रम्ये पर्वतनिर्झरे। छिन्नपक्ष इवाकाशात् पपात धरणीधरः ॥ 57.30 ॥

harṣeṇāpūryamāṇo'sau ramye parvatanirjhare| chinnapakṣa ivākāśāt papāta dharaṇīdharaḥ || 57.30 ||

Brimming with joy, he, like a mountain whose wings had been shorn, fell from the sky into that lovely mountain-cascade.

Shloka 31 (sundara.57.31)

ततस्ते प्रीतमनसः सर्वे वानरपुङ्गवाः। हनूमन्तं महात्मानं परिवार्योपतस्थिरे ॥ 57.31 ॥

tataste prītamanasaḥ sarve vānarapuṅgavāḥ| hanūmantaṃ mahātmānaṃ parivāryopatasthire || 57.31 ||

Then all those glad-hearted, foremost monkeys gathered around the great-souled Hanuman and stood close by him.

Shloka 32 (sundara.57.32)

परिवार्य च ते सर्वे परां प्रीतिमुपागताः। प्रहृष्टवदनाः सर्वे तमागतमुपागमन् ॥ 57.32 ॥

parivārya ca te sarve parāṃ prītimupāgatāḥ| prahṛṣṭavadanāḥ sarve tamāgatamupāgaman || 57.32 ||

Having surrounded him, all filled with the greatest joy, their faces beaming with delight, they all came up to him who had returned.

Shloka 33 (sundara.57.33)

उपायनानि चादाय मूलानि च फलानि च। प्रत्यर्चयन् हरिश्रेष्ठं हरयो मारुतात्मजम् ॥ 57.33 ॥

upāyanāni cādāya mūlāni ca phalāni ca| pratyarcayan hariśreṣṭhaṃ harayo mārutātmajam || 57.33 ||

Bringing gift-offerings of roots and fruits, the monkeys paid homage to that foremost of monkeys, the son of the Wind-god.

Shloka 34 (sundara.57.34)

विनेदुर्मुदिताः केचित् केचित् किलकिलां तथा। हृष्टाः पादपशाखाश्च आनिन्युर्वानरर्षभाः ॥ 57.34 ॥

vinedurmuditāḥ kecit kecit kilakilāṃ tathā| hṛṣṭāḥ pādapaśākhāśca āninyurvānararṣabhāḥ || 57.34 ||

Some, overjoyed, cried aloud; others made a chattering sound of glee; and those delighted bulls among monkeys brought branches of trees as well.

Shloka 35 (sundara.57.35)

हनूमांस्तु गुरून् वृद्धाञ्जाम्बवत्प्रमुखांस्तदा। कुमारमङ्गदं चैव सोऽवन्दत महाकपिः ॥ 57.35 ॥

hanūmāṃstu gurūn vṛddhāñjāmbavatpramukhāṃstadā| kumāramaṅgadaṃ caiva so'vandata mahākapiḥ || 57.35 ||

Then that great monkey Hanuman paid homage to his elders and seniors, headed by Jambavan, and to the prince Angada as well.

Shloka 36 (sundara.57.36)

स ताभ्यां पूजितः पूज्यः कपिभिश्च प्रसादितः। दृष्टा देवीति विक्रान्तः संक्षेपेण न्यवेदयत् ॥ 57.36 ॥

sa tābhyāṃ pūjitaḥ pūjyaḥ kapibhiśca prasāditaḥ| dṛṣṭā devīti vikrāntaḥ saṃkṣepeṇa nyavedayat || 57.36 ||

Honored by those two, worthy of honor, and gladdened by the other monkeys as well, that valiant one announced in brief: "The princess has been seen."

Shloka 37 (sundara.57.37)

निषसाद च हस्तेन गृहीत्वा वालिनः सुतम्। रमणीये वनोद्देशे महेन्द्रस्य गिरेस्तदा ॥ 57.37 ॥

niṣasāda ca hastena gṛhītvā vālinaḥ sutam| ramaṇīye vanoddeśe mahendrasya girestadā || 57.37 ||

Then, taking the hand of Vali's son Angada, he sat down in a lovely wooded spot on Mount Mahendra.

Shloka 38 (sundara.57.38)

हनूमानब्रवीत् पृष्टस्तदा तान् वानरर्षभान्। अशोकवनिकासंस्था दृष्टा सा जनकात्मजा ॥ 57.38 ॥

hanūmānabravīt pṛṣṭastadā tān vānararṣabhān| aśokavanikāsaṃsthā dṛṣṭā sā janakātmajā || 57.38 ||

Being questioned, Hanuman said to those foremost monkeys: "That daughter of Janaka was seen by me, dwelling in the Ashoka grove,"

Shloka 39 (sundara.57.39)

रक्ष्यमाणा सुघोराभी राक्षसीभिरनिन्दिता। एकवेणीधरा बाला रामदर्शनलालसा ॥ 57.39 ॥

rakṣyamāṇā sughorābhī rākṣasībhiraninditā| ekaveṇīdharā bālā rāmadarśanalālasā || 57.39 ||

"— guarded by most terrible demonesses, that blameless one, a young woman wearing but a single braid, longing to see Rama,"

Shloka 40 (sundara.57.40)

उपवासपरिश्रान्ता मलिना जटिला कृशा। ततो दृष्टेति वचनं महार्थममृतोपमम् ॥ 57.40 ॥

upavāsapariśrāntā malinā jaṭilā kṛśā| tato dṛṣṭeti vacanaṃ mahārthamamṛtopamam || 57.40 ||

"— worn thin by fasting, soiled, her hair matted, emaciated." Then, on hearing that weighty word, "she has been seen," so like nectar,

Shloka 41 (sundara.57.41)

निशम्य मारुतेः सर्वे मुदिता वानराभवन्। क्ष्वेडन्त्यन्ये नदन्त्यन्ये गर्जन्त्यन्ये महाबलाः ॥ 57.41 ॥

niśamya māruteḥ sarve muditā vānarābhavan| kṣveḍantyanye nadantyanye garjantyanye mahābalāḥ || 57.41 ||

— hearing it from the son of the Wind-god, all the monkeys became overjoyed. Some mighty ones hissed with delight, some cried out, others roared,

Shloka 42 (sundara.57.42)

चक्रुः किलकिलामन्ये प्रतिगर्जन्ति चापरे। केचिदुच्छ्रितलाङ्गूलाः प्रहृष्टाः कपिकुञ्जराः ॥ 57.42 ॥

cakruḥ kilakilāmanye pratigarjanti cāpare| keciducchritalāṅgūlāḥ prahṛṣṭāḥ kapikuñjarāḥ || 57.42 ||

some made a joyous chatter, others roared back in reply; some elephant-like monkeys, overjoyed, holding their tails aloft,

Shloka 43 (sundara.57.43)

आयताञ्चितदीर्घाणि लाङ्गूलानि प्रविव्यधुः। अपरे तु हनूमन्तं श्रीमन्तं वानरोत्तमम् ॥ 57.43 ॥

āyatāñcitadīrghāṇi lāṅgūlāni pravivyadhuḥ| apare tu hanūmantaṃ śrīmantaṃ vānarottamam || 57.43 ||

lashed about their long, curved, outstretched tails; while others, that glorious foremost of monkeys, Hanuman,

Shloka 44 (sundara.57.44)

आप्लुत्य गिरिशृङ्गेषु संस्पृशन्ति स्म हर्षिताः। उक्तवाक्यं हनूमन्तमङ्गदस्तु तदाब्रवीत् ॥ 57.44 ॥

āplutya giriśṛṅgeṣu saṃspṛśanti sma harṣitāḥ| uktavākyaṃ hanūmantamaṅgadastu tadābravīt || 57.44 ||

leaping about on the mountain-peaks, joyfully touched. Then Angada spoke these words to Hanuman, who had finished speaking,

Shloka 45 (sundara.57.45)

सर्वेषां हरिवीराणां मध्ये वाचमनुत्तमाम्। सत्त्वे वीर्ये न ते कश्चित् समो वानर विद्यते ॥ 57.45 ॥

sarveṣāṃ harivīrāṇāṃ madhye vācamanuttamām| sattve vīrye na te kaścit samo vānara vidyate || 57.45 ||

— in the midst of all the monkey-heroes, this most excellent speech: "O monkey, there is no one equal to you in strength and valor,"

Shloka 46 (sundara.57.46)

यदवप्लुत्य विस्तीर्णं सागरं पुनरागतः। जीवितस्य प्रदाता नस्त्वमेको वानरोत्तम ॥ 57.46 ॥

yadavaplutya vistīrṇaṃ sāgaraṃ punarāgataḥ| jīvitasya pradātā nastvameko vānarottama || 57.46 ||

"since, having leapt across the vast ocean and returned, you alone, O best of monkeys, are as it were the giver of life to us."

Shloka 47 (sundara.57.47)

त्वत्प्रसादात् समेष्यामः सिद्धार्था राघवेण ह। अहो स्वामिनि ते भक्तिरहो वीर्यमहो धृतिः ॥ 57.47 ॥

tvatprasādāt sameṣyāmaḥ siddhārthā rāghaveṇa ha| aho svāmini te bhaktiraho vīryamaho dhṛtiḥ || 57.47 ||

"By your grace, our purpose accomplished, we shall be reunited with Raghava. Ah, such devotion to your lord! Ah, such valor! Ah, such fortitude!"

Shloka 48 (sundara.57.48)

दिष्ट्या दृष्टा त्वया देवी रामपत्नी यशस्विनी। दिष्ट्या त्यक्ष्यति काकुत्स्थः शोकं सीतावियोगजम् ॥ 57.48 ॥

diṣṭyā dṛṣṭā tvayā devī rāmapatnī yaśasvinī| diṣṭyā tyakṣyati kākutsthaḥ śokaṃ sītāviyogajam || 57.48 ||

"By good fortune, you have seen the illustrious princess, Rama's consort. By good fortune, Kakutstha shall now cast off the grief born of Sita's separation."

Shloka 49 (sundara.57.49)

ततोऽङ्गदं हनूमन्तं जाम्बवन्तं च वानराः। परिवार्य प्रमुदिता भेजिरे विपुलाः शिलाः ॥ 57.49 ॥

tato'ṅgadaṃ hanūmantaṃ jāmbavantaṃ ca vānarāḥ| parivārya pramuditā bhejire vipulāḥ śilāḥ || 57.49 ||

Then the monkeys, overjoyed, gathering around Angada, Hanuman, and Jambavan, took their seats upon the broad rocks.

Shloka 50 (sundara.57.50)

उपविष्टा गिरेस्तस्य शिलासु विपुलासु ते। श्रोतुकामाः समुद्रस्य लङ्घनं वानरोत्तमाः ॥ 57.50 ॥

upaviṣṭā girestasya śilāsu vipulāsu te| śrotukāmāḥ samudrasya laṅghanaṃ vānarottamāḥ || 57.50 ||

Those foremost of monkeys, seated on the broad rocks of that mountain, were eager to hear of the crossing of the ocean,

Shloka 51 (sundara.57.51)

दर्शनं चापि लङ्कायाः सीताया रावणस्य च। तस्थुः प्राञ्जलयः सर्वे हनूमद्वदनोन्मुखाः ॥ 57.51 ॥

darśanaṃ cāpi laṅkāyāḥ sītāyā rāvaṇasya ca| tasthuḥ prāñjalayaḥ sarve hanūmadvadanonmukhāḥ || 57.51 ||

and of the sight of Lanka, of Sita, and of Ravana as well. All of them sat with joined palms, their faces turned expectantly toward Hanuman.

Shloka 52 (sundara.57.52)

तस्थौ तत्राङ्गदः श्रीमान् वानरैर्बहुभिर्वृतः। उपास्यमानो विबुधैर्दिवि देवपतिर्यथा ॥ 57.52 ॥

tasthau tatrāṅgadaḥ śrīmān vānarairbahubhirvṛtaḥ| upāsyamāno vibudhairdivi devapatiryathā || 57.52 ||

There the glorious Angada sat, surrounded by many monkeys, attended upon, like the lord of the gods in heaven waited upon by the wise.

Shloka 53 (sundara.57.53)

हनूमता कीर्तिमता यशस्विना तथाङ्गदेनाङ्गदनद्धबाहुना। मुदा तदाध्यासितमुन्नतं मह- न्महीधराग्रं ज्वलितं श्रियाभवत् ॥ 57.53 ॥

hanūmatā kīrtimatā yaśasvinā tathāṅgadenāṅgadanaddhabāhunā| mudā tadādhyāsitamunnataṃ maha- nmahīdharāgraṃ jvalitaṃ śriyābhavat || 57.53 ||

With the famed and glorious Hanuman, and with prince Angada, his arms bound with armlets, seated there together in joy, that lofty, great mountain-peak blazed with splendor.