Angada's Impatience and Jambavan's Counsel

Shloka 1 (sundara.60.1)

तस्य तद् वचनं श्रुत्वा वालिसूनुरभाषत। अश्विपुत्रौ महावेगौ बलवन्तौ प्लवंगमौ ॥ 60.1 ॥

tasya tad vacanaṃ śrutvā vālisūnurabhāṣata| aśviputrau mahāvegau balavantau plavaṃgamau || 60.1 ||

Hearing those words of his, Vali's son Angada spoke: "The two sons of the Ashvins, of tremendous speed and strength, those two leaping monkeys,

Shloka 2 (sundara.60.2)

पितामहवरोत्सेकात् परमं दर्पमास्थितौ। अश्विनोर्माननार्थं हि सर्वलोकपितामहः ॥ 60.2 ॥

pitāmahavarotsekāt paramaṃ darpamāsthitau| aśvinormānanārthaṃ hi sarvalokapitāmahaḥ || 60.2 ||

"—filled with the utmost pride from the boon of their grandfather — for indeed, to honor the Ashvins, the grandfather of all worlds,

Shloka 3 (sundara.60.3)

सर्वावध्यत्वमतुलमनयोर्दत्तवान् पुरा। वरोत्सेकेन मत्तौ च प्रमथ्य महतीं चमूम् ॥ 60.3 ॥

sarvāvadhyatvamatulamanayordattavān purā| varotsekena mattau ca pramathya mahatīṃ camūm || 60.3 ||

"—long ago granted these two an unmatched inviolability against all. Intoxicated by the pride of that boon, having crushed a great army,

Shloka 4 (sundara.60.4)

सुराणाममृतं वीरौ पीतवन्तौ महाबलौ। एतावेव हि संक्रुद्धौ सवाजिरथकुञ्जराम् ॥ 60.4 ॥

surāṇāmamṛtaṃ vīrau pītavantau mahābalau| etāveva hi saṃkruddhau savājirathakuñjarām || 60.4 ||

"—these two mighty heroes drank the very nectar of the gods. These same two, when enraged, together with horses, chariots, and elephants,

Shloka 5 (sundara.60.5)

लङ्कां नाशयितुं शक्तौ सर्वे तिष्ठन्तु वानराः। अहमेकोऽपि पर्याप्तः सराक्षसगणां पुरीम् ॥ 60.5 ॥

laṅkāṃ nāśayituṃ śaktau sarve tiṣṭhantu vānarāḥ| ahameko'pi paryāptaḥ sarākṣasagaṇāṃ purīm || 60.5 ||

"—are capable of destroying Lanka. Let all the other monkeys stand aside — I alone am sufficient for that city with its hosts of demons,

Shloka 6 (sundara.60.6)

तां लङ्कां तरसा हन्तुं रावणं च महाबलम्। किं पुनः सहितो वीरैर्बलवद्भिः कृतात्मभिः ॥ 60.6 ॥

tāṃ laṅkāṃ tarasā hantuṃ rāvaṇaṃ ca mahābalam| kiṃ punaḥ sahito vīrairbalavadbhiḥ kṛtātmabhiḥ || 60.6 ||

"—to swiftly destroy that Lanka and the mighty Ravana. How much more, then, when joined by heroes so strong and disciplined,

Shloka 7 (sundara.60.7)

कृतास्त्रैः प्लवगैः शक्तैर्भवद्भिर्विजयैषिभिः। वायुसूनोर्बलेनैव दग्धा लङ्केति नः श्रुतम् ॥ 60.7 ॥

kṛtāstraiḥ plavagaiḥ śaktairbhavadbhirvijayaiṣibhiḥ| vāyusūnorbalenaiva dagdhā laṅketi naḥ śrutam || 60.7 ||

"—weapon-skilled, capable monkeys such as you, seeking victory? We have heard that Lanka was burnt by the power of the Wind-god's son alone.

Shloka 8 (sundara.60.8)

दृष्टा देवी न चानीता इति तत्र निवेदितुम्। न युक्तमिव पश्यामि भवद्भिः ख्यातपौरुषैः ॥ 60.8 ॥

dṛṣṭā devī na cānītā iti tatra niveditum| na yuktamiva paśyāmi bhavadbhiḥ khyātapauruṣaiḥ || 60.8 ||

"To go there and report merely, 'The princess has been seen, but not brought back' — this does not seem fitting to me, coming from you, of such renowned prowess.

Shloka 9 (sundara.60.9)

नहि वः प्लवने कश्चिन्नापि कश्चित् पराक्रमे। तुल्यः सामरदैत्येषु लोकेषु हरिसत्तमाः ॥ 60.9 ॥

nahi vaḥ plavane kaścinnāpi kaścit parākrame| tulyaḥ sāmaradaityeṣu lokeṣu harisattamāḥ || 60.9 ||

"For, O foremost of monkeys, among the worlds of gods and demons, no one is equal to you either in leaping or in prowess.

Shloka 10 (sundara.60.10)

जित्वा लङ्कां सरक्षौघां हत्वा तं रावणं रणे। सीतामादाय गच्छामः सिद्धार्था हृष्टमानसाः ॥ 60.10 ॥

jitvā laṅkāṃ sarakṣaughāṃ hatvā taṃ rāvaṇaṃ raṇe| sītāmādāya gacchāmaḥ siddhārthā hṛṣṭamānasāḥ || 60.10 ||

"Having conquered Lanka with its hordes of demons, and slain that Ravana in battle, let us take Sita and go, our purpose fulfilled, our hearts rejoicing.

Shloka 11 (sundara.60.11)

तेष्वेवं हतवीरेषु राक्षसेषु हनूमता। किमन्यदत्र कर्तव्यं गृहीत्वा याम जानकीम् ॥ 60.11 ॥

teṣvevaṃ hatavīreṣu rākṣaseṣu hanūmatā| kimanyadatra kartavyaṃ gṛhītvā yāma jānakīm || 60.11 ||

"With those demon-heroes thus already slain by Hanuman, what else remains to be done here? Let us take Janaki and go.

Shloka 12 (sundara.60.12)

रामलक्ष्मणयोर्मध्ये न्यस्याम जनकात्मजाम्। किं व्यलीकैस्तु तान् सर्वान् वानरान् वानरर्षभान् ॥ 60.12 ॥

rāmalakṣmaṇayormadhye nyasyāma janakātmajām| kiṃ vyalīkaistu tān sarvān vānarān vānararṣabhān || 60.12 ||

"Let us place Janaka's daughter between Rama and Lakshmana. What need is there of falsehood before all those bull-like monkeys?

Shloka 13 (sundara.60.13)

वयमेव हि गत्वा तान् हत्वा राक्षसपुङ्गवान्। राघवं द्रष्टुमर्हामः सुग्रीवं सहलक्ष्मणम् ॥ 60.13 ॥

vayameva hi gatvā tān hatvā rākṣasapuṅgavān| rāghavaṃ draṣṭumarhāmaḥ sugrīvaṃ sahalakṣmaṇam || 60.13 ||

"Let us ourselves go, having slain those foremost of demons, and be worthy to see Raghava, and Sugriva together with Lakshmana."

Shloka 14 (sundara.60.14)

तमेवं कृतसंकल्पं जाम्बवान् हरिसत्तमः। उवाच परमप्रीतो वाक्यमर्थवदर्थवित् ॥ 60.14 ॥

tamevaṃ kṛtasaṃkalpaṃ jāmbavān harisattamaḥ| uvāca paramaprīto vākyamarthavadarthavit || 60.14 ||

To him, thus resolved, Jambavan, foremost among monkeys, greatly pleased, being himself wise in meaning, spoke this meaningful reply:

Shloka 15 (sundara.60.15)

नैषा बुद्धिर्महाबुद्धे यद् ब्रवीषि महाकपे। विचेतुं वयमाज्ञप्ता दक्षिणां दिशमुत्तमाम् ॥ 60.15 ॥

naiṣā buddhirmahābuddhe yad bravīṣi mahākape| vicetuṃ vayamājñaptā dakṣiṇāṃ diśamuttamām || 60.15 ||

"This is not sound counsel, O great-minded, great monkey, that which you speak. We were commanded to search the excellent southern direction —

Shloka 16 (sundara.60.16)

नानेतुं कपिराजेन नैव रामेण धीमता। कथंचिन्निर्जितां सीतामस्माभिर्नाभिरोचयेत् ॥ 60.16 ॥

nānetuṃ kapirājena naiva rāmeṇa dhīmatā| kathaṃcinnirjitāṃ sītāmasmābhirnābhirocayet || 60.16 ||

"—not to bring her back, neither by order of the monkey-king nor of the wise Rama. It would not please them if Sita, somehow forcibly overcome, were brought by us —

Shloka 17 (sundara.60.17)

राघवो नृपशार्दूलः कुलं व्यपदिशन् स्वकम्। प्रतिज्ञाय स्वयं राजा सीताविजयमग्रतः ॥ 60.17 ॥

rāghavo nṛpaśārdūlaḥ kulaṃ vyapadiśan svakam| pratijñāya svayaṃ rājā sītāvijayamagrataḥ || 60.17 ||

"—for Raghava, that tiger among kings, mindful of his own lineage, that king himself having vowed beforehand to win back Sita in person,

Shloka 18 (sundara.60.18)

सर्वेषां कपिमुख्यानां कथं मिथ्या करिष्यति। विफलं कर्म च कृतं भवेत् तुष्टिर्न तस्य च ॥ 60.18 ॥

sarveṣāṃ kapimukhyānāṃ kathaṃ mithyā kariṣyati| viphalaṃ karma ca kṛtaṃ bhavet tuṣṭirna tasya ca || 60.18 ||

"—how could he, before all the foremost monkeys, make that vow false? The deed would be rendered fruitless for him, and he would find no satisfaction in it,

Shloka 19 (sundara.60.19)

वृथा च दर्शितं वीर्यं भवेद् वानरपुङ्गवाः। तस्माद् गच्छाम वै सर्वे यत्र रामः सलक्ष्मणः। सुग्रीवश्च महातेजाः कार्यस्यास्य निवेदने ॥ 60.19 ॥

vṛthā ca darśitaṃ vīryaṃ bhaved vānarapuṅgavāḥ| tasmād gacchāma vai sarve yatra rāmaḥ salakṣmaṇaḥ| sugrīvaśca mahātejāḥ kāryasyāsya nivedane || 60.19 ||

"—and his valor, once demonstrated, would seem to have been shown in vain, O foremost of monkeys. Therefore let us all go together, to where Rama is, with Lakshmana, and the greatly radiant Sugriva, to report this matter."

Shloka 20 (sundara.60.20)

न तावदेषा मतिरक्षमा नो यथा भवान् पश्यति राजपुत्र। यथा तु रामस्य मतिर्निविष्टा तथा भवान् पश्यतु कार्यसिद्धिम् ॥ 60.20 ॥

na tāvadeṣā matirakṣamā no yathā bhavān paśyati rājaputra| yathā tu rāmasya matirniviṣṭā tathā bhavān paśyatu kāryasiddhim || 60.20 ||

"This counsel of yours, O prince, as you see it, is not one we are able to accept; but as Rama's own mind is set, so should you look to the accomplishment of this task."