Dadhimukha's Report and Sugriva's Joy

Shloka 1 (sundara.63.1)

ततो मूर्ध्ना निपतितं वानरं वानरर्षभः। दृष्ट्वैवोद्विग्नहृदयो वाक्यमेतदुवाच ह ॥ 63.1 ॥

tato mūrdhnā nipatitaṃ vānaraṃ vānararṣabhaḥ| dṛṣṭvaivodvignahṛdayo vākyametaduvāca ha || 63.1 ||

Just on seeing that monkey (Dadhimukha) fallen with his head to the ground, Sugriva, chief of monkeys, with an agitated heart, spoke these words.

Shloka 2 (sundara.63.2)

उत्तिष्ठोत्तिष्ठ कस्मात् त्वं पादयोः पतितो मम। अभयं ते प्रदास्यामि सत्यमेवाभिधीयताम् ॥ 63.2 ॥

uttiṣṭhottiṣṭha kasmāt tvaṃ pādayoḥ patito mama| abhayaṃ te pradāsyāmi satyamevābhidhīyatām || 63.2 ||

'Rise, rise! Why have you fallen at my feet? I grant you immunity from fear -- speak only the truth.'

Shloka 3 (sundara.63.3)

किं सम्भ्रमाद्धितं कृत्स्नं ब्रूहि यद् वक्तुमर्हसि। कच्चिन्मधुवने स्वस्ति श्रोतुमिच्छामि वानर ॥ 63.3 ॥

kiṃ sambhramāddhitaṃ kṛtsnaṃ brūhi yad vaktumarhasi| kaccinmadhuvane svasti śrotumicchāmi vānara || 63.3 ||

'Tell me quickly all that has happened, whatever needs to be said. Is all well in Madhuvana? I wish to hear it, monkey.'

Shloka 4 (sundara.63.4)

स समाश्वासितस्तेन सुग्रीवेण महात्मना। उत्थाय स महाप्राज्ञो वाक्यं दधिमुखोऽब्रवीत् ॥ 63.4 ॥

sa samāśvāsitastena sugrīveṇa mahātmanā| utthāya sa mahāprājño vākyaṃ dadhimukho'bravīt || 63.4 ||

Thus reassured by the great-souled Sugriva, that highly wise Dadhimukha, rising, spoke these words:

Shloka 5 (sundara.63.5)

नैवर्क्षरजसा राजन् न त्वया न च वालिना। वनं निसृष्टपूर्वं ते नाशितं तत्तु वानरैः ॥ 63.5 ॥

naivarkṣarajasā rājan na tvayā na ca vālinā| vanaṃ nisṛṣṭapūrvaṃ te nāśitaṃ tattu vānaraiḥ || 63.5 ||

'O king, never before -- not in Riksharaja's time, nor yours, nor even Vali's -- was this grove ever left unguarded; but it has now been destroyed by these monkeys.'

Shloka 6 (sundara.63.6)

न्यवारयमहं सर्वान् सहैभिर्वनचारिभिः। अचिन्तयित्वा मां हृष्टा भक्षयन्ति पिबन्ति च ॥ 63.6 ॥

nyavārayamahaṃ sarvān sahaibhirvanacāribhiḥ| acintayitvā māṃ hṛṣṭā bhakṣayanti pibanti ca || 63.6 ||

'I, together with these forest-guards, tried to restrain all these forest-roaming monkeys, but disregarding me, they went on eating and drinking, exultant.'

Shloka 7 (sundara.63.7)

एभिः प्रधर्षणायां च वारितं वनपालकैः। मामप्यचिन्तयन् देव भक्षयन्ति वनौकसः ॥ 63.7 ॥

ebhiḥ pradharṣaṇāyāṃ ca vāritaṃ vanapālakaiḥ| māmapyacintayan deva bhakṣayanti vanaukasaḥ || 63.7 ||

'Though restrained by these grove-guards in the attempt, O lord, the forest-dwellers, disregarding even me, went on feasting.'

Shloka 8 (sundara.63.8)

शिष्टमत्रापविध्यन्ति भक्षयन्ति तथापरे। निवार्यमाणास्ते सर्वे भ्रुकुटिं दर्शयन्ति हि ॥ 63.8 ॥

śiṣṭamatrāpavidhyanti bhakṣayanti tathāpare| nivāryamāṇāste sarve bhrukuṭiṃ darśayanti hi || 63.8 ||

'What remains they fling about, while others still consume it; when restrained, all of them knit their brows at us in anger.'

Shloka 9 (sundara.63.9)

इमे हि संरब्धतरास्तदा तैः सम्प्रधर्षिताः। निवार्यन्ते वनात् तस्मात् क्रुद्धैर्वानरपुङ्गवैः ॥ 63.9 ॥

ime hi saṃrabdhatarāstadā taiḥ sampradharṣitāḥ| nivāryante vanāt tasmāt kruddhairvānarapuṅgavaiḥ || 63.9 ||

'Thus provoked by us and restrained from the grove, those enraged bull-monkeys grew still more incensed and drove the guards off.'

Shloka 10 (sundara.63.10)

ततस्तैर्बहुभिर्वीरैर्वानरैर्वानरर्षभाः। संरक्तनयनैः क्रोधाद्धरयः सम्प्रधर्षिताः ॥ 63.10 ॥

tatastairbahubhirvīrairvānarairvānararṣabhāḥ| saṃraktanayanaiḥ krodhāddharayaḥ sampradharṣitāḥ || 63.10 ||

'Then those many heroic monkeys, their eyes red with rage, O bull among monkeys, drove us guards away.'

Shloka 11 (sundara.63.11)

पाणिभिर्निहताः केचित् केचिज्जानुभिराहताः। प्रकृष्टाश्च तदा कामं देवमार्गं च दर्शिताः ॥ 63.11 ॥

pāṇibhirnihatāḥ kecit kecijjānubhirāhatāḥ| prakṛṣṭāśca tadā kāmaṃ devamārgaṃ ca darśitāḥ || 63.11 ||

'Some were struck with their hands, some were injured with their knees; some were dragged about at will and made to see the road of the gods.'

Shloka 12 (sundara.63.12)

एवमेते हताः शूरास्त्वयि तिष्ठति भर्तरि। कृत्स्नं मधुवनं चैव प्रकामं तैश्च भक्ष्यते ॥ 63.12 ॥

evamete hatāḥ śūrāstvayi tiṣṭhati bhartari| kṛtsnaṃ madhuvanaṃ caiva prakāmaṃ taiśca bhakṣyate || 63.12 ||

'Thus, my lord, even while you live, those valiant ones were struck down, and they now devour the entire Madhuvana at will.'

Shloka 13 (sundara.63.13)

एवं विज्ञाप्यमानं तं सुग्रीवं वानरर्षभम्। अपृच्छत् तं महाप्राज्ञो लक्ष्मणः परवीरहा ॥ 63.13 ॥

evaṃ vijñāpyamānaṃ taṃ sugrīvaṃ vānararṣabham| apṛcchat taṃ mahāprājño lakṣmaṇaḥ paravīrahā || 63.13 ||

While Sugriva, foremost of monkeys, was thus being informed, the highly wise Lakshmana, slayer of enemy heroes, asked him:

Shloka 14 (sundara.63.14)

किमयं वानरो राजन् वनपः प्रत्युपस्थितः। किं चार्थमभिनिर्दिश्य दुःखितो वाक्यमब्रवीत् ॥ 63.14 ॥

kimayaṃ vānaro rājan vanapaḥ pratyupasthitaḥ| kiṃ cārthamabhinirdiśya duḥkhito vākyamabravīt || 63.14 ||

'O king, why has this grove-guarding monkey come here? Pointing to what matter has he, grieving, spoken these words?'

Shloka 15 (sundara.63.15)

एवमुक्तस्तु सुग्रीवो लक्ष्मणेन महात्मना। लक्ष्मणं प्रत्युवाचेदं वाक्यं वाक्यविशारदः ॥ 63.15 ॥

evamuktastu sugrīvo lakṣmaṇena mahātmanā| lakṣmaṇaṃ pratyuvācedaṃ vākyaṃ vākyaviśāradaḥ || 63.15 ||

Thus questioned by the great-souled Lakshmana, Sugriva, skilled in speech, replied to Lakshmana with these words:

Shloka 16 (sundara.63.16)

आर्य लक्ष्मण सम्प्राह वीरो दधिमुखः कपिः। अङ्गदप्रमुखैर्वीरैर्भक्षितं मधु वानरैः ॥ 63.16 ॥

ārya lakṣmaṇa samprāha vīro dadhimukhaḥ kapiḥ| aṅgadapramukhairvīrairbhakṣitaṃ madhu vānaraiḥ || 63.16 ||

'Noble Lakshmana, this heroic monkey Dadhimukha reports that the honey has been consumed by the monkeys led by the heroic Angada,'

Shloka 17 (sundara.63.17)

नैषामकृतकार्याणामीदृशः स्याद् व्यतिक्रमः। वनं यदभिपन्नास्ते साधितं कर्म तद् ध्रुवम् ॥ 63.17 ॥

naiṣāmakṛtakāryāṇāmīdṛśaḥ syād vyatikramaḥ| vanaṃ yadabhipannāste sādhitaṃ karma tad dhruvam || 63.17 ||

'Such an act of overreach would never occur in those who had not accomplished their task; surely, in whatever grove they arrived, they have succeeded in their mission.'

Shloka 18 (sundara.63.18)

वारयन्तो भृशं प्राप्ताः पाला जानुभिराहताः। तथा न गणितश्चायं कपिर्दधिमुखो बली ॥ 63.18 ॥

vārayanto bhṛśaṃ prāptāḥ pālā jānubhirāhatāḥ| tathā na gaṇitaścāyaṃ kapirdadhimukho balī || 63.18 ||

'The guards who arrived to restrain them were struck with knees despite it all; and even the mighty monkey Dadhimukha himself was not spared.'

Shloka 19 (sundara.63.19)

पतिर्मम वनस्यायमस्माभिः स्थापितः स्वयम्। दृष्टा देवी न संदेहो न चान्येन हनूमता ॥ 63.19 ॥

patirmama vanasyāyamasmābhiḥ sthāpitaḥ svayam| dṛṣṭā devī na saṃdeho na cānyena hanūmatā || 63.19 ||

'This is the lord of my grove, appointed by me myself. Without doubt, Sita has been found -- and by none other than Hanuman.'

Shloka 20 (sundara.63.20)

न ह्यन्यः साधने हेतुः कर्मणोऽस्य हनूमतः। कार्यसिद्धिर्हनुमति मतिश्च हरिपुङ्गवे ॥ 63.20 ॥

na hyanyaḥ sādhane hetuḥ karmaṇo'sya hanūmataḥ| kāryasiddhirhanumati matiśca haripuṅgave || 63.20 ||

'For there is no cause of accomplishing this task other than Hanuman; in Hanuman alone is established both the intelligence for success and the excellence of a bull among monkeys.'

Shloka 21 (sundara.63.21)

व्यवसायश्च वीर्यं च श्रुतं चापि प्रतिष्ठितम्। जाम्बवान् यत्र नेता स्यादङ्गदश्च महाबलः ॥ 63.21 ॥

vyavasāyaśca vīryaṃ ca śrutaṃ cāpi pratiṣṭhitam| jāmbavān yatra netā syādaṅgadaśca mahābalaḥ || 63.21 ||

'Where effort, valour, and learning too stand firmly established, and where Jambavan is the leader and mighty Angada is present,'

Shloka 22 (sundara.63.22)

हनूमांश्चाप्यधिष्ठाता न तत्र गतिरन्यथा। अङ्गदप्रमुखैर्वीरैर्हतं मधुवनं किल ॥ 63.22 ॥

hanūmāṃścāpyadhiṣṭhātā na tatra gatiranyathā| aṅgadapramukhairvīrairhataṃ madhuvanaṃ kila || 63.22 ||

'and where Hanuman presides, that undertaking cannot but succeed. It is further reported that the Madhuvana has been ravaged by the heroes led by Angada.'

Shloka 23 (sundara.63.23)

विचित्य दक्षिणामाशामागतैर्हरिपुङ्गवैः। आगतैश्चाप्रधृष्यं तद्धतं मधुवनं हि तैः ॥ 63.23 ॥

vicitya dakṣiṇāmāśāmāgatairharipuṅgavaiḥ| āgataiścāpradhṛṣyaṃ taddhataṃ madhuvanaṃ hi taiḥ || 63.23 ||

'Those bull-monkeys, having searched the southern quarter and now returned, have so acted that Madhuvana, thought unassailable, was ravaged the moment they arrived.'

Shloka 24 (sundara.63.24)

धर्षितं च वनं कृत्स्नमुपयुक्तं तु वानरैः। पातिता वनपालास्ते तदा जानुभिराहताः ॥ 63.24 ॥

dharṣitaṃ ca vanaṃ kṛtsnamupayuktaṃ tu vānaraiḥ| pātitā vanapālāste tadā jānubhirāhatāḥ || 63.24 ||

'The whole grove was ravaged and consumed by those monkeys; the grove-guards were felled and struck with knees.'

Shloka 25 (sundara.63.25)

एतदर्थमयं प्राप्तो वक्तुं मधुरवागिह। नाम्ना दधिमुखो नाम हरिः प्रख्यातविक्रमः ॥ 63.25 ॥

etadarthamayaṃ prāpto vaktuṃ madhuravāgiha| nāmnā dadhimukho nāma hariḥ prakhyātavikramaḥ || 63.25 ||

'To tell of just this matter has this sweet-spoken monkey, named Dadhimukha, of renowned prowess, come here.'

Shloka 26 (sundara.63.26)

दृष्टा सीता महाबाहो सौमित्रे पश्य तत्त्वतः। अभिगम्य यथा सर्वे पिबन्ति मधु वानराः ॥ 63.26 ॥

dṛṣṭā sītā mahābāho saumitre paśya tattvataḥ| abhigamya yathā sarve pibanti madhu vānarāḥ || 63.26 ||

'Know for certain, O mighty-armed son of Sumitra, that Sita has indeed been seen -- for all the monkeys, having succeeded, are drinking honey together.'

Shloka 27 (sundara.63.27)

न चाप्यदृष्ट्वा वैदेहीं विश्रुताः पुरुषर्षभ। वनं दत्तवरं दिव्यं धर्षयेयुर्वनौकसः ॥ 63.27 ॥

na cāpyadṛṣṭvā vaidehīṃ viśrutāḥ puruṣarṣabha| vanaṃ dattavaraṃ divyaṃ dharṣayeyurvanaukasaḥ || 63.27 ||

'For, O bull among men, without having seen Vaidehi those renowned monkeys would never have dared to violate that divine grove which was granted as a boon.'

Shloka 28 (sundara.63.28)

ततः प्रहृष्टो धर्मात्मा लक्ष्मणः सहराघवः। श्रुत्वा कर्णसुखां वाणीं सुग्रीववदनाच्च्युताम् ॥ 63.28 ॥

tataḥ prahṛṣṭo dharmātmā lakṣmaṇaḥ saharāghavaḥ| śrutvā karṇasukhāṃ vāṇīṃ sugrīvavadanāccyutām || 63.28 ||

Then, hearing that speech, pleasant to the ear, falling from Sugriva's lips, the righteous Lakshmana, together with Raghava, was greatly delighted,

Shloka 29 (sundara.63.29)

प्राहृष्यत भृशं रामो लक्ष्मणश्च महायशाः। श्रुत्वा दधिमुखस्यैवं सुग्रीवस्तु प्रहृष्य च ॥ 63.29 ॥

prāhṛṣyata bhṛśaṃ rāmo lakṣmaṇaśca mahāyaśāḥ| śrutvā dadhimukhasyaivaṃ sugrīvastu prahṛṣya ca || 63.29 ||

and Rama of great renown, and Lakshmana too, rejoiced exceedingly. Hearing this word of Dadhimukha, Sugriva likewise was greatly pleased,

Shloka 30 (sundara.63.30)

वनपालं पुनर्वाक्यं सुग्रीवः प्रत्यभाषत। प्रीतोऽस्मि सोऽहं यद्भुक्तं वनं तैः कृतकर्मभिः ॥ 63.30 ॥

vanapālaṃ punarvākyaṃ sugrīvaḥ pratyabhāṣata| prīto'smi so'haṃ yadbhuktaṃ vanaṃ taiḥ kṛtakarmabhiḥ || 63.30 ||

and spoke again to the grove-keeper Dadhimukha these words: 'I am pleased that those monkeys, their task accomplished, have enjoyed that grove.'

Shloka 31 (sundara.63.31)

धर्षितं मर्षणीयं च चेष्टितं कृतकर्मणाम्। गच्छ शीघ्रं मधुवनं संरक्षस्व त्वमेव हि। शीघ्रं प्रेषय सर्वांस्तान् हनूमत्प्रमुखान् कपीन् ॥ 63.31 ॥

dharṣitaṃ marṣaṇīyaṃ ca ceṣṭitaṃ kṛtakarmaṇām| gaccha śīghraṃ madhuvanaṃ saṃrakṣasva tvameva hi| śīghraṃ preṣaya sarvāṃstān hanūmatpramukhān kapīn || 63.31 ||

'What was done and violated by those who have accomplished their task is forgivable, indeed to be forgiven. Go quickly yourself and guard Madhuvana, and swiftly send here all those monkeys headed by Hanuman.'

Shloka 32 (sundara.63.32)

इच्छामि शीघ्रं हनुमत्प्रधानान्शाखामृगांस्तान् मृगराजदर्पान्। प्रष्टुं कृतार्थान् सह राघवाभ्यां श्रोतुं च सीताधिगमे प्रयत्नम् ॥ 63.32 ॥

icchāmi śīghraṃ hanumatpradhānānśākhāmṛgāṃstān mṛgarājadarpān| praṣṭuṃ kṛtārthān saha rāghavābhyāṃ śrotuṃ ca sītādhigame prayatnam || 63.32 ||

'I wish quickly, together with the two Raghavas, to see those foremost tree-dwellers, proud as lions among beasts, their task accomplished, and to hear of their effort in finding Sita.'

Shloka 33 (sundara.63.33)

प्रीतिस्फीताक्षौ सम्प्रहृष्टौ कुमारौ दृष्ट्वा सिद्धार्थौ वानराणां च राजा। अङ्गैः प्रहृष्टैः कार्यसिद्धिं विदित्वा बाह्वोरासन्नामतिमात्रं ननन्द ॥ 63.33 ॥

prītisphītākṣau samprahṛṣṭau kumārau dṛṣṭvā siddhārthau vānarāṇāṃ ca rājā| aṅgaiḥ prahṛṣṭaiḥ kāryasiddhiṃ viditvā bāhvorāsannāmatimātraṃ nananda || 63.33 ||

Seeing the two princes, their eyes wide with joy, exceedingly delighted at the success of the task, and knowing from his own thrilled limbs that the task was accomplished, the monkey-king Sugriva rejoiced beyond measure, his very arms trembling with delight.