Rama Returns to Vishnu

Shloka 1 (uttara.110.1)

अध्यर्धयोजनं गत्वा नदीं पश्चान्मुखाश्रिताम् । सरयूं पुण्यसलिलां ददर्श रघुनन्दनः ।। ७.११०.१ ।।

adhyardhayojanaṃ gatvā nadīṃ paścānmukhāśritām | sarayūṃ puṇyasalilāṃ dadarśa raghunandanaḥ || 7.110.1 ||

Having journeyed a league and a half, the joy of the Raghus beheld the river Sarayu, its waters sacred, flowing toward the west.

Shloka 2 (uttara.110.2)

तां नदीमाकुलावर्तां सर्वत्रानुसरन्नृपः । आगतः सप्रजो रामस्तं देशं रघुनन्दनः ।। ७.११०.२ ।।

tāṃ nadīm ākulāvartāṃ sarvatrānusaran nṛpaḥ | āgataḥ saprajo rāmas taṃ deśaṃ raghunandanaḥ || 7.110.2 ||

Following the course of that river, thick with eddies, everywhere along its bank, King Rama, the joy of the Raghus, together with his people, arrived at that place.

Shloka 3 (uttara.110.3)

अथ तस्मिन्मुहूर्ते तु ब्रह्मा लोकपितामहः । सर्वैः परिवृतो देवैर्ऋषिभिश्च महात्मभिः ।। ७.११०.३ ।।

atha tasmin muhūrte tu brahmā lokapitāmahaḥ | sarvaiḥ parivṛto devair ṛṣibhiś ca mahātmabhiḥ || 7.110.3 ||

Then, at that very moment, Brahma, grandsire of all worlds, surrounded by all the gods and by the great-souled sages, arrived there.

Shloka 4 (uttara.110.4)

आययौ यत्र काकुत्स्थः स्वर्गाय समुपस्थितः । विमानशतकोटीभिर्दिव्याभिरभिसंवृतः ।। ७.११०.४ ।।

āyayau yatra kākutsthaḥ svargāya samupasthitaḥ | vimānaśatakoṭībhir divyābhir abhisaṃvṛtaḥ || 7.110.4 ||

He came to the place where Kakutstha stood ready to depart for heaven, surrounded by hundreds of millions of celestial chariots.

Shloka 5 (uttara.110.5)

दिव्यतेजोवृतं व्योम ज्योतिर्भूतमनुत्तमम् । स्वयम्प्रभैः स्वतेजोभिः स्वर्गिभिः पुण्यकर्मभिः ।। ७.११०.५ ।।

divyatejovṛtaṃ vyoma jyotirbhūtam anuttamam | svayamprabhaiḥ svatejobhiḥ svargibhiḥ puṇyakarmabhiḥ || 7.110.5 ||

The sky, wrapped in celestial radiance, grew supremely luminous with the self-shining, self-luminous denizens of heaven, those of holy deeds.

Shloka 6 (uttara.110.6)

पुण्या वाता ववुश्चैव गन्धवन्तः सुखप्रदाः । पपात पुष्पवृष्टिश्च देवैर्मुक्ता महौघवत् ।। ७.११०.६ ।।

puṇyā vātā vavuś caiva gandhavantaḥ sukhapradāḥ | papāta puṣpavṛṣṭiś ca devair muktā mahaughavat || 7.110.6 ||

Holy winds blew, fragrant and delightful, and a rain of flowers, released by the gods, fell like a great flood.

Shloka 7 (uttara.110.7)

तस्मिंस्तूर्यशतैः कीर्णे गन्धर्वाप्सरसङ्कुले । सरयूसलिलं रामः पद्भ्यां समुपचक्रमे ।। ७.११०.७ ।।

tasmiṃs tūryaśataiḥ kīrṇe gandharvāpsarasaṅkule | sarayūsalilaṃ rāmaḥ padbhyāṃ samupacakrame || 7.110.7 ||

There, amid the din of hundreds of musical instruments, thronged with gandharvas and apsaras, Rama set his feet into the waters of the Sarayu.

Shloka 8 (uttara.110.8)

ततः पितामहो वाणीमन्तरिक्षादभाषत । आगच्छ विष्णो भद्रं ते दिष्ट्या प्राप्तो ऽसि राघव ।। ७.११०.८ ।।

tataḥ pitāmaho vāṇīm antarikṣād abhāṣata | āgaccha viṣṇo bhadraṃ te diṣṭyā prāpto 'si rāghava || 7.110.8 ||

Then the grandsire spoke this word from the sky: "Come, Vishnu, blessings upon you; fortunately, Raghava, you have arrived."

Shloka 9 (uttara.110.9)

भ्रातृभिः सह देवाभैः प्रविशस्व स्विकां तनुम् । यामिच्छसि महाबाहो तां तनुं प्रविश स्विकाम् । वैष्णवीं तां महातेजस्तद्वाकाशं सनातनम् ।। ७.११०.९ ।।

bhrātṛbhiḥ saha devābhaiḥ praviśasva svikāṃ tanum | yām icchasi mahābāho tāṃ tanuṃ praviśa svikām | vaiṣṇavīṃ tāṃ mahātejas tad vākāśaṃ sanātanam || 7.110.9 ||

"Together with your brothers, splendid as gods, enter your own true form. Mighty-armed one, enter whichever form you desire -- your own Vaishnava form, O greatly radiant one, that eternal radiance vast as the sky."

Shloka 10 (uttara.110.10)

त्वं हि लोकगतिर्देव न त्वां केचित्प्रजानते । ऋते मायां विशालाक्षीं तव पूर्वपरिग्रहाम् । त्वामचिन्त्यं महद्भूतमक्षयं सर्वसङ्ग्रहम् ।। ७.११०.१० ।।

tvaṃ hi lokagatir deva na tvāṃ kecit prajānate | ṛte māyāṃ viśālākṣīṃ tava pūrvaparigrahām | tvām acintyaṃ mahad bhūtam akṣayaṃ sarvasaṅgraham || 7.110.10 ||

"You, O god, are the very course of all the worlds -- you, the inconceivable, the great being, imperishable, the ground of all things; none know you, save your wide-eyed Maya, your consort from the beginning."

Shloka 11 (uttara.110.11)

यामिच्छसि महातेजस्तां तनुं प्रविश स्वयम् ।। ७.११०.११ ।।

yām icchasi mahātejas tāṃ tanuṃ praviśa svayam || 7.110.11 ||

"O greatly radiant one, enter of your own will whatever form you desire."

Shloka 12 (uttara.110.12)

पितामहवचः श्रुत्वा विनिश्चित्य महामतिः । विवेश वैष्णवं तेजः सशरीरः सहानुजः ।। ७.११०.१२ ।।

pitāmahavacaḥ śrutvā viniścitya mahāmatiḥ | viveśa vaiṣṇavaṃ tejaḥ saśarīraḥ sahānujaḥ || 7.110.12 ||

Hearing the grandsire's words, and having made his resolve, the wise one entered the Vaishnava radiance, in his own body, together with his younger brother.

Shloka 13 (uttara.110.13)

ततो विष्णुमयं देवं पूजयन्ति स्म देवताः । साध्या मरुद्गणाश्चैव सेन्द्राः साग्निपुरोगमाः ।। ७.११०.१३ ।।

tato viṣṇumayaṃ devaṃ pūjayanti sma devatāḥ | sādhyā marudgaṇāś caiva sendrāḥ sāgnipurogamāḥ || 7.110.13 ||

Then the gods worshipped that deity, now one with Vishnu -- the Sadhyas, the Maruts, together with Indra, with Agni at their head.

Shloka 14 (uttara.110.14)

ये च दिव्या ऋषिगणा गन्धर्वाप्सरसश्च याः । सुपर्णनागयक्षाश्च दैत्यदानवराक्षसाः ।। ७.११०.१४ ।।

ye ca divyā ṛṣigaṇā gandharvāpsarasaś ca yāḥ | suparṇanāgayakṣāś ca daityadānavarākṣasāḥ || 7.110.14 ||

And the divine sages, the gandharvas and apsaras, the suparnas, nagas and yakshas, and the daityas, danavas and rakshasas too.

Shloka 15 (uttara.110.15)

सर्वं पुष्टं प्रमुदितं सुसम्पूर्णमनोरथम् । साधु साध्विति तैर्देवैस्त्रिदिवं गतकल्मषम् ।। ७.११०.१५ ।।

sarvaṃ puṣṭaṃ pramuditaṃ susampūrṇamanoratham | sādhu sādhv iti tair devais tridivaṃ gatakalmaṣam || 7.110.15 ||

Everything grew abundant, joyful, its desires wholly fulfilled; and, with the gods crying "Well done, well done!", heaven became free of all stain.

Shloka 16 (uttara.110.16)

अथ विष्णुर्महातेजाः पितामहमुवाच ह । एषां लोकं जनौघानां दातुमर्हसि सुव्रत ।। ७.११०.१६ ।।

atha viṣṇur mahātejāḥ pitāmaham uvāca ha | eṣāṃ lokaṃ janaughānāṃ dātum arhasi suvrata || 7.110.16 ||

Then the greatly radiant Vishnu said to the grandsire: "You should grant a world, O virtuous one, to these multitudes of people as well."

Shloka 17 (uttara.110.17)

इमे हि सर्वे स्नेहान्मामनुयाता यशस्विनः । भक्ता हि भजितव्याश्च त्यक्तात्मानश्च मत्कृते ।। ७.११०.१७ ।।

ime hi sarve snehān mām anuyātā yaśasvinaḥ | bhaktā hi bhajitavyāś ca tyaktātmānaś ca matkṛte || 7.110.17 ||

"All these glorious ones have followed me out of love; being devoted to me they deserve to be cherished, for they have given up their very lives for my sake."

Shloka 18 (uttara.110.18)

तच्छ्रुत्वा विष्णुवचनं ब्रह्मा लोकगुरुः प्रभुः । लोकान्सान्तानिकान्नाम यास्यन्तीमे समागताः ।। ७.११०.१८ ।।

tac chrutvā viṣṇuvacanaṃ brahmā lokaguruḥ prabhuḥ | lokān sāntānikān nāma yāsyantīme samāgatāḥ || 7.110.18 ||

Hearing this word of Vishnu's, Brahma, the lord and teacher of all worlds, said: "These who have gathered here shall go to the worlds called Santanika."

Shloka 19 (uttara.110.19)

यच्च तिर्यग्गतं किञ्चित्त्वामेवमनुचिन्तयत् । प्राणांस्त्यक्ष्यति भक्त्या वै तत्सन्ताने निवत्स्यति ।। ७.११०.१९ ।।

yac ca tiryaggataṃ kiñcit tvām evam anucintayat | prāṇāṃs tyakṣyati bhaktyā vai tatsantāne nivatsyati || 7.110.19 ||

"And whatever creature born in an animal womb, thinking of you thus, shall give up its life in devotion, shall dwell in that same Santanika realm."

Shloka 20 (uttara.110.20)

सर्वैर्ब्रह्मगुणैर्युक्ते ब्रह्मलोकादनन्तरे ।। ७.११०.२० ।।

sarvair brahmaguṇair yukte brahmalokād anantare || 7.110.20 ||

"-- which lies immediately next to the Brahma-world, and is endowed with all the qualities of the Brahma-world."

Shloka 21 (uttara.110.21)

वानराश्च स्विकां योनिमृक्षाश्चैव तथा ययुः । येभ्यो विनिस्सृताः सर्वे सुरेभ्यः सुरसम्भवाः ।। ७.११०.२१ ।।

vānarāś ca svikāṃ yonim ṛkṣāś caiva tathā yayuḥ | yebhyo vinissṛtāḥ sarve surebhyaḥ surasambhavāḥ || 7.110.21 ||

The vanaras, and the bears likewise, went to their own birth-source -- back to those very gods, of divine origin, from whom they had all sprung.

Shloka 22 (uttara.110.22)

तेषु प्रविविशे चैव सुग्रीवः सूर्यमण्डलम् । पश्यतां सर्वदेवानां स्वान्पितऽन्प्रतिपेदिरे ।। ७.११०.२२ ।।

teṣu praviviśe caiva sugrīvaḥ sūryamaṇḍalam | paśyatāṃ sarvadevānāṃ svān pitṝn pratipedire || 7.110.22 ||

Among them, Sugriva, before the eyes of all the gods, entered into the disc of the sun; and the rest attained to their own divine forebears.

Shloka 23 (uttara.110.23)

तथोक्तवति देवेशे गोप्रतारमुपागताः । भेजिरे सरयूं सर्वे हर्षपूर्णाश्रुविक्लवाः ।। ७.११०.२३ ।।

tathoktavati deveśe gopratāram upāgatāḥ | bhejire sarayūṃ sarve harṣapūrṇāśruviklavāḥ || 7.110.23 ||

When the lord of gods had spoken thus, all of them, having reached the ford, entered the Sarayu, overcome with tears of joy.

Shloka 24 (uttara.110.24)

अवगाह्य जलं यो यः प्राणी ह्यासीत् प्रहृष्टवत् । मानुषं देहमुत्सृज्य विमानं सो ऽध्यरोहत ।। ७.११०.२४ ।।

avagāhya jalaṃ yo yaḥ prāṇī hy āsīt prahṛṣṭavat | mānuṣaṃ deham utsṛjya vimānaṃ so 'dhyarohata || 7.110.24 ||

Whatever living being plunged into that water, joyfully casting off its human body, ascended into a celestial chariot.

Shloka 25 (uttara.110.25)

तिर्यग्योनिगतानां च शतानि सरयूजलम् । सम्प्राप्य त्रिदिवं जग्मुः प्रभासुरवपूंषि च । दिव्या दिव्येन वपुषा देवा दीप्ता इवाभवन् ।। ७.११०.२५ ।।

tiryagyonigatānāṃ ca śatāni sarayūjalam | samprāpya tridivaṃ jagmuḥ prabhāsuravapūṃṣi ca | divyā divyena vapuṣā devā dīptā ivābhavan || 7.110.25 ||

And hundreds of creatures too, born in animal wombs, upon reaching the waters of the Sarayu, went to the third heaven, taking on radiant, luminous bodies; divine, with their divine forms, they shone forth as if they were the gods themselves.

Shloka 26 (uttara.110.26)

गत्वा तु सरयूतोयं स्थावराणि चराणि च । प्राप्य तत्तोयविक्लेदं देवलोकमुपागमन् ।। ७.११०.२६ ।।

gatvā tu sarayūtoyaṃ sthāvarāṇi carāṇi ca | prāpya tattoyavikledaṃ devalokam upāgaman || 7.110.26 ||

And the unmoving and the moving creatures too, having gone into the waters of the Sarayu, attaining the wetness of that water, reached the world of the gods.

Shloka 27 (uttara.110.27)

तस्मिन्नपि समापन्ना ऋक्षवानरराक्षसाः । ते ऽपि स्वर्गं प्रविविशुर्देहान्निक्षिप्य चाम्भसि ।। ७.११०.२७ ।।

tasminn api samāpannā ṛkṣavānararākṣasāḥ | te 'pi svargaṃ praviviśur dehān nikṣipya cāmbhasi || 7.110.27 ||

Immersed in that same water, the bears, vanaras and rakshasas too, casting off their bodies in it, entered heaven.

Shloka 28 (uttara.110.28)

ततः समागतान्सर्वान्स्थाप्य लोकगुरुर्दिवि । जगाम त्रिदशैः सार्धं सदा हृष्टैर्दिवं महत् ।। ७.११०.२८ ।।

tataḥ samāgatān sarvān sthāpya lokagurur divi | jagāma tridaśaiḥ sārdhaṃ sadā hṛṣṭair divaṃ mahat || 7.110.28 ||

Then, having established all those gathered ones in heaven, the teacher of the worlds went, together with the ever-joyful gods, to that great celestial realm.