The Shaking of Kailasa

Shloka 1 (uttara.16.1)

स जित्वा धनदं राम भ्रातरं राक्षसाधिपः । महासेनप्रसूतिं तद्ययौ शरवणं महत् ॥ 16.1 ॥

sa jitvā dhanadaṃ rāma bhrātaraṃ rākṣasādhipaḥ | mahāsenaprasūtiṃ tadyayau śaravaṇaṃ mahat || 16.1 ||

Having conquered his brother Dhanada (Kubera), O Rama, that lord of rakshasas then journeyed to the great Sharavana, the reed-thicket birthplace of Mahasena (Kartikeya).

Shloka 2 (uttara.16.2)

अथापश्यदृशग्रीवो रौक्मं शरवणं महत् । गभस्तिजालसंवीतं द्वितीयमिव भास्करम् ॥ 16.2 ॥

athāpaśyadṛśagrīvo raukmaṃ śaravaṇaṃ mahat | gabhastijālasaṃvītaṃ dvitīyamiva bhāskaram || 16.2 ||

Then ten-necked Ravana saw that great golden Sharavana, wrapped in a web of rays, like a second sun.

Shloka 3 (uttara.16.3)

स पर्वतं समारुह्य कञ्चिद्रम्यवनान्तरम् । अपश्यत् पुष्पकं तत्र रामविष्टम्भितं तदा ॥ 16.3 ॥

sa parvataṃ samāruhya kañcidramyavanāntaram | apaśyat puṣpakaṃ tatra rāmaviṣṭambhitaṃ tadā || 16.3 ||

Climbing a certain mountain amid a lovely forest, he then saw his Pushpaka chariot standing there, halted and motionless.

Shloka 4 (uttara.16.4)

विष्टब्धं पुष्पकं दृष्ट्वा ह्यगमं कामागं कृतम् । अचिन्तयद्राक्षसेन्द्रः सचिवैस्तैः समावृतः ॥ 16.4 ॥

viṣṭabdhaṃ puṣpakaṃ dṛṣṭvā hyagamaṃ kāmāgaṃ kṛtam | acintayadrākṣasendraḥ sacivaistaiḥ samāvṛtaḥ || 16.4 ||

Seeing the Pushpaka -- which moved at mere will -- thus stalled, the lord of rakshasas, surrounded by his ministers, fell to thinking.

Shloka 5 (uttara.16.5)

किन्निमित्तं चेच्छया मे नेदं गच्छति पुष्पकम् । पर्वतस्योपरिष्ठस्य कर्मेदं कस्यचिद्भवेत् ॥ 16.5 ॥

kinnimittaṃ cecchayā me nedaṃ gacchati puṣpakam | parvatasyopariṣṭhasya karmedaṃ kasyacidbhavet || 16.5 ||

"For what reason does this Pushpaka not move at my will? This must be the doing of someone dwelling atop this mountain."

Shloka 6 (uttara.16.6)

ततो ऽब्रवीत्तदा राम मारीचो बुद्धिकोविदः । नेदं निष्कारणं राजन्पुष्पकं यन्न गच्छति ॥ 16.6 ॥

tato 'bravīttadā rāma mārīco buddhikovidaḥ | nedaṃ niṣkāraṇaṃ rājanpuṣpakaṃ yanna gacchati || 16.6 ||

Then, O Rama, wise Maricha spoke: "O king, it is not without cause that this Pushpaka fails to move."

Shloka 7 (uttara.16.7)

अथवा पुष्पकमिदं धनदान्नान्यवाहनम् । अतो निष्पन्दमभवद्धनाध्यक्षविनाकृतम् ॥ 16.7 ॥

athavā puṣpakamidaṃ dhanadānnānyavāhanam | ato niṣpandamabhavaddhanādhyakṣavinākṛtam || 16.7 ||

"Or perhaps this Pushpaka has no rightful master but Dhanada -- and so, deprived of its true lord, it has become motionless."

Shloka 8 (uttara.16.8)

इति वाक्यान्तरे तस्य करालः कृष्णपिङ्गलः । वामनो विकटो मुण्डी नन्दी प्रह्वभुजो बली ॥ 16.8 ॥

iti vākyāntare tasya karālaḥ kṛṣṇapiṅgalaḥ | vāmano vikaṭo muṇḍī nandī prahvabhujo balī || 16.8 ||

Even as he was speaking thus, one terrible in form, dark-tawny of hue, dwarfish, misshapen, bald-headed, with bent mighty arms, and powerful --

Shloka 9 (uttara.16.9)

ततः पार्श्वमुपागम्य भवस्यानुचरो ऽब्रवीत् । नन्दीश्वरो वचश्चेदं राक्षसेन्द्रमशङ्कितः ॥ 16.9 ॥

tataḥ pārśvamupāgamya bhavasyānucaro 'bravīt | nandīśvaro vacaścedaṃ rākṣasendramaśaṅkitaḥ || 16.9 ||

Nandi, the attendant of Shiva, approaching his side, spoke these words to the lord of rakshasas, quite unafraid.

Shloka 10 (uttara.16.10)

निवर्तस्व दशग्रीव शैले क्रीडति शङ्करः । सुपर्णनागयक्षाणां देवगन्धर्वरक्षसाम् ॥ 16.10 ॥

nivartasva daśagrīva śaile krīḍati śaṅkaraḥ | suparṇanāgayakṣāṇāṃ devagandharvarakṣasām || 16.10 ||

"Turn back, O Dashagriva! Shankara is at play upon this mountain. To suparnas, nagas, yakshas, gods, gandharvas, and rakshasas alike --"

Shloka 11 (uttara.16.11)

सर्वेषामेव भूतानामगम्यः पर्वतः कृतः । इति नन्दिवचः श्रुत्वा क्रोधात्कम्पितकुण्डलः ॥ 16.11 ॥

sarveṣāmeva bhūtānāmagamyaḥ parvataḥ kṛtaḥ | iti nandivacaḥ śrutvā krodhātkampitakuṇḍalaḥ || 16.11 ||

"-- to all these beings this mountain has been made inaccessible." Hearing Nandi's words, his very earrings trembled with fury.

Shloka 12 (uttara.16.12)

रोषात्तु ताम्रनयनः पुष्पकादवरुह्य सः । को ऽयं शङ्कर इत्युक्त्वा शैलमूलमुपागतः ॥ 16.12 ॥

roṣāttu tāmranayanaḥ puṣpakādavaruhya saḥ | ko 'yaṃ śaṅkara ityuktvā śailamūlamupāgataḥ || 16.12 ||

His eyes reddened with rage, he descended from the Pushpaka; saying "Who is this Shankara?", he made his way to the foot of the mountain.

Shloka 13 (uttara.16.13)

सो ऽपश्यन्नन्दिनं तत्र देवस्यादूरतः स्थितम् । दीप्तं शूलमवष्टभ्य द्वितीयमिव शङ्करम् ॥ 16.13 ॥

so 'paśyannandinaṃ tatra devasyādūrataḥ sthitam | dīptaṃ śūlamavaṣṭabhya dvitīyamiva śaṅkaram || 16.13 ||

There he saw Nandin standing not far from the god, gripping a blazing trident, like a second Shankara.

Shloka 14 (uttara.16.14)

तं दृष्ट्वा वानरमुखमवज्ञाय स राक्षसः । प्रहासं मुमुचे तत्र सतोय इव तोयदः ॥ 16.14 ॥

taṃ dṛṣṭvā vānaramukhamavajñāya sa rākṣasaḥ | prahāsaṃ mumuce tatra satoya iva toyadaḥ || 16.14 ||

Seeing his monkey face, and scorning him, that rakshasa there burst into peals of laughter, like a water-laden cloud thundering.

Shloka 15 (uttara.16.15)

तं क्रुद्धो भगवान्नन्दी शङ्करस्यापरा तनुः । अब्रवीत्तत्र तद्रक्षो दशाननमुपस्थितम् ॥ 16.15 ॥

taṃ kruddho bhagavānnandī śaṅkarasyāparā tanuḥ | abravīttatra tadrakṣo daśānanamupasthitam || 16.15 ||

Enraged at this, the lord Nandi -- who is himself another form of Shankara -- said there to that ten-faced rakshasa standing before him:

Shloka 16 (uttara.16.16)

यस्माद्वानररूपं मामवज्ञाय दशानन । अशनीपातसङ्काशमपहासं प्रमुक्तवान् ॥ 16.16 ॥

yasmādvānararūpaṃ māmavajñāya daśānana | aśanīpātasaṅkāśamapahāsaṃ pramuktavān || 16.16 ||

"Since, O Dashanana, in scorning my monkey form, you have let loose this laughter like the crash of a thunderbolt,"

Shloka 17 (uttara.16.17)

तस्मान्मद्रूपसम्पन्ना मद्वीर्यसमतेजसः । उत्पत्स्यन्ति वधार्थं हि कुलस्य तव वानराः ॥ 16.17 ॥

tasmānmadrūpasampannā madvīryasamatejasaḥ | utpatsyanti vadhārthaṃ hi kulasya tava vānarāḥ || 16.17 ||

"therefore, for the destruction of your race, there shall be born vanaras bearing my very form, equal to my valour and splendour --"

Shloka 18 (uttara.16.18)

नखदंष्ट्रायुधाः क्रूरा मनःसम्पातरंहसः । युद्धोन्मत्ता बलोद्रिक्ताः शैला इव विसर्पिणः ॥ 16.18 ॥

nakhadaṃṣṭrāyudhāḥ krūrā manaḥsampātaraṃhasaḥ | yuddhonmattā balodriktāḥ śailā iva visarpiṇaḥ || 16.18 ||

"-- fierce ones armed with claws and fangs, swift as thought, maddened in battle, overflowing with strength, like moving mountains."

Shloka 19 (uttara.16.19)

ते तव प्रबलं दर्पमुत्सेधं च पृथग्विधम् । व्यपनेष्यन्ति सम्भूय सहामात्यसुतस्य च ॥ 16.19 ॥

te tava prabalaṃ darpamutsedhaṃ ca pṛthagvidham | vyapaneṣyanti sambhūya sahāmātyasutasya ca || 16.19 ||

"They, joining together, shall strip away your mighty pride and every kind of arrogance -- yours, and that of your ministers and your son."

Shloka 20 (uttara.16.20)

किं त्विदानीं मया शक्यं हन्तुं त्वां हे निशाचर । न हन्तव्यो हतस्त्वं हि पूर्वमेव स्वकर्मभिः ॥ 16.20 ॥

kiṃ tvidānīṃ mayā śakyaṃ hantuṃ tvāṃ he niśācara | na hantavyo hatastvaṃ hi pūrvameva svakarmabhiḥ || 16.20 ||

"But what use is it now for me to slay you, O night-wanderer? There is no need to slay you -- you are already slain by your own deeds."

Shloka 21 (uttara.16.21)

इत्युदीरितवाक्ये तु देवे तस्मिन्महात्मनि । देवदुन्दुभयो नेदुः पुष्पवृष्टिश्च खाच्च्युता ॥ 16.21 ॥

ityudīritavākye tu deve tasminmahātmani | devadundubhayo neduḥ puṣpavṛṣṭiśca khāccyutā || 16.21 ||

As soon as that great-souled god had spoken these words, the drums of the gods resounded, and a shower of flowers fell from the sky.

Shloka 22 (uttara.16.22)

अचिन्तयित्वा स तदा नन्दिवाक्यं महाबलः । पर्वतं तु समासाद्य वाक्यमाह दशाननः ॥ 16.22 ॥

acintayitvā sa tadā nandivākyaṃ mahābalaḥ | parvataṃ tu samāsādya vākyamāha daśānanaḥ || 16.22 ||

Then that mighty Dashanana, paying no heed to Nandi's words, went up to the mountain and spoke these words:

Shloka 23 (uttara.16.23)

पुष्पकस्य गतिश्छिन्ना यत्कृते मम गच्छतः । तमिमं शैलमुन्मूलं करोमि तव गोपते ॥ 16.23 ॥

puṣpakasya gatiśchinnā yatkṛte mama gacchataḥ | tamimaṃ śailamunmūlaṃ karomi tava gopate || 16.23 ||

"O guardian, because of whom the passage of my Pushpaka, as I travelled, has been cut off -- I shall now uproot this very mountain!"

Shloka 24 (uttara.16.24)

केन प्रभावेण भवो नित्यं क्रीडति राजवत् । विज्ञातव्यं न जानीते भयस्थानमुपस्थितम् ॥ 16.24 ॥

kena prabhāveṇa bhavo nityaṃ krīḍati rājavat | vijñātavyaṃ na jānīte bhayasthānamupasthitam || 16.24 ||

"By what power does Bhava forever sport here like a king? What ought to be known, he does not know -- that a cause of terror has now arrived."

Shloka 25 (uttara.16.25)

एवमुक्त्वा ततो राम भुजान्विक्षिप्य पर्वते । तोलयामास तं शीघ्रं स शैलं समकम्पत ॥ 16.25 ॥

evamuktvā tato rāma bhujānvikṣipya parvate | tolayāmāsa taṃ śīghraṃ sa śailaṃ samakampata || 16.25 ||

Having said this, O Rama, he thrust his arms beneath the mountain and swiftly began to lift it; the mountain shook.

Shloka 26 (uttara.16.26)

चालनात्पर्वतस्यैव गणा देवस्य कम्पिताः । चचाल पार्वती चापि तदा ऽ ऽश्लिष्टा महेश्वरम् ॥ 16.26 ॥

cālanātparvatasyaiva gaṇā devasya kampitāḥ | cacāla pārvatī cāpi tadā ' 'śliṣṭā maheśvaram || 16.26 ||

By the shaking of the mountain, the god's own hosts were shaken; and Parvati too, clinging close to Maheshvara, trembled.

Shloka 27 (uttara.16.27)

ततो राम महादवो देवानां प्रवरो हरः । पादाङ्गुष्ठेन तं शैलं पीडयामास लीलया ॥ 16.27 ॥

tato rāma mahādavo devānāṃ pravaro haraḥ | pādāṅguṣṭhena taṃ śailaṃ pīḍayāmāsa līlayā || 16.27 ||

Then, O Rama, Mahadeva Hara, the foremost of gods, pressed down upon that mountain with merely the toe of his foot, in mere sport.

Shloka 28 (uttara.16.28)

पीडितास्तु ततस्तस्य शैलस्याधोगता भुजाः । विस्मिताश्चाभवंस्तत्र सचिवास्तस्य रक्षसः ॥ 16.28 ॥

pīḍitāstu tatastasya śailasyādhogatā bhujāḥ | vismitāścābhavaṃstatra sacivāstasya rakṣasaḥ || 16.28 ||

His arms, thus crushed, were pinned beneath the mountain; and his ministers, seeing this, were struck with astonishment.

Shloka 29 (uttara.16.29)

रक्षसा तेन रोषाच्च भुजानां पीडनात्तदा । मुक्तो विरावः सहसा त्रैलोक्यं येन कम्पितम् ॥ 16.29 ॥

rakṣasā tena roṣācca bhujānāṃ pīḍanāttadā | mukto virāvaḥ sahasā trailokyaṃ yena kampitam || 16.29 ||

From that rakshasa, in fury and from the crushing of his arms, there suddenly burst forth a roar so terrible that the three worlds were shaken.

Shloka 30 (uttara.16.30)

मेनिरे वज्रनिष्पेषं तस्यामात्या युगक्षये । तदा वर्त्मस्थचलिता देवा इन्द्रपुरोगमाः ॥ 16.30 ॥

menire vajraniṣpeṣaṃ tasyāmātyā yugakṣaye | tadā vartmasthacalitā devā indrapurogamāḥ || 16.30 ||

His ministers took it for the grinding roar of thunderbolts at the dissolution of the age; the gods, led by Indra, wavered on their very paths.

Shloka 31 (uttara.16.31)

समुद्राश्चापि सङ्क्षुब्धाश्चलिताश्चापि पर्वताः । यक्षा विद्याधराः सिद्धाः किमेतदिति चाब्रुवन् ॥ 16.31 ॥

samudrāścāpi saṅkṣubdhāścalitāścāpi parvatāḥ | yakṣā vidyādharāḥ siddhāḥ kimetaditi cābruvan || 16.31 ||

The oceans too were churned, the mountains too shook; yakshas, vidyadharas, and siddhas cried out, "What has happened?"

Shloka 32 (uttara.16.32)

अथ ते मन्त्रिणस्तस्य विक्रोशन्तमथाब्रुवन् । तोषयस्व महादेवं नीलकण्ठमुमापतिम् ॥ 16.32 ॥

atha te mantriṇastasya vikrośantamathābruvan | toṣayasva mahādevaṃ nīlakaṇṭhamumāpatim || 16.32 ||

Then his ministers said to him, as he cried out, "Appease Mahadeva, the blue-throated lord of Uma."

Shloka 33 (uttara.16.33)

तमृते शरणं नान्यं पश्यामो ऽत्र दशानन । स्तुतिभिः प्रणतो भूत्वा तमेव शरणं व्रज ॥ 16.33 ॥

tamṛte śaraṇaṃ nānyaṃ paśyāmo 'tra daśānana | stutibhiḥ praṇato bhūtvā tameva śaraṇaṃ vraja || 16.33 ||

"Other than him, O Dashanana, we see no refuge here; bow low with hymns of praise and take shelter in him alone."

Shloka 34 (uttara.16.34)

कृपालुः शङ्करस्तुष्टः प्रसादं ते विधास्यति । एवमुक्तस्तदामात्यैस्तुष्टाव वृषभध्वजम् ॥ 16.34 ॥

kṛpāluḥ śaṅkarastuṣṭaḥ prasādaṃ te vidhāsyati | evamuktastadāmātyaistuṣṭāva vṛṣabhadhvajam || 16.34 ||

"Compassionate Shankara, once pleased, will grant you his grace." Thus addressed by his ministers, he praised the bull-bannered Shiva.

Shloka 35 (uttara.16.35)

सामभिर्विविधैः स्तोत्रैः प्रणम्य स दशाननः । संवत्सरसहस्रं तु रुदतो रक्षसो गतम् ॥ 16.35 ॥

sāmabhirvividhaiḥ stotraiḥ praṇamya sa daśānanaḥ | saṃvatsarasahasraṃ tu rudato rakṣaso gatam || 16.35 ||

Dashanana bowed and praised him with various Saman hymns; a thousand years passed for that weeping rakshasa in this way.

Shloka 36 (uttara.16.36)

ततः प्रीतो महादेवः शैलाग्रे विष्ठितः प्रभुः । मुक्त्वा चास्य भुजान्राम प्राह वाक्यं दशाननम् ॥ 16.36 ॥

tataḥ prīto mahādevaḥ śailāgre viṣṭhitaḥ prabhuḥ | muktvā cāsya bhujānrāma prāha vākyaṃ daśānanam || 16.36 ||

Then, O Rama, Mahadeva, pleased and standing on the mountain's peak, released his arms and spoke this word to Dashanana:

Shloka 37 (uttara.16.37)

प्रीतो ऽस्मि तव वीर्यस्य शौण्डार्याच्च दशानन । शैलाक्रान्तेन यो मुक्तस्त्वया रावः सुदारुणः ॥ 16.37 ॥

prīto 'smi tava vīryasya śauṇḍāryācca daśānana | śailākrāntena yo muktastvayā rāvaḥ sudāruṇaḥ || 16.37 ||

"I am pleased, O Dashanana, with your valour and your daring -- and with that terrible roar which you, pinned beneath the mountain, let loose."

Shloka 38 (uttara.16.38)

यस्माल्लोकत्रयं चैतद्रावितं भयमागतम् । तस्मात्त्वं रावणो नाम नाम्ना राजन्भविष्यसि ॥ 16.38 ॥

yasmāllokatrayaṃ caitadrāvitaṃ bhayamāgatam | tasmāttvaṃ rāvaṇo nāma nāmnā rājanbhaviṣyasi || 16.38 ||

"Since by that roar these three worlds were made to cry out in terror, therefore, O king, you shall be known by the name Ravana."

Shloka 39 (uttara.16.39)

देवता मानुषा यक्षा ये चान्ये जगतीतले । एवं त्वामभिधास्यन्ति रावणं लोकरावणम् ॥ 16.39 ॥

devatā mānuṣā yakṣā ye cānye jagatītale | evaṃ tvāmabhidhāsyanti rāvaṇaṃ lokarāvaṇam || 16.39 ||

"Gods, men, yakshas, and all others upon the earth shall thus address you as Ravana -- 'he who makes the worlds cry out.'"

Shloka 40 (uttara.16.40)

गच्छ पौलस्त्य विस्रब्धं पथा येन त्वमिच्छसि । मया चैवाभ्यनुज्ञातो राक्षसाधिप गम्यताम् ॥ 16.40 ॥

gaccha paulastya visrabdhaṃ pathā yena tvamicchasi | mayā caivābhyanujñāto rākṣasādhipa gamyatām || 16.40 ||

"Go, O son of Pulastya, in confidence, by whatever path you wish; go now, O lord of rakshasas, with my leave."

Shloka 41 (uttara.16.41)

एवमुक्तस्तु लङ्केशः शम्भुना स्वयमब्रवीत् । प्रीतो यदि महादेव वरं मे देहि याचतः ॥ 16.41 ॥

evamuktastu laṅkeśaḥ śambhunā svayamabravīt | prīto yadi mahādeva varaṃ me dehi yācataḥ || 16.41 ||

Thus addressed by Shambhu himself, the lord of Lanka said, "O Mahadeva, if you are pleased, grant a boon to me who now ask it."

Shloka 42 (uttara.16.42)

अवध्यत्वं मया प्राप्तं देवगन्धर्वदानवैः । राक्षसैर्गुह्यकैर्नागैर्ये चान्ये बलवत्तराः ॥ 16.42 ॥

avadhyatvaṃ mayā prāptaṃ devagandharvadānavaiḥ | rākṣasairguhyakairnāgairye cānye balavattarāḥ || 16.42 ||

"I have already obtained invulnerability against gods, gandharvas, danavas, rakshasas, guhyakas, nagas, and whatever other powerful beings there are."

Shloka 43 (uttara.16.43)

मानुषान्न गणे देव स्वल्पास्ते मम सम्मताः । दीर्घमायुश्च मे प्राप्तं ब्रह्मणस्त्रिपुरान्तक ॥ 16.43 ॥

mānuṣānna gaṇe deva svalpāste mama sammatāḥ | dīrghamāyuśca me prāptaṃ brahmaṇastripurāntaka || 16.43 ||

"Men, O god, I do not count -- in my judgment they are of little account. And I have already obtained long life from Brahma, O destroyer of Tripura."

Shloka 44 (uttara.16.44)

वाञ्छितं चायुषः शेषं शस्त्रं त्वं च प्रयच्छ मे । एवमुक्तस्ततस्तेन रावणेन स शङ्करः ॥ 16.44 ॥

vāñchitaṃ cāyuṣaḥ śeṣaṃ śastraṃ tvaṃ ca prayaccha me | evamuktastatastena rāvaṇena sa śaṅkaraḥ || 16.44 ||

"Now grant me the desired remainder of lifespan, and a weapon besides." Thus addressed by Ravana, Shankara --

Shloka 45 (uttara.16.45)

ददौ खड्गं महादीप्तं चन्द्रहासमिति श्रुतम् । आयुषश्चावशेषं च स्थित्वा भूतपतिस्तदा ॥ 16.45 ॥

dadau khaḍgaṃ mahādīptaṃ candrahāsamiti śrutam | āyuṣaścāvaśeṣaṃ ca sthitvā bhūtapatistadā || 16.45 ||

-- gave him a greatly blazing sword known as Chandrahasa, and the remainder of lifespan he desired. Then the lord of beings,

Shloka 46 (uttara.16.46)

दत्त्वोवाच ततः शम्भुर्नावज्ञेयमिदं त्वया । अवज्ञातं यदि हि ते मामेवैष्यत्यसंशयः ॥ 16.46 ॥

dattvovāca tataḥ śambhurnāvajñeyamidaṃ tvayā | avajñātaṃ yadi hi te māmevaiṣyatyasaṃśayaḥ || 16.46 ||

having given these, said, "This must not be scorned by you; if it is scorned, it will surely return to me alone."

Shloka 47 (uttara.16.47)

एवं महेश्वरेणैव कृतनामा स रावणः । अभिवाद्य महादेवमारुरोहाथ पुष्पकम् ॥ 16.47 ॥

evaṃ maheśvareṇaiva kṛtanāmā sa rāvaṇaḥ | abhivādya mahādevamārurohātha puṣpakam || 16.47 ||

Thus, having received his very name from Maheshvara himself, that Ravana, bowing to Mahadeva, then mounted the Pushpaka.

Shloka 48 (uttara.16.48)

ततो महीतले राम पर्यक्रामत रावणः । क्षत्ऺित्रयान्सुमहावीर्यान्बाधमान इतस्ततः ॥ 16.48 ॥

tato mahītale rāma paryakrāmata rāvaṇaḥ | kṣatऺitrayānsumahāvīryānbādhamāna itastataḥ || 16.48 ||

Then, O Rama, Ravana roamed over the surface of the earth, harassing kshatriyas of great valour here and there.

Shloka 49 (uttara.16.49)

केचित्तेजस्विनः शूराः क्षत्ऺित्रया युद्धदुर्मदाः । तच्छासनमकुर्वन्तो विनेशुः सपरिच्छदाः ॥ 16.49 ॥

kecittejasvinaḥ śūrāḥ kṣatऺitrayā yuddhadurmadāḥ | tacchāsanamakurvanto vineśuḥ saparicchadāḥ || 16.49 ||

Some kshatriyas -- splendid, heroic, fierce in battle -- who would not submit to his command, perished together with their retinues.

Shloka 50 (uttara.16.50)

अपरे दुर्जयं रक्षो जानन्तः प्राज्ञसम्मताः । जिताः स्म इत्यभाषन्त राक्षसं बलदर्पितम् ॥ 16.50 ॥

apare durjayaṃ rakṣo jānantaḥ prājñasammatāḥ | jitāḥ sma ityabhāṣanta rākṣasaṃ baladarpitam || 16.50 ||

Others, prudent and wise, knowing that strength-proud rakshasa to be unconquerable, would simply say, "We are defeated."