Brahma Stays the Rod of Time

Shloka 1 (uttara.22.1)

स तु तस्य महानादं श्रुत्वा वैवस्वतः प्रभुः । शत्रुं विजयिनं मेने स्वबलस्य च सङ्क्षयम् ।। २२.१ ।।

sa tu tasya mahānādaṃ śrutvā vaivasvataḥ prabhuḥ | śatruṃ vijayinaṃ mene svabalasya ca saṅkṣayam ||

Hearing that mighty roar, Lord Vaivasvata (Yama) understood that the enemy had triumphed and that his own forces were destroyed.

Shloka 2 (uttara.22.2)

स हि योधान्हतान्मत्वा क्रोधसंरक्तलोचनः । अब्रवीत्त्वरितं सूतं रथो ऽयमुपनीयताम् ।। २२.२ ।।

sa hi yodhān hatān matvā krodhasaṃraktalocanaḥ | abravīt tvaritaṃ sūtaṃ ratho 'yam upanīyatām ||

Knowing his warriors slain, his eyes red with fury, he quickly said to his charioteer, "Bring my chariot at once."

Shloka 3 (uttara.22.3)

तस्य सूतस्तदा दिव्यमुपस्थाप्य महारथम् । स्थितः स च महातेजा ह्यध्यारोहत तं रथम् । प्राशमुद्गरहस्तश्च मृत्युस्तस्याग्रतः स्थितः ।। २२.३ ।।

tasya sūtas tadā divyam upasthāpya mahāratham | sthitaḥ sa ca mahātejā hy adhyārohata taṃ ratham | prāśamudgarahastaś ca mṛtyus tasyāgrataḥ sthitaḥ ||

Then his charioteer brought forth the divine great chariot; the resplendent lord mounted it. Death himself, spear and mace in hand, stood before him.

Shloka 4 (uttara.22.4)

येन सङ्क्षिप्यते सर्वं त्रैलोक्यमिदमव्ययम् । कालदण्डस्तु पार्श्वस्थो मूर्तिमानस्य चाभवत् । यमप्रहरणं दिव्यं तेजसा ज्वलदग्निमत् ।। २२.४ ।।

yena saṅkṣipyate sarvaṃ trailokyam idam avyayam | kāladaṇḍas tu pārśvastho mūrtimān asya cābhavat | yamapraharaṇaṃ divyaṃ tejasā jvaladagnimat ||

By which even this whole imperishable triple world could be annihilated — that Rod of Time, embodied, stood at his side: Yama's divine weapon, blazing with fiery splendor.

Shloka 5 (uttara.22.5)

तस्य पार्श्वेषु निच्छिद्राः कालपाशाः प्रतिष्ठिताः ।। २२.५ ।।

tasya pārśveṣu nicchidrāḥ kālapāśāḥ pratiṣṭhitāḥ ||

On either side of it stood the impenetrable Nooses of Time.

Shloka 6 (uttara.22.6)

पावकस्पर्शसङ्काशः स्थितो मूर्तश्च मुद्गरः ।। २२.६ ।।

pāvakasparśasaṅkāśaḥ sthito mūrtaś ca mudgaraḥ ||

There also stood, embodied, a mace whose touch was like fire.

Shloka 7 (uttara.22.7)

ततो लोकत्रयं क्षुब्धमकम्पन्त दिवौकसः । कालं दृष्ट्वा तथा क्रुद्धं सर्वलोकभयावहम् ।। २२.७ ।।

tato lokatrayaṃ kṣubdham akampanta divaukasaḥ | kālaṃ dṛṣṭvā tathā kruddhaṃ sarvalokabhayāvaham ||

Then the three worlds shook and the gods trembled, seeing Time so enraged, terrible to all the worlds.

Shloka 8 (uttara.22.8)

ततः प्रचोदयन्सूतस्तानश्वान्रुचिरप्रभान् । प्रययौ भीमसन्नादो यत्र रक्षःपतिः स्थितः ।। २२.८ ।।

tataḥ pracodayan sūtas tān aśvān ruciraprabhān | prayayau bhīmasannādo yatra rakṣaḥpatiḥ sthitaḥ ||

Then the charioteer, urging on those splendid steeds, drove with terrible roar to where the lord of rakshasas stood.

Shloka 9 (uttara.22.9)

मुहूर्तेन यमं ते तु हया हरिहयोपमाः । प्रापयन्मनसस्तुल्या यत्र तत्प्रस्तुतं रणम् ।। २२.९ ।।

muhūrtena yamaṃ te tu hayā harihayopamāḥ | prāpayan manasas tulyā yatra tat prastutaṃ raṇam ||

In an instant those horses, swift as Indra's own steeds and matching the speed of thought, brought Yama to where that battle was in progress.

Shloka 10 (uttara.22.10)

दृष्ट्वा तथैव विकृतं रथं मृत्युसमन्वितम् । सचिवा राक्षसेन्द्रस्य सहसा विप्रदुद्रुवुः ।। २२.१० ।।

dṛṣṭvā tathaiva vikṛtaṃ rathaṃ mṛtyusamanvitam | sacivā rākṣasendrasya sahasā vipradudruvuḥ ||

Seeing that fearsome chariot accompanied by Death itself, the ministers of the rakshasa king at once fled in all directions.

Shloka 11 (uttara.22.11)

लघुसत्त्वतया ते हि नष्टसञ्ज्ञा भयार्दिताः । नेह योद्धुं समर्थाः स्म इत्युक्त्वा प्रययुर्दिशः ।। २२.११ ।।

laghusattvatayā te hi naṣṭasañjñā bhayārditāḥ | neha yoddhuṃ samarthāḥ sma ity uktvā prayayur diśaḥ ||

Faint of heart, senseless with fear, saying "We are not able to fight here," they fled in every direction.

Shloka 12 (uttara.22.12)

स तु तं तादृशं दृष्ट्वा रथं लोकभयावहम् । नाक्षुभ्यत दशग्रीवो न चापि भयमाविशत् ।। २२.१२ ।।

sa tu taṃ tādṛśaṃ dṛṣṭvā rathaṃ lokabhayāvaham | nākṣubhyata daśagrīvo na cāpi bhayam āviśat ||

But seeing that chariot, terrible to all the worlds, Dashagriva neither wavered nor was overcome by fear.

Shloka 13 (uttara.22.13)

स तु रावणमासाद्य व्यसृजच्छक्तितोमरान् । यमो मर्माणि सङ्क्रुद्धो रावणस्योपकृन्तत ।। २२.१३ ।।

sa tu rāvaṇam āsādya vyasṛjac chaktitomarān | yamo marmāṇi saṅkruddho rāvaṇasyopakṛntata ||

Coming close upon Ravana, Yama hurled javelins and lances, and enraged, began to pierce Ravana's vital points.

Shloka 14 (uttara.22.14)

रावणस्तु ततः स्वस्थः शरवर्षं मुमोच ह । तस्मिन्वैवस्वतरथे तोयवर्षमिवाम्बुदः ।। २२.१४ ।।

rāvaṇas tu tataḥ svasthaḥ śaravarṣaṃ mumoca ha | tasmin vaivasvatarathe toyavarṣam ivāmbudaḥ ||

Ravana, unshaken, rained arrows upon that chariot of Vaivasvata, as a cloud pours down rain.

Shloka 15 (uttara.22.15)

ततो महाशक्तिशरैः पात्यमानैर्महोरसि । नाशक्नोत्प्रतिकर्तुं स राक्षसः शल्यपीडितः ।। २२.१५ ।।

tato mahāśaktiśarair pātyamānair mahorasi | nāśaknot pratikartuṃ sa rākṣasaḥ śalyapīḍitaḥ ||

Then, struck by great javelins and arrows falling upon his broad chest, the rakshasa, wounded and pained, was unable to retaliate.

Shloka 16 (uttara.22.16)

एवं नानाप्रहरणैर्यमेनामित्रकर्षिणा । सप्तरात्रं कृतः सङ्ख्ये विसञ्ज्ञो विमुखो रिपुः ।। २२.१६ ।।

evaṃ nānāpraharaṇair yamenāmitrakarṣiṇā | saptarātraṃ kṛtaḥ saṅkhye visañjño vimukho ripuḥ ||

Thus, with various weapons, Yama the subduer of foes fought for seven nights, rendering the enemy senseless and driven back.

Shloka 17 (uttara.22.17)

तदासीत्तुमुलं युद्धं यमराक्षसयोर्द्वयोः । जयमाकाङ्क्षतोर्वीर समरेष्वनिवर्तिनोः ।। २२.१७ ।।

tadāsīt tumulaṃ yuddhaṃ yamarākṣasayor dvayoḥ | jayam ākāṅkṣator vīra samareṣv anivartinoḥ ||

O hero, thus raged that tumultuous battle between Yama and the rakshasa, both desiring victory, neither retreating in combat.

Shloka 18 (uttara.22.18)

ततो देवाः सगन्धर्वाः सिद्धाश्च परमर्षयः । प्रजापतिं पुरस्कृत्य समेतास्तद्रणाजिरम् ।। २२.१८ ।।

tato devāḥ sagandharvāḥ siddhāś ca paramarṣayaḥ | prajāpatiṃ puraskṛtya sametās tad raṇājiram ||

Then the gods with the gandharvas, the siddhas, and the great sages, with Prajapati Brahma at their head, gathered upon that battlefield.

Shloka 19 (uttara.22.19)

संवर्त इव लोकानां क्रुध्यतोरभवत्तदा । राक्षसानां च मुख्यस्य प्रेतानामीश्वरस्य च ।। २२.१९ ।।

saṃvarta iva lokānāṃ krudhyator abhavat tadā | rākṣasānāṃ ca mukhyasya pretānām īśvarasya ca ||

The wrath of those two — the chief of rakshasas and the lord of the departed — seemed like the very dissolution of the worlds.

Shloka 20 (uttara.22.20)

राक्षसेन्द्रो ऽपि विस्फार्य चापमिन्द्राशनिप्रभम् । निरन्तरमिवाकाशं कुर्वन्बाणांस्ततो ऽसृजत् ।। २२.२० ।।

rākṣasendro 'pi visphārya cāpam indrāśaniprabham | nirantaram ivākāśaṃ kurvan bāṇāṃs tato 'sṛjat ||

The lord of rakshasas too twanged his bow, bright as Indra's thunderbolt, and loosed arrows that seemed to fill the sky without a gap.

Shloka 21 (uttara.22.21)

मृत्युं चतुर्भिर्विशिखैः सूतं सप्तभिरार्दयत् । यमं शतसहस्रेण शीघ्रं मर्मस्वताडयत् ।। २२.२१ ।।

mṛtyuṃ caturbhir viśikhaiḥ sūtaṃ saptabhir ārdayat | yamaṃ śatasahasreṇa śīghraṃ marmasv atāḍayat ||

With four arrows he wounded Death; with seven, the charioteer; and with hundreds of thousands of arrows he swiftly struck at Yama's vital points.

Shloka 22 (uttara.22.22)

ततः क्रुद्धस्य वदनाद्यमस्य समजायत । ज्वालामाली सनिःश्वासः सधूमः कोपपावकः ।। २२.२२ ।।

tataḥ kruddhasya vadanād yamasya samajāyata | jvālāmālī saniḥśvāsaḥ sadhūmaḥ kopapāvakaḥ ||

Then from the mouth of the enraged Yama arose a fire of wrath, garlanded in flame, smoking, mingled with his very breath.

Shloka 23 (uttara.22.23)

तदाश्चर्यमथो दृष्ट्वा देवदानवसन्निधौ । प्रहर्षितौ सुसंरब्धौ मृत्युकालौ बभूवतुः ।। २२.२३ ।।

tad āścaryam atho dṛṣṭvā devadānavasannidhau | praharṣitau susaṃrabdhau mṛtyukālau babhūvatuḥ ||

Beholding this wonder in the presence of gods and danavas, both Death and Time became greatly excited and fierce.

Shloka 24 (uttara.22.24)

ततो मृत्युः क्रुद्धतरो वैवस्वतमभाषत । मुञ्च मां समरे यावद्धन्मीमं पापराक्षसम् । नैषा रक्षो भवेदद्य मर्यादा हि निसर्गतः ।। २२.२४ ।।

tato mṛtyuḥ kruddhataro vaivasvatam abhāṣata | muñca māṃ samare yāvad dhanmi imaṃ pāparākṣasam | naiṣā rakṣo bhaved adya maryādā hi nisargataḥ ||

Then Death, more furious still, said to Vaivasvata: "Release me into this battle so that I may slay this sinful rakshasa. It is not my natural way that this rakshasa should escape today."

Shloka 25 (uttara.22.25)

हिरण्यकशिपुः श्रीमान्नमुचिः शम्बरस्तथा । विसन्धिर्धूमकेतुश्च बलिर्वैरोचनो ऽपि च ।। २२.२५ ।।

hiraṇyakaśipuḥ śrīmān namuciḥ śambaras tathā | visandhir dhūmaketuś ca balir vairocano 'pi ca ||

"Glorious Hiranyakashipu, Namuchi, Shambara, Visandhi, Dhumaketu, and Bali son of Virochana —

Shloka 26 (uttara.22.26)

दम्भुर्दैत्यमहाराजो वृत्रो बाणस्तथैव च । राजर्षयः शास्त्रविदो गन्धर्वाः समहोरगाः ।। २२.२६ ।।

dambhur daityamahārājo vṛtro bāṇas tathaiva ca | rājarṣayaḥ śāstravido gandharvāḥ samahoragāḥ ||

the daitya-king Dambhu, Vritra, Bana, royal sages learned in scripture, gandharvas, and great serpents —

Shloka 27 (uttara.22.27)

ऋषयः पन्नगा दैत्या यक्षाश्चाप्यप्सरोगणाः । युगान्तपरिवर्ते च पृथिवी समहार्णवा ।। २२.२७ ।।

ṛṣayaḥ pannagā daityā yakṣāś cāpy apsarogaṇāḥ | yugāntaparivarte ca pṛthivī samahārṇavā ||

sages, serpents, daityas, yakshas, and hosts of apsaras — and at the turning of the age, the very earth with the great ocean —

Shloka 28 (uttara.22.28)

क्षयं नीता महाराज सपर्वतसरिद्द्रुमा । एते चान्ये च बहवो बलवन्तो दुरासदाः ।। २२.२८ ।।

kṣayaṃ nītā mahārāja saparvatasariddrumā | ete cānye ca bahavo balavanto durāsadāḥ ||

— with mountains, rivers, and forests, O great king, I have seen brought to destruction. These and many other mighty, invincible beings —

Shloka 29 (uttara.22.29)

विनिपन्ना मया दृष्टाः किमुतायं निशाचरः ।। २२.२९ ।।

vinipannā mayā dṛṣṭāḥ kimutāyaṃ niśācaraḥ ||

I have seen fall before me — what then of this mere night-wanderer!

Shloka 30 (uttara.22.30)

मुञ्चं मां साधु धर्मज्ञ यावदेनं निहन्म्यहम् । नहि कश्चिन्मया दृष्टो बलवानपि जीवति ।। २२.३० ।।

muñcaṃ māṃ sādhu dharmajña yāvad enaṃ nihanmy aham | nahi kaścin mayā dṛṣṭo balavān api jīvati ||

"O knower of righteousness, release me freely, until I slay him. No one whom I have once looked upon, however mighty, lives on."

Shloka 31 (uttara.22.31)

बलं मम न खल्वेतन्मर्यादैषा निसर्गतः । स दृष्टो न मया कालं मुहुर्तमापि जीवति ।। २२.३१ ।।

balaṃ mama na khalv etan maryādaiṣā nisargataḥ | sa dṛṣṭo na mayā kālaṃ muhūrtam api jīvati ||

"This is not merely my strength — it is my inherent law: whoever I have looked upon does not survive even a moment."

Shloka 32 (uttara.22.32)

तस्यैवं वचनं श्रुत्वा धर्मराजः प्रतापवान् । अब्रवीत्तत्र तं मुत्युं त्वं तिष्ठैनं निहन्म्यहम् ।। २२.३२ ।।

tasyaivaṃ vacanaṃ śrutvā dharmarājaḥ pratāpavān | abravīt tatra taṃ mṛtyuṃ tvaṃ tiṣṭhainaṃ nihanmy aham ||

Hearing these words, the mighty King of Righteousness said to Death, "You stay back; I myself shall slay him."

Shloka 33 (uttara.22.33)

ततः संरक्तनयनः क्रुद्धो वैवस्वतः प्रभुः । कालदण्डममोघं तु तोलयामास पाणिना ।। २२.३३ ।।

tataḥ saṃraktanayanaḥ kruddho vaivasvataḥ prabhuḥ | kāladaṇḍam amoghaṃ tu tolayām āsa pāṇinā ||

Then, his eyes red with rage, the enraged Lord Vaivasvata raised in his hand the unfailing Rod of Time.

Shloka 34 (uttara.22.34)

यस्य पार्श्वेषु निखिला कालपाशाः प्रतिष्ठिताः । पावकाशनिसङ्काशो मुद्गरो मूर्तिमान्स्थितः ।। २२.३४ ।।

yasya pārśveṣu nikhilā kālapāśāḥ pratiṣṭhitāḥ | pāvakāśanisaṅkāśo mudgaro mūrtimān sthitaḥ ||

On whose sides stood all the Nooses of Time, and beside which stood, embodied, a mace radiant as fire and thunderbolt.

Shloka 35 (uttara.22.35)

दर्शनादेव यः प्राणान्प्राणिनामपकर्षति । किं पुनः स्पृश्यमानस्य पात्यमानस्य वा पुनः ।। २२.३५ ।।

darśanād eva yaḥ prāṇān prāṇinām apakarṣati | kiṃ punaḥ spṛśyamānasya pātyamānasya vā punaḥ ||

That rod, by whose mere sight the life-breath is drawn from living beings — what then when one is touched, or struck, by it!

Shloka 36 (uttara.22.36)

स ज्वालापरिवारस्तु निर्दहन्निव राक्षसम् । तेन स्पृष्टो बलवता महाप्रहरणो ऽस्फुरत् ।। २२.३६ ।।

sa jvālāparivāras tu nirdahann iva rākṣasam | tena spṛṣṭo balavatā mahāpraharaṇo 'sphurat ||

That great weapon, ringed in flame as if to burn the rakshasa outright, quivered as it was gripped by the mighty one.

Shloka 37 (uttara.22.37)

ततो विदुद्रुवुः सर्वे तस्मात्रस्ता रणाजिरे । सुराश्च क्षुभिताः सर्वे दृष्ट्वा दण्डोद्यतं यमम् ।। २२.३७ ।।

tato vidudruvuḥ sarve tasmāt trastā raṇājire | surāś ca kṣubhitāḥ sarve dṛṣṭvā daṇḍodyataṃ yamam ||

Then all fled from him in fear across that battlefield, and all the gods too were shaken, seeing Yama with the rod upraised.

Shloka 38 (uttara.22.38)

तस्मिन्प्रहर्तुकामे तु यमे दण्डेन रावणम् । यमं पितामहः साक्षाद्दर्शयित्वेदमब्रवीत् ।। २२.३८ ।।

tasmin prahartukāme tu yame daṇḍena rāvaṇam | yamaṃ pitāmahaḥ sākṣād darśayitvedam abravīt ||

As Yama, poised to strike Ravana with that rod, was about to act, Grandsire Brahma himself appeared before him and spoke thus.

Shloka 39 (uttara.22.39)

वैवस्वत महाबाहो न खल्वमितविक्रम । न हन्तव्यस्त्वया तेन दण्डेनैव निशाचरः ।। २२.३९ ।।

vaivasvata mahābāho na khalv amitavikrama | na hantavyas tvayā tena daṇḍenaiva niśācaraḥ ||

"O mighty-armed Vaivasvata, O boundless in valor! This night-wanderer must not be slain by you with that rod.

Shloka 40 (uttara.22.40)

वरः खलु मयैतस्मै दत्तस्त्रिदशपुङ्गव । स त्वया नानृतः कार्यो यन्मया व्याहृतं वचः ।। २२.४० ।।

varaḥ khalu mayaitasmai dattas tridaśapuṅgava | sa tvayā nānṛtaḥ kāryo yan mayā vyāhṛtaṃ vacaḥ ||

For I, O chief of the gods, have granted this one a boon. What I have spoken must not be made false by you.

Shloka 41 (uttara.22.41)

यो हि मामनृतं कुर्याद्देवो वा मानुषो ऽपि वा । त्रैलोक्यमनृतं तेन कृतं स्यान्नात्र संशयः ।। २२.४१ ।।

yo hi mām anṛtaṃ kuryād devo vā mānuṣo 'pi vā | trailokyam anṛtaṃ tena kṛtaṃ syān nātra saṃśayaḥ ||

Whoever — god or man — makes my word false, has thereby made the whole triple world false; of this there is no doubt.

Shloka 42 (uttara.22.42)

क्रुद्धेन विप्रमुक्तो ऽयं निर्विशेषं प्रियाप्रिये । प्रजाः संहरते रौद्रो लोकत्रयभयावहः ।। २२.४२ ।।

kruddhena vipramukto 'yaṃ nirviśeṣaṃ priyāpriye | prajāḥ saṃharate raudro lokatrayabhayāvahaḥ ||

This terrible rod, once released in anger, destroys all beings without distinction of friend or foe, and strikes terror into the three worlds.

Shloka 43 (uttara.22.43)

अमोघो ह्येष सर्वेषां प्राणिनाममितप्रभः । कालदण्डो मया सृष्टः पूर्वं मृत्युपुरस्कृतः ।। २२.४३ ।।

amogho hy eṣa sarveṣāṃ prāṇinām amitaprabhaḥ | kāladaṇḍo mayā sṛṣṭaḥ pūrvaṃ mṛtyupuraskṛtaḥ ||

This Rod of Time, of boundless splendor, unfailing against all living beings, was created by me long ago with Death set before it.

Shloka 44 (uttara.22.44)

तन्न खल्वेष ते सौम्य पात्यो रावणमूर्धनि । नह्यस्मिन्पतिते कश्चिन्मुहूर्तमपि जीवति ।। २२.४४ ।।

tan na khalv eṣa te saumya pātyo rāvaṇamūrdhani | nahy asmin patite kaścin muhūrtam api jīvati ||

"Therefore, gentle one, this must not be brought down upon Ravana's head, for once it falls, none survives even a moment.

Shloka 45 (uttara.22.45)

यदि ह्यन्मिन्निपतिते न म्रियेतैष राक्षसः । म्रियते वा दशग्रीवस्तदाप्युभयतो ऽनृतम् ।। २२.४५ ।।

yadi hy asmin nipatite na mriyetaiṣa rākṣasaḥ | mriyate vā daśagrīvas tadāpy ubhayato 'nṛtam ||

If this rakshasa should not die when it falls, or if Dashagriva should indeed die, either way falsehood results.

Shloka 46 (uttara.22.46)

तन्निवर्तय लङ्केशं दण्डमेतं समुद्यतम् । सत्यं च मां कुरुष्वाद्य लोकांस्त्वं यद्यवेक्षसे ।। २२.४६ ।।

tan nivartaya laṅkeśaṃ daṇḍam etaṃ samudyatam | satyaṃ ca māṃ kuruṣvādya lokāṃs tvaṃ yady avekṣase ||

"Therefore withdraw this upraised rod from the Lord of Lanka, and if you have regard for the worlds, make my word true this day."

Shloka 47 (uttara.22.47)

एवमुक्तस्तु धर्मात्मा प्रत्युवाच यमस्तदा । एष व्यावर्तितो दण्डः प्रभविष्णुर्हि नो भवान् ।। २२.४७ ।।

evam uktas tu dharmātmā pratyuvāca yamas tadā | eṣa vyāvartito daṇḍaḥ prabhaviṣṇur hi no bhavān ||

Thus addressed, the righteous Yama replied: "This rod is withdrawn, for you indeed are the master of us all.

Shloka 48 (uttara.22.48)

किं न्विदानीं मया शक्यं कर्तुं रणगतेन हि । न मया यद्ययं शक्यो हन्तुं वरपुरस्कृतः ।। २२.४८ ।।

kiṃ nv idānīṃ mayā śakyaṃ kartuṃ raṇagatena hi | na mayā yady ayaṃ śakyo hantuṃ varapuraskṛtaḥ ||

What indeed can I now do, having entered this battle, if I cannot slay one shielded by such a boon?

Shloka 49 (uttara.22.49)

एष तस्मात्प्रणश्यामि दर्शनादस्य रक्षसः । इत्युक्त्वा सरथः साश्वस्तत्रैवान्तरधीयत ।। २२.४९ ।।

eṣa tasmāt praṇaśyāmi darśanād asya rakṣasaḥ | ity uktvā sarathaḥ sāśvas tatraivāntaradhīyata ||

"Therefore I withdraw myself from the sight of this rakshasa." So saying, he vanished there and then, with chariot and horses.

Shloka 50 (uttara.22.50)

दशग्रीवस्तु तं जित्वा नाम विश्राव्य चात्मनः । आरुह्य पुष्पकं भूयो निष्क्रान्तो यमसादनात् ।। २२.५० ।।

daśagrīvas tu taṃ jitvā nāma viśrāvya cātmanaḥ | āruhya puṣpakaṃ bhūyo niṣkrānto yamasadanāt ||

Having thus defeated him and proclaimed his own name, Dashagriva mounted the Pushpaka once more and departed from Yama's abode.

Shloka 51 (uttara.22.51)

स तु वैवस्वतो देवैः सह ब्रह्मपुरोगमैः । जगाम त्रिदिवं हृष्टो नारदश्च महामुनिः ।। २२.५१ ।।

sa tu vaivasvato devaiḥ saha brahmapurogamaiḥ | jagāma tridivaṃ hṛṣṭo nāradaś ca mahāmuniḥ ||

Then Vaivasvata (Yama), with the gods led by Brahma, and the great sage Narada too, went on rejoicing to the heavenly realm.