Brahma Grants the Name Indrajit

Shloka 1 (uttara.30.1)

जिते महेन्द्रे ऽतिबले रावणस्य सुतेन वै। प्रजापतिं पुरस्कृत्य ययुर्लङ्कां सुरास्तदा ॥ 30.1 ॥

jite mahendre 'tibale rāvaṇasya sutena vai| prajāpatiṃ puraskṛtya yayurlaṅkāṃ surāstadā || 30.1 ||

When immensely powerful Mahendra was thus conquered by Ravana's son, the gods, placing Prajapati (Brahma) at their head, then went to Lanka.

Shloka 2 (uttara.30.2)

तत्र रावणमासाद्य पुत्रभ्रातृभिरावृतम्। अब्रवीद्गगने तिष्ठन्सामपूर्वं प्रजापतिः ॥ 30.2 ॥

tatra rāvaṇamāsādya putrabhrātṛbhirāvṛtam| abravīdgagane tiṣṭhansāmapūrvaṃ prajāpatiḥ || 30.2 ||

There, approaching Ravana, surrounded by his son and brothers, Prajapati, standing in the sky, spoke to him with words of conciliation first.

Shloka 3 (uttara.30.3)

वत्स रावण तुष्टो ऽस्मि पुत्रस्य तव संयुगे। अहो ऽस्य विक्रमौदार्यं तव तुल्यो ऽधिको ऽपि वा ॥ 30.3 ॥

vatsa rāvaṇa tuṣṭo 'smi putrasya tava saṃyuge| aho 'sya vikramaudāryaṃ tava tulyo 'dhiko 'pi vā || 30.3 ||

"Dear Ravana, I am delighted at your son's conduct in this battle. Ah, how noble his valour — equal to yours, or even greater!

Shloka 4 (uttara.30.4)

जितं हि भवता सर्वं त्रैलोक्यं स्वेन तेजसा। कृता प्रतिज्ञा सफला प्रीतो ऽस्मि स्वसुतेन वै ॥ 30.4 ॥

jitaṃ hi bhavatā sarvaṃ trailokyaṃ svena tejasā| kṛtā pratijñā saphalā prīto 'smi svasutena vai || 30.4 ||

By your own splendour, the entire three worlds has indeed been conquered by you; your vow has been fulfilled — I am truly pleased with your own son.

Shloka 5 (uttara.30.5)

अयं च पुत्रो ऽतिबलस्तव रावण वीर्यवान्। जगतीन्द्रजिदित्येव परिख्यातो भविष्यति ॥ 30.5 ॥

ayaṃ ca putro 'tibalastava rāvaṇa vīryavān| jagatīndrajidityeva parikhyāto bhaviṣyati || 30.5 ||

And this immensely powerful, valiant son of yours, O Ravana, shall henceforth be renowned throughout the world by the very name Indrajit.

Shloka 6 (uttara.30.6)

बलवान्दुर्जयश्चैव भविष्यत्येव राक्षसः। यं समाश्रित्य ते राजन्स्थापितास्त्रिदशा वशे ॥ 30.6 ॥

balavāndurjayaścaiva bhaviṣyatyeva rākṣasaḥ| yaṃ samāśritya te rājansthāpitāstridaśā vaśe || 30.6 ||

This rakshasa shall indeed become powerful and unconquerable — he by relying on whom, O king, you have brought the gods under your sway.

Shloka 7 (uttara.30.7)

तन्मुच्यतां महाबाहो महेन्द्रः पाकशासनः। किञ्चास्य मोक्षणार्थाय प्रयच्छन्तु दिवौकसः ॥ 30.7 ॥

tanmucyatāṃ mahābāho mahendraḥ pākaśāsanaḥ| kiñcāsya mokṣaṇārthāya prayacchantu divaukasaḥ || 30.7 ||

Now, O mighty-armed one, let great Indra, chastiser of Paka, be released; and let the gods grant something in return for his release."

Shloka 8 (uttara.30.8)

अथाब्रवीन्महातेजा इन्द्रजित्समितिञ्जयः। अमरत्वमहं देव वृणे यद्येष मुच्यते ॥ 30.8 ॥

athābravīnmahātejā indrajitsamitiñjayaḥ| amaratvamahaṃ deva vṛṇe yadyeṣa mucyate || 30.8 ||

Then the greatly radiant Indrajit, victorious in battle, said: "O god, if he is to be released, then I choose immortality for myself.

Shloka 9 (uttara.30.9)

चतुष्पदां खेचराणामन्येषां वा महौजसाम्। वृक्षगुल्मक्षुपलतातृणोपलमहीभृताम् ॥ 30.9 ॥

catuṣpadāṃ khecarāṇāmanyeṣāṃ vā mahaujasām| vṛkṣagulmakṣupalatātṛṇopalamahībhṛtām || 30.9 ||

[as is granted] among quadrupeds, sky-going creatures, or other mighty beings, among trees, shrubs, bushes, creepers, grasses, rocks and mountains —

Shloka 10 (uttara.30.10)

सर्वे ऽपि जन्तवो ऽन्योन्यं भेतव्ये सति बिभ्यति। अतो ऽत्र लोके सर्वेषां सर्वस्माच्च भवेद्भयम् ॥ 30.10 ॥

sarve 'pi jantavo 'nyonyaṃ bhetavye sati bibhyati| ato 'tra loke sarveṣāṃ sarvasmācca bhavedbhayam || 30.10 ||

all creatures fear one another when there is cause for fear; hence in this world there arises, for all, fear from all things."

Shloka 11 (uttara.30.11)

ततो ऽब्रवीन्महातेजा मेघनादं प्रजापतिः। नास्ति सर्वामरत्वं हि कस्यचित्प्राणिनो भुवि। चतुष्पदः पक्षिणश्च भूतानां वा महौजसाम् ॥ 30.11 ॥

tato 'bravīnmahātejā meghanādaṃ prajāpatiḥ| nāsti sarvāmaratvaṃ hi kasyacitprāṇino bhuvi| catuṣpadaḥ pakṣiṇaśca bhūtānāṃ vā mahaujasām || 30.11 ||

Then the greatly radiant Prajapati said to Meghanada: "There is no such thing as complete immortality on this earth for any living being at all — not for quadrupeds, birds, or any other creatures, however mighty.

Shloka 12 (uttara.30.12)

श्रुत्वा पितामहेनोक्तमिन्द्रजित्प्रभुणाव्ययम् ॥ 30.12 ॥

śrutvā pitāmahenoktamindrajitprabhuṇāvyayam || 30.12 ||

Having heard this said by the imperishable Grandsire, the lord Indrajit —

Shloka 13 (uttara.30.13)

अथाब्रवीत्स तत्रस्थं मेघनादो महाबलः। श्रूयतां वा भवेत्सिद्धिः शतक्रतुविमोक्षणे ॥ 30.13 ॥

athābravītsa tatrasthaṃ meghanādo mahābalaḥ| śrūyatāṃ vā bhavetsiddhiḥ śatakratuvimokṣaṇe || 30.13 ||

then that mighty Meghanada, standing there, replied: "Then hear what boon would suit me, in exchange for the release of Shatakratu.

Shloka 14 (uttara.30.14)

ममेष्टं नित्यशो हव्यैर्मन्त्रैः सम्पूज्य पावकम्। सङ्ग्राममवतर्त्तुं च शत्रुनिर्जयकाङ्क्षिणः ॥ 30.14 ॥

mameṣṭaṃ nityaśo havyairmantraiḥ sampūjya pāvakam| saṅgrāmamavatarttuṃ ca śatrunirjayakāṅkṣiṇaḥ || 30.14 ||

It is always my practice, before I go down into battle desiring victory over the enemy, to worship the Fire-god with oblations and sacred formulas.

Shloka 15 (uttara.30.15)

अश्वयुक्तो रथो मह्यमुत्तिष्ठेत्तु विभावसोः। तत्स्थस्यामरता स्यान्मे एष मे निश्चयो वरः ॥ 30.15 ॥

aśvayukto ratho mahyamuttiṣṭhettu vibhāvasoḥ| tatsthasyāmaratā syānme eṣa me niścayo varaḥ || 30.15 ||

Should a chariot yoked with horses then arise for me out of that Fire, then, as long as I remain upon it, let immortality be mine — this is the boon I have resolved upon.

Shloka 16 (uttara.30.16)

तस्मिन्यद्यसमाप्ते च जप्यहोमे विभावसौ। युध्येयं देव सङ्ग्रामे तदा मे स्याद्विनाशनम् ॥ 30.16 ॥

tasminyadyasamāpte ca japyahome vibhāvasau| yudhyeyaṃ deva saṅgrāme tadā me syādvināśanam || 30.16 ||

But, O god, should I go to fight in battle while that muttered oblation to the Fire-god remains uncompleted, then in that case let my destruction follow.

Shloka 17 (uttara.30.17)

सर्वो हि तपसा देव वृणोत्यमरतां पुमान्। विक्रमेण मया त्वेतदमरत्वं प्रवर्तितम् ॥ 30.17 ॥

sarvo hi tapasā deva vṛṇotyamaratāṃ pumān| vikrameṇa mayā tvetadamaratvaṃ pravartitam || 30.17 ||

For, O god, every man attains immortality by austerity; but by my own valour, I have brought about this immortality of mine."

Shloka 18 (uttara.30.18)

एवमस्त्विति तं चाह वाक्यं देवः पितामहः। मुक्तश्चेन्द्रजिता शक्रो गताश्च त्रिदिवं सुराः ॥ 30.18 ॥

evamastviti taṃ cāha vākyaṃ devaḥ pitāmahaḥ| muktaścendrajitā śakro gatāśca tridivaṃ surāḥ || 30.18 ||

"So be it," the god, the Grandsire, said to him in reply; and Shakra was released by Indrajit, and the gods returned to heaven.

Shloka 19 (uttara.30.19)

एतस्मिन्नन्तरे राम दीनो भ्रष्टाम्बरद्युतिः। इन्द्रश्चिन्तापरीतात्मा ध्यानतत्परतां गतः ॥ 30.19 ॥

etasminnantare rāma dīno bhraṣṭāmbaradyutiḥ| indraścintāparītātmā dhyānatatparatāṃ gataḥ || 30.19 ||

Meanwhile, O Rama, wretched, his celestial radiance faded, Indra, his mind overcome with anxiety, sank into deep contemplation.

Shloka 20 (uttara.30.20)

तं तु दृष्ट्वा तथाभूतं प्राह देवः प्रजापतिः। शतक्रतो किमु पुरा करोति स्म सुदुष्कृतम् ॥ 30.20 ॥

taṃ tu dṛṣṭvā tathābhūtaṃ prāha devaḥ prajāpatiḥ| śatakrato kimu purā karoti sma suduṣkṛtam || 30.20 ||

Seeing him in that state, the god Prajapati said to him: "O Shatakratu, what great misdeed did you once commit?

Shloka 21 (uttara.30.21)

अमरेन्द्र मया बह्व्यः प्रजाः सृष्टास्तथा प्रभो। एकवर्णाः समाभाषा एकरूपाश्च सर्वशः ॥ 30.21 ॥

amarendra mayā bahvyaḥ prajāḥ sṛṣṭāstathā prabho| ekavarṇāḥ samābhāṣā ekarūpāśca sarvaśaḥ || 30.21 ||

O lord of the immortals, long ago I created many creatures, O master, all of a single hue, all speaking alike, and all identical in form in every way.

Shloka 22 (uttara.30.22)

तासां नास्ति विशेषो हि दर्शने लक्षणे ऽपि वा। ततो ऽहमेकाग्रमनास्ताः प्रजाः परिचिन्तयम् ॥ 30.22 ॥

tāsāṃ nāsti viśeṣo hi darśane lakṣaṇe 'pi vā| tato 'hamekāgramanāstāḥ prajāḥ paricintayam || 30.22 ||

Among them there was no distinction, either in appearance or in feature; so, my mind fixed intently, I pondered over those creatures.

Shloka 23 (uttara.30.23)

सो ऽहं तासां विशेषार्थं स्त्रियमेकां विनिर्ममे। यद्यत्प्रजानां प्रत्यङ्गं विशिष्टं तत्तदुद्धृतम् ॥ 30.23 ॥

so 'haṃ tāsāṃ viśeṣārthaṃ striyamekāṃ vinirmame| yadyatprajānāṃ pratyaṅgaṃ viśiṣṭaṃ tattaduddhṛtam || 30.23 ||

I then, for the sake of distinguishing them, fashioned a single woman; whatever was most excellent in each limb of all those creatures, that very thing was drawn out and taken.

Shloka 24 (uttara.30.24)

ततो मया रूपगुणैरहल्या स्त्री विनिर्मिता। हलं नामेह वैरूपं हल्यं तत्प्रभवं भवेत् ॥ 30.24 ॥

tato mayā rūpaguṇairahalyā strī vinirmitā| halaṃ nāmeha vairūpaṃ halyaṃ tatprabhavaṃ bhavet || 30.24 ||

Thus, with all these qualities of beauty, I fashioned the woman Ahalya — for "hala" here means "deformity", and "halya" would mean that which arises from it.

Shloka 25 (uttara.30.25)

यस्मान्न विद्यते हल्यं तेनाहल्येति विश्रुता। अहल्येति मया शक्र तस्या नाम प्रवर्तितम् ॥ 30.25 ॥

yasmānna vidyate halyaṃ tenāhalyeti viśrutā| ahalyeti mayā śakra tasyā nāma pravartitam || 30.25 ||

Since no such deformity existed in her, she became known as Ahalya, "the one without deformity"; it was I, O Shakra, who gave her this very name.

Shloka 26 (uttara.30.26)

निर्मितायां च देवेन्द्र तस्यां नार्यां सुरर्षभ। भविष्यतीति कस्यैषा मम चिन्ता ततो ऽभवत् ॥ 30.26 ॥

nirmitāyāṃ ca devendra tasyāṃ nāryāṃ surarṣabha| bhaviṣyatīti kasyaiṣā mama cintā tato 'bhavat || 30.26 ||

And once that woman was created, O lord of the gods, O bull among the immortals, I then began to wonder to whom she would belong.

Shloka 27 (uttara.30.27)

त्वं तु शक्र तदा नारीं जानीषे मनसा प्रभो। स्थानाधिकतया पत्नी ममैषेति पुरन्दर ॥ 30.27 ॥

tvaṃ tu śakra tadā nārīṃ jānīṣe manasā prabho| sthānādhikatayā patnī mamaiṣeti purandara || 30.27 ||

But you, O Shakra, O lord, in your mind at that time considered — "By right of my high station, this woman shall be my own wife," O Purandara.

Shloka 28 (uttara.30.28)

सा मया न्यासभूता तु गौतमस्य महात्मनः। न्यस्ता बहूनि वर्षाणि तेन निर्यातिता च ह ॥ 30.28 ॥

sā mayā nyāsabhūtā tu gautamasya mahātmanaḥ| nyastā bahūni varṣāṇi tena niryātitā ca ha || 30.28 ||

But she was placed by me, as a trust, in the keeping of the great-souled Gautama; deposited there for many years, she was then finally given back by him.

Shloka 29 (uttara.30.29)

ततस्तस्य परिज्ञाय महास्थैर्यं महामुनेः। ज्ञात्वा तपसि सिद्धिं च पत्न्यर्थं स्पर्शिता तदा ॥ 30.29 ॥

tatastasya parijñāya mahāsthairyaṃ mahāmuneḥ| jñātvā tapasi siddhiṃ ca patnyarthaṃ sparśitā tadā || 30.29 ||

Then, having recognized the great steadfastness of that great sage, and knowing his accomplishment in austerity, she was then given over to him, for his wife.

Shloka 30 (uttara.30.30)

सङ्क्रुद्धस्त्वं हि धर्मात्मन् गत्वा तस्याश्रमं मुनेः। दृष्टवांश्च तदा तां स्त्रीं दीप्तामग्निशिखामिव ॥ 30.30 ॥

saṅkruddhastvaṃ hi dharmātman gatvā tasyāśramaṃ muneḥ| dṛṣṭavāṃśca tadā tāṃ strīṃ dīptāmagniśikhāmiva || 30.30 ||

You, O righteous-souled one, enraged, went then to that sage's hermitage, and there beheld that woman, blazing like a flame of fire.

Shloka 31 (uttara.30.31)

सा त्वया धर्षिता शक्र कामार्तेन समन्युना। दृष्टस्त्वं च तदा तेन ह्याश्रमे परमर्षिणा ॥ 30.31 ॥

sā tvayā dharṣitā śakra kāmārtena samanyunā| dṛṣṭastvaṃ ca tadā tena hyāśrame paramarṣiṇā || 30.31 ||

She was violated by you, O Shakra, tormented by desire and anger; and you yourself were then seen, in that very hermitage, by that supreme sage.

Shloka 32 (uttara.30.32)

ततः क्रुद्धेन तेना ऽसि शप्तः परमतेजसा। गतो ऽसि येन देवेन्द्र दशाभागविपर्ययम् ॥ 30.32 ॥

tataḥ kruddhena tenā 'si śaptaḥ paramatejasā| gato 'si yena devendra daśābhāgaviparyayam || 30.32 ||

Then, enraged, that supremely radiant one cursed you, O lord of the gods, by which curse you were brought to a reversal of your very state.

Shloka 33 (uttara.30.33)

यस्मान्मे धर्षिता पत्नी त्वया वासव निर्भयम्। तस्मात्त्वं समरे राजञ्छत्रुहस्तं गमिष्यसि ॥ 30.33 ॥

yasmānme dharṣitā patnī tvayā vāsava nirbhayam| tasmāttvaṃ samare rājañchatruhastaṃ gamiṣyasi || 30.33 ||

"Since my wife has been violated by you, O Vasava, without fear of consequence, therefore, O king, you shall one day fall into an enemy's hands in battle.

Shloka 34 (uttara.30.34)

अयं तु भावो दुर्बुद्धे यस्त्वयेह प्रवर्तितः। मानुषेष्वपि लोकेषु भविष्यति न संशयः ॥ 30.34 ॥

ayaṃ tu bhāvo durbuddhe yastvayeha pravartitaḥ| mānuṣeṣvapi lokeṣu bhaviṣyati na saṃśayaḥ || 30.34 ||

And this very impulse, O evil-minded one, which you have here set in motion, shall without doubt come to exist among human beings too.

Shloka 35 (uttara.30.35)

तत्रार्धं तस्य यः कर्ता त्वय्यर्धं निपतिष्यति। न च ते स्थावरं स्थानं भविष्यति न संशयः ॥ 30.35 ॥

tatrārdhaṃ tasya yaḥ kartā tvayyardhaṃ nipatiṣyati| na ca te sthāvaraṃ sthānaṃ bhaviṣyati na saṃśayaḥ || 30.35 ||

In that, whoever commits such an act shall bear half its guilt, and the other half shall fall upon you; and, without doubt, you shall have no fixed, lasting position.

Shloka 36 (uttara.30.36)

यश्च यश्च सुरेन्द्रः स्याद्ध्रुवः स न भविष्यति। एष शापो मया मुक्त इत्यसौ त्वां तदा ऽब्रवीत् ॥ 30.36 ॥

yaśca yaśca surendraḥ syāddhruvaḥ sa na bhaviṣyati| eṣa śāpo mayā mukta ityasau tvāṃ tadā 'bravīt || 30.36 ||

And whoever becomes lord of the gods in this way shall never be permanent in that office — this is the curse I have released upon you." Thus he spoke to you then.

Shloka 37 (uttara.30.37)

तां तु भार्यां स निर्भर्त्स्य सो ऽब्रवीत्सुमहातपाः। दुर्विनीते विनिध्वंस ममाश्रमसमीपतः ॥ 30.37 ॥

tāṃ tu bhāryāṃ sa nirbhartsya so 'bravītsumahātapāḥ| durvinīte vinidhvaṃsa mamāśramasamīpataḥ || 30.37 ||

Then, rebuking his own wife, that great ascetic said: "Depart, ill-behaved woman, away from the vicinity of my hermitage!

Shloka 38 (uttara.30.38)

रूपयौवनसम्पन्ना यस्मात्त्वमनवस्थिता। तस्माद्रूपवती लोके न त्वमेका भविष्यति ॥ 30.38 ॥

rūpayauvanasampannā yasmāttvamanavasthitā| tasmādrūpavatī loke na tvamekā bhaviṣyati || 30.38 ||

Since, endowed with beauty and youth, you proved yourself inconstant, therefore you alone shall no longer be the world's one beautiful woman.

Shloka 39 (uttara.30.39)

रूपं च ते प्रजाः सर्वा गमिष्यन्ति न संशयः। यत्तदेकं समाश्रित्य विभ्रमो ऽयमुपस्थितः ॥ 30.39 ॥

rūpaṃ ca te prajāḥ sarvā gamiṣyanti na saṃśayaḥ| yattadekaṃ samāśritya vibhramo 'yamupasthitaḥ || 30.39 ||

Your beauty shall without doubt pass on to all creatures — that very beauty, relying on which alone, this present downfall has come about.

Shloka 40 (uttara.30.40)

तदाप्रभृति भूयिष्ठं प्रजा रूपसमन्विताः। सा तं प्रसादयामास महर्षिं गौतमं तदा ॥ 30.40 ॥

tadāprabhṛti bhūyiṣṭhaṃ prajā rūpasamanvitāḥ| sā taṃ prasādayāmāsa maharṣiṃ gautamaṃ tadā || 30.40 ||

From that time on, creatures in great number came to possess beauty of their own. She then sought to appease that great sage Gautama —

Shloka 41 (uttara.30.41)

अज्ञानाद्धर्षिता विप्र त्वद्रूपेण दिवौकसा। न कामकाराद्विप्रर्षे प्रसादं कर्तुमर्हसि ॥ 30.41 ॥

ajñānāddharṣitā vipra tvadrūpeṇa divaukasā| na kāmakārādviprarṣe prasādaṃ kartumarhasi || 30.41 ||

"O brahmin, I was violated unknowingly, by a god who had taken your very form; it was not of my own desire — O sage among brahmins, you should be gracious to me."

Shloka 42 (uttara.30.42)

अहल्यया त्वेवमुक्तः प्रत्युवाच स गौतमः। उत्पत्स्यति महातेजा इक्ष्वाकूणां महारथः ॥ 30.42 ॥

ahalyayā tvevamuktaḥ pratyuvāca sa gautamaḥ| utpatsyati mahātejā ikṣvākūṇāṃ mahārathaḥ || 30.42 ||

Thus addressed by Ahalya, Gautama replied: "A greatly radiant one, a mighty warrior, shall be born in the line of the Ikshvakus.

Shloka 43 (uttara.30.43)

रामो नाम श्रुतो लोके वनं चाप्युपयास्यति। ब्राह्मणार्थे महाबाहुर्विष्णुर्मानुषविग्रहः। तं द्रक्ष्यसि यदा भद्रे ततः पूता भविष्यसि ॥ 30.43 ॥

rāmo nāma śruto loke vanaṃ cāpyupayāsyati| brāhmaṇārthe mahābāhurviṣṇurmānuṣavigrahaḥ| taṃ drakṣyasi yadā bhadre tataḥ pūtā bhaviṣyasi || 30.43 ||

Renowned in the world by the name Rama, he shall come even to the forest — mighty-armed Vishnu himself, in human form, for the sake of the brahmins. When you behold him, good lady, you shall then become purified.

Shloka 44 (uttara.30.44)

स हि पावयितुं शक्तस्त्वया यद्दुष्कृतं कृतम्। तस्यातिथ्यं च कृत्वा वै मत्समीपं गमिष्यसि ॥ 30.44 ॥

sa hi pāvayituṃ śaktastvayā yadduṣkṛtaṃ kṛtam| tasyātithyaṃ ca kṛtvā vai matsamīpaṃ gamiṣyasi || 30.44 ||

For he alone is able to purify that sin which was committed through you; and, having offered him hospitality, you shall then come to me.

Shloka 45 (uttara.30.45)

वत्स्यसि त्वं मया सार्धं तदा हि वरवर्णिनि। एवमुक्त्वा स विप्रर्षिराजगाम स्वमाश्रमम् ॥ 30.45 ॥

vatsyasi tvaṃ mayā sārdhaṃ tadā hi varavarṇini| evamuktvā sa viprarṣirājagāma svamāśramam || 30.45 ||

Then, O lovely one, you shall dwell together with me again." Having said this, that sage among brahmins returned to his own hermitage.

Shloka 46 (uttara.30.46)

तपश्चाचार सुमहत्सा पत्नी ब्रह्मवादिनः। शापोत्सर्गाद्धि तस्येदं मुनेः सर्वमुपस्थितम् ॥ 30.46 ॥

tapaścācāra sumahatsā patnī brahmavādinaḥ| śāpotsargāddhi tasyedaṃ muneḥ sarvamupasthitam || 30.46 ||

And that wife of the sage learned in the Vedas thereafter performed the greatest austerity — for all this had come to pass through the release of that sage's curse.

Shloka 47 (uttara.30.47)

तत्स्मर त्वं महाबाहो दुष्कृतं यत्त्वया कृतम्। तेन त्वं ग्रहणं शत्रोर्यातो नान्येन वासव ॥ 30.47 ॥

tatsmara tvaṃ mahābāho duṣkṛtaṃ yattvayā kṛtam| tena tvaṃ grahaṇaṃ śatroryāto nānyena vāsava || 30.47 ||

Remember then, O mighty-armed one, that misdeed which you committed; it was through that alone, O Vasava, and by no other cause, that you fell into the enemy's grasp.

Shloka 48 (uttara.30.48)

शीघ्रं वै यज यज्ञं त्वं वैष्णवं सुसमाहितः। पावितस्तेन यज्ञेन यास्यसे त्रिदिवं ततः ॥ 30.48 ॥

śīghraṃ vai yaja yajñaṃ tvaṃ vaiṣṇavaṃ susamāhitaḥ| pāvitastena yajñena yāsyase tridivaṃ tataḥ || 30.48 ||

Quickly now, with full concentration, perform the sacrifice to Vishnu; purified by that sacrifice, you shall then go on to heaven.

Shloka 49 (uttara.30.49)

पुत्रश्च तव देवेन्द्र न विनष्टो महारणे। नीतः सन्निहितश्चैव आर्यकेण महोदधौ ॥ 30.49 ॥

putraśca tava devendra na vinaṣṭo mahāraṇe| nītaḥ sannihitaścaiva āryakeṇa mahodadhau || 30.49 ||

And your son, O lord of the gods, was not destroyed in that great battle; he was taken away and kept safe by his grandfather in the great ocean.

Shloka 50 (uttara.30.50)

एतच्छ्रुत्वा महेन्द्रस्तु यज्ञमिष्ट्वा च वैष्णवम्। पुनस्त्रिदिवमाक्रामदन्वशासच्च देवराट् ॥ 30.50 ॥

etacchrutvā mahendrastu yajñamiṣṭvā ca vaiṣṇavam| punastridivamākrāmadanvaśāsacca devarāṭ || 30.50 ||

Hearing this, great Indra performed the Vaishnava sacrifice, and once again ascended to heaven, and, as king of the gods, ruled over them.

Shloka 51 (uttara.30.51)

एतदिन्द्रजितो नाम बलं यत्कीर्तितं मया। निर्जितस्तेन देवेन्द्रः प्राणिनो ऽन्ये तु किं पुनः ॥ 30.51 ॥

etadindrajito nāma balaṃ yatkīrtitaṃ mayā| nirjitastena devendraḥ prāṇino 'nye tu kiṃ punaḥ || 30.51 ||

This, then, is that might of Indrajit which I have recounted to you; by him even great Indra, lord of the gods, was vanquished — what then of other beings?

Shloka 52 (uttara.30.52)

आश्चर्यमिति रामश्च लक्ष्मणश्चाब्रवीत्तदा। अगस्त्यवचनं श्रुत्वा वानरा राक्षसास्तदा ॥ 30.52 ॥

āścaryamiti rāmaśca lakṣmaṇaścābravīttadā| agastyavacanaṃ śrutvā vānarā rākṣasāstadā || 30.52 ||

"How wondrous!" said Rama and Lakshmana at that; and, hearing Agastya's words, the monkeys and rakshasas too, then —

Shloka 53 (uttara.30.53)

विभीषणस्तु रामस्य पार्श्वस्थो वाक्यमब्रवीत्। आश्चर्यं स्मारितो ऽस्म्यद्य यत्तद्दृष्टं पुरातनम् ॥ 30.53 ॥

vibhīṣaṇastu rāmasya pārśvastho vākyamabravīt| āścaryaṃ smārito 'smyadya yattaddṛṣṭaṃ purātanam || 30.53 ||

Vibhishana too, standing beside Rama, spoke: "I am reminded today of a wonder which I myself witnessed long ago."

Shloka 54 (uttara.30.54)

अगस्त्यं त्वब्रवीद्रामः सत्यमेतच्छ्रुतं च मे ॥ 30.54 ॥

agastyaṃ tvabravīdrāmaḥ satyametacchrutaṃ ca me || 30.54 ||

But Rama said to Agastya: "This is true; and I too have heard of it."

Shloka 55 (uttara.30.55)

एवं राम समुद्भूतो रावणो लोककण्टकः। सपुत्रो येन सङ्ग्रामे जितः शक्रः सुरेश्वरः ॥ 30.55 ॥

evaṃ rāma samudbhūto rāvaṇo lokakaṇṭakaḥ| saputro yena saṅgrāme jitaḥ śakraḥ sureśvaraḥ || 30.55 ||

Thus, O Rama, was Ravana born, that thorn in the side of the world, by whom, together with his son, Shakra, lord of the gods, was conquered in battle.