The Slaying of Mali

Shloka 1 (uttara.7.1)

नारायणगिरिं ते तु गर्जन्तो राक्षसाम्बुदाः । ववर्षुः शरवर्षेण वर्षेणेवाद्रिमम्बुदाः ॥ 7.1 ॥

nārāyaṇagiriṃ te tu garjanto rākṣasāmbudāḥ | vavarṣuḥ śaravarṣeṇa varṣeṇevādrimambudāḥ || 7.1 ||

But those rakshasas, like thunderclouds, roaring, rained down a shower of arrows upon Narayana as upon a mountain, as clouds pour down rain.

Shloka 2 (uttara.7.2)

श्यामावदातस्तैर्विष्णुर्नीलैर्नक्तञ्चरोत्तमैः । वृतो ऽञ्जनगिरीवासीत् वर्षमाणैः पयोधरैः ॥ 7.2 ॥

śyāmāvadātastairviṣṇurnīlairnaktañcarottamaiḥ | vṛto 'ñjanagirīvāsīt varṣamāṇaiḥ payodharaiḥ || 7.2 ||

Vishnu, dark-hued and radiant, ringed about by those dark, foremost of night-rangers pouring down their shower, seemed like Mount Anjana encircled by rain-laden clouds.

Shloka 3 (uttara.7.3)

शलभा इव केदारं मशका इव पर्वतम् । यथामृतघटं दंशा मकरा इव चार्णवम् ॥ 7.3 ॥

śalabhā iva kedāraṃ maśakā iva parvatam | yathāmṛtaghaṭaṃ daṃśā makarā iva cārṇavam || 7.3 ||

As locusts swarm a rice-field, as gnats swarm a mountain, as flies swarm a jar of nectar, as sea-monsters throng the ocean,

Shloka 4 (uttara.7.4)

तथा रक्षोधनुर्मुक्ता वज्रानिलमनोजवाः । हरिं विशन्ति स्म शरा लोका इव विपर्यये ॥ 7.4 ॥

tathā rakṣodhanurmuktā vajrānilamanojavāḥ | hariṃ viśanti sma śarā lokā iva viparyaye || 7.4 ||

so, loosed from the rakshasas' bows, arrows swift as the thunderbolt, the wind, and thought, pierced into Hari, as the worlds rush together at the hour of dissolution.

Shloka 5 (uttara.7.5)

स्यन्दनैः स्यन्दनगता गजैश्च गजपृष्ठगाः । अश्वारोहास्तथाश्वैश्च पादाताश्चाम्बरे स्थिताः ॥ 7.5 ॥

syandanaiḥ syandanagatā gajaiśca gajapṛṣṭhagāḥ | aśvārohāstathāśvaiśca pādātāścāmbare sthitāḥ || 7.5 ||

There came those mounted in chariots on their chariots, those riding elephants on elephant-back, horsemen upon their horses, and foot-soldiers too, all ranged in the sky.

Shloka 6 (uttara.7.6)

राक्षसेन्द्रा गिरिनिभाः शरैः शक्त्यृष्टितोमरैः । निरुछ्वासं हरिं चक्रुः प्राणायामा इव द्विजम् ॥ 7.6 ॥

rākṣasendrā girinibhāḥ śaraiḥ śaktyṛṣṭitomaraiḥ | niruchvāsaṃ hariṃ cakruḥ prāṇāyāmā iva dvijam || 7.6 ||

The rakshasa lords, huge as mountains, with arrows, javelins, swords, and lances, left Hari as if breathless -- as one practicing breath-control leaves a brahmin holding his breath.

Shloka 7 (uttara.7.7)

निशाचरैस्ताड्यमानो मीनैरिव महोदधिः । शार्ङ्गमायम्य दुर्धर्षो राक्षसेभ्यो ऽसृजच्छरान् ॥ 7.7 ॥

niśācaraistāḍyamāno mīnairiva mahodadhiḥ | śārṅgamāyamya durdharṣo rākṣasebhyo 'sṛjaccharān || 7.7 ||

Struck by the night-rangers as the great ocean is churned by fish, the unassailable one drew his bow Sharnga and let fly arrows at the rakshasas.

Shloka 8 (uttara.7.8)

शरैः पूर्णायतोत्सृष्टैर्वज्रवक्त्रैर्मनोजवैः । चिच्छेद विष्णुर्निशितैः शतशो ऽथ सहस्रशः ॥ 7.8 ॥

śaraiḥ pūrṇāyatotsṛṣṭairvajravaktrairmanojavaiḥ | ciccheda viṣṇurniśitaiḥ śataśo 'tha sahasraśaḥ || 7.8 ||

With arrows loosed from his fully drawn bow, sharp, thunderbolt-tipped, and swift as thought, Vishnu cut them down by the hundreds and by the thousands.

Shloka 9 (uttara.7.9)

विद्राव्य शरवर्षेण वर्षा वायुरिवोत्थितम् । पाञ्चजन्यं महाशङ्खं प्रदध्मौ पुरुषोत्तमः ॥ 7.9 ॥

vidrāvya śaravarṣeṇa varṣā vāyurivotthitam | pāñcajanyaṃ mahāśaṅkhaṃ pradadhmau puruṣottamaḥ || 7.9 ||

Having scattered them with a rain of arrows, as a rising wind scatters the storm-clouds, the Supreme Person blew his great conch Panchajanya.

Shloka 10 (uttara.7.10)

सो ऽम्बुजो हरिणा ध्मातः सर्वप्राणेन शङ्खराट् । ररास भीमनिर्हादस्त्रैलोक्यं व्यथयन्निव ॥ 7.10 ॥

so 'mbujo hariṇā dhmātaḥ sarvaprāṇena śaṅkharāṭ | rarāsa bhīmanirhādastrailokyaṃ vyathayanniva || 7.10 ||

That water-born king of conches, blown by Hari with all his breath, roared out with a terrible blast, as though convulsing the three worlds.

Shloka 11 (uttara.7.11)

शङ्खराजरवः सो ऽथ त्रासयामास राक्षसान् । मृगराज इवारण्ये समदानिव कुञ्जरान् ॥ 7.11 ॥

śaṅkharājaravaḥ so 'tha trāsayāmāsa rākṣasān | mṛgarāja ivāraṇye samadāniva kuñjarān || 7.11 ||

That roar of the king of conches struck terror into the rakshasas, as a lion in the forest terrifies rutting elephants.

Shloka 12 (uttara.7.12)

न शेकुरश्वाः संस्थातुं विमदाः कुञ्जराभवन् । स्यन्दनेभ्यश्च्युता वीराः शङ्खरावितदुर्बलाः ॥ 7.12 ॥

na śekuraśvāḥ saṃsthātuṃ vimadāḥ kuñjarābhavan | syandanebhyaścyutā vīrāḥ śaṅkharāvitadurbalāḥ || 7.12 ||

The horses could not stand still, the elephants lost their frenzy, and the warriors, weakened by the conch's blast, fell from their chariots.

Shloka 13 (uttara.7.13)

शार्ङ्गचापविनिर्मुक्ता वज्रतुल्याननाः शराः । विदार्य तानि रक्षांसि सुपुङ्खा विविशुः क्षितिम् ॥ 7.13 ॥

śārṅgacāpavinirmuktā vajratulyānanāḥ śarāḥ | vidārya tāni rakṣāṃsi supuṅkhā viviśuḥ kṣitim || 7.13 ||

Arrows loosed from the bow Sharnga, thunderbolt-tipped and well-feathered, tore through those rakshasas and buried themselves in the earth.

Shloka 14 (uttara.7.14)

भिद्यमानाः शरैः सङ्ख्ये नारायणकरच्युतैः । निपेतू राक्षसा भूमौ शैला वज्रहता इव ॥ 7.14 ॥

bhidyamānāḥ śaraiḥ saṅkhye nārāyaṇakaracyutaiḥ | nipetū rākṣasā bhūmau śailā vajrahatā iva || 7.14 ||

Pierced in battle by the arrows loosed from Narayana's hand, the rakshasas fell to the ground like mountains struck down by the thunderbolt.

Shloka 15 (uttara.7.15)

व्रणानि परगात्रेभ्यो विष्णुचक्रकृतानि वै । असृक्क्षरन्ति धाराभिः स्वर्णधारा इवाचलाः ॥ 7.15 ॥

vraṇāni paragātrebhyo viṣṇucakrakṛtāni vai | asṛkkṣaranti dhārābhiḥ svarṇadhārā ivācalāḥ || 7.15 ||

From the enemies' bodies, the wounds cut by Vishnu's discus streamed with rivulets of blood, like mountains streaming with veins of gold.

Shloka 16 (uttara.7.16)

शङ्खराजरवश्चापि शार्ङ्गचापरस्वस्तथा । राक्षसानां रवांश्चापि ग्रसते वैष्णवो रवः ॥ 7.16 ॥

śaṅkharājaravaścāpi śārṅgacāparasvastathā | rākṣasānāṃ ravāṃścāpi grasate vaiṣṇavo ravaḥ || 7.16 ||

The blast of the king of conches, the twang of the bow Sharnga, and Vishnu's own battle-roar together drowned out the cries of the rakshasas.

Shloka 17 (uttara.7.17)

तेषां शिरोधरान्धूताञ्छरध्वजधनूंषि च । रथान्पताकास्तूणीरांश्चिच्छेद स हरिः शरैः ॥ 7.17 ॥

teṣāṃ śirodharāndhūtāñcharadhvajadhanūṃṣi ca | rathānpatākāstūṇīrāṃściccheda sa hariḥ śaraiḥ || 7.17 ||

Their tossing necks, their arrows, banners, and bows, their chariots, flags, and quivers -- all these Hari sliced through with his arrows.

Shloka 18 (uttara.7.18)

सूर्यादिव करा घोरा ऊर्मयः सागरादिव । पर्वतादिव नागेन्द्रा धारौघा इव चाम्बुदात् ॥ 7.18 ॥

sūryādiva karā ghorā ūrmayaḥ sāgarādiva | parvatādiva nāgendrā dhāraughā iva cāmbudāt || 7.18 ||

terrible, like fierce rays streaming from the sun, like waves from the sea, like great serpents pouring from a mountain, like torrents of rain streaming from a cloud,

Shloka 19 (uttara.7.19)

तथा शार्ङ्गविनिर्मुक्ताः शरा नारायणेरिताः । निर्धावन्तीषवस्तूर्णं शतशोथ सहस्रशः ॥ 7.19 ॥

tathā śārṅgavinirmuktāḥ śarā nārāyaṇeritāḥ | nirdhāvantīṣavastūrṇaṃ śataśotha sahasraśaḥ || 7.19 ||

so the arrows released from Sharnga, sped forth by Narayana, sped swiftly onward, hundreds upon hundreds, thousands upon thousands.

Shloka 20 (uttara.7.20)

शरभेण यथा सिंहाः सिंहेन द्विरदा यथा । द्विरदेन यथा व्याघ्रा व्याघ्रेण द्वीपिनो यथा ॥ 7.20 ॥

śarabheṇa yathā siṃhāḥ siṃhena dviradā yathā | dviradena yathā vyāghrā vyāghreṇa dvīpino yathā || 7.20 ||

As lions flee before the sharabha, as elephants flee before the lion, as tigers flee before the elephant, as leopards flee before the tiger,

Shloka 21 (uttara.7.21)

द्वीपिनेव यथा श्वानः शुना मार्जारका यथा । मार्जारेण यथा सर्पाः सर्पेण च यथा आखवः ॥ 7.21 ॥

dvīpineva yathā śvānaḥ śunā mārjārakā yathā | mārjāreṇa yathā sarpāḥ sarpeṇa ca yathā ākhavaḥ || 7.21 ||

as dogs flee before the leopard, as cats flee before the dog, as serpents flee before the cat, and as mice flee before the serpent --

Shloka 22 (uttara.7.22)

तथा ते राक्षसाः सर्वे विष्णुना प्रभविष्णुना । द्रवन्ति द्राविताश्चन्ये शायिताश्च महीतले ॥ 7.22 ॥

tathā te rākṣasāḥ sarve viṣṇunā prabhaviṣṇunā | dravanti drāvitāścanye śāyitāśca mahītale || 7.22 ||

so all those rakshasas fled before the mighty Vishnu; some were routed and fled, others lay stretched out upon the ground.

Shloka 23 (uttara.7.23)

राक्षसानां सहस्राणि निहत्य मधुसूदनः । वारिजं पूरयामास तोयदं सुरराडिव ॥ 7.23 ॥

rākṣasānāṃ sahasrāṇi nihatya madhusūdanaḥ | vārijaṃ pūrayāmāsa toyadaṃ surarāḍiva || 7.23 ||

Having slain thousands of rakshasas, Madhusudana filled the ocean with them, as the king of the gods fills a cloud.

Shloka 24 (uttara.7.24)

नारायणशरत्रस्तं शङ्खनादसुविह्वलम् । ययौ लङ्कामभिमुखं प्रभग्नं राक्षसं बलम् ॥ 7.24 ॥

nārāyaṇaśaratrastaṃ śaṅkhanādasuvihvalam | yayau laṅkāmabhimukhaṃ prabhagnaṃ rākṣasaṃ balam || 7.24 ||

Terrified by Narayana's arrows and utterly unnerved by the blast of the conch, the shattered rakshasa host fled towards Lanka.

Shloka 25 (uttara.7.25)

प्रभग्ने राक्षसबले नारायणशराहते । सुमाली शरवर्षेण निववार रणे हरिम् ॥ 7.25 ॥

prabhagne rākṣasabale nārāyaṇaśarāhate | sumālī śaravarṣeṇa nivavāra raṇe harim || 7.25 ||

When the rakshasa army, struck by Narayana's arrows, had broken, Sumali, with a shower of arrows, held Hari back in battle.

Shloka 26 (uttara.7.26)

स तु तं छादयामास नीहार इव भास्करम् । राक्षसाः सत्त्वसम्पन्नाः पुनर्धैर्यं समादधुः ॥ 7.26 ॥

sa tu taṃ chādayāmāsa nīhāra iva bhāskaram | rākṣasāḥ sattvasampannāḥ punardhairyaṃ samādadhuḥ || 7.26 ||

He blanketed him with arrows as mist blankets the sun; and the rakshasas, men of mettle, took heart once more.

Shloka 27 (uttara.7.27)

अथ सो ऽभ्यपतद्रोषाद्राक्षसो बलदर्पितः । महानादं प्रकुर्वाणो राक्षसाञ्जीवयन्निव ॥ 7.27 ॥

atha so 'bhyapatadroṣādrākṣaso baladarpitaḥ | mahānādaṃ prakurvāṇo rākṣasāñjīvayanniva || 7.27 ||

Then that rakshasa, proud of his might, charged forward in fury, letting out a mighty roar, as if breathing new life into the rakshasas.

Shloka 28 (uttara.7.28)

उत्क्षिप्य लम्बाभरणं धुन्वन्करमिव द्विपः । ररास राक्षसो हर्षात्सतडित्तोयदो यथा ॥ 7.28 ॥

utkṣipya lambābharaṇaṃ dhunvankaramiva dvipaḥ | rarāsa rākṣaso harṣātsataḍittoyado yathā || 7.28 ||

Raising his ornament-hung arm and brandishing it like an elephant's trunk, that rakshasa roared with delight, like a cloud crackling with lightning.

Shloka 29 (uttara.7.29)

सुमालेर्नर्दतस्तस्य शिरो ज्वलितकुण्डलम् । चिच्छेद यन्तुरश्वाश्च भ्रान्तास्तस्य तु रक्षसः ॥ 7.29 ॥

sumālernardatastasya śiro jvalitakuṇḍalam | ciccheda yanturaśvāśca bhrāntāstasya tu rakṣasaḥ || 7.29 ||

Vishnu cut off the earring-blazing head of the charioteer of that roaring Sumali; and that rakshasa's horses bolted in panic.

Shloka 30 (uttara.7.30)

तैरश्वैर्भ्राम्यते भ्रान्तैः सुमाली राक्षसेश्वरः । इन्द्रियाश्वैः परिभ्रान्तैर्धृतिहीनो यथा नरः ॥ 7.30 ॥

tairaśvairbhrāmyate bhrāntaiḥ sumālī rākṣaseśvaraḥ | indriyāśvaiḥ paribhrāntairdhṛtihīno yathā naraḥ || 7.30 ||

By those panicked, bolting horses, Sumali, lord of the rakshasas, was whirled about -- like a man without self-mastery, dragged about by the unruly horses of his own senses.

Shloka 31 (uttara.7.31)

ततो विष्णुं महाबाहुं प्रपतन्तं रणाजिरे । हृते सुमालेरश्वैश्च रथे विष्णुरथं प्रति ॥ 7.31 ॥

tato viṣṇuṃ mahābāhuṃ prapatantaṃ raṇājire | hṛte sumāleraśvaiśca rathe viṣṇurathaṃ prati || 7.31 ||

Then, as the mighty-armed Vishnu surged forward across the battlefield, and Sumali's chariot, with its horses, was swept toward Vishnu's own chariot,

Shloka 32 (uttara.7.32)

माली चाभ्यद्रवद्युक्तः प्रगृह्य सशरं धनुः । मालेर्धनुश्च्युता बाणाः कार्तस्वरविभूषिताः । विविशुर्हरिमासाद्य क्रौञ्चं पत्ररथा इव ॥ 7.32 ॥

mālī cābhyadravadyuktaḥ pragṛhya saśaraṃ dhanuḥ | mālerdhanuścyutā bāṇāḥ kārtasvaravibhūṣitāḥ | viviśurharimāsādya krauñcaṃ patrarathā iva || 7.32 ||

-- Mali, now harnessed to his chariot, charged forward, bow and arrows raised; the gold-adorned arrows loosed from Mali's bow struck and sank into Hari, like winged birds diving into Krauncha.

Shloka 33 (uttara.7.33)

अर्द्यमानः शरैः सो ऽथ मालिमुक्तैः सहस्रशः । चुक्षुभे न रणे विष्णुर्जितेन्द्रिय इवाधिभिः ॥ 7.33 ॥

ardyamānaḥ śaraiḥ so 'tha mālimuktaiḥ sahasraśaḥ | cukṣubhe na raṇe viṣṇurjitendriya ivādhibhiḥ || 7.33 ||

Though pierced by the thousands of arrows Mali loosed upon him, Vishnu remained unshaken in battle, like a man of mastered senses undisturbed by mental anguish.

Shloka 34 (uttara.7.34)

अथ मौर्वीस्वनं कृत्वा भगवान्भूतभावनः । मालिनं प्रति बाणौघान्ससर्जारिनिषूदनः ॥ 7.34 ॥

atha maurvīsvanaṃ kṛtvā bhagavānbhūtabhāvanaḥ | mālinaṃ prati bāṇaughānsasarjāriniṣūdanaḥ || 7.34 ||

Then, twanging his bowstring, the Blessed Lord, source of all beings and destroyer of foes, unleashed a flood of arrows upon Mali.

Shloka 35 (uttara.7.35)

ते मालिदेहमासाद्य वज्रविद्युत्प्रभाः शराः । पिबन्ति रुधिरं तस्य नागा इव सुधारसम् ॥ 7.35 ॥

te mālidehamāsādya vajravidyutprabhāḥ śarāḥ | pibanti rudhiraṃ tasya nāgā iva sudhārasam || 7.35 ||

Those arrows, blazing like the thunderbolt and lightning, reached Mali's body and drank his blood, as serpents drink the essence of nectar.

Shloka 36 (uttara.7.36)

मालिनं विमुखं कृत्वा शङ्खचक्रगदाधरः । मालिमौलिं ध्वजं चापं वाजिनश्चाप्यपातयत् ॥ 7.36 ॥

mālinaṃ vimukhaṃ kṛtvā śaṅkhacakragadādharaḥ | mālimauliṃ dhvajaṃ cāpaṃ vājinaścāpyapātayat || 7.36 ||

Having turned Mali back, the bearer of the conch, discus, and mace struck down his crown, his banner, his bow, and his horses too.

Shloka 37 (uttara.7.37)

विरथस्तु गदां गृह्य माली नक्तञ्चरोत्तमः । आपुप्लुवे गदापाणिर्गिर्यग्रादिव केसरी ॥ 7.37 ॥

virathastu gadāṃ gṛhya mālī naktañcarottamaḥ | āpupluve gadāpāṇirgiryagrādiva kesarī || 7.37 ||

Chariotless now, Mali, foremost of the night-rangers, seized a mace and, mace in hand, leapt forward like a lion springing from a mountain crag.

Shloka 38 (uttara.7.38)

गदया गरुडेशानमीशानमिव चान्तकः । ललाटदेशे ऽभ्यहनद्वज्रेणेन्द्रो यथा ऽचलम् ॥ 7.38 ॥

gadayā garuḍeśānamīśānamiva cāntakaḥ | lalāṭadeśe 'bhyahanadvajreṇendro yathā 'calam || 7.38 ||

With his mace he struck Garuda, lord of birds, as Death might strike at Ishana; he smote him upon the forehead, as Indra strikes a mountain with his thunderbolt.

Shloka 39 (uttara.7.39)

गदयाभिहतस्तेन मालिना गरुडो भृशम् । रणात्पराङ्मुखं देवं कृतवान्वेदनातुरः ॥ 7.39 ॥

gadayābhihatastena mālinā garuḍo bhṛśam | raṇātparāṅmukhaṃ devaṃ kṛtavānvedanāturaḥ || 7.39 ||

Struck fiercely by Mali's mace, Garuda, overwhelmed with pain, caused the god upon him to turn away from the battle.

Shloka 40 (uttara.7.40)

पराङ्मुखे कृते देवे मालिना गरुडेन वै । उदतिष्ठन्महाञ्छब्दो रक्षसामभिनर्दताम् ॥ 7.40 ॥

parāṅmukhe kṛte deve mālinā garuḍena vai | udatiṣṭhanmahāñchabdo rakṣasāmabhinardatām || 7.40 ||

When the god had thus been turned back -- through Garuda -- by Mali, a great uproar arose from the rakshasas, roaring in triumph.

Shloka 41 (uttara.7.41)

रक्षसां रवतां रावं श्रुत्वा हरिहयानुजः ॥ 7.41 ॥

rakṣasāṃ ravatāṃ rāvaṃ śrutvā harihayānujaḥ || 7.41 ||

Hearing the roar of the shouting rakshasas, Garuda, younger brother of the sun's charioteer,

Shloka 42 (uttara.7.42)

तिर्यगास्थाय सङ्क्रुद्धः पक्षीशे भगवान्हरिः । पराङ्मुखो ऽप्युत्ससर्ज मालेश्चक्रं जिघांसया ॥ 7.42 ॥

tiryagāsthāya saṅkruddhaḥ pakṣīśe bhagavānhariḥ | parāṅmukho 'pyutsasarja māleścakraṃ jighāṃsayā || 7.42 ||

-- in fury, the Blessed Hari, mounted upon the king of birds, wheeling athwart, though he faced away, hurled his discus at Mali, resolved to kill him.

Shloka 43 (uttara.7.43)

तत्सूर्यमण्डलाभासं स्वभासा भासयन्नभः । कालचक्रनिभं चक्रं मालेः शीर्षमपातयत् ॥ 7.43 ॥

tatsūryamaṇḍalābhāsaṃ svabhāsā bhāsayannabhaḥ | kālacakranibhaṃ cakraṃ māleḥ śīrṣamapātayat || 7.43 ||

That discus, radiant as the orb of the sun, lighting up the sky with its own splendor, resembling the wheel of Time itself, struck down Mali's head.

Shloka 44 (uttara.7.44)

तच्छिरो राक्षसेन्द्रस्य चक्रोत्कृत्तं बिभीषणम् । पपात रुधिरोद्गारि पुरा राहुशिरो यथा ॥ 7.44 ॥

tacchiro rākṣasendrasya cakrotkṛttaṃ bibhīṣaṇam | papāta rudhirodgāri purā rāhuśiro yathā || 7.44 ||

That terrible head of the rakshasa lord, severed by the discus, fell gushing blood, as once, long ago, fell the head of Rahu.

Shloka 45 (uttara.7.45)

ततः सुरैः संसहृष्टैः सर्वप्राणसमीरितः । सिंहनादरवोन्मुक्तः साधु देवेतिवादिभिः ॥ 7.45 ॥

tataḥ suraiḥ saṃsahṛṣṭaiḥ sarvaprāṇasamīritaḥ | siṃhanādaravonmuktaḥ sādhu devetivādibhiḥ || 7.45 ||

Then the gods, greatly rejoicing, let out with all their breath a roar like a lion's, crying 'Well done, O god!'

Shloka 46 (uttara.7.46)

मालिनं निहतं दृष्ट्वा सुमाली माल्यवानपि । सबलौ शोकसन्तप्तौ लङ्कामेव प्रधावितौ ॥ 7.46 ॥

mālinaṃ nihataṃ dṛṣṭvā sumālī mālyavānapi | sabalau śokasantaptau laṅkāmeva pradhāvitau || 7.46 ||

Seeing Mali slain, Sumali and Malyavan, both with their armies, stricken with grief, fled straight for Lanka.

Shloka 47 (uttara.7.47)

गरुडस्तु समाश्वस्तः सन्निवृत्य यथा पुरा । राक्षसान्द्रावयामास पक्षवातेन कोपितः ॥ 7.47 ॥

garuḍastu samāśvastaḥ sannivṛtya yathā purā | rākṣasāndrāvayāmāsa pakṣavātena kopitaḥ || 7.47 ||

But Garuda, having recovered and wheeled back as before, now enraged, scattered the rakshasas with the mere wind of his wings.

Shloka 48 (uttara.7.48)

चक्रकृत्तास्यकमला गदासञ्चूर्णितोरसः । लाङ्गलग्लपितग्रीवा मुसलैर्भिन्नमस्तकाः ॥ 7.48 ॥

cakrakṛttāsyakamalā gadāsañcūrṇitorasaḥ | lāṅgalaglapitagrīvā musalairbhinnamastakāḥ || 7.48 ||

their lotus-like faces severed by the discus, their chests crushed by maces, their necks broken by ploughshares, their heads split open by clubs --

Shloka 49 (uttara.7.49)

केचिच्चैवासिना छिन्नास्तथान्ये शरपीडिताः । निपेतुरम्बरात्तूर्णं राक्षसाः सागराम्भसि ॥ 7.49 ॥

keciccaivāsinā chinnāstathānye śarapīḍitāḥ | nipeturambarāttūrṇaṃ rākṣasāḥ sāgarāmbhasi || 7.49 ||

some cut down by the sword, others tormented by arrows -- the rakshasas fell swiftly from the sky into the waters of the sea.

Shloka 50 (uttara.7.50)

नारायणो बाणवराशनीभिर्विदारयामास धनुर्विमुक्तैः । नक्तञ्चरान्मुक्तविधूतकेशान्यथा ऽशनीभिः सतडिन्महाभ्राः ॥ 7.50 ॥

nārāyaṇo bāṇavarāśanībhirvidārayāmāsa dhanurvimuktaiḥ | naktañcarānmuktavidhūtakeśānyathā 'śanībhiḥ sataḍinmahābhrāḥ || 7.50 ||

Narayana tore through the night-rangers, their hair streaming loose, with excellent arrows like thunderbolts loosed from his bow -- as lightning-veined thunderbolts rend great clouds.

Shloka 51 (uttara.7.51)

भिन्नातपत्रं पतमानमस्त्रं शरैरपध्वस्तविनीतवेषम् । विनिस्सृतान्त्रं भयलोलनेत्रं बलं तदुन्मत्ततरं बभूव ॥ 7.51 ॥

bhinnātapatraṃ patamānamastraṃ śarairapadhvastavinītaveṣam | vinissṛtāntraṃ bhayalolanetraṃ balaṃ tadunmattataraṃ babhūva || 7.51 ||

Its parasols shattered, its weapons falling away, its once-disciplined ranks torn apart by arrows, its entrails spilling out, its eyes rolling in terror -- that army fell into utter frenzy.

Shloka 52 (uttara.7.52)

सिंहार्दितानामिव कुञ्जराणां निशाचराणां सह कुञ्जराणाम् । रवाश्च वेगाश्च समं बभूवुः पुराणसिंहेन विमर्दितानाम् ॥ 7.52 ॥

siṃhārditānāmiva kuñjarāṇāṃ niśācarāṇāṃ saha kuñjarāṇām | ravāśca vegāśca samaṃ babhūvuḥ purāṇasiṃhena vimarditānām || 7.52 ||

The cries and the headlong flight of the night-rangers, together with their elephants, matched those of elephants tormented by a lion -- as if crushed by that primeval lion himself.

Shloka 53 (uttara.7.53)

ते वार्यमाणा हरिबाणजालैः सबाणजालानि समुत्सृजन्तः । धावन्ति नक्तञ्चरकालमेघा वायुप्रभिन्ना इव कालमेघाः ॥ 7.53 ॥

te vāryamāṇā haribāṇajālaiḥ sabāṇajālāni samutsṛjantaḥ | dhāvanti naktañcarakālameghā vāyuprabhinnā iva kālameghāḥ || 7.53 ||

Held back by Hari's volleys of arrows, even as they loosed their own volleys, those night-rangers, dark as storm-clouds, went fleeing like storm-clouds scattered by the wind.

Shloka 54 (uttara.7.54)

चक्रपहारैर्विनिकृत्तशीर्षाः सञ्चूर्णिताङ्गाश्च गदाप्रहारैः । अभिप्रहारैर्द्विविधा विभिन्नाः पतन्ति शैला इव राक्षसेन्द्राः ॥ 7.54 ॥

cakrapahārairvinikṛttaśīrṣāḥ sañcūrṇitāṅgāśca gadāprahāraiḥ | abhiprahārairdvividhā vibhinnāḥ patanti śailā iva rākṣasendrāḥ || 7.54 ||

Their heads shorn away by strokes of the discus, their limbs crushed by blows of the mace, torn apart by these twofold strikes -- the rakshasa lords fell like mountains.

Shloka 55 (uttara.7.55)

विलम्बमानैर्मणिहारकुण्डलैर्निशाचरैर्नीलबलाहकोपमैः । निपात्यमानैर्ददृशे निरन्तरं निपात्यमानैरिव नीलपर्वतैः ॥ 7.55 ॥

vilambamānairmaṇihārakuṇḍalairniśācarairnīlabalāhakopamaiḥ | nipātyamānairdadṛśe nirantaraṃ nipātyamānairiva nīlaparvataiḥ || 7.55 ||

As the night-rangers -- dark as blue rain-clouds, their jeweled necklaces and earrings swinging -- were felled one after another without pause, it seemed as though dark-blue mountains were being toppled in an unbroken line.